੧. ਵਿਭਙ੍ਗਵਾਰੋ

ਹੇਤੁਪਚ੍ਚਯੋ

੧. ਉਪਾਦਾਨਂ ਧਮ੍ਮਂ ਪਟਿਚ੍ਚ ਉਪਾਦਾਨੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਦਿਟ੍ਠੁਪਾਦਾਨਂ ਪਟਿਚ੍ਚ ਕਾਮੁਪਾਦਾਨਂ, ਕਾਮੁਪਾਦਾਨਂ ਪਟਿਚ੍ਚ ਦਿਟ੍ਠੁਪਾਦਾਨਂ, ਸੀਲਬ੍ਬਤੁਪਾਦਾਨਂ ਪਟਿਚ੍ਚ ਕਾਮੁਪਾਦਾਨਂ, ਕਾਮੁਪਾਦਾਨਂ ਪਟਿਚ੍ਚ ਸੀਲਬ੍ਬਤੁਪਾਦਾਨਂ, ਅਤ੍ਤਵਾਦੁਪਾਦਾਨਂ ਪਟਿਚ੍ਚ ਕਾਮੁਪਾਦਾਨਂ, ਕਾਮੁਪਾਦਾਨਂ ਪਟਿਚ੍ਚ ਅਤ੍ਤਵਾਦੁਪਾਦਾਨਂ. (੧)

ਉਪਾਦਾਨਂ ਧਮ੍ਮਂ ਪਟਿਚ੍ਚ ਨੋਉਪਾਦਾਨੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਉਪਾਦਾਨੇ ਪਟਿਚ੍ਚ ਸਮ੍ਪਯੁਤ੍ਤਕਾ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ. (੨)

ਉਪਾਦਾਨਂ ਧਮ੍ਮਂ ਪਟਿਚ੍ਚ ਉਪਾਦਾਨੋ ਚ ਨੋਉਪਾਦਾਨੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ – ਦਿਟ੍ਠੁਪਾਦਾਨਂ ਪਟਿਚ੍ਚ ਕਾਮੁਪਾਦਾਨਂ ਸਮ੍ਪਯੁਤ੍ਤਕਾ ਚ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ, ਕਾਮੁਪਾਦਾਨਂ…ਪੇ… (ਸਬ੍ਬਂ ਚਕ੍ਕਂ ਕਾਤਬ੍ਬਂ). (੩)

੨. ਨੋਉਪਾਦਾਨਂ ਧਮ੍ਮਂ ਪਟਿਚ੍ਚ ਨੋਉਪਾਦਾਨੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਨੋਉਪਾਦਾਨਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ…ਪੇ… ਪਟਿਸਨ੍ਧਿਕ੍ਖਣੇ ਨੋਉਪਾਦਾਨਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ ਕਟਤ੍ਤਾ ਚ ਰੂਪਂ…ਪੇ… ਦ੍ਵੇ ਖਨ੍ਧੇ…ਪੇ… ਖਨ੍ਧੇ ਪਟਿਚ੍ਚ ਵਤ੍ਥੁ, ਵਤ੍ਥੁਂ ਪਟਿਚ੍ਚ ਖਨ੍ਧਾ, ਏਕਂ ਮਹਾਭੂਤਂ…ਪੇ… ਮਹਾਭੂਤੇ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ ਕਟਤ੍ਤਾਰੂਪਂ ਉਪਾਦਾਰੂਪਂ. (੧)

ਨੋਉਪਾਦਾਨਂ ਧਮ੍ਮਂ ਪਟਿਚ੍ਚ ਉਪਾਦਾਨੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਨੋਉਪਾਦਾਨੇ ਖਨ੍ਧੇ ਪਟਿਚ੍ਚ ਉਪਾਦਾਨਾ. (੨)

ਨੋਉਪਾਦਾਨਂ ਧਮ੍ਮਂ ਪਟਿਚ੍ਚ ਉਪਾਦਾਨੋ ਚ ਨੋਉਪਾਦਾਨੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ – ਨੋਉਪਾਦਾਨਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ ਉਪਾਦਾਨਾ ਚ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ ਪਟਿਚ੍ਚ ਦ੍ਵੇ ਖਨ੍ਧਾ ਉਪਾਦਾਨਾ ਚ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ. (੩)

੩. ਉਪਾਦਾਨਞ੍ਚ ਨੋਉਪਾਦਾਨਞ੍ਚ ਧਮ੍ਮਂ ਪਟਿਚ੍ਚ ਉਪਾਦਾਨੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਦਿਟ੍ਠੁਪਾਦਾਨਞ੍ਚ ਸਮ੍ਪਯੁਤ੍ਤਕੇ ਚ ਖਨ੍ਧੇ ਪਟਿਚ੍ਚ ਕਾਮੁਪਾਦਾਨਂ (ਸਬ੍ਬੇ ਚਕ੍ਕਾ ਕਾਤਬ੍ਬਾ). (੧)

ਉਪਾਦਾਨਞ੍ਚ ਨੋਉਪਾਦਾਨਞ੍ਚ ਧਮ੍ਮਂ ਪਟਿਚ੍ਚ ਨੋਉਪਾਦਾਨੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਨੋਉਪਾਦਾਨਂ ਏਕਂ ਖਨ੍ਧਞ੍ਚ ਉਪਾਦਾਨਞ੍ਚ ਪਟਿਚ੍ਚ ਤਯੋ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ, ਦ੍ਵੇ ਖਨ੍ਧੇ ਚ…ਪੇ… ਉਪਾਦਾਨਞ੍ਚ ਮਹਾਭੂਤੇ ਚ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ. (੨)

ਉਪਾਦਾਨਞ੍ਚ ਨੋਉਪਾਦਾਨਞ੍ਚ ਧਮ੍ਮਂ ਪਟਿਚ੍ਚ ਉਪਾਦਾਨੋ ਚ ਨੋਉਪਾਦਾਨੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ – ਨੋਉਪਾਦਾਨਂ ਏਕਂ ਖਨ੍ਧਞ੍ਚ ਦਿਟ੍ਠੁਪਾਦਾਨਞ੍ਚ ਪਟਿਚ੍ਚ ਤਯੋ ਖਨ੍ਧਾ ਕਾਮੁਪਾਦਾਨਞ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ, ਦ੍ਵੇ ਖਨ੍ਧੇ ਚ…ਪੇ… (ਚਕ੍ਕਂ ਕਾਤਬ੍ਬਂ). (੩)

ਆਰਮ੍ਮਣਪਚ੍ਚਯੋ

੪. ਉਪਾਦਾਨਂ ਧਮ੍ਮਂ ਪਟਿਚ੍ਚ ਉਪਾਦਾਨੋ ਧਮ੍ਮੋ ਉਪ੍ਪਜ੍ਜਤਿ ਆਰਮ੍ਮਣਪਚ੍ਚਯਾ (ਨਵਪਿ ਪਞ੍ਹਾ ਕਾਤਬ੍ਬਾ, ਰੂਪਂ ਛਡ੍ਡੇਤਬ੍ਬਂ).