੧-੪. ਪਚ੍ਚਯਾਨੁਲੋਮਾਦਿ

੪੪੩. ਉਪਾਦਿਨ੍ਨਂ ਧਮ੍ਮਂ ਸਂਸਟ੍ਠੋ ਉਪਾਦਿਨ੍ਨੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਉਪਾਦਿਨ੍ਨਂ ਏਕਂ ਖਨ੍ਧਂ ਸਂਸਟ੍ਠਾ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ…ਪੇ… ਪਟਿਸਨ੍ਧਿਕ੍ਖਣੇ…ਪੇ….

ਅਨੁਪਾਦਿਨ੍ਨਂ ਧਮ੍ਮਂ ਸਂਸਟ੍ਠੋ ਅਨੁਪਾਦਿਨ੍ਨੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਅਨੁਪਾਦਿਨ੍ਨਂ ਏਕਂ ਖਨ੍ਧਂ ਸਂਸਟ੍ਠਾ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ…ਪੇ…. (੧)

ਹੇਤੁਯਾ ਦ੍ਵੇ, ਆਰਮ੍ਮਣੇ ਦ੍ਵੇ, ਅਧਿਪਤਿਯਾ ਏਕਂ, ਅਨਨ੍ਤਰੇ ਦ੍ਵੇ, ਸਮਨਨ੍ਤਰੇ ਦ੍ਵੇ, ਸਹਜਾਤੇ ਦ੍ਵੇ, ਅਞ੍ਞਮਞ੍ਞੇ ਦ੍ਵੇ, ਨਿਸ੍ਸਯੇ ਦ੍ਵੇ, ਉਪਨਿਸ੍ਸਯੇ ਦ੍ਵੇ, ਪੁਰੇਜਾਤੇ ਦ੍ਵੇ, ਆਸੇਵਨੇ ਏਕਂ, ਕਮ੍ਮੇ ਦ੍ਵੇ, ਵਿਪਾਕੇ ਦ੍ਵੇ…ਪੇ… ਅਵਿਗਤੇ ਦ੍ਵੇ.

ਅਨੁਲੋਮਂ.

੪੪੪. ਉਪਾਦਿਨ੍ਨਂ ਧਮ੍ਮਂ ਸਂਸਟ੍ਠੋ ਉਪਾਦਿਨ੍ਨੋ ਧਮ੍ਮੋ ਉਪ੍ਪਜ੍ਜਤਿ ਨਹੇਤੁਪਚ੍ਚਯਾ – ਅਹੇਤੁਕਂ ਉਪਾਦਿਨ੍ਨਂ ਏਕਂ ਖਨ੍ਧਂ ਸਂਸਟ੍ਠਾ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ…ਪੇ… ਅਹੇਤੁਕਪਟਿਸਨ੍ਧਿਕ੍ਖਣੇ…ਪੇ…. (੧)

ਅਨੁਪਾਦਿਨ੍ਨਂ ਧਮ੍ਮਂ ਸਂਸਟ੍ਠੋ ਅਨੁਪਾਦਿਨ੍ਨੋ ਧਮ੍ਮੋ ਉਪ੍ਪਜ੍ਜਤਿ ਨਹੇਤੁਪਚ੍ਚਯਾ – ਅਹੇਤੁਕਂ ਅਨੁਪਾਦਿਨ੍ਨਂ ਏਕਂ ਖਨ੍ਧਂ ਸਂਸਟ੍ਠਾ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ…ਪੇ… ਵਿਚਿਕਿਚ੍ਛਾਸਹਗਤੇ ਉਦ੍ਧਚ੍ਚਸਹਗਤੇ ਖਨ੍ਧੇ ਸਂਸਟ੍ਠੋ ਵਿਚਿਕਿਚ੍ਛਾਸਹਗਤੋ ਉਦ੍ਧਚ੍ਚਸਹਗਤੋ ਮੋਹੋ. (੧)

ਨਹੇਤੁਯਾ ਦ੍ਵੇ, ਨਅਧਿਪਤਿਯਾ ਦ੍ਵੇ, ਨਪੁਰੇਜਾਤੇ ਦ੍ਵੇ, ਨਪਚ੍ਛਾਜਾਤੇ ਦ੍ਵੇ, ਨਆਸੇਵਨੇ ਦ੍ਵੇ, ਨਕਮ੍ਮੇ ਏਕਂ, ਨਵਿਪਾਕੇ ਏਕਂ, ਨਝਾਨੇ ਏਕਂ, ਨਮਗ੍ਗੇ ਦ੍ਵੇ, ਨਵਿਪ੍ਪਯੁਤ੍ਤੇ ਦ੍ਵੇ.

ਪਚ੍ਚਨੀਯਂ.