੧. ਵਿਭਙ੍ਗਵਾਰੋ

ਨਹੇਤੁਪਚ੍ਚਯੋ

੬੦. ਸਪ੍ਪਟਿਘਂ ਧਮ੍ਮਂ ਪਟਿਚ੍ਚ ਸਪ੍ਪਟਿਘੋ ਧਮ੍ਮੋ ਉਪ੍ਪਜ੍ਜਤਿ ਨਹੇਤੁਪਚ੍ਚਯਾ… ਤੀਣਿ.

ਅਪ੍ਪਟਿਘਂ ਧਮ੍ਮਂ ਪਟਿਚ੍ਚ ਅਪ੍ਪਟਿਘੋ ਧਮ੍ਮੋ ਉਪ੍ਪਜ੍ਜਤਿ ਨਹੇਤੁਪਚ੍ਚਯਾ – ਅਹੇਤੁਕਂ ਅਪ੍ਪਟਿਘਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ ਅਪ੍ਪਟਿਘਂ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ…ਪੇ… ਅਹੇਤੁਕਪਟਿਸਨ੍ਧਿਕ੍ਖਣੇ…ਪੇ… ਖਨ੍ਧੇ ਪਟਿਚ੍ਚ ਵਤ੍ਥੁ, ਵਤ੍ਥੁਂ ਪਟਿਚ੍ਚ ਖਨ੍ਧਾ, ਆਪੋਧਾਤੁਂ ਪਟਿਚ੍ਚ ਅਪ੍ਪਟਿਘਂ ਚਿਤ੍ਤਸਮੁਟ੍ਠਾਨਂ ਰੂਪਂ, ਕਟਤ੍ਤਾਰੂਪਂ, ਉਪਾਦਾਰੂਪਂ, ਆਪੋਧਾਤੁਂ ਪਟਿਚ੍ਚ ਇਤ੍ਥਿਨ੍ਦ੍ਰਿਯਂ…ਪੇ… ਕਬਲ਼ੀਕਾਰੋ ਆਹਾਰੋ… ਬਾਹਿਰਂ… ਆਹਾਰਸਮੁਟ੍ਠਾਨਂ… ਉਤੁਸਮੁਟ੍ਠਾਨਂ… ਅਸਞ੍ਞਸਤ੍ਤਾਨਂ… ਆਪੋਧਾਤੁਂ ਪਟਿਚ੍ਚ ਅਪ੍ਪਟਿਘਂ ਕਟਤ੍ਤਾਰੂਪਂ ਉਪਾਦਾਰੂਪਂ; ਵਿਚਿਕਿਚ੍ਛਾਸਹਗਤੇ ਉਦ੍ਧਚ੍ਚਸਹਗਤੇ ਖਨ੍ਧੇ ਪਟਿਚ੍ਚ ਵਿਚਿਕਿਚ੍ਛਾਸਹਗਤੋ ਉਦ੍ਧਚ੍ਚਸਹਗਤੋ ਮੋਹੋ. (੧)

(ਅਪ੍ਪਟਿਘਮੂਲਕਂ ਇਤਰੇਪਿ ਦ੍ਵੇ ਪਞ੍ਹਾ ਕਾਤਬ੍ਬਾ. ਘਟਨੇਪਿ ਤੀਣਿ ਪਞ੍ਹਾ ਕਾਤਬ੍ਬਾ. ਅਜ੍ਝਤ੍ਤਿਕਾ ਬਾਹਿਰਾ ਮਹਾਭੂਤਾ ਸਬ੍ਬੇ ਜਾਨਿਤ੍ਵਾ ਕਾਤਬ੍ਬਾ.)

ਨਆਰਮ੍ਮਣਪਚ੍ਚਯਾਦਿ

੬੧. ਸਪ੍ਪਟਿਘਂ ਧਮ੍ਮਂ ਪਟਿਚ੍ਚ ਸਪ੍ਪਟਿਘੋ ਧਮ੍ਮੋ ਉਪ੍ਪਜ੍ਜਤਿ ਨਆਰਮ੍ਮਣਪਚ੍ਚਯਾ (ਸਬ੍ਬਂ ਸਂਖਿਤ੍ਤਂ)… ਨੋਵਿਗਤਪਚ੍ਚਯਾ.