੧. ਵਿਭਙ੍ਗਵਾਰੋ

ਹੇਤੁਪਚ੍ਚਯੋ

੯੨. ਚੇਤਸਿਕਂ ਧਮ੍ਮਂ ਪਟਿਚ੍ਚ ਚੇਤਸਿਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਚੇਤਸਿਕਂ ਏਕਂ ਖਨ੍ਧਂ ਪਟਿਚ੍ਚ ਦ੍ਵੇ ਖਨ੍ਧਾ, ਦ੍ਵੇ ਖਨ੍ਧੇ ਪਟਿਚ੍ਚ ਏਕੋ ਖਨ੍ਧੋ; ਪਟਿਸਨ੍ਧਿਕ੍ਖਣੇ…ਪੇ…. (੧)

ਚੇਤਸਿਕਂ ਧਮ੍ਮਂ ਪਟਿਚ੍ਚ ਅਚੇਤਸਿਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਚੇਤਸਿਕੇ ਖਨ੍ਧੇ ਪਟਿਚ੍ਚ ਚਿਤ੍ਤਞ੍ਚ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ; ਪਟਿਸਨ੍ਧਿਕ੍ਖਣੇ ਚੇਤਸਿਕੇ ਖਨ੍ਧੇ ਪਟਿਚ੍ਚ ਚਿਤ੍ਤਞ੍ਚ ਕਟਤ੍ਤਾ ਚ ਰੂਪਂ. (੨)

ਚੇਤਸਿਕਂ ਧਮ੍ਮਂ ਪਟਿਚ੍ਚ ਚੇਤਸਿਕੋ ਚ ਅਚੇਤਸਿਕੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ – ਚੇਤਸਿਕਂ ਏਕਂ ਖਨ੍ਧਂ ਪਟਿਚ੍ਚ ਦ੍ਵੇ ਖਨ੍ਧਾ ਚਿਤ੍ਤਞ੍ਚ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ, ਦ੍ਵੇ ਖਨ੍ਧੇ…ਪੇ… ਪਟਿਸਨ੍ਧਿਕ੍ਖਣੇ…ਪੇ…. (੩)

੯੩. ਅਚੇਤਸਿਕਂ ਧਮ੍ਮਂ ਪਟਿਚ੍ਚ ਅਚੇਤਸਿਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਚਿਤ੍ਤਂ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ; ਪਟਿਸਨ੍ਧਿਕ੍ਖਣੇ ਚਿਤ੍ਤਂ ਪਟਿਚ੍ਚ ਕਟਤ੍ਤਾਰੂਪਂ, ਚਿਤ੍ਤਂ ਪਟਿਚ੍ਚ ਵਤ੍ਥੁ, ਵਤ੍ਥੁਂ ਪਟਿਚ੍ਚ ਚਿਤ੍ਤਂ, ਏਕਂ ਮਹਾਭੂਤਂ…ਪੇ… ਮਹਾਭੂਤੇ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ ਕਟਤ੍ਤਾਰੂਪਂ ਉਪਾਦਾਰੂਪਂ. (੧)

ਅਚੇਤਸਿਕਂ ਧਮ੍ਮਂ ਪਟਿਚ੍ਚ ਚੇਤਸਿਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਚਿਤ੍ਤਂ ਪਟਿਚ੍ਚ ਸਮ੍ਪਯੁਤ੍ਤਕਾ ਖਨ੍ਧਾ; ਪਟਿਸਨ੍ਧਿਕ੍ਖਣੇ ਚਿਤ੍ਤਂ…ਪੇ… ਪਟਿਸਨ੍ਧਿਕ੍ਖਣੇ ਵਤ੍ਥੁਂ ਪਟਿਚ੍ਚ ਚੇਤਸਿਕਾ ਖਨ੍ਧਾ. (੨)

ਅਚੇਤਸਿਕਂ ਧਮ੍ਮਂ ਪਟਿਚ੍ਚ ਚੇਤਸਿਕੋ ਚ ਅਚੇਤਸਿਕੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ – ਚਿਤ੍ਤਂ ਪਟਿਚ੍ਚ ਸਮ੍ਪਯੁਤ੍ਤਕਾ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ; ਪਟਿਸਨ੍ਧਿਕ੍ਖਣੇ ਚਿਤ੍ਤਂ…ਪੇ… ਪਟਿਸਨ੍ਧਿਕ੍ਖਣੇ ਵਤ੍ਥੁਂ ਪਟਿਚ੍ਚ ਚਿਤ੍ਤਞ੍ਚ ਸਮ੍ਪਯੁਤ੍ਤਕਾ ਚ ਖਨ੍ਧਾ. (੩)

੯੪. ਚੇਤਸਿਕਞ੍ਚ ਅਚੇਤਸਿਕਞ੍ਚ ਧਮ੍ਮਂ ਪਟਿਚ੍ਚ ਚੇਤਸਿਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਚੇਤਸਿਕਂ ਏਕਂ ਖਨ੍ਧਞ੍ਚ ਚਿਤ੍ਤਞ੍ਚ ਪਟਿਚ੍ਚ ਦ੍ਵੇ ਖਨ੍ਧਾ, ਦ੍ਵੇ ਖਨ੍ਧੇ ਚ…ਪੇ… ਪਟਿਸਨ੍ਧਿਕ੍ਖਣੇ ਚੇਤਸਿਕਂ ਏਕਂ ਖਨ੍ਧਞ੍ਚ ਚਿਤ੍ਤਞ੍ਚ ਪਟਿਚ੍ਚ ਦ੍ਵੇ ਖਨ੍ਧਾ, ਦ੍ਵੇ ਖਨ੍ਧੇ ਚ…ਪੇ… ਪਟਿਸਨ੍ਧਿਕ੍ਖਣੇ ਚੇਤਸਿਕਂ ਏਕਂ ਖਨ੍ਧਞ੍ਚ ਵਤ੍ਥੁਞ੍ਚ ਪਟਿਚ੍ਚ ਦ੍ਵੇ ਖਨ੍ਧਾ, ਦ੍ਵੇ ਖਨ੍ਧੇ ਚ…ਪੇ…. (੧)

ਚੇਤਸਿਕਞ੍ਚ ਅਚੇਤਸਿਕਞ੍ਚ ਧਮ੍ਮਂ ਪਟਿਚ੍ਚ ਅਚੇਤਸਿਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਚੇਤਸਿਕੇ ਖਨ੍ਧੇ ਚ ਚਿਤ੍ਤਞ੍ਚ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ, ਚੇਤਸਿਕੇ ਖਨ੍ਧੇ ਚ ਮਹਾਭੂਤੇ ਚ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ; ਪਟਿਸਨ੍ਧਿਕ੍ਖਣੇ ਚੇਤਸਿਕੇ ਖਨ੍ਧੇ ਚ ਚਿਤ੍ਤਞ੍ਚ ਪਟਿਚ੍ਚ ਕਟਤ੍ਤਾਰੂਪਂ, ਪਟਿਸਨ੍ਧਿਕ੍ਖਣੇ ਚੇਤਸਿਕੇ ਖਨ੍ਧੇ ਚ ਮਹਾਭੂਤੇ ਚ ਪਟਿਚ੍ਚ ਕਟਤ੍ਤਾਰੂਪਂ, ਪਟਿਸਨ੍ਧਿਕ੍ਖਣੇ ਚੇਤਸਿਕੇ ਖਨ੍ਧੇ ਚ ਵਤ੍ਥੁਞ੍ਚ ਪਟਿਚ੍ਚ ਚਿਤ੍ਤਂ. (੨)

ਚੇਤਸਿਕਞ੍ਚ ਅਚੇਤਸਿਕਞ੍ਚ ਧਮ੍ਮਂ ਪਟਿਚ੍ਚ ਚੇਤਸਿਕੋ ਚ ਅਚੇਤਸਿਕੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ – ਚੇਤਸਿਕਂ ਏਕਂ ਖਨ੍ਧਞ੍ਚ ਚਿਤ੍ਤਞ੍ਚ ਪਟਿਚ੍ਚ ਦ੍ਵੇ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ, ਦ੍ਵੇ ਖਨ੍ਧੇ ਚ…ਪੇ… ਪਟਿਸਨ੍ਧਿਕ੍ਖਣੇ ਚੇਤਸਿਕਂ ਏਕਂ ਖਨ੍ਧਞ੍ਚ ਚਿਤ੍ਤਞ੍ਚ ਪਟਿਚ੍ਚ ਦ੍ਵੇ ਖਨ੍ਧਾ ਕਟਤ੍ਤਾ ਚ ਰੂਪਂ, ਦ੍ਵੇ ਖਨ੍ਧੇ ਚ…ਪੇ… ਪਟਿਸਨ੍ਧਿਕ੍ਖਣੇ ਚੇਤਸਿਕਂ ਏਕਂ ਖਨ੍ਧਞ੍ਚ ਵਤ੍ਥੁਞ੍ਚ ਪਟਿਚ੍ਚ ਦ੍ਵੇ ਖਨ੍ਧਾ ਚਿਤ੍ਤਞ੍ਚ, ਦ੍ਵੇ ਖਨ੍ਧੇ ਚ ਵਤ੍ਥੁਞ੍ਚ ਪਟਿਚ੍ਚ ਏਕੋ ਖਨ੍ਧੋ ਚਿਤ੍ਤਞ੍ਚ. (੩)

ਆਰਮ੍ਮਣਪਚ੍ਚਯੋ

੯੫. ਚੇਤਸਿਕਂ ਧਮ੍ਮਂ ਪਟਿਚ੍ਚ ਚੇਤਸਿਕੋ ਧਮ੍ਮੋ ਉਪ੍ਪਜ੍ਜਤਿ ਆਰਮ੍ਮਣਪਚ੍ਚਯਾ – ਚੇਤਸਿਕਂ ਏਕਂ ਖਨ੍ਧਂ ਪਟਿਚ੍ਚ ਦ੍ਵੇ ਖਨ੍ਧਾ, ਦ੍ਵੇ ਖਨ੍ਧੇ…ਪੇ… ਪਟਿਸਨ੍ਧਿਕ੍ਖਣੇ…ਪੇ…. (੧)

ਚੇਤਸਿਕਂ ਧਮ੍ਮਂ ਪਟਿਚ੍ਚ ਅਚੇਤਸਿਕੋ ਧਮ੍ਮੋ ਉਪ੍ਪਜ੍ਜਤਿ ਆਰਮ੍ਮਣਪਚ੍ਚਯਾ – ਚੇਤਸਿਕੇ ਖਨ੍ਧੇ ਪਟਿਚ੍ਚ ਚਿਤ੍ਤਂ; ਪਟਿਸਨ੍ਧਿਕ੍ਖਣੇ…ਪੇ…. (੨)

ਚੇਤਸਿਕਂ ਧਮ੍ਮਂ ਪਟਿਚ੍ਚ ਚੇਤਸਿਕੋ ਚ ਅਚੇਤਸਿਕੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਆਰਮ੍ਮਣਪਚ੍ਚਯਾ – ਚੇਤਸਿਕਂ ਏਕਂ ਖਨ੍ਧਂ ਪਟਿਚ੍ਚ ਦ੍ਵੇ ਖਨ੍ਧਾ ਚਿਤ੍ਤਞ੍ਚ, ਦ੍ਵੇ ਖਨ੍ਧੇ…ਪੇ… ਪਟਿਸਨ੍ਧਿਕ੍ਖਣੇ…ਪੇ…. (੩)

੯੬. ਅਚੇਤਸਿਕਂ ਧਮ੍ਮਂ ਪਟਿਚ੍ਚ ਅਚੇਤਸਿਕੋ ਧਮ੍ਮੋ ਉਪ੍ਪਜ੍ਜਤਿ ਆਰਮ੍ਮਣਪਚ੍ਚਯਾ – ਪਟਿਸਨ੍ਧਿਕ੍ਖਣੇ ਵਤ੍ਥੁਂ ਪਟਿਚ੍ਚ ਚਿਤ੍ਤਂ. (੧)

ਅਚੇਤਸਿਕਂ ਧਮ੍ਮਂ ਪਟਿਚ੍ਚ ਚੇਤਸਿਕੋ ਧਮ੍ਮੋ ਉਪ੍ਪਜ੍ਜਤਿ ਆਰਮ੍ਮਣਪਚ੍ਚਯਾ – ਚਿਤ੍ਤਂ ਪਟਿਚ੍ਚ ਸਮ੍ਪਯੁਤ੍ਤਕਾ ਖਨ੍ਧਾ; ਪਟਿਸਨ੍ਧਿਕ੍ਖਣੇ ਚਿਤ੍ਤਂ ਪਟਿਚ੍ਚ ਸਮ੍ਪਯੁਤ੍ਤਕਾ ਖਨ੍ਧਾ, ਪਟਿਸਨ੍ਧਿਕ੍ਖਣੇ ਵਤ੍ਥੁਂ ਪਟਿਚ੍ਚ ਚੇਤਸਿਕਾ ਖਨ੍ਧਾ. (੨)

ਅਚੇਤਸਿਕਂ ਧਮ੍ਮਂ ਪਟਿਚ੍ਚ ਚੇਤਸਿਕੋ ਚ ਅਚੇਤਸਿਕੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਆਰਮ੍ਮਣਪਚ੍ਚਯਾ – ਪਟਿਸਨ੍ਧਿਕ੍ਖਣੇ ਵਤ੍ਥੁਂ ਪਟਿਚ੍ਚ ਚਿਤ੍ਤਞ੍ਚ ਸਮ੍ਪਯੁਤ੍ਤਕਾ ਚ ਖਨ੍ਧਾ. (੩)

ਚੇਤਸਿਕਞ੍ਚ ਅਚੇਤਸਿਕਞ੍ਚ ਧਮ੍ਮਂ ਪਟਿਚ੍ਚ ਚੇਤਸਿਕੋ ਧਮ੍ਮੋ ਉਪ੍ਪਜ੍ਜਤਿ ਆਰਮ੍ਮਣਪਚ੍ਚਯਾ – ਚੇਤਸਿਕਂ ਏਕਂ ਖਨ੍ਧਞ੍ਚ ਚਿਤ੍ਤਞ੍ਚ ਪਟਿਚ੍ਚ ਦ੍ਵੇ ਖਨ੍ਧਾ, ਦ੍ਵੇ ਖਨ੍ਧੇ ਚ…ਪੇ… ਪਟਿਸਨ੍ਧਿਕ੍ਖਣੇ ਚੇਤਸਿਕਂ ਏਕਂ ਖਨ੍ਧਞ੍ਚ ਚਿਤ੍ਤਞ੍ਚ ਪਟਿਚ੍ਚ ਦ੍ਵੇ ਖਨ੍ਧਾ, ਦ੍ਵੇ ਖਨ੍ਧੇ ਚ…ਪੇ… ਪਟਿਸਨ੍ਧਿਕ੍ਖਣੇ ਚੇਤਸਿਕਂ ਏਕਂ ਖਨ੍ਧਞ੍ਚ ਵਤ੍ਥੁਞ੍ਚ ਪਟਿਚ੍ਚ ਦ੍ਵੇ ਖਨ੍ਧਾ, ਦ੍ਵੇ ਖਨ੍ਧੇ ਚ…ਪੇ…. (੧)

ਚੇਤਸਿਕਞ੍ਚ ਅਚੇਤਸਿਕਞ੍ਚ ਧਮ੍ਮਂ ਪਟਿਚ੍ਚ ਅਚੇਤਸਿਕੋ ਧਮ੍ਮੋ ਉਪ੍ਪਜ੍ਜਤਿ ਆਰਮ੍ਮਣਪਚ੍ਚਯਾ – ਪਟਿਸਨ੍ਧਿਕ੍ਖਣੇ ਚੇਤਸਿਕੇ ਖਨ੍ਧੇ ਚ ਵਤ੍ਥੁਞ੍ਚ ਪਟਿਚ੍ਚ ਚਿਤ੍ਤਂ. (੨)

ਚੇਤਸਿਕਞ੍ਚ ਅਚੇਤਸਿਕਞ੍ਚ ਧਮ੍ਮਂ ਪਟਿਚ੍ਚ ਚੇਤਸਿਕੋ ਚ ਅਚੇਤਸਿਕੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਆਰਮ੍ਮਣਪਚ੍ਚਯਾ – ਪਟਿਸਨ੍ਧਿਕ੍ਖਣੇ ਚੇਤਸਿਕਂ ਏਕਂ ਖਨ੍ਧਞ੍ਚ ਵਤ੍ਥੁਞ੍ਚ ਪਟਿਚ੍ਚ ਦ੍ਵੇ ਖਨ੍ਧਾ ਚਿਤ੍ਤਞ੍ਚ, ਦ੍ਵੇ ਖਨ੍ਧੇ ਚ…ਪੇ…. (੩)

ਅਧਿਪਤਿਪਚ੍ਚਯੋ

੯੭. ਚੇਤਸਿਕਂ ਧਮ੍ਮਂ ਪਟਿਚ੍ਚ ਚੇਤਸਿਕੋ ਧਮ੍ਮੋ ਉਪ੍ਪਜ੍ਜਤਿ ਅਧਿਪਤਿਪਚ੍ਚਯਾ (ਸਂਖਿਤ੍ਤਂ).