੫. ਸਂਸਟ੍ਠਵਾਰੋ

੬੨. ਉਪਾਦਾਨਸਮ੍ਪਯੁਤ੍ਤਂ ਧਮ੍ਮਂ ਸਂਸਟ੍ਠੋ ਉਪਾਦਾਨਸਮ੍ਪਯੁਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਉਪਾਦਾਨਸਮ੍ਪਯੁਤ੍ਤਂ ਏਕਂ ਖਨ੍ਧਂ ਸਂਸਟ੍ਠਾ… ਤੀਣਿ.

ਉਪਾਦਾਨਵਿਪ੍ਪਯੁਤ੍ਤਂ ਧਮ੍ਮਂ ਸਂਸਟ੍ਠੋ ਉਪਾਦਾਨਵਿਪ੍ਪਯੁਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ (ਪਟਿਚ੍ਚਸਦਿਸਂ, ਅਰੂਪਂਯੇਵ ਕਾਤਬ੍ਬਂ).

ਉਪਾਦਾਨਵਿਪ੍ਪਯੁਤ੍ਤਂ ਧਮ੍ਮਂ ਸਂਸਟ੍ਠੋ ਉਪਾਦਾਨਸਮ੍ਪਯੁਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ (ਪਟਿਚ੍ਚਸਦਿਸਂ, ਅਰੂਪਂਯੇਵ ਕਾਤਬ੍ਬਂ).

ਉਪਾਦਾਨਸਮ੍ਪਯੁਤ੍ਤਞ੍ਚ ਉਪਾਦਾਨਵਿਪ੍ਪਯੁਤ੍ਤਞ੍ਚ ਧਮ੍ਮਂ ਸਂਸਟ੍ਠੋ ਉਪਾਦਾਨਸਮ੍ਪਯੁਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ (ਪਟਿਚ੍ਚਸਦਿਸਂ, ਅਰੂਪਂਯੇਵ ਕਾਤਬ੍ਬਂ).

ਹੇਤੁਯਾ ਛ, ਆਰਮ੍ਮਣੇ ਛ, ਅਧਿਪਤਿਯਾ ਛ (ਸਬ੍ਬਤ੍ਥ ਛ), ਵਿਪਾਕੇ ਏਕਂ…ਪੇ… ਅਵਿਗਤੇ ਛ.

ਅਨੁਲੋਮਂ.

ਉਪਾਦਾਨਵਿਪ੍ਪਯੁਤ੍ਤਂ ਧਮ੍ਮਂ ਸਂਸਟ੍ਠੋ ਉਪਾਦਾਨਵਿਪ੍ਪਯੁਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਨਹੇਤੁਪਚ੍ਚਯਾ (ਸਂਖਿਤ੍ਤਂ).

ਨਹੇਤੁਯਾ ਏਕਂ, ਨਅਧਿਪਤਿਯਾ ਛ, ਨਪੁਰੇਜਾਤੇ ਛ, ਨਪਚ੍ਛਾਜਾਤੇ ਛ, ਨਆਸੇਵਨੇ ਛ, ਨਕਮ੍ਮੇ ਚਤ੍ਤਾਰਿ, ਨਵਿਪਾਕੇ ਛ, ਨਝਾਨੇ ਏਕਂ, ਨਮਗ੍ਗੇ ਏਕਂ, ਨਵਿਪ੍ਪਯੁਤ੍ਤੇ ਛ.

ਪਚ੍ਚਨੀਯਂ.