੧. ਵਿਭਙ੍ਗਵਾਰੋ

ਨਹੇਤੁਪਚ੍ਚਯੋ

੬੪. ਚਿਤ੍ਤਂ ਧਮ੍ਮਂ ਪਚ੍ਚਯਾ ਨੋਚਿਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਨਹੇਤੁਪਚ੍ਚਯਾ – ਅਹੇਤੁਕਂ ਚਿਤ੍ਤਂ ਪਚ੍ਚਯਾ ਸਮ੍ਪਯੁਤ੍ਤਕਾ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ; ਅਹੇਤੁਕਪਟਿਸਨ੍ਧਿਕ੍ਖਣੇ…ਪੇ… ਵਿਚਿਕਿਚ੍ਛਾਸਹਗਤਂ ਉਦ੍ਧਚ੍ਚਸਹਗਤਂ ਚਿਤ੍ਤਂ ਪਚ੍ਚਯਾ ਵਿਚਿਕਿਚ੍ਛਾਸਹਗਤੋ ਉਦ੍ਧਚ੍ਚਸਹਗਤੋ ਮੋਹੋ. (੧)

੬੫. ਨੋਚਿਤ੍ਤਂ ਧਮ੍ਮਂ ਪਚ੍ਚਯਾ ਨੋਚਿਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਨਹੇਤੁਪਚ੍ਚਯਾ – ਅਹੇਤੁਕਂ ਨੋਚਿਤ੍ਤਂ ਏਕਂ ਖਨ੍ਧਂ ਪਚ੍ਚਯਾ ਦ੍ਵੇ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ, ਦ੍ਵੇ ਖਨ੍ਧੇ…ਪੇ… ਅਹੇਤੁਕਪਟਿਸਨ੍ਧਿਕ੍ਖਣੇ…ਪੇ… (ਯਾਵ ਅਸਞ੍ਞਸਤ੍ਤਾ), ਚਕ੍ਖਾਯਤਨਂ ਪਚ੍ਚਯਾ ਚਕ੍ਖੁਵਿਞ੍ਞਾਣਸਹਗਤਾ ਖਨ੍ਧਾ…ਪੇ… ਕਾਯਾਯਤਨਂ ਪਚ੍ਚਯਾ ਕਾਯਵਿਞ੍ਞਾਣਸਹਗਤਾ ਖਨ੍ਧਾ, ਵਤ੍ਥੁਂ ਪਚ੍ਚਯਾ ਅਹੇਤੁਕਾ ਨੋਚਿਤ੍ਤੇ ਖਨ੍ਧਾ ਵਿਚਿਕਿਚ੍ਛਾਸਹਗਤੇ ਉਦ੍ਧਚ੍ਚਸਹਗਤੇ ਖਨ੍ਧੇ ਚ ਵਤ੍ਥੁਞ੍ਚ ਪਚ੍ਚਯਾ ਵਿਚਿਕਿਚ੍ਛਾਸਹਗਤੋ ਉਦ੍ਧਚ੍ਚਸਹਗਤੋ ਮੋਹੋ. (੧)

ਨੋਚਿਤ੍ਤਂ ਧਮ੍ਮਂ ਪਚ੍ਚਯਾ ਚਿਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਨਹੇਤੁਪਚ੍ਚਯਾ – ਅਹੇਤੁਕੇ ਨੋਚਿਤ੍ਤੇ ਖਨ੍ਧੇ ਪਚ੍ਚਯਾ ਚਿਤ੍ਤਂ, ਵਤ੍ਥੁਂ ਪਚ੍ਚਯਾ ਚਿਤ੍ਤਂ; ਅਹੇਤੁਕਪਟਿਸਨ੍ਧਿਕ੍ਖਣੇ…ਪੇ… ਅਹੇਤੁਕਪਟਿਸਨ੍ਧਿਕ੍ਖਣੇ ਵਤ੍ਥੁਂ ਪਚ੍ਚਯਾ ਚਿਤ੍ਤਂ, ਚਕ੍ਖਾਯਤਨਂ ਪਚ੍ਚਯਾ ਚਕ੍ਖੁਵਿਞ੍ਞਾਣਂ…ਪੇ… ਕਾਯਾਯਤਨਂ ਪਚ੍ਚਯਾ ਕਾਯਵਿਞ੍ਞਾਣਂ. (੨)

ਨੋਚਿਤ੍ਤਂ ਧਮ੍ਮਂ ਪਚ੍ਚਯਾ ਚਿਤ੍ਤੋ ਚ ਨੋਚਿਤ੍ਤੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਨਹੇਤੁਪਚ੍ਚਯਾ – ਅਹੇਤੁਕਂ ਨੋਚਿਤ੍ਤਂ ਏਕਂ ਖਨ੍ਧਂ ਪਚ੍ਚਯਾ ਦ੍ਵੇ ਖਨ੍ਧਾ ਚਿਤ੍ਤਞ੍ਚ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ, ਦ੍ਵੇ ਖਨ੍ਧੇ…ਪੇ… ਵਤ੍ਥੁਂ ਪਚ੍ਚਯਾ ਚਿਤ੍ਤਞ੍ਚ ਸਮ੍ਪਯੁਤ੍ਤਕਾ ਚ ਖਨ੍ਧਾ; ਅਹੇਤੁਕਪਟਿਸਨ੍ਧਿਕ੍ਖਣੇ…ਪੇ… ਅਹੇਤੁਕਪਟਿਸਨ੍ਧਿਕ੍ਖਣੇ ਵਤ੍ਥੁਂ ਪਚ੍ਚਯਾ ਚਿਤ੍ਤਞ੍ਚ ਸਮ੍ਪਯੁਤ੍ਤਕਾ ਚ ਖਨ੍ਧਾ, ਚਕ੍ਖਾਯਤਨਂ ਪਚ੍ਚਯਾ ਚਕ੍ਖੁਵਿਞ੍ਞਾਣਂ…ਪੇ… ਕਾਯਾਯਤਨਂ ਪਚ੍ਚਯਾ ਕਾਯਵਿਞ੍ਞਾਣਂ. (੩)

ਚਿਤ੍ਤਞ੍ਚ ਨੋਚਿਤ੍ਤਞ੍ਚ ਧਮ੍ਮਂ ਪਚ੍ਚਯਾ ਨੋਚਿਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਨਹੇਤੁਪਚ੍ਚਯਾ – ਅਹੇਤੁਕਂ ਨੋਚਿਤ੍ਤਂ ਏਕਂ ਖਨ੍ਧਞ੍ਚ ਚਿਤ੍ਤਞ੍ਚ ਪਚ੍ਚਯਾ ਦ੍ਵੇ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ, ਦ੍ਵੇ ਖਨ੍ਧੇ ਚ…ਪੇ… ਚਿਤ੍ਤਞ੍ਚ ਵਤ੍ਥੁਞ੍ਚ ਪਚ੍ਚਯਾ ਨੋਚਿਤ੍ਤਾ ਖਨ੍ਧਾ; ਅਹੇਤੁਕਪਟਿਸਨ੍ਧਿਕ੍ਖਣੇ…ਪੇ… ਅਹੇਤੁਕਪਟਿਸਨ੍ਧਿਕ੍ਖਣੇ ਚਿਤ੍ਤਞ੍ਚ ਵਤ੍ਥੁਞ੍ਚ ਪਚ੍ਚਯਾ ਨੋਚਿਤ੍ਤਾ ਖਨ੍ਧਾ, ਚਕ੍ਖਾਯਤਨਞ੍ਚ ਚਕ੍ਖੁਵਿਞ੍ਞਾਣਞ੍ਚ ਪਚ੍ਚਯਾ ਚਕ੍ਖੁਵਿਞ੍ਞਾਣਸਹਗਤਾ ਖਨ੍ਧਾ…ਪੇ… ਕਾਯਾਯਤਨਂ ਚ…ਪੇ… ਵਿਚਿਕਿਚ੍ਛਾਸਹਗਤੇ ਉਦ੍ਧਚ੍ਚਸਹਗਤੇ ਖਨ੍ਧੇ ਚ ਚਿਤ੍ਤਞ੍ਚ ਪਚ੍ਚਯਾ ਵਿਚਿਕਿਚ੍ਛਾਸਹਗਤੋ ਉਦ੍ਧਚ੍ਚਸਹਗਤੋ ਮੋਹੋ. (੧) (ਸਂਖਿਤ੍ਤਂ.)