(੨੦੮) ੧. ਪਰਿਨਿਬ੍ਬਾਨਕਥਾ

੮੯੨. ਅਤ੍ਥਿ ਕਿਞ੍ਚਿ ਸਂਯੋਜਨਂ ਅਪ੍ਪਹਾਯ ਪਰਿਨਿਬ੍ਬਾਨਨ੍ਤਿ? ਆਮਨ੍ਤਾ. ਅਤ੍ਥਿ ਕਿਞ੍ਚਿ ਸਕ੍ਕਾਯਦਿਟ੍ਠਿਂ ਅਪ੍ਪਹਾਯ…ਪੇ… ਅਨੋਤ੍ਤਪ੍ਪਂ ਅਪ੍ਪਹਾਯ ਪਰਿਨਿਬ੍ਬਾਨਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਤ੍ਥਿ ਕਿਞ੍ਚਿ ਸਂਯੋਜਨਂ ਅਪ੍ਪਹਾਯ ਪਰਿਨਿਬ੍ਬਾਨਨ੍ਤਿ? ਆਮਨ੍ਤਾ. ਅਰਹਾ ਸਰਾਗੋ…ਪੇ… ਸਕਿਲੇਸੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਨਨੁ ਅਰਹਾ ਨਿਰਾਗੋ…ਪੇ… ਨਿਕ੍ਕਿਲੇਸੋਤਿ? ਆਮਨ੍ਤਾ. ਹਞ੍ਚਿ ਅਰਹਾ ਨਿਰਾਗੋ…ਪੇ… ਨਿਕ੍ਕਿਲੇਸੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਤ੍ਥਿ ਕਿਞ੍ਚਿ ਸਂਯੋਜਨਂ ਅਪ੍ਪਹਾਯ ਪਰਿਨਿਬ੍ਬਾਨ’’ਨ੍ਤਿ.

੮੯੩. ਨ ਵਤ੍ਤਬ੍ਬਂ – ‘‘ਅਤ੍ਥਿ ਕਿਞ੍ਚਿ ਸਂਯੋਜਨਂ ਅਪ੍ਪਹਾਯ ਪਰਿਨਿਬ੍ਬਾਨ’’ਨ੍ਤਿ? ਆਮਨ੍ਤਾ. ਅਰਹਾ ਸਬ੍ਬਂ ਬੁਦ੍ਧਵਿਸਯਂ ਜਾਨਾਤੀਤਿ? ਨ ਹੇਵਂ ਵਤ੍ਤਬ੍ਬੇ. ਤੇਨ ਹਿ ਅਤ੍ਥਿ ਕਿਞ੍ਚਿ ਸਂਯੋਜਨਂ ਅਪ੍ਪਹਾਯ ਪਰਿਨਿਬ੍ਬਾਨਨ੍ਤਿ.

ਪਰਿਨਿਬ੍ਬਾਨਕਥਾ ਨਿਟ੍ਠਿਤਾ.