੧. ਵਿਭਙ੍ਗਵਾਰੋ

ਹੇਤੁਪਚ੍ਚਯੋ

੧. ਸਞ੍ਞੋਜਨਂ ਧਮ੍ਮਂ ਪਟਿਚ੍ਚ ਸਞ੍ਞੋਜਨੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਕਾਮਰਾਗਸਞ੍ਞੋਜਨਂ ਪਟਿਚ੍ਚ ਦਿਟ੍ਠਿਸਞ੍ਞੋਜਨਂ ਅਵਿਜ੍ਜਾਸਞ੍ਞੋਜਨਂ, ਕਾਮਰਾਗਸਞ੍ਞੋਜਨਂ ਪਟਿਚ੍ਚ ਸੀਲਬ੍ਬਤਪਰਾਮਾਸਸਞ੍ਞੋਜਨਂ ਅਵਿਜ੍ਜਾਸਞ੍ਞੋਜਨਂ, ਕਾਮਰਾਗਸਞ੍ਞੋਜਨਂ ਪਟਿਚ੍ਚ ਮਾਨਸਞ੍ਞੋਜਨਂ ਅਵਿਜ੍ਜਾਸਞ੍ਞੋਜਨਂ, ਕਾਮਰਾਗਸਞ੍ਞੋਜਨਂ ਪਟਿਚ੍ਚ ਅਵਿਜ੍ਜਾਸਞ੍ਞੋਜਨਂ, ਪਟਿਘਸਞ੍ਞੋਜਨਂ ਪਟਿਚ੍ਚ ਇਸ੍ਸਾਸਞ੍ਞੋਜਨਂ ਅਵਿਜ੍ਜਾਸਞ੍ਞੋਜਨਂ, ਪਟਿਘਸਞ੍ਞੋਜਨਂ ਪਟਿਚ੍ਚ ਮਚ੍ਛਰਿਯਸਞ੍ਞੋਜਨਂ ਅਵਿਜ੍ਜਾਸਞ੍ਞੋਜਨਂ, ਪਟਿਘਸਞ੍ਞੋਜਨਂ ਪਟਿਚ੍ਚ ਅਵਿਜ੍ਜਾਸਞ੍ਞੋਜਨਂ, ਮਾਨਸਞ੍ਞੋਜਨਂ ਪਟਿਚ੍ਚ ਭਵਰਾਗਸਞ੍ਞੋਜਨਂ ਅਵਿਜ੍ਜਾਸਞ੍ਞੋਜਨਂ, ਭਵਰਾਗਸਞ੍ਞੋਜਨਂ ਪਟਿਚ੍ਚ ਅਵਿਜ੍ਜਾਸਞ੍ਞੋਜਨਂ, ਵਿਚਿਕਿਚ੍ਛਾਸਞ੍ਞੋਜਨਂ ਪਟਿਚ੍ਚ ਅਵਿਜ੍ਜਾਸਞ੍ਞੋਜਨਂ. (੧)

ਸਞ੍ਞੋਜਨਂ ਧਮ੍ਮਂ ਪਟਿਚ੍ਚ ਨੋਸਞ੍ਞੋਜਨੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਸਞ੍ਞੋਜਨੇ ਪਟਿਚ੍ਚ ਸਮ੍ਪਯੁਤ੍ਤਕਾ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ. (੨)

ਸਞ੍ਞੋਜਨਂ ਧਮ੍ਮਂ ਪਟਿਚ੍ਚ ਸਞ੍ਞੋਜਨੋ ਚ ਨੋਸਞ੍ਞੋਜਨੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ – ਕਾਮਰਾਗਸਞ੍ਞੋਜਨਂ ਪਟਿਚ੍ਚ ਦਿਟ੍ਠਿਸਞ੍ਞੋਜਨਂ ਅਵਿਜ੍ਜਾਸਞ੍ਞੋਜਨਂ ਸਮ੍ਪਯੁਤ੍ਤਕਾ ਚ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ (ਚਕ੍ਕਂ ਬਨ੍ਧਿਤਬ੍ਬਂ). (੩)

੨. ਨੋਸਞ੍ਞੋਜਨਂ ਧਮ੍ਮਂ ਪਟਿਚ੍ਚ ਨੋਸਞ੍ਞੋਜਨੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਨੋਸਞ੍ਞੋਜਨਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ…ਪੇ… ਪਟਿਸਨ੍ਧਿਕ੍ਖਣੇ…ਪੇ… ਖਨ੍ਧੇ ਪਟਿਚ੍ਚ ਵਤ੍ਥੁ, ਵਤ੍ਥੁਂ ਪਟਿਚ੍ਚ ਖਨ੍ਧਾ, ਏਕਂ ਮਹਾਭੂਤਂ…ਪੇ… ਮਹਾਭੂਤੇ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ ਕਟਤ੍ਤਾਰੂਪਂ ਉਪਾਦਾਰੂਪਂ. (੧)

ਨੋਸਞ੍ਞੋਜਨਂ ਧਮ੍ਮਂ ਪਟਿਚ੍ਚ ਸਞ੍ਞੋਜਨੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਨੋਸਞ੍ਞੋਜਨੇ ਖਨ੍ਧੇ ਪਟਿਚ੍ਚ ਸਞ੍ਞੋਜਨਾ. (੨)

ਨੋਸਞ੍ਞੋਜਨਂ ਧਮ੍ਮਂ ਪਟਿਚ੍ਚ ਸਞ੍ਞੋਜਨੋ ਚ ਨੋਸਞ੍ਞੋਜਨੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ – ਨੋਸਞ੍ਞੋਜਨਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ ਸਞ੍ਞੋਜਨਾ ਚ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ…ਪੇ…. (੩)

੩. ਸਞ੍ਞੋਜਨਞ੍ਚ ਨੋਸਞ੍ਞੋਜਨਞ੍ਚ ਧਮ੍ਮਂ ਪਟਿਚ੍ਚ ਸਞ੍ਞੋਜਨੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਕਾਮਰਾਗਸਞ੍ਞੋਜਨਞ੍ਚ ਸਮ੍ਪਯੁਤ੍ਤਕੇ ਚ ਖਨ੍ਧੇ ਪਟਿਚ੍ਚ ਦਿਟ੍ਠਿਸਞ੍ਞੋਜਨਂ ਅਵਿਜ੍ਜਾਸਞ੍ਞੋਜਨਂ (ਚਕ੍ਕਂ ਬਨ੍ਧਿਤਬ੍ਬਂ). (੧)

ਸਞ੍ਞੋਜਨਞ੍ਚ ਨੋਸਞ੍ਞੋਜਨਞ੍ਚ ਧਮ੍ਮਂ ਪਟਿਚ੍ਚ ਨੋਸਞ੍ਞੋਜਨੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਨੋਸਞ੍ਞੋਜਨਂ ਏਕਂ ਖਨ੍ਧਞ੍ਚ ਸਞ੍ਞੋਜਨੇ ਚ ਪਟਿਚ੍ਚ ਤਯੋ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ ਚ…ਪੇ…. (੨)

ਸਞ੍ਞੋਜਨਞ੍ਚ ਨੋਸਞ੍ਞੋਜਨਞ੍ਚ ਧਮ੍ਮਂ ਪਟਿਚ੍ਚ ਸਞ੍ਞੋਜਨੋ ਚ ਨੋਸਞ੍ਞੋਜਨੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ – ਨੋਸਞ੍ਞੋਜਨਂ ਏਕਂ ਖਨ੍ਧਞ੍ਚ ਕਾਮਰਾਗਸਞ੍ਞੋਜਨਞ੍ਚ ਪਟਿਚ੍ਚ ਤਯੋ ਖਨ੍ਧਾ ਦਿਟ੍ਠਿਸਞ੍ਞੋਜਨਂ ਅਵਿਜ੍ਜਾਸਞ੍ਞੋਜਨਂ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… (ਚਕ੍ਕਂ ਬਨ੍ਧਿਤਬ੍ਬਂ). (੩)

(ਆਰਮ੍ਮਣਪਚ੍ਚਯੇ ਰੂਪਂ ਨਤ੍ਥਿ. ਅਧਿਪਤਿਪਚ੍ਚਯੋ ਹੇਤੁਸਦਿਸੋ, ਵਿਚਿਕਿਚ੍ਛਾਸਞ੍ਞੋਜਨਂ ਨਤ੍ਥਿ.) ਅਨਨ੍ਤਰਪਚ੍ਚਯਾ…ਪੇ… ਅਵਿਗਤਪਚ੍ਚਯਾ.