੧੦. ਦਸਮਵਗ੍ਗੋ

(੯੫) ੧. ਨਿਰੋਧਕਥਾ

੫੭੧. ਉਪਪਤ੍ਤੇਸਿਯੇ ਪਞ੍ਚਕ੍ਖਨ੍ਧੇ ਅਨਿਰੁਦ੍ਧੇ ਕਿਰਿਯਾ ਪਞ੍ਚਕ੍ਖਨ੍ਧਾ ਉਪ੍ਪਜ੍ਜਨ੍ਤੀਤਿ? ਆਮਨ੍ਤਾ. ਦਸਨ੍ਨਂ ਖਨ੍ਧਾਨਂ ਸਮੋਧਾਨਂ ਹੋਤਿ, ਦਸ ਖਨ੍ਧਾ ਸਮ੍ਮੁਖੀਭਾਵਂ ਆਗਚ੍ਛਨ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਦਸਨ੍ਨਂ ਖਨ੍ਧਾਨਂ ਸਮੋਧਾਨਂ ਹੋਤਿ, ਦਸ ਖਨ੍ਧਾ ਸਮ੍ਮੁਖੀਭਾਵਂ ਆਗਚ੍ਛਨ੍ਤੀਤਿ? ਆਮਨ੍ਤਾ. ਦ੍ਵਿਨ੍ਨਂ ਫਸ੍ਸਾਨਂ…ਪੇ… ਦ੍ਵਿਨ੍ਨਂ ਚਿਤ੍ਤਾਨਂ ਸਮੋਧਾਨਂ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਉਪਪਤ੍ਤੇਸਿਯੇ ਪਞ੍ਚਕ੍ਖਨ੍ਧੇ ਅਨਿਰੁਦ੍ਧੇ ਕਿਰਿਯਾ ਚਤ੍ਤਾਰੋ ਖਨ੍ਧਾ ਉਪ੍ਪਜ੍ਜਨ੍ਤੀਤਿ? ਆਮਨ੍ਤਾ. ਨਵਨ੍ਨਂ ਖਨ੍ਧਾਨਂ ਸਮੋਧਾਨਂ ਹੋਤਿ, ਨਵ ਖਨ੍ਧਾ ਸਮ੍ਮੁਖੀਭਾਵਂ ਆਗਚ੍ਛਨ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਨਵਨ੍ਨਂ ਖਨ੍ਧਾਨਂ ਸਮੋਧਾਨਂ ਹੋਤਿ, ਨਵ ਖਨ੍ਧਾ ਸਮ੍ਮੁਖੀਭਾਵਂ ਆਗਚ੍ਛਨ੍ਤੀਤਿ? ਆਮਨ੍ਤਾ. ਦ੍ਵਿਨ੍ਨਂ ਫਸ੍ਸਾਨਂ…ਪੇ… ਦ੍ਵਿਨ੍ਨਂ ਚਿਤ੍ਤਾਨਂ ਸਮੋਧਾਨਂ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਉਪਪਤ੍ਤੇਸਿਯੇ ਪਞ੍ਚਕ੍ਖਨ੍ਧੇ ਅਨਿਰੁਦ੍ਧੇ ਕਿਰਿਯਾਞਾਣਂ ਉਪ੍ਪਜ੍ਜਤੀਤਿ? ਆਮਨ੍ਤਾ. ਛਨ੍ਨਂ ਖਨ੍ਧਾਨਂ ਸਮੋਧਾਨਂ ਹੋਤਿ, ਛ ਖਨ੍ਧਾ ਸਮ੍ਮੁਖੀਭਾਵਂ ਆਗਚ੍ਛਨ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਛਨ੍ਨਂ ਖਨ੍ਧਾਨਂ ਸਮੋਧਾਨਂ ਹੋਤਿ, ਛ ਖਨ੍ਧਾ ਸਮ੍ਮੁਖੀਭਾਵਂ ਆਗਚ੍ਛਨ੍ਤੀਤਿ? ਆਮਨ੍ਤਾ. ਦ੍ਵਿਨ੍ਨਂ ਫਸ੍ਸਾਨਂ…ਪੇ… ਦ੍ਵਿਨ੍ਨਂ ਚਿਤ੍ਤਾਨਂ ਸਮੋਧਾਨਂ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੫੭੨. ਉਪਪਤ੍ਤੇਸਿਯੇ ਪਞ੍ਚਕ੍ਖਨ੍ਧੇ ਨਿਰੁਦ੍ਧੇ ਮਗ੍ਗੋ ਉਪ੍ਪਜ੍ਜਤੀਤਿ? ਆਮਨ੍ਤਾ. ਮਤੋ ਮਗ੍ਗਂ ਭਾਵੇਤਿ, ਕਾਲਙ੍ਕਤੋ ਮਗ੍ਗਂ ਭਾਵੇਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਨਿਰੋਧਕਥਾ ਨਿਟ੍ਠਿਤਾ.

੧੦. ਦਸਮਵਗ੍ਗੋ

(੯੬) ੨. ਰੂਪਂ ਮਗ੍ਗੋਤਿਕਥਾ

੫੭੩. ਮਗ੍ਗਸਮਙ੍ਗਿਸ੍ਸ ਰੂਪਂ ਮਗ੍ਗੋਤਿ? ਆਮਨ੍ਤਾ. ਸਾਰਮ੍ਮਣਂ, ਅਤ੍ਥਿ ਤਸ੍ਸ ਆਵਟ੍ਟਨਾ ਆਭੋਗੋ ਸਮਨ੍ਨਾਹਾਰੋ ਮਨਸਿਕਾਰੋ ਚੇਤਨਾ ਪਤ੍ਥਨਾ ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਨਨੁ ਅਨਾਰਮ੍ਮਣਂ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਹਞ੍ਚਿ ਅਨਾਰਮ੍ਮਣਂ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧਿ; ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਮਗ੍ਗਸਮਙ੍ਗਿਸ੍ਸ ਰੂਪਂ ਮਗ੍ਗੋ’’ਤਿ.

ਸਮ੍ਮਾਵਾਚਾ ਮਗ੍ਗੋਤਿ? ਆਮਨ੍ਤਾ. ਸਾਰਮ੍ਮਣਾ, ਅਤ੍ਥਿ ਤਾਯ ਆਵਟ੍ਟਨਾ…ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਨਨੁ ਅਨਾਰਮ੍ਮਣਾ, ਨਤ੍ਥਿ ਤਾਯ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਹਞ੍ਚਿ ਅਨਾਰਮ੍ਮਣਾ, ਨਤ੍ਥਿ ਤਾਯ ਆਵਟ੍ਟਨਾ…ਪੇ… ਪਣਿਧਿ; ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਸਮ੍ਮਾਵਾਚਾ ਮਗ੍ਗੋ’’ਤਿ.

ਸਮ੍ਮਾਕਮ੍ਮਨ੍ਤੋ …ਪੇ… ਸਮ੍ਮਾਆਜੀਵੋ ਮਗ੍ਗੋਤਿ? ਆਮਨ੍ਤਾ. ਸਾਰਮ੍ਮਣੋ, ਅਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਨਨੁ ਅਨਾਰਮ੍ਮਣੋ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਹਞ੍ਚਿ ਅਨਾਰਮ੍ਮਣੋ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧਿ; ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਸਮ੍ਮਾਆਜੀਵੋ ਮਗ੍ਗੋ’’ਤਿ.

੫੭੪. ਸਮ੍ਮਾਦਿਟ੍ਠਿ ਮਗ੍ਗੋ, ਸਾ ਚ ਸਾਰਮ੍ਮਣਾ, ਅਤ੍ਥਿ ਤਾਯ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਸਮ੍ਮਾਵਾਚਾ ਮਗ੍ਗੋ, ਸਾ ਚ ਸਾਰਮ੍ਮਣਾ, ਅਤ੍ਥਿ ਤਾਯ ਆਵਟ੍ਟਨਾ…ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ …ਪੇ… ਸਮ੍ਮਾਦਿਟ੍ਠਿ ਮਗ੍ਗੋ, ਸਾ ਚ ਸਾਰਮ੍ਮਣਾ, ਅਤ੍ਥਿ ਤਾਯ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਸਮ੍ਮਾਕਮ੍ਮਨ੍ਤੋ…ਪੇ… ਸਮ੍ਮਾਆਜੀਵੋ ਮਗ੍ਗੋ, ਸੋ ਚ ਸਾਰਮ੍ਮਣੋ, ਅਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸਮ੍ਮਾਸਙ੍ਕਪ੍ਪੋ…ਪੇ… ਸਮ੍ਮਾਵਾਯਾਮੋ…ਪੇ… ਸਮ੍ਮਾਸਤਿ…ਪੇ….

ਸਮ੍ਮਾਸਮਾਧਿ ਮਗ੍ਗੋ, ਸੋ ਚ ਸਾਰਮ੍ਮਣੋ, ਅਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਸਮ੍ਮਾਵਾਚਾ ਮਗ੍ਗੋ, ਸਾ ਚ ਸਾਰਮ੍ਮਣਾ, ਅਤ੍ਥਿ ਤਾਯ ਆਵਟ੍ਟਨਾ…ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸਮ੍ਮਾਸਮਾਧਿ ਮਗ੍ਗੋ, ਸੋ ਚ ਸਾਰਮ੍ਮਣੋ, ਅਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਸਮ੍ਮਾਕਮ੍ਮਨ੍ਤੋ…ਪੇ… ਸਮ੍ਮਾਆਜੀਵੋ ਮਗ੍ਗੋ, ਸੋ ਚ ਸਾਰਮ੍ਮਣੋ, ਅਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਮ੍ਮਾਵਾਚਾ ਮਗ੍ਗੋ, ਸਾ ਚ ਅਨਾਰਮ੍ਮਣਾ, ਨਤ੍ਥਿ ਤਾਯ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਸਮ੍ਮਾਦਿਟ੍ਠਿ ਮਗ੍ਗੋ, ਸਾ ਚ ਅਨਾਰਮ੍ਮਣਾ, ਨਤ੍ਥਿ ਤਾਯ ਆਵਟ੍ਟਨਾ…ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸਮ੍ਮਾਵਾਚਾ ਮਗ੍ਗੋ, ਸਾ ਚ ਅਨਾਰਮ੍ਮਣਾ, ਨਤ੍ਥਿ ਤਾਯ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਸਮ੍ਮਾਸਙ੍ਕਪ੍ਪੋ…ਪੇ… ਸਮ੍ਮਾਵਾਯਾਮੋ… ਸਮ੍ਮਾਸਤਿ … ਸਮ੍ਮਾਸਮਾਧਿ ਮਗ੍ਗੋ, ਸੋ ਚ ਅਨਾਰਮ੍ਮਣੋ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਮ੍ਮਾਕਮ੍ਮਨ੍ਤੋ …ਪੇ… ਸਮ੍ਮਾਆਜੀਵੋ ਮਗ੍ਗੋ, ਸੋ ਚ ਅਨਾਰਮ੍ਮਣੋ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਸਮ੍ਮਾਦਿਟ੍ਠਿ… ਸਮ੍ਮਾਸਙ੍ਕਪ੍ਪੋ… ਸਮ੍ਮਾਵਾਯਾਮੋ… ਸਮ੍ਮਾਸਤਿ…ਪੇ… ਸਮ੍ਮਾਸਮਾਧਿ ਮਗ੍ਗੋ, ਸੋ ਚ ਅਨਾਰਮ੍ਮਣੋ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੫੭੫. ਨ ਵਤ੍ਤਬ੍ਬਂ – ‘‘ਮਗ੍ਗਸਮਙ੍ਗਿਸ੍ਸ ਰੂਪਂ ਮਗ੍ਗੋ’’ਤਿ? ਆਮਨ੍ਤਾ. ਨਨੁ ਸਮ੍ਮਾਵਾਚਾ ਸਮ੍ਮਾਕਮ੍ਮਨ੍ਤੋ ਸਮ੍ਮਾਆਜੀਵੋ ਮਗ੍ਗੋਤਿ? ਆਮਨ੍ਤਾ. ਹਞ੍ਚਿ ਸਮ੍ਮਾਵਾਚਾ ਸਮ੍ਮਾਕਮ੍ਮਨ੍ਤੋ ਸਮ੍ਮਾਆਜੀਵੋ ਮਗ੍ਗੋ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਮਗ੍ਗਸਮਙ੍ਗਿਸ੍ਸ ਰੂਪਂ ਮਗ੍ਗੋ’’ਤਿ.

ਰੂਪਂ ਮਗ੍ਗੋਤਿਕਥਾ ਨਿਟ੍ਠਿਤਾ.

੧੦. ਦਸਮਵਗ੍ਗੋ

(੯੭) ੩. ਪਞ੍ਚਵਿਞ੍ਞਾਣਸਮਙ੍ਗਿਸ੍ਸ ਮਗ੍ਗਕਥਾ

੫੭੬. ਪਞ੍ਚਵਿਞ੍ਞਾਣਸਮਙ੍ਗਿਸ੍ਸ ਅਤ੍ਥਿ ਮਗ੍ਗਭਾਵਨਾਤਿ? ਆਮਨ੍ਤਾ. ਨਨੁ ਪਞ੍ਚਵਿਞ੍ਞਾਣਾ ਉਪ੍ਪਨ੍ਨਵਤ੍ਥੁਕਾ ਉਪ੍ਪਨ੍ਨਾਰਮ੍ਮਣਾਤਿ? ਆਮਨ੍ਤਾ. ਹਞ੍ਚਿ ਪਞ੍ਚਵਿਞ੍ਞਾਣਾ ਉਪ੍ਪਨ੍ਨਵਤ੍ਥੁਕਾ ਉਪ੍ਪਨ੍ਨਾਰਮ੍ਮਣਾ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਪਞ੍ਚਵਿਞ੍ਞਾਣਸਮਙ੍ਗਿਸ੍ਸ ਅਤ੍ਥਿ ਮਗ੍ਗਭਾਵਨਾ’’ਤਿ.

ਨਨੁ ਪਞ੍ਚਵਿਞ੍ਞਾਣਾ ਪੁਰੇਜਾਤਵਤ੍ਥੁਕਾ ਪੁਰੇਜਾਤਾਰਮ੍ਮਣਾ ਅਜ੍ਝਤ੍ਤਿਕਵਤ੍ਥੁਕਾ ਬਾਹਿਰਾਰਮ੍ਮਣਾ ਅਸਮ੍ਭਿਨ੍ਨਵਤ੍ਥੁਕਾ ਅਸਮ੍ਭਿਨ੍ਨਾਰਮ੍ਮਣਾ ਨਾਨਾਵਤ੍ਥੁਕਾ ਨਾਨਾਰਮ੍ਮਣਾ ਨ ਅਞ੍ਞਮਞ੍ਞਸ੍ਸ ਗੋਚਰਵਿਸਯਂ ਪਚ੍ਚਨੁਭੋਨ੍ਤਿ, ਨ ਅਸਮਨ੍ਨਾਹਾਰਾ ਉਪ੍ਪਜ੍ਜਨ੍ਤਿ, ਨ ਅਮਨਸਿਕਾਰਾ ਉਪ੍ਪਜ੍ਜਨ੍ਤਿ, ਨ ਅਬ੍ਬੋਕਿਣ੍ਣਾ ਉਪ੍ਪਜ੍ਜਨ੍ਤਿ, ਨ ਅਪੁਬ੍ਬਂ ਅਚਰਿਮਂ ਉਪ੍ਪਜ੍ਜਨ੍ਤਿ, ਨ ਅਞ੍ਞਮਞ੍ਞਸ੍ਸ ਸਮਨਨ੍ਤਰਾ ਉਪ੍ਪਜ੍ਜਨ੍ਤਿ, ਨਨੁ ਪਞ੍ਚਵਿਞ੍ਞਾਣਾ ਅਨਾਭੋਗਾਤਿ? ਆਮਨ੍ਤਾ. ਹਞ੍ਚਿ ਪਞ੍ਚਵਿਞ੍ਞਾਣਾ ਅਨਾਭੋਗਾ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਪਞ੍ਚਵਿਞ੍ਞਾਣਸਮਙ੍ਗਿਸ੍ਸ ਅਤ੍ਥਿ ਮਗ੍ਗਭਾਵਨਾ’’ਤਿ.

੫੭੭. ਚਕ੍ਖੁਵਿਞ੍ਞਾਣਸਮਙ੍ਗਿਸ੍ਸ ਅਤ੍ਥਿ ਮਗ੍ਗਭਾਵਨਾਤਿ? ਆਮਨ੍ਤਾ. ਚਕ੍ਖੁਵਿਞ੍ਞਾਣਂ ਸੁਞ੍ਞਤਂ ਆਰਬ੍ਭ ਉਪ੍ਪਜ੍ਜਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਚਕ੍ਖੁਵਿਞ੍ਞਾਣਂ ਸੁਞ੍ਞਤਂ ਆਰਬ੍ਭ ਉਪ੍ਪਜ੍ਜਤੀਤਿ? ਆਮਨ੍ਤਾ. ਚਕ੍ਖੁਞ੍ਚ ਪਟਿਚ੍ਚ ਸੁਞ੍ਞਤਞ੍ਚ ਉਪ੍ਪਜ੍ਜਤਿ ਚਕ੍ਖੁਵਿਞ੍ਞਾਣਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਚਕ੍ਖੁਞ੍ਚ ਪਟਿਚ੍ਚ ਸੁਞ੍ਞਤਞ੍ਚ ਉਪ੍ਪਜ੍ਜਤਿ ਚਕ੍ਖੁਵਿਞ੍ਞਾਣਨ੍ਤਿ? ਆਮਨ੍ਤਾ. ‘‘ਚਕ੍ਖੁਞ੍ਚ ਪਟਿਚ੍ਚ ਸੁਞ੍ਞਤਞ੍ਚ ਉਪ੍ਪਜ੍ਜਤਿ ਚਕ੍ਖੁਵਿਞ੍ਞਾਣ’’ਨ੍ਤਿ – ਅਤ੍ਥੇਵ ਸੁਤ੍ਤਨ੍ਤੋਤਿ? ਨਤ੍ਥਿ. ‘‘ਚਕ੍ਖੁਞ੍ਚ ਪਟਿਚ੍ਚ ਰੂਪੇ ਚ ਉਪ੍ਪਜ੍ਜਤਿ ਚਕ੍ਖੁਵਿਞ੍ਞਾਣ’’ਨ੍ਤਿ – ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਹਞ੍ਚਿ ‘‘ਚਕ੍ਖੁਞ੍ਚ ਪਟਿਚ੍ਚ ਰੂਪੇ ਚ ਉਪ੍ਪਜ੍ਜਤਿ ਚਕ੍ਖੁਵਿਞ੍ਞਾਣ’’ਨ੍ਤਿ – ਅਤ੍ਥੇਵ ਸੁਤ੍ਤਨ੍ਤੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਚਕ੍ਖੁਞ੍ਚ ਪਟਿਚ੍ਚ ਸੁਞ੍ਞਤਞ੍ਚ ਉਪ੍ਪਜ੍ਜਤਿ ਚਕ੍ਖੁਵਿਞ੍ਞਾਣ’’ਨ੍ਤਿ.

੫੭੮. ਚਕ੍ਖੁਵਿਞ੍ਞਾਣਸਮਙ੍ਗਿਸ੍ਸ ਅਤ੍ਥਿ ਮਗ੍ਗਭਾਵਨਾਤਿ? ਆਮਨ੍ਤਾ. ਚਕ੍ਖੁਵਿਞ੍ਞਾਣਂ ਅਤੀਤਾਨਾਗਤਂ ਆਰਬ੍ਭ ਉਪ੍ਪਜ੍ਜਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਚਕ੍ਖੁਵਿਞ੍ਞਾਣਸਮਙ੍ਗਿਸ੍ਸ ਅਤ੍ਥਿ ਮਗ੍ਗਭਾਵਨਾਤਿ? ਆਮਨ੍ਤਾ. ਚਕ੍ਖੁਵਿਞ੍ਞਾਣਂ ਫਸ੍ਸਂ ਆਰਬ੍ਭ…ਪੇ… ਵੇਦਨਂ ਆਰਬ੍ਭ… ਸਞ੍ਞਂ ਆਰਬ੍ਭ … ਚੇਤਨਂ ਆਰਬ੍ਭ… ਚਿਤ੍ਤਂ ਆਰਬ੍ਭ… ਚਕ੍ਖੁਂ ਆਰਬ੍ਭ… ਕਾਯਂ ਆਰਬ੍ਭ…ਪੇ… ਸਦ੍ਦਂ ਆਰਬ੍ਭ…ਪੇ… ਫੋਟ੍ਠਬ੍ਬਂ ਆਰਬ੍ਭ ਉਪ੍ਪਜ੍ਜਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਮਨੋਵਿਞ੍ਞਾਣਸਮਙ੍ਗਿਸ੍ਸ ਅਤ੍ਥਿ ਮਗ੍ਗਭਾਵਨਾ, ਮਨੋਵਿਞ੍ਞਾਣਂ ਸੁਞ੍ਞਤਂ ਆਰਬ੍ਭ ਉਪ੍ਪਜ੍ਜਤੀਤਿ? ਆਮਨ੍ਤਾ. ਚਕ੍ਖੁਵਿਞ੍ਞਾਣਸਮਙ੍ਗਿਸ੍ਸ ਅਤ੍ਥਿ ਮਗ੍ਗਭਾਵਨਾ, ਚਕ੍ਖੁਵਿਞ੍ਞਾਣਂ ਸੁਞ੍ਞਤਂ ਆਰਬ੍ਭ ਉਪ੍ਪਜ੍ਜਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਮਨੋਵਿਞ੍ਞਾਣਸਮਙ੍ਗਿਸ੍ਸ ਅਤ੍ਥਿ ਮਗ੍ਗਭਾਵਨਾ, ਮਨੋਵਿਞ੍ਞਾਣਂ ਅਤੀਤਾਨਾਗਤਂ ਆਰਬ੍ਭ ਉਪ੍ਪਜ੍ਜਤੀਤਿ? ਆਮਨ੍ਤਾ. ਚਕ੍ਖੁਵਿਞ੍ਞਾਣਸਮਙ੍ਗਿਸ੍ਸ ਅਤ੍ਥਿ ਮਗ੍ਗਭਾਵਨਾ, ਚਕ੍ਖੁਵਿਞ੍ਞਾਣਂ ਅਤੀਤਾਨਾਗਤਂ ਆਰਬ੍ਭ ਉਪ੍ਪਜ੍ਜਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਮਨੋਵਿਞ੍ਞਾਣਸਮਙ੍ਗਿਸ੍ਸ ਅਤ੍ਥਿ ਮਗ੍ਗਭਾਵਨਾ, ਮਨੋਵਿਞ੍ਞਾਣਂ ਫਸ੍ਸਂ ਆਰਬ੍ਭ… ਵੇਦਨਂ ਆਰਬ੍ਭ…ਪੇ… ਫੋਟ੍ਠਬ੍ਬਂ ਆਰਬ੍ਭ ਉਪ੍ਪਜ੍ਜਤੀਤਿ? ਆਮਨ੍ਤਾ. ਚਕ੍ਖੁਵਿਞ੍ਞਾਣਸਮਙ੍ਗਿਸ੍ਸ ਅਤ੍ਥਿ ਮਗ੍ਗਭਾਵਨਾ, ਚਕ੍ਖੁਵਿਞ੍ਞਾਣਂ ਫਸ੍ਸਂ ਆਰਬ੍ਭ… ਵੇਦਨਂ ਆਰਬ੍ਭ…ਪੇ… ਫੋਟ੍ਠਬ੍ਬਂ ਆਰਬ੍ਭ ਉਪ੍ਪਜ੍ਜਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੫੭੯. ਨ ਵਤ੍ਤਬ੍ਬਂ – ‘‘ਪਞ੍ਚਵਿਞ੍ਞਾਣਸਮਙ੍ਗਿਸ੍ਸ ਅਤ੍ਥਿ ਮਗ੍ਗਭਾਵਨਾ’’ਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਇਧ, ਭਿਕ੍ਖਵੇ, ਭਿਕ੍ਖੁ ਚਕ੍ਖੁਨਾ ਰੂਪਂ ਦਿਸ੍ਵਾ ਨ ਨਿਮਿਤ੍ਤਗ੍ਗਾਹੀ ਹੋਤਿ ਨਾਨੁਬ੍ਯਞ੍ਜਨਗ੍ਗਾਹੀ…ਪੇ… ਸੋਤੇਨ ਸਦ੍ਦਂ ਸੁਤ੍ਵਾ…ਪੇ… ਘਾਨੇਨ ਗਨ੍ਧਂ ਘਾਯਿਤ੍ਵਾ…ਪੇ… ਜਿਵ੍ਹਾਯ ਰਸਂ ਸਾਯਿਤ੍ਵਾ…ਪੇ… ਕਾਯੇਨ ਫੋਟ੍ਠਬ੍ਬਂ ਫੁਸਿਤ੍ਵਾ ਨ ਨਿਮਿਤ੍ਤਗ੍ਗਾਹੀ ਹੋਤਿ ਨਾਨੁਬ੍ਯਞ੍ਜਨਗ੍ਗਾਹੀ’’ਤਿ! [ਮ. ਨਿ. ੧.੩੪੯; ਅ. ਨਿ. ੪.੩੭] ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਪਞ੍ਚਵਿਞ੍ਞਾਣਸਮਙ੍ਗਿਸ੍ਸ ਅਤ੍ਥਿ ਮਗ੍ਗਭਾਵਨਾਤਿ.

ਪਞ੍ਚਵਿਞ੍ਞਾਣਸਮਙ੍ਗਿਸ੍ਸ ਮਗ੍ਗਕਥਾ ਨਿਟ੍ਠਿਤਾ.

੧੦. ਦਸਮਵਗ੍ਗੋ

(੯੮) ੪. ਪਞ੍ਚਵਿਞ੍ਞਾਣਾ ਕੁਸਲਾਪਿ ਅਕੁਸਲਾਪੀਤਿਕਥਾ

੫੮੦. ਪਞ੍ਚਵਿਞ੍ਞਾਣਾ ਕੁਸਲਾਪਿ ਅਕੁਸਲਾਪੀਤਿ? ਆਮਨ੍ਤਾ. ਨਨੁ ਪਞ੍ਚਵਿਞ੍ਞਾਣਾ ਉਪ੍ਪਨ੍ਨਵਤ੍ਥੁਕਾ ਉਪ੍ਪਨ੍ਨਾਰਮ੍ਮਣਾਤਿ? ਆਮਨ੍ਤਾ. ਹਞ੍ਚਿ ਪਞ੍ਚਵਿਞ੍ਞਾਣਾ ਉਪ੍ਪਨ੍ਨਵਤ੍ਥੁਕਾ ਉਪ੍ਪਨ੍ਨਾਰਮ੍ਮਣਾ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਪਞ੍ਚਵਿਞ੍ਞਾਣਾ ਕੁਸਲਾਪਿ ਅਕੁਸਲਾਪੀ’’ਤਿ. ਨਨੁ ਪਞ੍ਚਵਿਞ੍ਞਾਣਾ ਪੁਰੇਜਾਤਵਤ੍ਥੁਕਾ ਪੁਰੇਜਾਤਾਰਮ੍ਮਣਾ ਅਜ੍ਝਤ੍ਤਿਕਵਤ੍ਥੁਕਾ ਬਾਹਿਰਾਰਮ੍ਮਣਾ ਅਸਮ੍ਭਿਨ੍ਨਵਤ੍ਥੁਕਾ ਅਸਮ੍ਭਿਨ੍ਨਾਰਮ੍ਮਣਾ ਨਾਨਾਵਤ੍ਥੁਕਾ ਨਾਨਾਰਮ੍ਮਣਾ ਨ ਅਞ੍ਞਮਞ੍ਞਸ੍ਸ ਗੋਚਰਵਿਸਯਂ ਪਚ੍ਚਨੁਭੋਨ੍ਤਿ, ਨ ਅਸਮਨ੍ਨਾਹਾਰਾ ਉਪ੍ਪਜ੍ਜਨ੍ਤਿ, ਨ ਅਮਨਸਿਕਾਰਾ ਉਪ੍ਪਜ੍ਜਨ੍ਤਿ, ਨ ਅਬ੍ਬੋਕਿਣ੍ਣਾ ਉਪ੍ਪਜ੍ਜਨ੍ਤਿ, ਨ ਅਪੁਬ੍ਬਂ ਅਚਰਿਮਂ ਉਪ੍ਪਜ੍ਜਨ੍ਤਿ, ਨ ਅਞ੍ਞਮਞ੍ਞਸ੍ਸ ਸਮਨਨ੍ਤਰਾ ਉਪ੍ਪਜ੍ਜਨ੍ਤਿ, ਨਨੁ ਪਞ੍ਚਵਿਞ੍ਞਾਣਾ ਅਨਾਭੋਗਾਤਿ? ਆਮਨ੍ਤਾ. ਹਞ੍ਚਿ ਪਞ੍ਚਵਿਞ੍ਞਾਣਾ ਅਨਾਭੋਗਾ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਪਞ੍ਚਵਿਞ੍ਞਾਣਾ ਕੁਸਲਾਪਿ ਅਕੁਸਲਾਪੀ’’ਤਿ.

੫੮੧. ਚਕ੍ਖੁਵਿਞ੍ਞਾਣਂ ਕੁਸਲਨ੍ਤਿ? ਆਮਨ੍ਤਾ. ਚਕ੍ਖੁਵਿਞ੍ਞਾਣਂ ਸੁਞ੍ਞਤਂ ਆਰਬ੍ਭ ਉਪ੍ਪਜ੍ਜਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਚਕ੍ਖੁਵਿਞ੍ਞਾਣਂ ਸੁਞ੍ਞਤਂ ਆਰਬ੍ਭ ਉਪ੍ਪਜ੍ਜਤੀਤਿ? ਆਮਨ੍ਤਾ. ਚਕ੍ਖੁਞ੍ਚ ਪਟਿਚ੍ਚ ਸੁਞ੍ਞਤਞ੍ਚ ਉਪ੍ਪਜ੍ਜਤਿ ਚਕ੍ਖੁਵਿਞ੍ਞਾਣਨ੍ਤਿ? ਨ ਹੇਵਂ ਵਤ੍ਤਬ੍ਬੇ. ਚਕ੍ਖੁਞ੍ਚ ਪਟਿਚ੍ਚ ਸੁਞ੍ਞਤਞ੍ਚ ਉਪ੍ਪਜ੍ਜਤਿ ਚਕ੍ਖੁਵਿਞ੍ਞਾਣਨ੍ਤਿ? ਆਮਨ੍ਤਾ. ਚਕ੍ਖੁਞ੍ਚ ਪਟਿਚ੍ਚ ਸੁਞ੍ਞਤਞ੍ਚ ਉਪ੍ਪਜ੍ਜਤਿ ਚਕ੍ਖੁਵਿਞ੍ਞਾਣ’’ਨ੍ਤਿ – ਅਤ੍ਥੇਵ ਸੁਤ੍ਤਨ੍ਤੋਤਿ? ਨਤ੍ਥਿ. ‘‘ਚਕ੍ਖੁਞ੍ਚ ਪਟਿਚ੍ਚ ਰੂਪੇ ਚ ਉਪ੍ਪਜ੍ਜਤਿ ਚਕ੍ਖੁਵਿਞ੍ਞਾਣ’’ਨ੍ਤਿ – ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਹਞ੍ਚਿ ‘‘ਚਕ੍ਖੁਞ੍ਚ ਪਟਿਚ੍ਚ ਰੂਪੇ ਚ ਉਪ੍ਪਜ੍ਜਤਿ ਚਕ੍ਖੁਵਿਞ੍ਞਾਣ’’ਨ੍ਤਿ – ਅਤ੍ਥੇਵ ਸੁਤ੍ਤਨ੍ਤੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਚਕ੍ਖੁਞ੍ਚ ਪਟਿਚ੍ਚ ਸੁਞ੍ਞਤਞ੍ਚ ਉਪ੍ਪਜ੍ਜਤਿ ਚਕ੍ਖੁਵਿਞ੍ਞਾਣ’’ਨ੍ਤਿ.

੫੮੨. ਚਕ੍ਖੁਵਿਞ੍ਞਾਣਂ ਕੁਸਲਮ੍ਪਿ ਅਕੁਸਲਮ੍ਪੀਤਿ? ਆਮਨ੍ਤਾ. ਚਕ੍ਖੁਵਿਞ੍ਞਾਣਂ ਅਤੀਤਾਨਾਗਤਂ ਆਰਬ੍ਭ ਉਪ੍ਪਜ੍ਜਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ…. ਚਕ੍ਖੁਵਿਞ੍ਞਾਣਂ ਕੁਸਲਮ੍ਪਿ ਅਕੁਸਲਮ੍ਪੀਤਿ? ਆਮਨ੍ਤਾ. ਚਕ੍ਖੁਵਿਞ੍ਞਾਣਂ ਫਸ੍ਸਂ ਆਰਬ੍ਭ…ਪੇ… ਚਿਤ੍ਤਂ ਆਰਬ੍ਭ… ਚਕ੍ਖੁਂ ਆਰਬ੍ਭ…ਪੇ… ਕਾਯਂ ਆਰਬ੍ਭ… ਸਦ੍ਦਂ ਆਰਬ੍ਭ…ਪੇ… ਫੋਟ੍ਠਬ੍ਬਂ ਆਰਬ੍ਭ ਉਪ੍ਪਜ੍ਜਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਮਨੋਵਿਞ੍ਞਾਣਂ ਕੁਸਲਮ੍ਪਿ ਅਕੁਸਲਮ੍ਪਿ, ਮਨੋਵਿਞ੍ਞਾਣਂ ਸੁਞ੍ਞਤਂ ਆਰਬ੍ਭ ਉਪ੍ਪਜ੍ਜਤੀਤਿ? ਆਮਨ੍ਤਾ. ਚਕ੍ਖੁਵਿਞ੍ਞਾਣਂ ਕੁਸਲਮ੍ਪਿ ਅਕੁਸਲਮ੍ਪਿ, ਚਕ੍ਖੁਵਿਞ੍ਞਾਣਂ ਸੁਞ੍ਞਤਂ ਆਰਬ੍ਭ ਉਪ੍ਪਜ੍ਜਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਮਨੋਵਿਞ੍ਞਾਣਂ ਕੁਸਲਮ੍ਪਿ ਅਕੁਸਲਮ੍ਪਿ, ਮਨੋਵਿਞ੍ਞਾਣਂ ਅਤੀਤਾਨਾਗਤਂ ਆਰਬ੍ਭ ਉਪ੍ਪਜ੍ਜਤੀਤਿ? ਆਮਨ੍ਤਾ. ਚਕ੍ਖੁਵਿਞ੍ਞਾਣਂ ਕੁਸਲਮ੍ਪਿ ਅਕੁਸਲਮ੍ਪਿ, ਚਕ੍ਖੁਵਿਞ੍ਞਾਣਂ ਅਤੀਤਾਨਾਗਤਂ ਆਰਬ੍ਭ ਉਪ੍ਪਜ੍ਜਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਮਨੋਵਿਞ੍ਞਾਣਂ ਕੁਸਲਮ੍ਪਿ ਅਕੁਸਲਮ੍ਪਿ, ਮਨੋਵਿਞ੍ਞਾਣਂ ਫਸ੍ਸਂ ਆਰਬ੍ਭ…ਪੇ… ਚਿਤ੍ਤਂ ਆਰਬ੍ਭ…ਪੇ… ਕਾਯਂ ਆਰਬ੍ਭ … ਸਦ੍ਦਂ ਆਰਬ੍ਭ …ਪੇ… ਫੋਟ੍ਠਬ੍ਬਂ ਆਰਬ੍ਭ ਉਪ੍ਪਜ੍ਜਤੀਤਿ? ਆਮਨ੍ਤਾ. ਚਕ੍ਖੁਵਿਞ੍ਞਾਣਂ ਕੁਸਲਮ੍ਪਿ ਅਕੁਸਲਮ੍ਪਿ, ਚਕ੍ਖੁਵਿਞ੍ਞਾਣਂ ਫਸ੍ਸਂ ਆਰਬ੍ਭ…ਪੇ… ਫੋਟ੍ਠਬ੍ਬਂ ਆਰਬ੍ਭ ਉਪ੍ਪਜ੍ਜਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੫੮੩. ਨ ਵਤ੍ਤਬ੍ਬਂ – ‘‘ਪਞ੍ਚਵਿਞ੍ਞਾਣਾ ਕੁਸਲਾਪਿ ਅਕੁਸਲਾਪੀ’’ਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਇਧ, ਭਿਕ੍ਖਵੇ, ਭਿਕ੍ਖੁ ਚਕ੍ਖੁਨਾ ਰੂਪਂ ਦਿਸ੍ਵਾ ਨਿਮਿਤ੍ਤਗ੍ਗਾਹੀ ਹੋਤਿ…ਪੇ… ਨ ਨਿਮਿਤ੍ਤਗ੍ਗਾਹੀ ਹੋਤਿ…ਪੇ… ਸੋਤੇਨ ਸਦ੍ਦਂ ਸੁਤ੍ਵਾ…ਪੇ… ਕਾਯੇਨ ਫੋਟ੍ਠਬ੍ਬਂ ਫੁਸਿਤ੍ਵਾ ਨਿਮਿਤ੍ਤਗ੍ਗਾਹੀ ਹੋਤਿ…ਪੇ… ਨ ਨਿਮਿਤ੍ਤਗ੍ਗਾਹੀ ਹੋਤੀ’’ਤਿ! ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਪਞ੍ਚਵਿਞ੍ਞਾਣਾ ਕੁਸਲਾਪਿ ਅਕੁਸਲਾਪੀਤਿ.

ਪਞ੍ਚਵਿਞ੍ਞਾਣਾ ਕੁਸਲਾਪਿ ਅਕੁਸਲਾਪੀਤਿਕਥਾ ਨਿਟ੍ਠਿਤਾ.

੧੦. ਦਸਮਵਗ੍ਗੋ

(੯੯) ੫. ਸਾਭੋਗਾਤਿਕਥਾ

੫੮੪. ਪਞ੍ਚਵਿਞ੍ਞਾਣਾ ਸਾਭੋਗਾਤਿ? ਆਮਨ੍ਤਾ. ਨਨੁ ਪਞ੍ਚਵਿਞ੍ਞਾਣਾ ਉਪ੍ਪਨ੍ਨਵਤ੍ਥੁਕਾ ਉਪ੍ਪਨ੍ਨਾਰਮ੍ਮਣਾਤਿ? ਆਮਨ੍ਤਾ. ਹਞ੍ਚਿ ਪਞ੍ਚਵਿਞ੍ਞਾਣਾ ਉਪ੍ਪਨ੍ਨਵਤ੍ਥੁਕਾ ਉਪ੍ਪਨ੍ਨਾਰਮ੍ਮਣਾ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਪਞ੍ਚਵਿਞ੍ਞਾਣਾ ਸਾਭੋਗਾ’’ਤਿ. ਨਨੁ ਪਞ੍ਚਵਿਞ੍ਞਾਣਾ ਪੁਰੇਜਾਤਵਤ੍ਥੁਕਾ ਪੁਰੇਜਾਤਾਰਮ੍ਮਣਾ ਅਜ੍ਝਤ੍ਤਿਕਵਤ੍ਥੁਕਾ ਬਾਹਿਰਾਰਮ੍ਮਣਾ ਅਸਮ੍ਭਿਨ੍ਨਵਤ੍ਥੁਕਾ ਅਸਮ੍ਭਿਨ੍ਨਾਰਮ੍ਮਣਾ ਨਾਨਾਵਤ੍ਥੁਕਾ ਨਾਨਾਰਮ੍ਮਣਾ ਨ ਅਞ੍ਞਮਞ੍ਞਸ੍ਸ ਗੋਚਰਵਿਸਯਂ ਪਚ੍ਚਨੁਭੋਨ੍ਤਿ, ਨ ਅਸਮਨ੍ਨਾਹਾਰਾ ਉਪ੍ਪਜ੍ਜਨ੍ਤਿ, ਨ ਅਮਨਸਿਕਾਰਾ ਉਪ੍ਪਜ੍ਜਨ੍ਤਿ, ਨ ਅਬ੍ਬੋਕਿਣ੍ਣਾ ਉਪ੍ਪਜ੍ਜਨ੍ਤਿ, ਨ ਅਪੁਬ੍ਬਂ ਅਚਰਿਮਂ ਉਪ੍ਪਜ੍ਜਨ੍ਤਿ, ਨਨੁ ਪਞ੍ਚਵਿਞ੍ਞਾਣਾ ਨ ਅਞ੍ਞਮਞ੍ਞਸ੍ਸ ਸਮਨਨ੍ਤਰਾ ਉਪ੍ਪਜ੍ਜਨ੍ਤੀਤਿ? ਆਮਨ੍ਤਾ. ਹਞ੍ਚਿ ਪਞ੍ਚਵਿਞ੍ਞਾਣਾ ਨ ਅਞ੍ਞਮਞ੍ਞਸ੍ਸ ਸਮਨਨ੍ਤਰਾ ਉਪ੍ਪਜ੍ਜਨ੍ਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਪਞ੍ਚਵਿਞ੍ਞਾਣਾ ਸਾਭੋਗਾ’’ਤਿ.

੫੮੫. ਚਕ੍ਖੁਵਿਞ੍ਞਾਣਂ ਸਾਭੋਗਨ੍ਤਿ? ਆਮਨ੍ਤਾ. ਚਕ੍ਖੁਵਿਞ੍ਞਾਣਂ ਸੁਞ੍ਞਤਂ ਆਰਬ੍ਭ ਉਪ੍ਪਜ੍ਜਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਚਕ੍ਖੁਵਿਞ੍ਞਾਣਂ ਸੁਞ੍ਞਤਂ ਆਰਬ੍ਭ ਉਪ੍ਪਜ੍ਜਤੀਤਿ? ਆਮਨ੍ਤਾ. ਚਕ੍ਖੁਞ੍ਚ ਪਟਿਚ੍ਚ ਸੁਞ੍ਞਤਞ੍ਚ ਉਪ੍ਪਜ੍ਜਤਿ ਚਕ੍ਖੁਵਿਞ੍ਞਾਣਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਚਕ੍ਖੁਞ੍ਚ ਪਟਿਚ੍ਚ ਸੁਞ੍ਞਤਞ੍ਚ ਉਪ੍ਪਜ੍ਜਤਿ ਚਕ੍ਖੁਵਿਞ੍ਞਾਣਨ੍ਤਿ? ਆਮਨ੍ਤਾ. ‘‘ਚਕ੍ਖੁਞ੍ਚ ਪਟਿਚ੍ਚ ਸੁਞ੍ਞਤਞ੍ਚ ਉਪ੍ਪਜ੍ਜਤਿ ਚਕ੍ਖੁਵਿਞ੍ਞਾਣ’’ਨ੍ਤਿ – ਅਤ੍ਥੇਵ ਸੁਤ੍ਤਨ੍ਤੋਤਿ? ਨਤ੍ਥਿ…ਪੇ… ‘‘ਚਕ੍ਖੁਞ੍ਚ ਪਟਿਚ੍ਚ ਰੂਪੇ ਚ ਉਪ੍ਪਜ੍ਜਤਿ ਚਕ੍ਖੁਵਿਞ੍ਞਾਣ’’ਨ੍ਤਿ – ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਹਞ੍ਚਿ ‘‘ਚਕ੍ਖੁਞ੍ਚ ਪਟਿਚ੍ਚ ਰੂਪੇ ਚ ਉਪ੍ਪਜ੍ਜਤਿ ਚਕ੍ਖੁਵਿਞ੍ਞਾਣ’’ਨ੍ਤਿ – ਅਤ੍ਥੇਵ ਸੁਤ੍ਤਨ੍ਤੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਚਕ੍ਖੁਞ੍ਚ ਪਟਿਚ੍ਚ ਸੁਞ੍ਞਤਞ੍ਚ ਉਪ੍ਪਜ੍ਜਤਿ ਚਕ੍ਖੁਵਿਞ੍ਞਾਣ’’ਨ੍ਤਿ.

ਚਕ੍ਖੁਵਿਞ੍ਞਾਣਂ ਸਾਭੋਗਨ੍ਤਿ? ਆਮਨ੍ਤਾ. ਚਕ੍ਖੁਵਿਞ੍ਞਾਣਂ ਅਤੀਤਾਨਾਗਤਂ ਆਰਬ੍ਭ ਉਪ੍ਪਜ੍ਜਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਚਕ੍ਖੁਵਿਞ੍ਞਾਣਂ ਸਾਭੋਗਨ੍ਤਿ? ਆਮਨ੍ਤਾ. ਚਕ੍ਖੁਵਿਞ੍ਞਾਣਂ ਫਸ੍ਸਂ ਆਰਬ੍ਭ…ਪੇ… ਫੋਟ੍ਠਬ੍ਬਂ ਆਰਬ੍ਭ ਉਪ੍ਪਜ੍ਜਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਮਨੋਵਿਞ੍ਞਾਣਂ ਸਾਭੋਗਂ, ਮਨੋਵਿਞ੍ਞਾਣਂ ਸੁਞ੍ਞਤਂ ਆਰਬ੍ਭ ਉਪ੍ਪਜ੍ਜਤੀਤਿ? ਆਮਨ੍ਤਾ. ਚਕ੍ਖੁਵਿਞ੍ਞਾਣਂ ਸਾਭੋਗਂ, ਚਕ੍ਖੁਵਿਞ੍ਞਾਣਂ ਸੁਞ੍ਞਤਂ ਆਰਬ੍ਭ ਉਪ੍ਪਜ੍ਜਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਮਨੋਵਿਞ੍ਞਾਣਂ ਸਾਭੋਗਂ, ਮਨੋਵਿਞ੍ਞਾਣਂ ਅਤੀਤਾਨਾਗਤਂ ਆਰਬ੍ਭ ਉਪ੍ਪਜ੍ਜਤੀਤਿ? ਆਮਨ੍ਤਾ. ਚਕ੍ਖੁਵਿਞ੍ਞਾਣਂ ਸਾਭੋਗਂ, ਚਕ੍ਖੁਵਿਞ੍ਞਾਣਂ ਅਤੀਤਾਨਾਗਤਂ ਆਰਬ੍ਭ ਉਪ੍ਪਜ੍ਜਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਮਨੋਵਿਞ੍ਞਾਣਂ ਸਾਭੋਗਂ, ਮਨੋਵਿਞ੍ਞਾਣਂ ਫਸ੍ਸਂ ਆਰਬ੍ਭ…ਪੇ… ਫੋਟ੍ਠਬ੍ਬਂ ਆਰਬ੍ਭ ਉਪ੍ਪਜ੍ਜਤੀਤਿ? ਆਮਨ੍ਤਾ. ਚਕ੍ਖੁਵਿਞ੍ਞਾਣਂ ਸਾਭੋਗਂ, ਚਕ੍ਖੁਵਿਞ੍ਞਾਣਂ ਫਸ੍ਸਂ ਆਰਬ੍ਭ…ਪੇ… ਫੋਟ੍ਠਬ੍ਬਂ ਆਰਬ੍ਭ ਉਪ੍ਪਜ੍ਜਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੫੮੬. ਨ ਵਤ੍ਤਬ੍ਬਂ – ‘‘ਪਞ੍ਚਵਿਞ੍ਞਾਣਾ ਸਾਭੋਗਾ’’ਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਇਧ, ਭਿਕ੍ਖਵੇ, ਭਿਕ੍ਖੁ ਚਕ੍ਖੁਨਾ ਰੂਪਂ ਦਿਸ੍ਵਾ ਨਿਮਿਤ੍ਤਗ੍ਗਾਹੀ ਹੋਤਿ…ਪੇ… ਨ ਨਿਮਿਤ੍ਤਗ੍ਗਾਹੀ ਹੋਤਿ…ਪੇ… ਕਾਯੇਨ ਫੋਟ੍ਠਬ੍ਬਂ ਫੁਸਿਤ੍ਵਾ ਨਿਮਿਤ੍ਤਗ੍ਗਾਹੀ ਹੋਤਿ…ਪੇ… ਨ ਨਿਮਿਤ੍ਤਗ੍ਗਾਹੀ ਹੋਤੀ’’ਤਿ! ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਪਞ੍ਚਵਿਞ੍ਞਾਣਾ ਸਾਭੋਗਾਤਿ…ਪੇ….

ਸਾਭੋਗਾਤਿਕਥਾ ਨਿਟ੍ਠਿਤਾ.

੧੦. ਦਸਮਵਗ੍ਗੋ

(੧੦੦) ੬. ਦ੍ਵੀਹਿਸੀਲੇਹਿਕਥਾ

੫੮੭. ਮਗ੍ਗਸਮਙ੍ਗੀ ਦ੍ਵੀਹਿ ਸੀਲੇਹਿ ਸਮਨ੍ਨਾਗਤੋਤਿ? ਆਮਨ੍ਤਾ. ਮਗ੍ਗਸਮਙ੍ਗੀ ਦ੍ਵੀਹਿ ਫਸ੍ਸੇਹਿ ਦ੍ਵੀਹਿ ਵੇਦਨਾਹਿ ਦ੍ਵੀਹਿ ਸਞ੍ਞਾਹਿ ਦ੍ਵੀਹਿ ਚੇਤਨਾਹਿ ਦ੍ਵੀਹਿ ਚਿਤ੍ਤੇਹਿ ਦ੍ਵੀਹਿ ਸਦ੍ਧਾਹਿ ਦ੍ਵੀਹਿ ਵੀਰਿਯੇਹਿ ਦ੍ਵੀਹਿ ਸਤੀਹਿ ਦ੍ਵੀਹਿ ਸਮਾਧੀਹਿ ਦ੍ਵੀਹਿ ਪਞ੍ਞਾਹਿ ਸਮਨ੍ਨਾਗਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਮਗ੍ਗਸਮਙ੍ਗੀ ਲੋਕਿਯੇਨ ਸੀਲੇਨ ਸਮਨ੍ਨਾਗਤੋਤਿ? ਆਮਨ੍ਤਾ. ਮਗ੍ਗਸਮਙ੍ਗੀ ਲੋਕਿਯੇਨ ਫਸ੍ਸੇਨ ਲੋਕਿਯਾਯ ਵੇਦਨਾਯ ਲੋਕਿਯਾਯ ਪਞ੍ਞਾਯ ਲੋਕਿਯਾਯ ਚੇਤਨਾਯ ਲੋਕਿਯੇਨ ਚਿਤ੍ਤੇਨ ਲੋਕਿਯਾਯ ਸਦ੍ਧਾਯ ਲੋਕਿਯੇਨ ਵੀਰਿਯੇਨ ਲੋਕਿਯਾਯ ਸਤਿਯਾ ਲੋਕਿਯੇਨ ਸਮਾਧਿਨਾ ਲੋਕਿਯਾਯ ਪਞ੍ਞਾਯ ਸਮਨ੍ਨਾਗਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਮਗ੍ਗਸਮਙ੍ਗੀ ਲੋਕਿਯੇਨ ਚ ਲੋਕੁਤ੍ਤਰੇਨ ਚ ਸੀਲੇਨ ਸਮਨ੍ਨਾਗਤੋਤਿ? ਆਮਨ੍ਤਾ. ਮਗ੍ਗਸਮਙ੍ਗੀ ਲੋਕਿਯੇਨ ਚ ਲੋਕੁਤ੍ਤਰੇਨ ਚ ਫਸ੍ਸੇਨ ਸਮਨ੍ਨਾਗਤੋ…ਪੇ… ਲੋਕਿਯਾਯ ਚ ਲੋਕੁਤ੍ਤਰਾਯ ਚ ਪਞ੍ਞਾਯ ਸਮਨ੍ਨਾਗਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਮਗ੍ਗਸਮਙ੍ਗੀ ਲੋਕਿਯੇਨ ਸੀਲੇਨ ਸਮਨ੍ਨਾਗਤੋਤਿ? ਆਮਨ੍ਤਾ. ਮਗ੍ਗਸਮਙ੍ਗੀ ਪੁਥੁਜ੍ਜਨੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੫੮੮. ਮਗ੍ਗਸਮਙ੍ਗੀ ਲੋਕਿਯਾਯ ਸਮ੍ਮਾਵਾਚਾਯ ਸਮਨ੍ਨਾਗਤੋਤਿ? ਆਮਨ੍ਤਾ. ਮਗ੍ਗਸਮਙ੍ਗੀ ਲੋਕਿਯਾਯ ਸਮ੍ਮਾਦਿਟ੍ਠਿਯਾ ਸਮਨ੍ਨਾਗਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਮਗ੍ਗਸਮਙ੍ਗੀ ਲੋਕਿਯਾਯ ਸਮ੍ਮਾਵਾਚਾਯ ਸਮਨ੍ਨਾਗਤੋਤਿ? ਆਮਨ੍ਤਾ. ਮਗ੍ਗਸਮਙ੍ਗੀ ਲੋਕਿਯੇਨ ਸਮ੍ਮਾਸਙ੍ਕਪ੍ਪੇਨ…ਪੇ… ਲੋਕਿਯੇਨ ਸਮ੍ਮਾਵਾਯਾਮੇਨ…ਪੇ… ਲੋਕਿਯਾਯ ਸਮ੍ਮਾਸਤਿਯਾ…ਪੇ… ਲੋਕਿਯੇਨ ਸਮ੍ਮਾਸਮਾਧਿਨਾ ਸਮਨ੍ਨਾਗਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਮਗ੍ਗਸਮਙ੍ਗੀ ਲੋਕਿਯੇਨ ਸਮ੍ਮਾਕਮ੍ਮਨ੍ਤੇਨ…ਪੇ… ਲੋਕਿਯੇਨ ਸਮ੍ਮਾਆਜੀਵੇਨ ਸਮਨ੍ਨਾਗਤੋਤਿ? ਆਮਨ੍ਤਾ. ਮਗ੍ਗਸਮਙ੍ਗੀ ਲੋਕਿਯਾਯ ਸਮ੍ਮਾਦਿਟ੍ਠਿਯਾ…ਪੇ… ਲੋਕਿਯੇਨ ਸਮ੍ਮਾਸਮਾਧਿਨਾ ਸਮਨ੍ਨਾਗਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਮਗ੍ਗਸਮਙ੍ਗੀ ਲੋਕਿਯਾਯ ਚ ਲੋਕੁਤ੍ਤਰਾਯ ਚ ਸਮ੍ਮਾਵਾਚਾਯ ਸਮਨ੍ਨਾਗਤੋਤਿ? ਆਮਨ੍ਤਾ. ਮਗ੍ਗਸਮਙ੍ਗੀ ਲੋਕਿਯਾਯ ਚ ਲੋਕੁਤ੍ਤਰਾਯ ਚ ਸਮ੍ਮਾਦਿਟ੍ਠਿਯਾ ਸਮਨ੍ਨਾਗਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਮਗ੍ਗਸਮਙ੍ਗੀ ਲੋਕਿਯਾਯ ਚ ਲੋਕੁਤ੍ਤਰਾਯ ਚ ਸਮ੍ਮਾਵਾਚਾਯ ਸਮਨ੍ਨਾਗਤੋਤਿ? ਆਮਨ੍ਤਾ. ਮਗ੍ਗਸਮਙ੍ਗੀ ਲੋਕਿਯੇਨ ਚ ਲੋਕੁਤ੍ਤਰੇਨ ਚ ਸਮ੍ਮਾਸਙ੍ਕਪ੍ਪੇਨ…ਪੇ… ਲੋਕਿਯੇਨ ਚ ਲੋਕੁਤ੍ਤਰੇਨ ਚ ਸਮ੍ਮਾਵਾਯਾਮੇਨ …ਪੇ… ਲੋਕਿਯਾਯ ਚ ਲੋਕੁਤ੍ਤਰਾਯ ਚ ਸਮ੍ਮਾਸਤਿਯਾ…ਪੇ… ਲੋਕਿਯੇਨ ਚ ਲੋਕੁਤ੍ਤਰੇਨ ਚ ਸਮ੍ਮਾਸਮਾਧਿਨਾ ਸਮਨ੍ਨਾਗਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਮਗ੍ਗਸਮਙ੍ਗੀ ਲੋਕਿਯੇਨ ਚ ਲੋਕੁਤ੍ਤਰੇਨ ਚ ਸਮ੍ਮਾਕਮ੍ਮਨ੍ਤੇਨ…ਪੇ… ਸਮ੍ਮਾਆਜੀਵੇਨ ਸਮਨ੍ਨਾਗਤੋਤਿ? ਆਮਨ੍ਤਾ. ਮਗ੍ਗਸਮਙ੍ਗੀ ਲੋਕਿਯਾਯ ਚ ਲੋਕੁਤ੍ਤਰਾਯ ਚ ਸਮ੍ਮਾਦਿਟ੍ਠਿਯਾ ਸਮਨ੍ਨਾਗਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਮਗ੍ਗਸਮਙ੍ਗੀ ਲੋਕਿਯੇਨ ਚ ਲੋਕੁਤ੍ਤਰੇਨ ਚ ਸਮ੍ਮਾਆਜੀਵੇਨ ਸਮਨ੍ਨਾਗਤੋਤਿ? ਆਮਨ੍ਤਾ. ਮਗ੍ਗਸਮਙ੍ਗੀ ਲੋਕਿਯੇਨ ਚ ਲੋਕੁਤ੍ਤਰੇਨ ਚ ਸਮ੍ਮਾਸਙ੍ਕਪ੍ਪੇਨ…ਪੇ… ਲੋਕਿਯੇਨ ਚ ਲੋਕੁਤ੍ਤਰੇਨ ਚ ਸਮ੍ਮਾਸਮਾਧਿਨਾ ਸਮਨ੍ਨਾਗਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੫੮੯. ਨ ਵਤ੍ਤਬ੍ਬਂ – ‘‘ਮਗ੍ਗਸਮਙ੍ਗੀ ਦ੍ਵੀਹਿ ਸੀਲੇਹਿ ਸਮਨ੍ਨਾਗਤੋ’’ਤਿ? ਆਮਨ੍ਤਾ. ਲੋਕਿਯੇ ਸੀਲੇ ਨਿਰੁਦ੍ਧੇ ਮਗ੍ਗੋ ਉਪ੍ਪਜ੍ਜਤੀਤਿ? ਆਮਨ੍ਤਾ. ਦੁਸ੍ਸੀਲੋ ਖਣ੍ਡਸੀਲੋ ਛਿਨ੍ਨਸੀਲੋ ਮਗ੍ਗਂ ਭਾਵੇਤੀਤਿ? ਨ ਹੇਵਂ ਵਤ੍ਤਬ੍ਬੇ …ਪੇ… ਤੇਨ ਹਿ ਮਗ੍ਗਸਮਙ੍ਗੀ ਦ੍ਵੀਹਿ ਸੀਲੇਹਿ ਸਮਨ੍ਨਾਗਤੋਤਿ.

ਦ੍ਵੀਹਿਸੀਲੇਹਿਕਥਾ ਨਿਟ੍ਠਿਤਾ.

੧੦. ਦਸਮਵਗ੍ਗੋ

(੧੦੧) ੭. ਸੀਲਂ ਅਚੇਤਸਿਕਨ੍ਤਿਕਥਾ

੫੯੦. ਸੀਲਂ ਅਚੇਤਸਿਕਨ੍ਤਿ? ਆਮਨ੍ਤਾ. ਰੂਪਂ…ਪੇ… ਨਿਬ੍ਬਾਨਂ…ਪੇ… ਚਕ੍ਖਾਯਤਨਂ …ਪੇ… ਕਾਯਾਯਤਨਂ… ਰੂਪਾਯਤਨਂ…ਪੇ… ਫੋਟ੍ਠਬ੍ਬਾਯਤਨਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸੀਲਂ ਅਚੇਤਸਿਕਨ੍ਤਿ? ਆਮਨ੍ਤਾ. ਫਸ੍ਸੋ ਅਚੇਤਸਿਕੋਤਿ? ਨ ਹੇਵਂ ਵਤ੍ਤਬ੍ਬੇ …ਪੇ… ਸੀਲਂ ਅਚੇਤਸਿਕਨ੍ਤਿ? ਆਮਨ੍ਤਾ. ਵੇਦਨਾ…ਪੇ… ਸਞ੍ਞਾ…ਪੇ… ਚੇਤਨਾ…ਪੇ… ਸਦ੍ਧਾ…ਪੇ… ਵੀਰਿਯਂ…ਪੇ… ਸਤਿ…ਪੇ… ਸਮਾਧਿ…ਪੇ… ਪਞ੍ਞਾ ਅਚੇਤਸਿਕਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਫਸ੍ਸੋ ਚੇਤਸਿਕੋਤਿ? ਆਮਨ੍ਤਾ. ਸੀਲਂ ਚੇਤਸਿਕਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਵੇਦਨਾ…ਪੇ… ਸਞ੍ਞਾ…ਪੇ… ਚੇਤਨਾ…ਪੇ… ਸਦ੍ਧਾ…ਪੇ… ਵੀਰਿਯਂ…ਪੇ… ਸਤਿ…ਪੇ… ਸਮਾਧਿ…ਪੇ… ਪਞ੍ਞਾ ਚੇਤਸਿਕਾਤਿ? ਆਮਨ੍ਤਾ. ਸੀਲਂ ਚੇਤਸਿਕਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੫੯੧. ਸੀਲਂ ਅਚੇਤਸਿਕਨ੍ਤਿ? ਆਮਨ੍ਤਾ. ਅਨਿਟ੍ਠਫਲਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਨਨੁ ਇਟ੍ਠਫਲਨ੍ਤਿ? ਆਮਨ੍ਤਾ. ਹਞ੍ਚਿ ਇਟ੍ਠਫਲਂ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਸੀਲਂ ਅਚੇਤਸਿਕ’’ਨ੍ਤਿ.

ਸਦ੍ਧਾ ਇਟ੍ਠਫਲਾ, ਸਦ੍ਧਾ ਚੇਤਸਿਕਾਤਿ? ਆਮਨ੍ਤਾ. ਸੀਲਂ ਇਟ੍ਠਫਲਂ, ਸੀਲਂ ਚੇਤਸਿਕਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਵੀਰਿਯਂ…ਪੇ… ਸਤਿ…ਪੇ… ਸਮਾਧਿ…ਪੇ… ਪਞ੍ਞਾ ਇਟ੍ਠਫਲਾ, ਪਞ੍ਞਾ ਚੇਤਸਿਕਾਤਿ? ਆਮਨ੍ਤਾ. ਸੀਲਂ ਇਟ੍ਠਫਲਂ, ਸੀਲਂ ਚੇਤਸਿਕਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸੀਲਂ ਇਟ੍ਠਫਲਂ, ਸੀਲਂ ਅਚੇਤਸਿਕਨ੍ਤਿ? ਆਮਨ੍ਤਾ. ਸਦ੍ਧਾ ਇਟ੍ਠਫਲਾ, ਸਦ੍ਧਾ ਅਚੇਤਸਿਕਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸੀਲਂ ਇਟ੍ਠਫਲਂ, ਸੀਲਂ ਅਚੇਤਸਿਕਨ੍ਤਿ? ਆਮਨ੍ਤਾ. ਵੀਰਿਯਂ…ਪੇ… ਸਤਿ…ਪੇ… ਸਮਾਧਿ…ਪੇ… ਪਞ੍ਞਾ ਇਟ੍ਠਫਲਾ, ਪਞ੍ਞਾ ਅਚੇਤਸਿਕਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੫੯੨. ਸੀਲਂ ਅਚੇਤਸਿਕਨ੍ਤਿ? ਆਮਨ੍ਤਾ. ਅਫਲਂ ਅਵਿਪਾਕਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਨਨੁ ਸਫਲਂ ਸਵਿਪਾਕਨ੍ਤਿ? ਆਮਨ੍ਤਾ. ਹਞ੍ਚਿ ਸਫਲਂ ਸਵਿਪਾਕਂ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਸੀਲਂ ਅਚੇਤਸਿਕ’’ਨ੍ਤਿ…ਪੇ….

ਚਕ੍ਖਾਯਤਨਂ ਅਚੇਤਸਿਕਂ ਅਵਿਪਾਕਨ੍ਤਿ? ਆਮਨ੍ਤਾ. ਸੀਲਂ ਅਚੇਤਸਿਕਂ ਅਵਿਪਾਕਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸੋਤਾਯਤਨਂ…ਪੇ… ਕਾਯਾਯਤਨਂ …ਪੇ… ਰੂਪਾਯਤਨਂ…ਪੇ… ਫੋਟ੍ਠਬ੍ਬਾਯਤਨਂ ਅਚੇਤਸਿਕਂ ਅਵਿਪਾਕਨ੍ਤਿ? ਆਮਨ੍ਤਾ. ਸੀਲਂ ਅਚੇਤਸਿਕਂ ਅਵਿਪਾਕਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸੀਲਂ ਅਚੇਤਸਿਕਂ ਸਵਿਪਾਕਨ੍ਤਿ? ਆਮਨ੍ਤਾ. ਚਕ੍ਖਾਯਤਨਂ ਅਚੇਤਸਿਕਂ ਸਵਿਪਾਕਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸੀਲਂ ਅਚੇਤਸਿਕਂ ਸਵਿਪਾਕਨ੍ਤਿ? ਆਮਨ੍ਤਾ. ਸੋਤਾਯਤਨਂ…ਪੇ… ਕਾਯਾਯਤਨਂ… ਰੂਪਾਯਤਨਂ…ਪੇ… ਫੋਟ੍ਠਬ੍ਬਾਯਤਨਂ ਅਚੇਤਸਿਕਂ ਸਵਿਪਾਕਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੫੯੩. ਸਮ੍ਮਾਵਾਚਾ ਅਚੇਤਸਿਕਾਤਿ? ਆਮਨ੍ਤਾ. ਸਮ੍ਮਾਦਿਟ੍ਠਿ ਅਚੇਤਸਿਕਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸਮ੍ਮਾਵਾਚਾ ਅਚੇਤਸਿਕਾਤਿ? ਆਮਨ੍ਤਾ. ਸਮ੍ਮਾਸਙ੍ਕਪ੍ਪੋ…ਪੇ… ਸਮ੍ਮਾਵਾਯਾਮੋ…ਪੇ… ਸਮ੍ਮਾਸਤਿ…ਪੇ… ਸਮ੍ਮਾਸਮਾਧਿ ਅਚੇਤਸਿਕੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸਮ੍ਮਾਕਮ੍ਮਨ੍ਤੋ…ਪੇ… ਸਮ੍ਮਾਆਜੀਵੋ ਅਚੇਤਸਿਕੋਤਿ? ਆਮਨ੍ਤਾ. ਸਮ੍ਮਾਦਿਟ੍ਠਿ ਅਚੇਤਸਿਕਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸਮ੍ਮਾਆਜੀਵੋ ਅਚੇਤਸਿਕੋਤਿ? ਆਮਨ੍ਤਾ. ਸਮ੍ਮਾਸਙ੍ਕਪ੍ਪੋ… ਸਮ੍ਮਾਵਾਯਾਮੋ… ਸਮ੍ਮਾਸਤਿ… ਸਮ੍ਮਾਸਮਾਧਿ ਅਚੇਤਸਿਕੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਮ੍ਮਾਦਿਟ੍ਠਿ ਚੇਤਸਿਕਾਤਿ? ਆਮਨ੍ਤਾ. ਸਮ੍ਮਾਵਾਚਾ ਚੇਤਸਿਕਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸਮ੍ਮਾਦਿਟ੍ਠਿ ਚੇਤਸਿਕਾਤਿ? ਆਮਨ੍ਤਾ. ਸਮ੍ਮਾਕਮ੍ਮਨ੍ਤੋ…ਪੇ… ਸਮ੍ਮਾਆਜੀਵੋ ਚੇਤਸਿਕੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸਮ੍ਮਾਸਙ੍ਕਪ੍ਪੋ…ਪੇ… ਸਮ੍ਮਾਵਾਯਾਮੋ…ਪੇ… ਸਮ੍ਮਾਸਤਿ…ਪੇ… ਸਮ੍ਮਾਸਮਾਧਿ ਚੇਤਸਿਕੋਤਿ? ਆਮਨ੍ਤਾ. ਸਮ੍ਮਾਵਾਚਾ ਚੇਤਸਿਕਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸਮ੍ਮਾਸਮਾਧਿ ਚੇਤਸਿਕੋਤਿ? ਆਮਨ੍ਤਾ. ਸਮ੍ਮਾਕਮ੍ਮਨ੍ਤੋ…ਪੇ… ਸਮ੍ਮਾਆਜੀਵੋ ਚੇਤਸਿਕੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੫੯੪. ਨ ਵਤ੍ਤਬ੍ਬਂ – ‘‘ਸੀਲਂ ਅਚੇਤਸਿਕ’’ਨ੍ਤਿ? ਆਮਨ੍ਤਾ. ਸੀਲੇ ਉਪ੍ਪਜ੍ਜਿਤ੍ਵਾ ਨਿਰੁਦ੍ਧੇ ਦੁਸ੍ਸੀਲੋ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ. ਤੇਨ ਹਿ ਸੀਲਂ ਅਚੇਤਸਿਕਨ੍ਤਿ.

ਸੀਲਂ ਅਚੇਤਸਿਕਨ੍ਤਿਕਥਾ ਨਿਟ੍ਠਿਤਾ.

੧੦. ਦਸਮਵਗ੍ਗੋ

(੧੦੨) ੮. ਸੀਲਂ ਨ ਚਿਤ੍ਤਾਨੁਪਰਿਵਤ੍ਤੀਤਿਕਥਾ

੫੯੫. ਸੀਲਂ ਨ ਚਿਤ੍ਤਾਨੁਪਰਿਵਤ੍ਤੀਤਿ? ਆਮਨ੍ਤਾ. ਰੂਪਂ… ਨਿਬ੍ਬਾਨਂ… ਚਕ੍ਖਾਯਤਨਂ…ਪੇ… ਫੋਟ੍ਠਬ੍ਬਾਯਤਨਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸੀਲਂ ਨ ਚਿਤ੍ਤਾਨੁਪਰਿਵਤ੍ਤੀਤਿ? ਆਮਨ੍ਤਾ. ਫਸ੍ਸੋ ਨ ਚਿਤ੍ਤਾਨੁਪਰਿਵਤ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸੀਲਂ ਨ ਚਿਤ੍ਤਾਨੁਪਰਿਵਤ੍ਤੀਤਿ? ਆਮਨ੍ਤਾ. ਵੇਦਨਾ…ਪੇ… ਸਞ੍ਞਾ… ਚੇਤਨਾ… ਸਦ੍ਧਾ… ਵੀਰਿਯਂ… ਸਤਿ… ਸਮਾਧਿ…ਪੇ… ਪਞ੍ਞਾ ਨ ਚਿਤ੍ਤਾਨੁਪਰਿਵਤ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਫਸ੍ਸੋ ਚਿਤ੍ਤਾਨੁਪਰਿਵਤ੍ਤੀਤਿ? ਆਮਨ੍ਤਾ. ਸੀਲਂ ਚਿਤ੍ਤਾਨੁਪਰਿਵਤ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਵੇਦਨਾ…ਪੇ… ਸਞ੍ਞਾ… ਚੇਤਨਾ … ਸਦ੍ਧਾ… ਵੀਰਿਯਂ… ਸਤਿ… ਸਮਾਧਿ…ਪੇ… ਪਞ੍ਞਾ ਚਿਤ੍ਤਾਨੁਪਰਿਵਤ੍ਤੀਤਿ? ਆਮਨ੍ਤਾ. ਸੀਲਂ ਚਿਤ੍ਤਾਨੁਪਰਿਵਤ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੫੯੬. ਸਮ੍ਮਾਵਾਚਾ ਨ ਚਿਤ੍ਤਾਨੁਪਰਿਵਤ੍ਤੀਤਿ? ਆਮਨ੍ਤਾ. ਸਮ੍ਮਾਦਿਟ੍ਠਿ ਨ ਚਿਤ੍ਤਾਨੁਪਰਿਵਤ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸਮ੍ਮਾਵਾਚਾ ਨ ਚਿਤ੍ਤਾਨੁਪਰਿਵਤ੍ਤੀਤਿ? ਆਮਨ੍ਤਾ. ਸਮ੍ਮਾਸਙ੍ਕਪ੍ਪੋ… ਸਮ੍ਮਾਵਾਯਾਮੋ… ਸਮ੍ਮਾਸਤਿ…ਪੇ… ਸਮ੍ਮਾਸਮਾਧਿ ਨ ਚਿਤ੍ਤਾਨੁਪਰਿਵਤ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਮ੍ਮਾਕਮ੍ਮਨ੍ਤੋ…ਪੇ… ਸਮ੍ਮਾਆਜੀਵੋ ਨ ਚਿਤ੍ਤਾਨੁਪਰਿਵਤ੍ਤੀਤਿ? ਆਮਨ੍ਤਾ. ਸਮ੍ਮਾਦਿਟ੍ਠਿ ਨ ਚਿਤ੍ਤਾਨੁਪਰਿਵਤ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸਮ੍ਮਾਆਜੀਵੋ ਨ ਚਿਤ੍ਤਾਨੁਪਰਿਵਤ੍ਤੀਤਿ? ਆਮਨ੍ਤਾ. ਸਮ੍ਮਾਸਙ੍ਕਪ੍ਪੋ… ਸਮ੍ਮਾਵਾਯਾਮੋ… ਸਮ੍ਮਾਸਤਿ…ਪੇ… ਸਮ੍ਮਾਸਮਾਧਿ ਨ ਚਿਤ੍ਤਾਨੁਪਰਿਵਤ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਮ੍ਮਾਦਿਟ੍ਠਿ ਚਿਤ੍ਤਾਨੁਪਰਿਵਤ੍ਤੀਤਿ? ਆਮਨ੍ਤਾ. ਸਮ੍ਮਾਵਾਚਾ ਚਿਤ੍ਤਾਨੁਪਰਿਵਤ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸਮ੍ਮਾਦਿਟ੍ਠਿ ਚਿਤ੍ਤਾਨੁਪਰਿਵਤ੍ਤੀਤਿ? ਆਮਨ੍ਤਾ. ਸਮ੍ਮਾਕਮ੍ਮਨ੍ਤੋ…ਪੇ… ਸਮ੍ਮਾਆਜੀਵੋ ਚਿਤ੍ਤਾਨੁਪਰਿਵਤ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਮ੍ਮਾਸਙ੍ਕਪ੍ਪੋ … ਸਮ੍ਮਾਵਾਯਾਮੋ… ਸਮ੍ਮਾਸਤਿ…ਪੇ… ਸਮ੍ਮਾਸਮਾਧਿ ਚਿਤ੍ਤਾਨੁਪਰਿਵਤ੍ਤੀਤਿ? ਆਮਨ੍ਤਾ. ਸਮ੍ਮਾਵਾਚਾ ਚਿਤ੍ਤਾਨੁਪਰਿਵਤ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸਮ੍ਮਾਸਮਾਧਿ ਚਿਤ੍ਤਾਨੁਪਰਿਵਤ੍ਤੀਤਿ? ਆਮਨ੍ਤਾ. ਸਮ੍ਮਾਕਮ੍ਮਨ੍ਤੋ…ਪੇ… ਸਮ੍ਮਾਆਜੀਵੋ ਚਿਤ੍ਤਾਨੁਪਰਿਵਤ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੫੯੭. ਨ ਵਤ੍ਤਬ੍ਬਂ – ‘‘ਸੀਲਂ ਨ ਚਿਤ੍ਤਾਨੁਪਰਿਵਤ੍ਤੀ’’ਤਿ? ਆਮਨ੍ਤਾ. ਸੀਲੇ ਉਪ੍ਪਜ੍ਜਿਤ੍ਵਾ ਨਿਰੁਦ੍ਧੇ ਦੁਸ੍ਸੀਲੋ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ. ਤੇਨ ਹਿ ਸੀਲਂ ਨ ਚਿਤ੍ਤਾਨੁਪਰਿਵਤ੍ਤੀਤਿ.

ਸੀਲਂ ਨ ਚਿਤ੍ਤਾਨੁਪਰਿਵਤ੍ਤੀਤਿਕਥਾ ਨਿਟ੍ਠਿਤਾ.

੧੦. ਦਸਮਵਗ੍ਗੋ

(੧੦੩) ੯. ਸਮਾਦਾਨਹੇਤੁਕਥਾ

੫੯੮. ਸਮਾਦਾਨਹੇਤੁਕਂ ਸੀਲਂ ਵਡ੍ਢਤੀਤਿ? ਆਮਨ੍ਤਾ. ਸਮਾਦਾਨਹੇਤੁਕੋ ਫਸ੍ਸੋ ਵਡ੍ਢਤਿ, ਵੇਦਨਾ ਵਡ੍ਢਤਿ, ਸਞ੍ਞਾ ਵਡ੍ਢਤਿ, ਚੇਤਨਾ ਵਡ੍ਢਤਿ, ਚਿਤ੍ਤਂ ਵਡ੍ਢਤਿ, ਸਦ੍ਧਾ ਵਡ੍ਢਤਿ, ਵੀਰਿਯਂ ਵਡ੍ਢਤਿ, ਸਤਿ ਵਡ੍ਢਤਿ, ਸਮਾਧਿ ਵਡ੍ਢਤਿ, ਪਞ੍ਞਾ ਵਡ੍ਢਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਮਾਦਾਨਹੇਤੁਕਂ ਸੀਲਂ ਵਡ੍ਢਤੀਤਿ? ਆਮਨ੍ਤਾ. ਲਤਾ ਵਿਯ ਵਡ੍ਢਤਿ, ਮਾਲੁਵਾ ਵਿਯ ਵਡ੍ਢਤਿ, ਰੁਕ੍ਖੋ ਵਿਯ ਵਡ੍ਢਤਿ, ਤਿਣਂ ਵਿਯ ਵਡ੍ਢਤਿ, ਮੁਞ੍ਜਪੁਞ੍ਜੋ ਵਿਯ ਵਡ੍ਢਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੫੯੯. ਸਮਾਦਾਨਹੇਤੁਕਂ ਸੀਲਂ ਵਡ੍ਢਤੀਤਿ? ਆਮਨ੍ਤਾ. ਸੀਲਂ ਸਮਾਦਿਯਿਤ੍ਵਾ ਕਾਮਵਿਤਕ੍ਕਂ ਵਿਤਕ੍ਕੇਨ੍ਤਸ੍ਸ ਬ੍ਯਾਪਾਦਵਿਤਕ੍ਕਂ ਵਿਤਕ੍ਕੇਨ੍ਤਸ੍ਸ ਵਿਹਿਂਸਾਵਿਤਕ੍ਕਂ ਵਿਤਕ੍ਕੇਨ੍ਤਸ੍ਸ ਸੀਲਂ ਵਡ੍ਢਤੀਤਿ? ਆਮਨ੍ਤਾ. ਦ੍ਵਿਨ੍ਨਂ ਫਸ੍ਸਾਨਂ…ਪੇ… ਦ੍ਵਿਨ੍ਨਂ ਚਿਤ੍ਤਾਨਂ ਸਮੋਧਾਨਂ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਦ੍ਵਿਨ੍ਨਂ ਫਸ੍ਸਾਨਂ…ਪੇ… ਦ੍ਵਿਨ੍ਨਂ ਚਿਤ੍ਤਾਨਂ ਸਮੋਧਾਨਂ ਹੋਤੀਤਿ? ਆਮਨ੍ਤਾ. ਕੁਸਲਾਕੁਸਲਾ ਸਾਵਜ੍ਜਾਨਵਜ੍ਜਾ ਹੀਨਪਣੀਤਾ ਕਣ੍ਹਸੁਕ੍ਕਸਪ੍ਪਟਿਭਾਗਾ ਧਮ੍ਮਾ ਸਮ੍ਮੁਖੀਭਾਵਂ ਆਗਚ੍ਛਨ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਕੁਸਲਾਕੁਸਲਾ ਸਾਵਜ੍ਜਾਨਵਜ੍ਜਾ ਹੀਨਪਣੀਤਾ ਕਣ੍ਹਸੁਕ੍ਕਸਪ੍ਪਟਿਭਾਗਾ ਧਮ੍ਮਾ ਸਮ੍ਮੁਖੀਭਾਵਂ ਆਗਚ੍ਛਨ੍ਤੀਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਚਤ੍ਤਾਰਿਮਾਨਿ, ਭਿਕ੍ਖਵੇ, ਸੁਵਿਦੂਰਵਿਦੂਰਾਨਿ! ਕਤਮਾਨਿ ਚਤ੍ਤਾਰਿ? ਨਭਞ੍ਚ, ਭਿਕ੍ਖਵੇ, ਪਥਵੀ ਚ – ਇਦਂ ਪਠਮਂ ਸੁਵਿਦੂਰਵਿਦੂਰਂ…ਪੇ… ਤਸ੍ਮਾ ਸਤਂ ਧਮ੍ਮੋ ਅਸਬ੍ਭਿ ਆਰਕਾ’’ਤਿ. ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਨ ਵਤ੍ਤਬ੍ਬਂ – ‘‘ਕੁਸਲਾਕੁਸਲਾ ਸਾਵਜ੍ਜਾਨਵਜ੍ਜਾ ਹੀਨਪਣੀਤਾ ਕਣ੍ਹਸੁਕ੍ਕਸਪ੍ਪਟਿਭਾਗਾ ਧਮ੍ਮਾ ਸਮ੍ਮੁਖੀਭਾਵਂ ਆਗਚ੍ਛਨ੍ਤੀ’’ਤਿ.

੬੦੦. ਨ ਵਤ੍ਤਬ੍ਬਂ – ‘‘ਸਮਾਦਾਨਹੇਤੁਕਂ ਸੀਲਂ ਵਡ੍ਢਤੀ’’ਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਆਰਾਮਰੋਪਾ ਵਨਰੋਪਾ…ਪੇ… ਧਮ੍ਮਟ੍ਠਾ ਸੀਲਸਮ੍ਪਨ੍ਨਾ ਤੇ ਜਨਾ ਸਗ੍ਗਗਾਮਿਨੋ’’ਤਿ. ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਸਮਾਦਾਨਹੇਤੁਕਂ ਸੀਲਂ ਵਡ੍ਢਤੀਤਿ.

ਸਮਾਦਾਨਹੇਤੁਕਥਾ ਨਿਟ੍ਠਿਤਾ.

੧੦. ਦਸਮਵਗ੍ਗੋ

(੧੦੪) ੧੦. ਵਿਞ੍ਞਤ੍ਤਿ ਸੀਲਨ੍ਤਿਕਥਾ

੬੦੧. ਵਿਞ੍ਞਤ੍ਤਿ ਸੀਲਨ੍ਤਿ? ਆਮਨ੍ਤਾ. ਪਾਣਾਤਿਪਾਤਾ ਵੇਰਮਣੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਦਿਨ੍ਨਾਦਾਨਾ ਵੇਰਮਣੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਕਾਮੇਸੁਮਿਚ੍ਛਾਚਾਰਾ ਵੇਰਮਣੀਤਿ? ਨ ਹੇਵਂ ਵਤ੍ਤਬ੍ਬੇ …ਪੇ… ਮੁਸਾਵਾਦਾ ਵੇਰਮਣੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸੁਰਾਮੇਰਯਮਜ੍ਜਪਮਾਦਟ੍ਠਾਨਾ ਵੇਰਮਣੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਭਿਵਾਦਨਂ ਸੀਲਂ, ਪਚ੍ਚੁਟ੍ਠਾਨਂ ਸੀਲਂ, ਅਞ੍ਜਲਿਕਮ੍ਮਂ ਸੀਲਂ, ਸਾਮੀਚਿਕਮ੍ਮਂ ਸੀਲਂ, ਆਸਨਾਭਿਹਾਰੋ ਸੀਲਂ, ਸੇਯ੍ਯਾਭਿਹਾਰੋ ਸੀਲਂ, ਪਾਦੋਦਕਾਭਿਹਾਰੋ ਸੀਲਂ, ਪਾਦਕਥਲਿਕਾਭਿਹਾਰੋ ਸੀਲਂ, ਨ੍ਹਾਨੇ ਪਿਟ੍ਠਿਪਰਿਕਮ੍ਮਂ ਸੀਲਨ੍ਤਿ? ਆਮਨ੍ਤਾ. ਪਾਣਾਤਿਪਾਤਾ ਵੇਰਮਣੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸੁਰਾਮੇਰਯਮਜ੍ਜਪਮਾਦਟ੍ਠਾਨਾ ਵੇਰਮਣੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੬੦੨. ਨ ਵਤ੍ਤਬ੍ਬਂ – ‘‘ਵਿਞ੍ਞਤ੍ਤਿ ਸੀਲ’’ਨ੍ਤਿ? ਆਮਨ੍ਤਾ. ਦੁਸ੍ਸਿਲ੍ਯਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਤੇਨ ਹਿ ਵਿਞ੍ਞਤ੍ਤਿ ਸੀਲਨ੍ਤਿ.

ਵਿਞ੍ਞਤ੍ਤਿ ਸੀਲਨ੍ਤਿਕਥਾ ਨਿਟ੍ਠਿਤਾ.

੧੦. ਦਸਮਵਗ੍ਗੋ

(੧੦੫) ੧੧. ਅਵਿਞ੍ਞਤ੍ਤਿ ਦੁਸ੍ਸਿਲ੍ਯਨ੍ਤਿਕਥਾ

੬੦੩. ਅਵਿਞ੍ਞਤ੍ਤਿ ਦੁਸ੍ਸਿਲ੍ਯਨ੍ਤਿ? ਆਮਨ੍ਤਾ. ਪਾਣਾਤਿਪਾਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਦਿਨ੍ਨਾਦਾਨਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਕਾਮੇਸੁਮਿਚ੍ਛਾਚਾਰੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਮੁਸਾਵਾਦੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸੁਰਾਮੇਰਯਮਜ੍ਜਪਮਾਦਟ੍ਠਾਨਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਪਾਪਕਮ੍ਮਂ ਸਮਾਦਿਯਿਤ੍ਵਾ ਦਾਨਂ ਦਦਨ੍ਤਸ੍ਸ ਪੁਞ੍ਞਞ੍ਚ ਅਪੁਞ੍ਞਞ੍ਚ ਉਭੋ ਵਡ੍ਢਨ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਪੁਞ੍ਞਞ੍ਚ ਅਪੁਞ੍ਞਞ੍ਚ ਉਭੋ ਵਡ੍ਢਨ੍ਤੀਤਿ? ਆਮਨ੍ਤਾ. ਦ੍ਵਿਨ੍ਨਂ ਫਸ੍ਸਾਨਂ…ਪੇ… ਦ੍ਵਿਨ੍ਨਂ ਚਿਤ੍ਤਾਨਂ ਸਮੋਧਾਨਂ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਦ੍ਵਿਨ੍ਨਂ ਫਸ੍ਸਾਨਂ…ਪੇ… ਦ੍ਵਿਨ੍ਨਂ ਚਿਤ੍ਤਾਨਂ ਸਮੋਧਾਨਂ ਹੋਤੀਤਿ? ਆਮਨ੍ਤਾ. ਕੁਸਲਾਕੁਸਲਾ ਸਾਵਜ੍ਜਾਨਵਜ੍ਜਾ ਹੀਨਪਣੀਤਾ ਕਣ੍ਹਸੁਕ੍ਕਸਪ੍ਪਟਿਭਾਗਾ ਧਮ੍ਮਾ ਸਮ੍ਮੁਖੀਭਾਵਂ ਆਗਚ੍ਛਨ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੬੦੪. ਨ ਵਤ੍ਤਬ੍ਬਂ – ‘‘ਅਵਿਞ੍ਞਤ੍ਤਿ ਦੁਸ੍ਸਿਲ੍ਯ’’ਨ੍ਤਿ? ਆਮਨ੍ਤਾ. ਨਨੁ ਪਾਪਕਮ੍ਮਂ ਸਮਾਦਿਨ੍ਨੋ ਆਸੀਤਿ? ਆਮਨ੍ਤਾ. ਹਞ੍ਚਿ ਪਾਪਕਮ੍ਮਂ ਸਮਾਦਿਨ੍ਨੋ ਆਸਿ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਅਵਿਞ੍ਞਤ੍ਤਿ ਦੁਸ੍ਸਿਲ੍ਯ’’ਨ੍ਤਿ.

ਅਵਿਞ੍ਞਤ੍ਤਿ ਦੁਸ੍ਸਿਲ੍ਯਨ੍ਤਿਕਥਾ ਨਿਟ੍ਠਿਤਾ.

ਦਸਮਵਗ੍ਗੋ.

ਤਸ੍ਸੁਦ੍ਦਾਨਂ –

ਉਪਪਤ੍ਤੇਸਿਯੇ ਪਞ੍ਚਕ੍ਖਨ੍ਧੇ ਅਨਿਰੁਦ੍ਧੇ ਕਿਰਿਯਾ ਪਞ੍ਚਕ੍ਖਨ੍ਧਾ ਉਪ੍ਪਜ੍ਜਨ੍ਤਿ, ਮਗ੍ਗਸਮਙ੍ਗਿਸ੍ਸ ਰੂਪਂ ਮਗ੍ਗੋ, ਪਞ੍ਚਵਿਞ੍ਞਾਣਸਮਙ੍ਗਿਸ੍ਸ ਅਤ੍ਥਿ ਮਗ੍ਗਭਾਵਨਾ, ਪਞ੍ਚਵਿਞ੍ਞਾਣਾ ਕੁਸਲਾਪਿ ਅਕੁਸਲਾਪਿ, ਪਞ੍ਚਵਿਞ੍ਞਾਣਾ ਸਾਭੋਗਾ, ਮਗ੍ਗਸਮਙ੍ਗੀ ਦ੍ਵੀਹਿ ਸੀਲੇਹਿ ਸਮਨ੍ਨਾਗਤੋ, ਸੀਲਂ ਅਚੇਤਸਿਕਂ, ਸੀਲਂ ਨ ਚਿਤ੍ਤਾਨੁਪਰਿਵਤ੍ਤਿ, ਸਮਾਦਾਨਹੇਤੁਕਂ ਸੀਲਂ ਵਡ੍ਢਤੀਤਿ, ਵਿਞ੍ਞਤ੍ਤਿਸੀਲਂ ਅਵਿਞ੍ਞਤ੍ਤਿ ਦੁਸ੍ਸਿਲ੍ਯਨ੍ਤਿ.

ਦੁਤਿਯੋ ਪਣ੍ਣਾਸਕੋ.

ਤਸ੍ਸੁਦ੍ਦਾਨਂ –

ਨਿਯਾਮਸਙ੍ਗਹਗਤਾਨਿਸਂਸਤਾ ਚ ਨਿਰੋਧੋਤਿ [ਨਿਯਾਮ ਸਙ੍ਗਹਗਤਾਨਿਸਂਸਤਾ ਅਤ੍ਥਿ ਪਞ੍ਚਵੋਕਾਰਭਵੋ ਨਿਰੋਧੋ ਮਗ੍ਗਸਮਙ੍ਗਿਸ੍ਸ ਪਞ੍ਚਵੋਕਾਰਭਵੋਤਿ (ਸੀ. ਸ੍ਯਾ. ਕ.), ਨਿਯਾਮ ਸਙ੍ਗਹ ਗਤਾਨਿਸਂਸਤਾ ਅਤ੍ਥਿ ਪਞ੍ਚਵੋਕਾਰਭਵੋ ਮਗ੍ਗਸਮਙ੍ਗਿਸ੍ਸ ਨੋ ਪਞ੍ਚਵੋਕਾਰਭਵੋ (ਪੀ.)].