੧. ਵਿਭਙ੍ਗਵਾਰੋ

ਹੇਤੁਪਚ੍ਚਯੋ

੧੦. ਆਸਵਂ ਧਮ੍ਮਂ ਪਚ੍ਚਯਾ ਆਸਵੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ (ਆਸਵਮੂਲਕਂ ਤੀਣਿ, ਪਟਿਚ੍ਚਸਦਿਸਾ).

ਨੋਆਸਵਂ ਧਮ੍ਮਂ ਪਚ੍ਚਯਾ ਨੋਆਸਵੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਨੋਆਸਵਂ ਏਕਂ ਖਨ੍ਧਂ ਪਚ੍ਚਯਾ ਤਯੋ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ…ਪੇ… ਪਟਿਸਨ੍ਧਿਕ੍ਖਣੇ…ਪੇ… ਖਨ੍ਧੇ ਪਚ੍ਚਯਾ ਵਤ੍ਥੁ, ਵਤ੍ਥੁਂ ਪਚ੍ਚਯਾ ਖਨ੍ਧਾ, ਮਹਾਭੂਤੇ ਪਚ੍ਚਯਾ ਚਿਤ੍ਤਸਮੁਟ੍ਠਾਨਂ ਰੂਪਂ ਕਟਤ੍ਤਾਰੂਪਂ ਉਪਾਦਾਰੂਪਂ, ਵਤ੍ਥੁਂ ਪਚ੍ਚਯਾ ਨੋਆਸਵਾ ਖਨ੍ਧਾ. (੧)

ਨੋਆਸਵਂ ਧਮ੍ਮਂ ਪਚ੍ਚਯਾ ਆਸਵੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਨੋਆਸਵੇ ਖਨ੍ਧੇ ਪਚ੍ਚਯਾ ਆਸਵਾ, ਵਤ੍ਥੁਂ ਪਚ੍ਚਯਾ ਆਸਵਾ. (੨)

ਨੋਆਸਵਂ ਧਮ੍ਮਂ ਪਚ੍ਚਯਾ ਆਸਵੋ ਚ ਨੋਆਸਵੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ – ਨੋਆਸਵਂ ਏਕਂ ਖਨ੍ਧਂ ਪਚ੍ਚਯਾ ਤਯੋ ਖਨ੍ਧਾ ਆਸਵਾ ਚ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ…ਪੇ… ਵਤ੍ਥੁਂ ਪਚ੍ਚਯਾ ਆਸਵਾ ਸਮ੍ਪਯੁਤ੍ਤਕਾ ਚ ਖਨ੍ਧਾ. (੩)

੧੧. ਆਸਵਞ੍ਚ ਨੋਆਸਵਞ੍ਚ ਧਮ੍ਮਂ ਪਚ੍ਚਯਾ ਆਸਵੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਕਾਮਾਸਵਞ੍ਚ ਸਮ੍ਪਯੁਤ੍ਤਕੇ ਚ ਖਨ੍ਧੇ ਪਚ੍ਚਯਾ ਦਿਟ੍ਠਾਸਵੋ ਅਵਿਜ੍ਜਾਸਵੋ (ਚਕ੍ਕਂ). ਕਾਮਾਸਵਞ੍ਚ ਵਤ੍ਥੁਞ੍ਚ ਪਚ੍ਚਯਾ ਦਿਟ੍ਠਾਸਵੋ ਅਵਿਜ੍ਜਾਸਵੋ (ਚਕ੍ਕਂ). (੧)

ਆਸਵਞ੍ਚ ਨੋਆਸਵਞ੍ਚ ਧਮ੍ਮਂ ਪਚ੍ਚਯਾ ਨੋਆਸਵੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਨੋਆਸਵਂ ਏਕਂ ਖਨ੍ਧਞ੍ਚ ਆਸਵੇ ਚ ਪਚ੍ਚਯਾ ਤਯੋ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ…ਪੇ… ਆਸਵਞ੍ਚ ਵਤ੍ਥੁਞ੍ਚ ਪਚ੍ਚਯਾ ਨੋਆਸਵਾ ਖਨ੍ਧਾ. (੨)

ਆਸਵਞ੍ਚ ਨੋਆਸਵਞ੍ਚ ਧਮ੍ਮਂ ਪਚ੍ਚਯਾ ਆਸਵੋ ਚ ਨੋਆਸਵੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ – ਨੋਆਸਵਂ ਏਕਂ ਖਨ੍ਧਞ੍ਚ ਕਾਮਾਸਵਞ੍ਚ ਪਚ੍ਚਯਾ ਤਯੋ ਖਨ੍ਧਾ ਦਿਟ੍ਠਾਸਵੋ ਅਵਿਜ੍ਜਾਸਵੋ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ…ਪੇ… (ਚਕ੍ਕਂ). ਕਾਮਾਸਵਞ੍ਚ ਵਤ੍ਥੁਞ੍ਚ ਪਚ੍ਚਯਾ ਦਿਟ੍ਠਾਸਵੋ ਅਵਿਜ੍ਜਾਸਵੋ ਸਮ੍ਪਯੁਤ੍ਤਕਾ ਚ ਖਨ੍ਧਾ (ਚਕ੍ਕਂ. ਸਂਖਿਤ੍ਤਂ). (੩)