੧. ਵਿਭਙ੍ਗਵਾਰੋ

ਹੇਤੁਪਚ੍ਚਯੋ

੨੪੭. ਚਿਤ੍ਤਸਹਭੁਂ ਧਮ੍ਮਂ ਪਚ੍ਚਯਾ ਚਿਤ੍ਤਸਹਭੂ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ (ਪਟਿਚ੍ਚਸਦਿਸਾ).

ਨੋਚਿਤ੍ਤਸਹਭੁਂ ਧਮ੍ਮਂ ਪਚ੍ਚਯਾ ਨੋਚਿਤ੍ਤਸਹਭੂ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਵਤ੍ਥੁਂ ਪਚ੍ਚਯਾ ਚਿਤ੍ਤਂ, ਚਿਤ੍ਤਂ ਪਚ੍ਚਯਾ ਨੋਚਿਤ੍ਤਸਹਭੁ ਚਿਤ੍ਤਸਮੁਟ੍ਠਾਨਂ ਰੂਪਂ; ਪਟਿਸਨ੍ਧਿਕ੍ਖਣੇ…ਪੇ… (ਪਟਿਚ੍ਚਵਾਰਸਦਿਸਂ, ਸਬ੍ਬੇ ਮਹਾਭੂਤਾ). (੧)

ਨੋਚਿਤ੍ਤਸਹਭੁਂ ਧਮ੍ਮਂ ਪਚ੍ਚਯਾ ਚਿਤ੍ਤਸਹਭੂ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਚਿਤ੍ਤਂ ਪਚ੍ਚਯਾ ਸਮ੍ਪਯੁਤ੍ਤਕਾ ਖਨ੍ਧਾ ਚਿਤ੍ਤਸਹਭੁ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ, ਵਤ੍ਥੁਂ ਪਚ੍ਚਯਾ ਚਿਤ੍ਤਸਹਭੂ ਖਨ੍ਧਾ; ਪਟਿਸਨ੍ਧਿਕ੍ਖਣੇ…ਪੇ… (ਸਬ੍ਬੇ ਮਹਾਭੂਤਾ ਪਟਿਚ੍ਚਸਦਿਸਂ). (੨)

ਨੋਚਿਤ੍ਤਸਹਭੁਂ ਧਮ੍ਮਂ ਪਚ੍ਚਯਾ ਚਿਤ੍ਤਸਹਭੂ ਚ ਨੋਚਿਤ੍ਤਸਹਭੂ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ – ਚਿਤ੍ਤਂ ਪਚ੍ਚਯਾ ਸਮ੍ਪਯੁਤ੍ਤਕਾ ਖਨ੍ਧਾ ਚਿਤ੍ਤਸਹਭੁ ਚ ਨੋਚਿਤ੍ਤਸਹਭੁ ਚ ਚਿਤ੍ਤਸਮੁਟ੍ਠਾਨਂ ਰੂਪਂ, ਵਤ੍ਥੁਂ ਪਚ੍ਚਯਾ ਚਿਤ੍ਤਞ੍ਚ ਸਮ੍ਪਯੁਤ੍ਤਕਾ ਚ ਖਨ੍ਧਾ; ਪਟਿਸਨ੍ਧਿਕ੍ਖਣੇ…ਪੇ… (ਪਟਿਚ੍ਚਸਦਿਸਂ, ਸਬ੍ਬੇ ਮਹਾਭੂਤਾ). (੩)

੨੪੮. ਚਿਤ੍ਤਸਹਭੁਞ੍ਚ ਨੋਚਿਤ੍ਤਸਹਭੁਞ੍ਚ ਧਮ੍ਮਂ ਪਚ੍ਚਯਾ ਚਿਤ੍ਤਸਹਭੂ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਚਿਤ੍ਤਸਹਭੁਂ ਏਕਂ ਖਨ੍ਧਞ੍ਚ ਚਿਤ੍ਤਞ੍ਚ ਪਚ੍ਚਯਾ ਦ੍ਵੇ ਖਨ੍ਧਾ ਚਿਤ੍ਤਸਹਭੁ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ, ਦ੍ਵੇ ਖਨ੍ਧੇ ਚ…ਪੇ… ਚਿਤ੍ਤਸਹਭੁਂ ਏਕਂ ਖਨ੍ਧਞ੍ਚ ਵਤ੍ਥੁਞ੍ਚ ਪਚ੍ਚਯਾ ਦ੍ਵੇ ਖਨ੍ਧਾ, ਦ੍ਵੇ ਖਨ੍ਧੇ ਚ…ਪੇ… ਪਟਿਸਨ੍ਧਿਕ੍ਖਣੇ…ਪੇ… (ਪਟਿਚ੍ਚਸਦਿਸਂ, ਸਬ੍ਬੇ ਮਹਾਭੂਤਾ). (੧)

ਚਿਤ੍ਤਸਹਭੁਞ੍ਚ ਨੋਚਿਤ੍ਤਸਹਭੁਞ੍ਚ ਧਮ੍ਮਂ ਪਚ੍ਚਯਾ ਨੋਚਿਤ੍ਤਸਹਭੂ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਚਿਤ੍ਤਸਹਭੂ ਖਨ੍ਧੇ ਚ ਚਿਤ੍ਤਞ੍ਚ ਪਚ੍ਚਯਾ ਨੋਚਿਤ੍ਤਸਹਭੁ ਚਿਤ੍ਤਸਮੁਟ੍ਠਾਨਂ ਰੂਪਂ, ਚਿਤ੍ਤਸਹਭੂ ਖਨ੍ਧੇ ਚ ਵਤ੍ਥੁਞ੍ਚ ਪਚ੍ਚਯਾ ਚਿਤ੍ਤਂ. ਚਿਤ੍ਤਸਹਭੂ ਖਨ੍ਧੇ ਚ ਮਹਾਭੂਤੇ ਚ ਪਚ੍ਚਯਾ ਨੋਚਿਤ੍ਤਸਹਭੁ ਚਿਤ੍ਤਸਮੁਟ੍ਠਾਨਂ ਰੂਪਂ; ਪਟਿਸਨ੍ਧਿਕ੍ਖਣੇ…ਪੇ… (ਪਟਿਚ੍ਚਸਦਿਸਂ, ਸਬ੍ਬੇ ਮਹਾਭੂਤਾ). (੨)

ਚਿਤ੍ਤਸਹਭੁਞ੍ਚ ਨੋਚਿਤ੍ਤਸਹਭੁਞ੍ਚ ਧਮ੍ਮਂ ਪਚ੍ਚਯਾ ਚਿਤ੍ਤਸਹਭੂ ਚ ਨੋਚਿਤ੍ਤਸਹਭੂ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ – ਚਿਤ੍ਤਸਹਭੁਂ ਏਕਂ ਖਨ੍ਧਞ੍ਚ ਚਿਤ੍ਤਞ੍ਚ ਪਚ੍ਚਯਾ ਦ੍ਵੇ ਖਨ੍ਧਾ ਚਿਤ੍ਤਸਹਭੁ ਚ ਨੋਚਿਤ੍ਤਸਹਭੁ ਚ ਚਿਤ੍ਤਸਮੁਟ੍ਠਾਨਂ ਰੂਪਂ, ਚਿਤ੍ਤਸਹਭੁਂ ਏਕਂ ਖਨ੍ਧਞ੍ਚ ਵਤ੍ਥੁਞ੍ਚ ਪਚ੍ਚਯਾ ਦ੍ਵੇ ਖਨ੍ਧਾ ਚਿਤ੍ਤਞ੍ਚ, ਦ੍ਵੇ ਖਨ੍ਧੇ ਚ…ਪੇ… ਪਟਿਸਨ੍ਧਿਕ੍ਖਣੇ…ਪੇ… (ਪਟਿਚ੍ਚਸਦਿਸਂ, ਸਬ੍ਬੇ ਮਹਾਭੂਤਾ). (੩)

ਆਰਮ੍ਮਣਪਚ੍ਚਯੋ

੨੪੯. ਚਿਤ੍ਤਸਹਭੁਂ ਧਮ੍ਮਂ ਪਚ੍ਚਯਾ ਚਿਤ੍ਤਸਹਭੂ ਧਮ੍ਮੋ ਉਪ੍ਪਜ੍ਜਤਿ ਆਰਮ੍ਮਣਪਚ੍ਚਯਾ… ਤੀਣਿ (ਪਟਿਚ੍ਚਸਦਿਸਂ).

ਨੋਚਿਤ੍ਤਸਹਭੁਂ ਧਮ੍ਮਂ ਪਚ੍ਚਯਾ ਨੋਚਿਤ੍ਤਸਹਭੂ ਧਮ੍ਮੋ ਉਪ੍ਪਜ੍ਜਤਿ ਆਰਮ੍ਮਣਪਚ੍ਚਯਾ…ਪੇ… ਚਕ੍ਖਾਯਤਨਂ ਪਚ੍ਚਯਾ ਚਕ੍ਖੁਵਿਞ੍ਞਾਣਂ…ਪੇ… ਕਾਯਾਯਤਨਂ…ਪੇ…. (ਇਮਂ ਚਿਤ੍ਤਸਮੁਟ੍ਠਾਨਦੁਕਂ ਪਚ੍ਚਯਵਾਰੇ ਆਰਮ੍ਮਣਸਦਿਸਂ. ਛਨ੍ਨਮ੍ਪਿ ਇਮੇਸਂ ਪਞ੍ਚਵਿਞ੍ਞਾਣਮੂਲਾ ਕਾਤਬ੍ਬਾ. ਸਂਖਿਤ੍ਤਂ.)