੧. ਵਿਭਙ੍ਗਵਾਰੋ

ਹੇਤੁਪਚ੍ਚਯੋ

੨੭. ਸਾਰਮ੍ਮਣੋ ਧਮ੍ਮੋ ਸਾਰਮ੍ਮਣਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ – ਸਾਰਮ੍ਮਣਾ ਹੇਤੂ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਹੇਤੁਪਚ੍ਚਯੇਨ ਪਚ੍ਚਯੋ; ਪਟਿਸਨ੍ਧਿਕ੍ਖਣੇ…ਪੇ…. (੧)

ਸਾਰਮ੍ਮਣੋ ਧਮ੍ਮੋ ਅਨਾਰਮ੍ਮਣਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ – ਸਾਰਮ੍ਮਣਾ ਹੇਤੂ ਚਿਤ੍ਤਸਮੁਟ੍ਠਾਨਾਨਂ ਰੂਪਾਨਂ ਹੇਤੁਪਚ੍ਚਯੇਨ ਪਚ੍ਚਯੋ; ਪਟਿਸਨ੍ਧਿਕ੍ਖਣੇ…ਪੇ…. (੨)

ਸਾਰਮ੍ਮਣੋ ਧਮ੍ਮੋ ਸਾਰਮ੍ਮਣਸ੍ਸ ਚ ਅਨਾਰਮ੍ਮਣਸ੍ਸ ਚ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ – ਸਾਰਮ੍ਮਣਾ ਹੇਤੂ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਹੇਤੁਪਚ੍ਚਯੇਨ ਪਚ੍ਚਯੋ; ਪਟਿਸਨ੍ਧਿਕ੍ਖਣੇ…ਪੇ…. (੩)

ਆਰਮ੍ਮਣਪਚ੍ਚਯੋ

੨੮. ਸਾਰਮ੍ਮਣੋ ਧਮ੍ਮੋ ਸਾਰਮ੍ਮਣਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ – ਦਾਨਂ…ਪੇ… ਸੀਲਂ…ਪੇ… ਉਪੋਸਥਕਮ੍ਮਂ ਕਤ੍ਵਾ ਤਂ ਪਚ੍ਚਵੇਕ੍ਖਤਿ ਅਸ੍ਸਾਦੇਤਿ ਅਭਿਨਨ੍ਦਤਿ, ਤਂ ਆਰਬ੍ਭ ਰਾਗੋ ਉਪ੍ਪਜ੍ਜਤਿ…ਪੇ… ਦੋਮਨਸ੍ਸਂ ਉਪ੍ਪਜ੍ਜਤਿ; ਪੁਬ੍ਬੇ ਸੁਚਿਣ੍ਣਾਨਿ…ਪੇ… ਝਾਨਾ…ਪੇ… ਅਰਿਯਾ ਮਗ੍ਗਾ ਵੁਟ੍ਠਹਿਤ੍ਵਾ ਮਗ੍ਗਂ ਪਚ੍ਚਵੇਕ੍ਖਨ੍ਤਿ, ਫਲਂ ਪਚ੍ਚਵੇਕ੍ਖਨ੍ਤਿ, ਪਹੀਨੇ ਕਿਲੇਸੇ…ਪੇ… ਵਿਕ੍ਖਮ੍ਭਿਤੇ ਕਿਲੇਸੇ…ਪੇ… ਪੁਬ੍ਬੇ ਸਮੁਦਾਚਿਣ੍ਣੇ ਕਿਲੇਸੇ ਜਾਨਨ੍ਤਿ, ਸਾਰਮ੍ਮਣੇ ਖਨ੍ਧੇ ਅਨਿਚ੍ਚਤੋ…ਪੇ… ਦੋਮਨਸ੍ਸਂ ਉਪ੍ਪਜ੍ਜਤਿ; ਚੇਤੋਪਰਿਯਞਾਣੇਨ ਸਾਰਮ੍ਮਣਚਿਤ੍ਤਸਮਙ੍ਗਿਸ੍ਸ ਚਿਤ੍ਤਂ ਜਾਨਾਤਿ, ਆਕਾਸਾਨਞ੍ਚਾਯਤਨਂ ਵਿਞ੍ਞਾਣਞ੍ਚਾਯਤਨਸ੍ਸ…ਪੇ… ਆਕਿਞ੍ਚਞ੍ਞਾਯਤਨਂ ਨੇਵਸਞ੍ਞਾਨਾਸਞ੍ਞਾਯਤਨਸ੍ਸ…ਪੇ… ਸਾਰਮ੍ਮਣਾ ਖਨ੍ਧਾ ਇਦ੍ਧਿਵਿਧਞਾਣਸ੍ਸ, ਚੇਤੋਪਰਿਯਞਾਣਸ੍ਸ, ਪੁਬ੍ਬੇਨਿਵਾਸਾਨੁਸ੍ਸਤਿਞਾਣਸ੍ਸ, ਯਥਾਕਮ੍ਮੂਪਗਞਾਣਸ੍ਸ, ਅਨਾਗਤਂਸਞਾਣਸ੍ਸ, ਆਵਜ੍ਜਨਾਯ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. (੧)

੨੯. ਅਨਾਰਮ੍ਮਣੋ ਧਮ੍ਮੋ ਸਾਰਮ੍ਮਣਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ – ਅਰਿਯਾ ਨਿਬ੍ਬਾਨਂ ਪਚ੍ਚਵੇਕ੍ਖਨ੍ਤਿ, ਨਿਬ੍ਬਾਨਂ ਗੋਤ੍ਰਭੁਸ੍ਸ, ਵੋਦਾਨਸ੍ਸ, ਮਗ੍ਗਸ੍ਸ, ਫਲਸ੍ਸ, ਆਵਜ੍ਜਨਾਯ ਆਰਮ੍ਮਣਪਚ੍ਚਯੇਨ ਪਚ੍ਚਯੋ; ਚਕ੍ਖੁਂ…ਪੇ… ਵਤ੍ਥੁਂ ਅਨਿਚ੍ਚਤੋ…ਪੇ… ਦੋਮਨਸ੍ਸਂ ਉਪ੍ਪਜ੍ਜਤਿ; ਦਿਬ੍ਬੇਨ ਚਕ੍ਖੁਨਾ ਰੂਪਂ ਪਸ੍ਸਤਿ, ਦਿਬ੍ਬਾਯ ਸੋਤਧਾਤੁਯਾ ਸਦ੍ਦਂ ਸੁਣਾਤਿ. ਰੂਪਾਯਤਨਂ ਚਕ੍ਖੁਵਿਞ੍ਞਾਣਸ੍ਸ…ਪੇ… ਫੋਟ੍ਠਬ੍ਬਾਯਤਨਂ ਕਾਯਵਿਞ੍ਞਾਣਸ੍ਸ…ਪੇ… ਅਨਾਰਮ੍ਮਣਾ ਖਨ੍ਧਾ ਇਦ੍ਧਿਵਿਧਞਾਣਸ੍ਸ, ਪੁਬ੍ਬੇਨਿਵਾਸਾਨੁਸ੍ਸਤਿਞਾਣਸ੍ਸ, ਅਨਾਗਤਂਸਞਾਣਸ੍ਸ, ਆਵਜ੍ਜਨਾਯ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. (੧)

ਅਧਿਪਤਿਪਚ੍ਚਯੋ

੩੦. ਸਾਰਮ੍ਮਣੋ ਧਮ੍ਮੋ ਸਾਰਮ੍ਮਣਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ – ਆਰਮ੍ਮਣਾਧਿਪਤਿ, ਸਹਜਾਤਾਧਿਪਤਿ. ਆਰਮ੍ਮਣਾਧਿਪਤਿ – ਦਾਨਂ…ਪੇ… ਸੀਲਂ…ਪੇ… ਉਪੋਸਥਕਮ੍ਮਂ ਕਤ੍ਵਾ ਤਂ ਗਰੁਂ ਕਤ੍ਵਾ ਪਚ੍ਚਵੇਕ੍ਖਤਿ ਅਸ੍ਸਾਦੇਤਿ ਅਭਿਨਨ੍ਦਤਿ, ਤਂ ਗਰੁਂ ਕਤ੍ਵਾ ਰਾਗੋ ਉਪ੍ਪਜ੍ਜਤਿ, ਦਿਟ੍ਠਿ ਉਪ੍ਪਜ੍ਜਤਿ, ਪੁਬ੍ਬੇ ਸੁਚਿਣ੍ਣਾਨਿ…ਪੇ… ਝਾਨਾ ਵੁਟ੍ਠਹਿਤ੍ਵਾ ਝਾਨਂ…ਪੇ… ਅਰਿਯਾ ਮਗ੍ਗਾ ਵੁਟ੍ਠਹਿਤ੍ਵਾ ਮਗ੍ਗਂ ਗਰੁਂ…ਪੇ… ਫਲਂ ਗਰੁਂ…ਪੇ… ਸਾਰਮ੍ਮਣੇ ਖਨ੍ਧੇ ਗਰੁਂ ਕਤ੍ਵਾ ਅਸ੍ਸਾਦੇਤਿ ਅਭਿਨਨ੍ਦਤਿ, ਤਂ ਗਰੁਂ ਕਤ੍ਵਾ ਰਾਗੋ ਉਪ੍ਪਜ੍ਜਤਿ, ਦਿਟ੍ਠਿ ਉਪ੍ਪਜ੍ਜਤਿ. ਸਹਜਾਤਾਧਿਪਤਿ – ਸਾਰਮ੍ਮਣਾਧਿਪਤਿ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਅਧਿਪਤਿਪਚ੍ਚਯੇਨ ਪਚ੍ਚਯੋ. (੧)

ਸਾਰਮ੍ਮਣੋ ਧਮ੍ਮੋ ਅਨਾਰਮ੍ਮਣਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ. ਸਹਜਾਤਾਧਿਪਤਿ – ਸਾਰਮ੍ਮਣਾਧਿਪਤਿ ਚਿਤ੍ਤਸਮੁਟ੍ਠਾਨਾਨਂ ਰੂਪਾਨਂ ਅਧਿਪਤਿਪਚ੍ਚਯੇਨ ਪਚ੍ਚਯੋ. (੨)

ਸਾਰਮ੍ਮਣੋ ਧਮ੍ਮੋ ਸਾਰਮ੍ਮਣਸ੍ਸ ਚ ਅਨਾਰਮ੍ਮਣਸ੍ਸ ਚ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ. ਸਹਜਾਤਾਧਿਪਤਿ – ਸਾਰਮ੍ਮਣਾਧਿਪਤਿ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਅਧਿਪਤਿਪਚ੍ਚਯੇਨ ਪਚ੍ਚਯੋ. (੩)

੩੧. ਅਨਾਰਮ੍ਮਣੋ ਧਮ੍ਮੋ ਸਾਰਮ੍ਮਣਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ. ਆਰਮ੍ਮਣਾਧਿਪਤਿ – ਅਰਿਯਾ ਨਿਬ੍ਬਾਨਂ ਗਰੁਂ ਕਤ੍ਵਾ ਪਚ੍ਚਵੇਕ੍ਖਨ੍ਤਿ; ਨਿਬ੍ਬਾਨਂ ਗੋਤ੍ਰਭੁਸ੍ਸ, ਵੋਦਾਨਸ੍ਸ, ਮਗ੍ਗਸ੍ਸ, ਫਲਸ੍ਸ, ਅਧਿਪਤਿਪਚ੍ਚਯੇਨ ਪਚ੍ਚਯੋ; ਚਕ੍ਖੁਂ…ਪੇ… ਵਤ੍ਥੁਂ ਗਰੁਂ ਕਤ੍ਵਾ ਅਸ੍ਸਾਦੇਤਿ ਅਭਿਨਨ੍ਦਤਿ, ਤਂ ਗਰੁਂ ਕਤ੍ਵਾ ਰਾਗੋ ਉਪ੍ਪਜ੍ਜਤਿ, ਦਿਟ੍ਠਿ ਉਪ੍ਪਜ੍ਜਤਿ. (੧)

ਅਨਨ੍ਤਰਪਚ੍ਚਯਾਦਿ

੩੨. ਸਾਰਮ੍ਮਣੋ ਧਮ੍ਮੋ ਸਾਰਮ੍ਮਣਸ੍ਸ ਧਮ੍ਮਸ੍ਸ ਅਨਨ੍ਤਰਪਚ੍ਚਯੇਨ ਪਚ੍ਚਯੋ – ਪੁਰਿਮਾ ਪੁਰਿਮਾ ਸਾਰਮ੍ਮਣਾ…ਪੇ… ਫਲਸਮਾਪਤ੍ਤਿਯਾ ਅਨਨ੍ਤਰਪਚ੍ਚਯੇਨ ਪਚ੍ਚਯੋ… ਸਮਨਨ੍ਤਰਪਚ੍ਚਯੇਨ ਪਚ੍ਚਯੋ… ਏਕਂ… ਸਹਜਾਤਪਚ੍ਚਯੇਨ ਪਚ੍ਚਯੋ… ਸਤ੍ਤ (ਪਟਿਚ੍ਚਵਾਰੇ ਸਹਜਾਤਸਦਿਸਾ)… ਅਞ੍ਞਮਞ੍ਞਪਚ੍ਚਯੇਨ ਪਚ੍ਚਯੋ… ਛ (ਪਟਿਚ੍ਚਵਾਰੇ ਅਞ੍ਞਮਞ੍ਞਸਦਿਸਂ)… ਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਸਤ੍ਤ (ਪਚ੍ਚਯਵਾਰੇ ਨਿਸ੍ਸਯਸਦਿਸੋ).

ਉਪਨਿਸ੍ਸਯਪਚ੍ਚਯੋ

੩੩. ਸਾਰਮ੍ਮਣੋ ਧਮ੍ਮੋ ਸਾਰਮ੍ਮਣਸ੍ਸ ਧਮ੍ਮਸ੍ਸ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ – ਆਰਮ੍ਮਣੂਪਨਿਸ੍ਸਯੋ, ਅਨਨ੍ਤਰੂਪਨਿਸ੍ਸਯੋ, ਪਕਤੂਪਨਿਸ੍ਸਯੋ…ਪੇ…. ਪਕਤੂਪਨਿਸ੍ਸਯੋ – ਸਦ੍ਧਂ ਉਪਨਿਸ੍ਸਾਯ ਦਾਨਂ ਦੇਤਿ…ਪੇ… ਮਾਨਂ ਜਪ੍ਪੇਤਿ, ਦਿਟ੍ਠਿਂ ਗਣ੍ਹਾਤਿ. ਸੀਲਂ…ਪੇ… ਪਞ੍ਞਂ, ਰਾਗਂ…ਪੇ… ਪਤ੍ਥਨਂ, ਕਾਯਿਕਂ ਸੁਖਂ… ਕਾਯਿਕਂ ਦੁਕ੍ਖਂ ਉਪਨਿਸ੍ਸਾਯ ਦਾਨਂ ਦੇਤਿ…ਪੇ… ਸਮਾਪਤ੍ਤਿਂ ਉਪ੍ਪਾਦੇਤਿ, ਪਾਣਂ ਹਨਤਿ…ਪੇ… ਸਙ੍ਘਂ ਭਿਨ੍ਦਤਿ. ਸਦ੍ਧਾ…ਪੇ… ਪਞ੍ਞਾ, ਰਾਗੋ…ਪੇ… ਪਤ੍ਥਨਾ, ਕਾਯਿਕਂ ਸੁਖਂ… ਕਾਯਿਕਂ ਦੁਕ੍ਖਂ ਸਦ੍ਧਾਯ…ਪੇ… ਪਞ੍ਞਾਯ, ਰਾਗਸ੍ਸ…ਪੇ… ਪਤ੍ਥਨਾਯ, ਕਾਯਿਕਸ੍ਸ ਸੁਖਸ੍ਸ, ਕਾਯਿਕਸ੍ਸ ਦੁਕ੍ਖਸ੍ਸ, ਮਗ੍ਗਸ੍ਸ, ਫਲਸਮਾਪਤ੍ਤਿਯਾ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ. (੧)

ਅਨਾਰਮ੍ਮਣੋ ਧਮ੍ਮੋ ਸਾਰਮ੍ਮਣਸ੍ਸ ਧਮ੍ਮਸ੍ਸ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ – ਆਰਮ੍ਮਣੂਪਨਿਸ੍ਸਯੋ, ਪਕਤੂਪਨਿਸ੍ਸਯੋ…ਪੇ…. ਪਕਤੂਪਨਿਸ੍ਸਯੋ – ਉਤੁਂ, ਭੋਜਨਂ, ਸੇਨਾਸਨਂ ਉਪਨਿਸ੍ਸਾਯ ਦਾਨਂ ਦੇਤਿ…ਪੇ… ਸਮਾਪਤ੍ਤਿਂ ਉਪ੍ਪਾਦੇਤਿ, ਪਾਣਂ ਹਨਤਿ…ਪੇ… ਸਙ੍ਘਂ ਭਿਨ੍ਦਤਿ. ਉਤੁ… ਭੋਜਨਂ… ਸੇਨਾਸਨਂ ਸਦ੍ਧਾਯ…ਪੇ… ਪਤ੍ਥਨਾਯ, ਕਾਯਿਕਸ੍ਸ ਸੁਖਸ੍ਸ, ਕਾਯਿਕਸ੍ਸ ਦੁਕ੍ਖਸ੍ਸ, ਮਗ੍ਗਸ੍ਸ, ਫਲਸਮਾਪਤ੍ਤਿਯਾ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ. (੧)

ਪੁਰੇਜਾਤਪਚ੍ਚਯੋ

੩੪. ਅਨਾਰਮ੍ਮਣੋ ਧਮ੍ਮੋ ਸਾਰਮ੍ਮਣਸ੍ਸ ਧਮ੍ਮਸ੍ਸ ਪੁਰੇਜਾਤਪਚ੍ਚਯੇਨ ਪਚ੍ਚਯੋ – ਆਰਮ੍ਮਣਪੁਰੇਜਾਤਂ, ਵਤ੍ਥੁਪੁਰੇਜਾਤਂ. ਆਰਮ੍ਮਣਪੁਰੇਜਾਤਂ – ਚਕ੍ਖੁਂ…ਪੇ… ਵਤ੍ਥੁਂ ਅਨਿਚ੍ਚਤੋ…ਪੇ… ਦੋਮਨਸ੍ਸਂ ਉਪ੍ਪਜ੍ਜਤਿ; ਦਿਬ੍ਬੇਨ ਚਕ੍ਖੁਨਾ ਰੂਪਂ ਪਸ੍ਸਤਿ, ਦਿਬ੍ਬਾਯ ਸੋਤਧਾਤੁਯਾ ਸਦ੍ਦਂ ਸੁਣਾਤਿ. ਰੂਪਾਯਤਨਂ ਚਕ੍ਖੁਵਿਞ੍ਞਾਣਸ੍ਸ…ਪੇ… ਫੋਟ੍ਠਬ੍ਬਾਯਤਨਂ ਕਾਯਵਿਞ੍ਞਾਣਸ੍ਸ…ਪੇ…. ਵਤ੍ਥੁਪੁਰੇਜਾਤਂ – ਚਕ੍ਖਾਯਤਨਂ ਚਕ੍ਖੁਵਿਞ੍ਞਾਣਸ੍ਸ…ਪੇ… ਕਾਯਾਯਤਨਂ ਕਾਯਵਿਞ੍ਞਾਣਸ੍ਸ…ਪੇ… ਵਤ੍ਥੁ ਸਾਰਮ੍ਮਣਾਨਂ ਖਨ੍ਧਾਨਂ ਪੁਰੇਜਾਤਪਚ੍ਚਯੇਨ ਪਚ੍ਚਯੋ. (੧)

ਪਚ੍ਛਾਜਾਤਾਸੇਵਨਪਚ੍ਚਯਾ

੩੫. ਸਾਰਮ੍ਮਣੋ ਧਮ੍ਮੋ ਅਨਾਰਮ੍ਮਣਸ੍ਸ ਧਮ੍ਮਸ੍ਸ ਪਚ੍ਛਾਜਾਤਪਚ੍ਚਯੇਨ ਪਚ੍ਚਯੋ… ਏਕਂ.

ਸਾਰਮ੍ਮਣੋ ਧਮ੍ਮੋ ਸਾਰਮ੍ਮਣਸ੍ਸ ਧਮ੍ਮਸ੍ਸ ਆਸੇਵਨਪਚ੍ਚਯੇਨ ਪਚ੍ਚਯੋ… ਏਕਂ.

ਕਮ੍ਮਪਚ੍ਚਯੋ

੩੬. ਸਾਰਮ੍ਮਣੋ ਧਮ੍ਮੋ ਸਾਰਮ੍ਮਣਸ੍ਸ ਧਮ੍ਮਸ੍ਸ ਕਮ੍ਮਪਚ੍ਚਯੇਨ ਪਚ੍ਚਯੋ – ਸਹਜਾਤਾ, ਨਾਨਾਕ੍ਖਣਿਕਾ. ਸਹਜਾਤਾ – ਸਾਰਮ੍ਮਣਾ ਚੇਤਨਾ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਕਮ੍ਮਪਚ੍ਚਯੇਨ ਪਚ੍ਚਯੋ; ਪਟਿਸਨ੍ਧਿਕ੍ਖਣੇ…ਪੇ…. ਨਾਨਾਕ੍ਖਣਿਕਾ – ਸਾਰਮ੍ਮਣਾ ਚੇਤਨਾ ਵਿਪਾਕਾਨਂ ਖਨ੍ਧਾਨਂ ਕਮ੍ਮਪਚ੍ਚਯੇਨ ਪਚ੍ਚਯੋ. (੧)

ਸਾਰਮ੍ਮਣੋ ਧਮ੍ਮੋ ਅਨਾਰਮ੍ਮਣਸ੍ਸ ਧਮ੍ਮਸ੍ਸ ਕਮ੍ਮਪਚ੍ਚਯੇਨ ਪਚ੍ਚਯੋ – ਸਹਜਾਤਾ, ਨਾਨਾਕ੍ਖਣਿਕਾ. ਸਹਜਾਤਾ – ਸਾਰਮ੍ਮਣਾ ਚੇਤਨਾ ਚਿਤ੍ਤਸਮੁਟ੍ਠਾਨਾਨਂ ਰੂਪਾਨਂ ਕਮ੍ਮਪਚ੍ਚਯੇਨ ਪਚ੍ਚਯੋ; ਪਟਿਸਨ੍ਧਿਕ੍ਖਣੇ…ਪੇ…. ਨਾਨਾਕ੍ਖਣਿਕਾ – ਸਾਰਮ੍ਮਣਾ ਚੇਤਨਾ ਕਟਤ੍ਤਾਰੂਪਾਨਂ ਕਮ੍ਮਪਚ੍ਚਯੇਨ ਪਚ੍ਚਯੋ. (੨)

ਸਾਰਮ੍ਮਣੋ ਧਮ੍ਮੋ ਸਾਰਮ੍ਮਣਸ੍ਸ ਚ ਅਨਾਰਮ੍ਮਣਸ੍ਸ ਚ ਧਮ੍ਮਸ੍ਸ ਕਮ੍ਮਪਚ੍ਚਯੇਨ ਪਚ੍ਚਯੋ – ਸਹਜਾਤਾ, ਨਾਨਾਕ੍ਖਣਿਕਾ. ਸਹਜਾਤਾ – ਸਾਰਮ੍ਮਣਾ ਚੇਤਨਾ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਕਮ੍ਮਪਚ੍ਚਯੇਨ ਪਚ੍ਚਯੋ; ਪਟਿਸਨ੍ਧਿਕ੍ਖਣੇ…ਪੇ…. ਨਾਨਾਕ੍ਖਣਿਕਾ – ਸਾਰਮ੍ਮਣਾ ਚੇਤਨਾ ਵਿਪਾਕਾਨਂ ਖਨ੍ਧਾਨਂ ਕਟਤ੍ਤਾ ਚ ਰੂਪਾਨਂ ਕਮ੍ਮਪਚ੍ਚਯੇਨ ਪਚ੍ਚਯੋ. (੩)

ਵਿਪਾਕ-ਆਹਾਰਪਚ੍ਚਯਾ

੩੭. ਸਾਰਮ੍ਮਣੋ ਧਮ੍ਮੋ ਸਾਰਮ੍ਮਣਸ੍ਸ ਧਮ੍ਮਸ੍ਸ ਵਿਪਾਕਪਚ੍ਚਯੇਨ ਪਚ੍ਚਯੋ… ਤੀਣਿ.

ਸਾਰਮ੍ਮਣੋ ਧਮ੍ਮੋ ਸਾਰਮ੍ਮਣਸ੍ਸ ਧਮ੍ਮਸ੍ਸ ਆਹਾਰਪਚ੍ਚਯੇਨ ਪਚ੍ਚਯੋ… ਤੀਣਿ.

ਅਨਾਰਮ੍ਮਣੋ ਧਮ੍ਮੋ ਅਨਾਰਮ੍ਮਣਸ੍ਸ ਧਮ੍ਮਸ੍ਸ ਆਹਾਰਪਚ੍ਚਯੇਨ ਪਚ੍ਚਯੋ – ਕਬਲ਼ੀਕਾਰੋ ਆਹਾਰੋ ਇਮਸ੍ਸ ਕਾਯਸ੍ਸ ਆਹਾਰਪਚ੍ਚਯੇਨ ਪਚ੍ਚਯੋ. (੧)

ਇਨ੍ਦ੍ਰਿਯਪਚ੍ਚਯੋ

੩੮. ਸਾਰਮ੍ਮਣੋ ਧਮ੍ਮੋ ਸਾਰਮ੍ਮਣਸ੍ਸ ਧਮ੍ਮਸ੍ਸ ਇਨ੍ਦ੍ਰਿਯਪਚ੍ਚਯੇਨ ਪਚ੍ਚਯੋ… ਤੀਣਿ.

ਅਨਾਰਮ੍ਮਣੋ ਧਮ੍ਮੋ ਅਨਾਰਮ੍ਮਣਸ੍ਸ ਧਮ੍ਮਸ੍ਸ ਇਨ੍ਦ੍ਰਿਯਪਚ੍ਚਯੇਨ ਪਚ੍ਚਯੋ – ਰੂਪਜੀਵਿਤਿਨ੍ਦ੍ਰਿਯਂ ਕਟਤ੍ਤਾਰੂਪਾਨਂ ਇਨ੍ਦ੍ਰਿਯਪਚ੍ਚਯੇਨ ਪਚ੍ਚਯੋ. (੧)

ਅਨਾਰਮ੍ਮਣੋ ਧਮ੍ਮੋ ਸਾਰਮ੍ਮਣਸ੍ਸ ਧਮ੍ਮਸ੍ਸ ਇਨ੍ਦ੍ਰਿਯਪਚ੍ਚਯੇਨ ਪਚ੍ਚਯੋ – ਚਕ੍ਖੁਨ੍ਦ੍ਰਿਯਂ ਚਕ੍ਖੁਵਿਞ੍ਞਾਣਸ੍ਸ…ਪੇ… ਕਾਯਿਨ੍ਦ੍ਰਿਯਂ ਕਾਯਵਿਞ੍ਞਾਣਸ੍ਸ ਇਨ੍ਦ੍ਰਿਯਪਚ੍ਚਯੇਨ ਪਚ੍ਚਯੋ. (੧)

ਸਾਰਮ੍ਮਣੋ ਚ ਅਨਾਰਮ੍ਮਣੋ ਚ ਧਮ੍ਮਾ ਸਾਰਮ੍ਮਣਸ੍ਸ ਧਮ੍ਮਸ੍ਸ ਇਨ੍ਦ੍ਰਿਯਪਚ੍ਚਯੇਨ ਪਚ੍ਚਯੋ – ਚਕ੍ਖੁਨ੍ਦ੍ਰਿਯਞ੍ਚ ਚਕ੍ਖੁਵਿਞ੍ਞਾਣਞ੍ਚ ਚਕ੍ਖੁਵਿਞ੍ਞਾਣਸਹਗਤਾਨਂ ਖਨ੍ਧਾਨਂ ਇਨ੍ਦ੍ਰਿਯਪਚ੍ਚਯੇਨ ਪਚ੍ਚਯੋ…ਪੇ… ਕਾਯਿਨ੍ਦ੍ਰਿਯਞ੍ਚ ਕਾਯਵਿਞ੍ਞਾਣਞ੍ਚ ਕਾਯਵਿਞ੍ਞਾਣਸਹਗਤਾਨਂ ਖਨ੍ਧਾਨਂ ਇਨ੍ਦ੍ਰਿਯਪਚ੍ਚਯੇਨ ਪਚ੍ਚਯੋ. (੧)

ਝਾਨਪਚ੍ਚਯਾਦਿ

੩੯. ਸਾਰਮ੍ਮਣੋ ਧਮ੍ਮੋ ਸਾਰਮ੍ਮਣਸ੍ਸ ਧਮ੍ਮਸ੍ਸ ਝਾਨਪਚ੍ਚਯੇਨ ਪਚ੍ਚਯੋ… ਤੀਣਿ, ਮਗ੍ਗਪਚ੍ਚਯੇਨ ਪਚ੍ਚਯੋ… ਤੀਣਿ, ਸਮ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ… ਏਕਂ.

ਵਿਪ੍ਪਯੁਤ੍ਤਪਚ੍ਚਯੋ

੪੦. ਸਾਰਮ੍ਮਣੋ ਧਮ੍ਮੋ ਅਨਾਰਮ੍ਮਣਸ੍ਸ ਧਮ੍ਮਸ੍ਸ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ – ਸਹਜਾਤਂ, ਪਚ੍ਛਾਜਾਤਂ (ਸਂਖਿਤ੍ਤਂ). (੧)

ਅਨਾਰਮ੍ਮਣੋ ਧਮ੍ਮੋ ਸਾਰਮ੍ਮਣਸ੍ਸ ਧਮ੍ਮਸ੍ਸ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ – ਸਹਜਾਤਂ, ਪੁਰੇਜਾਤਂ. ਸਹਜਾਤਂ – ਪਟਿਸਨ੍ਧਿਕ੍ਖਣੇ ਵਤ੍ਥੁ ਸਾਰਮ੍ਮਣਾਨਂ ਖਨ੍ਧਾਨਂ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ. ਪੁਰੇਜਾਤਂ ਚਕ੍ਖਾਯਤਨਂ ਚਕ੍ਖੁਵਿਞ੍ਞਾਣਸ੍ਸ…ਪੇ… ਕਾਯਾਯਤਨਂ ਕਾਯਵਿਞ੍ਞਾਣਸ੍ਸ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ; ਵਤ੍ਥੁ ਸਾਰਮ੍ਮਣਾਨਂ ਖਨ੍ਧਾਨਂ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ. (੧)

ਅਤ੍ਥਿਪਚ੍ਚਯੋ

੪੧. ਸਾਰਮ੍ਮਣੋ ਧਮ੍ਮੋ ਸਾਰਮ੍ਮਣਸ੍ਸ ਧਮ੍ਮਸ੍ਸ ਅਤ੍ਥਿਪਚ੍ਚਯੇਨ ਪਚ੍ਚਯੋ – ਸਾਰਮ੍ਮਣੋ ਏਕੋ ਖਨ੍ਧੋ ਤਿਣ੍ਣਨ੍ਨਂ ਖਨ੍ਧਾਨਂ ਅਤ੍ਥਿਪਚ੍ਚਯੇਨ ਪਚ੍ਚਯੋ…ਪੇ… ਦ੍ਵੇ ਖਨ੍ਧਾ…ਪੇ… ਪਟਿਸਨ੍ਧਿਕ੍ਖਣੇ…ਪੇ…. (੧)

ਸਾਰਮ੍ਮਣੋ ਧਮ੍ਮੋ ਅਨਾਰਮ੍ਮਣਸ੍ਸ ਧਮ੍ਮਸ੍ਸ ਅਤ੍ਥਿਪਚ੍ਚਯੇਨ ਪਚ੍ਚਯੋ – ਸਹਜਾਤਂ, ਪਚ੍ਛਾਜਾਤਂ (ਸਂਖਿਤ੍ਤਂ). (੨)

ਸਾਰਮ੍ਮਣੋ ਧਮ੍ਮੋ ਸਾਰਮ੍ਮਣਸ੍ਸ ਚ ਅਨਾਰਮ੍ਮਣਸ੍ਸ ਚ ਧਮ੍ਮਸ੍ਸ ਅਤ੍ਥਿਪਚ੍ਚਯੇਨ ਪਚ੍ਚਯੋ (ਪਟਿਚ੍ਚਸਦਿਸਂ). (੩)

੪੨. ਅਨਾਰਮ੍ਮਣੋ ਧਮ੍ਮੋ ਅਨਾਰਮ੍ਮਣਸ੍ਸ ਧਮ੍ਮਸ੍ਸ ਅਤ੍ਥਿਪਚ੍ਚਯੇਨ ਪਚ੍ਚਯੋ – ਸਹਜਾਤਂ, ਆਹਾਰਂ, ਇਨ੍ਦ੍ਰਿਯਂ. ਸਹਜਾਤਂ – ਏਕਂ ਮਹਾਭੂਤਂ…ਪੇ… (ਯਾਵ ਅਸਞ੍ਞਸਤ੍ਤਾ). (੧)

ਅਨਾਰਮ੍ਮਣੋ ਧਮ੍ਮੋ ਸਾਰਮ੍ਮਣਸ੍ਸ ਧਮ੍ਮਸ੍ਸ ਅਤ੍ਥਿਪਚ੍ਚਯੇਨ ਪਚ੍ਚਯੋ – ਸਹਜਾਤਂ, ਪੁਰੇਜਾਤਂ. ਸਹਜਾਤਂ – ਪਟਿਸਨ੍ਧਿਕ੍ਖਣੇ ਵਤ੍ਥੁ ਸਾਰਮ੍ਮਣਾਨਂ ਖਨ੍ਧਾਨਂ ਅਤ੍ਥਿਪਚ੍ਚਯੇਨ ਪਚ੍ਚਯੋ. ਪੁਰੇਜਾਤਂ – ਚਕ੍ਖੁਂ…ਪੇ… ਵਤ੍ਥੁਂ ਅਨਿਚ੍ਚਤੋ…ਪੇ… ਦੋਮਨਸ੍ਸਂ ਉਪ੍ਪਜ੍ਜਤਿ; ਦਿਬ੍ਬੇਨ ਚਕ੍ਖੁਨਾ ਰੂਪਂ ਪਸ੍ਸਤਿ, ਦਿਬ੍ਬਾਯ ਸੋਤਧਾਤੁਯਾ ਸਦ੍ਦਂ ਸੁਣਾਤਿ. ਰੂਪਾਯਤਨਂ ਚਕ੍ਖੁਵਿਞ੍ਞਾਣਸ੍ਸ…ਪੇ… ਫੋਟ੍ਠਬ੍ਬਾਯਤਨਂ ਕਾਯਵਿਞ੍ਞਾਣਸ੍ਸ…ਪੇ… ਚਕ੍ਖਾਯਤਨਂ ਚਕ੍ਖੁਵਿਞ੍ਞਾਣਸ੍ਸ…ਪੇ… ਕਾਯਾਯਤਨਂ ਕਾਯਵਿਞ੍ਞਾਣਸ੍ਸ…ਪੇ… ਵਤ੍ਥੁ ਸਾਰਮ੍ਮਣਾਨਂ ਖਨ੍ਧਾਨਂ ਅਤ੍ਥਿਪਚ੍ਚਯੇਨ ਪਚ੍ਚਯੋ. (੨)

੪੩. ਸਾਰਮ੍ਮਣੋ ਚ ਅਨਾਰਮ੍ਮਣੋ ਚ ਧਮ੍ਮਾ ਸਾਰਮ੍ਮਣਸ੍ਸ ਧਮ੍ਮਸ੍ਸ ਅਤ੍ਥਿਪਚ੍ਚਯੇਨ ਪਚ੍ਚਯੋ – ਸਹਜਾਤਂ, ਪੁਰੇਜਾਤਂ. ਸਹਜਾਤੋ – ਚਕ੍ਖੁਵਿਞ੍ਞਾਣਸਹਗਤੋ ਏਕੋ ਖਨ੍ਧੋ ਚ ਚਕ੍ਖਾਯਤਨਞ੍ਚ ਤਿਣ੍ਣਨ੍ਨਂ ਖਨ੍ਧਾਨਂ ਅਤ੍ਥਿਪਚ੍ਚਯੇਨ ਪਚ੍ਚਯੋ…ਪੇ… ਦ੍ਵੇ ਖਨ੍ਧਾ ਚ…ਪੇ… ਕਾਯਵਿਞ੍ਞਾਣਸਹਗਤੋ ਏਕੋ ਖਨ੍ਧੋ ਚ ਕਾਯਾਯਤਨਞ੍ਚ ਤਿਣ੍ਣਨ੍ਨਂ ਖਨ੍ਧਾਨਂ ਅਤ੍ਥਿਪਚ੍ਚਯੇਨ ਪਚ੍ਚਯੋ…ਪੇ… ਦ੍ਵੇ ਖਨ੍ਧਾ ਚ…ਪੇ… ਸਾਰਮ੍ਮਣੋ ਏਕੋ ਖਨ੍ਧੋ ਚ ਵਤ੍ਥੁ ਚ ਤਿਣ੍ਣਨ੍ਨਂ ਖਨ੍ਧਾਨਂ ਅਤ੍ਥਿਪਚ੍ਚਯੇਨ ਪਚ੍ਚਯੋ…ਪੇ… ਦ੍ਵੇ ਖਨ੍ਧਾ ਚ…ਪੇ… ਪਟਿਸਨ੍ਧਿਕ੍ਖਣੇ…ਪੇ…. (੧)

ਸਾਰਮ੍ਮਣੋ ਚ ਅਨਾਰਮ੍ਮਣੋ ਚ ਧਮ੍ਮਾ ਅਨਾਰਮ੍ਮਣਸ੍ਸ ਧਮ੍ਮਸ੍ਸ ਅਤ੍ਥਿਪਚ੍ਚਯੇਨ ਪਚ੍ਚਯੋ – ਸਹਜਾਤਂ, ਪਚ੍ਛਾਜਾਤਂ, ਆਹਾਰਂ, ਇਨ੍ਦ੍ਰਿਯਂ. ਸਹਜਾਤਾ – ਸਾਰਮ੍ਮਣਾ ਖਨ੍ਧਾ ਚ ਮਹਾਭੂਤਾ ਚ ਚਿਤ੍ਤਸਮੁਟ੍ਠਾਨਾਨਂ ਰੂਪਾਨਂ ਅਤ੍ਥਿਪਚ੍ਚਯੇਨ ਪਚ੍ਚਯੋ; ਪਟਿਸਨ੍ਧਿਕ੍ਖਣੇ…ਪੇ…. ਪਚ੍ਛਾਜਾਤਾ – ਸਾਰਮ੍ਮਣਾ ਖਨ੍ਧਾ ਚ ਕਬਲ਼ੀਕਾਰੋ ਆਹਾਰੋ ਚ ਇਮਸ੍ਸ ਕਾਯਸ੍ਸ ਅਤ੍ਥਿਪਚ੍ਚਯੇਨ ਪਚ੍ਚਯੋ. ਪਚ੍ਛਾਜਾਤਾ – ਸਾਰਮ੍ਮਣਾ ਖਨ੍ਧਾ ਚ ਰੂਪਜੀਵਿਤਿਨ੍ਦ੍ਰਿਯਞ੍ਚ ਕਟਤ੍ਤਾਰੂਪਾਨਂ ਅਤ੍ਥਿਪਚ੍ਚਯੇਨ ਪਚ੍ਚਯੋ. (੨)