੧. ਵਿਭਙ੍ਗਵਾਰੋ

ਹੇਤੁਪਚ੍ਚਯੋ

੯੮. ਉਪਾਦਾਨੋ ਚੇਵ ਉਪਾਦਾਨਿਯੋ ਚ ਧਮ੍ਮੋ ਉਪਾਦਾਨਸ੍ਸ ਚੇਵ ਉਪਾਦਾਨਿਯਸ੍ਸ ਚ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ – ਉਪਾਦਾਨਾ ਚੇਵ ਉਪਾਦਾਨਿਯਾ ਚ ਹੇਤੂ ਸਮ੍ਪਯੁਤ੍ਤਕਾਨਂ ਉਪਾਦਾਨਾਨਂ ਹੇਤੁਪਚ੍ਚਯੇਨ ਪਚ੍ਚਯੋ. (੧)

ਉਪਾਦਾਨੋ ਚੇਵ ਉਪਾਦਾਨਿਯੋ ਚ ਧਮ੍ਮੋ ਉਪਾਦਾਨਿਯਸ੍ਸ ਚੇਵ ਨੋ ਚ ਉਪਾਦਾਨਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ – ਉਪਾਦਾਨਾ ਚੇਵ ਉਪਾਦਾਨਿਯਾ ਚ ਹੇਤੂ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਹੇਤੁਪਚ੍ਚਯੇਨ ਪਚ੍ਚਯੋ (ਉਪਾਦਾਨਦੁਕਸਦਿਸਾ ਨਿਨ੍ਨਾਨਾ, ਨਵ ਪਞ੍ਹਾ).

ਆਰਮ੍ਮਣਪਚ੍ਚਯੋ

੯੯. ਉਪਾਦਾਨੋ ਚੇਵ ਉਪਾਦਾਨਿਯੋ ਚ ਧਮ੍ਮੋ ਉਪਾਦਾਨਸ੍ਸ ਚੇਵ ਉਪਾਦਾਨਿਯਸ੍ਸ ਚ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ – ਉਪਾਦਾਨੇ ਆਰਬ੍ਭ ਉਪਾਦਾਨਾ ਉਪ੍ਪਜ੍ਜਨ੍ਤਿ… ਤੀਣਿ.

ਉਪਾਦਾਨਿਯੋ ਚੇਵ ਨੋ ਚ ਉਪਾਦਾਨੋ ਧਮ੍ਮੋ ਉਪਾਦਾਨਿਯਸ੍ਸ ਚੇਵ ਨੋ ਚ ਉਪਾਦਾਨਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ – ਦਾਨਂ…ਪੇ… ਝਾਨਾ ਵੁਟ੍ਠਹਿਤ੍ਵਾ ਝਾਨਂ ਪਚ੍ਚਵੇਕ੍ਖਤਿ, ਅਸ੍ਸਾਦੇਤਿ ਅਭਿਨਨ੍ਦਤਿ, ਤਂ ਆਰਬ੍ਭ ਰਾਗੋ ਉਪ੍ਪਜ੍ਜਤਿ, ਦਿਟ੍ਠਿ ਉਪ੍ਪਜ੍ਜਤਿ, ਵਿਚਿਕਿਚ੍ਛਾ ਉਦ੍ਧਚ੍ਚਂ ਦੋਮਨਸ੍ਸਂ ਉਪ੍ਪਜ੍ਜਤਿ; ਅਰਿਯਾ ਗੋਤ੍ਰਭੁਂ ਪਚ੍ਚਵੇਕ੍ਖਨ੍ਤਿ, ਵੋਦਾਨਂ ਪਚ੍ਚਵੇਕ੍ਖਨ੍ਤਿ, ਪਹੀਨੇ ਕਿਲੇਸੇ…ਪੇ… ਵਿਕ੍ਖਮ੍ਭਿਤੇ ਕਿਲੇਸੇ…ਪੇ… ਪੁਬ੍ਬੇ ਸਮੁਦਾਚਿਣ੍ਣੇ…ਪੇ… ਚਕ੍ਖੁਂ…ਪੇ… ਵਤ੍ਥੁਂ…ਪੇ… (ਸਂਖਿਤ੍ਤਂ) ਅਨਾਗਤਂਸਞਾਣਸ੍ਸ ਆਵਜ੍ਜਨਾਯ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. (੧)

ਉਪਾਦਾਨਿਯੋ ਚੇਵ ਨੋ ਚ ਉਪਾਦਾਨੋ ਧਮ੍ਮੋ ਉਪਾਦਾਨਸ੍ਸ ਚੇਵ ਉਪਾਦਾਨਿਯਸ੍ਸ ਚ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ (ਸਂਖਿਤ੍ਤਂ, ਇਤਰੇ ਦ੍ਵੇ ਉਪਾਦਾਨਦੁਕਸਦਿਸਾ). (੩)

ਉਪਾਦਾਨੋ ਚੇਵ ਉਪਾਦਾਨਿਯੋ ਚ ਉਪਾਦਾਨਿਯੋ ਚੇਵ ਨੋ ਚ ਉਪਾਦਾਨੋ ਚ ਧਮ੍ਮਾ ਉਪਾਦਾਨਸ੍ਸ ਚੇਵ ਉਪਾਦਾਨਿਯਸ੍ਸ ਚ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਤੀਣਿ (ਹੇਟ੍ਠਾ ਅਧਿਪਤਿ ਤੀਣਿ, ਉਪਾਦਾਨਦੁਕਸਦਿਸਾ).

ਅਧਿਪਤਿਪਚ੍ਚਯੋ

੧੦੦. ਉਪਾਦਾਨਿਯੋ ਚੇਵ ਨੋ ਚ ਉਪਾਦਾਨੋ ਧਮ੍ਮੋ ਉਪਾਦਾਨਿਯਸ੍ਸ ਚੇਵ ਨੋ ਚ ਉਪਾਦਾਨਸ੍ਸ ਚ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ – ਆਰਮ੍ਮਣਾਧਿਪਤਿ, ਸਹਜਾਤਾਧਿਪਤਿ. ਆਰਮ੍ਮਣਾਧਿਪਤਿ – ਦਾਨਂ…ਪੇ… ਝਾਨਾ ਵੁਟ੍ਠਹਿਤ੍ਵਾ ਝਾਨਂ ਗਰੁਂ ਕਤ੍ਵਾ ਪਚ੍ਚਵੇਕ੍ਖਤਿ, ਅਸ੍ਸਾਦੇਤਿ ਅਭਿਨਨ੍ਦਤਿ, ਤਂ ਗਰੁਂ ਕਤ੍ਵਾ ਰਾਗੋ ਉਪ੍ਪਜ੍ਜਤਿ, ਦਿਟ੍ਠਿ ਉਪ੍ਪਜ੍ਜਤਿ; ਸੇਕ੍ਖਾ ਗੋਤ੍ਰਭੁਂ ਗਰੁਂ ਕਤ੍ਵਾ…ਪੇ… ਵੋਦਾਨਂ…ਪੇ… ਚਕ੍ਖੁਂ…ਪੇ… ਵਤ੍ਥੁਂ ਉਪਾਦਾਨਿਯੇ ਚੇਵ ਨੋ ਚ ਉਪਾਦਾਨੇ ਖਨ੍ਧੇ ਗਰੁਂ ਕਤ੍ਵਾ ਉਪਾਦਾਨਿਯਾ ਚੇਵ ਨੋ ਚ ਉਪਾਦਾਨਾ ਖਨ੍ਧਾ ਉਪ੍ਪਜ੍ਜਨ੍ਤਿ. ਸਹਜਾਤਾਧਿਪਤਿ – ਉਪਾਦਾਨਿਯਾ ਚੇਵ ਨੋ ਚ ਉਪਾਦਾਨਾਧਿਪਤਿ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਅਧਿਪਤਿਪਚ੍ਚਯੇਨ ਪਚ੍ਚਯੋ (ਅਵਸੇਸਾ ਦ੍ਵੇਪਿ ਆਰਮ੍ਮਣਾਧਿਪਤਿ ਸਹਜਾਤਾਧਿਪਤਿਪਿ ਉਪਾਦਾਨਦੁਕਸਦਿਸਾ). (੩)

(ਘਟਨਾ ਅਧਿਪਤਿ ਤੀਣਿ, ਉਪਾਦਾਨਦੁਕਸਦਿਸਾ. ਸਬ੍ਬੇ ਪਚ੍ਚਯਾ ਉਪਾਦਾਨਦੁਕਸਦਿਸਾ. ਉਪਾਦਾਨਿਯੇ ਲੋਕੁਤ੍ਤਰਂ ਨਤ੍ਥਿ, ਪਚ੍ਚਨੀਯਮ੍ਪਿ ਇਤਰੇ ਦ੍ਵੇ ਗਣਨਾਪਿ ਉਪਾਦਾਨਦੁਕਸਦਿਸਂ.)

ਉਪਾਦਾਨਉਪਾਦਾਨਿਯਦੁਕਂ ਨਿਟ੍ਠਿਤਂ.