੧. ਵਿਭਙ੍ਗਵਾਰੋ

ਹੇਤੁਪਚ੍ਚਯੋ

੭੦. ਨੋਚਿਤ੍ਤੋ ਧਮ੍ਮੋ ਨੋਚਿਤ੍ਤਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ – ਨੋਚਿਤ੍ਤਾ ਹੇਤੂ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਹੇਤੁਪਚ੍ਚਯੇਨ ਪਚ੍ਚਯੋ; ਪਟਿਸਨ੍ਧਿਕ੍ਖਣੇ…ਪੇ…. (੧)

ਨੋਚਿਤ੍ਤੋ ਧਮ੍ਮੋ ਚਿਤ੍ਤਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ – ਨੋਚਿਤ੍ਤਾ ਹੇਤੂ ਚਿਤ੍ਤਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ; ਪਟਿਸਨ੍ਧਿਕ੍ਖਣੇ…ਪੇ…. (੨)

ਨੋਚਿਤ੍ਤੋ ਧਮ੍ਮੋ ਚਿਤ੍ਤਸ੍ਸ ਚ ਨੋਚਿਤ੍ਤਸ੍ਸ ਚ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ – ਨੋਚਿਤ੍ਤਾ ਹੇਤੂ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਚਿਤ੍ਤਸ੍ਸ ਚ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਹੇਤੁਪਚ੍ਚਯੇਨ ਪਚ੍ਚਯੋ; ਪਟਿਸਨ੍ਧਿਕ੍ਖਣੇ…ਪੇ…. (੩)

ਆਰਮ੍ਮਣਪਚ੍ਚਯੋ

੭੧. ਚਿਤ੍ਤੋ ਧਮ੍ਮੋ ਚਿਤ੍ਤਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ – ਚਿਤ੍ਤਂ ਆਰਬ੍ਭ ਚਿਤ੍ਤਂ ਉਪ੍ਪਜ੍ਜਤਿ. (ਮੂਲਂ ਕਾਤਬ੍ਬਂ) ਚਿਤ੍ਤਂ ਆਰਬ੍ਭ ਨੋਚਿਤ੍ਤਾ ਖਨ੍ਧਾ ਉਪ੍ਪਜ੍ਜਨ੍ਤਿ. (ਮੂਲਂ ਕਾਤਬ੍ਬਂ) ਚਿਤ੍ਤਂ ਆਰਬ੍ਭ ਚਿਤ੍ਤਞ੍ਚ ਸਮ੍ਪਯੁਤ੍ਤਕਾ ਚ ਖਨ੍ਧਾ ਉਪ੍ਪਜ੍ਜਨ੍ਤਿ. (੩)

੭੨. ਨੋਚਿਤ੍ਤੋ ਧਮ੍ਮੋ ਨੋਚਿਤ੍ਤਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ – ਦਾਨਂ ਦਤ੍ਵਾ ਸੀਲਂ…ਪੇ… ਉਪੋਸਥਕਮ੍ਮਂ ਕਤ੍ਵਾ ਤਂ ਪਚ੍ਚਵੇਕ੍ਖਤਿ ਅਸ੍ਸਾਦੇਤਿ ਅਭਿਨਨ੍ਦਤਿ, ਤਂ ਆਰਬ੍ਭ ਰਾਗੋ ਉਪ੍ਪਜ੍ਜਤਿ…ਪੇ… ਦੋਮਨਸ੍ਸਂ ਉਪ੍ਪਜ੍ਜਤਿ, ਪੁਬ੍ਬੇ ਸੁਚਿਣ੍ਣਾਨਿ…ਪੇ… ਝਾਨਾ ਵੁਟ੍ਠਹਿਤ੍ਵਾ ਝਾਨਂ…ਪੇ… ਅਰਿਯਾ ਮਗ੍ਗਾ ਵੁਟ੍ਠਹਿਤ੍ਵਾ ਮਗ੍ਗਂ ਪਚ੍ਚਵੇਕ੍ਖਨ੍ਤਿ, ਫਲਂ ਪਚ੍ਚਵੇਕ੍ਖਨ੍ਤਿ, ਨਿਬ੍ਬਾਨਂ ਪਚ੍ਚਵੇਕ੍ਖਨ੍ਤਿ. ਨਿਬ੍ਬਾਨਂ ਗੋਤ੍ਰਭੁਸ੍ਸ, ਵੋਦਾਨਸ੍ਸ, ਮਗ੍ਗਸ੍ਸ, ਫਲਸ੍ਸ, ਆਵਜ੍ਜਨਾਯ ਆਰਮ੍ਮਣਪਚ੍ਚਯੇਨ ਪਚ੍ਚਯੋ; ਅਰਿਯਾ ਨੋਚਿਤ੍ਤੇ ਪਹੀਨੇ ਕਿਲੇਸੇ ਪਚ੍ਚਵੇਕ੍ਖਨ੍ਤਿ, ਵਿਕ੍ਖਮ੍ਭਿਤੇ ਕਿਲੇਸੇ ਪਚ੍ਚਵੇਕ੍ਖਨ੍ਤਿ, ਪੁਬ੍ਬੇ ਸਮੁਦਾਚਿਣ੍ਣੇ ਕਿਲੇਸੇ ਜਾਨਨ੍ਤਿ, ਚਕ੍ਖੁਂ…ਪੇ… ਵਤ੍ਥੁਂ ਨੋਚਿਤ੍ਤੇ ਖਨ੍ਧੇ ਅਨਿਚ੍ਚਤੋ…ਪੇ… ਦੋਮਨਸ੍ਸਂ ਉਪ੍ਪਜ੍ਜਤਿ; ਦਿਬ੍ਬੇਨ ਚਕ੍ਖੁਨਾ ਰੂਪਂ ਪਸ੍ਸਤਿ, ਦਿਬ੍ਬਾਯ ਸੋਤਧਾਤੁਯਾ ਸਦ੍ਦਂ ਸੁਣਾਤਿ. ਚੇਤੋਪਰਿਯਞਾਣੇਨ ਨੋਚਿਤ੍ਤਸਮਙ੍ਗਿਸ੍ਸ ਚਿਤ੍ਤਂ ਜਾਨਾਤਿ, ਆਕਾਸਾਨਞ੍ਚਾਯਤਨਂ…ਪੇ… ਆਕਿਞ੍ਚਞ੍ਞਾਯਤਨਂ…ਪੇ… ਰੂਪਾਯਤਨਂ ਚਕ੍ਖੁਵਿਞ੍ਞਾਣਸਹਗਤਾਨਂ ਖਨ੍ਧਾਨਂ…ਪੇ… ਫੋਟ੍ਠਬ੍ਬਾਯਤਨਂ ਕਾਯਵਿਞ੍ਞਾਣਸਹਗਤਾਨਂ ਖਨ੍ਧਾਨਂ…ਪੇ… ਨੋਚਿਤ੍ਤਾ ਖਨ੍ਧਾ ਇਦ੍ਧਿਵਿਧਞਾਣਸ੍ਸ, ਚੇਤੋਪਰਿਯਞਾਣਸ੍ਸ, ਪੁਬ੍ਬੇਨਿਵਾਸਾਨੁਸ੍ਸਤਿਞਾਣਸ੍ਸ, ਯਥਾਕਮ੍ਮੂਪਗਞਾਣਸ੍ਸ, ਅਨਾਗਤਂਸਞਾਣਸ੍ਸ, ਆਵਜ੍ਜਨਾਯ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. (੧)

ਨੋਚਿਤ੍ਤੋ ਧਮ੍ਮੋ ਚਿਤ੍ਤਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ – ਦਾਨਂ ਦਤ੍ਵਾ…ਪੇ… (ਪਠਮਗਮਨਸਦਿਸਂ ਨਿਨ੍ਨਾਨਾਕਰਣਂ, ਇਮਂ ਨਾਨਂ) ਰੂਪਾਯਤਨਂ ਚਕ੍ਖੁਵਿਞ੍ਞਾਣਸ੍ਸ…ਪੇ… ਫੋਟ੍ਠਬ੍ਬਾਯਤਨਂ ਕਾਯਵਿਞ੍ਞਾਣਸ੍ਸ…ਪੇ… ਨੋਚਿਤ੍ਤਾ ਖਨ੍ਧਾ ਇਦ੍ਧਿਵਿਧਞਾਣਸ੍ਸ…ਪੇ… ਆਵਜ੍ਜਨਾਯ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. (੨)

ਨੋਚਿਤ੍ਤੋ ਧਮ੍ਮੋ ਚਿਤ੍ਤਸ੍ਸ ਚ ਨੋਚਿਤ੍ਤਸ੍ਸ ਚ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ – ਦਾਨਂ ਦਤ੍ਵਾ…ਪੇ… (ਪਠਮਗਮਨਸਦਿਸਂ ਨਿਨ੍ਨਾਨਾਕਰਣਂ, ਇਮਂ ਨਾਨਂ), ਰੂਪਾਯਤਨਂ ਚਕ੍ਖੁਵਿਞ੍ਞਾਣਸ੍ਸ ਸਮ੍ਪਯੁਤ੍ਤਕਾਨਞ੍ਚ ਖਨ੍ਧਾਨਂ…ਪੇ… ਫੋਟ੍ਠਬ੍ਬਾਯਤਨਂ ਕਾਯਵਿਞ੍ਞਾਣਸ੍ਸ ਸਮ੍ਪਯੁਤ੍ਤਕਾਨਞ੍ਚ ਖਨ੍ਧਾਨਂ…ਪੇ… ਨੋਚਿਤ੍ਤਾ ਖਨ੍ਧਾ ਇਦ੍ਧਿਵਿਧਞਾਣਸ੍ਸ…ਪੇ… ਆਵਜ੍ਜਨਾਯ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. (੩)

ਚਿਤ੍ਤੋ ਚ ਨੋਚਿਤ੍ਤੋ ਚ ਧਮ੍ਮਾ ਚਿਤ੍ਤਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ – ਚਿਤ੍ਤਞ੍ਚ ਸਮ੍ਪਯੁਤ੍ਤਕੇ ਚ ਖਨ੍ਧੇ ਆਰਬ੍ਭ ਚਿਤ੍ਤਂ ਉਪ੍ਪਜ੍ਜਤਿ… ਤੀਣਿ.

ਅਧਿਪਤਿਪਚ੍ਚਯੋ

੭੩. ਚਿਤ੍ਤੋ ਧਮ੍ਮੋ ਚਿਤ੍ਤਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ. ਆਰਮ੍ਮਣਾਧਿਪਤਿ – ਚਿਤ੍ਤਂ ਗਰੁਂ ਕਤ੍ਵਾ ਚਿਤ੍ਤਂ ਉਪ੍ਪਜ੍ਜਤਿ. (੧)

ਚਿਤ੍ਤੋ ਧਮ੍ਮੋ ਨੋਚਿਤ੍ਤਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ – ਆਰਮ੍ਮਣਾਧਿਪਤਿ, ਸਹਜਾਤਾਧਿਪਤਿ. ਆਰਮ੍ਮਣਾਧਿਪਤਿ – ਚਿਤ੍ਤਂ ਗਰੁਂ ਕਤ੍ਵਾ ਨੋਚਿਤ੍ਤਾ ਖਨ੍ਧਾ ਉਪ੍ਪਜ੍ਜਨ੍ਤਿ. ਸਹਜਾਤਾਧਿਪਤਿ – ਚਿਤ੍ਤਾਧਿਪਤਿ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਅਧਿਪਤਿਪਚ੍ਚਯੇਨ ਪਚ੍ਚਯੋ. (੨)

ਚਿਤ੍ਤੋ ਧਮ੍ਮੋ ਚਿਤ੍ਤਸ੍ਸ ਚ ਨੋਚਿਤ੍ਤਸ੍ਸ ਚ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ. ਆਰਮ੍ਮਣਾਧਿਪਤਿ – ਚਿਤ੍ਤਂ ਗਰੁਂ ਕਤ੍ਵਾ ਚਿਤ੍ਤਞ੍ਚ ਸਮ੍ਪਯੁਤ੍ਤਕਾ ਚ ਖਨ੍ਧਾ ਉਪ੍ਪਜ੍ਜਨ੍ਤਿ. (੩)

੭੪. ਨੋਚਿਤ੍ਤੋ ਧਮ੍ਮੋ ਨੋਚਿਤ੍ਤਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ – ਆਰਮ੍ਮਣਾਧਿਪਤਿ, ਸਹਜਾਤਾਧਿਪਤਿ. ਆਰਮ੍ਮਣਾਧਿਪਤਿ – ਦਾਨਂ…ਪੇ… ਸੀਲਂ…ਪੇ… ਉਪੋਸਥਕਮ੍ਮਂ ਕਤ੍ਵਾ ਤਂ ਗਰੁਂ ਕਤ੍ਵਾ ਪਚ੍ਚਵੇਕ੍ਖਤਿ ਅਸ੍ਸਾਦੇਤਿ ਅਭਿਨਨ੍ਦਤਿ, ਤਂ ਗਰੁਂ ਕਤ੍ਵਾ ਰਾਗੋ ਉਪ੍ਪਜ੍ਜਤਿ, ਦਿਟ੍ਠਿ ਉਪ੍ਪਜ੍ਜਤਿ, ਪੁਬ੍ਬੇ…ਪੇ… ਝਾਨਾ…ਪੇ… ਅਰਿਯਾ ਮਗ੍ਗਾ ਵੁਟ੍ਠਹਿਤ੍ਵਾ ਮਗ੍ਗਂ ਗਰੁਂ ਕਤ੍ਵਾ ਪਚ੍ਚਵੇਕ੍ਖਨ੍ਤਿ. ਫਲਂ ਗਰੁਂ ਕਤ੍ਵਾ ਪਚ੍ਚਵੇਕ੍ਖਨ੍ਤਿ, ਨਿਬ੍ਬਾਨਂ ਗਰੁਂ ਕਤ੍ਵਾ ਪਚ੍ਚਵੇਕ੍ਖਨ੍ਤਿ, ਨਿਬ੍ਬਾਨਂ ਗੋਤ੍ਰਭੁਸ੍ਸ, ਵੋਦਾਨਸ੍ਸ, ਮਗ੍ਗਸ੍ਸ, ਫਲਸ੍ਸ, ਅਧਿਪਤਿਪਚ੍ਚਯੇਨ ਪਚ੍ਚਯੋ; ਚਕ੍ਖੁਂ…ਪੇ… ਵਤ੍ਥੁਂ ਨੋਚਿਤ੍ਤੇ ਖਨ੍ਧੇ ਗਰੁਂ ਕਤ੍ਵਾ ਅਸ੍ਸਾਦੇਤਿ ਅਭਿਨਨ੍ਦਤਿ, ਤਂ ਗਰੁਂ ਕਤ੍ਵਾ ਰਾਗੋ ਉਪ੍ਪਜ੍ਜਤਿ, ਦਿਟ੍ਠਿ ਉਪ੍ਪਜ੍ਜਤਿ. ਸਹਜਾਤਾਧਿਪਤਿ – ਨੋਚਿਤ੍ਤਾਧਿਪਤਿ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਅਧਿਪਤਿਪਚ੍ਚਯੇਨ ਪਚ੍ਚਯੋ. (੧)

ਨੋਚਿਤ੍ਤੋ ਧਮ੍ਮੋ ਚਿਤ੍ਤਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ (ਦ੍ਵੇਪਿ ਗਮਨਾ ਪਠਮਗਮਨਸਦਿਸਂ ਨਿਨ੍ਨਾਨਾਕਰਣਂ. ਆਰਮ੍ਮਣਾਧਿਪਤਿ ਸਹਜਾਤਾਧਿਪਤਿ ਕਾਤਬ੍ਬਾ). (੨)

ਚਿਤ੍ਤੋ ਚ ਨੋਚਿਤ੍ਤੋ ਚ ਧਮ੍ਮਾ ਚਿਤ੍ਤਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ… ਆਰਮ੍ਮਣਾਧਿਪਤਿ (ਤੀਣਿਪਿ ਗਰੁਕਾਰਮ੍ਮਣਾ ਕਾਤਬ੍ਬਾ, ਆਰਮ੍ਮਣਾਧਿਪਤਿਯੇਵ).

ਅਨਨ੍ਤਰਪਚ੍ਚਯਾਦਿ

੭੫. ਚਿਤ੍ਤੋ ਧਮ੍ਮੋ ਚਿਤ੍ਤਸ੍ਸ ਧਮ੍ਮਸ੍ਸ ਅਨਨ੍ਤਰਪਚ੍ਚਯੇਨ ਪਚ੍ਚਯੋ – ਪੁਰਿਮਂ ਪੁਰਿਮਂ ਚਿਤ੍ਤਂ ਪਚ੍ਛਿਮਸ੍ਸ ਪਚ੍ਛਿਮਸ੍ਸ ਚਿਤ੍ਤਸ੍ਸ ਅਨਨ੍ਤਰਪਚ੍ਚਯੇਨ ਪਚ੍ਚਯੋ. (੧)

ਚਿਤ੍ਤੋ ਧਮ੍ਮੋ ਨੋਚਿਤ੍ਤਸ੍ਸ ਧਮ੍ਮਸ੍ਸ ਅਨਨ੍ਤਰਪਚ੍ਚਯੇਨ ਪਚ੍ਚਯੋ – ਪੁਰਿਮਂ ਪੁਰਿਮਂ ਚਿਤ੍ਤਂ ਪਚ੍ਛਿਮਾਨਂ ਪਚ੍ਛਿਮਾਨਂ ਨੋਚਿਤ੍ਤਾਨਂ ਖਨ੍ਧਾਨਂ ਅਨਨ੍ਤਰਪਚ੍ਚਯੇਨ ਪਚ੍ਚਯੋ; ਚਿਤ੍ਤਂ ਵੁਟ੍ਠਾਨਸ੍ਸ ਅਨਨ੍ਤਰਪਚ੍ਚਯੇਨ ਪਚ੍ਚਯੋ. (੨)

ਚਿਤ੍ਤੋ ਧਮ੍ਮੋ ਚਿਤ੍ਤਸ੍ਸ ਚ ਨੋਚਿਤ੍ਤਸ੍ਸ ਚ ਧਮ੍ਮਸ੍ਸ ਅਨਨ੍ਤਰਪਚ੍ਚਯੇਨ ਪਚ੍ਚਯੋ – ਪੁਰਿਮਂ ਪੁਰਿਮਂ ਚਿਤ੍ਤਂ ਪਚ੍ਛਿਮਸ੍ਸ ਪਚ੍ਛਿਮਸ੍ਸ ਚਿਤ੍ਤਸ੍ਸ ਸਮ੍ਪਯੁਤ੍ਤਕਾਨਞ੍ਚ ਖਨ੍ਧਾਨਂ ਅਨਨ੍ਤਰਪਚ੍ਚਯੇਨ ਪਚ੍ਚਯੋ. (੩)

੭੬. ਨੋਚਿਤ੍ਤੋ ਧਮ੍ਮੋ ਨੋਚਿਤ੍ਤਸ੍ਸ ਧਮ੍ਮਸ੍ਸ ਅਨਨ੍ਤਰਪਚ੍ਚਯੇਨ ਪਚ੍ਚਯੋ – ਪੁਰਿਮਾ ਪੁਰਿਮਾ ਨੋਚਿਤ੍ਤਾ ਖਨ੍ਧਾ…ਪੇ… ਫਲਸਮਾਪਤ੍ਤਿਯਾ ਅਨਨ੍ਤਰਪਚ੍ਚਯੇਨ ਪਚ੍ਚਯੋ (ਇਮੇ ਦ੍ਵੇ ਪੂਰੇਤੁਕਾਮੇਨ ਕਾਤਬ੍ਬਾ, ਪੁਰਿਮਗਮਨਸਦਿਸਂ).

ਚਿਤ੍ਤੋ ਚ ਨੋਚਿਤ੍ਤੋ ਚ ਧਮ੍ਮਾ ਚਿਤ੍ਤਸ੍ਸ ਧਮ੍ਮਸ੍ਸ ਅਨਨ੍ਤਰਪਚ੍ਚਯੇਨ ਪਚ੍ਚਯੋ – ਪੁਰਿਮਂ ਪੁਰਿਮਂ ਚਿਤ੍ਤਞ੍ਚ ਸਮ੍ਪਯੁਤ੍ਤਕਾ ਚ ਖਨ੍ਧਾ ਪਚ੍ਛਿਮਸ੍ਸ ਪਚ੍ਛਿਮਸ੍ਸ ਚਿਤ੍ਤਸ੍ਸ ਅਨਨ੍ਤਰਪਚ੍ਚਯੇਨ ਪਚ੍ਚਯੋ. (ਮੂਲਂ ਪੁਚ੍ਛਿਤਬ੍ਬਂ) ਪੁਰਿਮਂ ਪੁਰਿਮਂ ਚਿਤ੍ਤਞ੍ਚ ਸਮ੍ਪਯੁਤ੍ਤਕਾ ਚ ਖਨ੍ਧਾ ਪਚ੍ਛਿਮਾਨਂ ਪਚ੍ਛਿਮਾਨਂ ਨੋਚਿਤ੍ਤਾਨਂ ਖਨ੍ਧਾਨਂ ਅਨਨ੍ਤਰਪਚ੍ਚਯੇਨ ਪਚ੍ਚਯੋ – ਚਿਤ੍ਤਞ੍ਚ ਸਮ੍ਪਯੁਤ੍ਤਕਾ ਚ ਖਨ੍ਧਾ ਵੁਟ੍ਠਾਨਸ੍ਸ ਅਨਨ੍ਤਰਪਚ੍ਚਯੇਨ ਪਚ੍ਚਯੋ. (ਮੂਲਂ ਪੁਚ੍ਛਿਤਬ੍ਬਂ) ਪੁਰਿਮਂ ਪੁਰਿਮਂ ਚਿਤ੍ਤਞ੍ਚ ਸਮ੍ਪਯੁਤ੍ਤਕਾ ਚ ਖਨ੍ਧਾ ਪਚ੍ਛਿਮਸ੍ਸ ਪਚ੍ਛਿਮਸ੍ਸ ਚਿਤ੍ਤਸ੍ਸ ਸਮ੍ਪਯੁਤ੍ਤਕਾਨਞ੍ਚ ਖਨ੍ਧਾਨਂ ਅਨਨ੍ਤਰਪਚ੍ਚਯੇਨ ਪਚ੍ਚਯੋ. (੩)

ਸਮਨਨ੍ਤਰਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਅਞ੍ਞਮਞ੍ਞਪਚ੍ਚਯੇਨ ਪਚ੍ਚਯੋ (ਪਟਿਚ੍ਚਵਾਰਸਦਿਸਾ)… ਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਪਞ੍ਚ (ਪਚ੍ਚਯਵਾਰਸਦਿਸਾ).

ਉਪਨਿਸ੍ਸਯਪਚ੍ਚਯੋ

੭੭. ਚਿਤ੍ਤੋ ਧਮ੍ਮੋ ਚਿਤ੍ਤਸ੍ਸ ਧਮ੍ਮਸ੍ਸ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ – ਆਰਮ੍ਮਣੂਪਨਿਸ੍ਸਯੋ, ਅਨਨ੍ਤਰੂਪਨਿਸ੍ਸਯੋ, ਪਕਤੂਪਨਿਸ੍ਸਯੋ…ਪੇ…. ਪਕਤੂਪਨਿਸ੍ਸਯੋ – ਚਿਤ੍ਤਂ ਚਿਤ੍ਤਸ੍ਸ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਤੀਣਿ.

ਨੋਚਿਤ੍ਤੋ ਧਮ੍ਮੋ ਨੋਚਿਤ੍ਤਸ੍ਸ ਧਮ੍ਮਸ੍ਸ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ – ਆਰਮ੍ਮਣੂਪਨਿਸ੍ਸਯੋ, ਅਨਨ੍ਤਰੂਪਨਿਸ੍ਸਯੋ, ਪਕਤੂਪਨਿਸ੍ਸਯੋ…ਪੇ…. ਪਕਤੂਪਨਿਸ੍ਸਯੋ – ਸਦ੍ਧਂ ਉਪਨਿਸ੍ਸਾਯ ਦਾਨਂ ਦੇਤਿ…ਪੇ… ਮਾਨਂ ਜਪ੍ਪੇਤਿ, ਦਿਟ੍ਠਿਂ ਗਣ੍ਹਾਤਿ; ਸੀਲਂ…ਪੇ… ਸੇਨਾਸਨਂ ਉਪਨਿਸ੍ਸਾਯ ਦਾਨਂ ਦੇਤਿ …ਪੇ… ਸਙ੍ਘਂ ਭਿਨ੍ਦਤਿ; ਸਦ੍ਧਾ…ਪੇ… ਸੇਨਾਸਨਂ ਸਦ੍ਧਾਯ…ਪੇ… ਮਗ੍ਗਸ੍ਸ, ਫਲਸਮਾਪਤ੍ਤਿਯਾ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ. (੧)

ਨੋਚਿਤ੍ਤੋ ਧਮ੍ਮੋ ਚਿਤ੍ਤਸ੍ਸ ਧਮ੍ਮਸ੍ਸ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ (ਇਮੇ ਦ੍ਵੇਪਿ ਪੂਰੇਤੁਕਾਮੇਨ ਸਬ੍ਬਤ੍ਥ ਕਾਤਬ੍ਬਾ, ਪਠਮਗਮਨਸਦਿਸਂ ਨਿਨ੍ਨਾਨਾਕਰਣਂ).

ਚਿਤ੍ਤੋ ਚ ਨੋਚਿਤ੍ਤੋ ਚ ਧਮ੍ਮਾ ਚਿਤ੍ਤਸ੍ਸ ਧਮ੍ਮਸ੍ਸ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ – ਆਰਮ੍ਮਣੂਪਨਿਸ੍ਸਯੋ, ਅਨਨ੍ਤਰੂਪਨਿਸ੍ਸਯੋ, ਪਕਤੂਪਨਿਸ੍ਸਯੋ…ਪੇ…. ਪਕਤੂਪਨਿਸ੍ਸਯੋ – ਚਿਤ੍ਤਞ੍ਚ ਸਮ੍ਪਯੁਤ੍ਤਕਾ ਚ ਖਨ੍ਧਾ ਚਿਤ੍ਤਸ੍ਸ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਤੀਣਿ.

ਪੁਰੇਜਾਤਪਚ੍ਚਯੋ

੭੮. ਨੋਚਿਤ੍ਤੋ ਧਮ੍ਮੋ ਨੋਚਿਤ੍ਤਸ੍ਸ ਧਮ੍ਮਸ੍ਸ ਪੁਰੇਜਾਤਪਚ੍ਚਯੇਨ ਪਚ੍ਚਯੋ – ਆਰਮ੍ਮਣਪੁਰੇਜਾਤਂ, ਵਤ੍ਥੁਪੁਰੇਜਾਤਂ. ਆਰਮ੍ਮਣਪੁਰੇਜਾਤਂ – ਚਕ੍ਖੁਂ…ਪੇ… ਵਤ੍ਥੁਂ ਅਨਿਚ੍ਚਤੋ…ਪੇ… ਦੋਮਨਸ੍ਸਂ ਉਪ੍ਪਜ੍ਜਤਿ; ਦਿਬ੍ਬੇਨ ਚਕ੍ਖੁਨਾ ਰੂਪਂ ਪਸ੍ਸਤਿ, ਦਿਬ੍ਬਾਯ ਸੋਤਧਾਤੁਯਾ ਸਦ੍ਦਂ ਸੁਣਾਤਿ. ਰੂਪਾਯਤਨਂ ਚਕ੍ਖੁਵਿਞ੍ਞਾਣਸਹਗਤਾਨਂ ਖਨ੍ਧਾਨਂ…ਪੇ… ਫੋਟ੍ਠਬ੍ਬਾਯਤਨਂ ਕਾਯਵਿਞ੍ਞਾਣਸਹਗਤਾਨਂ ਖਨ੍ਧਾਨਂ ਪੁਰੇਜਾਤਪਚ੍ਚਯੇਨ ਪਚ੍ਚਯੋ. ਵਤ੍ਥੁਪੁਰੇਜਾਤਂ – ਚਕ੍ਖਾਯਤਨਂ ਚਕ੍ਖੁਵਿਞ੍ਞਾਣਸਹਗਤਾਨਂ ਖਨ੍ਧਾਨਂ…ਪੇ… ਕਾਯਾਯਤਨਂ…ਪੇ… ਵਤ੍ਥੁ ਨੋਚਿਤ੍ਤਾਨਂ ਖਨ੍ਧਾਨਂ ਪੁਰੇਜਾਤਪਚ੍ਚਯੇਨ ਪਚ੍ਚਯੋ. (੧)

ਨੋਚਿਤ੍ਤੋ ਧਮ੍ਮੋ ਚਿਤ੍ਤਸ੍ਸ ਧਮ੍ਮਸ੍ਸ ਪੁਰੇਜਾਤਪਚ੍ਚਯੇਨ ਪਚ੍ਚਯੋ – ਆਰਮ੍ਮਣਪੁਰੇਜਾਤਂ, ਵਤ੍ਥੁਪੁਰੇਜਾਤਂ. ਆਰਮ੍ਮਣਪੁਰੇਜਾਤਂ – ਚਕ੍ਖੁਂ…ਪੇ… ਵਤ੍ਥੁਂ ਅਨਿਚ੍ਚਤੋ…ਪੇ… ਦੋਮਨਸ੍ਸਂ ਉਪ੍ਪਜ੍ਜਤਿ; ਦਿਬ੍ਬੇਨ ਚਕ੍ਖੁਨਾ ਰੂਪਂ ਪਸ੍ਸਤਿ, ਦਿਬ੍ਬਾਯ ਸੋਤਧਾਤੁਯਾ ਸਦ੍ਦਂ ਸੁਣਾਤਿ. ਰੂਪਾਯਤਨਂ ਚਕ੍ਖੁਵਿਞ੍ਞਾਣਸ੍ਸ…ਪੇ… ਫੋਟ੍ਠਬ੍ਬਾਯਤਨਂ ਕਾਯਵਿਞ੍ਞਾਣਸ੍ਸ…ਪੇ…. ਵਤ੍ਥੁਪੁਰੇਜਾਤਂ – ਚਕ੍ਖਾਯਤਨਂ ਚਕ੍ਖੁਵਿਞ੍ਞਾਣਸ੍ਸ …ਪੇ… ਕਾਯਾਯਤਨਂ ਕਾਯਵਿਞ੍ਞਾਣਸ੍ਸ…ਪੇ… ਵਤ੍ਥੁ ਚਿਤ੍ਤਸ੍ਸ ਪੁਰੇਜਾਤਪਚ੍ਚਯੇਨ ਪਚ੍ਚਯੋ. (੨)

ਨੋਚਿਤ੍ਤੋ ਧਮ੍ਮੋ ਚਿਤ੍ਤਸ੍ਸ ਚ ਨੋਚਿਤ੍ਤਸ੍ਸ ਚ ਧਮ੍ਮਸ੍ਸ ਪੁਰੇਜਾਤਪਚ੍ਚਯੇਨ ਪਚ੍ਚਯੋ – ਆਰਮ੍ਮਣਪੁਰੇਜਾਤਂ, ਵਤ੍ਥੁਪੁਰੇਜਾਤਂ. ਆਰਮ੍ਮਣਪੁਰੇਜਾਤਂ – ਚਕ੍ਖੁਂ…ਪੇ… ਵਤ੍ਥੁਂ ਅਨਿਚ੍ਚਤੋ…ਪੇ… ਦੋਮਨਸ੍ਸਂ ਉਪ੍ਪਜ੍ਜਤਿ; ਦਿਬ੍ਬੇਨ ਚਕ੍ਖੁਨਾ ਰੂਪਂ ਪਸ੍ਸਤਿ, ਦਿਬ੍ਬਾਯ ਸੋਤਧਾਤੁਯਾ ਸਦ੍ਦਂ ਸੁਣਾਤਿ. ਰੂਪਾਯਤਨਂ ਚਕ੍ਖੁਵਿਞ੍ਞਾਣਸ੍ਸ ਚ ਸਮ੍ਪਯੁਤ੍ਤਕਾਨਞ੍ਚ ਖਨ੍ਧਾਨਂ…ਪੇ… ਫੋਟ੍ਠਬ੍ਬਾਯਤਨਂ…ਪੇ…. ਵਤ੍ਥੁਪੁਰੇਜਾਤਂ – ਚਕ੍ਖਾਯਤਨਂ ਚਕ੍ਖੁਵਿਞ੍ਞਾਣਸ੍ਸ ਸਮ੍ਪਯੁਤ੍ਤਕਾਨਞ੍ਚ ਖਨ੍ਧਾਨਂ ਪੁਰੇਜਾਤਪਚ੍ਚਯੇਨ ਪਚ੍ਚਯੋ…ਪੇ… ਕਾਯਾਯਤਨਂ ਕਾਯਵਿਞ੍ਞਾਣਸ੍ਸ ਸਮ੍ਪਯੁਤ੍ਤਕਾਨਞ੍ਚ ਖਨ੍ਧਾਨਂ…ਪੇ… ਵਤ੍ਥੁ ਚਿਤ੍ਤਸ੍ਸ ਚ ਸਮ੍ਪਯੁਤ੍ਤਕਾਨਞ੍ਚ ਖਨ੍ਧਾਨਂ ਪੁਰੇਜਾਤਪਚ੍ਚਯੇਨ ਪਚ੍ਚਯੋ. (੩)

ਪਚ੍ਛਾਜਾਤਾਸੇਵਨਪਚ੍ਚਯਾ

੭੯. ਚਿਤ੍ਤੋ ਧਮ੍ਮੋ ਨੋਚਿਤ੍ਤਸ੍ਸ ਧਮ੍ਮਸ੍ਸ ਪਚ੍ਛਾਜਾਤਪਚ੍ਚਯੇਨ ਪਚ੍ਚਯੋ (ਸਂਖਿਤ੍ਤਂ). (੧)

ਨੋਚਿਤ੍ਤੋ ਧਮ੍ਮੋ ਨੋਚਿਤ੍ਤਸ੍ਸ ਧਮ੍ਮਸ੍ਸ ਪਚ੍ਛਾਜਾਤਪਚ੍ਚਯੇਨ ਪਚ੍ਚਯੋ (ਸਂਖਿਤ੍ਤਂ). (੧)

ਚਿਤ੍ਤੋ ਚ ਨੋਚਿਤ੍ਤੋ ਚ ਧਮ੍ਮਾ ਨੋਚਿਤ੍ਤਸ੍ਸ ਧਮ੍ਮਸ੍ਸ ਪਚ੍ਛਾਜਾਤਪਚ੍ਚਯੇਨ ਪਚ੍ਚਯੋ (ਸਂਖਿਤ੍ਤਂ). (੧)

ਚਿਤ੍ਤੋ ਧਮ੍ਮੋ ਚਿਤ੍ਤਸ੍ਸ ਧਮ੍ਮਸ੍ਸ ਆਸੇਵਨਪਚ੍ਚਯੇਨ ਪਚ੍ਚਯੋ… ਨਵ.

ਕਮ੍ਮਪਚ੍ਚਯੋ

੮੦. ਨੋਚਿਤ੍ਤੋ ਧਮ੍ਮੋ ਨੋਚਿਤ੍ਤਸ੍ਸ ਧਮ੍ਮਸ੍ਸ ਕਮ੍ਮਪਚ੍ਚਯੇਨ ਪਚ੍ਚਯੋ – ਸਹਜਾਤਾ, ਨਾਨਾਕ੍ਖਣਿਕਾ. ਸਹਜਾਤਾ – ਨੋਚਿਤ੍ਤਾ ਚੇਤਨਾ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਕਮ੍ਮਪਚ੍ਚਯੇਨ ਪਚ੍ਚਯੋ; ਪਟਿਸਨ੍ਧਿਕ੍ਖਣੇ…ਪੇ…. ਨਾਨਾਕ੍ਖਣਿਕਾ – ਨੋਚਿਤ੍ਤਾ ਚੇਤਨਾ ਵਿਪਾਕਾਨਂ ਖਨ੍ਧਾਨਂ ਕਟਤ੍ਤਾ ਚ ਰੂਪਾਨਂ ਕਮ੍ਮਪਚ੍ਚਯੇਨ ਪਚ੍ਚਯੋ. (੧)

ਨੋਚਿਤ੍ਤੋ ਧਮ੍ਮੋ ਚਿਤ੍ਤਸ੍ਸ ਧਮ੍ਮਸ੍ਸ ਕਮ੍ਮਪਚ੍ਚਯੇਨ ਪਚ੍ਚਯੋ – ਸਹਜਾਤਾ, ਨਾਨਾਕ੍ਖਣਿਕਾ. ਸਹਜਾਤਾ – ਨੋਚਿਤ੍ਤਾ ਚੇਤਨਾ ਚਿਤ੍ਤਸ੍ਸ ਕਮ੍ਮਪਚ੍ਚਯੇਨ ਪਚ੍ਚਯੋ; ਪਟਿਸਨ੍ਧਿਕ੍ਖਣੇ…ਪੇ…. ਨਾਨਾਕ੍ਖਣਿਕਾ – ਨੋਚਿਤ੍ਤਾ ਚੇਤਨਾ ਵਿਪਾਕਸ੍ਸ ਚਿਤ੍ਤਸ੍ਸ ਕਮ੍ਮਪਚ੍ਚਯੇਨ ਪਚ੍ਚਯੋ. (੨)

ਨੋਚਿਤ੍ਤੋ ਧਮ੍ਮੋ ਚਿਤ੍ਤਸ੍ਸ ਚ ਨੋਚਿਤ੍ਤਸ੍ਸ ਚ ਧਮ੍ਮਸ੍ਸ ਕਮ੍ਮਪਚ੍ਚਯੇਨ ਪਚ੍ਚਯੋ – ਸਹਜਾਤਾ, ਨਾਨਾਕ੍ਖਣਿਕਾ. ਸਹਜਾਤਾ – ਨੋਚਿਤ੍ਤਾ ਚੇਤਨਾ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਚਿਤ੍ਤਸ੍ਸ ਚ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਕਮ੍ਮਪਚ੍ਚਯੇਨ ਪਚ੍ਚਯੋ; ਪਟਿਸਨ੍ਧਿਕ੍ਖਣੇ…ਪੇ…. ਨਾਨਾਕ੍ਖਣਿਕਾ – ਨੋਚਿਤ੍ਤਾ ਚੇਤਨਾ ਵਿਪਾਕਾਨਂ ਖਨ੍ਧਾਨਂ ਚਿਤ੍ਤਸ੍ਸ ਚ ਕਟਤ੍ਤਾ ਚ ਰੂਪਾਨਂ ਕਮ੍ਮਪਚ੍ਚਯੇਨ ਪਚ੍ਚਯੋ. (੩)

ਵਿਪਾਕਪਚ੍ਚਯਾਦਿ

੮੧. ਚਿਤ੍ਤੋ ਧਮ੍ਮੋ ਨੋਚਿਤ੍ਤਸ੍ਸ ਧਮ੍ਮਸ੍ਸ ਵਿਪਾਕਪਚ੍ਚਯੇਨ ਪਚ੍ਚਯੋ… ਪਞ੍ਚ… ਆਹਾਰਪਚ੍ਚਯੇਨ ਪਚ੍ਚਯੋ… ਪਞ੍ਚ… ਇਨ੍ਦ੍ਰਿਯਪਚ੍ਚਯੇਨ ਪਚ੍ਚਯੋ… ਪਞ੍ਚ. ਨੋਚਿਤ੍ਤੋ ਧਮ੍ਮੋ ਨੋਚਿਤ੍ਤਸ੍ਸ ਧਮ੍ਮਸ੍ਸ ਝਾਨਪਚ੍ਚਯੇਨ ਪਚ੍ਚਯੋ… ਤੀਣਿ… ਮਗ੍ਗਪਚ੍ਚਯੇਨ ਪਚ੍ਚਯੋ… ਤੀਣਿ… ਸਮ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ… ਪਞ੍ਚ.

ਵਿਪ੍ਪਯੁਤ੍ਤਪਚ੍ਚਯੋ

੮੨. ਚਿਤ੍ਤੋ ਧਮ੍ਮੋ ਨੋਚਿਤ੍ਤਸ੍ਸ ਧਮ੍ਮਸ੍ਸ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ – ਸਹਜਾਤਂ, ਪਚ੍ਛਾਜਾਤਂ (ਸਂਖਿਤ੍ਤਂ). (੧)

ਨੋਚਿਤ੍ਤੋ ਧਮ੍ਮੋ ਨੋਚਿਤ੍ਤਸ੍ਸ ਧਮ੍ਮਸ੍ਸ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ – ਸਹਜਾਤਂ, ਪੁਰੇਜਾਤਂ, ਪਚ੍ਛਾਜਾਤਂ. ਸਹਜਾਤਾ – ਨੋਚਿਤ੍ਤਾ ਖਨ੍ਧਾ ਚਿਤ੍ਤਸਮੁਟ੍ਠਾਨਾਨਂ ਰੂਪਾਨਂ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ; ਪਟਿਸਨ੍ਧਿਕ੍ਖਣੇ ਨੋਚਿਤ੍ਤਾ ਖਨ੍ਧਾ ਕਟਤ੍ਤਾਰੂਪਾਨਂ…ਪੇ… ਨੋਚਿਤ੍ਤਾ ਖਨ੍ਧਾ ਵਤ੍ਥੁਸ੍ਸ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ; ਵਤ੍ਥੁ ਖਨ੍ਧਾਨਂ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ. ਪੁਰੇਜਾਤਂ – ਚਕ੍ਖਾਯਤਨਂ ਚਕ੍ਖੁਵਿਞ੍ਞਾਣਸਹਗਤਾਨਂ ਖਨ੍ਧਾਨਂ…ਪੇ… ਕਾਯਾਯਤਨਂ ਕਾਯਵਿਞ੍ਞਾਣਸਹਗਤਾਨਂ ਖਨ੍ਧਾਨਂ…ਪੇ… ਵਤ੍ਥੁ ਨੋਚਿਤ੍ਤਾਨਂ ਖਨ੍ਧਾਨਂ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ. ਪਚ੍ਛਾਜਾਤਾ – ਨੋਚਿਤ੍ਤਾ ਖਨ੍ਧਾ ਪੁਰੇਜਾਤਸ੍ਸ ਇਮਸ੍ਸ ਕਾਯਸ੍ਸ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ. (੧)

ਨੋਚਿਤ੍ਤੋ ਧਮ੍ਮੋ ਚਿਤ੍ਤਸ੍ਸ ਧਮ੍ਮਸ੍ਸ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ – ਸਹਜਾਤਂ, ਪੁਰੇਜਾਤਂ. ਸਹਜਾਤਂ – ਪਟਿਸਨ੍ਧਿਕ੍ਖਣੇ ਵਤ੍ਥੁ ਚਿਤ੍ਤਸ੍ਸ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ. ਪੁਰੇਜਾਤਂ – ਚਕ੍ਖਾਯਤਨਂ ਚਕ੍ਖੁਵਿਞ੍ਞਾਣਸ੍ਸ…ਪੇ… ਕਾਯਾਯਤਨਂ ਕਾਯਵਿਞ੍ਞਾਣਸ੍ਸ…ਪੇ… ਵਤ੍ਥੁ ਚਿਤ੍ਤਸ੍ਸ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ. (੨)

ਨੋਚਿਤ੍ਤੋ ਧਮ੍ਮੋ ਚਿਤ੍ਤਸ੍ਸ ਚ ਨੋਚਿਤ੍ਤਸ੍ਸ ਚ ਧਮ੍ਮਸ੍ਸ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ – ਸਹਜਾਤਂ, ਪੁਰੇਜਾਤਂ. ਸਹਜਾਤਂ – ਪਟਿਸਨ੍ਧਿਕ੍ਖਣੇ ਵਤ੍ਥੁ ਚਿਤ੍ਤਸ੍ਸ ਸਮ੍ਪਯੁਤ੍ਤਕਾਨਞ੍ਚ ਖਨ੍ਧਾਨਂ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ. ਪੁਰੇਜਾਤਂ – ਚਕ੍ਖਾਯਤਨਂ ਚਕ੍ਖੁਵਿਞ੍ਞਾਣਸ੍ਸ ਸਮ੍ਪਯੁਤ੍ਤਕਾਨਞ੍ਚ ਖਨ੍ਧਾਨਂ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ…ਪੇ… ਕਾਯਾਯਤਨਂ ਕਾਯਵਿਞ੍ਞਾਣਸ੍ਸ ਸਮ੍ਪਯੁਤ੍ਤਕਾਨਞ੍ਚ ਖਨ੍ਧਾਨਂ…ਪੇ… ਵਤ੍ਥੁ ਚਿਤ੍ਤਸ੍ਸ ਚ ਸਮ੍ਪਯੁਤ੍ਤਕਾਨਞ੍ਚ ਖਨ੍ਧਾਨਂ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ. (੩)

ਚਿਤ੍ਤੋ ਚ ਨੋਚਿਤ੍ਤੋ ਚ ਧਮ੍ਮਾ ਨੋਚਿਤ੍ਤਸ੍ਸ ਧਮ੍ਮਸ੍ਸ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ – ਸਹਜਾਤਂ, ਪਚ੍ਛਾਜਾਤਂ (ਸਂਖਿਤ੍ਤਂ). (੧)

ਅਤ੍ਥਿਪਚ੍ਚਯੋ

੮੩. ਚਿਤ੍ਤੋ ਧਮ੍ਮੋ ਨੋਚਿਤ੍ਤਸ੍ਸ ਧਮ੍ਮਸ੍ਸ ਅਤ੍ਥਿਪਚ੍ਚਯੇਨ ਪਚ੍ਚਯੋ – ਸਹਜਾਤਂ, ਪਚ੍ਛਾਜਾਤਂ (ਸਂਖਿਤ੍ਤਂ). (੧)

ਨੋਚਿਤ੍ਤੋ ਧਮ੍ਮੋ ਨੋਚਿਤ੍ਤਸ੍ਸ ਧਮ੍ਮਸ੍ਸ ਅਤ੍ਥਿਪਚ੍ਚਯੇਨ ਪਚ੍ਚਯੋ – ਸਹਜਾਤਂ, ਪੁਰੇਜਾਤਂ, ਪਚ੍ਛਾਜਾਤਂ, ਆਹਾਰਂ, ਇਨ੍ਦ੍ਰਿਯਂ (ਸਂਖਿਤ੍ਤਂ). (੧)

ਨੋਚਿਤ੍ਤੋ ਧਮ੍ਮੋ ਚਿਤ੍ਤਸ੍ਸ ਧਮ੍ਮਸ੍ਸ ਅਤ੍ਥਿਪਚ੍ਚਯੇਨ ਪਚ੍ਚਯੋ – ਸਹਜਾਤਂ, ਪੁਰੇਜਾਤਂ. ਸਹਜਾਤਾ – ਨੋਚਿਤ੍ਤਾ ਖਨ੍ਧਾ ਚਿਤ੍ਤਸ੍ਸ ਅਤ੍ਥਿਪਚ੍ਚਯੇਨ ਪਚ੍ਚਯੋ; ਪਟਿਸਨ੍ਧਿਕ੍ਖਣੇ…ਪੇ… ਪਟਿਸਨ੍ਧਿਕ੍ਖਣੇ ਵਤ੍ਥੁ ਚਿਤ੍ਤਸ੍ਸ ਅਤ੍ਥਿਪਚ੍ਚਯੇਨ ਪਚ੍ਚਯੋ. ਪੁਰੇਜਾਤਂ – ਚਕ੍ਖੁਂ…ਪੇ… ਵਤ੍ਥੁਂ ਅਨਿਚ੍ਚਤੋ…ਪੇ… (ਪੁਰੇਜਾਤਸਦਿਸਂ, ਸਂਖਿਤ੍ਤਂ). (੨)

ਨੋਚਿਤ੍ਤੋ ਧਮ੍ਮੋ ਚਿਤ੍ਤਸ੍ਸ ਚ ਨੋਚਿਤ੍ਤਸ੍ਸ ਚ ਧਮ੍ਮਸ੍ਸ ਅਤ੍ਥਿਪਚ੍ਚਯੇਨ ਪਚ੍ਚਯੋ – ਸਹਜਾਤਂ, ਪੁਰੇਜਾਤਂ. ਸਹਜਾਤੋ – ਨੋਚਿਤ੍ਤੋ ਏਕੋ ਖਨ੍ਧੋ ਦ੍ਵਿਨ੍ਨਂ ਖਨ੍ਧਾਨਂ ਚਿਤ੍ਤਸ੍ਸ ਚ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਅਤ੍ਥਿਪਚ੍ਚਯੇਨ ਪਚ੍ਚਯੋ; ਪਟਿਸਨ੍ਧਿਕ੍ਖਣੇ ਨੋਚਿਤ੍ਤੋ ਏਕੋ ਖਨ੍ਧੋ…ਪੇ… ਪਟਿਸਨ੍ਧਿਕ੍ਖਣੇ ਵਤ੍ਥੁ ਚਿਤ੍ਤਸ੍ਸ ਸਮ੍ਪਯੁਤ੍ਤਕਾਨਞ੍ਚ ਖਨ੍ਧਾਨਂ ਅਤ੍ਥਿਪਚ੍ਚਯੇਨ ਪਚ੍ਚਯੋ. ਪੁਰੇਜਾਤਂ – ਚਕ੍ਖੁਂ…ਪੇ… ਵਤ੍ਥੁਂ…ਪੇ… (ਪੁਰੇਜਾਤਸਦਿਸਂ, ਸਂਖਿਤ੍ਤਂ). (੩)

੮੪. ਚਿਤ੍ਤੋ ਚ ਨੋਚਿਤ੍ਤੋ ਚ ਧਮ੍ਮਾ ਨੋਚਿਤ੍ਤਸ੍ਸ ਧਮ੍ਮਸ੍ਸ ਅਤ੍ਥਿਪਚ੍ਚਯੇਨ ਪਚ੍ਚਯੋ – ਸਹਜਾਤਂ, ਪੁਰੇਜਾਤਂ, ਪਚ੍ਛਾਜਾਤਂ, ਆਹਾਰਂ, ਇਨ੍ਦ੍ਰਿਯਂ. ਸਹਜਾਤੋ – ਨੋਚਿਤ੍ਤੋ ਏਕੋ ਖਨ੍ਧੋ ਚ ਚਿਤ੍ਤਞ੍ਚ ਦ੍ਵਿਨ੍ਨਂ ਖਨ੍ਧਾਨਂ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਅਤ੍ਥਿਪਚ੍ਚਯੇਨ ਪਚ੍ਚਯੋ; ਦ੍ਵੇ ਖਨ੍ਧਾ ਚ…ਪੇ…. ਸਹਜਾਤਂ – ਚਿਤ੍ਤਞ੍ਚ ਵਤ੍ਥੁਞ੍ਚ ਨੋਚਿਤ੍ਤਾਨਂ ਖਨ੍ਧਾਨਂ ਅਤ੍ਥਿਪਚ੍ਚਯੇਨ ਪਚ੍ਚਯੋ (ਪਟਿਸਨ੍ਧਿਕ੍ਖਣੇਪਿ ਦ੍ਵੇ). ਸਹਜਾਤਂ – ਚਿਤ੍ਤਞ੍ਚ ਸਮ੍ਪਯੁਤ੍ਤਕਾ ਚ ਖਨ੍ਧਾ ਚਿਤ੍ਤਸਮੁਟ੍ਠਾਨਾਨਂ ਰੂਪਾਨਂ ਅਤ੍ਥਿਪਚ੍ਚਯੇਨ ਪਚ੍ਚਯੋ. ਸਹਜਾਤਂ – ਚਿਤ੍ਤਞ੍ਚ ਮਹਾਭੂਤਾ ਚ ਚਿਤ੍ਤਸਮੁਟ੍ਠਾਨਾਨਂ ਰੂਪਾਨਂ ਅਤ੍ਥਿਪਚ੍ਚਯੇਨ ਪਚ੍ਚਯੋ (ਪਟਿਸਨ੍ਧਿਕ੍ਖਣੇਪਿ ਦ੍ਵੇ). ਪਚ੍ਛਾਜਾਤਂ – ਚਿਤ੍ਤਞ੍ਚ ਸਮ੍ਪਯੁਤ੍ਤਕਾ ਚ ਖਨ੍ਧਾ ਪੁਰੇਜਾਤਸ੍ਸ ਇਮਸ੍ਸ ਕਾਯਸ੍ਸ ਅਤ੍ਥਿਪਚ੍ਚਯੇਨ ਪਚ੍ਚਯੋ. ਪਚ੍ਛਾਜਾਤਂ – ਚਿਤ੍ਤਞ੍ਚ ਸਮ੍ਪਯੁਤ੍ਤਕਾ ਚ ਖਨ੍ਧਾ ਕਬਲ਼ੀਕਾਰੋ ਆਹਾਰੋ ਚ ਇਮਸ੍ਸ ਕਾਯਸ੍ਸ ਅਤ੍ਥਿਪਚ੍ਚਯੇਨ ਪਚ੍ਚਯੋ. ਪਚ੍ਛਾਜਾਤਂ – ਚਿਤ੍ਤਞ੍ਚ ਸਮ੍ਪਯੁਤ੍ਤਕਾ ਚ ਖਨ੍ਧਾ ਰੂਪਜੀਵਿਤਿਨ੍ਦ੍ਰਿਯਞ੍ਚ ਕਟਤ੍ਤਾਰੂਪਾਨਂ ਅਤ੍ਥਿਪਚ੍ਚਯੇਨ ਪਚ੍ਚਯੋ. (੧)