੧. ਵਿਭਙ੍ਗਵਾਰੋ
ਹੇਤੁਪਚ੍ਚਯੋ
੨੫੭. ਚਿਤ੍ਤਸਹਭੂ ਧਮ੍ਮੋ ਚਿਤ੍ਤਸਹਭੁਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ – ਚਿਤ੍ਤਸਹਭੂ ਹੇਤੂ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਚਿਤ੍ਤਸਹਭੂਨਂ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਹੇਤੁਪਚ੍ਚਯੇਨ ਪਚ੍ਚਯੋ; ਪਟਿਸਨ੍ਧਿਕ੍ਖਣੇ…ਪੇ…. (੧)
ਚਿਤ੍ਤਸਹਭੂ ਧਮ੍ਮੋ ਨੋਚਿਤ੍ਤਸਹਭੁਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ – ਚਿਤ੍ਤਸਹਭੂ ਹੇਤੂ ਚਿਤ੍ਤਸ੍ਸ ਨੋਚਿਤ੍ਤਸਹਭੂਨਂ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਹੇਤੁਪਚ੍ਚਯੇਨ ਪਚ੍ਚਯੋ; ਪਟਿਸਨ੍ਧਿਕ੍ਖਣੇ ਚਿਤ੍ਤਸਹਭੂ ਹੇਤੂ ਚਿਤ੍ਤਸ੍ਸ ਕਟਤ੍ਤਾ ਚ ਰੂਪਾਨਂ ਹੇਤੁਪਚ੍ਚਯੇਨ ਪਚ੍ਚਯੋ. (੨)
ਚਿਤ੍ਤਸਹਭੂ ਧਮ੍ਮੋ ਚਿਤ੍ਤਸਹਭੁਸ੍ਸ ਚ ਨੋਚਿਤ੍ਤਸਹਭੁਸ੍ਸ ਚ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ; ਚਿਤ੍ਤਸਹਭੂ ਹੇਤੂ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਚਿਤ੍ਤਸ੍ਸ ਚ ਚਿਤ੍ਤਸਹਭੂਨਞ੍ਚ ਨੋਚਿਤ੍ਤਸਹਭੂਨਞ੍ਚ ਚਿਤ੍ਤਸਮੁਟ੍ਠਾਨਾਨਂ ਰੂਪਾਨਂ ਹੇਤੁਪਚ੍ਚਯੇਨ ਪਚ੍ਚਯੋ. (੩)
ਆਰਮ੍ਮਣਪਚ੍ਚਯੋ
੨੫੮. ਚਿਤ੍ਤਸਹਭੂ ਧਮ੍ਮੋ ਚਿਤ੍ਤਸਹਭੁਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਨਵ (ਚਿਤ੍ਤਸਮੁਟ੍ਠਾਨਦੁਕਸਦਿਸਂ, ਨਿਨ੍ਨਾਨਾਕਰਣਂ).
ਅਧਿਪਤਿਪਚ੍ਚਯੋ
੨੫੯. ਚਿਤ੍ਤਸਹਭੂ ਧਮ੍ਮੋ ਚਿਤ੍ਤਸਹਭੁਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ… ਤੀਣਿ (ਆਰਮ੍ਮਣਾਧਿਪਤਿਪਿ ਸਹਜਾਤਾਧਿਪਤਿਪਿ ਕਾਤਬ੍ਬਾ).
ਨੋਚਿਤ੍ਤਸਹਭੂ ਧਮ੍ਮੋ ਨੋਚਿਤ੍ਤਸਹਭੁਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ… ਤੀਣਿ (ਆਰਮ੍ਮਣਾਧਿਪਤਿਪਿ ਸਹਜਾਤਾਧਿਪਤਿਪਿ ਇਮੇਸਮ੍ਪਿ ਤਿਣ੍ਣਂ ਕਾਤਬ੍ਬਾ. ਨਵਪਿ ਪਞ੍ਹਾ ਚਿਤ੍ਤਸਮੁਟ੍ਠਾਨਦੁਕਸਦਿਸਾ. ਅਨ੍ਤੇ ਤੀਣਿ ਆਰਮ੍ਮਣਾਧਿਪਤਿਯੇਵ).
ਅਨਨ੍ਤਰਪਚ੍ਚਯਾਦਿ
੨੬੦. ਚਿਤ੍ਤਸਹਭੂ ਧਮ੍ਮੋ ਚਿਤ੍ਤਸਹਭੁਸ੍ਸ ਧਮ੍ਮਸ੍ਸ ਅਨਨ੍ਤਰਪਚ੍ਚਯੇਨ ਪਚ੍ਚਯੋ… ਨਵ (ਚਿਤ੍ਤਸਮੁਟ੍ਠਾਨਦੁਕਸਦਿਸਂ, ਨਿਨ੍ਨਾਨਾਕਰਣਂ)… ਸਮਨਨ੍ਤਰਪਚ੍ਚਯੇਨ ਪਚ੍ਚਯੋ… ਨਵ (ਪਟਿਚ੍ਚਸਦਿਸਾ) … ਸਹਜਾਤਪਚ੍ਚਯੇਨ ਪਚ੍ਚਯੋ… ਨਵ (ਪਟਿਚ੍ਚਸਦਿਸਾ)… ਅਞ੍ਞਮਞ੍ਞਪਚ੍ਚਯੇਨ ਪਚ੍ਚਯੋ… ਨਵ (ਪਟਿਚ੍ਚਸਦਿਸਾ)… ਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਨਵ (ਪਚ੍ਚਯਵਾਰਸਦਿਸਾ)… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਨਵ (ਚਿਤ੍ਤਸਮੁਟ੍ਠਾਨਦੁਕਸਦਿਸਾ).
ਪੁਰੇਜਾਤਪਚ੍ਚਯੋ
੨੬੧. ਨੋਚਿਤ੍ਤਸਹਭੂ ਧਮ੍ਮੋ ਨੋਚਿਤ੍ਤਸਹਭੁਸ੍ਸ ਧਮ੍ਮਸ੍ਸ ਪੁਰੇਜਾਤਪਚ੍ਚਯੇਨ ਪਚ੍ਚਯੋ – ਆਰਮ੍ਮਣਪੁਰੇਜਾਤਂ, ਵਤ੍ਥੁਪੁਰੇਜਾਤਂ… ਤੀਣਿ (ਨੋਚਿਤ੍ਤਸਹਭੂ ਮੂਲਂਯੇਵ ਲਬ੍ਭਤਿ, ਚਿਤ੍ਤਸਮੁਟ੍ਠਾਨਦੁਕਸਦਿਸਾ. ਤੀਣਿਪਿ ਨਿਨ੍ਨਾਨਾਕਰਣਂ).
ਪਚ੍ਛਾਜਾਤਾਸੇਵਨਪਚ੍ਚਯਾ
੨੬੨. ਚਿਤ੍ਤਸਹਭੂ ਧਮ੍ਮੋ ਨੋਚਿਤ੍ਤਸਹਭੁਸ੍ਸ ਧਮ੍ਮਸ੍ਸ ਪਚ੍ਛਾਜਾਤਪਚ੍ਚਯੇਨ ਪਚ੍ਚਯੋ – ਪਚ੍ਛਾਜਾਤਾ ਚਿਤ੍ਤਸਹਭੂ ਖਨ੍ਧਾ ਪੁਰੇਜਾਤਸ੍ਸ ਇਮਸ੍ਸ ਨੋਚਿਤ੍ਤਸਹਭੁਸ੍ਸ ਕਾਯਸ੍ਸ ਪਚ੍ਛਾਜਾਤਪਚ੍ਚਯੇਨ ਪਚ੍ਚਯੋ. (੧)
ਨੋਚਿਤ੍ਤਸਹਭੂ ਧਮ੍ਮੋ ਨੋਚਿਤ੍ਤਸਹਭੁਸ੍ਸ ਧਮ੍ਮਸ੍ਸ ਪਚ੍ਛਾਜਾਤਪਚ੍ਚਯੇਨ ਪਚ੍ਚਯੋ…ਪੇ…. (੧)
ਚਿਤ੍ਤਸਹਭੂ ਚ ਨੋਚਿਤ੍ਤਸਹਭੂ ਚ ਧਮ੍ਮਾ ਨੋਚਿਤ੍ਤਸਹਭੁਸ੍ਸ ਧਮ੍ਮਸ੍ਸ ਪਚ੍ਛਾਜਾਤਪਚ੍ਚਯੇਨ ਪਚ੍ਚਯੋ (ਸਂਖਿਤ੍ਤਂ)… ਆਸੇਵਨਪਚ੍ਚਯੇਨ ਪਚ੍ਚਯੋ… ਨਵ.
ਕਮ੍ਮਪਚ੍ਚਯੋ
੨੬੩. ਚਿਤ੍ਤਸਹਭੂ ਧਮ੍ਮੋ ਚਿਤ੍ਤਸਹਭੁਸ੍ਸ ਧਮ੍ਮਸ੍ਸ ਕਮ੍ਮਪਚ੍ਚਯੇਨ ਪਚ੍ਚਯੋ – ਸਹਜਾਤਾ, ਨਾਨਾਕ੍ਖਣਿਕਾ. ਸਹਜਾਤਾ – ਚਿਤ੍ਤਸਹਭੂ ਚੇਤਨਾ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਚਿਤ੍ਤਸਹਭੂਨਂ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਕਮ੍ਮਪਚ੍ਚਯੇਨ ਪਚ੍ਚਯੋ; ਪਟਿਸਨ੍ਧਿਕ੍ਖਣੇ…ਪੇ…. ਨਾਨਾਕ੍ਖਣਿਕਾ – ਚਿਤ੍ਤਸਹਭੂ ਚੇਤਨਾ ਵਿਪਾਕਾਨਂ ਚਿਤ੍ਤਸਹਭੂਨਂ ਖਨ੍ਧਾਨਂ ਕਮ੍ਮਪਚ੍ਚਯੇਨ ਪਚ੍ਚਯੋ. (੧)
ਚਿਤ੍ਤਸਹਭੂ ਧਮ੍ਮੋ ਨੋਚਿਤ੍ਤਸਹਭੁਸ੍ਸ ਧਮ੍ਮਸ੍ਸ ਕਮ੍ਮਪਚ੍ਚਯੇਨ ਪਚ੍ਚਯੋ – ਸਹਜਾਤਾ, ਨਾਨਾਕ੍ਖਣਿਕਾ. ਸਹਜਾਤਾ – ਚਿਤ੍ਤਸਹਭੂ ਚੇਤਨਾ ਚਿਤ੍ਤਸ੍ਸ ਨੋਚਿਤ੍ਤਸਹਭੂਨਂ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਕਮ੍ਮਪਚ੍ਚਯੇਨ ਪਚ੍ਚਯੋ; ਪਟਿਸਨ੍ਧਿਕ੍ਖਣੇ…ਪੇ…. ਨਾਨਾਕ੍ਖਣਿਕਾ – ਚਿਤ੍ਤਸਹਭੂ ਚੇਤਨਾ ਵਿਪਾਕਸ੍ਸ ਚਿਤ੍ਤਸ੍ਸ ਕਟਤ੍ਤਾ ਚ ਰੂਪਾਨਂ ਕਮ੍ਮਪਚ੍ਚਯੇਨ ਪਚ੍ਚਯੋ. (੨)
ਚਿਤ੍ਤਸਹਭੂ ਧਮ੍ਮੋ ਚਿਤ੍ਤਸਹਭੁਸ੍ਸ ਚ ਨੋਚਿਤ੍ਤਸਹਭੁਸ੍ਸ ਚ ਧਮ੍ਮਸ੍ਸ ਕਮ੍ਮਪਚ੍ਚਯੇਨ ਪਚ੍ਚਯੋ – ਸਹਜਾਤਾ, ਨਾਨਾਕ੍ਖਣਿਕਾ. ਸਹਜਾਤਾ – ਚਿਤ੍ਤਸਹਭੂ ਚੇਤਨਾ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਚਿਤ੍ਤਸ੍ਸ ਚ ਚਿਤ੍ਤਸਹਭੂਨਞ੍ਚ ਨੋਚਿਤ੍ਤਸਹਭੂਨਞ੍ਚ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਕਮ੍ਮਪਚ੍ਚਯੇਨ ਪਚ੍ਚਯੋ; ਪਟਿਸਨ੍ਧਿਕ੍ਖਣੇ…ਪੇ…. ਨਾਨਾਕ੍ਖਣਿਕਾ – ਚਿਤ੍ਤਸਹਭੂ ਚੇਤਨਾ ਵਿਪਾਕਾਨਂ ਖਨ੍ਧਾਨਂ ਚਿਤ੍ਤਸ੍ਸ ਕਟਤ੍ਤਾ ਚ ਰੂਪਾਨਂ ਕਮ੍ਮਪਚ੍ਚਯੇਨ ਪਚ੍ਚਯੋ. (੩)
ਵਿਪਾਕਪਚ੍ਚਯਾਦਿ
੨੬੪. ਚਿਤ੍ਤਸਹਭੂ ਧਮ੍ਮੋ ਚਿਤ੍ਤਸਹਭੁਸ੍ਸ ਧਮ੍ਮਸ੍ਸ ਵਿਪਾਕਪਚ੍ਚਯੇਨ ਪਚ੍ਚਯੋ (ਚਿਤ੍ਤਸਮੁਟ੍ਠਾਨਦੁਕਸਦਿਸਂ)… ਆਹਾਰਪਚ੍ਚਯੇਨ ਪਚ੍ਚਯੋ… ਨਵ (ਚਿਤ੍ਤਸਮੁਟ੍ਠਾਨਦੁਕਸਦਿਸਾ. ਇਮਮ੍ਪਿ ਏਕਂ ਕਬਲ਼ੀਕਾਰਆਹਾਰਸਦਿਸਂ). ਚਿਤ੍ਤਸਹਭੂ ਧਮ੍ਮੋ ਚਿਤ੍ਤਸਹਭੁਸ੍ਸ ਧਮ੍ਮਸ੍ਸ ਇਨ੍ਦ੍ਰਿਯਪਚ੍ਚਯੇਨ ਪਚ੍ਚਯੋ… ਨਵ (ਚਿਤ੍ਤਸਮੁਟ੍ਠਾਨਦੁਕਸਦਿਸਂ, ਨਿਨ੍ਨਾਨਾਕਰਣਂ)… ਝਾਨਪਚ੍ਚਯੇਨ ਪਚ੍ਚਯੋ… ਤੀਣਿ… ਮਗ੍ਗਪਚ੍ਚਯੇਨ ਪਚ੍ਚਯੋ… ਤੀਣਿ… ਸਮ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ… ਪਞ੍ਚ.
ਵਿਪ੍ਪਯੁਤ੍ਤਪਚ੍ਚਯੋ
੨੬੫. ਚਿਤ੍ਤਸਹਭੂ ਧਮ੍ਮੋ ਚਿਤ੍ਤਸਹਭੁਸ੍ਸ ਧਮ੍ਮਸ੍ਸ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ. ਸਹਜਾਤਾ – ਚਿਤ੍ਤਸਹਭੂ ਖਨ੍ਧਾ ਚਿਤ੍ਤਸਹਭੂਨਂ ਚਿਤ੍ਤਸਮੁਟ੍ਠਾਨਾਨਂ ਰੂਪਾਨਂ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ. (੧)
ਚਿਤ੍ਤਸਹਭੂ ਧਮ੍ਮੋ ਨੋਚਿਤ੍ਤਸਹਭੁਸ੍ਸ ਧਮ੍ਮਸ੍ਸ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ – ਸਹਜਾਤਂ, ਪਚ੍ਛਾਜਾਤਂ. ਸਹਜਾਤਾ – ਚਿਤ੍ਤਸਹਭੂ ਖਨ੍ਧਾ ਨੋਚਿਤ੍ਤਸਹਭੂਨਂ ਚਿਤ੍ਤਸਮੁਟ੍ਠਾਨਾਨਂ ਰੂਪਾਨਂ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ; ਪਟਿਸਨ੍ਧਿਕ੍ਖਣੇ…ਪੇ…. ਪਚ੍ਛਾਜਾਤਾ – ਚਿਤ੍ਤਸਹਭੂ ਖਨ੍ਧਾ ਪੁਰੇਜਾਤਸ੍ਸ ਇਮਸ੍ਸ ਨੋਚਿਤ੍ਤਸਹਭੁਸ੍ਸ ਕਾਯਸ੍ਸ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ. (੨)
ਚਿਤ੍ਤਸਹਭੂ ਧਮ੍ਮੋ ਚਿਤ੍ਤਸਹਭੁਸ੍ਸ ਚ ਨੋਚਿਤ੍ਤਸਹਭੁਸ੍ਸ ਚ ਧਮ੍ਮਸ੍ਸ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ. ਸਹਜਾਤਾ – ਚਿਤ੍ਤਸਹਭੂ ਖਨ੍ਧਾ ਚਿਤ੍ਤਸਹਭੂਨਞ੍ਚ ਨੋਚਿਤ੍ਤਸਹਭੂਨਞ੍ਚ ਚਿਤ੍ਤਸਮੁਟ੍ਠਾਨਾਨਂ ਰੂਪਾਨਂ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ. (੩)
੨੬੬. ਨੋਚਿਤ੍ਤਸਹਭੂ ਧਮ੍ਮੋ ਨੋਚਿਤ੍ਤਸਹਭੁਸ੍ਸ ਧਮ੍ਮਸ੍ਸ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ – ਸਹਜਾਤਂ, ਪੁਰੇਜਾਤਂ, ਪਚ੍ਛਾਜਾਤਂ. ਸਹਜਾਤਂ – ਚਿਤ੍ਤਂ ਨੋਚਿਤ੍ਤਸਹਭੂਨਂ ਚਿਤ੍ਤਸਮੁਟ੍ਠਾਨਾਨਂ ਰੂਪਾਨਂ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ; ਪਟਿਸਨ੍ਧਿਕ੍ਖਣੇ ਚਿਤ੍ਤਂ ਕਟਤ੍ਤਾਰੂਪਾਨਂ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ; ਚਿਤ੍ਤਂ ਵਤ੍ਥੁਸ੍ਸ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ; ਵਤ੍ਥੁ ਚਿਤ੍ਤਸ੍ਸ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ. ਪੁਰੇਜਾਤਂ – ਚਕ੍ਖਾਯਤਨਂ ਚਕ੍ਖੁਵਿਞ੍ਞਾਣਸ੍ਸ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ…ਪੇ… ਕਾਯਾਯਤਨਂ…ਪੇ… ਵਤ੍ਥੁ ਚਿਤ੍ਤਸ੍ਸ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ. ਪਚ੍ਛਾਜਾਤਂ – ਚਿਤ੍ਤਂ ਪੁਰੇਜਾਤਸ੍ਸ ਇਮਸ੍ਸ ਨੋਚਿਤ੍ਤਸਹਭੁਸ੍ਸ ਕਾਯਸ੍ਸ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ. (੧)
ਨੋਚਿਤ੍ਤਸਹਭੂ ਧਮ੍ਮੋ ਚਿਤ੍ਤਸਹਭੁਸ੍ਸ ਧਮ੍ਮਸ੍ਸ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ – ਸਹਜਾਤਂ, ਪੁਰੇਜਾਤਂ. ਸਹਜਾਤਂ – ਚਿਤ੍ਤਂ ਚਿਤ੍ਤਸਹਭੂਨਂ ਚਿਤ੍ਤਸਮੁਟ੍ਠਾਨਾਨਂ ਰੂਪਾਨਂ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ. ਪੁਰੇਜਾਤਂ – ਚਕ੍ਖਾਯਤਨਂ ਚਕ੍ਖੁਵਿਞ੍ਞਾਣਸਹਗਤਾਨਂ ਖਨ੍ਧਾਨਂ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ…ਪੇ… ਕਾਯਾਯਤਨਂ…ਪੇ… ਵਤ੍ਥੁ ਚਿਤ੍ਤਸਹਭੂਨਂ ਖਨ੍ਧਾਨਂ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ. (੨)
ਨੋਚਿਤ੍ਤਸਹਭੂ ਧਮ੍ਮੋ ਚਿਤ੍ਤਸਹਭੁਸ੍ਸ ਚ ਨੋਚਿਤ੍ਤਸਹਭੁਸ੍ਸ ਚ ਧਮ੍ਮਸ੍ਸ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ – ਸਹਜਾਤਂ, ਪੁਰੇਜਾਤਂ. ਸਹਜਾਤਂ – ਚਿਤ੍ਤਂ ਚਿਤ੍ਤਸਹਭੂਨਞ੍ਚ ਨੋਚਿਤ੍ਤਸਹਭੂਨਞ੍ਚ ਚਿਤ੍ਤਸਮੁਟ੍ਠਾਨਾਨਂ ਰੂਪਾਨਂ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ; ਪਟਿਸਨ੍ਧਿਕ੍ਖਣੇ…ਪੇ…. ਵਤ੍ਥੁਪੁਰੇਜਾਤਂ – ਚਕ੍ਖਾਯਤਨਂ ਚਕ੍ਖੁਵਿਞ੍ਞਾਣਸ੍ਸ ਸਮ੍ਪਯੁਤ੍ਤਕਾਨਞ੍ਚ ਰੂਪਾਨਂ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ…ਪੇ… ਕਾਯਾਯਤਨਂ…ਪੇ… ਵਤ੍ਥੁ ਚਿਤ੍ਤਸ੍ਸ ਸਮ੍ਪਯੁਤ੍ਤਕਾਨਞ੍ਚ ਖਨ੍ਧਾਨਂ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ. (੩)
੨੬੭. ਚਿਤ੍ਤਸਹਭੂ ਚ ਨੋਚਿਤ੍ਤਸਹਭੂ ਚ ਧਮ੍ਮਾ ਚਿਤ੍ਤਸਹਭੁਸ੍ਸ ਧਮ੍ਮਸ੍ਸ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ. ਸਹਜਾਤਾ – ਚਿਤ੍ਤਸਹਭੂ ਖਨ੍ਧਾ ਚ ਚਿਤ੍ਤਞ੍ਚ ਚਿਤ੍ਤਸਹਭੂਨਂ ਚਿਤ੍ਤਸਮੁਟ੍ਠਾਨਾਨਂ ਰੂਪਾਨਂ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ. (੧)
ਚਿਤ੍ਤਸਹਭੂ ਚ ਨੋਚਿਤ੍ਤਸਹਭੂ ਚ ਧਮ੍ਮਾ ਨੋਚਿਤ੍ਤਸਹਭੁਸ੍ਸ ਧਮ੍ਮਸ੍ਸ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ – ਸਹਜਾਤਂ, ਪਚ੍ਛਾਜਾਤਂ. ਸਹਜਾਤਾ – ਚਿਤ੍ਤਸਹਭੂ ਖਨ੍ਧਾ ਚ ਚਿਤ੍ਤਞ੍ਚ ਨੋਚਿਤ੍ਤਸਹਭੂਨਂ ਚਿਤ੍ਤਸਮੁਟ੍ਠਾਨਾਨਂ ਰੂਪਾਨਂ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ; ਪਟਿਸਨ੍ਧਿਕ੍ਖਣੇ …ਪੇ…. ਪਚ੍ਛਾਜਾਤਾ – ਚਿਤ੍ਤਸਹਭੂ ਖਨ੍ਧਾ ਚ ਚਿਤ੍ਤਞ੍ਚ ਪੁਰੇਜਾਤਸ੍ਸ ਇਮਸ੍ਸ ਨੋਚਿਤ੍ਤਸਹਭੁਸ੍ਸ ਕਾਯਸ੍ਸ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ. (੨)
ਚਿਤ੍ਤਸਹਭੂ ਚ ਨੋਚਿਤ੍ਤਸਹਭੂ ਚ ਧਮ੍ਮਾ ਚਿਤ੍ਤਸਹਭੁਸ੍ਸ ਚ ਨੋਚਿਤ੍ਤਸਹਭੁਸ੍ਸ ਚ ਧਮ੍ਮਸ੍ਸ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ – ਚਿਤ੍ਤਸਹਭੂ ਖਨ੍ਧਾ ਚ ਚਿਤ੍ਤਞ੍ਚ ਚਿਤ੍ਤਸਹਭੂਨਞ੍ਚ ਨੋਚਿਤ੍ਤਸਹਭੂਨਞ੍ਚ ਚਿਤ੍ਤਸਮੁਟ੍ਠਾਨਾਨਂ ਰੂਪਾਨਂ ਵਿਪ੍ਪਯੁਤ੍ਤਪਚ੍ਚਯੇਨ ਪਚ੍ਚਯੋ. (੩)
ਅਤ੍ਥਿਪਚ੍ਚਯੋ
੨੬੮. ਚਿਤ੍ਤਸਹਭੂ ਧਮ੍ਮੋ ਚਿਤ੍ਤਸਹਭੁਸ੍ਸ ਧਮ੍ਮਸ੍ਸ ਅਤ੍ਥਿਪਚ੍ਚਯੇਨ ਪਚ੍ਚਯੋ – ਚਿਤ੍ਤਸਹਭੂ ਏਕੋ ਖਨ੍ਧੋ…ਪੇ… (ਪਟਿਚ੍ਚਸਦਿਸਂ). (੧)
ਚਿਤ੍ਤਸਹਭੂ ਧਮ੍ਮੋ ਨੋਚਿਤ੍ਤਸਹਭੁਸ੍ਸ ਧਮ੍ਮਸ੍ਸ ਅਤ੍ਥਿਪਚ੍ਚਯੇਨ ਪਚ੍ਚਯੋ – ਸਹਜਾਤਂ, ਪਚ੍ਛਾਜਾਤਂ (ਸਂਖਿਤ੍ਤਂ). (੨)
ਚਿਤ੍ਤਸਹਭੂ ਧਮ੍ਮੋ ਚਿਤ੍ਤਸਹਭੁਸ੍ਸ ਚ ਨੋਚਿਤ੍ਤਸਹਭੁਸ੍ਸ ਚ ਧਮ੍ਮਸ੍ਸ ਅਤ੍ਥਿਪਚ੍ਚਯੇਨ ਪਚ੍ਚਯੋ – ਚਿਤ੍ਤਸਹਭੂ ਏਕੋ ਖਨ੍ਧੋ…ਪੇ… (ਪਟਿਚ੍ਚਸਦਿਸਂ). (੩)
ਨੋਚਿਤ੍ਤਸਹਭੂ ਧਮ੍ਮੋ ਨੋਚਿਤ੍ਤਸਹਭੁਸ੍ਸ ਧਮ੍ਮਸ੍ਸ ਅਤ੍ਥਿਪਚ੍ਚਯੇਨ ਪਚ੍ਚਯੋ – ਸਹਜਾਤਂ, ਪੁਰੇਜਾਤਂ, ਪਚ੍ਛਾਜਾਤਂ, ਆਹਾਰਂ, ਇਨ੍ਦ੍ਰਿਯਂ (ਸਂਖਿਤ੍ਤਂ). (੧)
ਨੋਚਿਤ੍ਤਸਹਭੂ ਧਮ੍ਮੋ ਚਿਤ੍ਤਸਹਭੁਸ੍ਸ ਧਮ੍ਮਸ੍ਸ ਅਤ੍ਥਿਪਚ੍ਚਯੇਨ ਪਚ੍ਚਯੋ – ਸਹਜਾਤਂ, ਪੁਰੇਜਾਤਂ (ਸਂਖਿਤ੍ਤਂ. (੨)
ਨੋਚਿਤ੍ਤਸਹਭੂ ਧਮ੍ਮੋ ਚਿਤ੍ਤਸਹਭੁਸ੍ਸ ਚ ਨੋਚਿਤ੍ਤਸਹਭੁਸ੍ਸ ਚ ਧਮ੍ਮਸ੍ਸ ਅਤ੍ਥਿਪਚ੍ਚਯੇਨ ਪਚ੍ਚਯੋ – ਸਹਜਾਤਂ, ਪੁਰੇਜਾਤਂ (ਸਂਖਿਤ੍ਤਂ). (੩)
੨੬੯. ਚਿਤ੍ਤਸਹਭੂ ਚ ਨੋਚਿਤ੍ਤਸਹਭੂ ਚ ਧਮ੍ਮਾ ਚਿਤ੍ਤਸਹਭੁਸ੍ਸ ਧਮ੍ਮਸ੍ਸ ਅਤ੍ਥਿਪਚ੍ਚਯੇਨ ਪਚ੍ਚਯੋ – ਸਹਜਾਤਂ, ਪੁਰੇਜਾਤਂ. ਸਹਜਾਤੋ – ਚਕ੍ਖੁਵਿਞ੍ਞਾਣਸਹਗਤੋ ਏਕੋ ਖਨ੍ਧੋ ਚ ਚਕ੍ਖਾਯਤਨਞ੍ਚ ਚਕ੍ਖੁਵਿਞ੍ਞਾਣਞ੍ਚ ਦ੍ਵਿਨ੍ਨਂ ਖਨ੍ਧਾਨਂ…ਪੇ… ਦ੍ਵੇ ਖਨ੍ਧਾ ਚ…ਪੇ… (ਸਬ੍ਬਂ ਪਟਿਸਨ੍ਧਿਯਂ ਕਾਤਬ੍ਬਂ, ਸਹਜਾਤਂ ਪੁਰੇਜਾਤਮ੍ਪਿ). (੧)
ਚਿਤ੍ਤਸਹਭੂ ਚ ਨੋਚਿਤ੍ਤਸਹਭੂ ਚ ਧਮ੍ਮਾ ਨੋਚਿਤ੍ਤਸਹਭੁਸ੍ਸ ਧਮ੍ਮਸ੍ਸ ਅਤ੍ਥਿਪਚ੍ਚਯੇਨ ਪਚ੍ਚਯੋ – ਸਹਜਾਤਂ, ਪੁਰੇਜਾਤਂ, ਪਚ੍ਛਾਜਾਤਂ, ਆਹਾਰਂ, ਇਨ੍ਦ੍ਰਿਯਂ. ਸਹਜਾਤਾ – ਚਕ੍ਖੁਵਿਞ੍ਞਾਣਸਹਗਤਾ ਖਨ੍ਧਾ ਚਕ੍ਖਾਯਤਨਞ੍ਚ ਚਕ੍ਖੁਵਿਞ੍ਞਾਣਸ੍ਸ ਅਤ੍ਥਿਪਚ੍ਚਯੇਨ ਪਚ੍ਚਯੋ…ਪੇ… ਕਾਯਵਿਞ੍ਞਾਣਸਹਗਤਾ…ਪੇ… ਚਿਤ੍ਤਸਹਭੂ ਖਨ੍ਧਾ ਚ ਚਿਤ੍ਤਞ੍ਚ ਨੋਚਿਤ੍ਤਸਹਭੂਨਂ ਚਿਤ੍ਤਸਮੁਟ੍ਠਾਨਾਨਂ ਰੂਪਾਨਂ ਅਤ੍ਥਿਪਚ੍ਚਯੇਨ ਪਚ੍ਚਯੋ. ਸਹਜਾਤਾ – ਚਿਤ੍ਤਸਹਭੂ ਖਨ੍ਧਾ ਚ ਵਤ੍ਥੁ ਚ ਚਿਤ੍ਤਸ੍ਸ ਅਤ੍ਥਿਪਚ੍ਚਯੇਨ ਪਚ੍ਚਯੋ. ਸਹਜਾਤਾ – ਚਿਤ੍ਤਸਹਭੂ ਖਨ੍ਧਾ ਚ ਮਹਾਭੂਤਾ ਚ ਨੋਚਿਤ੍ਤਸਹਭੂਨਂ ਚਿਤ੍ਤਸਮੁਟ੍ਠਾਨਾਨਂ ਰੂਪਾਨਂ ਅਤ੍ਥਿਪਚ੍ਚਯੇਨ ਪਚ੍ਚਯੋ (ਪਟਿਸਨ੍ਧਿਕ੍ਖਣੇ ਤੀਣਿਪਿ ਕਾਤਬ੍ਬਾ). ਪਚ੍ਛਾਜਾਤਾ – ਚਿਤ੍ਤਸਹਭੂ ਖਨ੍ਧਾ ਚ ਚਿਤ੍ਤਞ੍ਚ ਪੁਰੇਜਾਤਸ੍ਸ ਇਮਸ੍ਸ ਨੋਚਿਤ੍ਤਸਹਭੁਸ੍ਸ ਕਾਯਸ੍ਸ ਅਤ੍ਥਿਪਚ੍ਚਯੇਨ ਪਚ੍ਚਯੋ. ਪਚ੍ਛਾਜਾਤਾ – ਚਿਤ੍ਤਸਹਭੂ ਖਨ੍ਧਾ ਚ ਕਬਲ਼ੀਕਾਰੋ ਆਹਾਰੋ ਚ ਇਮਸ੍ਸ ਨੋਚਿਤ੍ਤਸਹਭੁਸ੍ਸ ਕਾਯਸ੍ਸ ਅਤ੍ਥਿਪਚ੍ਚਯੇਨ ਪਚ੍ਚਯੋ. ਪਚ੍ਛਾਜਾਤਾ – ਚਿਤ੍ਤਸਹਭੂ ਖਨ੍ਧਾ ਚ ਰੂਪਜੀਵਿਤਿਨ੍ਦ੍ਰਿਯਞ੍ਚ ਕਟਤ੍ਤਾਰੂਪਾਨਂ ਅਤ੍ਥਿਪਚ੍ਚਯੇਨ ਪਚ੍ਚਯੋ. (੨)
ਚਿਤ੍ਤਸਹਭੂ ਚ ਨੋਚਿਤ੍ਤਸਹਭੂ ਚ ਧਮ੍ਮਾ ਚਿਤ੍ਤਸਹਭੁਸ੍ਸ ਚ ਨੋਚਿਤ੍ਤਸਹਭੁਸ੍ਸ ਚ ਧਮ੍ਮਸ੍ਸ ਅਤ੍ਥਿਪਚ੍ਚਯੇਨ ਪਚ੍ਚਯੋ – ਸਹਜਾਤਂ, ਪੁਰੇਜਾਤਂ. ਸਹਜਾਤੋ – ਚਕ੍ਖੁਵਿਞ੍ਞਾਣਸਹਗਤੋ ਏਕੋ ਖਨ੍ਧੋ ਚ ਚਕ੍ਖਾਯਤਨਂ ਚ…ਪੇ… (ਪਚ੍ਚਯਵਾਰਸਦਿਸਂ). (੩)