੧-੪. ਪਚ੍ਚਯਾਨੁਲੋਮਾਦਿ

੩੯੩. ਨੋਉਪਾਦਾ ਧਮ੍ਮਂ ਸਂਸਟ੍ਠੋ ਨੋਉਪਾਦਾ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਨੋਉਪਾਦਾ ਏਕਂ ਖਨ੍ਧਂ ਸਂਸਟ੍ਠਾ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ ਸਂਸਟ੍ਠਾ ਦ੍ਵੇ ਖਨ੍ਧਾ; ਪਟਿਸਨ੍ਧਿਕ੍ਖਣੇ…ਪੇ… (ਸਂਖਿਤ੍ਤਂ).

ਹੇਤੁਯਾ ਏਕਂ, ਆਰਮ੍ਮਣੇ ਏਕਂ, ਅਧਿਪਤਿਯਾ ਏਕਂ (ਸਬ੍ਬਤ੍ਥ ਏਕਂ), ਅਵਿਗਤੇ ਏਕਂ.

ਅਨੁਲੋਮਂ.

ਨੋਉਪਾਦਾ ਧਮ੍ਮਂ ਸਂਸਟ੍ਠੋ ਨੋਉਪਾਦਾ ਧਮ੍ਮੋ ਉਪ੍ਪਜ੍ਜਤਿ ਨਹੇਤੁਪਚ੍ਚਯਾ – ਅਹੇਤੁਕਂ ਨੋਉਪਾਦਾ ਏਕਂ ਖਨ੍ਧਂ ਸਂਸਟ੍ਠਾ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ…ਪੇ… ਅਹੇਤੁਕਪਟਿਸਨ੍ਧਿਕ੍ਖਣੇ…ਪੇ… ਵਿਚਿਕਿਚ੍ਛਾਸਹਗਤੇ ਉਦ੍ਧਚ੍ਚਸਹਗਤੇ ਖਨ੍ਧੇ ਸਂਸਟ੍ਠੋ ਵਿਚਿਕਿਚ੍ਛਾਸਹਗਤੋ ਉਦ੍ਧਚ੍ਚਸਹਗਤੋ ਮੋਹੋ (ਸਂਖਿਤ੍ਤਂ).

ਨਹੇਤੁਯਾ ਏਕਂ, ਨਅਧਿਪਤਿਯਾ ਏਕਂ, ਨਪੁਰੇਜਾਤੇ ਏਕਂ, ਨਪਚ੍ਛਾਜਾਤੇ ਏਕਂ, ਨਆਸੇਵਨੇ ਏਕਂ, ਨਕਮ੍ਮੇ ਏਕਂ, ਨਵਿਪਾਕੇ ਏਕਂ, ਨਝਾਨੇ ਏਕਂ, ਨਮਗ੍ਗੇ ਏਕਂ, ਨਵਿਪ੍ਪਯੁਤ੍ਤੇ ਏਕਂ.

ਪਚ੍ਚਨੀਯਂ.