੧. ਵਿਭਙ੍ਗਵਾਰੋ

ਹੇਤੁਪਚ੍ਚਯੋ

੪੯. ਸਹੇਤੁਕਂ ਧਮ੍ਮਂ ਪਟਿਚ੍ਚ ਸਹੇਤੁਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਸਹੇਤੁਕਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ…ਪੇ… ਪਟਿਸਨ੍ਧਿਕ੍ਖਣੇ…ਪੇ…. (੧)

ਸਹੇਤੁਕਂ ਧਮ੍ਮਂ ਪਟਿਚ੍ਚ ਅਹੇਤੁਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਸਹੇਤੁਕੇ ਖਨ੍ਧੇ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ; ਪਟਿਸਨ੍ਧਿਕ੍ਖਣੇ…ਪੇ…. (੨)

ਸਹੇਤੁਕਂ ਧਮ੍ਮਂ ਪਟਿਚ੍ਚ ਸਹੇਤੁਕੋ ਚ ਅਹੇਤੁਕੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ – ਸਹੇਤੁਕਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ…ਪੇ… ਪਟਿਸਨ੍ਧਿਕ੍ਖਣੇ…ਪੇ…. (੩)

੫੦. ਅਹੇਤੁਕਂ ਧਮ੍ਮਂ ਪਟਿਚ੍ਚ ਅਹੇਤੁਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਵਿਚਿਕਿਚ੍ਛਾਸਹਗਤਂ ਉਦ੍ਧਚ੍ਚਸਹਗਤਂ ਮੋਹਂ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ; ਏਕਂ ਮਹਾਭੂਤਂ ਪਟਿਚ੍ਚ ਤਯੋ ਮਹਾਭੂਤਾ…ਪੇ… ਮਹਾਭੂਤੇ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ ਕਟਤ੍ਤਾਰੂਪਂ ਉਪਾਦਾਰੂਪਂ. (੧)

ਅਹੇਤੁਕਂ ਧਮ੍ਮਂ ਪਟਿਚ੍ਚ ਸਹੇਤੁਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਵਿਚਿਕਿਚ੍ਛਾਸਹਗਤਂ ਉਦ੍ਧਚ੍ਚਸਹਗਤਂ ਮੋਹਂ ਪਟਿਚ੍ਚ ਸਮ੍ਪਯੁਤ੍ਤਕਾ ਖਨ੍ਧਾ; ਪਟਿਸਨ੍ਧਿਕ੍ਖਣੇ ਵਤ੍ਥੁਂ ਪਟਿਚ੍ਚ ਸਹੇਤੁਕਾ ਖਨ੍ਧਾ. (੨)

ਅਹੇਤੁਕਂ ਧਮ੍ਮਂ ਪਟਿਚ੍ਚ ਸਹੇਤੁਕੋ ਚ ਅਹੇਤੁਕੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ – ਵਿਚਿਕਿਚ੍ਛਾਸਹਗਤਂ ਉਦ੍ਧਚ੍ਚਸਹਗਤਂ ਮੋਹਂ ਪਟਿਚ੍ਚ ਸਮ੍ਪਯੁਤ੍ਤਕਾ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ; ਪਟਿਸਨ੍ਧਿਕ੍ਖਣੇ ਵਤ੍ਥੁਂ ਪਟਿਚ੍ਚ ਸਹੇਤੁਕਾ ਖਨ੍ਧਾ, ਮਹਾਭੂਤੇ ਪਟਿਚ੍ਚ ਕਟਤ੍ਤਾਰੂਪਂ. (੩)

੫੧. ਸਹੇਤੁਕਞ੍ਚ ਅਹੇਤੁਕਞ੍ਚ ਧਮ੍ਮਂ ਪਟਿਚ੍ਚ ਸਹੇਤੁਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਵਿਚਿਕਿਚ੍ਛਾਸਹਗਤਂ ਉਦ੍ਧਚ੍ਚਸਹਗਤਂ ਏਕਂ ਖਨ੍ਧਞ੍ਚ ਮੋਹਞ੍ਚ ਪਟਿਚ੍ਚ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ…ਪੇ… ਪਟਿਸਨ੍ਧਿਕ੍ਖਣੇ ਸਹੇਤੁਕਂ ਏਕਂ ਖਨ੍ਧਞ੍ਚ ਵਤ੍ਥੁਞ੍ਚ ਪਟਿਚ੍ਚ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ…ਪੇ…. (੧)

ਸਹੇਤੁਕਞ੍ਚ ਅਹੇਤੁਕਞ੍ਚ ਧਮ੍ਮਂ ਪਟਿਚ੍ਚ ਅਹੇਤੁਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਸਹੇਤੁਕੇ ਖਨ੍ਧੇ ਚ ਮਹਾਭੂਤੇ ਚ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ, ਵਿਚਿਕਿਚ੍ਛਾਸਹਗਤੇ ਉਦ੍ਧਚ੍ਚਸਹਗਤੇ ਖਨ੍ਧੇ ਚ ਮੋਹਞ੍ਚ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ; ਪਟਿਸਨ੍ਧਿਕ੍ਖਣੇ…ਪੇ…. (੨)

ਸਹੇਤੁਕਞ੍ਚ ਅਹੇਤੁਕਞ੍ਚ ਧਮ੍ਮਂ ਪਟਿਚ੍ਚ ਸਹੇਤੁਕੋ ਚ ਅਹੇਤੁਕੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ – ਵਿਚਿਕਿਚ੍ਛਾਸਹਗਤਂ ਉਦ੍ਧਚ੍ਚਸਹਗਤਂ ਏਕਂ ਖਨ੍ਧਞ੍ਚ ਮੋਹਞ੍ਚ ਪਟਿਚ੍ਚ ਤਯੋ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ…ਪੇ… ਪਟਿਸਨ੍ਧਿਕ੍ਖਣੇ ਸਹੇਤੁਕਂ ਏਕਂ ਖਨ੍ਧਞ੍ਚ ਵਤ੍ਥੁਞ੍ਚ ਪਟਿਚ੍ਚ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ…ਪੇ… ਸਹੇਤੁਕੇ ਖਨ੍ਧੇ ਚ ਮਹਾਭੂਤੇ ਚ ਪਟਿਚ੍ਚ ਕਟਤ੍ਤਾਰੂਪਂ. (੩)

ਆਰਮ੍ਮਣਪਚ੍ਚਯੋ

੫੨. ਸਹੇਤੁਕਂ ਧਮ੍ਮਂ ਪਟਿਚ੍ਚ ਸਹੇਤੁਕੋ ਧਮ੍ਮੋ ਉਪ੍ਪਜ੍ਜਤਿ ਆਰਮ੍ਮਣਪਚ੍ਚਯਾ – ਸਹੇਤੁਕਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ…ਪੇ… ਪਟਿਸਨ੍ਧਿਕ੍ਖਣੇ…ਪੇ…. (੧)

ਸਹੇਤੁਕਂ ਧਮ੍ਮਂ ਪਟਿਚ੍ਚ ਅਹੇਤੁਕੋ ਧਮ੍ਮੋ ਉਪ੍ਪਜ੍ਜਤਿ ਆਰਮ੍ਮਣਪਚ੍ਚਯਾ – ਵਿਚਿਕਿਚ੍ਛਾਸਹਗਤੇ ਉਦ੍ਧਚ੍ਚਸਹਗਤੇ ਖਨ੍ਧੇ ਪਟਿਚ੍ਚ ਵਿਚਿਕਿਚ੍ਛਾਸਹਗਤੋ ਉਦ੍ਧਚ੍ਚਸਹਗਤੋ ਮੋਹੋ. (੨)

ਸਹੇਤੁਕਂ ਧਮ੍ਮਂ ਪਟਿਚ੍ਚ ਸਹੇਤੁਕੋ ਚ ਅਹੇਤੁਕੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਆਰਮ੍ਮਣਪਚ੍ਚਯਾ – ਵਿਚਿਕਿਚ੍ਛਾਸਹਗਤਂ ਉਦ੍ਧਚ੍ਚਸਹਗਤਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ ਮੋਹੋ ਚ…ਪੇ… ਦ੍ਵੇ ਖਨ੍ਧੇ…ਪੇ…. (੩)

੫੩. ਅਹੇਤੁਕਂ ਧਮ੍ਮਂ ਪਟਿਚ੍ਚ ਅਹੇਤੁਕੋ ਧਮ੍ਮੋ ਉਪ੍ਪਜ੍ਜਤਿ ਆਰਮ੍ਮਣਪਚ੍ਚਯਾ – ਅਹੇਤੁਕਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ…ਪੇ… ਪਟਿਸਨ੍ਧਿਕ੍ਖਣੇ ਵਤ੍ਥੁਂ ਪਟਿਚ੍ਚ ਅਹੇਤੁਕਾ ਖਨ੍ਧਾ. (੧)

ਅਹੇਤੁਕਂ ਧਮ੍ਮਂ ਪਟਿਚ੍ਚ ਸਹੇਤੁਕੋ ਧਮ੍ਮੋ ਉਪ੍ਪਜ੍ਜਤਿ ਆਰਮ੍ਮਣਪਚ੍ਚਯਾ – ਵਿਚਿਕਿਚ੍ਛਾਸਹਗਤਂ ਉਦ੍ਧਚ੍ਚਸਹਗਤਂ ਮੋਹਂ ਪਟਿਚ੍ਚ ਸਮ੍ਪਯੁਤ੍ਤਕਾ ਖਨ੍ਧਾ; ਪਟਿਸਨ੍ਧਿਕ੍ਖਣੇ ਵਤ੍ਥੁਂ ਪਟਿਚ੍ਚ ਸਹੇਤੁਕਾ ਖਨ੍ਧਾ. (੨)

ਸਹੇਤੁਕਞ੍ਚ ਅਹੇਤੁਕਞ੍ਚ ਧਮ੍ਮਂ ਪਟਿਚ੍ਚ ਸਹੇਤੁਕੋ ਧਮ੍ਮੋ ਉਪ੍ਪਜ੍ਜਤਿ ਆਰਮ੍ਮਣਪਚ੍ਚਯਾ – ਵਿਚਿਕਿਚ੍ਛਾਸਹਗਤਂ ਉਦ੍ਧਚ੍ਚਸਹਗਤਂ ਏਕਂ ਖਨ੍ਧਞ੍ਚ ਮੋਹਞ੍ਚ ਪਟਿਚ੍ਚ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ…ਪੇ… ਪਟਿਸਨ੍ਧਿਕ੍ਖਣੇ ਸਹੇਤੁਕਂ ਏਕਂ ਖਨ੍ਧਞ੍ਚ ਵਤ੍ਥੁਞ੍ਚ ਪਟਿਚ੍ਚ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ…ਪੇ…. (੧)

ਅਧਿਪਤਿਪਚ੍ਚਯੋ

੫੪. ਸਹੇਤੁਕਂ ਧਮ੍ਮਂ ਪਟਿਚ੍ਚ ਸਹੇਤੁਕੋ ਧਮ੍ਮੋ ਉਪ੍ਪਜ੍ਜਤਿ ਅਧਿਪਤਿਪਚ੍ਚਯਾ – ਸਹੇਤੁਕਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ…ਪੇ…. (੧)

ਸਹੇਤੁਕਂ ਧਮ੍ਮਂ ਪਟਿਚ੍ਚ ਅਹੇਤੁਕੋ ਧਮ੍ਮੋ ਉਪ੍ਪਜ੍ਜਤਿ ਅਧਿਪਤਿਪਚ੍ਚਯਾ – ਸਹੇਤੁਕੇ ਖਨ੍ਧੇ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ. (੨)

ਸਹੇਤੁਕਂ ਧਮ੍ਮਂ ਪਟਿਚ੍ਚ ਸਹੇਤੁਕੋ ਚ ਅਹੇਤੁਕੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਅਧਿਪਤਿਪਚ੍ਚਯਾ – ਸਹੇਤੁਕਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ…ਪੇ…. (੩)

੫੫. ਅਹੇਤੁਕਂ ਧਮ੍ਮਂ ਪਟਿਚ੍ਚ ਅਹੇਤੁਕੋ ਧਮ੍ਮੋ ਉਪ੍ਪਜ੍ਜਤਿ ਅਧਿਪਤਿਪਚ੍ਚਯਾ – ਏਕਂ ਮਹਾਭੂਤਂ…ਪੇ… ਮਹਾਭੂਤੇ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ ਉਪਾਦਾਰੂਪਂ. (੧)

ਸਹੇਤੁਕਞ੍ਚ ਅਹੇਤੁਕਞ੍ਚ ਧਮ੍ਮਂ ਪਟਿਚ੍ਚ ਅਹੇਤੁਕੋ ਧਮ੍ਮੋ ਉਪ੍ਪਜ੍ਜਤਿ ਅਧਿਪਤਿਪਚ੍ਚਯਾ – ਸਹੇਤੁਕੇ ਖਨ੍ਧੇ ਚ ਮਹਾਭੂਤੇ ਚ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ. (੧)

ਅਨਨ੍ਤਰਪਚ੍ਚਯਾਦਿ

੫੬. ਸਹੇਤੁਕਂ ਧਮ੍ਮਂ ਪਟਿਚ੍ਚ ਸਹੇਤੁਕੋ ਧਮ੍ਮੋ ਉਪ੍ਪਜ੍ਜਤਿ ਅਨਨ੍ਤਰਪਚ੍ਚਯਾ… ਸਮਨਨ੍ਤਰਪਚ੍ਚਯਾ… ਸਹਜਾਤਪਚ੍ਚਯਾ – ਸਹੇਤੁਕਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ…ਪੇ… ਪਟਿਸਨ੍ਧਿਕ੍ਖਣੇ…ਪੇ…. (੧)

ਸਹੇਤੁਕਂ ਧਮ੍ਮਂ ਪਟਿਚ੍ਚ ਅਹੇਤੁਕੋ ਧਮ੍ਮੋ ਉਪ੍ਪਜ੍ਜਤਿ ਸਹਜਾਤਪਚ੍ਚਯਾ – ਸਹੇਤੁਕੇ ਖਨ੍ਧੇ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ, ਵਿਚਿਕਿਚ੍ਛਾਸਹਗਤੇ ਉਦ੍ਧਚ੍ਚਸਹਗਤੇ ਖਨ੍ਧੇ ਪਟਿਚ੍ਚ ਵਿਚਿਕਿਚ੍ਛਾਸਹਗਤੋ ਉਦ੍ਧਚ੍ਚਸਹਗਤੋ ਮੋਹੋ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ; ਪਟਿਸਨ੍ਧਿਕ੍ਖਣੇ…ਪੇ…. (੨)

ਸਹੇਤੁਕਂ ਧਮ੍ਮਂ ਪਟਿਚ੍ਚ ਸਹੇਤੁਕੋ ਚ ਅਹੇਤੁਕੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਸਹਜਾਤਪਚ੍ਚਯਾ – ਸਹੇਤੁਕਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ, ਦ੍ਵੇ ਖਨ੍ਧੇ…ਪੇ… ਵਿਚਿਕਿਚ੍ਛਾਸਹਗਤਂ ਉਦ੍ਧਚ੍ਚਸਹਗਤਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ ਮੋਹੋ ਚ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ…ਪੇ… ਪਟਿਸਨ੍ਧਿਕ੍ਖਣੇ…ਪੇ…. (੩)

੫੭. ਅਹੇਤੁਕਂ ਧਮ੍ਮਂ ਪਟਿਚ੍ਚ ਅਹੇਤੁਕੋ ਧਮ੍ਮੋ ਉਪ੍ਪਜ੍ਜਤਿ ਸਹਜਾਤਪਚ੍ਚਯਾ – ਅਹੇਤੁਕਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ…ਪੇ… ਵਿਚਿਕਿਚ੍ਛਾਸਹਗਤਂ ਉਦ੍ਧਚ੍ਚਸਹਗਤਂ ਮੋਹਂ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ; ਪਟਿਸਨ੍ਧਿਕ੍ਖਣੇ…ਪੇ… ਖਨ੍ਧੇ ਪਟਿਚ੍ਚ ਵਤ੍ਥੁ, ਵਤ੍ਥੁਂ ਪਟਿਚ੍ਚ ਖਨ੍ਧਾ; ਏਕਂ ਮਹਾਭੂਤਂ…ਪੇ… ਬਾਹਿਰਂ… ਆਹਾਰਸਮੁਟ੍ਠਾਨਂ… ਉਤੁਸਮੁਟ੍ਠਾਨਂ… ਅਸਞ੍ਞਸਤ੍ਤਾਨਂ ਏਕਂ ਮਹਾਭੂਤਂ…ਪੇ…. (੧)

ਅਹੇਤੁਕਂ ਧਮ੍ਮਂ ਪਟਿਚ੍ਚ ਸਹੇਤੁਕੋ ਧਮ੍ਮੋ ਉਪ੍ਪਜ੍ਜਤਿ ਸਹਜਾਤਪਚ੍ਚਯਾ (ਇਮੇ ਪਞ੍ਚ ਪਞ੍ਹਾ ਹੇਤੁਸਦਿਸਾ, ਨਿਨ੍ਨਾਨਂ). (੨)

ਅਞ੍ਞਮਞ੍ਞਪਚ੍ਚਯੋ

੫੮. ਸਹੇਤੁਕਂ ਧਮ੍ਮਂ ਪਟਿਚ੍ਚ ਸਹੇਤੁਕੋ ਧਮ੍ਮੋ ਉਪ੍ਪਜ੍ਜਤਿ ਅਞ੍ਞਮਞ੍ਞਪਚ੍ਚਯਾ – ਸਹੇਤੁਕਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ…ਪੇ… ਪਟਿਸਨ੍ਧਿਕ੍ਖਣੇ…ਪੇ…. (੧)

ਸਹੇਤੁਕਂ ਧਮ੍ਮਂ ਪਟਿਚ੍ਚ ਅਹੇਤੁਕੋ ਧਮ੍ਮੋ ਉਪ੍ਪਜ੍ਜਤਿ ਅਞ੍ਞਮਞ੍ਞਪਚ੍ਚਯਾ – ਵਿਚਿਕਿਚ੍ਛਾਸਹਗਤੇ ਉਦ੍ਧਚ੍ਚਸਹਗਤੇ ਖਨ੍ਧੇ ਪਟਿਚ੍ਚ ਵਿਚਿਕਿਚ੍ਛਾਸਹਗਤੋ ਉਦ੍ਧਚ੍ਚਸਹਗਤੋ ਮੋਹੋ; ਪਟਿਸਨ੍ਧਿਕ੍ਖਣੇ ਸਹੇਤੁਕੇ ਖਨ੍ਧੇ ਪਟਿਚ੍ਚ ਵਤ੍ਥੁ. (੨)

ਸਹੇਤੁਕਂ ਧਮ੍ਮਂ ਪਟਿਚ੍ਚ ਸਹੇਤੁਕੋ ਚ ਅਹੇਤੁਕੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਅਞ੍ਞਮਞ੍ਞਪਚ੍ਚਯਾ – ਵਿਚਿਕਿਚ੍ਛਾਸਹਗਤਂ ਉਦ੍ਧਚ੍ਚਸਹਗਤਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ ਮੋਹੋ ਚ…ਪੇ… ਦ੍ਵੇ ਖਨ੍ਧੇ…ਪੇ… ਪਟਿਸਨ੍ਧਿਕ੍ਖਣੇ ਸਹੇਤੁਕਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ ਵਤ੍ਥੁ ਚ…ਪੇ… ਦ੍ਵੇ ਖਨ੍ਧੇ…ਪੇ…. (੩)

੫੯. ਅਹੇਤੁਕਂ ਧਮ੍ਮਂ ਪਟਿਚ੍ਚ ਅਹੇਤੁਕੋ ਧਮ੍ਮੋ ਉਪ੍ਪਜ੍ਜਤਿ ਅਞ੍ਞਮਞ੍ਞਪਚ੍ਚਯਾ – ਅਹੇਤੁਕਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ…ਪੇ… ਪਟਿਸਨ੍ਧਿਕ੍ਖਣੇ ਅਹੇਤੁਕਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ ਵਤ੍ਥੁ ਚ…ਪੇ… ਦ੍ਵੇ ਖਨ੍ਧੇ…ਪੇ… (ਸਂਖਿਤ੍ਤਂ, ਯਾਵ ਅਸਞ੍ਞਸਤ੍ਤਾ). (੧)

ਅਹੇਤੁਕਂ ਧਮ੍ਮਂ ਪਟਿਚ੍ਚ ਸਹੇਤੁਕੋ ਧਮ੍ਮੋ ਉਪ੍ਪਜ੍ਜਤਿ ਅਞ੍ਞਮਞ੍ਞਪਚ੍ਚਯਾ – ਵਿਚਿਕਿਚ੍ਛਾਸਹਗਤਂ ਉਦ੍ਧਚ੍ਚਸਹਗਤਂ ਮੋਹਂ ਪਟਿਚ੍ਚ ਸਮ੍ਪਯੁਤ੍ਤਕਾ ਖਨ੍ਧਾ; ਪਟਿਸਨ੍ਧਿਕ੍ਖਣੇ ਵਤ੍ਥੁਂ ਪਟਿਚ੍ਚ ਸਹੇਤੁਕਾ ਖਨ੍ਧਾ. (੨)

ਸਹੇਤੁਕਞ੍ਚ ਅਹੇਤੁਕਞ੍ਚ ਧਮ੍ਮਂ ਪਟਿਚ੍ਚ ਸਹੇਤੁਕੋ ਧਮ੍ਮੋ ਉਪ੍ਪਜ੍ਜਤਿ ਅਞ੍ਞਮਞ੍ਞਪਚ੍ਚਯਾ – ਵਿਚਿਕਿਚ੍ਛਾਸਹਗਤਂ ਉਦ੍ਧਚ੍ਚਸਹਗਤਂ ਏਕਂ ਖਨ੍ਧਞ੍ਚ ਮੋਹਞ੍ਚ ਪਟਿਚ੍ਚ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ…ਪੇ… ਪਟਿਸਨ੍ਧਿਕ੍ਖਣੇ ਸਹੇਤੁਕਂ ਏਕਂ ਖਨ੍ਧਞ੍ਚ ਵਤ੍ਥੁਞ੍ਚ ਪਟਿਚ੍ਚ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ…ਪੇ…. (੧)

ਨਿਸ੍ਸਯਪਚ੍ਚਯਾਦਿ

੬੦. ਸਹੇਤੁਕਂ ਧਮ੍ਮਂ ਪਟਿਚ੍ਚ ਸਹੇਤੁਕੋ ਧਮ੍ਮੋ ਉਪ੍ਪਜ੍ਜਤਿ ਨਿਸ੍ਸਯਪਚ੍ਚਯਾ… ਉਪਨਿਸ੍ਸਯਪਚ੍ਚਯਾ… ਪੁਰੇਜਾਤਪਚ੍ਚਯਾ… ਆਸੇਵਨਪਚ੍ਚਯਾ… ਕਮ੍ਮਪਚ੍ਚਯਾ… ਵਿਪਾਕਪਚ੍ਚਯਾ… ਆਹਾਰਪਚ੍ਚਯਾ… ਇਨ੍ਦ੍ਰਿਯਪਚ੍ਚਯਾ… ਝਾਨਪਚ੍ਚਯਾ… ਮਗ੍ਗਪਚ੍ਚਯਾ… (ਝਾਨਮ੍ਪਿ ਮਗ੍ਗਮ੍ਪਿ ਸਹਜਾਤਪਚ੍ਚਯਸਦਿਸਾ, ਬਾਹਿਰਾ ਮਹਾਭੂਤਾ ਨਤ੍ਥਿ ) ਸਮ੍ਪਯੁਤ੍ਤਪਚ੍ਚਯਾ… ਵਿਪ੍ਪਯੁਤ੍ਤਪਚ੍ਚਯਾ… ਅਤ੍ਥਿਪਚ੍ਚਯਾ… ਨਤ੍ਥਿਪਚ੍ਚਯਾ… ਵਿਗਤਪਚ੍ਚਯਾ… ਅਵਿਗਤਪਚ੍ਚਯਾ.