੧੨. ਦ੍ਵਾਦਸਮਵਗ੍ਗੋ
(੧੧੬) ੧. ਸਂਵਰੋ ਕਮ੍ਮਨ੍ਤਿਕਥਾ
੬੩੦. ਸਂਵਰੋ ਕਮ੍ਮਨ੍ਤਿ? ਆਮਨ੍ਤਾ. ਚਕ੍ਖੁਨ੍ਦ੍ਰਿਯਸਂਵਰੋ ਚਕ੍ਖੁਕਮ੍ਮਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸੋਤਿਨ੍ਦ੍ਰਿਯਸਂਵਰੋ…ਪੇ… ਘਾਨਿਨ੍ਦ੍ਰਿਯਸਂਵਰੋ…ਪੇ… ਜਿਵ੍ਹਿਨ੍ਦ੍ਰਿਯਸਂਵਰੋ…ਪੇ… ਕਾਯਿਨ੍ਦ੍ਰਿਯਸਂਵਰੋ ਕਾਯਕਮ੍ਮਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਕਾਯਿਨ੍ਦ੍ਰਿਯਸਂਵਰੋ ਕਾਯਕਮ੍ਮਨ੍ਤਿ? ਆਮਨ੍ਤਾ. ਚਕ੍ਖੁਨ੍ਦ੍ਰਿਯਸਂਵਰੋ ਚਕ੍ਖੁਕਮ੍ਮਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਕਾਯਿਨ੍ਦ੍ਰਿਯਸਂਵਰੋ ਕਾਯਕਮ੍ਮਨ੍ਤਿ? ਆਮਨ੍ਤਾ. ਸੋਤਿਨ੍ਦ੍ਰਿਯਸਂਵਰੋ…ਪੇ… ਘਾਨਿਨ੍ਦ੍ਰਿਯਸਂਵਰੋ…ਪੇ… ਜਿਵ੍ਹਿਨ੍ਦ੍ਰਿਯਸਂਵਰੋ ਜਿਵ੍ਹਾਕਮ੍ਮਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਮਨਿਨ੍ਦ੍ਰਿਯਸਂਵਰੋ ਮਨੋਕਮ੍ਮਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਮਨਿਨ੍ਦ੍ਰਿਯਸਂਵਰੋ ਮਨੋਕਮ੍ਮਨ੍ਤਿ? ਆਮਨ੍ਤਾ. ਚਕ੍ਖੁਨ੍ਦ੍ਰਿਯਸਂਵਰੋ ਚਕ੍ਖੁਕਮ੍ਮਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਮਨਿਨ੍ਦ੍ਰਿਯਸਂਵਰੋ ਮਨੋਕਮ੍ਮਨ੍ਤਿ? ਆਮਨ੍ਤਾ. ਸੋਤਿਨ੍ਦ੍ਰਿਯਸਂਵਰੋ …ਪੇ… ਘਾਨਿਨ੍ਦ੍ਰਿਯਸਂਵਰੋ… ਜਿਵ੍ਹਿਨ੍ਦ੍ਰਿਯਸਂਵਰੋ…ਪੇ… ਕਾਯਿਨ੍ਦ੍ਰਿਯਸਂਵਰੋ ਕਾਯਕਮ੍ਮਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੬੩੧. ਅਸਂਵਰੋ ਕਮ੍ਮਨ੍ਤਿ? ਆਮਨ੍ਤਾ. ਚਕ੍ਖੁਨ੍ਦ੍ਰਿਯਅਸਂਵਰੋ ਚਕ੍ਖੁਕਮ੍ਮਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸੋਤਿਨ੍ਦ੍ਰਿਯਅਸਂਵਰੋ…ਪੇ… ਘਾਨਿਨ੍ਦ੍ਰਿਯਅਸਂਵਰੋ…ਪੇ… ਜਿਵ੍ਹਿਨ੍ਦ੍ਰਿਯਅਸਂਵਰੋ… ਕਾਯਿਨ੍ਦ੍ਰਿਯਅਸਂਵਰੋ ਕਾਯਕਮ੍ਮਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਕਾਯਿਨ੍ਦ੍ਰਿਯਅਸਂਵਰੋ ਕਾਯਕਮ੍ਮਨ੍ਤਿ? ਆਮਨ੍ਤਾ. ਚਕ੍ਖੁਨ੍ਦ੍ਰਿਯਅਸਂਵਰੋ ਚਕ੍ਖੁਕਮ੍ਮਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਕਾਯਿਨ੍ਦ੍ਰਿਯਅਸਂਵਰੋ ਕਾਯਕਮ੍ਮਨ੍ਤਿ? ਆਮਨ੍ਤਾ. ਸੋਤਿਨ੍ਦ੍ਰਿਯਅਸਂਵਰੋ…ਪੇ… ਘਾਨਿਨ੍ਦ੍ਰਿਯਅਸਂਵਰੋ…ਪੇ… ਜਿਵ੍ਹਿਨ੍ਦ੍ਰਿਯਅਸਂਵਰੋ ਜਿਵ੍ਹਾਕਮ੍ਮਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਮਨਿਨ੍ਦ੍ਰਿਯਅਸਂਵਰੋ ਮਨੋਕਮ੍ਮਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਮਨਿਨ੍ਦ੍ਰਿਯਅਸਂਵਰੋ ਮਨੋਕਮ੍ਮਨ੍ਤਿ? ਆਮਨ੍ਤਾ. ਚਕ੍ਖੁਨ੍ਦ੍ਰਿਯਅਸਂਵਰੋ ਚਕ੍ਖੁਕਮ੍ਮਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਮਨਿਨ੍ਦ੍ਰਿਯਅਸਂਵਰੋ ਮਨੋਕਮ੍ਮਨ੍ਤਿ? ਆਮਨ੍ਤਾ. ਸੋਤਿਨ੍ਦ੍ਰਿਯਅਸਂਵਰੋ…ਪੇ… ਘਾਨਿਨ੍ਦ੍ਰਿਯਅਸਂਵਰੋ…ਪੇ… ਜਿਵ੍ਹਿਨ੍ਦ੍ਰਿਯਅਸਂਵਰੋ…ਪੇ… ਕਾਯਿਨ੍ਦ੍ਰਿਯਅਸਂਵਰੋ ਕਾਯਕਮ੍ਮਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੬੩੨. ਨ ਵਤ੍ਤਬ੍ਬਂ – ‘‘ਸਂਵਰੋਪਿ ਅਸਂਵਰੋਪਿ ਕਮ੍ਮ’’ਨ੍ਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਇਧ, ਭਿਕ੍ਖਵੇ, ਭਿਕ੍ਖੁ ਚਕ੍ਖੁਨਾ ਰੂਪਂ ਦਿਸ੍ਵਾ ਨਿਮਿਤ੍ਤਗ੍ਗਾਹੀ ਹੋਤਿ…ਪੇ… ਨ ਨਿਮਿਤ੍ਤਗ੍ਗਾਹੀ ਹੋਤਿ, ਸੋਤੇਨ ਸਦ੍ਦਂ ਸੁਤ੍ਵਾ…ਪੇ… ਮਨਸਾ ਧਮ੍ਮਂ ਵਿਞ੍ਞਾਯ ਨਿਮਿਤ੍ਤਗ੍ਗਾਹੀ ਹੋਤਿ…ਪੇ… ਨ ਨਿਮਿਤ੍ਤਗ੍ਗਾਹੀ ਹੋਤੀ’’ਤਿ! ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਸਂਵਰੋਪਿ ਅਸਂਵਰੋਪਿ ਕਮ੍ਮਨ੍ਤਿ.
ਸਂਵਰੋ ਕਮ੍ਮਨ੍ਤਿਕਥਾ ਨਿਟ੍ਠਿਤਾ.
੧੨. ਦ੍ਵਾਦਸਮਵਗ੍ਗੋ
(੧੧੭) ੨. ਕਮ੍ਮਕਥਾ
੬੩੩. ਸਬ੍ਬਂ ਕਮ੍ਮਂ ਸਵਿਪਾਕਨ੍ਤਿ? ਆਮਨ੍ਤਾ. ਸਬ੍ਬਾ ਚੇਤਨਾ ਸਵਿਪਾਕਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸਬ੍ਬਾ ਚੇਤਨਾ ਸਵਿਪਾਕਾਤਿ? ਆਮਨ੍ਤਾ. ਵਿਪਾਕਾਬ੍ਯਾਕਤਾ ਚੇਤਨਾ ਸਵਿਪਾਕਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸਬ੍ਬਾ ਚੇਤਨਾ ਸਵਿਪਾਕਾਤਿ? ਆਮਨ੍ਤਾ. ਕਿਰਿਯਾਬ੍ਯਾਕਤਾ ਚੇਤਨਾ ਸਵਿਪਾਕਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਸਬ੍ਬਾ ਚੇਤਨਾ ਸਵਿਪਾਕਾਤਿ? ਆਮਨ੍ਤਾ. ਕਾਮਾਵਚਰਾ ਵਿਪਾਕਾਬ੍ਯਾਕਤਾ ਚੇਤਨਾ ਸਵਿਪਾਕਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸਬ੍ਬਾ ਚੇਤਨਾ ਸਵਿਪਾਕਾਤਿ? ਆਮਨ੍ਤਾ. ਰੂਪਾਵਚਰਾ ਅਰੂਪਾਵਚਰਾ ਅਪਰਿਯਾਪਨ੍ਨਾ ਵਿਪਾਕਾਬ੍ਯਾਕਤਾ ਚੇਤਨਾ ਸਵਿਪਾਕਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਸਬ੍ਬਾ ਚੇਤਨਾ ਸਵਿਪਾਕਾਤਿ? ਆਮਨ੍ਤਾ. ਕਾਮਾਵਚਰਾ ਕਿਰਿਯਾਬ੍ਯਾਕਤਾ ਚੇਤਨਾ ਸਵਿਪਾਕਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸਬ੍ਬਾ ਚੇਤਨਾ ਸਵਿਪਾਕਾਤਿ? ਆਮਨ੍ਤਾ. ਰੂਪਾਵਚਰਾ ਅਰੂਪਾਵਚਰਾ ਕਿਰਿਯਾਬ੍ਯਾਕਤਾ ਚੇਤਨਾ ਸਵਿਪਾਕਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੬੩੪. ਵਿਪਾਕਾਬ੍ਯਾਕਤਾ ਚੇਤਨਾ ਅਵਿਪਾਕਾਤਿ? ਆਮਨ੍ਤਾ. ਹਞ੍ਚਿ ਵਿਪਾਕਾਬ੍ਯਾਕਤਾ ਚੇਤਨਾ ਅਵਿਪਾਕਾ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਸਬ੍ਬਾ ਚੇਤਨਾ ਸਵਿਪਾਕਾ’’ਤਿ.
ਕਿਰਿਯਾਬ੍ਯਾਕਤਾ ਚੇਤਨਾ ਅਵਿਪਾਕਾਤਿ? ਆਮਨ੍ਤਾ. ਹਞ੍ਚਿ ਕਿਰਿਯਾਬ੍ਯਾਕਤਾ ਚੇਤਨਾ ਅਵਿਪਾਕਾ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਸਬ੍ਬਾ ਚੇਤਨਾ ਸਵਿਪਾਕਾ’’ਤਿ.
ਕਾਮਾਵਚਰਾ ਰੂਪਾਵਚਰਾ ਅਰੂਪਾਵਚਰਾ ਅਪਰਿਯਾਪਨ੍ਨਾ ਵਿਪਾਕਾਬ੍ਯਾਕਤਾ ਚੇਤਨਾ ਅਵਿਪਾਕਾਤਿ? ਆਮਨ੍ਤਾ. ਹਞ੍ਚਿ ਅਪਰਿਯਾਪਨ੍ਨਾ ਵਿਪਾਕਾਬ੍ਯਾਕਤਾ ਚੇਤਨਾ ਅਵਿਪਾਕਾ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਸਬ੍ਬਾ ਚੇਤਨਾ ਸਵਿਪਾਕਾ’’ਤਿ.
ਕਾਮਾਵਚਰਾ ਰੂਪਾਵਚਰਾ ਅਰੂਪਾਵਚਰਾ ਕਿਰਿਯਾਬ੍ਯਾਕਤਾ ਚੇਤਨਾ ਅਵਿਪਾਕਾਤਿ? ਆਮਨ੍ਤਾ. ਹਞ੍ਚਿ ਅਰੂਪਾਵਚਰਾ ਕਿਰਿਯਾਬ੍ਯਾਕਤਾ ਚੇਤਨਾ ਅਵਿਪਾਕਾ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਸਬ੍ਬਾ ਚੇਤਨਾ ਸਵਿਪਾਕਾ’’ਤਿ.
੬੩੫. ਨ ਵਤ੍ਤਬ੍ਬਂ – ‘‘ਸਬ੍ਬਂ ਕਮ੍ਮਂ ਸਵਿਪਾਕ’’ਨ੍ਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਨਾਹਂ, ਭਿਕ੍ਖਵੇ, ਸਞ੍ਚੇਤਨਿਕਾਨਂ ਕਮ੍ਮਾਨਂ ਕਤਾਨਂ ਉਪਚਿਤਾਨਂ ਅਪ੍ਪਟਿਸਂਵਿਦਿਤ੍ਵਾ ਬ੍ਯਨ੍ਤਿਭਾਵਂ ਵਦਾਮਿ, ਤਞ੍ਚ ਖੋ ਦਿਟ੍ਠੇਵ ਧਮ੍ਮੇ ਉਪਪਜ੍ਜੇ [ਉਪਪਜ੍ਜਂ (ਅ. ਨਿ. ੧੦.੧੭)] ਵਾ ਅਪਰੇ ਵਾ ਪਰਿਯਾਯੇ’’ਤਿ [ਅ. ਨਿ. ੧੦.੨੧੭]! ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਸਬ੍ਬਂ ਕਮ੍ਮਂ ਸਵਿਪਾਕਨ੍ਤਿ.
ਕਮ੍ਮਕਥਾ ਨਿਟ੍ਠਿਤਾ.
੧੨. ਦ੍ਵਾਦਸਮਵਗ੍ਗੋ
(੧੧੮) ੩. ਸਦ੍ਦੋ ਵਿਪਾਕੋਤਿਕਥਾ
੬੩੬. ਸਦ੍ਦੋ ਵਿਪਾਕੋਤਿ? ਆਮਨ੍ਤਾ. ਸੁਖਵੇਦਨਿਯੋ ਦੁਕ੍ਖਵੇਦਨਿਯੋ ਅਦੁਕ੍ਖਮਸੁਖਵੇਦਨਿਯੋ, ਸੁਖਾਯ ਵੇਦਨਾਯ ਸਮ੍ਪਯੁਤ੍ਤੋ, ਦੁਕ੍ਖਾਯ ਵੇਦਨਾਯ ਸਮ੍ਪਯੁਤ੍ਤੋ, ਅਦੁਕ੍ਖਮਸੁਖਾਯ ਵੇਦਨਾਯ ਸਮ੍ਪਯੁਤ੍ਤੋ, ਫਸ੍ਸੇਨ ਸਮ੍ਪਯੁਤ੍ਤੋ, ਵੇਦਨਾਯ ਸਮ੍ਪਯੁਤ੍ਤੋ, ਸਞ੍ਞਾਯ ਸਮ੍ਪਯੁਤ੍ਤੋ, ਚੇਤਨਾਯ ਸਮ੍ਪਯੁਤ੍ਤੋ, ਚਿਤ੍ਤੇਨ ਸਮ੍ਪਯੁਤ੍ਤੋ, ਸਾਰਮ੍ਮਣੋ; ਅਤ੍ਥਿ ਤਸ੍ਸ ਆਵਟ੍ਟਨਾ ਆਭੋਗੋ ਸਮਨ੍ਨਾਹਾਰੋ ਮਨਸਿਕਾਰੋ ਚੇਤਨਾ ਪਤ੍ਥਨਾ ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਨਨੁ ਨ ਸੁਖਵੇਦਨਿਯੋ ਨ ਦੁਕ੍ਖਵੇਦਨਿਯੋ…ਪੇ… ਅਨਾਰਮ੍ਮਣੋ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਹਞ੍ਚਿ ਨ ਸੁਖਵੇਦਨਿਯੋ…ਪੇ… ਅਨਾਰਮ੍ਮਣੋ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਸਦ੍ਦੋ ਵਿਪਾਕੋ’’ਤਿ.
ਫਸ੍ਸੋ ਵਿਪਾਕੋ, ਫਸ੍ਸੋ ਸੁਖਵੇਦਨਿਯੋ…ਪੇ… ਸਾਰਮ੍ਮਣੋ, ਅਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਸਦ੍ਦੋ ਵਿਪਾਕੋ, ਸਦ੍ਦੋ ਸੁਖਵੇਦਨਿਯੋ…ਪੇ… ਸਾਰਮ੍ਮਣੋ, ਅਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਸਦ੍ਦੋ ਵਿਪਾਕੋ, ਸਦ੍ਦੋ ਨ ਸੁਖਵੇਦਨਿਯੋ…ਪੇ… ਅਨਾਰਮ੍ਮਣੋ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਫਸ੍ਸੋ ਵਿਪਾਕੋ, ਫਸ੍ਸੋ ਨ ਸੁਖਵੇਦਨਿਯੋ, ਨ ਦੁਕ੍ਖਵੇਦਨਿਯੋ…ਪੇ… ਅਨਾਰਮ੍ਮਣੋ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੬੩੭. ਨ ਵਤ੍ਤਬ੍ਬਂ – ‘‘ਸਦ੍ਦੋ ਵਿਪਾਕੋ’’ਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਸੋ ਤਸ੍ਸ ਕਮ੍ਮਸ੍ਸ ਕਤਤ੍ਤਾ ਉਪਚਿਤਤ੍ਤਾ ਉਸ੍ਸਨ੍ਨਤ੍ਤਾ ਵਿਪੁਲਤ੍ਤਾ ਬ੍ਰਹ੍ਮਸ੍ਸਰੋ ਹੋਤਿ ਕਰਵਿਕਭਾਣੀ’’ਤਿ [ਦੀਘਨਿਕਾਯੇ]! ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਸਦ੍ਦੋ ਵਿਪਾਕੋਤਿ.
ਸਦ੍ਦੋ ਵਿਪਾਕੋਤਿਕਥਾ ਨਿਟ੍ਠਿਤਾ.
੧੨. ਦ੍ਵਾਦਸਮਵਗ੍ਗੋ
(੧੧੯) ੪. ਸਲ਼ਾਯਤਨਕਥਾ
੬੩੮. ਚਕ੍ਖਾਯਤਨਂ ਵਿਪਾਕੋਤਿ? ਆਮਨ੍ਤਾ. ਸੁਖਵੇਦਨਿਯਂ ਦੁਕ੍ਖਵੇਦਨਿਯਂ…ਪੇ… ਸਾਰਮ੍ਮਣਂ, ਅਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਨਨੁ ਨ ਸੁਖਵੇਦਨਿਯਂ…ਪੇ… ਅਨਾਰਮ੍ਮਣਂ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਹਞ੍ਚਿ ਨ ਸੁਖਵੇਦਨਿਯਂ…ਪੇ… ਅਨਾਰਮ੍ਮਣਂ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਚਕ੍ਖਾਯਤਨਂ ਵਿਪਾਕੋ’’ਤਿ…ਪੇ….
ਫਸ੍ਸੋ ਵਿਪਾਕੋ, ਫਸ੍ਸੋ ਸੁਖਵੇਦਨਿਯੋ…ਪੇ… ਸਾਰਮ੍ਮਣੋ, ਅਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਚਕ੍ਖਾਯਤਨਂ ਵਿਪਾਕੋ, ਚਕ੍ਖਾਯਤਨਂ ਸੁਖਵੇਦਨਿਯਂ…ਪੇ… ਸਾਰਮ੍ਮਣਂ, ਅਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਚਕ੍ਖਾਯਤਨਂ ਵਿਪਾਕੋ, ਚਕ੍ਖਾਯਤਨਂ ਨ ਸੁਖਵੇਦਨਿਯਂ…ਪੇ… ਅਨਾਰਮ੍ਮਣਂ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਫਸ੍ਸੋ ਵਿਪਾਕੋ, ਫਸ੍ਸੋ ਨ ਸੁਖਵੇਦਨਿਯੋ…ਪੇ… ਅਨਾਰਮ੍ਮਣੋ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੬੩੯. ਸੋਤਾਯਤਨਂ…ਪੇ… ਘਾਨਾਯਤਨਂ…ਪੇ… ਜਿਵ੍ਹਾਯਤਨਂ…ਪੇ… ਕਾਯਾਯਤਨਂ ਵਿਪਾਕੋਤਿ? ਆਮਨ੍ਤਾ. ਸੁਖਵੇਦਨਿਯਂ…ਪੇ… ਸਾਰਮ੍ਮਣਂ, ਅਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ …ਪੇ… ਨਨੁ ਨ ਸੁਖਵੇਦਨਿਯਂ…ਪੇ… ਅਨਾਰਮ੍ਮਣਂ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਹਞ੍ਚਿ ਨ ਸੁਖਵੇਦਨਿਯਂ…ਪੇ… ਅਨਾਰਮ੍ਮਣਂ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਕਾਯਾਯਤਨਂ ਵਿਪਾਕੋ’’ਤਿ.
ਫਸ੍ਸੋ ਵਿਪਾਕੋ, ਫਸ੍ਸੋ ਸੁਖਵੇਦਨਿਯੋ…ਪੇ… ਸਾਰਮ੍ਮਣੋ, ਅਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਕਾਯਾਯਤਨਂ ਵਿਪਾਕੋ, ਕਾਯਾਯਤਨਂ ਸੁਖਵੇਦਨਿਯਂ…ਪੇ… ਸਾਰਮ੍ਮਣਂ, ਅਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ …ਪੇ… ਕਾਯਾਯਤਨਂ ਵਿਪਾਕੋ, ਕਾਯਾਯਤਨਂ ਨ ਸੁਖਵੇਦਨਿਯਂ…ਪੇ… ਅਨਾਰਮ੍ਮਣਂ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਫਸ੍ਸੋ ਵਿਪਾਕੋ, ਫਸ੍ਸੋ ਨ ਸੁਖਵੇਦਨਿਯੋ…ਪੇ… ਅਨਾਰਮ੍ਮਣੋ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੬੪੦. ਨ ਵਤ੍ਤਬ੍ਬਂ – ‘‘ਸਲ਼ਾਯਤਨਂ ਵਿਪਾਕੋ’’ਤਿ? ਆਮਨ੍ਤਾ. ਨਨੁ ਸਲ਼ਾਯਤਨਂ ਕਮ੍ਮਸ੍ਸ ਕਤਤ੍ਤਾ ਉਪ੍ਪਨ੍ਨਨ੍ਤਿ? ਆਮਨ੍ਤਾ. ਹਞ੍ਚਿ ਸਲ਼ਾਯਤਨਂ ਕਮ੍ਮਸ੍ਸ ਕਤਤ੍ਤਾ ਉਪ੍ਪਨ੍ਨਂ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਸਲ਼ਾਯਤਨਂ ਵਿਪਾਕੋ’’ਤਿ.
ਸਲ਼ਾਯਤਨਕਥਾ ਨਿਟ੍ਠਿਤਾ.
੧੨. ਦ੍ਵਾਦਸਮਵਗ੍ਗੋ
(੧੨੦) ੫. ਸਤ੍ਤਕ੍ਖਤ੍ਤੁਪਰਮਕਥਾ
੬੪੧. ਸਤ੍ਤਕ੍ਖਤ੍ਤੁਪਰਮੋ ਪੁਗ੍ਗਲੋ ਸਤ੍ਤਕ੍ਖਤ੍ਤੁਪਰਮਤਾਨਿਯਤੋਤਿ? ਆਮਨ੍ਤਾ. ਮਾਤਾ ਜੀਵਿਤਾ ਵੋਰੋਪਿਤਾ… ਪਿਤਾ ਜੀਵਿਤਾ ਵੋਰੋਪਿਤੋ… ਅਰਹਾ ਜੀਵਿਤਾ ਵੋਰੋਪਿਤੋ… ਦੁਟ੍ਠੇਨ ਚਿਤ੍ਤੇਨ ਤਥਾਗਤਸ੍ਸ ਲੋਹਿਤਂ ਉਪ੍ਪਾਦਿਤਂ… ਸਙ੍ਘੋ ਭਿਨ੍ਨੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਸਤ੍ਤਕ੍ਖਤ੍ਤੁਪਰਮੋ ਪੁਗ੍ਗਲੋ ਸਤ੍ਤਕ੍ਖਤ੍ਤੁਪਰਮਤਾਨਿਯਤੋਤਿ? ਆਮਨ੍ਤਾ. ਅਭਬ੍ਬੋ ਅਨ੍ਤਰਾ ਧਮ੍ਮਂ ਅਭਿਸਮੇਤੁਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ…. ਅਭਬ੍ਬੋ ਅਨ੍ਤਰਾ ਧਮ੍ਮਂ ਅਭਿਸਮੇਤੁਨ੍ਤਿ? ਆਮਨ੍ਤਾ. ਮਾਤਾ ਜੀਵਿਤਾ ਵੋਰੋਪਿਤਾ… ਪਿਤਾ ਜੀਵਿਤਾ ਵੋਰੋਪਿਤੋ… ਅਰਹਾ ਜੀਵਿਤਾ ਵੋਰੋਪਿਤੋ… ਦੁਟ੍ਠੇਨ ਚਿਤ੍ਤੇਨ ਤਥਾਗਤਸ੍ਸ ਲੋਹਿਤਂ ਉਪ੍ਪਾਦਿਤਂ… ਸਙ੍ਘੋ ਭਿਨ੍ਨੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੬੪੨. ਸਤ੍ਤਕ੍ਖਤ੍ਤੁਪਰਮੋ ਪੁਗ੍ਗਲੋ ਸਤ੍ਤਕ੍ਖਤ੍ਤੁਪਰਮਤਾਨਿਯਤੋਤਿ? ਆਮਨ੍ਤਾ. ਅਤ੍ਥਿ ਸੋ ਨਿਯਮੋ ਯੇਨ ਨਿਯਮੇਨ ਸਤ੍ਤਕ੍ਖਤ੍ਤੁਪਰਮੋ ਪੁਗ੍ਗਲੋ ਸਤ੍ਤਕ੍ਖਤ੍ਤੁਪਰਮਤਾਨਿਯਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤ੍ਥਿ ਤੇ ਸਤਿਪਟ੍ਠਾਨਾ…ਪੇ… ਸਮ੍ਮਪ੍ਪਧਾਨਾ… ਇਦ੍ਧਿਪਾਦਾ… ਇਨ੍ਦ੍ਰਿਯਾ… ਬਲਾ… ਬੋਜ੍ਝਙ੍ਗਾ ਯੇਹਿ ਬੋਜ੍ਝਙ੍ਗੇਹਿ ਸਤ੍ਤਕ੍ਖਤ੍ਤੁਪਰਮੋ ਪੁਗ੍ਗਲੋ ਸਤ੍ਤਕ੍ਖਤ੍ਤੁਪਰਮਤਾਨਿਯਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੬੪੩. ਨਤ੍ਥਿ ਸੋ ਨਿਯਮੋ ਯੇਨ ਨਿਯਮੇਨ ਸਤ੍ਤਕ੍ਖਤ੍ਤੁਪਰਮੋ ਪੁਗ੍ਗਲੋ ਸਤ੍ਤਕ੍ਖਤ੍ਤੁਪਰਮਤਾਨਿਯਤੋਤਿ? ਆਮਨ੍ਤਾ. ਹਞ੍ਚਿ ਨਤ੍ਥਿ ਸੋ ਨਿਯਮੋ ਯੇਨ ਨਿਯਮੇਨ ਸਤ੍ਤਕ੍ਖਤ੍ਤੁਪਰਮੋ ਪੁਗ੍ਗਲੋ ਸਤ੍ਤਕ੍ਖਤ੍ਤੁਪਰਮਤਾਨਿਯਤੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਸਤ੍ਤਕ੍ਖਤ੍ਤੁਪਰਮੋ ਪੁਗ੍ਗਲੋ ਸਤ੍ਤਕ੍ਖਤ੍ਤੁਪਰਮਤਾਨਿਯਤੋ’’ਤਿ.
ਨਤ੍ਥਿ ਤੇ ਸਤਿਪਟ੍ਠਾਨਾ… ਬੋਜ੍ਝਙ੍ਗਾ ਯੇਹਿ ਬੋਜ੍ਝਙ੍ਗੇਹਿ ਸਤ੍ਤਕ੍ਖਤ੍ਤੁਪਰਮੋ ਪੁਗ੍ਗਲੋ ਸਤ੍ਤਕ੍ਖਤ੍ਤੁਪਰਮਤਾਨਿਯਤੋਤਿ? ਆਮਨ੍ਤਾ. ਹਞ੍ਚਿ ਨਤ੍ਥਿ ਤੇ ਬੋਜ੍ਝਙ੍ਗਾ ਯੇਹਿ ਬੋਜ੍ਝਙ੍ਗੇਹਿ ਸਤ੍ਤਕ੍ਖਤ੍ਤੁਪਰਮੋ ਪੁਗ੍ਗਲੋ ਸਤ੍ਤਕ੍ਖਤ੍ਤੁਪਰਮਤਾਨਿਯਤੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਸਤ੍ਤਕ੍ਖਤ੍ਤੁਪਰਮੋ ਪੁਗ੍ਗਲੋ ਸਤ੍ਤਕ੍ਖਤ੍ਤੁਪਰਮਤਾਨਿਯਤੋ’’ਤਿ.
੬੪੪. ਸਤ੍ਤਕ੍ਖਤ੍ਤੁਪਰਮੋ ਪੁਗ੍ਗਲੋ ਸਤ੍ਤਕ੍ਖਤ੍ਤੁਪਰਮਤਾਨਿਯਤੋਤਿ? ਆਮਨ੍ਤਾ. ਸਕਦਾਗਾਮਿਨਿਯਮੇਨਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਨਾਗਾਮਿਨਿਯਮੇਨਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਰਹਤ੍ਤਨਿਯਮੇਨਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਕਤਮੇਨ ਨਿਯਮੇਨਾਤਿ? ਸੋਤਾਪਤ੍ਤਿਨਿਯਮੇਨਾਤਿ. ਸਤ੍ਤਕ੍ਖਤ੍ਤੁਪਰਮੋ ਪੁਗ੍ਗਲੋ ਸਤ੍ਤਕ੍ਖਤ੍ਤੁਪਰਮਤਾਨਿਯਤੋਤਿ? ਆਮਨ੍ਤਾ. ਯੇ ਕੇਚਿ ਸੋਤਾਪਤ੍ਤਿਨਿਯਾਮਂ ਓਕ੍ਕਮਨ੍ਤਿ, ਸਬ੍ਬੇ ਤੇ ਸਤ੍ਤਕ੍ਖਤ੍ਤੁਪਰਮਤਾਨਿਯਤਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੬੪੫. ਨ ਵਤ੍ਤਬ੍ਬਂ – ‘‘ਸਤ੍ਤਕ੍ਖਤ੍ਤੁਪਰਮੋ ਪੁਗ੍ਗਲੋ ਸਤ੍ਤਕ੍ਖਤ੍ਤੁਪਰਮਤਾਨਿਯਤੋ’’ਤਿ? ਆਮਨ੍ਤਾ. ਨਨੁ ਸੋ ਸਤ੍ਤਕ੍ਖਤ੍ਤੁਪਰਮੋਤਿ? ਆਮਨ੍ਤਾ. ਹਞ੍ਚਿ ਸੋ ਸਤ੍ਤਕ੍ਖਤ੍ਤੁਪਰਮੋ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਸਤ੍ਤਕ੍ਖਤ੍ਤੁਪਰਮੋ ਪੁਗ੍ਗਲੋ ਸਤ੍ਤਕ੍ਖਤ੍ਤੁਪਰਮਤਾਨਿਯਤੋ’’ਤਿ.
ਸਤ੍ਤਕ੍ਖਤ੍ਤੁਪਰਮਕਥਾ ਨਿਟ੍ਠਿਤਾ.
੧੨. ਦ੍ਵਾਦਸਮਵਗ੍ਗੋ
(੧੨੧) ੬. ਕੋਲਙ੍ਕੋਲਕਥਾ
੬੪੬. ਨ ਵਤ੍ਤਬ੍ਬਂ – ‘‘ਕੋਲਙ੍ਕੋਲੋ ਪੁਗ੍ਗਲੋ ਕੋਲਙ੍ਕੋਲਤਾਨਿਯਤੋ’’ਤਿ? ਆਮਨ੍ਤਾ. ਨਨੁ ਸੋ ਕੋਲਙ੍ਕੋਲੋਤਿ? ਆਮਨ੍ਤਾ. ਹਞ੍ਚਿ ਸੋ ਕੋਲਙ੍ਕੋਲੋ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਕੋਲਙ੍ਕੋਲੋ ਪੁਗ੍ਗਲੋ ਕੋਲਙ੍ਕੋਲਤਾਨਿਯਤੋ’’ਤਿ.
ਕੋਲਙ੍ਕੋਲਕਥਾ ਨਿਟ੍ਠਿਤਾ.
੧੨. ਦ੍ਵਾਦਸਮਵਗ੍ਗੋ
(੧੨੨) ੭. ਏਕਬੀਜੀਕਥਾ
੬੪੭. ਨ ਵਤ੍ਤਬ੍ਬਂ – ‘‘ਏਕਬੀਜੀ ਪੁਗ੍ਗਲੋ ਏਕਬੀਜਿਤਾਨਿਯਤੋ’’ਤਿ? ਆਮਨ੍ਤਾ. ਨਨੁ ਸੋ ਏਕਬੀਜੀਤਿ? ਆਮਨ੍ਤਾ. ਹਞ੍ਚਿ ਸੋ ਏਕਬੀਜੀ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਏਕਬੀਜੀ ਪੁਗ੍ਗਲੋ ਏਕਬੀਜਿਤਾਨਿਯਤੋ’’ਤਿ.
ਏਕਬੀਜੀਕਥਾ ਨਿਟ੍ਠਿਤਾ.
੧੨. ਦ੍ਵਾਦਸਮਵਗ੍ਗੋ
(੧੨੩) ੮. ਜੀਵਿਤਾ ਵੋਰੋਪਨਕਥਾ
੬੪੮. ਦਿਟ੍ਠਿਸਮ੍ਪਨ੍ਨੋ ਪੁਗ੍ਗਲੋ ਸਞ੍ਚਿਚ੍ਚ ਪਾਣਂ ਜੀਵਿਤਾ ਵੋਰੋਪੇਯ੍ਯਾਤਿ? ਆਮਨ੍ਤਾ. ਦਿਟ੍ਠਿਸਮ੍ਪਨ੍ਨੋ ਪੁਗ੍ਗਲੋ ਸਞ੍ਚਿਚ੍ਚ ਮਾਤਰਂ ਜੀਵਿਤਾ ਵੋਰੋਪੇਯ੍ਯ…ਪੇ… ਪਿਤਰਂ ਜੀਵਿਤਾ ਵੋਰੋਪੇਯ੍ਯ …ਪੇ… ਅਰਹਨ੍ਤਂ ਜੀਵਿਤਾ ਵੋਰੋਪੇਯ੍ਯ…ਪੇ… ਦੁਟ੍ਠੇਨ ਚਿਤ੍ਤੇਨ ਤਥਾਗਤਸ੍ਸ ਲੋਹਿਤਂ ਉਪ੍ਪਾਦੇਯ੍ਯ…ਪੇ… ਸਙ੍ਘਂ ਭਿਨ੍ਦੇਯ੍ਯਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਦਿਟ੍ਠਿਸਮ੍ਪਨ੍ਨੋ ਪੁਗ੍ਗਲੋ ਸਞ੍ਚਿਚ੍ਚ ਪਾਣਂ ਜੀਵਿਤਾ ਵੋਰੋਪੇਯ੍ਯਾਤਿ? ਆਮਨ੍ਤਾ. ਦਿਟ੍ਠਿਸਮ੍ਪਨ੍ਨੋ ਪੁਗ੍ਗਲੋ ਸਤ੍ਥਰਿ ਅਗਾਰਵੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਧਮ੍ਮੇ…ਪੇ… ਸਙ੍ਘੇ…ਪੇ… ਸਿਕ੍ਖਾਯ ਅਗਾਰਵੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਨਨੁ ਦਿਟ੍ਠਿਸਮ੍ਪਨ੍ਨੋ ਪੁਗ੍ਗਲੋ ਸਤ੍ਥਰਿ ਸਗਾਰਵੋਤਿ? ਆਮਨ੍ਤਾ. ਹਞ੍ਚਿ ਦਿਟ੍ਠਿਸਮ੍ਪਨ੍ਨੋ ਪੁਗ੍ਗਲੋ ਸਤ੍ਥਰਿ ਸਗਾਰਵੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਦਿਟ੍ਠਿਸਮ੍ਪਨ੍ਨੋ ਪੁਗ੍ਗਲੋ ਸਞ੍ਚਿਚ੍ਚ ਪਾਣਂ ਜੀਵਿਤਾ ਵੋਰੋਪੇਯ੍ਯਾ’’ਤਿ. ਨਨੁ ਦਿਟ੍ਠਿਸਮ੍ਪਨ੍ਨੋ ਪੁਗ੍ਗਲੋ ਧਮ੍ਮੇ…ਪੇ… ਸਙ੍ਘੇ…ਪੇ… ਸਿਕ੍ਖਾਯ ਸਗਾਰਵੋਤਿ? ਆਮਨ੍ਤਾ. ਹਞ੍ਚਿ ਦਿਟ੍ਠਿਸਮ੍ਪਨ੍ਨੋ ਪੁਗ੍ਗਲੋ ਸਿਕ੍ਖਾਯ ਸਗਾਰਵੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਦਿਟ੍ਠਿਸਮ੍ਪਨ੍ਨੋ ਪੁਗ੍ਗਲੋ ਸਞ੍ਚਿਚ੍ਚ ਪਾਣਂ ਜੀਵਿਤਾ ਵੋਰੋਪੇਯ੍ਯਾ’’ਤਿ.
੬੪੯. ਦਿਟ੍ਠਿਸਮ੍ਪਨ੍ਨੋ ਪੁਗ੍ਗਲੋ ਸਤ੍ਥਰਿ ਅਗਾਰਵੋਤਿ? ਆਮਨ੍ਤਾ. ਦਿਟ੍ਠਿਸਮ੍ਪਨ੍ਨੋ ਪੁਗ੍ਗਲੋ ਬੁਦ੍ਧਥੂਪੇ ਓਹਦੇਯ੍ਯ ਓਮੁਤ੍ਤੇਯ੍ਯ ਨਿਟ੍ਠੁਭੇਯ੍ਯ ਬੁਦ੍ਧਥੂਪੇ ਅਪਬ੍ਯਾਮਤੋ [ਅਸਬ੍ਯਾਕਤੋ (ਸੀ. ਕ.)] ਕਰੇਯ੍ਯਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਦਿਟ੍ਠਿਸਮ੍ਪਨ੍ਨੋ ਪੁਗ੍ਗਲੋ ਸਞ੍ਚਿਚ੍ਚ ਪਾਣਂ ਜੀਵਿਤਾ ਵੋਰੋਪੇਯ੍ਯਾਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਸੇਯ੍ਯਥਾਪਿ, ਭਿਕ੍ਖਵੇ, ਮਹਾਸਮੁਦ੍ਦੋ ਠਿਤਧਮ੍ਮੋ ਵੇਲਂ ਨਾਤਿਵਤ੍ਤਤਿ; ਏਵਮੇਵ ਖੋ, ਭਿਕ੍ਖਵੇ, ਯਂ ਮਯਾ ਸਾਵਕਾਨਂ ਸਿਕ੍ਖਾਪਦਂ ਪਞ੍ਞਤ੍ਤਂ ਤਂ ਮਮ ਸਾਵਕਾ ਜੀਵਿਤਹੇਤੁਪਿ ਨਾਤਿਕ੍ਕਮਨ੍ਤੀ’’ਤਿ [ਚੂਲ਼ਵ. ੩੮੫; ਅ. ਨਿ. ੮.੨੦; ਉਦਾ. ੪੫]! ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਨ ਵਤ੍ਤਬ੍ਬਂ – ‘‘ਦਿਟ੍ਠਿਸਮ੍ਪਨ੍ਨੋ ਪੁਗ੍ਗਲੋ ਸਞ੍ਚਿਚ੍ਚ ਪਾਣਂ ਜੀਵਿਤਾ ਵੋਰੋਪੇਯ੍ਯਾ’’ਤਿ.
ਜੀਵਿਤਾ ਵੋਰੋਪਨਕਥਾ ਨਿਟ੍ਠਿਤਾ.
੧੨. ਦ੍ਵਾਦਸਮਵਗ੍ਗੋ
(੧੨੪) ੯. ਦੁਗ੍ਗਤਿਕਥਾ
੬੫੦. ਦਿਟ੍ਠਿਸਮ੍ਪਨ੍ਨਸ੍ਸ ਪੁਗ੍ਗਲਸ੍ਸ ਪਹੀਨਾ ਦੁਗ੍ਗਤੀਤਿ? ਆਮਨ੍ਤਾ. ਦਿਟ੍ਠਿਸਮ੍ਪਨ੍ਨੋ ਪੁਗ੍ਗਲੋ ਆਪਾਯਿਕੇ ਰੂਪੇ ਰਜ੍ਜੇਯ੍ਯਾਤਿ? ਆਮਨ੍ਤਾ. ਹਞ੍ਚਿ ਦਿਟ੍ਠਿਸਮ੍ਪਨ੍ਨੋ ਪੁਗ੍ਗਲੋ ਆਪਾਯਿਕੇ ਰੂਪੇ ਰਜ੍ਜੇਯ੍ਯ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਦਿਟ੍ਠਿਸਮ੍ਪਨ੍ਨਸ੍ਸ ਪੁਗ੍ਗਲਸ੍ਸ ਪਹੀਨਾ ਦੁਗ੍ਗਤੀ’’ਤਿ.
ਦਿਟ੍ਠਿਸਮ੍ਪਨ੍ਨਸ੍ਸ ਪੁਗ੍ਗਲਸ੍ਸ ਪਹੀਨਾ ਦੁਗ੍ਗਤੀਤਿ? ਆਮਨ੍ਤਾ. ਦਿਟ੍ਠਿਸਮ੍ਪਨ੍ਨੋ ਪੁਗ੍ਗਲੋ ਆਪਾਯਿਕੇ ਸਦ੍ਦੇ…ਪੇ… ਗਨ੍ਧੇ… ਰਸੇ… ਫੋਟ੍ਠਬ੍ਬੇ…ਪੇ… ਅਮਨੁਸ੍ਸਿਤ੍ਥਿਯਾ ਤਿਰਚ੍ਛਾਨਗਤਿਤ੍ਥਿਯਾ ਨਾਗਕਞ੍ਞਾਯ ਮੇਥੁਨਂ ਧਮ੍ਮਂ ਪਟਿਸੇਵੇਯ੍ਯ, ਅਜੇਲ਼ਕਂ ਪਟਿਗ੍ਗਣ੍ਹੇਯ੍ਯ, ਕੁਕ੍ਕੁਟਸੂਕਰਂ ਪਟਿਗ੍ਗਣ੍ਹੇਯ੍ਯ, ਹਤ੍ਥਿਗਵਸ੍ਸਵਲ਼ਵਂ ਪਟਿਗ੍ਗਣ੍ਹੇਯ੍ਯ… ਤਿਤ੍ਤਿਰਵਟ੍ਟਕਮੋਰਕਪਿਞ੍ਜਰਂ [… ਕਪਿਞ੍ਜਲਂ (ਸ੍ਯਾ. ਕਂ. ਪੀ.)] ਪਟਿਗ੍ਗਣ੍ਹੇਯ੍ਯਾਤਿ? ਆਮਨ੍ਤਾ. ਹਞ੍ਚਿ ਦਿਟ੍ਠਿਸਮ੍ਪਨ੍ਨੋ ਪੁਗ੍ਗਲੋ ਤਿਤ੍ਤਿਰਵਟ੍ਟਕਮੋਰਕਪਿਞ੍ਜਰਂ ਪਟਿਗ੍ਗਣ੍ਹੇਯ੍ਯ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਦਿਟ੍ਠਿਸਮ੍ਪਨ੍ਨਸ੍ਸ ਪੁਗ੍ਗਲਸ੍ਸ ਪਹੀਨਾ ਦੁਗ੍ਗਤੀ’’ਤਿ.
੬੫੧. ਦਿਟ੍ਠਿਸਮ੍ਪਨ੍ਨਸ੍ਸ ਪੁਗ੍ਗਲਸ੍ਸ ਪਹੀਨਾ ਦੁਗ੍ਗਤਿ, ਦਿਟ੍ਠਿਸਮ੍ਪਨ੍ਨੋ ਪੁਗ੍ਗਲੋ ਆਪਾਯਿਕੇ ਰੂਪੇ ਰਜ੍ਜੇਯ੍ਯਾਤਿ? ਆਮਨ੍ਤਾ. ਅਰਹਤੋ ਪਹੀਨਾ ਦੁਗ੍ਗਤਿ, ਅਰਹਾ ਆਪਾਯਿਕੇ ਰੂਪੇ ਰਜ੍ਜੇਯ੍ਯਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਦਿਟ੍ਠਿਸਮ੍ਪਨ੍ਨਸ੍ਸ ਪੁਗ੍ਗਲਸ੍ਸ ਪਹੀਨਾ ਦੁਗ੍ਗਤਿ, ਦਿਟ੍ਠਿਸਮ੍ਪਨ੍ਨੋ ਪੁਗ੍ਗਲੋ ਆਪਾਯਿਕੇ ਸਦ੍ਦੇ… ਗਨ੍ਧੇ… ਰਸੇ… ਫੋਟ੍ਠਬ੍ਬੇ…ਪੇ… ਤਿਤ੍ਤਿਰਵਟ੍ਟਕਮੋਰਕਪਿਞ੍ਜਰਂ ਪਟਿਗ੍ਗਣ੍ਹੇਯ੍ਯਾਤਿ? ਆਮਨ੍ਤਾ. ਅਰਹਤੋ ਪਹੀਨਾ ਦੁਗ੍ਗਤਿ, ਅਰਹਾ ਤਿਤ੍ਤਿਰਵਟ੍ਟਕਮੋਰਕਪਿਞ੍ਜਰਂ ਪਟਿਗ੍ਗਣ੍ਹੇਯ੍ਯਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਅਰਹਤੋ ਪਹੀਨਾ ਦੁਗ੍ਗਤਿ, ਨ ਚ ਅਰਹਾ ਆਪਾਯਿਕੇ ਰੂਪੇ ਰਜ੍ਜੇਯ੍ਯਾਤਿ? ਆਮਨ੍ਤਾ. ਦਿਟ੍ਠਿਸਮ੍ਪਨ੍ਨਸ੍ਸ ਪੁਗ੍ਗਲਸ੍ਸ ਪਹੀਨਾ ਦੁਗ੍ਗਤਿ, ਨ ਚ ਦਿਟ੍ਠਿਸਮ੍ਪਨ੍ਨੋ ਪੁਗ੍ਗਲੋ ਆਪਾਯਿਕੇ ਰੂਪੇ ਰਜ੍ਜੇਯ੍ਯਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਰਹਤੋ ਪਹੀਨਾ ਦੁਗ੍ਗਤਿ, ਨ ਚ ਅਰਹਾ ਆਪਾਯਿਕੇ ਸਦ੍ਦੇ…ਪੇ… ਗਨ੍ਧੇ…ਪੇ… ਰਸੇ…ਪੇ… ਫੋਟ੍ਠਬ੍ਬੇ…ਪੇ… ਅਮਨੁਸ੍ਸਿਤ੍ਥਿਯਾ ਤਿਰਚ੍ਛਾਨਗਤਿਤ੍ਥਿਯਾ ਨਾਗਕਞ੍ਞਾਯ ਮੇਥੁਨਂ ਧਮ੍ਮਂ ਪਟਿਸੇਵੇਯ੍ਯ, ਅਜੇਲ਼ਕਂ ਪਟਿਗ੍ਗਣ੍ਹੇਯ੍ਯ, ਕੁਕ੍ਕੁਟਸੂਕਰਂ ਪਟਿਗ੍ਗਣ੍ਹੇਯ੍ਯ, ਹਤ੍ਥਿਗਵਸ੍ਸਵਲ਼ਵਂ ਪਟਿਗ੍ਗਣ੍ਹੇਯ੍ਯ…ਪੇ… ਤਿਤ੍ਤਿਰਵਟ੍ਟਕਮੋਰਕਪਿਞ੍ਜਰਂ ਪਟਿਗ੍ਗਣ੍ਹੇਯ੍ਯਾਤਿ? ਆਮਨ੍ਤਾ. ਦਿਟ੍ਠਿਸਮ੍ਪਨ੍ਨਸ੍ਸ ਪੁਗ੍ਗਲਸ੍ਸ ਪਹੀਨਾ ਦੁਗ੍ਗਤਿ, ਨ ਚ ਦਿਟ੍ਠਿਸਮ੍ਪਨ੍ਨੋ ਪੁਗ੍ਗਲੋ ਤਿਤ੍ਤਿਰਵਟ੍ਟਕਮੋਰਕਪਿਞ੍ਜਰਂ ਪਟਿਗ੍ਗਣ੍ਹੇਯ੍ਯਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੬੫੨. [ਅਟ੍ਠਕਥਾਨੁਲੋਮਂ ਪਰਵਾਦੀਪੁਚ੍ਛਾਲਕ੍ਖਣਂ. ਤਥਾਪਾਯਂ ਪੁਚ੍ਛਾ ਸਕਵਾਦਿਸ੍ਸ, ਪੁਰਿਮਾਯੋ ਚ ਇਮਿਸ੍ਸਂ ਦੁਗ੍ਗਤਿਕਥਾਯਂ ਪਰਵਾਦਿਸ੍ਸਾਤਿ ਗਹੇਤਬ੍ਬਾ ਵਿਯ ਦਿਸ੍ਸਨ੍ਤਿ] ਨ ਵਤ੍ਤਬ੍ਬਂ – ‘‘ਦਿਟ੍ਠਿਸਮ੍ਪਨ੍ਨਸ੍ਸ ਪੁਗ੍ਗਲਸ੍ਸ ਪਹੀਨਾ ਦੁਗ੍ਗਤੀ’’ਤਿ? ਆਮਨ੍ਤਾ. ਦਿਟ੍ਠਿਸਮ੍ਪਨ੍ਨੋ ਪੁਗ੍ਗਲੋ ਨਿਰਯਂ ਉਪਪਜ੍ਜੇਯ੍ਯ…ਪੇ… ਤਿਰਚ੍ਛਾਨਯੋਨਿਂ ਉਪਪਜ੍ਜੇਯ੍ਯ… ਪੇਤ੍ਤਿਵਿਸਯਂ ਉਪਪਜ੍ਜੇਯ੍ਯਾਤਿ? ਨ ਹੇਵਂ ਵਤ੍ਤਬ੍ਬੇ. ਤੇਨ ਹਿ ਦਿਟ੍ਠਿਸਮ੍ਪਨ੍ਨਸ੍ਸ ਪੁਗ੍ਗਲਸ੍ਸ ਪਹੀਨਾ ਦੁਗ੍ਗਤੀਤਿ.
ਦੁਗ੍ਗਤਿਕਥਾ ਨਿਟ੍ਠਿਤਾ.
੧੨. ਦ੍ਵਾਦਸਮਵਗ੍ਗੋ
(੧੨੫) ੧੦. ਸਤ੍ਤਮਭਵਿਕਕਥਾ
੬੫੩. ਨ ਵਤ੍ਤਬ੍ਬਂ ‘‘ਸਤ੍ਤਮਭਵਿਕਸ੍ਸ ਪੁਗ੍ਗਲਸ੍ਸ ਪਹੀਨਾ ਦੁਗ੍ਗਤੀ’’ਤਿ? ਆਮਨ੍ਤਾ. ਸਤ੍ਤਮਭਵਿਕੋ ਪੁਗ੍ਗਲੋ ਨਿਰਯਂ ਉਪਪਜ੍ਜੇਯ੍ਯ, ਤਿਰਚ੍ਛਾਨਯੋਨਿਂ ਉਪਪਜ੍ਜੇਯ੍ਯ, ਪੇਤ੍ਤਿਵਿਸਯਂ ਉਪਪਜ੍ਜੇਯ੍ਯਾਤਿ? ਨ ਹੇਵਂ ਵਤ੍ਤਬ੍ਬੇ. ਤੇਨ ਹਿ ਸਤ੍ਤਮਭਵਿਕਸ੍ਸ ਪੁਗ੍ਗਲਸ੍ਸ ਪਹੀਨਾ ਦੁਗ੍ਗਤੀਤਿ.
ਸਤ੍ਤਮਭਵਿਕਕਥਾ ਨਿਟ੍ਠਿਤਾ.
ਦ੍ਵਾਦਸਮਵਗ੍ਗੋ.
ਤਸ੍ਸੁਦ੍ਦਾਨਂ –
ਸਂਵਰੋ ਕਮ੍ਮਂ ਤਥੇਵ ਅਸਂਵਰੋ, ਸਬ੍ਬਕਮ੍ਮਂ ਸਵਿਪਾਕਂ, ਸਦ੍ਦੋ ਵਿਪਾਕੋ, ਸਲ਼ਾਯਤਨਂ ਵਿਪਾਕੋ, ਸਤ੍ਤਕ੍ਖਤ੍ਤੁਪਰਮੋ ਪੁਗ੍ਗਲੋ ਸਤ੍ਤਕ੍ਖਤ੍ਤੁਪਰਮਤਾਨਿਯਤੋ, ਕੋਲਙ੍ਕੋਲਪੁਗ੍ਗਲੋ ਕੋਲਙ੍ਕੋਲਤਾਨਿਯਤੋ, ਏਕਬੀਜੀ ਪੁਗ੍ਗਲੋ ਏਕਬੀਜਿਤਾਨਿਯਤੋ, ਦਿਟ੍ਠਿਸਮ੍ਪਨ੍ਨੋ ਪੁਗ੍ਗਲੋ ਸਞ੍ਚਿਚ੍ਚ ਪਾਣਂ ਜੀਵਿਤਾ ਵੋਰੋਪੇਯ੍ਯ, ਦਿਟ੍ਠਿਸਮ੍ਪਨ੍ਨਸ੍ਸ ਪੁਗ੍ਗਲਸ੍ਸ ਪਹੀਨਾ ਦੁਗ੍ਗਤਿ, ਤਥੇਵ ਸਤ੍ਤਮਭਵਿਕਸ੍ਸਾਤਿ.