੩. ਪਚ੍ਚਯਵਾਰੋ

੧-੪. ਪਚ੍ਚਯਾਨੁਲੋਮਾਦਿ

੧੬੯. ਨਹੇਤੁਂ ਸਹੇਤੁਕਂ ਧਮ੍ਮਂ ਪਚ੍ਚਯਾ ਨਹੇਤੁ ਸਹੇਤੁਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ… ਤੀਣਿ.

ਨਹੇਤੁਂ ਅਹੇਤੁਕਂ ਧਮ੍ਮਂ ਪਚ੍ਚਯਾ ਨਹੇਤੁ ਅਹੇਤੁਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਏਕਂ ਮਹਾਭੂਤਂ ਪਚ੍ਚਯਾ ਤਯੋ ਮਹਾਭੂਤਾ, ਮਹਾਭੂਤੇ ਪਚ੍ਚਯਾ ਚਿਤ੍ਤਸਮੁਟ੍ਠਾਨਂ ਰੂਪਂ, ਕਟਤ੍ਤਾਰੂਪਂ, ਉਪਾਦਾਰੂਪਂ. (੧)

ਨਹੇਤੁਂ ਅਹੇਤੁਕਂ ਧਮ੍ਮਂ ਪਚ੍ਚਯਾ ਨਹੇਤੁ ਸਹੇਤੁਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ – ਵਤ੍ਥੁਂ ਪਚ੍ਚਯਾ ਨਹੇਤੂ ਸਹੇਤੁਕਾ ਖਨ੍ਧਾ; ਪਟਿਸਨ੍ਧਿਕ੍ਖਣੇ…ਪੇ… (੨)

ਨਹੇਤੁਂ ਅਹੇਤੁਕਂ ਧਮ੍ਮਂ ਪਚ੍ਚਯਾ ਨਹੇਤੁ ਸਹੇਤੁਕੋ ਚ ਨਹੇਤੁ ਅਹੇਤੁਕੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ – ਵਤ੍ਥੁਂ ਪਚ੍ਚਯਾ ਨਹੇਤੂ ਸਹੇਤੁਕਾ ਖਨ੍ਧਾ, ਮਹਾਭੂਤੇ ਪਚ੍ਚਯਾ ਚਿਤ੍ਤਸਮੁਟ੍ਠਾਨਂ ਰੂਪਂ; ਪਟਿਸਨ੍ਧਿਕ੍ਖਣੇ…ਪੇ…(੩)

ਨਹੇਤੁਂ ਸਹੇਤੁਕਞ੍ਚ ਨਹੇਤੁਂ ਅਹੇਤੁਕਞ੍ਚ ਧਮ੍ਮਂ ਪਚ੍ਚਯਾ ਨਹੇਤੁ ਸਹੇਤੁਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ (ਘਟਨਾ ਤੀਣਿ, ਪਵਤ੍ਤਿਪਟਿਸਨ੍ਧਿ ਪਰਿਪੁਣ੍ਣਂ. ਸਂਖਿਤ੍ਤਂ).

੧੭੦. ਹੇਤੁਯਾ ਨਵ, ਆਰਮ੍ਮਣੇ ਚਤ੍ਤਾਰਿ…ਪੇ… ਅਞ੍ਞਮਞ੍ਞੇ ਛ…ਪੇ… ਪੁਰੇਜਾਤੇ ਆਸੇਵਨੇ ਚਤ੍ਤਾਰਿ…ਪੇ… ਅਵਿਗਤੇ ਨਵ (ਏਵਂ ਗਣੇਤਬ੍ਬਂ).

ਅਨੁਲੋਮਂ.

੧੭੧. ਨਹੇਤੁਯਾ ਏਕਂ, ਨਆਰਮ੍ਮਣੇ ਤੀਣਿ…ਪੇ… ਨੋਵਿਗਤੇ ਤੀਣਿ.

ਪਚ੍ਚਨੀਯਂ.