੧. ਵਿਭਙ੍ਗਵਾਰੋ

ਨਹੇਤੁਪਚ੍ਚਯੋ

੨੨. ਅਨਿਦਸ੍ਸਨਂ ਧਮ੍ਮਂ ਪਟਿਚ੍ਚ ਅਨਿਦਸ੍ਸਨੋ ਧਮ੍ਮੋ ਉਪ੍ਪਜ੍ਜਤਿ ਨਹੇਤੁਪਚ੍ਚਯਾ – ਅਹੇਤੁਕਂ ਅਨਿਦਸ੍ਸਨਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ ਅਨਿਦਸ੍ਸਨਂ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ…ਪੇ… ਅਹੇਤੁਕਪਟਿਸਨ੍ਧਿਕ੍ਖਣੇ…ਪੇ… ਖਨ੍ਧੇ ਪਟਿਚ੍ਚ ਵਤ੍ਥੁ, ਵਤ੍ਥੁਂ ਪਟਿਚ੍ਚ ਖਨ੍ਧਾ; ਏਕਂ ਮਹਾਭੂਤਂ…ਪੇ… ਮਹਾਭੂਤੇ ਪਟਿਚ੍ਚ ਅਨਿਦਸ੍ਸਨਂ ਚਿਤ੍ਤਸਮੁਟ੍ਠਾਨਂ ਰੂਪਂ ਕਟਤ੍ਤਾਰੂਪਂ ਉਪਾਦਾਰੂਪਂ… ਬਾਹਿਰਂ… ਆਹਾਰਸਮੁਟ੍ਠਾਨਂ… ਉਤੁਸਮੁਟ੍ਠਾਨਂ… ਅਸਞ੍ਞਸਤ੍ਤਾਨਂ…ਪੇ… ਵਿਚਿਕਿਚ੍ਛਾਸਹਗਤੇ ਉਦ੍ਧਚ੍ਚਸਹਗਤੇ ਖਨ੍ਧੇ ਪਟਿਚ੍ਚ ਵਿਚਿਕਿਚ੍ਛਾਸਹਗਤੋ ਉਦ੍ਧਚ੍ਚਸਹਗਤੋ ਮੋਹੋ. (੧)

ਅਨਿਦਸ੍ਸਨਂ ਧਮ੍ਮਂ ਪਟਿਚ੍ਚ ਸਨਿਦਸ੍ਸਨੋ ਧਮ੍ਮੋ ਉਪ੍ਪਜ੍ਜਤਿ ਨਹੇਤੁਪਚ੍ਚਯਾ – ਅਹੇਤੁਕੇ ਅਨਿਦਸ੍ਸਨੇ ਖਨ੍ਧੇ ਪਟਿਚ੍ਚ ਸਨਿਦਸ੍ਸਨਂ ਚਿਤ੍ਤਸਮੁਟ੍ਠਾਨਂ ਰੂਪਂ; ਪਟਿਸਨ੍ਧਿਕ੍ਖਣੇ…ਪੇ… ਮਹਾਭੂਤੇ ਪਟਿਚ੍ਚ ਸਨਿਦਸ੍ਸਨਂ ਚਿਤ੍ਤਸਮੁਟ੍ਠਾਨਂ ਰੂਪਂ ਕਟਤ੍ਤਾਰੂਪਂ ਉਪਾਦਾਰੂਪਂ… ਬਾਹਿਰੇ… ਆਹਾਰਸਮੁਟ੍ਠਾਨੇ… ਉਤੁਸਮੁਟ੍ਠਾਨੇ… ਅਸਞ੍ਞਸਤ੍ਤਾਨਂ ਮਹਾਭੂਤੇ ਪਟਿਚ੍ਚ ਸਨਿਦਸ੍ਸਨਂ ਕਟਤ੍ਤਾਰੂਪਂ ਉਪਾਦਾਰੂਪਂ. (੨)

ਅਨਿਦਸ੍ਸਨਂ ਧਮ੍ਮਂ ਪਟਿਚ੍ਚ ਸਨਿਦਸ੍ਸਨੋ ਚ ਅਨਿਦਸ੍ਸਨੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਨਹੇਤੁਪਚ੍ਚਯਾ – ਅਹੇਤੁਕਂ ਅਨਿਦਸ੍ਸਨਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ ਸਨਿਦਸ੍ਸਨਞ੍ਚ ਅਨਿਦਸ੍ਸਨਞ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ…ਪੇ… ਦ੍ਵੇ ਖਨ੍ਧੇ…ਪੇ… ਪਟਿਸਨ੍ਧਿਕ੍ਖਣੇ…ਪੇ… ਮਹਾਭੂਤੇ ਪਟਿਚ੍ਚ…ਪੇ… ਬਾਹਿਰੇ… ਆਹਾਰਸਮੁਟ੍ਠਾਨੇ… ਉਤੁਸਮੁਟ੍ਠਾਨੇ… ਅਸਞ੍ਞਸਤ੍ਤਾਨਂ ਮਹਾਭੂਤੇ ਪਟਿਚ੍ਚ ਸਨਿਦਸ੍ਸਨਞ੍ਚ ਅਨਿਦਸ੍ਸਨਞ੍ਚ ਕਟਤ੍ਤਾਰੂਪਂ, ਉਪਾਦਾਰੂਪਂ. (੩) (ਏਵਂ ਸਬ੍ਬੇ ਕਾਤਬ੍ਬਾ.)