੧੬. ਸੋਲ਼ਸਮਵਗ੍ਗੋ

(੧੬੩) ੮. ਰੂਪਂ ਵਿਪਾਕੋਤਿਕਥਾ

੭੬੫. ਰੂਪਂ ਵਿਪਾਕੋਤਿ? ਆਮਨ੍ਤਾ. ਰੂਪਂ ਸੁਖਵੇਦਨਿਯਂ ਦੁਕ੍ਖਵੇਦਨਿਯਂ ਅਦੁਕ੍ਖਮਸੁਖਵੇਦਨਿਯਂ, ਸੁਖਾਯ ਵੇਦਨਾਯ ਸਮ੍ਪਯੁਤ੍ਤਂ, ਦੁਕ੍ਖਾਯ ਵੇਦਨਾਯ ਸਮ੍ਪਯੁਤ੍ਤਂ, ਅਦੁਕ੍ਖਮਸੁਖਾਯ ਵੇਦਨਾਯ ਸਮ੍ਪਯੁਤ੍ਤਂ, ਫਸ੍ਸੇਨ ਸਮ੍ਪਯੁਤ੍ਤਂ…ਪੇ… ਚਿਤ੍ਤੇਨ ਸਮ੍ਪਯੁਤ੍ਤਂ, ਸਾਰਮ੍ਮਣਂ, ਅਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਨਨੁ ਨ ਸੁਖਵੇਦਨਿਯਂ ਨ ਦੁਕ੍ਖਵੇਦਨਿਯਂ…ਪੇ… ਅਨਾਰਮ੍ਮਣਂ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਹਞ੍ਚਿ ਨ ਸੁਖਵੇਦਨਿਯਂ ਨ ਦੁਕ੍ਖਵੇਦਨਿਯਂ…ਪੇ… ਅਨਾਰਮ੍ਮਣਂ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਰੂਪਂ ਵਿਪਾਕੋ’’ਤਿ.

੭੬੬. ਫਸ੍ਸੋ ਵਿਪਾਕੋ, ਫਸ੍ਸੋ ਸੁਖਵੇਦਨਿਯੋ ਦੁਕ੍ਖਵੇਦਨਿਯੋ…ਪੇ… ਸਾਰਮ੍ਮਣੋ, ਅਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਰੂਪਂ ਵਿਪਾਕੋ, ਰੂਪਂ ਸੁਖਵੇਦਨਿਯਂ ਦੁਕ੍ਖਵੇਦਨਿਯਂ…ਪੇ… ਸਾਰਮ੍ਮਣਂ, ਅਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਰੂਪਂ ਵਿਪਾਕੋ, ਰੂਪਂ ਨ ਸੁਖਵੇਦਨਿਯਂ ਨ ਦੁਕ੍ਖਵੇਦਨਿਯਂ…ਪੇ… ਅਨਾਰਮ੍ਮਣਂ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਫਸ੍ਸੋ ਵਿਪਾਕੋ, ਫਸ੍ਸੋ ਨ ਸੁਖਵੇਦਨਿਯੋ ਨ ਦੁਕ੍ਖਵੇਦਨਿਯੋ…ਪੇ… ਅਨਾਰਮ੍ਮਣੋ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੭੬੭. ਨ ਵਤ੍ਤਬ੍ਬਂ – ‘‘ਰੂਪਂ ਵਿਪਾਕੋ’’ਤਿ? ਆਮਨ੍ਤਾ. ਨਨੁ ਕਮ੍ਮਸ੍ਸ ਕਤਤ੍ਤਾ ਉਪ੍ਪਨ੍ਨਾ ਚਿਤ੍ਤਚੇਤਸਿਕਾ ਧਮ੍ਮਾ ਵਿਪਾਕੋਤਿ? ਆਮਨ੍ਤਾ. ਹਞ੍ਚਿ ਕਮ੍ਮਸ੍ਸ ਕਤਤ੍ਤਾ ਉਪ੍ਪਨ੍ਨਾ ਚਿਤ੍ਤਚੇਤਸਿਕਾ ਧਮ੍ਮਾ ਵਿਪਾਕੋ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਕਮ੍ਮਸ੍ਸ ਕਤਤ੍ਤਾ ਉਪ੍ਪਨ੍ਨਂ ਰੂਪਂ ਵਿਪਾਕੋ’’ਤਿ.

ਰੂਪਂ ਵਿਪਾਕੋਤਿਕਥਾ ਨਿਟ੍ਠਿਤਾ.