੫. ਸਂਸਟ੍ਠਵਾਰੋ

੧-੪. ਪਚ੍ਚਯਾਨੁਲੋਮਾਦਿ

੩੩੯. ਅਜ੍ਝਤ੍ਤਿਕਂ ਧਮ੍ਮਂ ਸਂਸਟ੍ਠੋ ਬਾਹਿਰੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਚਿਤ੍ਤਂ ਸਂਸਟ੍ਠਾ ਸਮ੍ਪਯੁਤ੍ਤਕਾ ਖਨ੍ਧਾ; ਪਟਿਸਨ੍ਧਿਕ੍ਖਣੇ ਚਿਤ੍ਤਂ ਸਂਸਟ੍ਠਾ ਸਮ੍ਪਯੁਤ੍ਤਕਾ ਖਨ੍ਧਾ. (੧)

ਬਾਹਿਰਂ ਧਮ੍ਮਂ ਸਂਸਟ੍ਠੋ ਬਾਹਿਰੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਬਾਹਿਰਂ ਏਕਂ ਖਨ੍ਧਂ ਸਂਸਟ੍ਠਾ ਦ੍ਵੇ ਖਨ੍ਧਾ, ਦ੍ਵੇ ਖਨ੍ਧੇ…ਪੇ… ਪਟਿਸਨ੍ਧਿਕ੍ਖਣੇ…ਪੇ…. ਬਾਹਿਰਂ ਧਮ੍ਮਂ ਸਂਸਟ੍ਠੋ ਅਜ੍ਝਤ੍ਤਿਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਬਾਹਿਰੇ ਖਨ੍ਧੇ ਸਂਸਟ੍ਠਂ ਚਿਤ੍ਤਂ; ਪਟਿਸਨ੍ਧਿਕ੍ਖਣੇ…ਪੇ…. ਬਾਹਿਰਂ ਧਮ੍ਮਂ ਸਂਸਟ੍ਠੋ ਅਜ੍ਝਤ੍ਤਿਕੋ ਚ ਬਾਹਿਰੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ – ਬਾਹਿਰਂ ਏਕਂ ਖਨ੍ਧਂ ਸਂਸਟ੍ਠਾ ਦ੍ਵੇ ਖਨ੍ਧਾ ਚਿਤ੍ਤਞ੍ਚ, ਦ੍ਵੇ ਖਨ੍ਧੇ…ਪੇ… ਪਟਿਸਨ੍ਧਿਕ੍ਖਣੇ…ਪੇ…. (੩)

ਅਜ੍ਝਤ੍ਤਿਕਞ੍ਚ ਬਾਹਿਰਞ੍ਚ ਧਮ੍ਮਂ ਸਂਸਟ੍ਠੋ ਬਾਹਿਰੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਬਾਹਿਰਂ ਏਕਂ ਖਨ੍ਧਞ੍ਚ ਚਿਤ੍ਤਞ੍ਚ ਸਂਸਟ੍ਠਾ ਦ੍ਵੇ ਖਨ੍ਧਾ, ਦ੍ਵੇ ਖਨ੍ਧੇ…ਪੇ… ਪਟਿਸਨ੍ਧਿਕ੍ਖਣੇ…ਪੇ… (ਸਂਖਿਤ੍ਤਂ). ਹੇਤੁਯਾ ਪਞ੍ਚ, ਆਰਮ੍ਮਣੇ ਪਞ੍ਚ, ਅਧਿਪਤਿਯਾ ਪਞ੍ਚ (ਸਬ੍ਬਤ੍ਥ ਪਞ੍ਚ), ਅਵਿਗਤੇ ਪਞ੍ਚ (ਅਨੁਲੋਮਂ).

ਅਜ੍ਝਤ੍ਤਿਕਂ ਧਮ੍ਮਂ ਸਂਸਟ੍ਠੋ ਬਾਹਿਰੋ ਧਮ੍ਮੋ ਉਪ੍ਪਜ੍ਜਤਿ ਨਹੇਤੁਪਚ੍ਚਯਾ (ਏਵਂ ਪਞ੍ਚ ਕਾਤਬ੍ਬਾ, ਤੀਣਿਯੇਵ ਮੋਹੋ).

ਨਹੇਤੁਯਾ ਪਞ੍ਚ, ਨਅਧਿਪਤਿਯਾ ਪਞ੍ਚ, ਨਪੁਰੇਜਾਤੇ ਪਞ੍ਚ, ਨਪਚ੍ਛਾਜਾਤੇ ਪਞ੍ਚ, ਨਆਸੇਵਨੇ ਪਞ੍ਚ, ਨਕਮ੍ਮੇ ਤੀਣਿ, ਨਵਿਪਾਕੇ ਪਞ੍ਚ, ਨਝਾਨੇ ਪਞ੍ਚ, ਨਮਗ੍ਗੇ ਪਞ੍ਚ, ਨਵਿਪ੍ਪਯੁਤ੍ਤੇ ਪਞ੍ਚ (ਪਚ੍ਚਨੀਯਂ).