੧. ਵਿਭਙ੍ਗਵਾਰੋ

ਹੇਤੁਪਚ੍ਚਯੋ

੫੩. ਸਪ੍ਪਟਿਘਂ ਧਮ੍ਮਂ ਪਟਿਚ੍ਚ ਸਪ੍ਪਟਿਘੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਸਪ੍ਪਟਿਘਂ ਏਕਂ ਮਹਾਭੂਤਂ ਪਟਿਚ੍ਚ ਦ੍ਵੇ ਮਹਾਭੂਤਾ, ਦ੍ਵੇ ਮਹਾਭੂਤੇ ਪਟਿਚ੍ਚ ਏਕਂ ਮਹਾਭੂਤਂ, ਸਪ੍ਪਟਿਘੇ ਮਹਾਭੂਤੇ ਪਟਿਚ੍ਚ ਸਪ੍ਪਟਿਘਂ ਚਿਤ੍ਤਸਮੁਟ੍ਠਾਨਂ ਰੂਪਂ, ਕਟਤ੍ਤਾਰੂਪਂ, ਉਪਾਦਾਰੂਪਂ, ਫੋਟ੍ਠਬ੍ਬਾਯਤਨਂ ਪਟਿਚ੍ਚ ਚਕ੍ਖਾਯਤਨਂ…ਪੇ… ਰਸਾਯਤਨਂ. (੧)

ਸਪ੍ਪਟਿਘਂ ਧਮ੍ਮਂ ਪਟਿਚ੍ਚ ਅਪ੍ਪਟਿਘੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਸਪ੍ਪਟਿਘੇ ਮਹਾਭੂਤੇ ਪਟਿਚ੍ਚ ਆਪੋਧਾਤੁ, ਸਪ੍ਪਟਿਘੇ ਮਹਾਭੂਤੇ ਪਟਿਚ੍ਚ ਅਪ੍ਪਟਿਘਂ ਚਿਤ੍ਤਸਮੁਟ੍ਠਾਨਂ ਰੂਪਂ, ਕਟਤ੍ਤਾਰੂਪਂ, ਉਪਾਦਾਰੂਪਂ, ਫੋਟ੍ਠਬ੍ਬਾਯਤਨਂ ਪਟਿਚ੍ਚ ਆਪੋਧਾਤੁ ਇਤ੍ਥਿਨ੍ਦ੍ਰਿਯਂ…ਪੇ… ਕਬਲ਼ੀਕਾਰੋ ਆਹਾਰੋ. (੨)

ਸਪ੍ਪਟਿਘਂ ਧਮ੍ਮਂ ਪਟਿਚ੍ਚ ਸਪ੍ਪਟਿਘੋ ਚ ਅਪ੍ਪਟਿਘੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ – ਸਪ੍ਪਟਿਘਂ ਏਕਂ ਮਹਾਭੂਤਂ ਪਟਿਚ੍ਚ ਦ੍ਵੇ ਮਹਾਭੂਤਾ ਆਪੋਧਾਤੁ ਚ, ਦ੍ਵੇ ਮਹਾਭੂਤੇ…ਪੇ… ਸਪ੍ਪਟਿਘੇ ਮਹਾਭੂਤੇ ਪਟਿਚ੍ਚ ਸਪ੍ਪਟਿਘਞ੍ਚ ਅਪ੍ਪਟਿਘਞ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ, ਕਟਤ੍ਤਾਰੂਪਂ, ਉਪਾਦਾਰੂਪਂ, ਫੋਟ੍ਠਬ੍ਬਾਯਤਨਂ ਪਟਿਚ੍ਚ ਚਕ੍ਖਾਯਤਨਂ…ਪੇ… ਰਸਾਯਤਨਂ ਆਪੋਧਾਤੁ ਇਤ੍ਥਿਨ੍ਦ੍ਰਿਯਂ…ਪੇ… ਕਬਲ਼ੀਕਾਰੋ ਆਹਾਰੋ. (੩)

੫੪. ਅਪ੍ਪਟਿਘਂ ਧਮ੍ਮਂ ਪਟਿਚ੍ਚ ਅਪ੍ਪਟਿਘੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਅਪ੍ਪਟਿਘਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ ਅਪ੍ਪਟਿਘਂ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ…ਪੇ… ਪਟਿਸਨ੍ਧਿਕ੍ਖਣੇ…ਪੇ… ਖਨ੍ਧੇ ਪਟਿਚ੍ਚ ਵਤ੍ਥੁ, ਵਤ੍ਥੁਂ ਪਟਿਚ੍ਚ ਖਨ੍ਧਾ, ਆਪੋਧਾਤੁਂ ਪਟਿਚ੍ਚ ਅਪ੍ਪਟਿਘਂ ਚਿਤ੍ਤਸਮੁਟ੍ਠਾਨਂ ਰੂਪਂ, ਕਟਤ੍ਤਾਰੂਪਂ, ਉਪਾਦਾਰੂਪਂ, ਆਪੋਧਾਤੁਂ ਪਟਿਚ੍ਚ ਇਤ੍ਥਿਨ੍ਦ੍ਰਿਯਂ…ਪੇ… ਕਬਲ਼ੀਕਾਰੋ ਆਹਾਰੋ. (੧)

ਅਪ੍ਪਟਿਘਂ ਧਮ੍ਮਂ ਪਟਿਚ੍ਚ ਸਪ੍ਪਟਿਘੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਅਪ੍ਪਟਿਘੇ ਖਨ੍ਧੇ ਪਟਿਚ੍ਚ ਸਪ੍ਪਟਿਘਂ ਚਿਤ੍ਤਸਮੁਟ੍ਠਾਨਂ ਰੂਪਂ; ਪਟਿਸਨ੍ਧਿਕ੍ਖਣੇ…ਪੇ… ਆਪੋਧਾਤੁਂ ਪਟਿਚ੍ਚ ਸਪ੍ਪਟਿਘਾ ਮਹਾਭੂਤਾ, ਆਪੋਧਾਤੁਂ ਪਟਿਚ੍ਚ ਸਪ੍ਪਟਿਘਂ ਚਿਤ੍ਤਸਮੁਟ੍ਠਾਨਂ ਰੂਪਂ, ਕਟਤ੍ਤਾਰੂਪਂ, ਉਪਾਦਾਰੂਪਂ, ਆਪੋਧਾਤੁਂ ਪਟਿਚ੍ਚ ਚਕ੍ਖਾਯਤਨਂ…ਪੇ… ਫੋਟ੍ਠਬ੍ਬਾਯਤਨਂ. (੨)

ਅਪ੍ਪਟਿਘਂ ਧਮ੍ਮਂ ਪਟਿਚ੍ਚ ਸਪ੍ਪਟਿਘੋ ਚ ਅਪ੍ਪਟਿਘੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ – ਅਪ੍ਪਟਿਘਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ ਸਪ੍ਪਟਿਘਞ੍ਚ ਅਪ੍ਪਟਿਘਞ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ…ਪੇ… ਦ੍ਵੇ ਖਨ੍ਧੇ…ਪੇ… ਪਟਿਸਨ੍ਧਿਕ੍ਖਣੇ…ਪੇ… ਆਪੋਧਾਤੁਂ ਪਟਿਚ੍ਚ ਸਪ੍ਪਟਿਘਞ੍ਚ ਅਪ੍ਪਟਿਘਞ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ, ਕਟਤ੍ਤਾਰੂਪਂ, ਉਪਾਦਾਰੂਪਂ, ਆਪੋਧਾਤੁਂ ਪਟਿਚ੍ਚ ਚਕ੍ਖਾਯਤਨਂ…ਪੇ… ਫੋਟ੍ਠਬ੍ਬਾਯਤਨਂ, ਇਤ੍ਥਿਨ੍ਦ੍ਰਿਯਂ…ਪੇ… ਕਬਲ਼ੀਕਾਰੋ ਆਹਾਰੋ. (੩)

੫੫. ਸਪ੍ਪਟਿਘਞ੍ਚ ਅਪ੍ਪਟਿਘਞ੍ਚ ਧਮ੍ਮਂ ਪਟਿਚ੍ਚ ਸਪ੍ਪਟਿਘੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਅਪ੍ਪਟਿਘੇ ਖਨ੍ਧੇ ਚ ਮਹਾਭੂਤੇ ਚ ਪਟਿਚ੍ਚ ਸਪ੍ਪਟਿਘਂ ਚਿਤ੍ਤਸਮੁਟ੍ਠਾਨਂ ਰੂਪਂ; ਪਟਿਸਨ੍ਧਿਕ੍ਖਣੇ…ਪੇ… ਸਪ੍ਪਟਿਘਂ ਏਕਂ ਮਹਾਭੂਤਞ੍ਚ ਆਪੋਧਾਤੁਞ੍ਚ ਪਟਿਚ੍ਚ ਦ੍ਵੇ ਮਹਾਭੂਤਾ…ਪੇ… ਸਪ੍ਪਟਿਘੇ ਮਹਾਭੂਤੇ ਚ ਆਪੋਧਾਤੁਞ੍ਚ ਪਟਿਚ੍ਚ ਸਪ੍ਪਟਿਘਂ ਚਿਤ੍ਤਸਮੁਟ੍ਠਾਨਂ ਰੂਪਂ, ਕਟਤ੍ਤਾਰੂਪਂ, ਉਪਾਦਾਰੂਪਂ, ਫੋਟ੍ਠਬ੍ਬਾਯਤਨਞ੍ਚ ਆਪੋਧਾਤੁਞ੍ਚ ਪਟਿਚ੍ਚ ਚਕ੍ਖਾਯਤਨਂ…ਪੇ…. (੧)

ਸਪ੍ਪਟਿਘਞ੍ਚ ਅਪ੍ਪਟਿਘਞ੍ਚ ਧਮ੍ਮਂ ਪਟਿਚ੍ਚ ਅਪ੍ਪਟਿਘੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਅਪ੍ਪਟਿਘੇ ਖਨ੍ਧੇ ਚ ਮਹਾਭੂਤੇ ਚ ਪਟਿਚ੍ਚ ਅਪ੍ਪਟਿਘਂ ਚਿਤ੍ਤਸਮੁਟ੍ਠਾਨਂ ਰੂਪਂ; ਪਟਿਸਨ੍ਧਿਕ੍ਖਣੇ ਅਪ੍ਪਟਿਘੇ ਖਨ੍ਧੇ ਚ ਮਹਾਭੂਤੇ ਚ ਪਟਿਚ੍ਚ ਅਪ੍ਪਟਿਘਂ ਕਟਤ੍ਤਾਰੂਪਂ, ਫੋਟ੍ਠਬ੍ਬਾਯਤਨਞ੍ਚ ਆਪੋਧਾਤੁਞ੍ਚ ਪਟਿਚ੍ਚ ਅਪ੍ਪਟਿਘਂ ਚਿਤ੍ਤਸਮੁਟ੍ਠਾਨਂ ਰੂਪਂ, ਕਟਤ੍ਤਾਰੂਪਂ, ਉਪਾਦਾਰੂਪਂ, ਫੋਟ੍ਠਬ੍ਬਾਯਤਨਞ੍ਚ ਆਪੋਧਾਤੁਞ੍ਚ ਪਟਿਚ੍ਚ ਇਤ੍ਥਿਨ੍ਦ੍ਰਿਯਂ…ਪੇ… ਕਬਲ਼ੀਕਾਰੋ ਆਹਾਰੋ. (੨)

ਸਪ੍ਪਟਿਘਞ੍ਚ ਅਪ੍ਪਟਿਘਞ੍ਚ ਧਮ੍ਮਂ ਪਟਿਚ੍ਚ ਸਪ੍ਪਟਿਘੋ ਚ ਅਪ੍ਪਟਿਘੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ – ਅਪ੍ਪਟਿਘੇ ਖਨ੍ਧੇ ਚ ਮਹਾਭੂਤੇ ਚ ਪਟਿਚ੍ਚ ਸਪ੍ਪਟਿਘਞ੍ਚ ਅਪ੍ਪਟਿਘਞ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ; ਪਟਿਸਨ੍ਧਿਕ੍ਖਣੇ…ਪੇ… ਅਪ੍ਪਟਿਘੇ ਖਨ੍ਧੇ ਚ ਮਹਾਭੂਤੇ ਚ ਪਟਿਚ੍ਚ ਸਪ੍ਪਟਿਘਞ੍ਚ ਅਪ੍ਪਟਿਘਞ੍ਚ ਕਟਤ੍ਤਾਰੂਪਂ, ਫੋਟ੍ਠਬ੍ਬਾਯਤਨਞ੍ਚ ਆਪੋਧਾਤੁਞ੍ਚ ਪਟਿਚ੍ਚ ਸਪ੍ਪਟਿਘਞ੍ਚ ਅਪ੍ਪਟਿਘਞ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ, ਕਟਤ੍ਤਾਰੂਪਂ, ਉਪਾਦਾਰੂਪਂ, ਫੋਟ੍ਠਬ੍ਬਾਯਤਨਞ੍ਚ ਆਪੋਧਾਤੁਞ੍ਚ ਪਟਿਚ੍ਚ ਚਕ੍ਖਾਯਤਨਂ…ਪੇ… ਰਸਾਯਤਨਂ, ਇਤ੍ਥਿਨ੍ਦ੍ਰਿਯਂ…ਪੇ… ਕਬਲ਼ੀਕਾਰੋ ਆਹਾਰੋ. (੩)

ਆਰਮ੍ਮਣਪਚ੍ਚਯੋ

੫੬. ਅਪ੍ਪਟਿਘਂ ਧਮ੍ਮਂ ਪਟਿਚ੍ਚ ਅਪ੍ਪਟਿਘੋ ਧਮ੍ਮੋ ਉਪ੍ਪਜ੍ਜਤਿ ਆਰਮ੍ਮਣਪਚ੍ਚਯਾ – ਅਪ੍ਪਟਿਘਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ…ਪੇ… ਪਟਿਸਨ੍ਧਿਕ੍ਖਣੇ…ਪੇ… ਵਤ੍ਥੁਂ ਪਟਿਚ੍ਚ ਖਨ੍ਧਾ.

ਅਧਿਪਤਿਪਚ੍ਚਯਾਦਿ

੫੭. ਸਪ੍ਪਟਿਘਂ ਧਮ੍ਮਂ ਪਟਿਚ੍ਚ ਅਪ੍ਪਟਿਘੋ ਧਮ੍ਮੋ ਉਪ੍ਪਜ੍ਜਤਿ ਅਧਿਪਤਿਪਚ੍ਚਯਾ (ਪਟਿਸਨ੍ਧਿ ਵਜ੍ਜੇਤਬ੍ਬਾ, ਕਟਤ੍ਤਾਰੂਪਾ ਚ)… ਅਨਨ੍ਤਰਪਚ੍ਚਯਾ… ਸਮਨਨ੍ਤਰਪਚ੍ਚਯਾ… ਸਹਜਾਤਪਚ੍ਚਯਾ (ਸਬ੍ਬੇ ਮਹਾਭੂਤਾ ਕਾਤਬ੍ਬਾ)… ਅਞ੍ਞਮਞ੍ਞਪਚ੍ਚਯਾ – ਸਪ੍ਪਟਿਘਂ ਏਕਂ ਮਹਾਭੂਤਂ ਪਟਿਚ੍ਚ ਦ੍ਵੇ ਮਹਾਭੂਤਾ, ਦ੍ਵੇ ਮਹਾਭੂਤੇ…ਪੇ…. (੧)

ਸਪ੍ਪਟਿਘਂ ਧਮ੍ਮਂ ਪਟਿਚ੍ਚ ਅਪ੍ਪਟਿਘੋ ਧਮ੍ਮੋ ਉਪ੍ਪਜ੍ਜਤਿ ਅਞ੍ਞਮਞ੍ਞਪਚ੍ਚਯਾ – ਸਪ੍ਪਟਿਘੇ ਮਹਾਭੂਤੇ ਪਟਿਚ੍ਚ ਆਪੋਧਾਤੁ…ਪੇ…. (੨)

ਸਪ੍ਪਟਿਘਂ ਧਮ੍ਮਂ ਪਟਿਚ੍ਚ ਸਪ੍ਪਟਿਘੋ ਚ ਅਪ੍ਪਟਿਘੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਅਞ੍ਞਮਞ੍ਞਪਚ੍ਚਯਾ – ਸਪ੍ਪਟਿਘਂ ਏਕਂ ਮਹਾਭੂਤਂ ਪਟਿਚ੍ਚ ਦ੍ਵੇ ਮਹਾਭੂਤਾ ਆਪੋਧਾਤੁ ਚ, ਦ੍ਵੇ ਮਹਾਭੂਤੇ…ਪੇ…. (੩)

੫੮. ਅਪ੍ਪਟਿਘਂ ਧਮ੍ਮਂ ਪਟਿਚ੍ਚ ਅਪ੍ਪਟਿਘੋ ਧਮ੍ਮੋ ਉਪ੍ਪਜ੍ਜਤਿ ਅਞ੍ਞਮਞ੍ਞਪਚ੍ਚਯਾ – ਅਪ੍ਪਟਿਘਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ…ਪੇ… ਪਟਿਸਨ੍ਧਿਕ੍ਖਣੇ…ਪੇ… ਖਨ੍ਧੇ ਪਟਿਚ੍ਚ ਵਤ੍ਥੁ, ਵਤ੍ਥੁਂ ਪਟਿਚ੍ਚ ਖਨ੍ਧਾ. (੧)

ਅਪ੍ਪਟਿਘਂ ਧਮ੍ਮਂ ਪਟਿਚ੍ਚ ਸਪ੍ਪਟਿਘੋ ਧਮ੍ਮੋ ਉਪ੍ਪਜ੍ਜਤਿ ਅਞ੍ਞਮਞ੍ਞਪਚ੍ਚਯਾ – ਆਪੋਧਾਤੁਂ ਪਟਿਚ੍ਚ ਸਪ੍ਪਟਿਘਾ ਮਹਾਭੂਤਾ (ਇਮੇ ਅਜ੍ਝਤ੍ਤਿਕਬਾਹਿਰਾ ਮਹਾਭੂਤਾ ਕਾਤਬ੍ਬਾ). (੨)

ਸਪ੍ਪਟਿਘਞ੍ਚ ਅਪ੍ਪਟਿਘਞ੍ਚ ਧਮ੍ਮਂ ਪਟਿਚ੍ਚ ਸਪ੍ਪਟਿਘੋ ਧਮ੍ਮੋ ਉਪ੍ਪਜ੍ਜਤਿ ਅਞ੍ਞਮਞ੍ਞਪਚ੍ਚਯਾ – ਸਪ੍ਪਟਿਘਂ ਏਕਂ ਮਹਾਭੂਤਞ੍ਚ ਆਪੋਧਾਤੁਞ੍ਚ ਪਟਿਚ੍ਚ ਦ੍ਵੇ ਮਹਾਭੂਤਾ…ਪੇ… ਨਿਸ੍ਸਯਪਚ੍ਚਯਾ…ਪੇ… ਅਵਿਗਤਪਚ੍ਚਯਾ.