੧੬. ਸੋਲ਼ਸਮਵਗ੍ਗੋ
(੧੫੬) ੧. ਨਿਗ੍ਗਹਕਥਾ
੭੪੩. ਪਰੋ ਪਰਸ੍ਸ ਚਿਤ੍ਤਂ ਨਿਗ੍ਗਣ੍ਹਾਤੀਤਿ? ਆਮਨ੍ਤਾ. ਪਰੋ ਪਰਸ੍ਸ ਚਿਤ੍ਤਂ ‘‘ਮਾ ਰਜ੍ਜਿ’’, ‘‘ਮਾ ਦੁਸ੍ਸਿ’’, ‘‘ਮਾ ਮੁਯ੍ਹਿ’’, ‘‘ਮਾ ਕਿਲਿਸ੍ਸੀ’’ਤਿ ਨਿਗ੍ਗਣ੍ਹਾਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਪਰੋ ਪਰਸ੍ਸ ਚਿਤ੍ਤਂ ਨਿਗ੍ਗਣ੍ਹਾਤੀਤਿ? ਆਮਨ੍ਤਾ. ਪਰੋ ਪਰਸ੍ਸ ਉਪ੍ਪਨ੍ਨੋ ਫਸ੍ਸੋ ‘‘ਮਾ ਨਿਰੁਜ੍ਝੀ’’ਤਿ ਨਿਗ੍ਗਣ੍ਹਾਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਪਰੋ ਪਰਸ੍ਸ ਉਪ੍ਪਨ੍ਨਾ ਵੇਦਨਾ…ਪੇ… ਉਪ੍ਪਨ੍ਨਾ ਸਞ੍ਞਾ… ਉਪ੍ਪਨ੍ਨਾ ਚੇਤਨਾ… ਉਪ੍ਪਨ੍ਨਂ ਚਿਤ੍ਤਂ… ਉਪ੍ਪਨ੍ਨਾ ਸਦ੍ਧਾ… ਉਪ੍ਪਨ੍ਨਂ ਵੀਰਿਯਂ … ਉਪ੍ਪਨ੍ਨਾ ਸਤਿ… ਉਪ੍ਪਨ੍ਨੋ ਸਮਾਧਿ…ਪੇ… ਉਪ੍ਪਨ੍ਨਾ ਪਞ੍ਞਾ ‘‘ਮਾ ਨਿਰੁਜ੍ਝੀ’’ਤਿ ਨਿਗ੍ਗਣ੍ਹਾਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਪਰੋ ਪਰਸ੍ਸ ਚਿਤ੍ਤਂ ਨਿਗ੍ਗਣ੍ਹਾਤੀਤਿ? ਆਮਨ੍ਤਾ. ਪਰੋ ਪਰਸ੍ਸ ਅਤ੍ਥਾਯ ਰਾਗਂ ਪਜਹਤਿ… ਦੋਸਂ ਪਜਹਤਿ…ਪੇ… ਅਨੋਤ੍ਤਪ੍ਪਂ ਪਜਹਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਪਰੋ ਪਰਸ੍ਸ ਚਿਤ੍ਤਂ ਨਿਗ੍ਗਣ੍ਹਾਤੀਤਿ? ਆਮਨ੍ਤਾ. ਪਰੋ ਪਰਸ੍ਸ ਅਤ੍ਥਾਯ ਮਗ੍ਗਂ ਭਾਵੇਤਿ… ਸਤਿਪਟ੍ਠਾਨਂ ਭਾਵੇਤਿ…ਪੇ… ਬੋਜ੍ਝਙ੍ਗਂ ਭਾਵੇਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਪਰੋ ਪਰਸ੍ਸ ਚਿਤ੍ਤਂ ਨਿਗ੍ਗਣ੍ਹਾਤੀਤਿ? ਆਮਨ੍ਤਾ. ਪਰੋ ਪਰਸ੍ਸ ਅਤ੍ਥਾਯ ਦੁਕ੍ਖਂ ਪਰਿਜਾਨਾਤਿ, ਸਮੁਦਯਂ ਪਜਹਤਿ, ਨਿਰੋਧਂ ਸਚ੍ਛਿਕਰੋਤਿ, ਮਗ੍ਗਂ ਭਾਵੇਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਪਰੋ ਪਰਸ੍ਸ ਚਿਤ੍ਤਂ ਨਿਗ੍ਗਣ੍ਹਾਤੀਤਿ? ਆਮਨ੍ਤਾ. ਅਞ੍ਞੋ ਅਞ੍ਞਸ੍ਸ ਕਾਰਕੋ, ਪਰਙ੍ਕਤਂ ਸੁਖਂ ਦੁਕ੍ਖਂ ਅਞ੍ਞੋ ਕਰੋਤਿ ਅਞ੍ਞੋ ਪਟਿਸਂਵੇਦੇਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਪਰੋ ਪਰਸ੍ਸ ਚਿਤ੍ਤਂ ਨਿਗ੍ਗਣ੍ਹਾਤੀਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ –
‘‘ਅਤ੍ਤਨਾਵ ਕਤਂ ਪਾਪਂ, ਅਤ੍ਤਨਾ ਸਂਕਿਲਿਸ੍ਸਤਿ;
ਅਤ੍ਤਨਾ ਅਕਤਂ ਪਾਪਂ, ਅਤ੍ਤਨਾਵ ਵਿਸੁਜ੍ਝਤਿ;
ਸੁਦ੍ਧਿ ਅਸੁਦ੍ਧਿ ਪਚ੍ਚਤ੍ਤਂ, ਨਾਞ੍ਞੋ ਅਞ੍ਞਂ ਵਿਸੋਧਯੇ’’ਤਿ [ਧ. ਪ. ੧੬੫].
ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਨ ਵਤ੍ਤਬ੍ਬਂ – ‘‘ਪਰੋ ਪਰਸ੍ਸ ਚਿਤ੍ਤਂ ਨਿਗ੍ਗਣ੍ਹਾਤੀ’’ਤਿ.
੭੪੪. ਨ ਵਤ੍ਤਬ੍ਬਂ – ‘‘ਪਰੋ ਪਰਸ੍ਸ ਚਿਤ੍ਤਂ ਨਿਗ੍ਗਣ੍ਹਾਤੀ’’ਤਿ? ਆਮਨ੍ਤਾ. ਨਨੁ ਅਤ੍ਥਿ ਬਲਪ੍ਪਤ੍ਤਾ, ਅਤ੍ਥਿ ਵਸੀਭੂਤਾਤਿ? ਆਮਨ੍ਤਾ. ਹਞ੍ਚਿ ਅਤ੍ਥਿ ਬਲਪ੍ਪਤ੍ਤਾ, ਅਤ੍ਥਿ ਵਸੀਭੂਤਾ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਪਰੋ ਪਰਸ੍ਸ ਚਿਤ੍ਤਂ ਨਿਗ੍ਗਣ੍ਹਾਤੀ’’ਤਿ.
ਨਿਗ੍ਗਹਕਥਾ ਨਿਟ੍ਠਿਤਾ.
੧੬. ਸੋਲ਼ਸਮਵਗ੍ਗੋ
(੧੫੭) ੨. ਪਗ੍ਗਹਕਥਾ
੭੪੫. ਪਰੋ ਪਰਸ੍ਸ ਚਿਤ੍ਤਂ ਪਗ੍ਗਣ੍ਹਾਤੀਤਿ? ਆਮਨ੍ਤਾ. ਪਰੋ ਪਰਸ੍ਸ ਚਿਤ੍ਤਂ ‘‘ਮਾ ਰਜ੍ਜਿ,’’‘‘ਮਾ ਦੁਸ੍ਸਿ,’’‘‘ਮਾ ਮੁਯ੍ਹਿ,’’‘‘ਮਾ ਕਿਲਿਸ੍ਸੀ’’ਤਿ ਪਗ੍ਗਣ੍ਹਾਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਪਰੋ ਪਰਸ੍ਸ ਚਿਤ੍ਤਂ ਪਗ੍ਗਣ੍ਹਾਤੀਤਿ? ਆਮਨ੍ਤਾ. ਪਰੋ ਪਰਸ੍ਸ ਅਲੋਭਂ ਕੁਸਲਮੂਲਂ ਜਨੇਤਿ… ਅਦੋਸਂ ਕੁਸਲਮੂਲਂ ਜਨੇਤਿ… ਅਮੋਹਂ ਕੁਸਲਮੂਲਂ ਜਨੇਤਿ… ਸਦ੍ਧਂ ਜਨੇਤਿ… ਵੀਰਿਯਂ ਜਨੇਤਿ… ਸਤਿਂ ਜਨੇਤਿ… ਸਮਾਧਿਂ ਜਨੇਤਿ… ਪਞ੍ਞਂ ਜਨੇਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਪਰੋ ਪਰਸ੍ਸ ਚਿਤ੍ਤਂ ਪਗ੍ਗਣ੍ਹਾਤੀਤਿ? ਆਮਨ੍ਤਾ. ਪਰੋ ਪਰਸ੍ਸ ਉਪ੍ਪਨ੍ਨੋ ਫਸ੍ਸੋ ‘‘ਮਾ ਨਿਰੁਜ੍ਝੀ’’ਤਿ ਪਗ੍ਗਣ੍ਹਾਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਪਰੋ ਪਰਸ੍ਸ ਉਪ੍ਪਨ੍ਨਾ ਵੇਦਨਾ…ਪੇ… ਉਪ੍ਪਨ੍ਨਾ ਪਞ੍ਞਾ ‘‘ਮਾ ਨਿਰੁਜ੍ਝੀ’’ਤਿ ਪਗ੍ਗਣ੍ਹਾਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਪਰੋ ਪਰਸ੍ਸ ਚਿਤ੍ਤਂ ਪਗ੍ਗਣ੍ਹਾਤੀਤਿ? ਆਮਨ੍ਤਾ. ਪਰੋ ਪਰਸ੍ਸ ਅਤ੍ਥਾਯ ਰਾਗਂ ਪਜਹਤਿ… ਦੋਸਂ ਪਜਹਤਿ… ਮੋਹਂ ਪਜਹਤਿ…ਪੇ… ਅਨੋਤ੍ਤਪ੍ਪਂ ਪਜਹਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਪਰੋ ਪਰਸ੍ਸ ਚਿਤ੍ਤਂ ਪਗ੍ਗਣ੍ਹਾਤੀਤਿ? ਆਮਨ੍ਤਾ. ਪਰੋ ਪਰਸ੍ਸ ਅਤ੍ਥਾਯ ਮਗ੍ਗਂ ਭਾਵੇਤਿ… ਸਤਿਪਟ੍ਠਾਨਂ ਭਾਵੇਤਿ…ਪੇ… ਬੋਜ੍ਝਙ੍ਗਂ ਭਾਵੇਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਪਰੋ ਪਰਸ੍ਸ ਚਿਤ੍ਤਂ ਪਗ੍ਗਣ੍ਹਾਤੀਤਿ? ਆਮਨ੍ਤਾ. ਪਰੋ ਪਰਸ੍ਸ ਅਤ੍ਥਾਯ ਦੁਕ੍ਖਂ ਪਰਿਜਾਨਾਤਿ…ਪੇ… ਮਗ੍ਗਂ ਭਾਵੇਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਪਰੋ ਪਰਸ੍ਸ ਚਿਤ੍ਤਂ ਪਗ੍ਗਣ੍ਹਾਤੀਤਿ? ਆਮਨ੍ਤਾ. ਅਞ੍ਞੋ ਅਞ੍ਞਸ੍ਸ ਕਾਰਕੋ, ਪਰਙ੍ਕਤਂ ਸੁਖਂ ਦੁਕ੍ਖਂ ਅਞ੍ਞੋ ਕਰੋਤਿ ਅਞ੍ਞੋ ਪਟਿਸਂਵੇਦੇਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਪਰੋ ਪਰਸ੍ਸ ਚਿਤ੍ਤਂ ਪਗ੍ਗਣ੍ਹਾਤੀਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਅਤ੍ਤਨਾਵ ਕਤਂ ਪਾਪਂ…ਪੇ… ਨਾਞ੍ਞੋ ਅਞ੍ਞਂ ਵਿਸੋਧਯੇ’’ਤਿ. ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਨ ਵਤ੍ਤਬ੍ਬਂ – ‘‘ਪਰੋ ਪਰਸ੍ਸ ਚਿਤ੍ਤਂ ਪਗ੍ਗਣ੍ਹਾਤੀ’’ਤਿ.
੭੪੬. ਨ ਵਤ੍ਤਬ੍ਬਂ – ‘‘ਪਰੋ ਪਰਸ੍ਸ ਚਿਤ੍ਤਂ ਪਗ੍ਗਣ੍ਹਾਤੀ’’ਤਿ? ਆਮਨ੍ਤਾ. ਨਨੁ ਅਤ੍ਥਿ ਬਲਪ੍ਪਤ੍ਤਾ, ਅਤ੍ਥਿ ਵਸੀਭੂਤਾਤਿ? ਆਮਨ੍ਤਾ. ਹਞ੍ਚਿ ਅਤ੍ਥਿ ਬਲਪ੍ਪਤ੍ਤਾ, ਅਤ੍ਥਿ ਵਸੀਭੂਤਾ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਪਰੋ ਪਰਸ੍ਸ ਚਿਤ੍ਤਂ ਪਗ੍ਗਣ੍ਹਾਤੀ’’ਤਿ.
ਪਗ੍ਗਹਕਥਾ ਨਿਟ੍ਠਿਤਾ.
੧੬. ਸੋਲ਼ਸਮਵਗ੍ਗੋ
(੧੫੮) ੩. ਸੁਖਾਨੁਪ੍ਪਦਾਨਕਥਾ
੭੪੭. ਪਰੋ ਪਰਸ੍ਸ ਸੁਖਂ ਅਨੁਪ੍ਪਦੇਤੀਤਿ? ਆਮਨ੍ਤਾ. ਪਰੋ ਪਰਸ੍ਸ ਦੁਕ੍ਖਂ ਅਨੁਪ੍ਪਦੇਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਪਰੋ ਪਰਸ੍ਸ ਦੁਕ੍ਖਂ ਨ ਅਨੁਪ੍ਪਦੇਤੀਤਿ? ਆਮਨ੍ਤਾ. ਪਰੋ ਪਰਸ੍ਸ ਸੁਖਂ ਨ ਅਨੁਪ੍ਪਦੇਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਪਰੋ ਪਰਸ੍ਸ ਸੁਖਂ ਅਨੁਪ੍ਪਦੇਤੀਤਿ? ਆਮਨ੍ਤਾ. ਪਰੋ ਪਰਸ੍ਸ ਅਤ੍ਤਨੋ ਸੁਖਂ ਅਨੁਪ੍ਪਦੇਤਿ, ਅਞ੍ਞੇਸਂ ਸੁਖਂ ਅਨੁਪ੍ਪਦੇਤਿ, ਤਸ੍ਸ ਸੁਖਂ ਅਨੁਪ੍ਪਦੇਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਪਰੋ ਪਰਸ੍ਸ ਨੇਵਤ੍ਤਨੋ, ਨ ਅਞ੍ਞੇਸਂ, ਨ ਤਸ੍ਸ ਸੁਖਂ ਅਨੁਪ੍ਪਦੇਤੀਤਿ? ਆਮਨ੍ਤਾ. ਹਞ੍ਚਿ ਪਰੋ ਪਰਸ੍ਸ ਨੇਵਤ੍ਤਨੋ, ਨ ਅਞ੍ਞੇਸਂ, ਨ ਤਸ੍ਸ ਸੁਖਂ ਅਨੁਪ੍ਪਦੇਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਪਰੋ ਪਰਸ੍ਸ ਸੁਖਂ ਅਨੁਪ੍ਪਦੇਤੀ’’ਤਿ.
ਪਰੋ ਪਰਸ੍ਸ ਸੁਖਂ ਅਨੁਪ੍ਪਦੇਤੀਤਿ? ਆਮਨ੍ਤਾ. ਅਞ੍ਞੋ ਅਞ੍ਞਸ੍ਸ ਕਾਰਕੋ, ਪਰਙ੍ਕਤਂ ਸੁਖਂ ਦੁਕ੍ਖਂ ਅਞ੍ਞੋ ਕਰੋਤਿ ਅਞ੍ਞੋ ਪਟਿਸਂਵੇਦੇਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੭੪੮. ਨ ਵਤ੍ਤਬ੍ਬਂ – ‘‘ਪਰੋ ਪਰਸ੍ਸ ਸੁਖਂ ਅਨੁਪ੍ਪਦੇਤੀ’’ਤਿ? ਆਮਨ੍ਤਾ. ਨਨੁ ਆਯਸ੍ਮਾ ਉਦਾਯੀ ਏਤਦਵੋਚ – ‘‘ਬਹੂਨਂ ਵਤ ਨੋ ਭਗਵਾ ਦੁਕ੍ਖਧਮ੍ਮਾਨਂ ਅਪਹਤ੍ਤਾ, ਬਹੂਨਂ ਵਤ ਨੋ ਭਗਵਾ ਸੁਖਧਮ੍ਮਾਨਂ ਉਪਹਤ੍ਤਾ, ਬਹੂਨਂ ਵਤ ਨੋ ਭਗਵਾ ਅਕੁਸਲਾਨਂ ਧਮ੍ਮਾਨਂ ਅਪਹਤ੍ਤਾ, ਬਹੂਨਂ ਵਤ ਨੋ ਭਗਵਾ ਕੁਸਲਾਨਂ ਧਮ੍ਮਾਨਂ ਉਪਹਤ੍ਤਾ’’ਤਿ [ਮ. ਨਿ. ੨.੧੪੮ ਲਟੁਕਿਕੋਪਮੇ]! ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਪਰੋ ਪਰਸ੍ਸ ਸੁਖਂ ਅਨੁਪ੍ਪਦੇਤੀਤਿ.
ਸੁਖਾਨੁਪ੍ਪਦਾਨਕਥਾ ਨਿਟ੍ਠਿਤਾ.
੧੬. ਸੋਲ਼ਸਮਵਗ੍ਗੋ
(੧੫੯) ੪. ਅਧਿਗਯ੍ਹਮਨਸਿਕਾਰਕਥਾ
੭੪੯. ਅਧਿਗਯ੍ਹ ਮਨਸਿ ਕਰੋਤੀਤਿ? ਆਮਨ੍ਤਾ. ਤੇਨ ਚਿਤ੍ਤੇਨ ਤਂ ਚਿਤ੍ਤਂ ਪਜਾਨਾਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਤੇਨ ਚਿਤ੍ਤੇਨ ਤਂ ਚਿਤ੍ਤਂ ਪਜਾਨਾਤੀਤਿ? ਆਮਨ੍ਤਾ. ਤੇਨ ਚਿਤ੍ਤੇਨ ਤਂ ਚਿਤ੍ਤਂ ‘‘ਚਿਤ੍ਤ’’ਨ੍ਤਿ ਪਜਾਨਾਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਤੇਨ ਚਿਤ੍ਤੇਨ ਤਂ ਚਿਤ੍ਤਂ ‘‘ਚਿਤ੍ਤ’’ਨ੍ਤਿ ਪਜਾਨਾਤੀਤਿ? ਆਮਨ੍ਤਾ. ਤਂ ਚਿਤ੍ਤਂ ਤਸ੍ਸ ਚਿਤ੍ਤਸ੍ਸ ਆਰਮ੍ਮਣਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਤਂ ਚਿਤ੍ਤਂ ਤਸ੍ਸ ਚਿਤ੍ਤਸ੍ਸ ਆਰਮ੍ਮਣਨ੍ਤਿ? ਆਮਨ੍ਤਾ. ਤੇਨ ਫਸ੍ਸੇਨ ਤਂ ਫਸ੍ਸਂ ਫੁਸਤਿ, ਤਾਯ ਵੇਦਨਾਯ…ਪੇ… ਤਾਯ ਸਞ੍ਞਾਯ… ਤਾਯ ਚੇਤਨਾਯ… ਤੇਨ ਚਿਤ੍ਤੇਨ… ਤੇਨ ਵਿਤਕ੍ਕੇਨ… ਤੇਨ ਵਿਚਾਰੇਨ… ਤਾਯ ਪੀਤਿਯਾ… ਤਾਯ ਸਤਿਯਾ… ਤਾਯ ਪਞ੍ਞਾਯ ਤਂ ਪਞ੍ਞਂ ਪਜਾਨਾਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੭੫੦. ਅਤੀਤਂ ‘‘ਅਤੀਤ’’ਨ੍ਤਿ ਮਨਸਿਕਰੋਨ੍ਤੋ, ਅਨਾਗਤਂ ‘‘ਅਨਾਗਤ’’ਨ੍ਤਿ ਮਨਸਿ ਕਰੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤੀਤਂ ‘‘ਅਤੀਤ’’ਨ੍ਤਿ ਮਨਸਿਕਰੋਨ੍ਤੋ, ਅਨਾਗਤਂ ‘‘ਅਨਾਗਤ’’ਨ੍ਤਿ ਮਨਸਿ ਕਰੋਤੀਤਿ? ਆਮਨ੍ਤਾ. ਦ੍ਵਿਨ੍ਨਂ ਫਸ੍ਸਾਨਂ…ਪੇ… ਦ੍ਵਿਨ੍ਨਂ ਚਿਤ੍ਤਾਨਂ ਸਮੋਧਾਨਂ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਅਤੀਤਂ ‘‘ਅਤੀਤ’’ਨ੍ਤਿ ਮਨਸਿਕਰੋਨ੍ਤੋ, ਪਚ੍ਚੁਪ੍ਪਨ੍ਨਂ ‘‘ਪਚ੍ਚੁਪ੍ਪਨ੍ਨ’’ਨ੍ਤਿ ਮਨਸਿ ਕਰੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤੀਤਂ ‘‘ਅਤੀਤ’’ਨ੍ਤਿ ਮਨਸਿਕਰੋਨ੍ਤੋ, ਪਚ੍ਚੁਪ੍ਪਨ੍ਨਂ ‘‘ਪਚ੍ਚੁਪ੍ਪਨ੍ਨ’’ਨ੍ਤਿ ਮਨਸਿ ਕਰੋਤੀਤਿ? ਆਮਨ੍ਤਾ. ਦ੍ਵਿਨ੍ਨਂ ਫਸ੍ਸਾਨਂ…ਪੇ… ਦ੍ਵਿਨ੍ਨਂ ਚਿਤ੍ਤਾਨਂ ਸਮੋਧਾਨਂ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਅਤੀਤਂ ‘‘ਅਤੀਤ’’ਨ੍ਤਿ ਮਨਸਿਕਰੋਨ੍ਤੋ, ਅਨਾਗਤਂ ‘‘ਅਨਾਗਤ’’ਨ੍ਤਿ ਮਨਸਿ ਕਰੋਤਿ, ਪਚ੍ਚੁਪ੍ਪਨ੍ਨਂ ‘‘ਪਚ੍ਚੁਪ੍ਪਨ੍ਨ’’ਨ੍ਤਿ ਮਨਸਿ ਕਰੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤੀਤਂ ‘‘ਅਤੀਤ’’ਨ੍ਤਿ ਮਨਸਿਕਰੋਨ੍ਤੋ, ਅਨਾਗਤਂ ‘‘ਅਨਾਗਤ’’ਨ੍ਤਿ ਮਨਸਿ ਕਰੋਤਿ, ਪਚ੍ਚੁਪ੍ਪਨ੍ਨਂ ‘‘ਪਚ੍ਚੁਪ੍ਪਨ੍ਨ’’ਨ੍ਤਿ ਮਨਸਿ ਕਰੋਤੀਤਿ? ਆਮਨ੍ਤਾ. ਤਿਣ੍ਣਂ ਫਸ੍ਸਾਨਂ…ਪੇ… ਤਿਣ੍ਣਂ ਚਿਤ੍ਤਾਨਂ ਸਮੋਧਾਨਂ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੭੫੧. ਅਨਾਗਤਂ ‘‘ਅਨਾਗਤ’’ਨ੍ਤਿ ਮਨਸਿਕਰੋਨ੍ਤੋ, ਅਤੀਤਂ ‘‘ਅਤੀਤ’’ਨ੍ਤਿ ਮਨਸਿ ਕਰੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਨਾਗਤਂ ‘‘ਅਨਾਗਤ’’ਨ੍ਤਿ ਮਨਸਿਕਰੋਨ੍ਤੋ, ਅਤੀਤਂ ‘‘ਅਤੀਤ’’ਨ੍ਤਿ ਮਨਸਿ ਕਰੋਤੀਤਿ? ਆਮਨ੍ਤਾ. ਦ੍ਵਿਨ੍ਨਂ ਫਸ੍ਸਾਨਂ…ਪੇ… ਦ੍ਵਿਨ੍ਨਂ ਚਿਤ੍ਤਾਨਂ ਸਮੋਧਾਨਂ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਅਨਾਗਤਂ ‘‘ਅਨਾਗਤ’’ਨ੍ਤਿ ਮਨਸਿਕਰੋਨ੍ਤੋ, ਪਚ੍ਚੁਪ੍ਪਨ੍ਨਂ ‘‘ਪਚ੍ਚੁਪ੍ਪਨ੍ਨ’’ਨ੍ਤਿ ਮਨਸਿ ਕਰੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਨਾਗਤਂ ‘‘ਅਨਾਗਤ’’ਨ੍ਤਿ ਮਨਸਿਕਰੋਨ੍ਤੋ, ਪਚ੍ਚੁਪ੍ਪਨ੍ਨਂ ‘‘ਪਚ੍ਚੁਪ੍ਪਨ੍ਨ’’ਨ੍ਤਿ ਮਨਸਿ ਕਰੋਤੀਤਿ? ਆਮਨ੍ਤਾ. ਦ੍ਵਿਨ੍ਨਂ ਫਸ੍ਸਾਨਂ…ਪੇ… ਦ੍ਵਿਨ੍ਨਂ ਚਿਤ੍ਤਾਨਂ ਸਮੋਧਾਨਂ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਅਨਾਗਤਂ ‘‘ਅਨਾਗਤ’’ਨ੍ਤਿ ਮਨਸਿਕਰੋਨ੍ਤੋ, ਅਤੀਤਂ ‘‘ਅਤੀਤ’’ਨ੍ਤਿ ਮਨਸਿ ਕਰੋਤਿ, ਪਚ੍ਚੁਪ੍ਪਨ੍ਨਂ ‘‘ਪਚ੍ਚੁਪ੍ਪਨ੍ਨ’’ਨ੍ਤਿ ਮਨਸਿ ਕਰੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਨਾਗਤਂ ‘‘ਅਨਾਗਤ’’ਨ੍ਤਿ ਮਨਸਿਕਰੋਨ੍ਤੋ, ਅਤੀਤਂ ‘‘ਅਤੀਤ’’ਨ੍ਤਿ ਮਨਸਿ ਕਰੋਤਿ, ਪਚ੍ਚੁਪ੍ਪਨ੍ਨਂ ‘‘ਪਚ੍ਚੁਪ੍ਪਨ੍ਨ’’ਨ੍ਤਿ ਮਨਸਿ ਕਰੋਤੀਤਿ? ਆਮਨ੍ਤਾ. ਤਿਣ੍ਣਂ ਫਸ੍ਸਾਨਂ…ਪੇ… ਤਿਣ੍ਣਂ ਚਿਤ੍ਤਾਨਂ ਸਮੋਧਾਨਂ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੭੫੨. ਪਚ੍ਚੁਪ੍ਪਨ੍ਨਂ ‘‘ਪਚ੍ਚੁਪ੍ਪਨ੍ਨ’’ਨ੍ਤਿ ਮਨਸਿਕਰੋਨ੍ਤੋ, ਅਤੀਤਂ ‘‘ਅਤੀਤ’’ਨ੍ਤਿ ਮਨਸਿ ਕਰੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਪਚ੍ਚੁਪ੍ਪਨ੍ਨਂ ‘‘ਪਚ੍ਚੁਪ੍ਪਨ੍ਨ’’ਨ੍ਤਿ ਮਨਸਿਕਰੋਨ੍ਤੋ, ਅਤੀਤਂ ‘‘ਅਤੀਤ’’ਨ੍ਤਿ ਮਨਸਿ ਕਰੋਤੀਤਿ? ਆਮਨ੍ਤਾ. ਦ੍ਵਿਨ੍ਨਂ ਫਸ੍ਸਾਨਂ…ਪੇ… ਦ੍ਵਿਨ੍ਨਂ ਚਿਤ੍ਤਾਨਂ ਸਮੋਧਾਨਂ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਪਚ੍ਚੁਪ੍ਪਨ੍ਨਂ ‘‘ਪਚ੍ਚੁਪ੍ਪਨ੍ਨ’’ਨ੍ਤਿ ਮਨਸਿਕਰੋਨ੍ਤੋ, ਅਨਾਗਤਂ ‘‘ਅਨਾਗਤ’’ਨ੍ਤਿ ਮਨਸਿ ਕਰੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਪਚ੍ਚੁਪ੍ਪਨ੍ਨਂ ‘‘ਪਚ੍ਚੁਪ੍ਪਨ੍ਨ’’ਨ੍ਤਿ ਮਨਸਿਕਰੋਨ੍ਤੋ, ਅਨਾਗਤਂ ‘‘ਅਨਾਗਤ’’ਨ੍ਤਿ ਮਨਸਿ ਕਰੋਤੀਤਿ? ਆਮਨ੍ਤਾ. ਦ੍ਵਿਨ੍ਨਂ ਫਸ੍ਸਾਨਂ…ਪੇ… ਦ੍ਵਿਨ੍ਨਂ ਚਿਤ੍ਤਾਨਂ ਸਮੋਧਾਨਂ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਪਚ੍ਚੁਪ੍ਪਨ੍ਨਂ ‘‘ਪਚ੍ਚੁਪ੍ਪਨ੍ਨ’’ਨ੍ਤਿ ਮਨਸਿਕਰੋਨ੍ਤੋ, ਅਤੀਤਂ ‘‘ਅਤੀਤ’’ਨ੍ਤਿ ਮਨਸਿ ਕਰੋਤਿ, ਅਨਾਗਤਂ ‘‘ਅਨਾਗਤ’’ਨ੍ਤਿ ਮਨਸਿ ਕਰੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਪਚ੍ਚੁਪ੍ਪਨ੍ਨਂ ‘‘ਪਚ੍ਚੁਪ੍ਪਨ੍ਨ’’ਨ੍ਤਿ ਮਨਸਿਕਰੋਨ੍ਤੋ, ਅਤੀਤਂ ‘‘ਅਤੀਤ’’ਨ੍ਤਿ ਮਨਸਿ ਕਰੋਤਿ, ਅਨਾਗਤਂ ‘‘ਅਨਾਗਤ’’ਨ੍ਤਿ ਮਨਸਿ ਕਰੋਤੀਤਿ? ਆਮਨ੍ਤਾ. ਤਿਣ੍ਣਂ ਫਸ੍ਸਾਨਂ…ਪੇ… ਤਿਣ੍ਣਂ ਚਿਤ੍ਤਾਨਂ ਸਮੋਧਾਨਂ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੭੫੩. ਨ ਵਤ੍ਤਬ੍ਬਂ – ‘‘ਅਧਿਗਯ੍ਹ ਮਨਸਿ ਕਰੋਤੀ’’ਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ –
‘‘ਸਬ੍ਬੇ ਸਙ੍ਖਾਰਾ ਅਨਿਚ੍ਚਾਤਿ, ਯਦਾ ਪਞ੍ਞਾਯ ਪਸ੍ਸਤਿ;
ਅਥ ਨਿਬ੍ਬਿਨ੍ਦਤਿ ਦੁਕ੍ਖੇ, ਏਸ ਮਗ੍ਗੋ ਵਿਸੁਦ੍ਧਿਯਾ.
‘‘ਸਬ੍ਬੇ ਸਙ੍ਖਾਰਾ ਦੁਕ੍ਖਾਤਿ, ਯਦਾ ਪਞ੍ਞਾਯ ਪਸ੍ਸਤਿ;
ਅਥ ਨਿਬ੍ਬਿਨ੍ਦਤਿ ਦੁਕ੍ਖੇ, ਏਸ ਮਗ੍ਗੋ ਵਿਸੁਦ੍ਧਿਯਾ.
‘‘ਸਬ੍ਬੇ ਧਮ੍ਮਾ ਅਨਤ੍ਤਾਤਿ, ਯਦਾ ਪਞ੍ਞਾਯ ਪਸ੍ਸਤਿ;
ਅਥ ਨਿਬ੍ਬਿਨ੍ਦਤਿ ਦੁਕ੍ਖੇ, ਏਸ ਮਗ੍ਗੋ ਵਿਸੁਦ੍ਧਿਯਾ’’ਤਿ [ਧ. ਪ. ੨੭੭-੨੭੯].
ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਅਧਿਗਯ੍ਹ ਮਨਸਿ ਕਰੋਤੀਤਿ.
ਅਧਿਗਯ੍ਹਮਨਸਿਕਾਰਕਥਾ ਨਿਟ੍ਠਿਤਾ.
੧੬. ਸੋਲ਼ਸਮਵਗ੍ਗੋ
(੧੬੦) ੫. ਰੂਪਂ ਹੇਤੂਤਿਕਥਾ
੭੫੪. ਰੂਪਂ ਹੇਤੂਤਿ? ਆਮਨ੍ਤਾ. ਅਲੋਭੋ ਹੇਤੂਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਦੋਸੋ ਹੇਤੁ…ਪੇ… ਅਮੋਹੋ ਹੇਤੁ… ਲੋਭੋ ਹੇਤੁ… ਦੋਸੋ ਹੇਤੁ… ਮੋਹੋ ਹੇਤੂਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਰੂਪਂ ਹੇਤੂਤਿ? ਆਮਨ੍ਤਾ. ਸਾਰਮ੍ਮਣਂ, ਅਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਨਨੁ ਅਨਾਰਮ੍ਮਣਂ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਹਞ੍ਚਿ ਅਨਾਰਮ੍ਮਣਂ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਰੂਪਂ ਹੇਤੂ’’ਤਿ.
੭੫੫. ਅਲੋਭੋ ਹੇਤੁ ਸਾਰਮ੍ਮਣੋ, ਅਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਰੂਪਂ ਹੇਤੁ ਸਾਰਮ੍ਮਣਂ, ਅਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਦੋਸੋ ਹੇਤੁ… ਅਮੋਹੋ ਹੇਤੁ… ਲੋਭੋ ਹੇਤੁ… ਦੋਸੋ ਹੇਤੁ… ਮੋਹੋ ਹੇਤੁ ਸਾਰਮ੍ਮਣੋ, ਅਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਰੂਪਂ ਹੇਤੁ ਸਾਰਮ੍ਮਣਂ, ਅਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਰੂਪਂ ਹੇਤੁ ਅਨਾਰਮ੍ਮਣਂ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਅਲੋਭੋ ਹੇਤੁ ਅਨਾਰਮ੍ਮਣੋ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਰੂਪਂ ਹੇਤੁ ਅਨਾਰਮ੍ਮਣਂ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਅਦੋਸੋ ਹੇਤੁ… ਅਮੋਹੋ ਹੇਤੁ… ਲੋਭੋ ਹੇਤੁ… ਦੋਸੋ ਹੇਤੁ… ਮੋਹੋ ਹੇਤੁ ਅਨਾਰਮ੍ਮਣੋ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੭੫੬. ਨ ਵਤ੍ਤਬ੍ਬਂ – ‘‘ਰੂਪਂ ਹੇਤੂ’’ਤਿ? ਆਮਨ੍ਤਾ. ਨਨੁ ਮਹਾਭੂਤਾ ਉਪਾਦਾਯਰੂਪਾਨਂ [ਉਪਾਦਾਰੂਪਾਨਂ (ਸੀ. ਪੀ. ਕ.)] ਉਪਾਦਾਯਹੇਤੂਤਿ? ਆਮਨ੍ਤਾ. ਹਞ੍ਚਿ ਮਹਾਭੂਤਾ ਉਪਾਦਾਯਰੂਪਾਨਂ ਉਪਾਦਾਯਹੇਤੁ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਰੂਪਂ ਹੇਤੂ’’ਤਿ.
ਰੂਪਂ ਹੇਤੂਤਿਕਥਾ ਨਿਟ੍ਠਿਤਾ.
੧੬. ਸੋਲ਼ਸਮਵਗ੍ਗੋ
(੧੬੧) ੬. ਰੂਪਂ ਸਹੇਤੁਕਨ੍ਤਿਕਥਾ
੭੫੭. ਰੂਪਂ ਸਹੇਤੁਕਨ੍ਤਿ? ਆਮਨ੍ਤਾ. ਅਲੋਭਹੇਤੁਨਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਦੋਸਹੇਤੁਨਾਤਿ …ਪੇ… ਅਮੋਹਹੇਤੁਨਾਤਿ…ਪੇ… ਲੋਭਹੇਤੁਨਾ…ਪੇ… ਦੋਸਹੇਤੁਨਾ…ਪੇ… ਮੋਹਹੇਤੁਨਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਰੂਪਂ ਸਹੇਤੁਕਨ੍ਤਿ? ਆਮਨ੍ਤਾ. ਸਾਰਮ੍ਮਣਂ, ਅਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਨਨੁ ਅਨਾਰਮ੍ਮਣਂ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਹਞ੍ਚਿ ਅਨਾਰਮ੍ਮਣਂ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਰੂਪਂ ਸਹੇਤੁਕ’’ਨ੍ਤਿ.
੭੫੮. ਅਲੋਭੋ ਸਹੇਤੁਕੋ ਸਾਰਮ੍ਮਣੋ, ਅਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਰੂਪਂ ਸਹੇਤੁਕਂ ਸਾਰਮ੍ਮਣਂ, ਅਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਦੋਸੋ ਸਹੇਤੁਕੋ…ਪੇ… ਅਮੋਹੋ… ਸਦ੍ਧਾ… ਵੀਰਿਯਂ… ਸਤਿ… ਸਮਾਧਿ… ਪਞ੍ਞਾ… ਲੋਭੋ… ਦੋਸੋ… ਮੋਹੋ… ਮਾਨੋ… ਦਿਟ੍ਠਿ… ਵਿਚਿਕਿਚ੍ਛਾ… ਥਿਨਂ… ਉਦ੍ਧਚ੍ਚਂ… ਅਹਿਰਿਕਂ… ਅਨੋਤ੍ਤਪ੍ਪਂ ਸਹੇਤੁਕਂ ਸਾਰਮ੍ਮਣਂ, ਅਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਰੂਪਂ ਸਹੇਤੁਕਂ ਸਾਰਮ੍ਮਣਂ, ਅਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਰੂਪਂ ਸਹੇਤੁਕਂ ਅਨਾਰਮ੍ਮਣਂ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਅਲੋਭੋ ਸਹੇਤੁਕੋ ਅਨਾਰਮ੍ਮਣੋ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਰੂਪਂ ਸਹੇਤੁਕਂ ਅਨਾਰਮ੍ਮਣਂ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਅਦੋਸੋ ਸਹੇਤੁਕੋ…ਪੇ… ਅਨੋਤ੍ਤਪ੍ਪਂ ਸਹੇਤੁਕਂ ਅਨਾਰਮ੍ਮਣਂ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੭੫੯. ਨ ਵਤ੍ਤਬ੍ਬਂ – ‘‘ਰੂਪਂ ਸਹੇਤੁਕ’’ਨ੍ਤਿ? ਆਮਨ੍ਤਾ. ਨਨੁ ਰੂਪਂ ਸਪ੍ਪਚ੍ਚਯਨ੍ਤਿ? ਆਮਨ੍ਤਾ. ਹਞ੍ਚਿ ਰੂਪਂ ਸਪ੍ਪਚ੍ਚਯਂ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਰੂਪਂ ਸਹੇਤੁਕ’’ਨ੍ਤਿ.
ਰੂਪਂ ਸਹੇਤੁਕਨ੍ਤਿਕਥਾ ਨਿਟ੍ਠਿਤਾ.
੧੬. ਸੋਲ਼ਸਮਵਗ੍ਗੋ
(੧੬੨) ੭. ਰੂਪਂ ਕੁਸਲਾਕੁਸਲਨ੍ਤਿਕਥਾ
੭੬੦. ਰੂਪਂ ਕੁਸਲਨ੍ਤਿ? ਆਮਨ੍ਤਾ. ਸਾਰਮ੍ਮਣਂ, ਅਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਨਨੁ ਅਨਾਰਮ੍ਮਣਂ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਹਞ੍ਚਿ ਅਨਾਰਮ੍ਮਣਂ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਰੂਪਂ ਕੁਸਲ’’ਨ੍ਤਿ.
੭੬੧. ਅਲੋਭੋ ਕੁਸਲੋ ਸਾਰਮ੍ਮਣੋ, ਅਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਰੂਪਂ ਕੁਸਲਂ ਸਾਰਮ੍ਮਣਂ, ਅਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਅਦੋਸੋ ਕੁਸਲੋ…ਪੇ… ਅਮੋਹੋ ਕੁਸਲੋ…ਪੇ… ਸਦ੍ਧਾ… ਵੀਰਿਯਂ… ਸਤਿ… ਸਮਾਧਿ…ਪੇ… ਪਞ੍ਞਾ ਕੁਸਲਾ ਸਾਰਮ੍ਮਣਾ, ਅਤ੍ਥਿ ਤਾਯ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਰੂਪਂ ਕੁਸਲਂ ਸਾਰਮ੍ਮਣਂ, ਅਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਰੂਪਂ ਕੁਸਲਂ ਅਨਾਰਮ੍ਮਣਂ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਅਲੋਭੋ ਕੁਸਲੋ ਅਨਾਰਮ੍ਮਣੋ, ਨਤ੍ਥਿ ਤਸ੍ਸ ਆਵਟ੍ਟਨਾ …ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਰੂਪਂ ਕੁਸਲਂ ਅਨਾਰਮ੍ਮਣਂ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਅਦੋਸੋ ਕੁਸਲੋ…ਪੇ… ਪਞ੍ਞਾ ਕੁਸਲਾ ਅਨਾਰਮ੍ਮਣਾ, ਨਤ੍ਥਿ ਤਾਯ ਆਵਟ੍ਟਨਾ…ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੭੬੨. ਰੂਪਂ ਅਕੁਸਲਨ੍ਤਿ? ਆਮਨ੍ਤਾ. ਸਾਰਮ੍ਮਣਂ, ਅਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਨਨੁ ਅਨਾਰਮ੍ਮਣਂ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਹਞ੍ਚਿ ਅਨਾਰਮ੍ਮਣਂ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਰੂਪਂ ਅਕੁਸਲ’’ਨ੍ਤਿ…ਪੇ….
੭੬੩. ਲੋਭੋ ਅਕੁਸਲੋ ਸਾਰਮ੍ਮਣੋ, ਅਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਰੂਪਂ ਅਕੁਸਲਂ ਸਾਰਮ੍ਮਣਂ, ਅਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਦੋਸੋ… ਮੋਹੋ… ਮਾਨੋ…ਪੇ… ਅਨੋਤ੍ਤਪ੍ਪਂ ਅਕੁਸਲਂ ਸਾਰਮ੍ਮਣਂ, ਅਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਰੂਪਂ ਅਕੁਸਲਂ ਸਾਰਮ੍ਮਣਂ, ਅਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਰੂਪਂ ਅਕੁਸਲਂ ਅਨਾਰਮ੍ਮਣਂ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਲੋਭੋ ਅਕੁਸਲੋ ਅਨਾਰਮ੍ਮਣੋ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਰੂਪਂ ਅਕੁਸਲਂ ਅਨਾਰਮ੍ਮਣਂ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਦੋਸੋ… ਮੋਹੋ…ਪੇ… ਅਨੋਤ੍ਤਪ੍ਪਂ ਅਕੁਸਲਂ ਅਨਾਰਮ੍ਮਣਂ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੭੬੪. ਨ ਵਤ੍ਤਬ੍ਬਂ – ‘‘ਰੂਪਂ ਕੁਸਲਮ੍ਪਿ ਅਕੁਸਲਮ੍ਪੀ’’ਤਿ? ਆਮਨ੍ਤਾ. ਨਨੁ ਕਾਯਕਮ੍ਮਂ ਵਚੀਕਮ੍ਮਂ ਕੁਸਲਮ੍ਪਿ ਅਕੁਸਲਮ੍ਪੀਤਿ? ਆਮਨ੍ਤਾ. ਹਞ੍ਚਿ ਕਾਯਕਮ੍ਮਂ ਵਚੀਕਮ੍ਮਂ ਕੁਸਲਮ੍ਪਿ ਅਕੁਸਲਮ੍ਪਿ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਰੂਪਂ ਕੁਸਲਮ੍ਪਿ ਅਕੁਸਲਮ੍ਪੀ’’ਤਿ.
ਰੂਪਂ ਕੁਸਲਾਕੁਸਲਨ੍ਤਿਕਥਾ ਨਿਟ੍ਠਿਤਾ.
੧੬. ਸੋਲ਼ਸਮਵਗ੍ਗੋ
(੧੬੩) ੮. ਰੂਪਂ ਵਿਪਾਕੋਤਿਕਥਾ
੭੬੫. ਰੂਪਂ ਵਿਪਾਕੋਤਿ? ਆਮਨ੍ਤਾ. ਰੂਪਂ ਸੁਖਵੇਦਨਿਯਂ ਦੁਕ੍ਖਵੇਦਨਿਯਂ ਅਦੁਕ੍ਖਮਸੁਖਵੇਦਨਿਯਂ, ਸੁਖਾਯ ਵੇਦਨਾਯ ਸਮ੍ਪਯੁਤ੍ਤਂ, ਦੁਕ੍ਖਾਯ ਵੇਦਨਾਯ ਸਮ੍ਪਯੁਤ੍ਤਂ, ਅਦੁਕ੍ਖਮਸੁਖਾਯ ਵੇਦਨਾਯ ਸਮ੍ਪਯੁਤ੍ਤਂ, ਫਸ੍ਸੇਨ ਸਮ੍ਪਯੁਤ੍ਤਂ…ਪੇ… ਚਿਤ੍ਤੇਨ ਸਮ੍ਪਯੁਤ੍ਤਂ, ਸਾਰਮ੍ਮਣਂ, ਅਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਨਨੁ ਨ ਸੁਖਵੇਦਨਿਯਂ ਨ ਦੁਕ੍ਖਵੇਦਨਿਯਂ…ਪੇ… ਅਨਾਰਮ੍ਮਣਂ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਹਞ੍ਚਿ ਨ ਸੁਖਵੇਦਨਿਯਂ ਨ ਦੁਕ੍ਖਵੇਦਨਿਯਂ…ਪੇ… ਅਨਾਰਮ੍ਮਣਂ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਰੂਪਂ ਵਿਪਾਕੋ’’ਤਿ.
੭੬੬. ਫਸ੍ਸੋ ਵਿਪਾਕੋ, ਫਸ੍ਸੋ ਸੁਖਵੇਦਨਿਯੋ ਦੁਕ੍ਖਵੇਦਨਿਯੋ…ਪੇ… ਸਾਰਮ੍ਮਣੋ, ਅਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਰੂਪਂ ਵਿਪਾਕੋ, ਰੂਪਂ ਸੁਖਵੇਦਨਿਯਂ ਦੁਕ੍ਖਵੇਦਨਿਯਂ…ਪੇ… ਸਾਰਮ੍ਮਣਂ, ਅਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਰੂਪਂ ਵਿਪਾਕੋ, ਰੂਪਂ ਨ ਸੁਖਵੇਦਨਿਯਂ ਨ ਦੁਕ੍ਖਵੇਦਨਿਯਂ…ਪੇ… ਅਨਾਰਮ੍ਮਣਂ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਫਸ੍ਸੋ ਵਿਪਾਕੋ, ਫਸ੍ਸੋ ਨ ਸੁਖਵੇਦਨਿਯੋ ਨ ਦੁਕ੍ਖਵੇਦਨਿਯੋ…ਪੇ… ਅਨਾਰਮ੍ਮਣੋ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੭੬੭. ਨ ਵਤ੍ਤਬ੍ਬਂ – ‘‘ਰੂਪਂ ਵਿਪਾਕੋ’’ਤਿ? ਆਮਨ੍ਤਾ. ਨਨੁ ਕਮ੍ਮਸ੍ਸ ਕਤਤ੍ਤਾ ਉਪ੍ਪਨ੍ਨਾ ਚਿਤ੍ਤਚੇਤਸਿਕਾ ਧਮ੍ਮਾ ਵਿਪਾਕੋਤਿ? ਆਮਨ੍ਤਾ. ਹਞ੍ਚਿ ਕਮ੍ਮਸ੍ਸ ਕਤਤ੍ਤਾ ਉਪ੍ਪਨ੍ਨਾ ਚਿਤ੍ਤਚੇਤਸਿਕਾ ਧਮ੍ਮਾ ਵਿਪਾਕੋ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਕਮ੍ਮਸ੍ਸ ਕਤਤ੍ਤਾ ਉਪ੍ਪਨ੍ਨਂ ਰੂਪਂ ਵਿਪਾਕੋ’’ਤਿ.
ਰੂਪਂ ਵਿਪਾਕੋਤਿਕਥਾ ਨਿਟ੍ਠਿਤਾ.
੧੬. ਸੋਲ਼ਸਮਵਗ੍ਗੋ
(੧੬੪) ੯. ਰੂਪਂ ਰੂਪਾਵਚਰਾਰੂਪਾਵਚਰਨ੍ਤਿਕਥਾ
੭੬੮. ਅਤ੍ਥਿ ਰੂਪਂ ਰੂਪਾਵਚਰਨ੍ਤਿ? ਆਮਨ੍ਤਾ. ਸਮਾਪਤ੍ਤੇਸਿਯਂ ਉਪਪਤ੍ਤੇਸਿਯਂ ਦਿਟ੍ਠਧਮ੍ਮਸੁਖਵਿਹਾਰਂ, ਸਮਾਪਤ੍ਤੇਸਿਯੇਨ ਚਿਤ੍ਤੇਨ ਉਪਪਤ੍ਤੇਸਿਯੇਨ ਚਿਤ੍ਤੇਨ ਦਿਟ੍ਠਧਮ੍ਮਸੁਖਵਿਹਾਰੇਨ ਚਿਤ੍ਤੇਨ ਸਹਗਤਂ ਸਹਜਾਤਂ ਸਂਸਟ੍ਠਂ ਸਮ੍ਪਯੁਤ੍ਤਂ ਏਕੁਪ੍ਪਾਦਂ ਏਕਨਿਰੋਧਂ ਏਕਵਤ੍ਥੁਕਂ ਏਕਾਰਮ੍ਮਣਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਨਨੁ ਨ ਸਮਾਪਤ੍ਤੇਸਿਯਂ ਨ ਉਪਪਤ੍ਤੇਸਿਯਂ ਨ ਦਿਟ੍ਠਧਮ੍ਮਸੁਖਵਿਹਾਰਂ, ਨ ਸਮਾਪਤ੍ਤੇਸਿਯੇਨ ਚਿਤ੍ਤੇਨ ਨ ਉਪਪਤ੍ਤੇਸਿਯੇਨ ਚਿਤ੍ਤੇਨ ਨ ਦਿਟ੍ਠਧਮ੍ਮਸੁਖਵਿਹਾਰੇਨ ਚਿਤ੍ਤੇਨ ਸਹਗਤਂ ਸਹਜਾਤਂ ਸਂਸਟ੍ਠਂ ਸਮ੍ਪਯੁਤ੍ਤਂ ਏਕੁਪ੍ਪਾਦਂ ਏਕਨਿਰੋਧਂ ਏਕਵਤ੍ਥੁਕਂ ਏਕਾਰਮ੍ਮਣਨ੍ਤਿ? ਆਮਨ੍ਤਾ. ਹਞ੍ਚਿ ਨ ਸਮਾਪਤ੍ਤੇਸਿਯਂ ਨ ਉਪਪਤ੍ਤੇਸਿਯਂ ਨ ਦਿਟ੍ਠਧਮ੍ਮਸੁਖਵਿਹਾਰਂ, ਨ ਸਮਾਪਤ੍ਤੇਸਿਯੇਨ ਚਿਤ੍ਤੇਨ…ਪੇ… ਏਕਾਰਮ੍ਮਣਂ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਤ੍ਥਿ ਰੂਪਂ ਰੂਪਾਵਚਰ’’ਨ੍ਤਿ.
੭੬੯. ਅਤ੍ਥਿ ਰੂਪਂ ਅਰੂਪਾਵਚਰਨ੍ਤਿ? ਆਮਨ੍ਤਾ. ਸਮਾਪਤ੍ਤੇਸਿਯਂ ਉਪਪਤ੍ਤੇਸਿਯਂ ਦਿਟ੍ਠਧਮ੍ਮਸੁਖਵਿਹਾਰਂ, ਸਮਾਪਤ੍ਤੇਸਿਯੇਨ ਚਿਤ੍ਤੇਨ ਉਪਪਤ੍ਤੇਸਿਯੇਨ ਚਿਤ੍ਤੇਨ ਦਿਟ੍ਠਧਮ੍ਮਸੁਖਵਿਹਾਰੇਨ ਚਿਤ੍ਤੇਨ ਸਹਗਤਂ ਸਹਜਾਤਂ ਸਂਸਟ੍ਠਂ ਸਮ੍ਪਯੁਤ੍ਤਂ ਏਕੁਪ੍ਪਾਦਂ ਏਕਨਿਰੋਧਂ ਏਕਵਤ੍ਥੁਕਂ ਏਕਾਰਮ੍ਮਣਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਨਨੁ ਨ ਸਮਾਪਤ੍ਤੇਸਿਯਂ ਨ ਉਪਪਤ੍ਤੇਸਿਯਂ ਨ ਦਿਟ੍ਠਧਮ੍ਮਸੁਖਵਿਹਾਰਂ, ਨ ਸਮਾਪਤ੍ਤੇਸਿਯੇਨ ਚਿਤ੍ਤੇਨ …ਪੇ… ਏਕਾਰਮ੍ਮਣਨ੍ਤਿ? ਆਮਨ੍ਤਾ. ਹਞ੍ਚਿ ਨ ਸਮਾਪਤ੍ਤੇਸਿਯਂ ਨ ਉਪਪਤ੍ਤੇਸਿਯਂ…ਪੇ… ਏਕਵਤ੍ਥੁਕਂ ਏਕਾਰਮ੍ਮਣਂ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਤ੍ਥਿ ਰੂਪਂ ਅਰੂਪਾਵਚਰ’’ਨ੍ਤਿ.
੭੭੦. ਨ ਵਤ੍ਤਬ੍ਬਂ – ‘‘ਅਤ੍ਥਿ ਰੂਪਂ ਰੂਪਾਵਚਰਂ, ਅਤ੍ਥਿ ਰੂਪਂ ਅਰੂਪਾਵਚਰ’’ਨ੍ਤਿ? ਆਮਨ੍ਤਾ. ਨਨੁ ਕਾਮਾਵਚਰਕਮ੍ਮਸ੍ਸ ਕਤਤ੍ਤਾ ਰੂਪਂ ਕਾਮਾਵਚਰਨ੍ਤਿ? ਆਮਨ੍ਤਾ. ਹਞ੍ਚਿ ਕਾਮਾਵਚਰਕਮ੍ਮਸ੍ਸ ਕਤਤ੍ਤਾ ਰੂਪਂ ਕਾਮਾਵਚਰਂ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਰੂਪਾਵਚਰਕਮ੍ਮਸ੍ਸ ਕਤਤ੍ਤਾ ਰੂਪਂ ਰੂਪਾਵਚਰਂ, ਅਰੂਪਾਵਚਰਕਮ੍ਮਸ੍ਸ ਕਤਤ੍ਤਾ ਰੂਪਂ ਅਰੂਪਾਵਚਰ’’ਨ੍ਤਿ.
ਰੂਪਂ ਰੂਪਾਵਚਰਾਰੂਪਾਵਚਰਨ੍ਤਿਕਥਾ ਨਿਟ੍ਠਿਤਾ.
੧੬. ਸੋਲ਼ਸਮਵਗ੍ਗੋ
(੧੬੫) ੧੦. ਰੂਪਾਰੂਪਧਾਤੁਪਰਿਯਾਪਨ੍ਨਕਥਾ
੭੭੧. ਰੂਪਰਾਗੋ ਰੂਪਧਾਤੁਪਰਿਯਾਪਨ੍ਨੋਤਿ? ਆਮਨ੍ਤਾ. ਸਮਾਪਤ੍ਤੇਸਿਯੋ ਉਪਪਤ੍ਤੇਸਿਯੋ ਦਿਟ੍ਠਧਮ੍ਮਸੁਖਵਿਹਾਰੋ, ਸਮਾਪਤ੍ਤੇਸਿਯੇਨ ਚਿਤ੍ਤੇਨ ਉਪਪਤ੍ਤੇਸਿਯੇਨ ਚਿਤ੍ਤੇਨ ਦਿਟ੍ਠਧਮ੍ਮਸੁਖਵਿਹਾਰੇਨ ਚਿਤ੍ਤੇਨ ਸਹਗਤੋ ਸਹਜਾਤੋ ਸਂਸਟ੍ਠੋ ਸਮ੍ਪਯੁਤ੍ਤੋ ਏਕੁਪ੍ਪਾਦੋ ਏਕਨਿਰੋਧੋ ਏਕਵਤ੍ਥੁਕੋ ਏਕਾਰਮ੍ਮਣੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਨਨੁ ਨ ਸਮਾਪਤ੍ਤੇਸਿਯੋ ਨ ਉਪਪਤ੍ਤੇਸਿਯੋ ਨ ਦਿਟ੍ਠਧਮ੍ਮਸੁਖਵਿਹਾਰੋ, ਨ ਸਮਾਪਤ੍ਤੇਸਿਯੇਨ ਚਿਤ੍ਤੇਨ…ਪੇ… ਏਕਵਤ੍ਥੁਕੋ ਏਕਾਰਮ੍ਮਣੋਤਿ? ਆਮਨ੍ਤਾ. ਹਞ੍ਚਿ ਨ ਸਮਾਪਤ੍ਤੇਸਿਯੋ ਨ ਉਪਪਤ੍ਤੇਸਿਯੋ ਨ ਦਿਟ੍ਠਧਮ੍ਮਸੁਖਵਿਹਾਰੋ, ਨ ਸਮਾਪਤ੍ਤੇਸਿਯੇਨ ਚਿਤ੍ਤੇਨ…ਪੇ… ਏਕਵਤ੍ਥੁਕੋ ਏਕਾਰਮ੍ਮਣੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਰੂਪਰਾਗੋ ਰੂਪਧਾਤੁਪਰਿਯਾਪਨ੍ਨੋ’’ਤਿ.
੭੭੨. ਰੂਪਰਾਗੋ ਰੂਪਧਾਤੁਪਰਿਯਾਪਨ੍ਨੋਤਿ? ਆਮਨ੍ਤਾ. ਸਦ੍ਦਰਾਗੋ ਸਦ੍ਦਧਾਤੁਪਰਿਯਾਪਨ੍ਨੋਤਿ? ਨ ਹੇਵਂ ਵਤ੍ਤਬ੍ਬੇ …ਪੇ… ਰੂਪਰਾਗੋ ਰੂਪਧਾਤੁਪਰਿਯਾਪਨ੍ਨੋਤਿ? ਆਮਨ੍ਤਾ. ਗਨ੍ਧਰਾਗੋ…ਪੇ… ਰਸਰਾਗੋ…ਪੇ… ਫੋਟ੍ਠਬ੍ਬਰਾਗੋ ਫੋਟ੍ਠਬ੍ਬਧਾਤੁਪਰਿਯਾਪਨ੍ਨੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਸਦ੍ਦਰਾਗੋ ਨ ਵਤ੍ਤਬ੍ਬਂ – ‘‘ਸਦ੍ਦਧਾਤੁਪਰਿਯਾਪਨ੍ਨੋ’’ਤਿ? ਆਮਨ੍ਤਾ. ਰੂਪਰਾਗੋ ਨ ਵਤ੍ਤਬ੍ਬਂ – ‘‘ਰੂਪਧਾਤੁਪਰਿਯਾਪਨ੍ਨੋ’’ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਗਨ੍ਧਰਾਗੋ…ਪੇ… ਰਸਰਾਗੋ…ਪੇ… ਫੋਟ੍ਠਬ੍ਬਰਾਗੋ ਨ ਵਤ੍ਤਬ੍ਬਂ – ‘‘ਫੋਟ੍ਠਬ੍ਬਧਾਤੁਪਰਿਯਾਪਨ੍ਨੋ’’ਤਿ? ਆਮਨ੍ਤਾ. ਰੂਪਰਾਗੋ ਨ ਵਤ੍ਤਬ੍ਬਂ – ‘‘ਰੂਪਧਾਤੁਪਰਿਯਾਪਨ੍ਨੋ’’ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੭੭੩. ਅਰੂਪਰਾਗੋ ਅਰੂਪਧਾਤੁਪਰਿਯਾਪਨ੍ਨੋਤਿ? ਆਮਨ੍ਤਾ. ਅਰੂਪਰਾਗੋ ਨ ਵਤ੍ਤਬ੍ਬਂ – ‘‘ਅਰੂਪਧਾਤੁਪਰਿਯਾਪਨ੍ਨੋ’’ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਰੂਪਰਾਗੋ ਅਰੂਪਧਾਤੁਪਰਿਯਾਪਨ੍ਨੋਤਿ? ਆਮਨ੍ਤਾ. ਸਮਾਪਤ੍ਤੇਸਿਯੋ ਉਪਪਤ੍ਤੇਸਿਯੋ ਦਿਟ੍ਠਧਮ੍ਮਸੁਖਵਿਹਾਰੋ, ਸਮਾਪਤ੍ਤੇਸਿਯੇਨ ਚਿਤ੍ਤੇਨ ਉਪਪਤ੍ਤੇਸਿਯੇਨ ਚਿਤ੍ਤੇਨ ਦਿਟ੍ਠਧਮ੍ਮਸੁਖਵਿਹਾਰੇਨ ਚਿਤ੍ਤੇਨ ਸਹਗਤੋ ਸਹਜਾਤੋ ਸਂਸਟ੍ਠੋ ਸਮ੍ਪਯੁਤ੍ਤੋ ਏਕੁਪ੍ਪਾਦੋ ਏਕਨਿਰੋਧੋ ਏਕਵਤ੍ਥੁਕੋ ਏਕਾਰਮ੍ਮਣੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਨਨੁ ਨ ਸਮਾਪਤ੍ਤੇਸਿਯੋ ਨ ਉਪਪਤ੍ਤੇਸਿਯੋ ਨ ਦਿਟ੍ਠਧਮ੍ਮਸੁਖਵਿਹਾਰੋ, ਨ ਸਮਾਪਤ੍ਤੇਸਿਯੇਨ ਚਿਤ੍ਤੇਨ…ਪੇ… ਏਕਵਤ੍ਥੁਕੋ ਏਕਾਰਮ੍ਮਣੋਤਿ? ਆਮਨ੍ਤਾ. ਹਞ੍ਚਿ ਨ ਸਮਾਪਤ੍ਤੇਸਿਯੋ ਨ ਉਪਪਤ੍ਤੇਸਿਯੋ ਨ ਦਿਟ੍ਠਧਮ੍ਮਸੁਖਵਿਹਾਰੋ, ਨ ਸਮਾਪਤ੍ਤੇਸਿਯੇਨ ਚਿਤ੍ਤੇਨ ਨ ਉਪਪਤ੍ਤੇਸਿਯੇਨ ਚਿਤ੍ਤੇਨ ਨ ਦਿਟ੍ਠਧਮ੍ਮਸੁਖਵਿਹਾਰੇਨ ਚਿਤ੍ਤੇਨ ਸਹਗਤੋ ਸਹਜਾਤੋ ਸਂਸਟ੍ਠੋ ਸਮ੍ਪਯੁਤ੍ਤੋ ਏਕੁਪ੍ਪਾਦੋ ਏਕਨਿਰੋਧੋ ਏਕਵਤ੍ਥੁਕੋ ਏਕਾਰਮ੍ਮਣੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਰੂਪਰਾਗੋ ਅਰੂਪਧਾਤੁਪਰਿਯਾਪਨ੍ਨੋ’’ਤਿ.
੭੭੪. ਅਰੂਪਰਾਗੋ ਅਰੂਪਧਾਤੁਪਰਿਯਾਪਨ੍ਨੋਤਿ? ਆਮਨ੍ਤਾ. ਸਦ੍ਦਰਾਗੋ ਸਦ੍ਦਧਾਤੁਪਰਿਯਾਪਨ੍ਨੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਰੂਪਰਾਗੋ ਅਰੂਪਧਾਤੁਪਰਿਯਾਪਨ੍ਨੋਤਿ? ਆਮਨ੍ਤਾ. ਗਨ੍ਧਰਾਗੋ…ਪੇ… ਰਸਰਾਗੋ…ਪੇ… ਫੋਟ੍ਠਬ੍ਬਰਾਗੋ ਫੋਟ੍ਠਬ੍ਬਧਾਤੁਪਰਿਯਾਪਨ੍ਨੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਸਦ੍ਦਰਾਗੋ ਨ ਵਤ੍ਤਬ੍ਬਂ – ‘‘ਸਦ੍ਦਧਾਤੁਪਰਿਯਾਪਨ੍ਨੋ’’ਤਿ? ਆਮਨ੍ਤਾ. ਅਰੂਪਰਾਗੋ ਨ ਵਤ੍ਤਬ੍ਬਂ – ‘‘ਅਰੂਪਧਾਤੁਪਰਿਯਾਪਨ੍ਨੋ’’ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਗਨ੍ਧਰਾਗੋ…ਪੇ… ਰਸਰਾਗੋ…ਪੇ… ਫੋਟ੍ਠਬ੍ਬਰਾਗੋ ਨ ਵਤ੍ਤਬ੍ਬਂ – ‘‘ਫੋਟ੍ਠਬ੍ਬਧਾਤੁਪਰਿਯਾਪਨ੍ਨੋ’’ਤਿ? ਆਮਨ੍ਤਾ. ਅਰੂਪਰਾਗੋ ਨ ਵਤ੍ਤਬ੍ਬਂ – ‘‘ਅਰੂਪਧਾਤੁਪਰਿਯਾਪਨ੍ਨੋ’’ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੭੭੫. ਨ ਵਤ੍ਤਬ੍ਬਂ – ‘‘ਰੂਪਰਾਗੋ ਰੂਪਧਾਤੁਪਰਿਯਾਪਨ੍ਨੋ, ਅਰੂਪਰਾਗੋ ਅਰੂਪਧਾਤੁਪਰਿਯਾਪਨ੍ਨੋ’’ਤਿ? ਆਮਨ੍ਤਾ. ਨਨੁ ਕਾਮਰਾਗੋ ਕਾਮਧਾਤੁਪਰਿਯਾਪਨ੍ਨੋਤਿ? ਆਮਨ੍ਤਾ. ਹਞ੍ਚਿ ਕਾਮਰਾਗੋ ਕਾਮਧਾਤੁਪਰਿਯਾਪਨ੍ਨੋ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਰੂਪਰਾਗੋ ਰੂਪਧਾਤੁਪਰਿਯਾਪਨ੍ਨੋ, ਅਰੂਪਰਾਗੋ ਅਰੂਪਧਾਤੁਪਰਿਯਾਪਨ੍ਨੋ’’ਤਿ.
ਰੂਪਰਾਗੋ ਰੂਪਧਾਤੁਪਰਿਯਾਪਨ੍ਨੋ ਅਰੂਪਰਾਗੋ ਅਰੂਪਧਾਤੁਪਰਿਯਾਪਨ੍ਨੋਤਿਕਥਾ ਨਿਟ੍ਠਿਤਾ.
ਰੂਪਾਰੂਪਧਾਤੁਪਰਿਯਾਪਨ੍ਨਕਥਾ ਨਿਟ੍ਠਿਤਾ.
ਸੋਲ਼ਸਮਵਗ੍ਗੋ.
ਤਸ੍ਸੁਦ੍ਦਾਨਂ –
ਚਿਤ੍ਤਨਿਗ੍ਗਹੋ, ਚਿਤ੍ਤਪਗ੍ਗਹੋ, ਸੁਖਾਨੁਪ੍ਪਦਾਨਂ, ਅਧਿਗਯ੍ਹ ਮਨਸਿਕਾਰੋ, ਰੂਪਂ ਹੇਤੁ, ਰੂਪਂ ਸਹੇਤੁਕਂ, ਰੂਪਂ ਕੁਸਲਮ੍ਪਿ ਅਕੁਸਲਮ੍ਪਿ, ਰੂਪਂ ਵਿਪਾਕੋ, ਅਤ੍ਥਿ ਰੂਪਂ ਰੂਪਾਵਚਰਂ ਅਤ੍ਥਿ ਰੂਪਂ ਅਰੂਪਾਵਚਰਂ, ਸਬ੍ਬੇ ਕਿਲੇਸਾ ਕਾਮਧਾਤੁਪਰਿਯਾਪਨ੍ਨਾਤਿ.