੨. ਸਙ੍ਖ੍ਯਾਵਾਰੋ

ਸੁਦ੍ਧਂ

੪੬੬. ਹੇਤੁਯਾ ਚਤ੍ਤਾਰਿ, ਆਰਮ੍ਮਣੇ ਚਤ੍ਤਾਰਿ, ਅਧਿਪਤਿਯਾ ਦ੍ਵੇ, ਅਨਨ੍ਤਰੇ ਚਤ੍ਤਾਰਿ, ਸਮਨਨ੍ਤਰੇ ਚਤ੍ਤਾਰਿ, ਸਹਜਾਤੇ ਪਞ੍ਚ, ਅਞ੍ਞਮਞ੍ਞੇ ਦ੍ਵੇ, ਨਿਸ੍ਸਯੇ ਪਞ੍ਚ, ਉਪਨਿਸ੍ਸਯੇ ਚਤ੍ਤਾਰਿ, ਪੁਰੇਜਾਤੇ ਛ, ਪਚ੍ਛਾਜਾਤੇ ਛ, ਆਸੇਵਨੇ ਏਕਂ, ਕਮ੍ਮੇ ਪਞ੍ਚ, ਵਿਪਾਕੇ ਚਤ੍ਤਾਰਿ, ਆਹਾਰੇ ਨਵ, ਇਨ੍ਦ੍ਰਿਯੇ ਚਤ੍ਤਾਰਿ, ਝਾਨੇ ਚਤ੍ਤਾਰਿ, ਮਗ੍ਗੇ ਚਤ੍ਤਾਰਿ, ਸਮ੍ਪਯੁਤ੍ਤੇ ਦ੍ਵੇ, ਵਿਪ੍ਪਯੁਤ੍ਤੇ ਛ, ਅਤ੍ਥਿਯਾ ਨਵ, ਨਤ੍ਥਿਯਾ ਚਤ੍ਤਾਰਿ, ਵਿਗਤੇ ਚਤ੍ਤਾਰਿ, ਅਵਿਗਤੇ ਨਵ.

ਪਚ੍ਚਨੀਯੁਦ੍ਧਾਰੋ

੪੬੭. ਉਪਾਦਿਨ੍ਨੋ ਧਮ੍ਮੋ ਉਪਾਦਿਨ੍ਨਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਪੁਰੇਜਾਤਪਚ੍ਚਯੇਨ ਪਚ੍ਚਯੋ… ਪਚ੍ਛਾਜਾਤਪਚ੍ਚਯੇਨ ਪਚ੍ਚਯੋ… ਆਹਾਰਪਚ੍ਚਯੇਨ ਪਚ੍ਚਯੋ… ਇਨ੍ਦ੍ਰਿਯਪਚ੍ਚਯੇਨ ਪਚ੍ਚਯੋ. (੧)

ਉਪਾਦਿਨ੍ਨੋ ਧਮ੍ਮੋ ਅਨੁਪਾਦਿਨ੍ਨਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਪੁਰੇਜਾਤਪਚ੍ਚਯੇਨ ਪਚ੍ਚਯੋ… ਪਚ੍ਛਾਜਾਤਪਚ੍ਚਯੇਨ ਪਚ੍ਚਯੋ… ਆਹਾਰਪਚ੍ਚਯੇਨ ਪਚ੍ਚਯੋ. (੨)

ਉਪਾਦਿਨ੍ਨੋ ਧਮ੍ਮੋ ਉਪਾਦਿਨ੍ਨਸ੍ਸ ਚ ਅਨੁਪਾਦਿਨ੍ਨਸ੍ਸ ਚ ਧਮ੍ਮਸ੍ਸ ਸਹਜਾਤਪਚ੍ਚਯੇਨ ਪਚ੍ਚਯੋ… ਪਚ੍ਛਾਜਾਤਪਚ੍ਚਯੇਨ ਪਚ੍ਚਯੋ… ਆਹਾਰਪਚ੍ਚਯੇਨ ਪਚ੍ਚਯੋ. (੩)

੪੬੮. ਅਨੁਪਾਦਿਨ੍ਨੋ ਧਮ੍ਮੋ ਅਨੁਪਾਦਿਨ੍ਨਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਪਚ੍ਛਾਜਾਤਪਚ੍ਚਯੇਨ ਪਚ੍ਚਯੋ… ਆਹਾਰਪਚ੍ਚਯੇਨ ਪਚ੍ਚਯੋ. (੧)

ਅਨੁਪਾਦਿਨ੍ਨੋ ਧਮ੍ਮੋ ਉਪਾਦਿਨ੍ਨਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਪਚ੍ਛਾਜਾਤਪਚ੍ਚਯੇਨ ਪਚ੍ਚਯੋ… ਕਮ੍ਮਪਚ੍ਚਯੇਨ ਪਚ੍ਚਯੋ… ਆਹਾਰਪਚ੍ਚਯੇਨ ਪਚ੍ਚਯੋ. (੨)

ਅਨੁਪਾਦਿਨ੍ਨੋ ਧਮ੍ਮੋ ਉਪਾਦਿਨ੍ਨਸ੍ਸ ਚ ਅਨੁਪਾਦਿਨ੍ਨਸ੍ਸ ਚ ਧਮ੍ਮਸ੍ਸ ਪਚ੍ਛਾਜਾਤਪਚ੍ਚਯੇਨ ਪਚ੍ਚਯੋ… ਆਹਾਰਪਚ੍ਚਯੇਨ ਪਚ੍ਚਯੋ. (੩)

ਉਪਾਦਿਨ੍ਨੋ ਚ ਅਨੁਪਾਦਿਨ੍ਨੋ ਚ ਧਮ੍ਮਾ ਉਪਾਦਿਨ੍ਨਸ੍ਸ ਧਮ੍ਮਸ੍ਸ ਪੁਰੇਜਾਤਂ, ਪਚ੍ਛਾਜਾਤਂ, ਆਹਾਰਂ, ਇਨ੍ਦ੍ਰਿਯਂ. (੧)

ਉਪਾਦਿਨ੍ਨੋ ਚ ਅਨੁਪਾਦਿਨ੍ਨੋ ਚ ਧਮ੍ਮਾ ਅਨੁਪਾਦਿਨ੍ਨਸ੍ਸ ਧਮ੍ਮਸ੍ਸ ਸਹਜਾਤਂ, ਪੁਰੇਜਾਤਂ, ਪਚ੍ਛਾਜਾਤਂ, ਆਹਾਰਂ. (੨)

ਉਪਾਦਿਨ੍ਨੋ ਚ ਅਨੁਪਾਦਿਨ੍ਨੋ ਚ ਧਮ੍ਮਾ ਉਪਾਦਿਨ੍ਨਸ੍ਸ ਚ ਅਨੁਪਾਦਿਨ੍ਨਸ੍ਸ ਚ ਧਮ੍ਮਸ੍ਸ ਆਹਾਰਪਚ੍ਚਯੇਨ ਪਚ੍ਚਯੋ. (੩)