੧. ਵਿਭਙ੍ਗਵਾਰੋ

ਹੇਤੁਪਚ੍ਚਯੋ

੫੧. ਸਞ੍ਞੋਜਨਸਮ੍ਪਯੁਤ੍ਤਂ ਧਮ੍ਮਂ ਪਚ੍ਚਯਾ ਸਞ੍ਞੋਜਨਸਮ੍ਪਯੁਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ (ਪਟਿਚ੍ਚਸਦਿਸਂ).

ਸਞ੍ਞੋਜਨਵਿਪ੍ਪਯੁਤ੍ਤਂ ਧਮ੍ਮਂ ਪਚ੍ਚਯਾ ਸਞ੍ਞੋਜਨਵਿਪ੍ਪਯੁਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ (ਯਾਵ ਪਟਿਸਨ੍ਧਿ), ਏਕਂ ਮਹਾਭੂਤਂ…ਪੇ… ਵਤ੍ਥੁਂ ਪਚ੍ਚਯਾ ਸਞ੍ਞੋਜਨਵਿਪ੍ਪਯੁਤ੍ਤਾ ਖਨ੍ਧਾ, ਵਤ੍ਥੁਂ ਪਚ੍ਚਯਾ ਉਦ੍ਧਚ੍ਚਸਹਗਤੋ ਮੋਹੋ. (੧)

ਸਞ੍ਞੋਜਨਵਿਪ੍ਪਯੁਤ੍ਤਂ ਧਮ੍ਮਂ ਪਚ੍ਚਯਾ ਸਞ੍ਞੋਜਨਸਮ੍ਪਯੁਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਵਤ੍ਥੁਂ ਪਚ੍ਚਯਾ ਸਞ੍ਞੋਜਨਸਮ੍ਪਯੁਤ੍ਤਕਾ ਖਨ੍ਧਾ, ਉਦ੍ਧਚ੍ਚਸਹਗਤਂ ਮੋਹਂ ਪਚ੍ਚਯਾ ਸਮ੍ਪਯੁਤ੍ਤਕਾ ਖਨ੍ਧਾ. (੨)

ਸਞ੍ਞੋਜਨਵਿਪ੍ਪਯੁਤ੍ਤਂ ਧਮ੍ਮਂ ਪਚ੍ਚਯਾ ਸਞ੍ਞੋਜਨਸਮ੍ਪਯੁਤ੍ਤੋ ਚ ਸਞ੍ਞੋਜਨਵਿਪ੍ਪਯੁਤ੍ਤੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ – ਵਤ੍ਥੁਂ ਪਚ੍ਚਯਾ ਸਞ੍ਞੋਜਨਸਮ੍ਪਯੁਤ੍ਤਕਾ ਖਨ੍ਧਾ, ਮਹਾਭੂਤੇ ਪਚ੍ਚਯਾ ਚਿਤ੍ਤਸਮੁਟ੍ਠਾਨਂ ਰੂਪਂ, ਉਦ੍ਧਚ੍ਚਸਹਗਤਂ ਮੋਹਂ ਪਚ੍ਚਯਾ ਸਮ੍ਪਯੁਤ੍ਤਕਾ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ. (੩)

੫੨. ਸਞ੍ਞੋਜਨਸਮ੍ਪਯੁਤ੍ਤਞ੍ਚ ਸਞ੍ਞੋਜਨਵਿਪ੍ਪਯੁਤ੍ਤਞ੍ਚ ਧਮ੍ਮਂ ਪਚ੍ਚਯਾ ਸਞ੍ਞੋਜਨਸਮ੍ਪਯੁਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਸਞ੍ਞੋਜਨਸਮ੍ਪਯੁਤ੍ਤਂ ਏਕਂ ਖਨ੍ਧਞ੍ਚ ਵਤ੍ਥੁਞ੍ਚ ਪਚ੍ਚਯਾ ਤਯੋ ਖਨ੍ਧਾ …ਪੇ… ਦ੍ਵੇ ਖਨ੍ਧੇ…ਪੇ… ਉਦ੍ਧਚ੍ਚਸਹਗਤਂ ਏਕਂ ਖਨ੍ਧਞ੍ਚ ਮੋਹਞ੍ਚ ਪਚ੍ਚਯਾ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ…ਪੇ…. (੧)

ਸਞ੍ਞੋਜਨਸਮ੍ਪਯੁਤ੍ਤਞ੍ਚ ਸਞ੍ਞੋਜਨਵਿਪ੍ਪਯੁਤ੍ਤਞ੍ਚ ਧਮ੍ਮਂ ਪਚ੍ਚਯਾ ਸਞ੍ਞੋਜਨਵਿਪ੍ਪਯੁਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਸਞ੍ਞੋਜਨਸਮ੍ਪਯੁਤ੍ਤੇ ਖਨ੍ਧੇ ਚ ਮਹਾਭੂਤੇ ਚ ਪਚ੍ਚਯਾ ਚਿਤ੍ਤਸਮੁਟ੍ਠਾਨਂ ਰੂਪਂ, ਉਦ੍ਧਚ੍ਚਸਹਗਤੇ ਖਨ੍ਧੇ ਚ ਮੋਹਞ੍ਚ ਪਚ੍ਚਯਾ ਚਿਤ੍ਤਸਮੁਟ੍ਠਾਨਂ ਰੂਪਂ. (੨)

ਸਞ੍ਞੋਜਨਸਮ੍ਪਯੁਤ੍ਤਞ੍ਚ ਸਞ੍ਞੋਜਨਵਿਪ੍ਪਯੁਤ੍ਤਞ੍ਚ ਧਮ੍ਮਂ ਪਚ੍ਚਯਾ ਸਞ੍ਞੋਜਨਸਮ੍ਪਯੁਤ੍ਤੋ ਚ ਸਞ੍ਞੋਜਨਵਿਪ੍ਪਯੁਤ੍ਤੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ – ਸਞ੍ਞੋਜਨਸਮ੍ਪਯੁਤ੍ਤਂ ਏਕਂ ਖਨ੍ਧਞ੍ਚ ਵਤ੍ਥੁਞ੍ਚ ਪਚ੍ਚਯਾ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ…ਪੇ… ਸਞ੍ਞੋਜਨਸਮ੍ਪਯੁਤ੍ਤੇ ਖਨ੍ਧੇ ਚ ਮਹਾਭੂਤੇ ਚ ਪਚ੍ਚਯਾ ਚਿਤ੍ਤਸਮੁਟ੍ਠਾਨਂ ਰੂਪਂ, ਉਦ੍ਧਚ੍ਚਸਹਗਤਂ ਏਕਂ ਖਨ੍ਧਞ੍ਚ ਮੋਹਞ੍ਚ ਪਚ੍ਚਯਾ ਤਯੋ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ…ਪੇ…. (੩)

ਆਰਮ੍ਮਣਪਚ੍ਚਯੋ

੫੩. ਸਞ੍ਞੋਜਨਸਮ੍ਪਯੁਤ੍ਤਂ ਧਮ੍ਮਂ ਪਚ੍ਚਯਾ ਸਞ੍ਞੋਜਨਸਮ੍ਪਯੁਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਆਰਮ੍ਮਣਪਚ੍ਚਯਾ… ਤੀਣਿ (ਪਟਿਚ੍ਚਸਦਿਸਾ).

ਸਞ੍ਞੋਜਨਵਿਪ੍ਪਯੁਤ੍ਤਂ ਧਮ੍ਮਂ ਪਚ੍ਚਯਾ ਸਞ੍ਞੋਜਨਵਿਪ੍ਪਯੁਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਆਰਮ੍ਮਣਪਚ੍ਚਯਾ (ਯਾਵ ਪਟਿਸਨ੍ਧਿ), ਵਤ੍ਥੁਂ ਪਚ੍ਚਯਾ ਸਞ੍ਞੋਜਨਵਿਪ੍ਪਯੁਤ੍ਤਾ ਖਨ੍ਧਾ, ਚਕ੍ਖਾਯਤਨਂ ਪਚ੍ਚਯਾ ਚਕ੍ਖੁਵਿਞ੍ਞਾਣਂ…ਪੇ… ਕਾਯਾਯਤਨਂ ਪਚ੍ਚਯਾ ਕਾਯਵਿਞ੍ਞਾਣਂ, ਵਤ੍ਥੁਂ ਪਚ੍ਚਯਾ ਸਞ੍ਞੋਜਨਵਿਪ੍ਪਯੁਤ੍ਤਾ ਖਨ੍ਧਾ, ਵਤ੍ਥੁਂ ਪਚ੍ਚਯਾ ਉਦ੍ਧਚ੍ਚਸਹਗਤੋ ਮੋਹੋ. (੧)

ਸਞ੍ਞੋਜਨਵਿਪ੍ਪਯੁਤ੍ਤਂ ਧਮ੍ਮਂ ਪਚ੍ਚਯਾ ਸਞ੍ਞੋਜਨਸਮ੍ਪਯੁਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਆਰਮ੍ਮਣਪਚ੍ਚਯਾ – ਵਤ੍ਥੁਂ ਪਚ੍ਚਯਾ ਸਞ੍ਞੋਜਨਸਮ੍ਪਯੁਤ੍ਤਕਾ ਖਨ੍ਧਾ, ਉਦ੍ਧਚ੍ਚਸਹਗਤਂ ਮੋਹਂ ਪਚ੍ਚਯਾ ਸਮ੍ਪਯੁਤ੍ਤਕਾ ਖਨ੍ਧਾ. (੨)

ਸਞ੍ਞੋਜਨਵਿਪ੍ਪਯੁਤ੍ਤਂ ਧਮ੍ਮਂ ਪਚ੍ਚਯਾ ਸਞ੍ਞੋਜਨਸਮ੍ਪਯੁਤ੍ਤੋ ਚ ਸਞ੍ਞੋਜਨਵਿਪ੍ਪਯੁਤ੍ਤੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਆਰਮ੍ਮਣਪਚ੍ਚਯਾ – ਵਤ੍ਥੁਂ ਪਚ੍ਚਯਾ ਉਦ੍ਧਚ੍ਚਸਹਗਤਾ ਖਨ੍ਧਾ ਚ ਮੋਹੋ ਚ. (੩)

੫੪. ਸਞ੍ਞੋਜਨਸਮ੍ਪਯੁਤ੍ਤਞ੍ਚ ਸਞ੍ਞੋਜਨਵਿਪ੍ਪਯੁਤ੍ਤਞ੍ਚ ਧਮ੍ਮਂ ਪਚ੍ਚਯਾ ਸਞ੍ਞੋਜਨਸਮ੍ਪਯੁਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਆਰਮ੍ਮਣਪਚ੍ਚਯਾ – ਸਞ੍ਞੋਜਨਸਮ੍ਪਯੁਤ੍ਤਂ ਏਕਂ ਖਨ੍ਧਞ੍ਚ ਵਤ੍ਥੁਞ੍ਚ ਪਚ੍ਚਯਾ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ…ਪੇ… ਉਦ੍ਧਚ੍ਚਸਹਗਤਂ ਏਕਂ ਖਨ੍ਧਞ੍ਚ ਮੋਹਞ੍ਚ ਪਚ੍ਚਯਾ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ…ਪੇ…. (੧)

ਸਞ੍ਞੋਜਨਸਮ੍ਪਯੁਤ੍ਤਞ੍ਚ ਸਞ੍ਞੋਜਨਵਿਪ੍ਪਯੁਤ੍ਤਞ੍ਚ ਧਮ੍ਮਂ ਪਚ੍ਚਯਾ ਸਞ੍ਞੋਜਨਵਿਪ੍ਪਯੁਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਆਰਮ੍ਮਣਪਚ੍ਚਯਾ – ਉਦ੍ਧਚ੍ਚਸਹਗਤੇ ਖਨ੍ਧੇ ਚ ਵਤ੍ਥੁਞ੍ਚ ਪਚ੍ਚਯਾ ਉਦ੍ਧਚ੍ਚਸਹਗਤੋ ਮੋਹੋ. (੨)

ਸਞ੍ਞੋਜਨਸਮ੍ਪਯੁਤ੍ਤਞ੍ਚ ਸਞ੍ਞੋਜਨਵਿਪ੍ਪਯੁਤ੍ਤਞ੍ਚ ਧਮ੍ਮਂ ਪਚ੍ਚਯਾ ਸਞ੍ਞੋਜਨਸਮ੍ਪਯੁਤ੍ਤੋ ਚ ਸਞ੍ਞੋਜਨਵਿਪ੍ਪਯੁਤ੍ਤੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਆਰਮ੍ਮਣਪਚ੍ਚਯਾ – ਉਦ੍ਧਚ੍ਚਸਹਗਤਂ ਏਕਂ ਖਨ੍ਧਞ੍ਚ ਵਤ੍ਥੁਞ੍ਚ ਪਚ੍ਚਯਾ ਤਯੋ ਖਨ੍ਧਾ ਮੋਹੋ ਚ…ਪੇ… ਦ੍ਵੇ ਖਨ੍ਧੇ…ਪੇ…. (੩)

ਅਧਿਪਤਿਪਚ੍ਚਯਾਦਿ

੫੫. ਸਞ੍ਞੋਜਨਸਮ੍ਪਯੁਤ੍ਤਂ ਧਮ੍ਮਂ ਪਚ੍ਚਯਾ ਸਞ੍ਞੋਜਨਸਮ੍ਪਯੁਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਅਧਿਪਤਿਪਚ੍ਚਯਾ…ਪੇ… ਅਵਿਗਤਪਚ੍ਚਯਾ…ਪੇ….