੧. ਵਿਭਙ੍ਗਵਾਰੋ

ਨਹੇਤੁਪਚ੍ਚਯੋ

੯੯. ਚੇਤਸਿਕਂ ਧਮ੍ਮਂ ਪਟਿਚ੍ਚ ਚੇਤਸਿਕੋ ਧਮ੍ਮੋ ਉਪ੍ਪਜ੍ਜਤਿ ਨਹੇਤੁਪਚ੍ਚਯਾ – ਅਹੇਤੁਕਂ ਚੇਤਸਿਕਂ ਏਕਂ ਖਨ੍ਧਂ ਪਟਿਚ੍ਚ ਦ੍ਵੇ ਖਨ੍ਧਾ, ਦ੍ਵੇ ਖਨ੍ਧੇ…ਪੇ… ਅਹੇਤੁਕਪਟਿਸਨ੍ਧਿਕ੍ਖਣੇ…ਪੇ… ਵਿਚਿਕਿਚ੍ਛਾਸਹਗਤੇ ਉਦ੍ਧਚ੍ਚਸਹਗਤੇ ਖਨ੍ਧੇ ਪਟਿਚ੍ਚ ਵਿਚਿਕਿਚ੍ਛਾਸਹਗਤੋ ਉਦ੍ਧਚ੍ਚਸਹਗਤੋ ਮੋਹੋ. (੧)

ਚੇਤਸਿਕਂ ਧਮ੍ਮਂ ਪਟਿਚ੍ਚ ਅਚੇਤਸਿਕੋ ਧਮ੍ਮੋ ਉਪ੍ਪਜ੍ਜਤਿ ਨਹੇਤੁਪਚ੍ਚਯਾ – ਅਹੇਤੁਕੇ ਚੇਤਸਿਕੇ ਖਨ੍ਧੇ ਪਟਿਚ੍ਚ ਚਿਤ੍ਤਞ੍ਚ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ; ਅਹੇਤੁਕਪਟਿਸਨ੍ਧਿਕ੍ਖਣੇ…ਪੇ…. (੨)

ਚੇਤਸਿਕਂ ਧਮ੍ਮਂ ਪਟਿਚ੍ਚ ਚੇਤਸਿਕੋ ਚ ਅਚੇਤਸਿਕੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਨਹੇਤੁਪਚ੍ਚਯਾ – ਅਹੇਤੁਕਂ ਚੇਤਸਿਕਂ ਏਕਂ ਖਨ੍ਧਂ ਪਟਿਚ੍ਚ ਦ੍ਵੇ ਖਨ੍ਧਾ ਚਿਤ੍ਤਞ੍ਚ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ, ਦ੍ਵੇ ਖਨ੍ਧੇ…ਪੇ… ਅਹੇਤੁਕਪਟਿਸਨ੍ਧਿਕ੍ਖਣੇ …ਪੇ…. (੩)

੧੦੦. ਅਚੇਤਸਿਕਂ ਧਮ੍ਮਂ ਪਟਿਚ੍ਚ ਅਚੇਤਸਿਕੋ ਧਮ੍ਮੋ ਉਪ੍ਪਜ੍ਜਤਿ ਨਹੇਤੁਪਚ੍ਚਯਾ – ਅਹੇਤੁਕਂ ਚਿਤ੍ਤਂ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ; ਅਹੇਤੁਕਪਟਿਸਨ੍ਧਿਕ੍ਖਣੇ ਚਿਤ੍ਤਂ ਪਟਿਚ੍ਚ ਕਟਤ੍ਤਾਰੂਪਂ, ਚਿਤ੍ਤਂ ਪਟਿਚ੍ਚ ਵਤ੍ਥੁ, ਵਤ੍ਥੁਂ ਪਟਿਚ੍ਚ ਚਿਤ੍ਤਂ, ਏਕਂ ਮਹਾਭੂਤਂ…ਪੇ… ਅਸਞ੍ਞਸਤ੍ਤਾਨਂ ਏਕਂ ਮਹਾਭੂਤਂ…ਪੇ…. (੧)

ਅਚੇਤਸਿਕਂ ਧਮ੍ਮਂ ਪਟਿਚ੍ਚ ਚੇਤਸਿਕੋ ਧਮ੍ਮੋ ਉਪ੍ਪਜ੍ਜਤਿ ਨਹੇਤੁਪਚ੍ਚਯਾ – ਅਹੇਤੁਕਂ ਚਿਤ੍ਤਂ ਪਟਿਚ੍ਚ ਸਮ੍ਪਯੁਤ੍ਤਕਾ ਖਨ੍ਧਾ; ਅਹੇਤੁਕਪਟਿਸਨ੍ਧਿਕ੍ਖਣੇ ਚਿਤ੍ਤਂ ਪਟਿਚ੍ਚ ਸਮ੍ਪਯੁਤ੍ਤਕਾ ਖਨ੍ਧਾ, ਅਹੇਤੁਕਪਟਿਸਨ੍ਧਿਕ੍ਖਣੇ ਵਤ੍ਥੁਂ ਪਟਿਚ੍ਚ ਚੇਤਸਿਕਾ ਖਨ੍ਧਾ, ਵਿਚਿਕਿਚ੍ਛਾਸਹਗਤਂ ਉਦ੍ਧਚ੍ਚਸਹਗਤਂ ਚਿਤ੍ਤਂ ਪਟਿਚ੍ਚ ਵਿਚਿਕਿਚ੍ਛਾਸਹਗਤੋ ਉਦ੍ਧਚ੍ਚਸਹਗਤੋ ਮੋਹੋ. (੨)

ਅਚੇਤਸਿਕਂ ਧਮ੍ਮਂ ਪਟਿਚ੍ਚ ਚੇਤਸਿਕੋ ਚ ਅਚੇਤਸਿਕੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਨਹੇਤੁਪਚ੍ਚਯਾ – ਅਹੇਤੁਕਂ ਚਿਤ੍ਤਂ ਪਟਿਚ੍ਚ ਸਮ੍ਪਯੁਤ੍ਤਕਾ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ; ਅਹੇਤੁਕਪਟਿਸਨ੍ਧਿਕ੍ਖਣੇ ਚਿਤ੍ਤਂ ਪਟਿਚ੍ਚ ਸਮ੍ਪਯੁਤ੍ਤਕਾ ਖਨ੍ਧਾ ਕਟਤ੍ਤਾ ਚ ਰੂਪਂ, ਅਹੇਤੁਕਪਟਿਸਨ੍ਧਿਕ੍ਖਣੇ ਵਤ੍ਥੁਂ ਪਟਿਚ੍ਚ ਚਿਤ੍ਤਞ੍ਚ ਸਮ੍ਪਯੁਤ੍ਤਕਾ ਚ ਖਨ੍ਧਾ. (੩)

੧੦੧. ਚੇਤਸਿਕਞ੍ਚ ਅਚੇਤਸਿਕਞ੍ਚ ਧਮ੍ਮਂ ਪਟਿਚ੍ਚ ਚੇਤਸਿਕੋ ਧਮ੍ਮੋ ਉਪ੍ਪਜ੍ਜਤਿ ਨਹੇਤੁਪਚ੍ਚਯਾ – ਅਹੇਤੁਕਂ ਚੇਤਸਿਕਂ ਏਕਂ ਖਨ੍ਧਞ੍ਚ ਚਿਤ੍ਤਞ੍ਚ ਪਟਿਚ੍ਚ ਦ੍ਵੇ ਖਨ੍ਧਾ, ਦ੍ਵੇ ਖਨ੍ਧੇ ਚ…ਪੇ… ਅਹੇਤੁਕਪਟਿਸਨ੍ਧਿਕ੍ਖਣੇ ਚੇਤਸਿਕਂ ਏਕਂ ਖਨ੍ਧਞ੍ਚ ਚਿਤ੍ਤਞ੍ਚ ਪਟਿਚ੍ਚ ਦ੍ਵੇ ਖਨ੍ਧਾ, ਦ੍ਵੇ ਖਨ੍ਧੇ ਚ…ਪੇ… ਅਹੇਤੁਕਪਟਿਸਨ੍ਧਿਕ੍ਖਣੇ ਚੇਤਸਿਕਂ ਏਕਂ ਖਨ੍ਧਞ੍ਚ ਵਤ੍ਥੁਞ੍ਚ ਪਟਿਚ੍ਚ ਦ੍ਵੇ ਖਨ੍ਧਾ, ਦ੍ਵੇ ਖਨ੍ਧੇ ਚ…ਪੇ… ਵਿਚਿਕਿਚ੍ਛਾਸਹਗਤੇ ਉਦ੍ਧਚ੍ਚਸਹਗਤੇ ਖਨ੍ਧੇ ਚ ਚਿਤ੍ਤਞ੍ਚ ਪਟਿਚ੍ਚ ਵਿਚਿਕਿਚ੍ਛਾਸਹਗਤੋ ਉਦ੍ਧਚ੍ਚਸਹਗਤੋ ਮੋਹੋ. (੧)

ਚੇਤਸਿਕਞ੍ਚ ਅਚੇਤਸਿਕਞ੍ਚ ਧਮ੍ਮਂ ਪਟਿਚ੍ਚ ਅਚੇਤਸਿਕੋ ਧਮ੍ਮੋ ਉਪ੍ਪਜ੍ਜਤਿ ਨਹੇਤੁਪਚ੍ਚਯਾ – ਅਹੇਤੁਕੇ ਚੇਤਸਿਕੇ ਖਨ੍ਧੇ ਚ ਚਿਤ੍ਤਞ੍ਚ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ, ਅਹੇਤੁਕੇ ਚੇਤਸਿਕੇ ਖਨ੍ਧੇ ਚ ਮਹਾਭੂਤੇ ਚ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ; ਅਹੇਤੁਕਪਟਿਸਨ੍ਧਿਕ੍ਖਣੇ ਚੇਤਸਿਕੇ ਖਨ੍ਧੇ ਚ ਚਿਤ੍ਤਞ੍ਚ ਪਟਿਚ੍ਚ ਕਟਤ੍ਤਾਰੂਪਂ, ਅਹੇਤੁਕਪਟਿਸਨ੍ਧਿਕ੍ਖਣੇ ਚੇਤਸਿਕੇ ਖਨ੍ਧੇ ਚ ਮਹਾਭੂਤੇ ਚ ਪਟਿਚ੍ਚ ਕਟਤ੍ਤਾਰੂਪਂ, ਅਹੇਤੁਕਪਟਿਸਨ੍ਧਿਕ੍ਖਣੇ ਚੇਤਸਿਕੇ ਖਨ੍ਧੇ ਚ ਵਤ੍ਥੁਞ੍ਚ ਪਟਿਚ੍ਚ ਚਿਤ੍ਤਂ. (੨)

ਚੇਤਸਿਕਞ੍ਚ ਅਚੇਤਸਿਕਞ੍ਚ ਧਮ੍ਮਂ ਪਟਿਚ੍ਚ ਚੇਤਸਿਕੋ ਚ ਅਚੇਤਸਿਕੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਨਹੇਤੁਪਚ੍ਚਯਾ – ਅਹੇਤੁਕਂ ਚੇਤਸਿਕਂ ਏਕਂ ਖਨ੍ਧਞ੍ਚ ਚਿਤ੍ਤਞ੍ਚ ਪਟਿਚ੍ਚ ਦ੍ਵੇ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ; ਅਹੇਤੁਕਪਟਿਸਨ੍ਧਿਕ੍ਖਣੇ ਚੇਤਸਿਕਂ ਏਕਂ ਖਨ੍ਧਞ੍ਚ ਚਿਤ੍ਤਞ੍ਚ ਪਟਿਚ੍ਚ ਦ੍ਵੇ ਖਨ੍ਧਾ ਕਟਤ੍ਤਾ ਚ ਰੂਪਂ, ਅਹੇਤੁਕਪਟਿਸਨ੍ਧਿਕ੍ਖਣੇ ਚੇਤਸਿਕਂ ਏਕਂ ਖਨ੍ਧਞ੍ਚ ਵਤ੍ਥੁਞ੍ਚ ਪਟਿਚ੍ਚ ਦ੍ਵੇ ਖਨ੍ਧਾ ਚਿਤ੍ਤਞ੍ਚ, ਦ੍ਵੇ ਖਨ੍ਧੇ ਚ…ਪੇ…. (੩)

ਨਆਰਮ੍ਮਣਪਚ੍ਚਯੋ

੧੦੨. ਚੇਤਸਿਕਂ ਧਮ੍ਮਂ ਪਟਿਚ੍ਚ ਅਚੇਤਸਿਕੋ ਧਮ੍ਮੋ ਉਪ੍ਪਜ੍ਜਤਿ ਨਆਰਮ੍ਮਣਪਚ੍ਚਯਾ – ਚੇਤਸਿਕੇ ਖਨ੍ਧੇ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ; ਪਟਿਸਨ੍ਧਿਕ੍ਖਣੇ…ਪੇ…. (੧)

ਅਚੇਤਸਿਕਂ ਧਮ੍ਮਂ ਪਟਿਚ੍ਚ ਅਚੇਤਸਿਕੋ ਧਮ੍ਮੋ ਉਪ੍ਪਜ੍ਜਤਿ ਨਆਰਮ੍ਮਣਪਚ੍ਚਯਾ – ਚਿਤ੍ਤਂ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ; ਪਟਿਸਨ੍ਧਿਕ੍ਖਣੇ …ਪੇ… (ਯਾਵ ਅਸਞ੍ਞਸਤ੍ਤਾ). (੧)

ਚੇਤਸਿਕਞ੍ਚ ਅਚੇਤਸਿਕਞ੍ਚ ਧਮ੍ਮਂ ਪਟਿਚ੍ਚ ਅਚੇਤਸਿਕੋ ਧਮ੍ਮੋ ਉਪ੍ਪਜ੍ਜਤਿ ਨਆਰਮ੍ਮਣਪਚ੍ਚਯਾ – ਚੇਤਸਿਕੇ ਖਨ੍ਧੇ ਚ ਚਿਤ੍ਤਞ੍ਚ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ, ਚੇਤਸਿਕੇ ਖਨ੍ਧੇ ਚ ਮਹਾਭੂਤੇ ਚ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ (ਪਟਿਸਨ੍ਧਿਕ੍ਖਣੇ ਦ੍ਵੇਪਿ ਕਾਤਬ੍ਬਾ, ਸਂਖਿਤ੍ਤਂ).