੧. ਪਟਿਚ੍ਚਵਾਰੋ

੧-੪. ਪਚ੍ਚਯਾਨੁਲੋਮਾਦਿ

੧. ਸਪ੍ਪਚ੍ਚਯਂ ਧਮ੍ਮਂ ਪਟਿਚ੍ਚ ਸਪ੍ਪਚ੍ਚਯੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਸਪ੍ਪਚ੍ਚਯਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ…ਪੇ… ਪਟਿਸਨ੍ਧਿਕ੍ਖਣੇ…ਪੇ… ਖਨ੍ਧੇ ਪਟਿਚ੍ਚ ਵਤ੍ਥੁ, ਵਤ੍ਥੁਂ ਪਟਿਚ੍ਚ ਖਨ੍ਧਾ, ਏਕਂ ਮਹਾਭੂਤਂ…ਪੇ… ਮਹਾਭੂਤੇ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ ਕਟਤ੍ਤਾਰੂਪਂ ਉਪਾਦਾਰੂਪਂ.

ਸਪ੍ਪਚ੍ਚਯਂ ਧਮ੍ਮਂ ਪਟਿਚ੍ਚ ਸਪ੍ਪਚ੍ਚਯੋ ਧਮ੍ਮੋ ਉਪ੍ਪਜ੍ਜਤਿ ਆਰਮ੍ਮਣਪਚ੍ਚਯਾ…ਪੇ… ਅਵਿਗਤਪਚ੍ਚਯਾ.

੨. ਹੇਤੁਯਾ ਏਕਂ, ਆਰਮ੍ਮਣੇ ਏਕਂ…ਪੇ… ਅਵਿਗਤੇ ਏਕਂ.

ਅਨੁਲੋਮਂ.

੩. ਸਪ੍ਪਚ੍ਚਯਂ ਧਮ੍ਮਂ ਪਟਿਚ੍ਚ ਸਪ੍ਪਚ੍ਚਯੋ ਧਮ੍ਮੋ ਉਪ੍ਪਜ੍ਜਤਿ ਨਹੇਤੁਪਚ੍ਚਯਾ – ਅਹੇਤੁਕਂ ਸਪ੍ਪਚ੍ਚਯਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ, ਦ੍ਵੇ ਖਨ੍ਧੇ…ਪੇ… ਅਹੇਤੁਕਪਟਿਸਨ੍ਧਿਕ੍ਖਣੇ …ਪੇ… (ਯਾਵ ਅਸਞ੍ਞਸਤ੍ਤਾ) ਵਿਚਿਕਿਚ੍ਛਾਸਹਗਤੇ ਉਦ੍ਧਚ੍ਚਸਹਗਤੇ ਖਨ੍ਧੇ ਪਟਿਚ੍ਚ ਵਿਚਿਕਿਚ੍ਛਾਸਹਗਤੋ ਉਦ੍ਧਚ੍ਚਸਹਗਤੋ ਮੋਹੋ (ਸਂਖਿਤ੍ਤਂ).

੪. ਨਹੇਤੁਯਾ ਏਕਂ, ਨਆਰਮ੍ਮਣੇ ਏਕਂ, ਨਅਧਿਪਤਿਯਾ ਏਕਂ…ਪੇ… ਨੋਵਿਗਤੇ ਏਕਂ.

ਪਚ੍ਚਨੀਯਂ.

੫. ਹੇਤੁਪਚ੍ਚਯਾ ਨਆਰਮ੍ਮਣੇ ਏਕਂ, ਨਅਧਿਪਤਿਯਾ ਏਕਂ…ਪੇ… ਨੋਵਿਗਤੇ ਏਕਂ.

ਅਨੁਲੋਮਪਚ੍ਚਨੀਯਂ.

੬. ਨਹੇਤੁਪਚ੍ਚਯਾ ਆਰਮ੍ਮਣੇ ਏਕਂ ਅਨਨ੍ਤਰੇ ਏਕਂ…ਪੇ… ਅਵਿਗਤੇ ਏਕਂ.

ਪਚ੍ਚਨੀਯਾਨੁਲੋਮਂ.