੧. ਵਿਭਙ੍ਗਵਾਰੋ

ਹੇਤੁਪਚ੍ਚਯੋ

੮੬. ਸਹੇਤੁਕਂ ਧਮ੍ਮਂ ਸਂਸਟ੍ਠੋ ਸਹੇਤੁਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਸਹੇਤੁਕਂ ਏਕਂ ਖਨ੍ਧਂ ਸਂਸਟ੍ਠਾ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ…ਪੇ… ਪਟਿਸਨ੍ਧਿਕ੍ਖਣੇ…ਪੇ…. (੧)

ਅਹੇਤੁਕਂ ਧਮ੍ਮਂ ਸਂਸਟ੍ਠੋ ਸਹੇਤੁਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਵਿਚਿਕਿਚ੍ਛਾਸਹਗਤਂ ਉਦ੍ਧਚ੍ਚਸਹਗਤਂ ਮੋਹਂ ਸਂਸਟ੍ਠਾ ਵਿਚਿਕਿਚ੍ਛਾਸਹਗਤਾ ਉਦ੍ਧਚ੍ਚਸਹਗਤਾ ਖਨ੍ਧਾ. (੧)

ਸਹੇਤੁਕਞ੍ਚ ਅਹੇਤੁਕਞ੍ਚ ਧਮ੍ਮਂ ਸਂਸਟ੍ਠੋ ਸਹੇਤੁਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਵਿਚਿਕਿਚ੍ਛਾਸਹਗਤਂ ਉਦ੍ਧਚ੍ਚਸਹਗਤਂ ਏਕਂ ਖਨ੍ਧਞ੍ਚ ਮੋਹਞ੍ਚ ਸਂਸਟ੍ਠਾ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ…ਪੇ…. (੧)

ਆਰਮ੍ਮਣਪਚ੍ਚਯੋ

੮੭. ਸਹੇਤੁਕਂ ਧਮ੍ਮਂ ਸਂਸਟ੍ਠੋ ਸਹੇਤੁਕੋ ਧਮ੍ਮੋ ਉਪ੍ਪਜ੍ਜਤਿ ਆਰਮ੍ਮਣਪਚ੍ਚਯਾ – ਸਹੇਤੁਕਂ ਏਕਂ ਖਨ੍ਧਂ ਸਂਸਟ੍ਠਾ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ…ਪੇ… ਪਟਿਸਨ੍ਧਿਕ੍ਖਣੇ…ਪੇ…. (੧)

ਸਹੇਤੁਕਂ ਧਮ੍ਮਂ ਸਂਸਟ੍ਠੋ ਅਹੇਤੁਕੋ ਧਮ੍ਮੋ ਉਪ੍ਪਜ੍ਜਤਿ ਆਰਮ੍ਮਣਪਚ੍ਚਯਾ – ਵਿਚਿਕਿਚ੍ਛਾਸਹਗਤੇ ਉਦ੍ਧਚ੍ਚਸਹਗਤੇ ਖਨ੍ਧੇ ਸਂਸਟ੍ਠੋ ਵਿਚਿਕਿਚ੍ਛਾਸਹਗਤੋ ਉਦ੍ਧਚ੍ਚਸਹਗਤੋ ਮੋਹੋ. (੨)

ਸਹੇਤੁਕਂ ਧਮ੍ਮਂ ਸਂਸਟ੍ਠੋ ਸਹੇਤੁਕੋ ਚ ਅਹੇਤੁਕੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਆਰਮ੍ਮਣਪਚ੍ਚਯਾ – ਵਿਚਿਕਿਚ੍ਛਾਸਹਗਤਂ ਉਦ੍ਧਚ੍ਚਸਹਗਤਂ ਏਕਂ ਖਨ੍ਧਂ ਸਂਸਟ੍ਠਾ ਤਯੋ ਖਨ੍ਧਾ ਮੋਹੋ ਚ…ਪੇ… ਦ੍ਵੇ ਖਨ੍ਧੇ…ਪੇ…. (੩)

੮੮. ਅਹੇਤੁਕਂ ਧਮ੍ਮਂ ਸਂਸਟ੍ਠੋ ਅਹੇਤੁਕੋ ਧਮ੍ਮੋ ਉਪ੍ਪਜ੍ਜਤਿ ਆਰਮ੍ਮਣਪਚ੍ਚਯਾ – ਅਹੇਤੁਕਂ ਏਕਂ ਖਨ੍ਧਂ ਸਂਸਟ੍ਠਾ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ…ਪੇ… ਪਟਿਸਨ੍ਧਿਕ੍ਖਣੇ…ਪੇ…. (੧)

ਅਹੇਤੁਕਂ ਧਮ੍ਮਂ ਸਂਸਟ੍ਠੋ ਸਹੇਤੁਕੋ ਧਮ੍ਮੋ ਉਪ੍ਪਜ੍ਜਤਿ ਆਰਮ੍ਮਣਪਚ੍ਚਯਾ – ਵਿਚਿਕਿਚ੍ਛਾਸਹਗਤਂ ਉਦ੍ਧਚ੍ਚਸਹਗਤਂ ਮੋਹਂ ਸਂਸਟ੍ਠਾ ਵਿਚਿਕਿਚ੍ਛਾਸਹਗਤਾ ਉਦ੍ਧਚ੍ਚਸਹਗਤਾ ਖਨ੍ਧਾ. (੨)

ਸਹੇਤੁਕਞ੍ਚ ਅਹੇਤੁਕਞ੍ਚ ਧਮ੍ਮਂ ਸਂਸਟ੍ਠੋ ਸਹੇਤੁਕੋ ਧਮ੍ਮੋ ਉਪ੍ਪਜ੍ਜਤਿ ਆਰਮ੍ਮਣਪਚ੍ਚਯਾ – ਵਿਚਿਕਿਚ੍ਛਾਸਹਗਤਂ ਉਦ੍ਧਚ੍ਚਸਹਗਤਂ ਏਕਂ ਖਨ੍ਧਞ੍ਚ ਮੋਹਞ੍ਚ ਸਂਸਟ੍ਠਾ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ…ਪੇ…. (੧)

ਅਧਿਪਤਿਪਚ੍ਚਯੋ

੮੯. ਸਹੇਤੁਕਂ ਧਮ੍ਮਂ ਸਂਸਟ੍ਠੋ ਸਹੇਤੁਕੋ ਧਮ੍ਮੋ ਉਪ੍ਪਜ੍ਜਤਿ ਅਧਿਪਤਿਪਚ੍ਚਯਾ – ਸਹੇਤੁਕਂ ਏਕਂ ਖਨ੍ਧਂ ਸਂਸਟ੍ਠਾ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ…ਪੇ…. (੧)

ਅਨਨ੍ਤਰਪਚ੍ਚਯਾਦਿ

੯੦. ਸਹੇਤੁਕਂ ਧਮ੍ਮਂ ਸਂਸਟ੍ਠੋ ਸਹੇਤੁਕੋ ਧਮ੍ਮੋ ਉਪ੍ਪਜ੍ਜਤਿ ਅਨਨ੍ਤਰਪਚ੍ਚਯਾ… ਸਮਨਨ੍ਤਰਪਚ੍ਚਯਾ… ਸਹਜਾਤਪਚ੍ਚਯਾ…ਪੇ… ਵਿਪਾਕਪਚ੍ਚਯਾ – ਵਿਪਾਕਂ ਸਹੇਤੁਕਂ ਏਕਂ ਖਨ੍ਧਂ ਸਂਸਟ੍ਠਾ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ…ਪੇ… ਪਟਿਸਨ੍ਧਿਕ੍ਖਣੇ…ਪੇ….

ਅਹੇਤੁਕਂ ਧਮ੍ਮਂ ਸਂਸਟ੍ਠੋ ਅਹੇਤੁਕੋ ਧਮ੍ਮੋ ਉਪ੍ਪਜ੍ਜਤਿ ਵਿਪਾਕਪਚ੍ਚਯਾ – ਵਿਪਾਕਂ ਅਹੇਤੁਕਂ ਏਕਂ ਖਨ੍ਧਂ ਸਂਸਟ੍ਠਾ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ…ਪੇ… ਪਟਿਸਨ੍ਧਿਕ੍ਖਣੇ…ਪੇ… ਝਾਨਪਚ੍ਚਯਾ…ਪੇ… ਅਵਿਗਤਪਚ੍ਚਯਾ.