੨. ਸਙ੍ਖ੍ਯਾਵਾਰੋ

ਸੁਦ੍ਧਂ

੧੭੯. ਹੇਤੁਯਾ ਤੀਣਿ, ਆਰਮ੍ਮਣੇ ਦ੍ਵੇ, ਅਧਿਪਤਿਯਾ ਚਤ੍ਤਾਰਿ, ਅਨਨ੍ਤਰੇ ਏਕਂ, ਸਮਨਨ੍ਤਰੇ ਏਕਂ, ਸਹਜਾਤੇ ਸਤ੍ਤ, ਅਞ੍ਞਮਞ੍ਞੇ ਛ, ਨਿਸ੍ਸਯੇ ਸਤ੍ਤ, ਉਪਨਿਸ੍ਸਯੇ ਦ੍ਵੇ, ਪੁਰੇਜਾਤੇ ਏਕਂ, ਪਚ੍ਛਾਜਾਤੇ ਏਕਂ, ਆਸੇਵਨੇ ਏਕਂ, ਕਮ੍ਮੇ ਤੀਣਿ, ਵਿਪਾਕੇ ਤੀਣਿ, ਆਹਾਰੇ ਚਤ੍ਤਾਰਿ, ਇਨ੍ਦ੍ਰਿਯੇ ਛ, ਝਾਨੇ ਤੀਣਿ, ਮਗ੍ਗੇ ਤੀਣਿ, ਸਮ੍ਪਯੁਤ੍ਤੇ ਏਕਂ, ਵਿਪ੍ਪਯੁਤ੍ਤੇ ਦ੍ਵੇ, ਅਤ੍ਥਿਯਾ ਸਤ੍ਤ, ਨਤ੍ਥਿਯਾ ਏਕਂ, ਵਿਗਤੇ ਏਕਂ, ਅਵਿਗਤੇ ਸਤ੍ਤ.

ਅਨੁਲੋਮਂ.

ਪਚ੍ਚਨੀਯੁਦ੍ਧਾਰੋ

੧੮੦. ਚਿਤ੍ਤਸਮ੍ਪਯੁਤ੍ਤੋ ਧਮ੍ਮੋ ਚਿਤ੍ਤਸਮ੍ਪਯੁਤ੍ਤਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਕਮ੍ਮਪਚ੍ਚਯੇਨ ਪਚ੍ਚਯੋ. (੧)

ਚਿਤ੍ਤਸਮ੍ਪਯੁਤ੍ਤੋ ਧਮ੍ਮੋ ਚਿਤ੍ਤਵਿਪ੍ਪਯੁਤ੍ਤਸ੍ਸ ਧਮ੍ਮਸ੍ਸ ਸਹਜਾਤਪਚ੍ਚਯੇਨ ਪਚ੍ਚਯੋ… ਪਚ੍ਛਾਜਾਤਪਚ੍ਚਯੇਨ ਪਚ੍ਚਯੋ… ਕਮ੍ਮਪਚ੍ਚਯੇਨ ਪਚ੍ਚਯੋ. (੨)

ਚਿਤ੍ਤਸਮ੍ਪਯੁਤ੍ਤੋ ਧਮ੍ਮੋ ਚਿਤ੍ਤਸਮ੍ਪਯੁਤ੍ਤਸ੍ਸ ਚ ਚਿਤ੍ਤਵਿਪ੍ਪਯੁਤ੍ਤਸ੍ਸ ਚ ਧਮ੍ਮਸ੍ਸ ਸਹਜਾਤਪਚ੍ਚਯੇਨ ਪਚ੍ਚਯੋ… ਕਮ੍ਮਪਚ੍ਚਯੇਨ ਪਚ੍ਚਯੋ. (੩)

੧੮੧. ਚਿਤ੍ਤਵਿਪ੍ਪਯੁਤ੍ਤੋ ਧਮ੍ਮੋ ਚਿਤ੍ਤਵਿਪ੍ਪਯੁਤ੍ਤਸ੍ਸ ਧਮ੍ਮਸ੍ਸ ਸਹਜਾਤਪਚ੍ਚਯੇਨ ਪਚ੍ਚਯੋ… ਆਹਾਰਪਚ੍ਚਯੇਨ ਪਚ੍ਚਯੋ… ਇਨ੍ਦ੍ਰਿਯਪਚ੍ਚਯੇਨ ਪਚ੍ਚਯੋ. (੧)

ਚਿਤ੍ਤਵਿਪ੍ਪਯੁਤ੍ਤੋ ਧਮ੍ਮੋ ਚਿਤ੍ਤਸਮ੍ਪਯੁਤ੍ਤਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ… ਸਹਜਾਤਪਚ੍ਚਯੇਨ ਪਚ੍ਚਯੋ… ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ… ਪੁਰੇਜਾਤਪਚ੍ਚਯੇਨ ਪਚ੍ਚਯੋ. (੨)

ਚਿਤ੍ਤਸਮ੍ਪਯੁਤ੍ਤੋ ਚ ਚਿਤ੍ਤਵਿਪ੍ਪਯੁਤ੍ਤੋ ਚ ਧਮ੍ਮਾ ਚਿਤ੍ਤਸਮ੍ਪਯੁਤ੍ਤਸ੍ਸ ਧਮ੍ਮਸ੍ਸ ਸਹਜਾਤਂ, ਪੁਰੇਜਾਤਂ. (੧)

ਚਿਤ੍ਤਸਮ੍ਪਯੁਤ੍ਤੋ ਚ ਚਿਤ੍ਤਵਿਪ੍ਪਯੁਤ੍ਤੋ ਚ ਧਮ੍ਮਾ ਚਿਤ੍ਤਵਿਪ੍ਪਯੁਤ੍ਤਸ੍ਸ ਸਹਜਾਤਂ, ਪਚ੍ਛਾਜਾਤਂ, ਆਹਾਰਂ, ਇਨ੍ਦ੍ਰਿਯਂ. (੨)