੮. ਅਟ੍ਠਮਵਗ੍ਗੋ
(੭੩) ੧. ਛਗਤਿਕਥਾ
੫੦੩. ਛ ਗਤਿਯੋਤਿ? ਆਮਨ੍ਤਾ. ਨਨੁ ਪਞ੍ਚ ਗਤਿਯੋ ਵੁਤ੍ਤਾ ਭਗਵਤਾ – ਨਿਰਯੋ, ਤਿਰਚ੍ਛਾਨਯੋਨਿ, ਪੇਤ੍ਤਿਵਿਸਯੋ, ਮਨੁਸ੍ਸਾ, ਦੇਵਾਤਿ [ਮ. ਨਿ. ੧.੧੫੩]? ਆਮਨ੍ਤਾ. ਹਞ੍ਚਿ ਪਞ੍ਚ ਗਤਿਯੋ ਵੁਤ੍ਤਾ ਭਗਵਤਾ – ਨਿਰਯੋ, ਤਿਰਚ੍ਛਾਨਯੋਨਿ, ਪੇਤ੍ਤਿਵਿਸਯੋ, ਮਨੁਸ੍ਸਾ, ਦੇਵਾ; ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਛ ਗਤਿਯੋ’’ਤਿ.
ਛ ਗਤਿਯੋਤਿ? ਆਮਨ੍ਤਾ. ਨਨੁ ਕਾਲਕਞ੍ਚਿਕਾ [ਕਾਲਕਞ੍ਜਿਕਾ (ਸੀ. ਸ੍ਯਾ. ਕਂ.), ਕਾਲ਼ਕਞ੍ਜਕਾ (ਪੀ.)] ਸੁਰਾ ਪੇਤਾਨਂ ਸਮਾਨਵਣ੍ਣਾ ਸਮਾਨਭੋਗਾ ਸਮਾਨਾਹਾਰਾ ਸਮਾਨਾਯੁਕਾ ਪੇਤੇਹਿ ਸਹ ਆਵਾਹਵਿਵਾਹਂ ਗਚ੍ਛਨ੍ਤੀਤਿ? ਆਮਨ੍ਤਾ. ਹਞ੍ਚਿ ਕਾਲਕਞ੍ਚਿਕਾ ਅਸੁਰਾ ਪੇਤਾਨਂ ਸਮਾਨਵਣ੍ਣਾ ਸਮਾਨਭੋਗਾ ਸਮਾਨਾਹਾਰਾ ਸਮਾਨਾਯੁਕਾ ਪੇਤੇਹਿ ਸਹ ਆਵਾਹਵਿਵਾਹਂ ਗਚ੍ਛਨ੍ਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਛ ਗਤਿਯੋ’’ਤਿ.
ਛ ਗਤਿਯੋਤਿ? ਆਮਨ੍ਤਾ. ਨਨੁ ਵੇਪਚਿਤ੍ਤਿਪਰਿਸਾ ਦੇਵਾਨਂ ਸਮਾਨਵਣ੍ਣਾ ਸਮਾਨਭੋਗਾ ਸਮਾਨਾਹਾਰਾ ਸਮਾਨਾਯੁਕਾ ਦੇਵੇਹਿ ਸਹ ਆਵਾਹਵਿਵਾਹਂ ਗਚ੍ਛਨ੍ਤੀਤਿ? ਆਮਨ੍ਤਾ. ਹਞ੍ਚਿ ਵੇਪਚਿਤ੍ਤਿਪਰਿਸਾ ਦੇਵਾਨਂ ਸਮਾਨਵਣ੍ਣਾ ਸਮਾਨਭੋਗਾ ਸਮਾਨਾਹਾਰਾ ਸਮਾਨਾਯੁਕਾ ਦੇਵੇਹਿ ਸਹ ਆਵਾਹਵਿਵਾਹਂ ਗਚ੍ਛਨ੍ਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਛ ਗਤਿਯੋ’’ਤਿ.
ਛ ਗਤਿਯੋਤਿ? ਆਮਨ੍ਤਾ. ਨਨੁ ਵੇਪਚਿਤ੍ਤਿਪਰਿਸਾ ਪੁਬ੍ਬਦੇਵਾਤਿ? ਆਮਨ੍ਤਾ. ਹਞ੍ਚਿ ਵੇਪਚਿਤ੍ਤਿਪਰਿਸਾ ਪੁਬ੍ਬਦੇਵਾ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਛ ਗਤਿਯੋ’’ਤਿ.
੫੦੪. ਨ ਵਤ੍ਤਬ੍ਬਂ – ‘‘ਛ ਗਤਿਯੋ’’ਤਿ? ਆਮਨ੍ਤਾ. ਨਨੁ ਅਤ੍ਥਿ ਅਸੁਰਕਾਯੋਤਿ, ਆਮਨ੍ਤਾ. ਹਞ੍ਚਿ ਅਤ੍ਥਿ ਅਸੁਰਕਾਯੋ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਛ ਗਤਿਯੋ’’ਤਿ.
ਛਗਤਿਕਥਾ ਨਿਟ੍ਠਿਤਾ.
੮. ਅਟ੍ਠਮਵਗ੍ਗੋ
(੭੪) ੨. ਅਨ੍ਤਰਾਭਵਕਥਾ
੫੦੫. ਅਤ੍ਥਿ ਅਨ੍ਤਰਾਭਵੋਤਿ? ਆਮਨ੍ਤਾ. ਕਾਮਭਵੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤ੍ਥਿ ਅਨ੍ਤਰਾਭਵੋਤਿ? ਆਮਨ੍ਤਾ. ਰੂਪਭਵੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤ੍ਥਿ ਅਨ੍ਤਰਾਭਵੋਤਿ? ਆਮਨ੍ਤਾ. ਅਰੂਪਭਵੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤ੍ਥਿ ਅਨ੍ਤਰਾਭਵੋਤਿ? ਆਮਨ੍ਤਾ. ਕਾਮਭਵਸ੍ਸ ਚ ਰੂਪਭਵਸ੍ਸ ਚ ਅਨ੍ਤਰੇ ਅਤ੍ਥਿ ਅਨ੍ਤਰਾਭਵੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤ੍ਥਿ ਅਨ੍ਤਰਾਭਵੋਤਿ? ਆਮਨ੍ਤਾ. ਰੂਪਭਵਸ੍ਸ ਚ ਅਰੂਪਭਵਸ੍ਸ ਚ ਅਨ੍ਤਰੇ ਅਤ੍ਥਿ ਅਨ੍ਤਰਾਭਵੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਕਾਮਭਵਸ੍ਸ ਚ ਰੂਪਭਵਸ੍ਸ ਚ ਅਨ੍ਤਰੇ ਨਤ੍ਥਿ ਅਨ੍ਤਰਾਭਵੋਤਿ? ਆਮਨ੍ਤਾ. ਹਞ੍ਚਿ ਕਾਮਭਵਸ੍ਸ ਚ ਰੂਪਭਵਸ੍ਸ ਚ ਅਨ੍ਤਰੇ ਨਤ੍ਥਿ ਅਨ੍ਤਰਾਭਵੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਤ੍ਥਿ ਅਨ੍ਤਰਾਭਵੋ’’ਤਿ. ਰੂਪਭਵਸ੍ਸ ਚ ਅਰੂਪਭਵਸ੍ਸ ਚ ਅਨ੍ਤਰੇ ਨਤ੍ਥਿ ਅਨ੍ਤਰਾਭਵੋਤਿ? ਆਮਨ੍ਤਾ. ਹਞ੍ਚਿ ਰੂਪਭਵਸ੍ਸ ਚ ਅਰੂਪਭਵਸ੍ਸ ਚ ਅਨ੍ਤਰੇ ਨਤ੍ਥਿ ਅਨ੍ਤਰਾਭਵੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਤ੍ਥਿ ਅਨ੍ਤਰਾਭਵੋ’’ਤਿ.
੫੦੬. ਅਤ੍ਥਿ ਅਨ੍ਤਰਾਭਵੋਤਿ? ਆਮਨ੍ਤਾ. ਪਞ੍ਚਮੀ ਸਾ ਯੋਨਿ, ਛਟ੍ਠਮੀ ਸਾ ਗਤਿ, ਅਟ੍ਠਮੀ ਸਾ ਵਿਞ੍ਞਾਣਟ੍ਠਿਤਿ, ਦਸਮੋ ਸੋ ਸਤ੍ਤਾਵਾਸੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤ੍ਥਿ ਅਨ੍ਤਰਾਭਵੋਤਿ? ਆਮਨ੍ਤਾ. ਅਨ੍ਤਰਾਭਵੋ ਭਵੋ ਗਤਿ ਸਤ੍ਤਾਵਾਸੋ ਸਂਸਾਰੋ ਯੋਨਿ ਵਿਞ੍ਞਾਣਟ੍ਠਿਤਿ ਅਤ੍ਤਭਾਵਪਟਿਲਾਭੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤ੍ਥਿ ਅਨ੍ਤਰਾਭਵੂਪਗਂ ਕਮ੍ਮਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤ੍ਥਿ ਅਨ੍ਤਰਾਭਵੂਪਗਾ ਸਤ੍ਤਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਨ੍ਤਰਾਭਵੇ ਸਤ੍ਤਾ ਜਾਯਨ੍ਤਿ ਜੀਯਨ੍ਤਿ ਮੀਯਨ੍ਤਿ ਚਵਨ੍ਤਿ ਉਪਪਜ੍ਜਨ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਨ੍ਤਰਾਭਵੇ ਅਤ੍ਥਿ ਰੂਪਂ ਵੇਦਨਾ ਸਞ੍ਞਾ ਸਙ੍ਖਾਰਾ ਵਿਞ੍ਞਾਣਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਨ੍ਤਰਾਭਵੋ ਪਞ੍ਚਵੋਕਾਰਭਵੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੫੦੭. ਅਤ੍ਥਿ ਕਾਮਭਵੋ, ਕਾਮਭਵੋ ਭਵੋ ਗਤਿ ਸਤ੍ਤਾਵਾਸੋ ਸਂਸਾਰੋ ਯੋਨਿ ਵਿਞ੍ਞਾਣਟ੍ਠਿਤਿ ਅਤ੍ਤਭਾਵਪਟਿਲਾਭੋਤਿ? ਆਮਨ੍ਤਾ. ਅਤ੍ਥਿ ਅਨ੍ਤਰਾਭਵੋ, ਅਨ੍ਤਰਾਭਵੋ ਭਵੋ ਗਤਿ ਸਤ੍ਤਾਵਾਸੋ ਸਂਸਾਰੋ ਯੋਨਿ ਵਿਞ੍ਞਾਣਟ੍ਠਿਤਿ ਅਤ੍ਤਭਾਵਪਟਿਲਾਭੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤ੍ਥਿ ਕਾਮਭਵੂਪਗਂ ਕਮ੍ਮਨ੍ਤਿ? ਆਮਨ੍ਤਾ. ਅਤ੍ਥਿ ਅਨ੍ਤਰਾਭਵੂਪਗਂ ਕਮ੍ਮਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤ੍ਥਿ ਕਾਮਭਵੂਪਗਾ ਸਤ੍ਤਾਤਿ? ਆਮਨ੍ਤਾ. ਅਤ੍ਥਿ ਅਨ੍ਤਰਾਭਵੂਪਗਾ ਸਤ੍ਤਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਕਾਮਭਵੇ ਸਤ੍ਤਾ ਜਾਯਨ੍ਤਿ ਜੀਯਨ੍ਤਿ ਮੀਯਨ੍ਤਿ ਚਵਨ੍ਤਿ ਉਪਪਜ੍ਜਨ੍ਤੀਤਿ? ਆਮਨ੍ਤਾ. ਅਨ੍ਤਰਾਭਵੇ ਸਤ੍ਤਾ ਜਾਯਨ੍ਤਿ ਜੀਯਨ੍ਤਿ ਮੀਯਨ੍ਤਿ ਚਵਨ੍ਤਿ ਉਪਪਜ੍ਜਨ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਕਾਮਭਵੇ ਅਤ੍ਥਿ ਰੂਪਂ ਵੇਦਨਾ ਸਞ੍ਞਾ ਸਙ੍ਖਾਰਾ ਵਿਞ੍ਞਾਣਨ੍ਤਿ? ਆਮਨ੍ਤਾ. ਅਨ੍ਤਰਾਭਵੇ ਅਤ੍ਥਿ ਰੂਪਂ ਵੇਦਨਾ ਸਞ੍ਞਾ ਸਙ੍ਖਾਰਾ ਵਿਞ੍ਞਾਣਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਕਾਮਭਵੋ ਪਞ੍ਚਵੋਕਾਰਭਵੋਤਿ? ਆਮਨ੍ਤਾ. ਅਨ੍ਤਰਾਭਵੋ ਪਞ੍ਚਵੋਕਾਰਭਵੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਅਤ੍ਥਿ ਰੂਪਭਵੋ, ਰੂਪਭਵੋ ਭਵੋ ਗਤਿ ਸਤ੍ਤਾਵਾਸੋ ਸਂਸਾਰੋ ਯੋਨਿ ਵਿਞ੍ਞਾਣਟ੍ਠਿਤਿ ਅਤ੍ਤਭਾਵਪਟਿਲਾਭੋਤਿ? ਆਮਨ੍ਤਾ. ਅਤ੍ਥਿ ਅਨ੍ਤਰਾਭਵੋ, ਅਨ੍ਤਰਾਭਵੋ ਭਵੋ ਗਤਿ ਸਤ੍ਤਾਵਾਸੋ ਸਂਸਾਰੋ ਯੋਨਿ ਵਿਞ੍ਞਾਣਟ੍ਠਿਤਿ ਅਤ੍ਤਭਾਵਪਟਿਲਾਭੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤ੍ਥਿ ਰੂਪਭਵੂਪਗਂ ਕਮ੍ਮਨ੍ਤਿ? ਆਮਨ੍ਤਾ. ਅਤ੍ਥਿ ਅਨ੍ਤਰਾਭਵੂਪਗਂ ਕਮ੍ਮਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤ੍ਥਿ ਰੂਪਭਵੂਪਗਾ ਸਤ੍ਤਾਤਿ? ਆਮਨ੍ਤਾ. ਅਤ੍ਥਿ ਅਨ੍ਤਰਾਭਵੂਪਗਾ ਸਤ੍ਤਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਰੂਪਭਵੇ ਸਤ੍ਤਾ ਜਾਯਨ੍ਤਿ ਜੀਯਨ੍ਤਿ ਮੀਯਨ੍ਤਿ ਚਵਨ੍ਤਿ ਉਪਪਜ੍ਜਨ੍ਤੀਤਿ? ਆਮਨ੍ਤਾ. ਅਨ੍ਤਰਾਭਵੇ ਸਤ੍ਤਾ ਜਾਯਨ੍ਤਿ ਜੀਯਨ੍ਤਿ ਮੀਯਨ੍ਤਿ ਚਵਨ੍ਤਿ ਉਪਪਜ੍ਜਨ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਰੂਪਭਵੇ ਅਤ੍ਥਿ ਰੂਪਂ ਵੇਦਨਾ ਸਞ੍ਞਾ ਸਙ੍ਖਾਰਾ ਵਿਞ੍ਞਾਣਨ੍ਤਿ? ਆਮਨ੍ਤਾ. ਅਨ੍ਤਰਾਭਵੇ ਅਤ੍ਥਿ ਰੂਪਂ ਵੇਦਨਾ ਸਞ੍ਞਾ ਸਙ੍ਖਾਰਾ ਵਿਞ੍ਞਾਣਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਰੂਪਭਵੋ ਪਞ੍ਚਵੋਕਾਰਭਵੋਤਿ? ਆਮਨ੍ਤਾ. ਅਨ੍ਤਰਾਭਵੋ ਪਞ੍ਚਵੋਕਾਰਭਵੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਅਤ੍ਥਿ ਅਰੂਪਭਵੋ, ਅਰੂਪਭਵੋ ਭਵੋ ਗਤਿ ਸਤ੍ਤਾਵਾਸੋ ਸਂਸਾਰੋ ਯੋਨਿ ਵਿਞ੍ਞਾਣਟ੍ਠਿਤਿ ਅਤ੍ਤਭਾਵਪਟਿਲਾਭੋਤਿ? ਆਮਨ੍ਤਾ. ਅਤ੍ਥਿ ਅਨ੍ਤਰਾਭਵੋ, ਅਨ੍ਤਰਾਭਵੋ ਭਵੋ ਗਤਿ ਸਤ੍ਤਾਵਾਸੋ ਸਂਸਾਰੋ ਯੋਨਿ ਵਿਞ੍ਞਾਣਟ੍ਠਿਤਿ ਅਤ੍ਤਭਾਵਪਟਿਲਾਭੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤ੍ਥਿ ਅਰੂਪਭਵੂਪਗਂ ਕਮ੍ਮਨ੍ਤਿ? ਆਮਨ੍ਤਾ. ਅਤ੍ਥਿ ਅਨ੍ਤਰਾਭਵੂਪਗਂ ਕਮ੍ਮਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤ੍ਥਿ ਅਰੂਪਭਵੂਪਗਾ ਸਤ੍ਤਾਤਿ? ਆਮਨ੍ਤਾ. ਅਤ੍ਥਿ ਅਨ੍ਤਰਾਭਵੂਪਗਾ ਸਤ੍ਤਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਰੂਪਭਵੇ ਸਤ੍ਤਾ ਜਾਯਨ੍ਤਿ ਜੀਯਨ੍ਤਿ ਮੀਯਨ੍ਤਿ ਚਵਨ੍ਤਿ ਉਪਪਜ੍ਜਨ੍ਤੀਤਿ? ਆਮਨ੍ਤਾ. ਅਨ੍ਤਰਾਭਵੇ ਸਤ੍ਤਾ ਜਾਯਨ੍ਤਿ ਜੀਯਨ੍ਤਿ ਮੀਯਨ੍ਤਿ ਚਵਨ੍ਤਿ ਉਪਪਜ੍ਜਨ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਰੂਪਭਵੇ ਅਤ੍ਥਿ ਵੇਦਨਾ ਸਞ੍ਞਾ ਸਙ੍ਖਾਰਾ ਵਿਞ੍ਞਾਣਨ੍ਤਿ? ਆਮਨ੍ਤਾ. ਅਨ੍ਤਰਾਭਵੇ ਅਤ੍ਥਿ ਵੇਦਨਾ ਸਞ੍ਞਾ ਸਙ੍ਖਾਰਾ ਵਿਞ੍ਞਾਣਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਰੂਪਭਵੋ ਚਤੁਵੋਕਾਰਭਵੋਤਿ? ਆਮਨ੍ਤਾ. ਅਨ੍ਤਰਾਭਵੋ ਚਤੁਵੋਕਾਰਭਵੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੫੦੮. ਅਤ੍ਥਿ ਅਨ੍ਤਰਾਭਵੋਤਿ? ਆਮਨ੍ਤਾ. ਸਬ੍ਬੇਸਞ੍ਞੇਵ ਸਤ੍ਤਾਨਂ ਅਤ੍ਥਿ ਅਨ੍ਤਰਾਭਵੋਤਿ? ਨ ਹੇਵਂ ਵਤ੍ਤਬ੍ਬੇ …ਪੇ… ਸਬ੍ਬੇਸਞ੍ਞੇਵ ਸਤ੍ਤਾਨਂ ਨਤ੍ਥਿ ਅਨ੍ਤਰਾਭਵੋਤਿ? ਆਮਨ੍ਤਾ. ਹਞ੍ਚਿ ਸਬ੍ਬੇਸਞ੍ਞੇਵ ਸਤ੍ਤਾਨਂ ਨਤ੍ਥਿ ਅਨ੍ਤਰਾਭਵੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਤ੍ਥਿ ਅਨ੍ਤਰਾਭਵੋ’’ਤਿ.
ਅਤ੍ਥਿ ਅਨ੍ਤਰਾਭਵੋਤਿ? ਆਮਨ੍ਤਾ. ਆਨਨ੍ਤਰਿਯਸ੍ਸ ਪੁਗ੍ਗਲਸ੍ਸ ਅਤ੍ਥਿ ਅਨ੍ਤਰਾਭਵੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਆਨਨ੍ਤਰਿਯਸ੍ਸ ਪੁਗ੍ਗਲਸ੍ਸ ਨਤ੍ਥਿ ਅਨ੍ਤਰਾਭਵੋਤਿ? ਆਮਨ੍ਤਾ. ਹਞ੍ਚਿ ਆਨਨ੍ਤਰਿਯਸ੍ਸ ਪੁਗ੍ਗਲਸ੍ਸ ਨਤ੍ਥਿ ਅਨ੍ਤਰਾਭਵੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਤ੍ਥਿ ਅਨ੍ਤਰਾਭਵੋ’’ਤਿ.
ਨ ਆਨਨ੍ਤਰਿਯਸ੍ਸ ਪੁਗ੍ਗਲਸ੍ਸ ਅਤ੍ਥਿ ਅਨ੍ਤਰਾਭਵੋਤਿ? ਆਮਨ੍ਤਾ. ਆਨਨ੍ਤਰਿਯਸ੍ਸ ਪੁਗ੍ਗਲਸ੍ਸ ਅਤ੍ਥਿ ਅਨ੍ਤਰਾਭਵੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਆਨਨ੍ਤਰਿਯਸ੍ਸ ਪੁਗ੍ਗਲਸ੍ਸ ਨਤ੍ਥਿ ਅਨ੍ਤਰਾਭਵੋਤਿ? ਆਮਨ੍ਤਾ. ਨ ਆਨਨ੍ਤਰਿਯਸ੍ਸ ਪੁਗ੍ਗਲਸ੍ਸ ਨਤ੍ਥਿ ਅਨ੍ਤਰਾਭਵੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਨਿਰਯੂਪਗਸ੍ਸ ਪੁਗ੍ਗਲਸ੍ਸ…ਪੇ… ਅਸਞ੍ਞਸਤ੍ਤੂਪਗਸ੍ਸ ਪੁਗ੍ਗਲਸ੍ਸ …ਪੇ… ਅਰੂਪੂਪਗਸ੍ਸ ਪੁਗ੍ਗਲਸ੍ਸ ਅਤ੍ਥਿ ਅਨ੍ਤਰਾਭਵੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਰੂਪੂਪਗਸ੍ਸ ਪੁਗ੍ਗਲਸ੍ਸ ਨਤ੍ਥਿ ਅਨ੍ਤਰਾਭਵੋਤਿ? ਆਮਨ੍ਤਾ. ਹਞ੍ਚਿ ਅਰੂਪੂਪਗਸ੍ਸ ਪੁਗ੍ਗਲਸ੍ਸ ਨਤ੍ਥਿ ਅਨ੍ਤਰਾਭਵੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਤ੍ਥਿ ਅਨ੍ਤਰਾਭਵੋ’’ਤਿ.
ਨ ਅਰੂਪੂਪਗਸ੍ਸ ਪੁਗ੍ਗਲਸ੍ਸ ਅਤ੍ਥਿ ਅਨ੍ਤਰਾਭਵੋਤਿ? ਆਮਨ੍ਤਾ. ਅਰੂਪੂਪਗਸ੍ਸ ਪੁਗ੍ਗਲਸ੍ਸ ਅਤ੍ਥਿ ਅਨ੍ਤਰਾਭਵੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਰੂਪੂਪਗਸ੍ਸ ਪੁਗ੍ਗਲਸ੍ਸ ਨਤ੍ਥਿ ਅਨ੍ਤਰਾਭਵੋਤਿ? ਆਮਨ੍ਤਾ. ਨ ਅਰੂਪੂਪਗਸ੍ਸ ਪੁਗ੍ਗਲਸ੍ਸ ਨਤ੍ਥਿ ਅਨ੍ਤਰਾਭਵੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੫੦੯. ਨ ਵਤ੍ਤਬ੍ਬਂ ਅਤ੍ਥਿ ਅਨ੍ਤਰਾਭਵੋਤਿ? ਆਮਨ੍ਤਾ. ਨਨੁ ਅਨ੍ਤਰਾਪਰਿਨਿਬ੍ਬਾਯੀ ਪੁਗ੍ਗਲੋ ਅਤ੍ਥੀਤਿ? ਆਮਨ੍ਤਾ. ਹਞ੍ਚਿ ਅਨ੍ਤਰਾਪਰਿਨਿਬ੍ਬਾਯੀ ਪੁਗ੍ਗਲੋ ਅਤ੍ਥਿ, ਤੇਨ ਵਤ ਰੇ [ਨੋ ਚ ਵਤ ਰੇ (ਸੀ. ਕ.), ਨੋ ਵਤ ਰੇ (ਸ੍ਯਾ.)] ਵਤ੍ਤਬ੍ਬੇ – ‘‘ਅਤ੍ਥਿ ਅਨ੍ਤਰਾਭਵੋ’’ਤਿ.
ਅਨ੍ਤਰਾਪਰਿਨਿਬ੍ਬਾਯੀ ਪੁਗ੍ਗਲੋ ਅਤ੍ਥੀਤਿ ਕਤ੍ਵਾ ਅਤ੍ਥਿ ਅਨ੍ਤਰਾਭਵੋਤਿ? ਆਮਨ੍ਤਾ. ਉਪਹਚ੍ਚਪਰਿਨਿਬ੍ਬਾਯੀ ਪੁਗ੍ਗਲੋ ਅਤ੍ਥੀਤਿ ਕਤ੍ਵਾ ਅਤ੍ਥਿ ਉਪਹਚ੍ਚਭਵੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਨ੍ਤਰਾਪਰਿਨਿਬ੍ਬਾਯੀ ਪੁਗ੍ਗਲੋ ਅਤ੍ਥੀਤਿ ਕਤ੍ਵਾ ਅਤ੍ਥਿ ਅਨ੍ਤਰਾਭਵੋਤਿ? ਆਮਨ੍ਤਾ. ਅਸਙ੍ਖਾਰਪਰਿਨਿਬ੍ਬਾਯੀ ਪੁਗ੍ਗਲੋ…ਪੇ… ਸਸਙ੍ਖਾਰਪਰਿਨਿਬ੍ਬਾਯੀ ਪੁਗ੍ਗਲੋ ਅਤ੍ਥੀਤਿ ਕਤ੍ਵਾ ਅਤ੍ਥਿ ਸਸਙ੍ਖਾਰਭਵੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਅਨ੍ਤਰਾਭਵਕਥਾ ਨਿਟ੍ਠਿਤਾ.
੮. ਅਟ੍ਠਮਵਗ੍ਗੋ
(੭੫) ੩. ਕਾਮਗੁਣਕਥਾ
੫੧੦. ਪਞ੍ਚੇਵ ਕਾਮਗੁਣਾ ਕਾਮਧਾਤੂਤਿ? ਆਮਨ੍ਤਾ. ਨਨੁ ਅਤ੍ਥਿ ਤਪ੍ਪਟਿਸਞ੍ਞੁਤ੍ਤੋ ਛਨ੍ਦੋਤਿ? ਆਮਨ੍ਤਾ. ਹਞ੍ਚਿ ਅਤ੍ਥਿ ਤਪ੍ਪਟਿਸਞ੍ਞੁਤ੍ਤੋ ਛਨ੍ਦੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਪਞ੍ਚੇਵ ਕਾਮਗੁਣਾ ਕਾਮਧਾਤੂ’’ਤਿ. ਨਨੁ ਅਤ੍ਥਿ ਤਪ੍ਪਟਿਸਞ੍ਞੁਤ੍ਤੋ ਰਾਗੋ ਤਪ੍ਪਟਿਸਞ੍ਞੁਤ੍ਤੋ ਛਨ੍ਦੋ ਤਪ੍ਪਟਿਸਞ੍ਞੁਤ੍ਤੋ ਛਨ੍ਦਰਾਗੋ ਤਪ੍ਪਟਿਸਞ੍ਞੁਤ੍ਤੋ ਸਙ੍ਕਪ੍ਪੋ ਤਪ੍ਪਟਿਸਞ੍ਞੁਤ੍ਤੋ ਰਾਗੋ ਤਪ੍ਪਟਿਸਞ੍ਞੁਤ੍ਤੋ ਸਙ੍ਕਪ੍ਪਰਾਗੋ ਤਪ੍ਪਟਿਸਞ੍ਞੁਤ੍ਤਾ ਪੀਤਿ ਤਪ੍ਪਟਿਸਞ੍ਞੁਤ੍ਤਂ ਸੋਮਨਸ੍ਸਂ ਤਪ੍ਪਟਿਸਞ੍ਞੁਤ੍ਤਂ ਪੀਤਿਸੋਮਨਸ੍ਸਨ੍ਤਿ? ਆਮਨ੍ਤਾ. ਹਞ੍ਚਿ ਅਤ੍ਥਿ ਤਪ੍ਪਟਿਸਞ੍ਞੁਤ੍ਤਂ ਪੀਤਿਸੋਮਨਸ੍ਸਂ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਪਞ੍ਚੇਵ ਕਾਮਗੁਣਾ ਕਾਮਧਾਤੂ’’ਤਿ.
ਪਞ੍ਚੇਵ ਕਾਮਗੁਣਾ ਕਾਮਧਾਤੂਤਿ? ਆਮਨ੍ਤਾ. ਮਨੁਸ੍ਸਾਨਂ ਚਕ੍ਖੁ ਨ ਕਾਮਧਾਤੂਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਮਨੁਸ੍ਸਾਨਂ ਸੋਤਂ…ਪੇ… ਮਨੁਸ੍ਸਾਨਂ ਘਾਨਂ…ਪੇ… ਮਨੁਸ੍ਸਾਨਂ ਜਿਵ੍ਹਾ…ਪੇ… ਮਨੁਸ੍ਸਾਨਂ ਕਾਯੋ…ਪੇ… ਮਨੁਸ੍ਸਾਨਂ ਮਨੋ ਨ ਕਾਮਧਾਤੂਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਮਨੁਸ੍ਸਾਨਂ ਮਨੋ ਨ ਕਾਮਧਾਤੂਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ –
‘‘ਪਞ੍ਚ ਕਾਮਗੁਣਾ ਲੋਕੇ, ਮਨੋਚ੍ਛਟ੍ਠਾ ਪਵੇਦਿਤਾ;
ਏਤ੍ਥ ਛਨ੍ਦਂ ਵਿਰਾਜੇਤ੍ਵਾ, ਏਵਂ ਦੁਕ੍ਖਾ ਪਮੁਚ੍ਚਤੀ’’ਤਿ [ਸੁ. ਨਿ. ੧੭੩; ਸਂ. ਨਿ. ੧.੩੦].
ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਨ ਵਤ੍ਤਬ੍ਬਂ – ‘‘ਮਨੁਸ੍ਸਾਨਂ ਮਨੋ ਨ ਕਾਮਧਾਤੂ’’ਤਿ.
੫੧੧. ਪਞ੍ਚੇਵ ਕਾਮਗੁਣਾ ਕਾਮਧਾਤੂਤਿ? ਆਮਨ੍ਤਾ. ਕਾਮਗੁਣਾ ਭਵੋ ਗਤਿ ਸਤ੍ਤਾਵਾਸੋ ਸਂਸਾਰੋ ਯੋਨਿ ਵਿਞ੍ਞਾਣਟ੍ਠਿਤਿ ਅਤ੍ਤਭਾਵਪਟਿਲਾਭੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤ੍ਥਿ ਕਾਮਗੁਣੂਪਗਂ ਕਮ੍ਮਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤ੍ਥਿ ਕਾਮਗੁਣੂਪਗਾ ਸਤ੍ਤਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਕਾਮਗੁਣੇ ਸਤ੍ਤਾ ਜਾਯਨ੍ਤਿ ਜੀਯਨ੍ਤਿ ਮੀਯਨ੍ਤਿ ਚਵਨ੍ਤਿ ਉਪਪਜ੍ਜਨ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਕਾਮਗੁਣੇ ਅਤ੍ਥਿ ਰੂਪਂ ਵੇਦਨਾ ਸਞ੍ਞਾ ਸਙ੍ਖਾਰਾ ਵਿਞ੍ਞਾਣਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਕਾਮਗੁਣਾ ਪਞ੍ਚਵੋਕਾਰਭਵੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਕਾਮਗੁਣੇ ਸਮ੍ਮਾਸਮ੍ਬੁਦ੍ਧਾ ਉਪ੍ਪਜ੍ਜਨ੍ਤਿ, ਪਚ੍ਚੇਕਸਮ੍ਬੁਦ੍ਧਾ ਉਪ੍ਪਜ੍ਜਨ੍ਤਿ, ਸਾਵਕਯੁਗਂ ਉਪ੍ਪਜ੍ਜਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਕਾਮਧਾਤੁ ਭਵੋ ਗਤਿ ਸਤ੍ਤਾਵਾਸੋ ਸਂਸਾਰੋ ਯੋਨਿ ਵਿਞ੍ਞਾਣਟ੍ਠਿਤਿ ਅਤ੍ਤਭਾਵਪਟਿਲਾਭੋਤਿ? ਆਮਨ੍ਤਾ. ਕਾਮਗੁਣਾ ਭਵੋ ਗਤਿ ਸਤ੍ਤਾਵਾਸੋ ਸਂਸਾਰੋ ਯੋਨਿ ਵਿਞ੍ਞਾਣਟ੍ਠਿਤਿ ਅਤ੍ਤਭਾਵਪਟਿਲਾਭੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤ੍ਥਿ ਕਾਮਧਾਤੂਪਗਂ ਕਮ੍ਮਨ੍ਤਿ? ਆਮਨ੍ਤਾ. ਅਤ੍ਥਿ ਕਾਮਗੁਣੂਪਗਂ ਕਮ੍ਮਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤ੍ਥਿ ਕਾਮਧਾਤੂਪਗਾ ਸਤ੍ਤਾਤਿ? ਆਮਨ੍ਤਾ. ਅਤ੍ਥਿ ਕਾਮਗੁਣੂਪਗਾ ਸਤ੍ਤਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਕਾਮਧਾਤੁਯਾ ਸਤ੍ਤਾ ਜਾਯਨ੍ਤਿ ਜੀਯਨ੍ਤਿ ਮੀਯਨ੍ਤਿ ਚਵਨ੍ਤਿ ਉਪਪਜ੍ਜਨ੍ਤੀਤਿ? ਆਮਨ੍ਤਾ. ਕਾਮਗੁਣੇ ਸਤ੍ਤਾ ਜਾਯਨ੍ਤਿ ਜੀਯਨ੍ਤਿ ਮੀਯਨ੍ਤਿ ਚਵਨ੍ਤਿ ਉਪਪਜ੍ਜਨ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ …ਪੇ… ਕਾਮਧਾਤੁਯਾ ਅਤ੍ਥਿ ਰੂਪਂ ਵੇਦਨਾ ਸਞ੍ਞਾ ਸਙ੍ਖਾਰਾ ਵਿਞ੍ਞਾਣਨ੍ਤਿ? ਆਮਨ੍ਤਾ. ਕਾਮਗੁਣੇ ਅਤ੍ਥਿ ਰੂਪਂ ਵੇਦਨਾ ਸਞ੍ਞਾ ਸਙ੍ਖਾਰਾ ਵਿਞ੍ਞਾਣਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਕਾਮਧਾਤੁ ਪਞ੍ਚਵੋਕਾਰਭਵੋਤਿ? ਆਮਨ੍ਤਾ. ਕਾਮਗੁਣਾ ਪਞ੍ਚਵੋਕਾਰਭਵੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਕਾਮਧਾਤੁਯਾ ਸਮ੍ਮਾਸਮ੍ਬੁਦ੍ਧਾ ਉਪ੍ਪਜ੍ਜਨ੍ਤਿ, ਪਚ੍ਚੇਕਸਬੁਦ੍ਧਾ ਉਪ੍ਪਜ੍ਜਨ੍ਤਿ, ਸਾਵਕਯੁਗਂ ਉਪ੍ਪਜ੍ਜਤੀਤਿ? ਆਮਨ੍ਤਾ. ਕਾਮਗੁਣੇ ਸਮ੍ਮਾਸਮ੍ਬੁਦ੍ਧਾ ਉਪ੍ਪਜ੍ਜਨ੍ਤਿ, ਪਚ੍ਚੇਕਸਮ੍ਬੁਦ੍ਧਾ ਉਪ੍ਪਜ੍ਜਨ੍ਤਿ, ਸਾਵਕਯੁਗਂ ਉਪ੍ਪਜ੍ਜਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੫੧੨. ਨ ਵਤ੍ਤਬ੍ਬਂ – ‘‘ਪਞ੍ਚੇਵ ਕਾਮਗੁਣਾ ਕਾਮਧਾਤੂ’’ਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਪਞ੍ਚਿਮੇ, ਭਿਕ੍ਖਵੇ, ਕਾਮਗੁਣਾ! ਕਤਮੇ ਪਞ੍ਚ? ਚਕ੍ਖੁਵਿਞ੍ਞੇਯ੍ਯਾ ਰੂਪਾ ਇਟ੍ਠਾ ਕਨ੍ਤਾ ਮਨਾਪਾ ਪਿਯਰੂਪਾ ਕਾਮੂਪਸਂਹਿਤਾ ਰਜਨੀਯਾ, ਸੋਤਵਿਞ੍ਞੇਯ੍ਯਾ ਸਦ੍ਦਾ…ਪੇ… ਘਾਨਵਿਞ੍ਞੇਯ੍ਯਾ ਗਨ੍ਧਾ…ਪੇ… ਜਿਵ੍ਹਾਵਿਞ੍ਞੇਯ੍ਯਾ ਰਸਾ…ਪੇ… ਕਾਯਵਿਞ੍ਞੇਯ੍ਯਾ ਫੋਟ੍ਠਬ੍ਬਾ ਇਟ੍ਠਾ ਕਨ੍ਤਾ ਮਨਾਪਾ ਪਿਯਰੂਪਾ ਕਾਮੂਪਸਂਹਿਤਾ ਰਜਨੀਯਾ – ਇਮੇ ਖੋ, ਭਿਕ੍ਖਵੇ, ਪਞ੍ਚ ਕਾਮਗੁਣਾ’’ਤਿ. ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਪਞ੍ਚੇਵ ਕਾਮਗੁਣਾ ਕਾਮਧਾਤੂਤਿ.
ਕਾਮਗੁਣਕਥਾ ਨਿਟ੍ਠਿਤਾ.
੮. ਅਟ੍ਠਮਵਗ੍ਗੋ
(੭੬) ੪. ਕਾਮਕਥਾ
੫੧੩. ਪਞ੍ਚੇਵਾਯਤਨਾ ਕਾਮਾਤਿ? ਆਮਨ੍ਤਾ. ਨਨੁ ਅਤ੍ਥਿ ਤਪ੍ਪਟਿਸਂਯੁਤ੍ਤੋ ਛਨ੍ਦੋਤਿ? ਆਮਨ੍ਤਾ. ਹਞ੍ਚਿ ਅਤ੍ਥਿ ਤਪ੍ਪਟਿਸਂਯੁਤ੍ਤੋ ਛਨ੍ਦੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਪਞ੍ਚੇਵਾਯਤਨਾ ਕਾਮਾ’’ਤਿ. ਨਨੁ ਅਤ੍ਥਿ ਤਪ੍ਪਟਿਸਂਯੁਤ੍ਤੋ ਰਾਗੋ ਤਪ੍ਪਟਿਸਂਯੁਤ੍ਤੋ ਛਨ੍ਦੋ ਤਪ੍ਪਟਿਸਂਯੁਤ੍ਤੋ ਛਨ੍ਦਰਾਗੋ ਤਪ੍ਪਟਿਸਂਯੁਤ੍ਤੋ ਸਙ੍ਕਪ੍ਪੋ ਤਪ੍ਪਟਿਸਂਯੁਤ੍ਤੋ ਰਾਗੋ ਤਪ੍ਪਟਿਸਂਯੁਤ੍ਤੋ ਸਙ੍ਕਪ੍ਪਰਾਗੋ ਤਪ੍ਪਟਿਸਂਯੁਤ੍ਤਾ ਪੀਤਿ ਤਪ੍ਪਟਿਸਂਯੁਤ੍ਤਂ ਸੋਮਨਸ੍ਸਂ ਤਪ੍ਪਟਿਸਂਯੁਤ੍ਤਂ ਪੀਤਿਸੋਮਨਸ੍ਸਨ੍ਤਿ? ਆਮਨ੍ਤਾ. ਹਞ੍ਚਿ ਅਤ੍ਥਿ ਤਪ੍ਪਟਿਸਂਯੁਤ੍ਤਂ ਪੀਤਿਸੋਮਨਸ੍ਸਂ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਪਞ੍ਚੇਵਾਯਤਨਾ ਕਾਮਾ’’ਤਿ.
੫੧੪. ਨ ਵਤ੍ਤਬ੍ਬਂ – ‘‘ਪਞ੍ਚੇਵਾਯਤਨਾ ਕਾਮਾ’’ਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਪਞ੍ਚਿਮੇ, ਭਿਕ੍ਖਵੇ, ਕਾਮਗੁਣਾ! ਕਤਮੇ ਪਞ੍ਚ? ਚਕ੍ਖੁਵਿਞ੍ਞੇਯ੍ਯਾ ਰੂਪਾ…ਪੇ… ਕਾਯਵਿਞ੍ਞੇਯ੍ਯਾ ਫੋਟ੍ਠਬ੍ਬਾ ਇਟ੍ਠਾ ਕਨ੍ਤਾ ਮਨਾਪਾ ਪਿਯਰੂਪਾ ਕਾਮੂਪਸਂਹਿਤਾ ਰਜਨੀਯਾ – ਇਮੇ ਖੋ, ਭਿਕ੍ਖਵੇ, ਪਞ੍ਚ ਕਾਮਗੁਣਾ’’ਤਿ. ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਪਞ੍ਚੇਵਾਯਤਨਾ ਕਾਮਾਤਿ.
ਪਞ੍ਚੇਵਾਯਤਨਾ ਕਾਮਾਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਪਞ੍ਚਿਮੇ, ਭਿਕ੍ਖਵੇ, ਕਾਮਗੁਣਾ! ਕਤਮੇ ਪਞ੍ਚ? ਚਕ੍ਖੁਵਿਞ੍ਞੇਯ੍ਯਾ ਰੂਪਾ…ਪੇ… ਕਾਯਵਿਞ੍ਞੇਯ੍ਯਾ ਫੋਟ੍ਠਬ੍ਬਾ ਇਟ੍ਠਾ ਕਨ੍ਤਾ ਮਨਾਪਾ ਪਿਯਰੂਪਾ ਕਾਮੂਪਸਂਹਿਤਾ ਰਜਨੀਯਾ – ਇਮੇ ਖੋ, ਭਿਕ੍ਖਵੇ, ਪਞ੍ਚ ਕਾਮਗੁਣਾ. ਅਪਿ ਚ, ਭਿਕ੍ਖਵੇ, ਨੇਤੇ ਕਾਮਾ ਕਾਮਗੁਣਾ ਨਾਮੇਤੇ ਅਰਿਯਸ੍ਸ ਵਿਨਯੇ ਵੁਚ੍ਚ’’ਨ੍ਤਿ –
‘‘ਸਙ੍ਕਪ੍ਪਰਾਗੋ ਪੁਰਿਸਸ੍ਸ ਕਾਮੋ,
ਨ ਤੇ ਕਾਮਾ ਯਾਨਿ ਚਿਤ੍ਰਾਨਿ ਲੋਕੇ;
ਸਙ੍ਕਪ੍ਪਰਾਗੋ ਪੁਰਿਸਸ੍ਸ ਕਾਮੋ,
ਤਿਟ੍ਠਨ੍ਤਿ ਚਿਤ੍ਰਾਨਿ ਤਥੇਵ ਲੋਕੇ;
ਅਥੇਤ੍ਥ ਧੀਰਾ ਵਿਨਯਨ੍ਤਿ ਛਨ੍ਦ’’ਨ੍ਤਿ [ਅ. ਨਿ. ੬.੬੩ ਨਿਬ੍ਬੇਧਿਕਸੁਤ੍ਤੇ].
ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਨ ਵਤ੍ਤਬ੍ਬਂ – ‘‘ਪਞ੍ਚੇਵਾਯਤਨਾ ਕਾਮਾ’’ਤਿ.
ਕਾਮਕਥਾ ਨਿਟ੍ਠਿਤਾ.
੮. ਅਟ੍ਠਮਵਗ੍ਗੋ
(੭੭) ੫. ਰੂਪਧਾਤੁਕਥਾ
੫੧੫. ਰੂਪਿਨੋ ਧਮ੍ਮਾ ਰੂਪਧਾਤੂਤਿ? ਆਮਨ੍ਤਾ. ਰੂਪਂ ਭਵੋ ਗਤਿ ਸਤ੍ਤਾਵਾਸੋ ਸਂਸਾਰੋ ਯੋਨਿ ਵਿਞ੍ਞਾਣਟ੍ਠਿਤਿ ਅਤ੍ਤਭਾਵਪਟਿਲਾਭੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤ੍ਥਿ ਰੂਪੂਪਗਂ ਕਮ੍ਮਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤ੍ਥਿ ਰੂਪੂਪਗਾ ਸਤ੍ਤਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਰੂਪੇ ਸਤ੍ਤਾ ਜਾਯਨ੍ਤਿ ਜੀਯਨ੍ਤਿ ਮੀਯਨ੍ਤਿ ਚਵਨ੍ਤਿ ਉਪਪਜ੍ਜਨ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਰੂਪੇ ਅਤ੍ਥਿ ਰੂਪਂ ਵੇਦਨਾ ਸਞ੍ਞਾ ਸਙ੍ਖਾਰਾ ਵਿਞ੍ਞਾਣਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਰੂਪਂ ਪਞ੍ਚਵੋਕਾਰਭਵੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਰੂਪਧਾਤੁ ਭਵੋ ਗਤਿ…ਪੇ… ਅਤ੍ਤਭਾਵਪਟਿਲਾਭੋਤਿ? ਆਮਨ੍ਤਾ. ਰੂਪਂ ਭਵੋ ਗਤਿ…ਪੇ… ਅਤ੍ਤਭਾਵਪਟਿਲਾਭੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤ੍ਥਿ ਰੂਪਧਾਤੂਪਗਂ ਕਮ੍ਮਨ੍ਤਿ? ਆਮਨ੍ਤਾ. ਅਤ੍ਥਿ ਰੂਪੂਪਗਂ ਕਮ੍ਮਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤ੍ਥਿ ਰੂਪਧਾਤੂਪਗਾ ਸਤ੍ਤਾਤਿ? ਆਮਨ੍ਤਾ. ਅਤ੍ਥਿ ਰੂਪੂਪਗਾ ਸਤ੍ਤਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਰੂਪਧਾਤੁਯਾ ਸਤ੍ਤਾ ਜਾਯਨ੍ਤਿ ਜੀਯਨ੍ਤਿ ਮੀਯਨ੍ਤਿ ਚਵਨ੍ਤਿ ਉਪਪਜ੍ਜਨ੍ਤੀਤਿ? ਆਮਨ੍ਤਾ. ਰੂਪੇ ਸਤ੍ਤਾ ਜਾਯਨ੍ਤਿ ਜੀਯਨ੍ਤਿ ਮੀਯਨ੍ਤਿ ਚਵਨ੍ਤਿ ਉਪਪਜ੍ਜਨ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਰੂਪਧਾਤੁਯਾ ਅਤ੍ਥਿ ਰੂਪਂ ਵੇਦਨਾ ਸਞ੍ਞਾ ਸਙ੍ਖਾਰਾ ਵਿਞ੍ਞਾਣਨ੍ਤਿ? ਆਮਨ੍ਤਾ. ਰੂਪੇ ਅਤ੍ਥਿ ਰੂਪਂ ਵੇਦਨਾ ਸਞ੍ਞਾ ਸਙ੍ਖਾਰਾ ਵਿਞ੍ਞਾਣਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਰੂਪਧਾਤੁ ਪਞ੍ਚਵੋਕਾਰਭਵੋਤਿ? ਆਮਨ੍ਤਾ. ਰੂਪਂ ਪਞ੍ਚਵੋਕਾਰਭਵੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੫੧੬. ਰੂਪਿਨੋ ਧਮ੍ਮਾ ਰੂਪਧਾਤੁ, ਕਾਮਧਾਤੁਯਾ ਅਤ੍ਥਿ ਰੂਪਨ੍ਤਿ? ਆਮਨ੍ਤਾ. ਸਾਵ ਕਾਮਧਾਤੁ, ਸਾ ਰੂਪਧਾਤੂਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸਾਵ ਕਾਮਧਾਤੁ, ਸਾ ਰੂਪਧਾਤੂਤਿ? ਆਮਨ੍ਤਾ. ਕਾਮਭਵੇਨ ਸਮਨ੍ਨਾਗਤੋ ਪੁਗ੍ਗਲੋ ਦ੍ਵੀਹਿ ਭਵੇਹਿ ਸਮਨ੍ਨਾਗਤੋ ਹੋਤਿ – ਕਾਮਭਵੇਨ ਚ ਰੂਪਭਵੇਨ ਚਾਤਿ? ਨ ਹੇਵਂ ਵਤ੍ਤਬ੍ਬੇ.
ਰੂਪਧਾਤੁਕਥਾ ਨਿਟ੍ਠਿਤਾ.
੮. ਅਟ੍ਠਮਵਗ੍ਗੋ
(੭੮) ੬. ਅਰੂਪਧਾਤੁਕਥਾ
੫੧੭. ਅਰੂਪਿਨੋ ਧਮ੍ਮਾ ਅਰੂਪਧਾਤੂਤਿ? ਆਮਨ੍ਤਾ. ਵੇਦਨਾ ਭਵੋ ਗਤਿ ਸਤ੍ਤਾਵਾਸੋ ਸਂਸਾਰੋ ਯੋਨਿ ਵਿਞ੍ਞਾਣਟ੍ਠਿਤਿ ਅਤ੍ਤਭਾਵਪਟਿਲਾਭੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤ੍ਥਿ ਵੇਦਨੂਪਗਂ ਕਮ੍ਮਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤ੍ਥਿ ਵੇਦਨੂਪਗਾ ਸਤ੍ਤਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਵੇਦਨਾਯ ਸਤ੍ਤਾ ਜਾਯਨ੍ਤਿ ਜੀਯਨ੍ਤਿ ਮੀਯਨ੍ਤਿ ਚਵਨ੍ਤਿ ਉਪਪਜ੍ਜਨ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਵੇਦਨਾਯ ਅਤ੍ਥਿ ਵੇਦਨਾ ਸਞ੍ਞਾ ਸਙ੍ਖਾਰਾ ਵਿਞ੍ਞਾਣਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਵੇਦਨਾ ਚਤੁਵੋਕਾਰਭਵੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਅਰੂਪਧਾਤੁ ਭਵੋ ਗਤਿ…ਪੇ… ਅਤ੍ਤਭਾਵਪਟਿਲਾਭੋਤਿ? ਆਮਨ੍ਤਾ. ਵੇਦਨਾ ਭਵੋ ਗਤਿ…ਪੇ… ਅਤ੍ਤਭਾਵਪਟਿਲਾਭੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤ੍ਥਿ ਅਰੂਪਧਾਤੂਪਗਂ ਕਮ੍ਮਨ੍ਤਿ? ਆਮਨ੍ਤਾ. ਅਤ੍ਥਿ ਵੇਦਨੂਪਗਂ ਕਮ੍ਮਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤ੍ਥਿ ਅਰੂਪਧਾਤੂਪਗਾ ਸਤ੍ਤਾਤਿ? ਆਮਨ੍ਤਾ. ਅਤ੍ਥਿ ਵੇਦਨੂਪਗਾ ਸਤ੍ਤਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਅਰੂਪਧਾਤੁਯਾ ਸਤ੍ਤਾ ਜਾਯਨ੍ਤਿ ਜੀਯਨ੍ਤਿ ਮੀਯਨ੍ਤਿ ਚਵਨ੍ਤਿ ਉਪਪਜ੍ਜਨ੍ਤੀਤਿ? ਆਮਨ੍ਤਾ. ਵੇਦਨਾਯ ਸਤ੍ਤਾ ਜਾਯਨ੍ਤਿ ਜੀਯਨ੍ਤਿ ਮੀਯਨ੍ਤਿ ਚਵਨ੍ਤਿ ਉਪਪਜ੍ਜਨ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਰੂਪਧਾਤੁਯਾ ਅਤ੍ਥਿ ਵੇਦਨਾ ਸਞ੍ਞਾ ਸਙ੍ਖਾਰਾ ਵਿਞ੍ਞਾਣਨ੍ਤਿ? ਆਮਨ੍ਤਾ. ਵੇਦਨਾਯ ਅਤ੍ਥਿ ਵੇਦਨਾ ਸਞ੍ਞਾ ਸਙ੍ਖਾਰਾ ਵਿਞ੍ਞਾਣਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਰੂਪਧਾਤੁ ਚਤੁਵੋਕਾਰਭਵੋਤਿ? ਆਮਨ੍ਤਾ. ਵੇਦਨਾ ਚਤੁਵੋਕਾਰਭਵੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੫੧੮. ਅਰੂਪਿਨੋ ਧਮ੍ਮਾ ਅਰੂਪਧਾਤੁ, ਕਾਮਧਾਤੁਯਾ ਅਤ੍ਥਿ ਵੇਦਨਾ ਸਞ੍ਞਾ ਸਙ੍ਖਾਰਾ ਵਿਞ੍ਞਾਣਨ੍ਤਿ? ਆਮਨ੍ਤਾ. ਸਾਵ ਕਾਮਧਾਤੁ, ਸਾ ਅਰੂਪਧਾਤੂਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸਾਵ ਕਾਮਧਾਤੁ, ਸਾ ਅਰੂਪਧਾਤੂਤਿ? ਆਮਨ੍ਤਾ. ਕਾਮਭਵੇਨ ਸਮਨ੍ਨਾਗਤੋ ਪੁਗ੍ਗਲੋ ਦ੍ਵੀਹਿ ਭਵੇਹਿ ਸਮਨ੍ਨਾਗਤੋ ਹੋਤਿ – ਕਾਮਭਵੇਨ ਚ ਅਰੂਪਭਵੇਨ ਚਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਰੂਪਿਨੋ ਧਮ੍ਮਾ ਰੂਪਧਾਤੁ, ਅਰੂਪਿਨੋ ਧਮ੍ਮਾ ਅਰੂਪਧਾਤੁ, ਕਾਮਧਾਤੁਯਾ ਅਤ੍ਥਿ ਰੂਪਂ ਵੇਦਨਾ ਸਞ੍ਞਾ ਸਙ੍ਖਾਰਾ ਵਿਞ੍ਞਾਣਨ੍ਤਿ? ਆਮਨ੍ਤਾ. ਸਾਵ ਕਾਮਧਾਤੁ, ਸਾ ਰੂਪਧਾਤੁ, ਸਾ ਅਰੂਪਧਾਤੂਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸਾਵ ਕਾਮਧਾਤੁ, ਸਾ ਰੂਪਧਾਤੁ, ਸਾ ਅਰੂਪਧਾਤੂਤਿ? ਆਮਨ੍ਤਾ. ਕਾਮਭਵੇਨ ਸਮਨ੍ਨਾਗਤੋ ਪੁਗ੍ਗਲੋ ਤੀਹਿ ਭਵੇਹਿ ਸਮਨ੍ਨਾਗਤੋ ਹੋਤਿ – ਕਾਮਭਵੇਨ ਚ ਰੂਪਭਵੇਨ ਚ ਅਰੂਪਭਵੇਨ ਚਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਅਰੂਪਧਾਤੁਕਥਾ ਨਿਟ੍ਠਿਤਾ.
੮. ਅਟ੍ਠਮਵਗ੍ਗੋ
(੭੯) ੭. ਰੂਪਧਾਤੁਯਾਆਯਤਨਕਥਾ
੫੧੯. ਅਤ੍ਥਿ ਸਲ਼ਾਯਤਨਿਕੋ ਅਤ੍ਤਭਾਵੋ ਰੂਪਧਾਤੁਯਾਤਿ? ਆਮਨ੍ਤਾ. ਅਤ੍ਥਿ ਤਤ੍ਥ ਘਾਨਾਯਤਨਨ੍ਤਿ? ਆਮਨ੍ਤਾ. ਅਤ੍ਥਿ ਤਤ੍ਥ ਗਨ੍ਧਾਯਤਨਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤ੍ਥਿ ਤਤ੍ਥ ਜਿਵ੍ਹਾਯਤਨਨ੍ਤਿ? ਆਮਨ੍ਤਾ. ਅਤ੍ਥਿ ਤਤ੍ਥ ਰਸਾਯਤਨਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤ੍ਥਿ ਤਤ੍ਥ ਕਾਯਾਯਤਨਨ੍ਤਿ? ਆਮਨ੍ਤਾ. ਅਤ੍ਥਿ ਤਤ੍ਥ ਫੋਟ੍ਠਬ੍ਬਾਯਤਨਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਨਤ੍ਥਿ ਤਤ੍ਥ ਗਨ੍ਧਾਯਤਨਨ੍ਤਿ? ਆਮਨ੍ਤਾ. ਨਤ੍ਥਿ ਤਤ੍ਥ ਘਾਨਾਯਤਨਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਨਤ੍ਥਿ ਤਤ੍ਥ ਰਸਾਯਤਨਨ੍ਤਿ? ਆਮਨ੍ਤਾ. ਨਤ੍ਥਿ ਤਤ੍ਥ ਜਿਵ੍ਹਾਯਤਨਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਨਤ੍ਥਿ ਤਤ੍ਥ ਫੋਟ੍ਠਬ੍ਬਾਯਤਨਨ੍ਤਿ? ਆਮਨ੍ਤਾ. ਨਤ੍ਥਿ ਤਤ੍ਥ ਕਾਯਾਯਤਨਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੫੨੦. ਅਤ੍ਥਿ ਤਤ੍ਥ ਚਕ੍ਖਾਯਤਨਂ, ਅਤ੍ਥਿ ਰੂਪਾਯਤਨਨ੍ਤਿ? ਆਮਨ੍ਤਾ. ਅਤ੍ਥਿ ਤਤ੍ਥ ਘਾਨਾਯਤਨਂ, ਅਤ੍ਥਿ ਗਨ੍ਧਾਯਤਨਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤ੍ਥਿ ਤਤ੍ਥ ਚਕ੍ਖਾਯਤਨਂ, ਅਤ੍ਥਿ ਰੂਪਾਯਤਨਨ੍ਤਿ? ਆਮਨ੍ਤਾ. ਅਤ੍ਥਿ ਤਤ੍ਥ ਜਿਵ੍ਹਾਯਤਨਂ, ਅਤ੍ਥਿ ਰਸਾਯਤਨਂ…ਪੇ… ਅਤ੍ਥਿ ਤਤ੍ਥ ਕਾਯਾਯਤਨਂ, ਅਤ੍ਥਿ ਫੋਟ੍ਠਬ੍ਬਾਯਤਨਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤ੍ਥਿ ਤਤ੍ਥ ਸੋਤਾਯਤਨਂ, ਅਤ੍ਥਿ ਸਦ੍ਦਾਯਤਨਂ…ਪੇ… ਅਤ੍ਥਿ ਤਤ੍ਥ ਮਨਾਯਤਨਂ, ਅਤ੍ਥਿ ਧਮ੍ਮਾਯਤਨਨ੍ਤਿ? ਆਮਨ੍ਤਾ. ਅਤ੍ਥਿ ਤਤ੍ਥ ਘਾਨਾਯਤਨਂ, ਅਤ੍ਥਿ ਗਨ੍ਧਾਯਤਨਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤ੍ਥਿ ਤਤ੍ਥ ਮਨਾਯਤਨਂ, ਅਤ੍ਥਿ ਧਮ੍ਮਾਯਤਨਨ੍ਤਿ? ਆਮਨ੍ਤਾ. ਅਤ੍ਥਿ ਤਤ੍ਥ ਜਿਵ੍ਹਾਯਤਨਂ, ਅਤ੍ਥਿ ਰਸਾਯਤਨਨ੍ਤਿ…ਪੇ… ਅਤ੍ਥਿ ਤਤ੍ਥ ਕਾਯਾਯਤਨਂ, ਅਤ੍ਥਿ ਫੋਟ੍ਠਬ੍ਬਾਯਤਨਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਅਤ੍ਥਿ ਤਤ੍ਥ ਘਾਨਾਯਤਨਂ, ਨਤ੍ਥਿ ਗਨ੍ਧਾਯਤਨਨ੍ਤਿ? ਆਮਨ੍ਤਾ. ਅਤ੍ਥਿ ਤਤ੍ਥ ਚਕ੍ਖਾਯਤਨਂ, ਨਤ੍ਥਿ ਰੂਪਾਯਤਨਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤ੍ਥਿ ਤਤ੍ਥ ਘਾਨਾਯਤਨਂ, ਨਤ੍ਥਿ ਗਨ੍ਧਾਯਤਨਨ੍ਤਿ? ਆਮਨ੍ਤਾ. ਅਤ੍ਥਿ ਤਤ੍ਥ ਸੋਤਾਯਤਨਂ, ਨਤ੍ਥਿ ਸਦ੍ਦਾਯਤਨਂ…ਪੇ… ਅਤ੍ਥਿ ਤਤ੍ਥ ਮਨਾਯਤਨਂ, ਨਤ੍ਥਿ ਧਮ੍ਮਾਯਤਨਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤ੍ਥਿ ਤਤ੍ਥ ਜਿਵ੍ਹਾਯਤਨਂ, ਨਤ੍ਥਿ ਰਸਾਯਤਨਂ…ਪੇ… ਅਤ੍ਥਿ ਤਤ੍ਥ ਕਾਯਾਯਤਨਂ, ਨਤ੍ਥਿ ਫੋਟ੍ਠਬ੍ਬਾਯਤਨਨ੍ਤਿ? ਆਮਨ੍ਤਾ. ਅਤ੍ਥਿ ਤਤ੍ਥ ਚਕ੍ਖਾਯਤਨਂ, ਨਤ੍ਥਿ ਰੂਪਾਯਤਨਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤ੍ਥਿ ਤਤ੍ਥ ਕਾਯਾਯਤਨਂ, ਨਤ੍ਥਿ ਫੋਟ੍ਠਬ੍ਬਾਯਤਨਨ੍ਤਿ? ਆਮਨ੍ਤਾ. ਅਤ੍ਥਿ ਤਤ੍ਥ ਸੋਤਾਯਤਨਂ, ਨਤ੍ਥਿ ਸਦ੍ਦਾਯਤਨਂ …ਪੇ… ਅਤ੍ਥਿ ਤਤ੍ਥ ਮਨਾਯਤਨਂ, ਨਤ੍ਥਿ ਧਮ੍ਮਾਯਤਨਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੫੨੧. ਅਤ੍ਥਿ ਤਤ੍ਥ ਚਕ੍ਖਾਯਤਨਂ ਅਤ੍ਥਿ ਰੂਪਾਯਤਨਂ, ਤੇਨ ਚਕ੍ਖੁਨਾ ਤਂ ਰੂਪਂ ਪਸ੍ਸਤੀਤਿ? ਆਮਨ੍ਤਾ. ਅਤ੍ਥਿ ਤਤ੍ਥ ਘਾਨਾਯਤਨਂ ਅਤ੍ਥਿ ਗਨ੍ਧਾਯਤਨਂ, ਤੇਨ ਘਾਨੇਨ ਤਂ ਗਨ੍ਧਂ ਘਾਯਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤ੍ਥਿ ਤਤ੍ਥ ਚਕ੍ਖਾਯਤਨਂ ਅਤ੍ਥਿ ਰੂਪਾਯਤਨਂ, ਤੇਨ ਚਕ੍ਖੁਨਾ ਤਂ ਰੂਪਂ ਪਸ੍ਸਤੀਤਿ? ਆਮਨ੍ਤਾ. ਅਤ੍ਥਿ ਤਤ੍ਥ ਜਿਵ੍ਹਾਯਤਨਂ ਅਤ੍ਥਿ ਰਸਾਯਤਨਂ, ਤਾਯ ਜਿਵ੍ਹਾਯ ਤਂ ਰਸਂ ਸਾਯਤਿ…ਪੇ… ਅਤ੍ਥਿ ਤਤ੍ਥ ਕਾਯਾਯਤਨਂ ਅਤ੍ਥਿ ਫੋਟ੍ਠਬ੍ਬਾਯਤਨਂ, ਤੇਨ ਕਾਯੇਨ ਤਂ ਫੋਟ੍ਠਬ੍ਬਂ ਫੁਸਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਅਤ੍ਥਿ ਤਤ੍ਥ ਸੋਤਾਯਤਨਂ ਅਤ੍ਥਿ ਸਦ੍ਦਾਯਤਨਂ…ਪੇ… ਅਤ੍ਥਿ ਤਤ੍ਥ ਮਨਾਯਤਨਂ ਅਤ੍ਥਿ ਧਮ੍ਮਾਯਤਨਂ, ਤੇਨ ਮਨੇਨ ਤਂ ਧਮ੍ਮਂ ਵਿਜਾਨਾਤੀਤਿ? ਆਮਨ੍ਤਾ. ਅਤ੍ਥਿ ਤਤ੍ਥ ਘਾਨਾਯਤਨਂ ਅਤ੍ਥਿ ਗਨ੍ਧਾਯਤਨਂ, ਤੇਨ ਘਾਨੇਨ ਤਂ ਗਨ੍ਧਂ ਘਾਯਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤ੍ਥਿ ਤਤ੍ਥ ਮਨਾਯਤਨਂ ਅਤ੍ਥਿ ਧਮ੍ਮਾਯਤਨਂ, ਤੇਨ ਮਨੇਨ ਤਂ ਧਮ੍ਮਂ ਵਿਜਾਨਾਤੀਤਿ? ਆਮਨ੍ਤਾ. ਅਤ੍ਥਿ ਤਤ੍ਥ ਜਿਵ੍ਹਾਯਤਨਂ ਅਤ੍ਥਿ ਰਸਾਯਤਨਂ…ਪੇ… ਅਤ੍ਥਿ ਤਤ੍ਥ ਕਾਯਾਯਤਨਂ ਅਤ੍ਥਿ ਫੋਟ੍ਠਬ੍ਬਾਯਤਨਂ, ਤੇਨ ਕਾਯੇਨ ਤਂ ਫੋਟ੍ਠਬ੍ਬਂ ਫੁਸਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਅਤ੍ਥਿ ਤਤ੍ਥ ਘਾਨਾਯਤਨਂ ਅਤ੍ਥਿ ਗਨ੍ਧਾਯਤਨਂ, ਨ ਚ ਤੇਨ ਘਾਨੇਨ ਤਂ ਗਨ੍ਧਂ ਘਾਯਤੀਤਿ? ਆਮਨ੍ਤਾ. ਅਤ੍ਥਿ ਤਤ੍ਥ ਚਕ੍ਖਾਯਤਨਂ ਅਤ੍ਥਿ ਰੂਪਾਯਤਨਂ, ਨ ਚ ਤੇਨ ਚਕ੍ਖੁਨਾ ਤਂ ਰੂਪਂ ਪਸ੍ਸਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤ੍ਥਿ ਤਤ੍ਥ ਘਾਨਾਯਤਨਂ ਅਤ੍ਥਿ ਗਨ੍ਧਾਯਤਨਂ, ਨ ਚ ਤੇਨ ਘਾਨੇਨ ਤਂ ਗਨ੍ਧਂ ਘਾਯਤੀਤਿ? ਆਮਨ੍ਤਾ. ਅਤ੍ਥਿ ਤਤ੍ਥ ਸੋਤਾਯਤਨਂ ਅਤ੍ਥਿ ਸਦ੍ਦਾਯਤਨਂ…ਪੇ… ਅਤ੍ਥਿ ਤਤ੍ਥ ਮਨਾਯਤਨਂ ਅਤ੍ਥਿ ਧਮ੍ਮਾਯਤਨਂ, ਨ ਚ ਤੇਨ ਮਨੇਨ ਤਂ ਧਮ੍ਮਂ ਵਿਜਾਨਾਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਅਤ੍ਥਿ ਤਤ੍ਥ ਜਿਵ੍ਹਾਯਤਨਂ ਅਤ੍ਥਿ ਰਸਾਯਤਨਂ…ਪੇ… ਅਤ੍ਥਿ ਤਤ੍ਥ ਕਾਯਾਯਤਨਂ ਅਤ੍ਥਿ ਫੋਟ੍ਠਬ੍ਬਾਯਤਨਂ, ਨ ਚ ਤੇਨ ਕਾਯੇਨ ਤਂ ਫੋਟ੍ਠਬ੍ਬਂ ਫੁਸਤੀਤਿ? ਆਮਨ੍ਤਾ. ਅਤ੍ਥਿ ਤਤ੍ਥ ਸੋਤਾਯਤਨਂ ਅਤ੍ਥਿ ਸਦ੍ਦਾਯਤਨਂ…ਪੇ… ਅਤ੍ਥਿ ਤਤ੍ਥ ਮਨਾਯਤਨਂ ਅਤ੍ਥਿ ਧਮ੍ਮਾਯਤਨਂ, ਨ ਚ ਤੇਨ ਮਨੇਨ ਤਂ ਧਮ੍ਮਂ ਵਿਜਾਨਾਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੫੨੨. ਅਤ੍ਥਿ ਤਤ੍ਥ ਘਾਨਾਯਤਨਂ ਅਤ੍ਥਿ ਗਨ੍ਧਾਯਤਨਂ, ਤੇਨ ਘਾਨੇਨ ਤਂ ਗਨ੍ਧਂ ਘਾਯਤੀਤਿ? ਆਮਨ੍ਤਾ. ਅਤ੍ਥਿ ਤਤ੍ਥ ਮੂਲਗਨ੍ਧੋ ਸਾਰਗਨ੍ਧੋ ਤਚਗਨ੍ਧੋ ਪਤ੍ਤਗਨ੍ਧੋ ਪੁਪ੍ਫਗਨ੍ਧੋ ਫਲਗਨ੍ਧੋ ਆਮਗਨ੍ਧੋ ਵਿਸ੍ਸਗਨ੍ਧੋ ਸੁਗਨ੍ਧੋ ਦੁਗ੍ਗਨ੍ਧੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਅਤ੍ਥਿ ਤਤ੍ਥ ਜਿਵ੍ਹਾਯਤਨਂ ਅਤ੍ਥਿ ਰਸਾਯਤਨਂ, ਤਾਯ ਜਿਵ੍ਹਾਯ ਤਂ ਰਸਂ ਸਾਯਤੀਤਿ? ਆਮਨ੍ਤਾ. ਅਤ੍ਥਿ ਤਤ੍ਥ ਮੂਲਰਸੋ ਖਨ੍ਧਰਸੋ ਤਚਰਸੋ ਪਤ੍ਤਰਸੋ ਪੁਪ੍ਫਰਸੋ ਫਲਰਸੋ ਅਮ੍ਬਿਲਂ ਮਧੁਰਂ ਤਿਤ੍ਤਕਂ ਕਟੁਕਂ ਲੋਣਿਯਂ ਖਾਰਿਯਂ ਲਮ੍ਬਿਲਂ ਕਸਾਵੋ ਸਾਦੁ ਅਸਾਦੂਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਅਤ੍ਥਿ ਤਤ੍ਥ ਕਾਯਾਯਤਨਂ ਅਤ੍ਥਿ ਫੋਟ੍ਠਬ੍ਬਾਯਤਨਂ, ਤੇਨ ਕਾਯੇਨ ਤਂ ਫੋਟ੍ਠਬ੍ਬਂ ਫੁਸਤੀਤਿ? ਆਮਨ੍ਤਾ. ਅਤ੍ਥਿ ਤਤ੍ਥ ਕਕ੍ਖਲ਼ਂ ਮੁਦੁਕਂ ਸਣ੍ਹਂ ਫਰੁਸਂ ਸੁਖਸਮ੍ਫਸ੍ਸਂ ਦੁਕ੍ਖਸਮ੍ਫਸ੍ਸਂ ਗਰੁਕਂ ਲਹੁਕਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੫੨੩. ਨ ਵਤ੍ਤਬ੍ਬਂ – ‘‘ਸਲ਼ਾਯਤਨਿਕੋ ਅਤ੍ਤਭਾਵੋ ਰੂਪਧਾਤੁਯਾ’’ਤਿ? ਆਮਨ੍ਤਾ. ਨਨੁ ਅਤ੍ਥਿ ਤਤ੍ਥ ਘਾਨਨਿਮਿਤ੍ਤਂ ਜਿਵ੍ਹਾਨਿਮਿਤ੍ਤਂ ਕਾਯਨਿਮਿਤ੍ਤਨ੍ਤਿ? ਆਮਨ੍ਤਾ. ਹਞ੍ਚਿ ਅਤ੍ਥਿ ਤਤ੍ਥ ਘਾਨਨਿਮਿਤ੍ਤਂ ਜਿਵ੍ਹਾਨਿਮਿਤ੍ਤਂ ਕਾਯਨਿਮਿਤ੍ਤਂ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਸਲ਼ਾਯਤਨਿਕੋ ਅਤ੍ਤਭਾਵੋ ਰੂਪਧਾਤੁਯਾ’’ਤਿ.
ਰੂਪਧਾਤੁਯਾ ਆਯਤਨਕਥਾ ਨਿਟ੍ਠਿਤਾ.
੮. ਅਟ੍ਠਮਵਗ੍ਗੋ
(੮੦) ੮. ਅਰੂਪੇ ਰੂਪਕਥਾ
੫੨੪. ਅਤ੍ਥਿ ਰੂਪਂ ਅਰੂਪੇਸੂਤਿ? ਆਮਨ੍ਤਾ. ਰੂਪਭਵੋ ਰੂਪਗਤਿ ਰੂਪਸਤ੍ਤਾਵਾਸੋ ਰੂਪਸਂਸਾਰੋ ਰੂਪਯੋਨਿ ਰੂਪਤ੍ਤਭਾਵਪਟਿਲਾਭੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਨਨੁ ਅਰੂਪਭਵੋ ਅਰੂਪਗਤਿ ਅਰੂਪਸਤ੍ਤਾਵਾਸੋ ਅਰੂਪਸਂਸਾਰੋ ਅਰੂਪਯੋਨਿ ਅਰੂਪਤ੍ਤਭਾਵਪਟਿਲਾਭੋਤਿ? ਆਮਨ੍ਤਾ. ਹਞ੍ਚਿ ਅਰੂਪਭਵੋ…ਪੇ… ਅਰੂਪਤ੍ਤਭਾਵਪਟਿਲਾਭੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਤ੍ਥਿ ਰੂਪਂ ਅਰੂਪੇਸੂ’’ਤਿ.
ਅਤ੍ਥਿ ਰੂਪਂ ਅਰੂਪੇਸੂਤਿ? ਆਮਨ੍ਤਾ. ਪਞ੍ਚਵੋਕਾਰਭਵੋ ਗਤਿ ਸਤ੍ਤਾਵਾਸੋ ਸਂਸਾਰੋ ਯੋਨਿ ਵਿਞ੍ਞਾਣਟ੍ਠਿਤਿ ਅਤ੍ਤਭਾਵਪਟਿਲਾਭੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਨਨੁ ਚਤੁਵੋਕਾਰਭਵੋ…ਪੇ… ਅਤ੍ਤਭਾਵਪਟਿਲਾਭੋਤਿ? ਆਮਨ੍ਤਾ. ਹਞ੍ਚਿ ਚਤੁਵੋਕਾਰਭਵੋ ਗਤਿ…ਪੇ… ਅਤ੍ਤਭਾਵਪਟਿਲਾਭੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਤ੍ਥਿ ਰੂਪਂ ਅਰੂਪੇਸੂ’’ਤਿ.
੫੨੫. ਅਤ੍ਥਿ ਰੂਪਂ ਰੂਪਧਾਤੁਯਾ, ਸੋ ਚ ਰੂਪਭਵੋ ਰੂਪਗਤਿ ਰੂਪਸਤ੍ਤਾਵਾਸੋ ਰੂਪਸਂਸਾਰੋ ਰੂਪਯੋਨਿ ਰੂਪਤ੍ਤਭਾਵਪਟਿਲਾਭੋਤਿ? ਆਮਨ੍ਤਾ. ਅਤ੍ਥਿ ਰੂਪਂ ਅਰੂਪੇਸੁ, ਸੋ ਚ ਰੂਪਭਵੋ ਰੂਪਗਤਿ…ਪੇ… ਰੂਪਤ੍ਤਭਾਵਪਟਿਲਾਭੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤ੍ਥਿ ਰੂਪਂ ਰੂਪਧਾਤੁਯਾ, ਸੋ ਚ ਪਞ੍ਚਵੋਕਾਰਭਵੋ ਗਤਿ…ਪੇ… ਅਤ੍ਤਭਾਵਪਟਿਲਾਭੋਤਿ? ਆਮਨ੍ਤਾ. ਅਤ੍ਥਿ ਰੂਪਂ ਅਰੂਪੇਸੁ, ਸੋ ਚ ਪਞ੍ਚਵੋਕਾਰਭਵੋ ਗਤਿ…ਪੇ… ਅਤ੍ਤਭਾਵਪਟਿਲਾਭੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ…. ਅਤ੍ਥਿ ਰੂਪਂ ਅਰੂਪੇਸੁ, ਸੋ ਚ ਅਰੂਪਭਵੋ ਅਰੂਪਗਤਿ ਅਰੂਪਸਤ੍ਤਾਵਾਸੋ ਅਰੂਪਸਂਸਾਰੋ ਅਰੂਪਯੋਨਿ ਅਰੂਪਤ੍ਤਭਾਵਪਟਿਲਾਭੋਤਿ? ਆਮਨ੍ਤਾ. ਅਤ੍ਥਿ ਰੂਪਂ ਰੂਪਧਾਤੁਯਾ [ਅਰੂਪਧਾਤੁਯਾ (ਸਬ੍ਬਤ੍ਥ)], ਸੋ ਚ ਅਰੂਪਭਵੋ ਅਰੂਪਗਤਿ…ਪੇ… ਅਰੂਪਤ੍ਤਭਾਵਪਟਿਲਾਭੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤ੍ਥਿ ਰੂਪਂ ਅਰੂਪੇਸੁ, ਸੋ ਚ ਚਤੁਵੋਕਾਰਭਵੋ ਗਤਿ…ਪੇ… ਅਤ੍ਤਭਾਵਪਟਿਲਾਭੋਤਿ? ਆਮਨ੍ਤਾ. ਅਤ੍ਥਿ ਰੂਪਂ ਰੂਪਧਾਤੁਯਾ [ਅਰੂਪਧਾਤੁਯਾ (ਸਬ੍ਬਤ੍ਥ)], ਸੋ ਚ ਚਤੁਵੋਕਾਰਭਵੋ ਗਤਿ…ਪੇ… ਅਤ੍ਤਭਾਵਪਟਿਲਾਭੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੫੨੬. ਅਤ੍ਥਿ ਰੂਪਂ ਅਰੂਪੇਸੂਤਿ? ਆਮਨ੍ਤਾ. ਨਨੁ ਰੂਪਾਨਂ ਨਿਸ੍ਸਰਣਂ ਅਰੂਪਂ [ਇਤਿਵੁ. ੭੨; ਅ. ਨਿ. ੫.੨੦੦; ਦੀ. ਨਿ. ੩.੩੨੧] ਵੁਤ੍ਤਂ ਭਗਵਤਾਤਿ? ਆਮਨ੍ਤਾ. ਹਞ੍ਚਿ ਰੂਪਾਨਂ ਨਿਸ੍ਸਰਣਂ ਅਰੂਪਂ [ਇਤਿਵੁ. ੭੨; ਅ. ਨਿ. ੫.੨੦੦; ਦੀ. ਨਿ. ੩.੩੨੧] ਵੁਤ੍ਤਂ ਭਗਵਤਾ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਤ੍ਥਿ ਰੂਪਂ ਅਰੂਪੇਸੂ’’ਤਿ.
ਰੂਪਾਨਂ ਨਿਸ੍ਸਰਣਂ ਅਰੂਪਂ ਵੁਤ੍ਤਂ ਭਗਵਤਾ, ਅਤ੍ਥਿ ਰੂਪਂ ਅਰੂਪੇਸੂਤਿ? ਆਮਨ੍ਤਾ. ਕਾਮਾਨਂ ਨਿਸ੍ਸਰਣਂ ਨੇਕ੍ਖਮ੍ਮਂ ਵੁਤ੍ਤਂ ਭਗਵਤਾ, ਅਤ੍ਥਿ ਨੇਕ੍ਖਮ੍ਮੇਸੁ ਕਾਮਾ, ਅਤ੍ਥਿ ਅਨਾਸਵੇਸੁ ਆਸਵਾ, ਅਤ੍ਥਿ ਅਪਰਿਯਾਪਨ੍ਨੇਸੁ ਪਰਿਯਾਪਨ੍ਨਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਅਰੂਪੇ ਰੂਪਕਥਾ ਨਿਟ੍ਠਿਤਾ.
੮. ਅਟ੍ਠਮਵਗ੍ਗੋ
(੮੧) ੯. ਰੂਪਂ ਕਮ੍ਮਨ੍ਤਿਕਥਾ
੫੨੭. ਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਕਾਯਕਮ੍ਮਂ ਰੂਪਂ ਕੁਸਲਨ੍ਤਿ? ਆਮਨ੍ਤਾ. ਸਾਰਮ੍ਮਣਂ, ਅਤ੍ਥਿ ਤਸ੍ਸ ਆਵਟ੍ਟਨਾ ਆਭੋਗੋ ਸਮਨ੍ਨਾਹਾਰੋ ਮਨਸਿਕਾਰੋ ਚੇਤਨਾ ਪਤ੍ਥਨਾ ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਨਨੁ ਅਨਾਰਮ੍ਮਣਂ, ਨਤ੍ਥਿ ਤਸ੍ਸ ਆਵਟ੍ਟਨਾ ਆਭੋਗੋ ਸਮਨ੍ਨਾਹਾਰੋ ਮਨਸਿਕਾਰੋ ਚੇਤਨਾ ਪਤ੍ਥਨਾ ਪਣਿਧੀਤਿ? ਆਮਨ੍ਤਾ. ਹਞ੍ਚਿ ਅਨਾਰਮ੍ਮਣਂ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਕਾਯਕਮ੍ਮਂ ਰੂਪਂ ਕੁਸਲ’’ਨ੍ਤਿ.
ਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤੋ ਫਸ੍ਸੋ ਕੁਸਲੋ ਸਾਰਮ੍ਮਣੋ, ਅਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਕਾਯਕਮ੍ਮਂ ਰੂਪਂ ਕੁਸਲਂ ਸਾਰਮ੍ਮਣਂ, ਅਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਾ ਵੇਦਨਾ…ਪੇ… ਸਞ੍ਞਾ… ਚੇਤਨਾ… ਸਦ੍ਧਾ… ਵੀਰਿਯਂ… ਸਤਿ… ਸਮਾਧਿ…ਪੇ… ਪਞ੍ਞਾ ਕੁਸਲਾ ਸਾਰਮ੍ਮਣਾ, ਅਤ੍ਥਿ ਤਾਯ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਕਾਯਕਮ੍ਮਂ ਰੂਪਂ ਕੁਸਲਂ ਸਾਰਮ੍ਮਣਂ, ਅਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਕਾਯਕਮ੍ਮਂ ਰੂਪਂ ਕੁਸਲਂ ਅਨਾਰਮ੍ਮਣਂ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤੋ ਫਸ੍ਸੋ ਕੁਸਲੋ ਅਨਾਰਮ੍ਮਣੋ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਕਾਯਕਮ੍ਮਂ ਰੂਪਂ ਕੁਸਲਂ ਅਨਾਰਮ੍ਮਣਂ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਾ ਵੇਦਨਾ…ਪੇ… ਸਞ੍ਞਾ… ਚੇਤਨਾ… ਸਦ੍ਧਾ… ਵੀਰਿਯਂ… ਸਤਿ… ਸਮਾਧਿ…ਪੇ… ਪਞ੍ਞਾ ਕੁਸਲਾ ਅਨਾਰਮ੍ਮਣਾ, ਨਤ੍ਥਿ ਤਾਯ ਆਵਟ੍ਟਨਾ…ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੫੨੮. ਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਕਾਯਕਮ੍ਮਂ ਰੂਪਂ ਕੁਸਲਨ੍ਤਿ? ਆਮਨ੍ਤਾ. ਯਂ ਕਿਞ੍ਚਿ ਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਰੂਪਂ ਸਬ੍ਬਂ ਤਂ ਕੁਸਲਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਕਾਯਕਮ੍ਮਂ ਰੂਪਂ ਕੁਸਲਨ੍ਤਿ? ਆਮਨ੍ਤਾ. ਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਰੂਪਾਯਤਨਂ ਕੁਸਲਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਕਾਯਕਮ੍ਮਂ ਰੂਪਂ ਕੁਸਲਨ੍ਤਿ? ਆਮਨ੍ਤਾ. ਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਸਦ੍ਦਾਯਤਨਂ…ਪੇ… ਗਨ੍ਧਾਯਤਨਂ… ਰਸਾਯਤਨਂ… ਫੋਟ੍ਠਬ੍ਬਾਯਤਨਂ…ਪੇ… ਪਥਵੀਧਾਤੁ … ਆਪੋਧਾਤੁ… ਤੇਜੋਧਾਤੁ…ਪੇ… ਵਾਯੋਧਾਤੁ ਕੁਸਲਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਰੂਪਾਯਤਨਂ ਅਬ੍ਯਾਕਤਨ੍ਤਿ? ਆਮਨ੍ਤਾ. ਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਕਾਯਕਮ੍ਮਂ ਰੂਪਂ ਅਬ੍ਯਾਕਤਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਸਦ੍ਦਾਯਤਨਂ…ਪੇ… ਗਨ੍ਧਾਯਤਨਂ… ਰਸਾਯਤਨਂ… ਫੋਟ੍ਠਬ੍ਬਾਯਤਨਂ…ਪੇ… ਪਥਵੀਧਾਤੁ… ਆਪੋਧਾਤੁ … ਤੇਜੋਧਾਤੁ …ਪੇ… ਵਾਯੋਧਾਤੁ ਅਬ੍ਯਾਕਤਾਤਿ? ਆਮਨ੍ਤਾ. ਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਕਾਯਕਮ੍ਮਂ ਰੂਪਂ ਅਬ੍ਯਾਕਤਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੫੨੯. ਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਕਾਯਕਮ੍ਮਂ ਰੂਪਂ ਅਨਾਰਮ੍ਮਣਂ ਕੁਸਲਨ੍ਤਿ? ਆਮਨ੍ਤਾ. ਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਰੂਪਾਯਤਨਂ ਅਨਾਰਮ੍ਮਣਂ ਕੁਸਲਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਕਾਯਕਮ੍ਮਂ ਰੂਪਂ ਅਨਾਰਮ੍ਮਣਂ ਕੁਸਲਨ੍ਤਿ? ਆਮਨ੍ਤਾ. ਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਸਦ੍ਦਾਯਤਨਂ…ਪੇ… ਗਨ੍ਧਾਯਤਨਂ… ਰਸਾਯਤਨਂ… ਫੋਟ੍ਠਬ੍ਬਾਯਤਨਂ…ਪੇ… ਪਥਵੀਧਾਤੁ… ਆਪੋਧਾਤੁ… ਤੇਜੋਧਾਤੁ…ਪੇ… ਵਾਯੋਧਾਤੁ ਅਨਾਰਮ੍ਮਣਾ ਕੁਸਲਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਰੂਪਾਯਤਨਂ ਅਨਾਰਮ੍ਮਣਂ ਅਬ੍ਯਾਕਤਨ੍ਤਿ? ਆਮਨ੍ਤਾ. ਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਕਾਯਕਮ੍ਮਂ ਰੂਪਂ ਅਨਾਰਮ੍ਮਣਂ ਅਬ੍ਯਾਕਤਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਸਦ੍ਦਾਯਤਨਂ…ਪੇ… ਗਨ੍ਧਾਯਤਨਂ … ਰਸਾਯਤਨਂ… ਫੋਟ੍ਠਬ੍ਬਾਯਤਨਂ…ਪੇ… ਪਥਵੀਧਾਤੁ… ਆਪੋਧਾਤੁ… ਤੇਜੋਧਾਤੁ…ਪੇ… ਵਾਯੋਧਾਤੁ ਅਨਾਰਮ੍ਮਣਾ ਅਬ੍ਯਾਕਤਾਤਿ? ਆਮਨ੍ਤਾ. ਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਕਾਯਕਮ੍ਮਂ ਰੂਪਂ ਅਨਾਰਮ੍ਮਣਂ ਅਬ੍ਯਾਕਤਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੫੩੦. ਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਕਾਯਕਮ੍ਮਂ ਰੂਪਂ ਫਸ੍ਸਵਿਪ੍ਪਯੁਤ੍ਤਂ ਕੁਸਲਨ੍ਤਿ? ਆਮਨ੍ਤਾ. ਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਰੂਪਾਯਤਨਂ ਫਸ੍ਸਵਿਪ੍ਪਯੁਤ੍ਤਂ ਕੁਸਲਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਕਾਯਕਮ੍ਮਂ ਰੂਪਂ ਫਸ੍ਸਵਿਪ੍ਪਯੁਤ੍ਤਂ ਕੁਸਲਨ੍ਤਿ? ਆਮਨ੍ਤਾ. ਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਸਦ੍ਦਾਯਤਨਂ…ਪੇ… ਗਨ੍ਧਾਯਤਨਂ… ਰਸਾਯਤਨਂ… ਫੋਟ੍ਠਬ੍ਬਾਯਤਨਂ…ਪੇ… ਪਥਵੀਧਾਤੁ… ਆਪੋਧਾਤੁ… ਤੇਜੋਧਾਤੁ…ਪੇ… ਵਾਯੋਧਾਤੁ ਫਸ੍ਸਵਿਪ੍ਪਯੁਤ੍ਤਾ ਕੁਸਲਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਰੂਪਾਯਤਨਂ ਫਸ੍ਸਵਿਪ੍ਪਯੁਤ੍ਤਂ ਅਬ੍ਯਾਕਤਨ੍ਤਿ? ਆਮਨ੍ਤਾ. ਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਕਾਯਕਮ੍ਮਂ ਰੂਪਂ ਫਸ੍ਸਵਿਪ੍ਪਯੁਤ੍ਤਂ ਅਬ੍ਯਾਕਤਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਸਦ੍ਦਾਯਤਨਂ…ਪੇ… ਗਨ੍ਧਾਯਤਨਂ… ਰਸਾਯਤਨਂ… ਫੋਟ੍ਠਬ੍ਬਾਯਤਨਂ…ਪੇ… ਪਥਵੀਧਾਤੁ… ਆਪੋਧਾਤੁ… ਤੇਜੋਧਾਤੁ…ਪੇ… ਵਾਯੋਧਾਤੁ ਫਸ੍ਸਵਿਪ੍ਪਯੁਤ੍ਤਾ ਅਬ੍ਯਾਕਤਾਤਿ? ਆਮਨ੍ਤਾ. ਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਕਾਯਕਮ੍ਮਂ ਰੂਪਂ ਫਸ੍ਸਵਿਪ੍ਪਯੁਤ੍ਤਂ ਅਬ੍ਯਾਕਤਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੫੩੧. ਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਕਾਯਕਮ੍ਮਂ ਰੂਪਂ ਅਨਾਰਮ੍ਮਣਂ ਫਸ੍ਸਵਿਪ੍ਪਯੁਤ੍ਤਂ ਕੁਸਲਨ੍ਤਿ? ਆਮਨ੍ਤਾ. ਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਰੂਪਾਯਤਨਂ ਅਨਾਰਮ੍ਮਣਂ ਫਸ੍ਸਵਿਪ੍ਪਯੁਤ੍ਤਂ ਕੁਸਲਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਕਾਯਕਮ੍ਮਂ ਰੂਪਂ ਅਨਾਰਮ੍ਮਣਂ ਫਸ੍ਸਵਿਪ੍ਪਯੁਤ੍ਤਂ ਕੁਸਲਨ੍ਤਿ? ਆਮਨ੍ਤਾ. ਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਸਦ੍ਦਾਯਤਨਂ…ਪੇ… ਗਨ੍ਧਾਯਤਨਂ… ਰਸਾਯਤਨਂ… ਫੋਟ੍ਠਬ੍ਬਾਯਤਨਂ…ਪੇ… ਪਥਵੀਧਾਤੁ… ਆਪੋਧਾਤੁ… ਤੇਜੋਧਾਤੁ…ਪੇ… ਵਾਯੋਧਾਤੁ ਅਨਾਰਮ੍ਮਣਾ ਫਸ੍ਸਵਿਪ੍ਪਯੁਤ੍ਤਾ ਕੁਸਲਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਰੂਪਾਯਤਨਂ ਅਨਾਰਮ੍ਮਣਂ ਫਸ੍ਸਵਿਪ੍ਪਯੁਤ੍ਤਂ ਅਬ੍ਯਾਕਤਨ੍ਤਿ? ਆਮਨ੍ਤਾ. ਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਕਾਯਕਮ੍ਮਂ ਰੂਪਂ ਅਨਾਰਮ੍ਮਣਂ ਫਸ੍ਸਵਿਪ੍ਪਯੁਤ੍ਤਂ ਅਬ੍ਯਾਕਤਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਸਦ੍ਦਾਯਤਨਂ…ਪੇ… ਗਨ੍ਧਾਯਤਨਂ… ਰਸਾਯਤਨਂ… ਫੋਟ੍ਠਬ੍ਬਾਯਤਨਂ…ਪੇ… ਪਥਵੀਧਾਤੁ… ਆਪੋਧਾਤੁ… ਤੇਜੋਧਾਤੁ…ਪੇ… ਵਾਯੋਧਾਤੁ ਅਨਾਰਮ੍ਮਣਾ ਫਸ੍ਸਵਿਪ੍ਪਯੁਤ੍ਤਾ ਅਬ੍ਯਾਕਤਾਤਿ? ਆਮਨ੍ਤਾ. ਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਕਾਯਕਮ੍ਮਂ ਰੂਪਂ ਅਨਾਰਮ੍ਮਣਂ ਫਸ੍ਸਵਿਪ੍ਪਯੁਤ੍ਤਂ ਅਬ੍ਯਾਕਤਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੫੩੨. ਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਵਚੀਕਮ੍ਮਂ ਰੂਪਂ ਕੁਸਲਨ੍ਤਿ? ਆਮਨ੍ਤਾ. ਸਾਰਮ੍ਮਣਂ, ਅਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਨਨੁ ਅਨਾਰਮ੍ਮਣਂ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਹਞ੍ਚਿ ਅਨਾਰਮ੍ਮਣਂ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧਿ; ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਵਚੀਕਮ੍ਮਂ ਰੂਪਂ ਕੁਸਲ’’ਨ੍ਤਿ.
ਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤੋ ਫਸ੍ਸੋ ਕੁਸਲੋ ਸਾਰਮ੍ਮਣੋ, ਅਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਵਚੀਕਮ੍ਮਂ ਰੂਪਂ ਕੁਸਲਂ ਸਾਰਮ੍ਮਣਂ, ਅਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਾ ਵੇਦਨਾ…ਪੇ… ਸਞ੍ਞਾ… ਚੇਤਨਾ… ਸਦ੍ਧਾ… ਵੀਰਿਯਂ… ਸਤਿ… ਸਮਾਧਿ…ਪੇ… ਪਞ੍ਞਾ ਕੁਸਲਾ ਸਾਰਮ੍ਮਣਾ, ਅਤ੍ਥਿ ਤਾਯ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਵਚੀਕਮ੍ਮਂ ਰੂਪਂ ਕੁਸਲਂ ਸਾਰਮ੍ਮਣਂ, ਅਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਵਚੀਕਮ੍ਮਂ ਰੂਪਂ ਕੁਸਲਂ ਅਨਾਰਮ੍ਮਣਂ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤੋ ਫਸ੍ਸੋ ਕੁਸਲੋ ਅਨਾਰਮ੍ਮਣੋ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਵਚੀਕਮ੍ਮਂ ਰੂਪਂ ਕੁਸਲਂ ਅਨਾਰਮ੍ਮਣਂ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਾ ਵੇਦਨਾ…ਪੇ… ਸਞ੍ਞਾ… ਚੇਤਨਾ… ਸਦ੍ਧਾ… ਵੀਰਿਯਂ… ਸਤਿ… ਸਮਾਧਿ…ਪੇ… ਪਞ੍ਞਾ ਕੁਸਲਾ ਅਨਾਰਮ੍ਮਣਾ, ਨਤ੍ਥਿ ਤਾਯ ਆਵਟ੍ਟਨਾ…ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਵਚੀਕਮ੍ਮਂ ਰੂਪਂ ਕੁਸਲਨ੍ਤਿ? ਆਮਨ੍ਤਾ. ਯਂ ਕਿਞ੍ਚਿ ਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਰੂਪਂ ਸਬ੍ਬਂ ਤਂ ਕੁਸਲਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਯਥਾ ਕਾਯਕਮ੍ਮਂ ਤਥਾ ਵਚੀਕਮ੍ਮਨ੍ਤਿ.
੫੩੩. ਅਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਕਾਯਕਮ੍ਮਂ ਰੂਪਂ ਅਕੁਸਲਨ੍ਤਿ? ਆਮਨ੍ਤਾ. ਸਾਰਮ੍ਮਣਂ, ਅਤ੍ਥਿ ਤਸ੍ਸ ਆਵਟ੍ਟਨਾ ਆਭੋਗੋ ਸਮਨ੍ਨਾਹਾਰੋ ਮਨਸਿਕਾਰੋ ਚੇਤਨਾ ਪਤ੍ਥਨਾ ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਨਨੁ ਅਨਾਰਮ੍ਮਣਂ, ਨਤ੍ਥਿ ਤਸ੍ਸ ਆਵਟ੍ਟਨਾ ਆਭੋਗੋ ਸਮਨ੍ਨਾਹਾਰੋ ਮਨਸਿਕਾਰੋ ਚੇਤਨਾ ਪਤ੍ਥਨਾ ਪਣਿਧੀਤਿ? ਆਮਨ੍ਤਾ. ਹਞ੍ਚਿ ਅਨਾਰਮ੍ਮਣਂ, ਨਤ੍ਥਿ ਤਸ੍ਸ ਆਵਟ੍ਟਨਾ ਆਭੋਗੋ ਸਮਨ੍ਨਾਹਾਰੋ ਮਨਸਿਕਾਰੋ ਚੇਤਨਾ ਪਤ੍ਥਨਾ ਪਣਿਧਿ; ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਕਾਯਕਮ੍ਮਂ ਰੂਪਂ ਅਕੁਸਲ’’ਨ੍ਤਿ.
ਅਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤੋ ਫਸ੍ਸੋ ਅਕੁਸਲੋ ਸਾਰਮ੍ਮਣੋ, ਅਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਅਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਕਾਯਕਮ੍ਮਂ ਰੂਪਂ ਅਕੁਸਲਂ ਸਾਰਮ੍ਮਣਂ, ਅਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਾ ਵੇਦਨਾ…ਪੇ… ਸਞ੍ਞਾ… ਚੇਤਨਾ… ਰਾਗੋ… ਦੋਸੋ… ਮੋਹੋ… ਮਾਨੋ… ਦਿਟ੍ਠਿ… ਵਿਚਿਕਿਚ੍ਛਾ… ਥਿਨਂ… ਉਦ੍ਧਚ੍ਚਂ… ਅਹਿਰਿਕਂ…ਪੇ… ਅਨੋਤ੍ਤਪ੍ਪਂ ਅਕੁਸਲਂ ਸਾਰਮ੍ਮਣਂ, ਅਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਅਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਕਾਯਕਮ੍ਮਂ ਰੂਪਂ ਅਕੁਸਲਂ ਸਾਰਮ੍ਮਣਂ, ਅਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਅਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਕਾਯਕਮ੍ਮਂ ਰੂਪਂ ਅਕੁਸਲਂ ਅਨਾਰਮ੍ਮਣਂ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਅਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤੋ ਫਸ੍ਸੋ ਅਕੁਸਲੋ ਅਨਾਰਮ੍ਮਣੋ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਕਾਯਕਮ੍ਮਂ ਰੂਪਂ ਅਕੁਸਲਂ ਅਨਾਰਮ੍ਮਣਂ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਅਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਾ ਵੇਦਨਾ…ਪੇ… ਸਞ੍ਞਾ… ਚੇਤਨਾ… ਰਾਗੋ… ਦੋਸੋ… ਮੋਹੋ… ਮਾਨੋ… ਦਿਟ੍ਠਿ… ਵਿਚਿਕਿਚ੍ਛਾ… ਥਿਨਂ… ਉਦ੍ਧਚ੍ਚਂ… ਅਹਿਰਿਕਂ…ਪੇ… ਅਨੋਤ੍ਤਪ੍ਪਂ ਅਕੁਸਲਂ ਅਨਾਰਮ੍ਮਣਂ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਅਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਕਾਯਕਮ੍ਮਂ ਰੂਪਂ ਅਕੁਸਲਨ੍ਤਿ? ਆਮਨ੍ਤਾ. ਯਂ ਕਿਞ੍ਚਿ ਅਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਰੂਪਂ ਸਬ੍ਬਂ ਤਂ ਅਕੁਸਲਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੫੩੪. ਅਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਵਚੀਕਮ੍ਮਂ ਰੂਪਂ ਅਕੁਸਲਨ੍ਤਿ? ਆਮਨ੍ਤਾ. ਸਾਰਮ੍ਮਣਂ, ਅਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਨਨੁ ਅਨਾਰਮ੍ਮਣਂ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਹਞ੍ਚਿ ਅਨਾਰਮ੍ਮਣਂ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧਿ; ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਵਚੀਕਮ੍ਮਂ ਰੂਪਂ ਅਕੁਸਲ’’ਨ੍ਤਿ.
ਅਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤੋ ਫਸ੍ਸੋ ਅਕੁਸਲੋ ਸਾਰਮ੍ਮਣੋ, ਅਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਅਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਵਚੀਕਮ੍ਮਂ ਰੂਪਂ ਅਕੁਸਲਂ ਸਾਰਮ੍ਮਣਂ, ਅਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਾ ਵੇਦਨਾ…ਪੇ… ਸਞ੍ਞਾ … ਚੇਤਨਾ… ਰਾਗੋ… ਦੋਸੋ… ਮੋਹੋ… ਮਾਨੋ… ਦਿਟ੍ਠਿ… ਵਿਚਿਕਿਚ੍ਛਾ… ਥਿਨਂ… ਉਦ੍ਧਚ੍ਚਂ… ਅਹਿਰਿਕਂ…ਪੇ… ਅਨੋਤ੍ਤਪ੍ਪਂ ਅਕੁਸਲਂ ਸਾਰਮ੍ਮਣਂ, ਅਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਅਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਵਚੀਕਮ੍ਮਂ ਰੂਪਂ ਅਕੁਸਲਂ ਸਾਰਮ੍ਮਣਂ, ਅਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਅਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਵਚੀਕਮ੍ਮਂ ਰੂਪਂ ਅਕੁਸਲਂ ਅਨਾਰਮ੍ਮਣਂ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਅਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤੋ ਫਸ੍ਸੋ ਅਕੁਸਲੋ ਅਨਾਰਮ੍ਮਣੋ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਵਚੀਕਮ੍ਮਂ ਰੂਪਂ ਅਕੁਸਲਂ ਅਨਾਰਮ੍ਮਣਂ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਆਮਨ੍ਤਾ. ਅਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਾ ਵੇਦਨਾ…ਪੇ… ਸਞ੍ਞਾ… ਚੇਤਨਾ… ਰਾਗੋ… ਦੋਸੋ… ਮੋਹੋ… ਮਾਨੋ… ਦਿਟ੍ਠਿ… ਵਿਚਿਕਿਚ੍ਛਾ… ਥਿਨਂ… ਉਦ੍ਧਚ੍ਚਂ… ਅਹਿਰਿਕਂ…ਪੇ… ਅਨੋਤ੍ਤਪ੍ਪਂ ਅਕੁਸਲਂ ਅਨਾਰਮ੍ਮਣਂ, ਨਤ੍ਥਿ ਤਸ੍ਸ ਆਵਟ੍ਟਨਾ…ਪੇ… ਪਣਿਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਅਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਵਚੀਕਮ੍ਮਂ ਰੂਪਂ ਅਕੁਸਲਨ੍ਤਿ? ਆਮਨ੍ਤਾ. ਯਂ ਕਿਞ੍ਚਿ ਅਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਰੂਪਂ ਸਬ੍ਬਂ ਤਂ ਅਕੁਸਲਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੫੩੫. ਅਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਵਚੀਕਮ੍ਮਂ ਰੂਪਂ ਅਕੁਸਲਨ੍ਤਿ? ਆਮਨ੍ਤਾ. ਅਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਰੂਪਾਯਤਨਂ ਅਕੁਸਲਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਵਚੀਕਮ੍ਮਂ ਰੂਪਂ ਅਕੁਸਲਨ੍ਤਿ? ਆਮਨ੍ਤਾ. ਅਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਸਦ੍ਦਾਯਤਨਂ…ਪੇ… ਗਨ੍ਧਾਯਤਨਂ… ਰਸਾਯਤਨਂ… ਫੋਟ੍ਠਬ੍ਬਾਯਤਨਂ…ਪੇ… ਪਥਵੀਧਾਤੁ… ਆਪੋਧਾਤੁ… ਤੇਜੋਧਾਤੁ…ਪੇ… ਵਾਯੋਧਾਤੁ ਅਸੁਚਿ ਅਸ੍ਸੁ ਲੋਹਿਤਂ ਸੇਦੋ ਅਕੁਸਲੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਅਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਰੂਪਾਯਤਨਂ ਅਬ੍ਯਾਕਤਨ੍ਤਿ? ਆਮਨ੍ਤਾ. ਅਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਵਚੀਕਮ੍ਮਂ ਰੂਪਂ ਅਬ੍ਯਾਕਤਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਸਦ੍ਦਾਯਤਨਂ…ਪੇ… ਗਨ੍ਧਾਯਤਨਂ… ਰਸਾਯਤਨਂ… ਫੋਟ੍ਠਬ੍ਬਾਯਤਨਂ…ਪੇ… ਪਥਵੀਧਾਤੁ… ਆਪੋਧਾਤੁ… ਤੇਜੋਧਾਤੁ…ਪੇ… ਵਾਯੋਧਾਤੁ ਅਸੁਚਿ ਅਸ੍ਸੁ ਲੋਹਿਤਂ ਸੇਦੋ ਅਬ੍ਯਾਕਤੋਤਿ? ਆਮਨ੍ਤਾ. ਅਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਵਚੀਕਮ੍ਮਂ ਰੂਪਂ ਅਬ੍ਯਾਕਤਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੫੩੬. ਅਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਵਚੀਕਮ੍ਮਂ ਰੂਪਂ ਅਨਾਰਮ੍ਮਣਂ ਅਕੁਸਲਨ੍ਤਿ? ਆਮਨ੍ਤਾ. ਅਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਰੂਪਾਯਤਨਂ ਅਨਾਰਮ੍ਮਣਂ ਅਕੁਸਲਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਵਚੀਕਮ੍ਮਂ ਰੂਪਂ ਅਨਾਰਮ੍ਮਣਂ ਅਕੁਸਲਨ੍ਤਿ? ਆਮਨ੍ਤਾ. ਅਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਸਦ੍ਦਾਯਤਨਂ…ਪੇ… ਗਨ੍ਧਾਯਤਨਂ…ਪੇ… ਰਸਾਯਤਨਂ…ਪੇ… ਫੋਟ੍ਠਬ੍ਬਾਯਤਨਂ… ਪਥਵੀਧਾਤੁ… ਆਪੋਧਾਤੁ… ਤੇਜੋਧਾਤੁ…ਪੇ… ਵਾਯੋਧਾਤੁ ਅਸੁਚਿ ਅਸ੍ਸੁ ਲੋਹਿਤਂ ਸੇਦੋ ਅਨਾਰਮ੍ਮਣੋ ਅਕੁਸਲੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਅਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਰੂਪਾਯਤਨਂ ਅਨਾਰਮ੍ਮਣਂ ਅਬ੍ਯਾਕਤਨ੍ਤਿ? ਆਮਨ੍ਤਾ. ਅਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਵਚੀਕਮ੍ਮਂ ਰੂਪਂ ਅਨਾਰਮ੍ਮਣਂ ਅਬ੍ਯਾਕਤਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਸਦ੍ਦਾਯਤਨਂ…ਪੇ… ਗਨ੍ਧਾਯਤਨਂ… ਰਸਾਯਤਨਂ… ਫੋਟ੍ਠਬ੍ਬਾਯਤਨਂ…ਪੇ… ਪਥਵੀਧਾਤੁ… ਆਪੋਧਾਤੁ… ਤੇਜੋਧਾਤੁ…ਪੇ… ਵਾਯੋਧਾਤੁ ਅਸੁਚਿ ਅਸ੍ਸੁ ਲੋਹਿਤਂ ਸੇਦੋ ਅਨਾਰਮ੍ਮਣੋ ਅਬ੍ਯਾਕਤੋਤਿ? ਆਮਨ੍ਤਾ. ਅਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਵਚੀਕਮ੍ਮਂ ਰੂਪਂ ਅਨਾਰਮ੍ਮਣਂ ਅਬ੍ਯਾਕਤਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੫੩੭. ਅਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਵਚੀਕਮ੍ਮਂ ਰੂਪਂ ਫਸ੍ਸਵਿਪ੍ਪਯੁਤ੍ਤਂ ਅਕੁਸਲਨ੍ਤਿ? ਆਮਨ੍ਤਾ. ਅਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਰੂਪਾਯਤਨਂ ਫਸ੍ਸਵਿਪ੍ਪਯੁਤ੍ਤਂ ਅਕੁਸਲਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਵਚੀਕਮ੍ਮਂ ਰੂਪਂ ਫਸ੍ਸਵਿਪ੍ਪਯੁਤ੍ਤਂ ਅਕੁਸਲਨ੍ਤਿ? ਆਮਨ੍ਤਾ. ਅਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਸਦ੍ਦਾਯਤਨਂ…ਪੇ… ਗਨ੍ਧਾਯਤਨਂ… ਰਸਾਯਤਨਂ… ਫੋਟ੍ਠਬ੍ਬਾਯਤਨਂ… ਪਥਵੀਧਾਤੁ… ਆਪੋਧਾਤੁ… ਤੇਜੋਧਾਤੁ…ਪੇ… ਵਾਯੋਧਾਤੁ ਅਸੁਚਿ ਅਸ੍ਸੁ ਲੋਹਿਤਂ ਸੇਦੋ ਫਸ੍ਸਵਿਪ੍ਪਯੁਤ੍ਤੋ ਅਕੁਸਲੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਅਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਰੂਪਾਯਤਨਂ ਫਸ੍ਸਵਿਪ੍ਪਯੁਤ੍ਤਂ ਅਬ੍ਯਾਕਤਨ੍ਤਿ? ਆਮਨ੍ਤਾ. ਅਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਵਚੀਕਮ੍ਮਂ ਰੂਪਂ ਅਨਾਰਮ੍ਮਣਂ ਫਸ੍ਸਵਿਪ੍ਪਯੁਤ੍ਤਂ ਅਬ੍ਯਾਕਤਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਸਦ੍ਦਾਯਤਨਂ…ਪੇ… ਗਨ੍ਧਾਯਤਨਂ… ਰਸਾਯਤਨਂ… ਫੋਟ੍ਠਬ੍ਬਾਯਤਨਂ… ਪਥਵੀਧਾਤੁ… ਆਪੋਧਾਤੁ… ਤੇਜੋਧਾਤੁ…ਪੇ… ਵਾਯੋਧਾਤੁ ਅਸੁਚਿ ਅਸ੍ਸੁ ਲੋਹਿਤਂ ਸੇਦੋ ਅਨਾਰਮ੍ਮਣੋ ਫਸ੍ਸਵਿਪ੍ਪਯੁਤ੍ਤੋ ਅਬ੍ਯਾਕਤੋਤਿ? ਆਮਨ੍ਤਾ. ਅਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਵਚੀਕਮ੍ਮਂ ਰੂਪਂ ਅਨਾਰਮ੍ਮਣਂ ਫਸ੍ਸਵਿਪ੍ਪਯੁਤ੍ਤਂ ਅਬ੍ਯਾਕਤਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਅਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਵਚੀਕਮ੍ਮਂ ਰੂਪਂ ਅਨਾਰਮ੍ਮਣਂ ਫਸ੍ਸਵਿਪ੍ਪਯੁਤ੍ਤਂ ਅਕੁਸਲਨ੍ਤਿ? ਆਮਨ੍ਤਾ. ਅਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਰੂਪਾਯਤਨਂ ਅਨਾਰਮ੍ਮਣਂ ਫਸ੍ਸਵਿਪ੍ਪਯੁਤ੍ਤਂ ਅਕੁਸਲਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਵਚੀਕਮ੍ਮਂ ਰੂਪਂ ਅਨਾਰਮ੍ਮਣਂ ਫਸ੍ਸਵਿਪ੍ਪਯੁਤ੍ਤਂ ਅਕੁਸਲਨ੍ਤਿ? ਆਮਨ੍ਤਾ. ਅਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਸਦ੍ਦਾਯਤਨਂ…ਪੇ… ਗਨ੍ਧਾਯਤਨਂ… ਰਸਾਯਤਨਂ… ਫੋਟ੍ਠਬ੍ਬਾਯਤਨਂ… ਪਥਵੀਧਾਤੁ… ਆਪੋਧਾਤੁ… ਤੇਜੋਧਾਤੁ…ਪੇ… ਵਾਯੋਧਾਤੁ ਅਸੁਚਿ ਅਸ੍ਸੁ ਲੋਹਿਤਂ ਸੇਦੋ ਅਨਾਰਮ੍ਮਣੋ ਫਸ੍ਸਵਿਪ੍ਪਯੁਤ੍ਤੋ ਅਕੁਸਲੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਅਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਰੂਪਾਯਤਨਂ ਅਨਾਰਮ੍ਮਣਂ ਫਸ੍ਸਵਿਪ੍ਪਯੁਤ੍ਤਂ ਅਬ੍ਯਾਕਤਨ੍ਤਿ? ਆਮਨ੍ਤਾ. ਅਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਵਚੀਕਮ੍ਮਂ ਰੂਪਂ ਅਨਾਰਮ੍ਮਣਂ ਫਸ੍ਸਵਿਪ੍ਪਯੁਤ੍ਤਂ ਅਬ੍ਯਾਕਤਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਸਦ੍ਦਾਯਤਨਂ…ਪੇ… ਗਨ੍ਧਾਯਤਨਂ… ਰਸਾਯਤਨਂ… ਫੋਟ੍ਠਬ੍ਬਾਯਤਨਂ… ਪਥਵੀਧਾਤੁ… ਆਪੋਧਾਤੁ… ਤੇਜੋਧਾਤੁ…ਪੇ… ਵਾਯੋਧਾਤੁ ਅਸੁਚਿ ਅਸ੍ਸੁ ਲੋਹਿਤਂ ਸੇਦੋ ਅਨਾਰਮ੍ਮਣੋ ਫਸ੍ਸਵਿਪ੍ਪਯੁਤ੍ਤੋ ਅਬ੍ਯਾਕਤੋਤਿ? ਆਮਨ੍ਤਾ. ਅਕੁਸਲੇਨ ਚਿਤ੍ਤੇਨ ਸਮੁਟ੍ਠਿਤਂ ਵਚੀਕਮ੍ਮਂ ਰੂਪਂ ਅਨਾਰਮ੍ਮਣਂ ਫਸ੍ਸਵਿਪ੍ਪਯੁਤ੍ਤਂ ਅਬ੍ਯਾਕਤਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੫੩੮. ਨ ਵਤ੍ਤਬ੍ਬਂ – ‘‘ਰੂਪਂ ਕੁਸਲਮ੍ਪਿ ਅਕੁਸਲਮ੍ਪੀ’’ਤਿ? ਆਮਨ੍ਤਾ. ਨਨੁ ਕਾਯਕਮ੍ਮਂ ਵਚੀਕਮ੍ਮਂ ਕੁਸਲਮ੍ਪਿ ਅਕੁਸਲਮ੍ਪੀਤਿ? ਆਮਨ੍ਤਾ. ਹਞ੍ਚਿ ਕਾਯਕਮ੍ਮਂ ਵਚੀਕਮ੍ਮਂ ਕੁਸਲਮ੍ਪਿ ਅਕੁਸਲਮ੍ਪਿ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਰੂਪਂ ਕੁਸਲਮ੍ਪਿ ਅਕੁਸਲਮ੍ਪੀ’’ਤਿ.
ਰੂਪਂ ਕੁਸਲਮ੍ਪਿ ਅਕੁਸਲਮ੍ਪੀਤਿ? ਆਮਨ੍ਤਾ. ਚਕ੍ਖਾਯਤਨਂ ਕੁਸਲਮ੍ਪਿ ਅਕੁਸਲਮ੍ਪੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਰੂਪਂ ਕੁਸਲਮ੍ਪਿ ਅਕੁਸਲਮ੍ਪੀਤਿ? ਆਮਨ੍ਤਾ. ਸੋਤਾਯਤਨਂ…ਪੇ… ਘਾਨਾਯਤਨਂ… ਜਿਵ੍ਹਾਯਤਨਂ… ਕਾਯਾਯਤਨਂ… ਰੂਪਾਯਤਨਂ… ਸਦ੍ਦਾਯਤਨਂ… ਗਨ੍ਧਾਯਤਨਂ… ਰਸਾਯਤਨਂ … ਫੋਟ੍ਠਬ੍ਬਾਯਤਨਂ… ਪਥਵੀਧਾਤੁ… ਆਪੋਧਾਤੁ… ਤੇਜੋਧਾਤੁ…ਪੇ… ਵਾਯੋਧਾਤੁ ਅਸੁਚਿ ਅਸ੍ਸੁ ਲੋਹਿਤਂ ਸੇਦੋ ਕੁਸਲੋਪਿ ਅਕੁਸਲੋਪੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਕਾਯੋ ਰੂਪਂ, ਕਾਯਕਮ੍ਮਂ ਰੂਪਨ੍ਤਿ? ਆਮਨ੍ਤਾ. ਮਨੋ ਰੂਪਂ, ਮਨੋਕਮ੍ਮਂ ਰੂਪਨ੍ਤਿ? ਨ ਹੇਵਂ ਵਤ੍ਤਬ੍ਬੇ …ਪੇ… ਮਨੋ ਅਰੂਪਂ, ਮਨੋਕਮ੍ਮਂ ਅਰੂਪਨ੍ਤਿ? ਆਮਨ੍ਤਾ. ਕਾਯੋ ਅਰੂਪਂ, ਕਾਯਕਮ੍ਮਂ ਅਰੂਪਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਕਾਯੋ ਰੂਪਨ੍ਤਿ, ਕਾਯਕਮ੍ਮਂ ਰੂਪਨ੍ਤਿ? ਆਮਨ੍ਤਾ. ਚਕ੍ਖਾਯਤਨਂ ਰੂਪਨ੍ਤਿ, ਚਕ੍ਖੁਵਿਞ੍ਞਾਣਂ ਰੂਪਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਕਾਯੋ ਰੂਪਨ੍ਤਿ, ਕਾਯਕਮ੍ਮਂ ਰੂਪਨ੍ਤਿ? ਆਮਨ੍ਤਾ. ਸੋਤਾਯਤਨਂ ਰੂਪਨ੍ਤਿ, ਸੋਤਵਿਞ੍ਞਾਣਂ ਰੂਪਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਕਾਯੋ ਰੂਪਨ੍ਤਿ, ਕਾਯਕਮ੍ਮਂ ਰੂਪਨ੍ਤਿ? ਆਮਨ੍ਤਾ. ਘਾਨਾਯਤਨਂ ਰੂਪਨ੍ਤਿ, ਘਾਨਵਿਞ੍ਞਾਣਂ ਰੂਪਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਕਾਯੋ ਰੂਪਨ੍ਤਿ, ਕਾਯਕਮ੍ਮਂ ਰੂਪਨ੍ਤਿ? ਆਮਨ੍ਤਾ. ਜਿਵ੍ਹਾਯਤਨਂ ਰੂਪਨ੍ਤਿ, ਜਿਵ੍ਹਾਵਿਞ੍ਞਾਣਂ ਰੂਪਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਕਾਯੋ ਰੂਪਨ੍ਤਿ, ਕਾਯਕਮ੍ਮਂ ਰੂਪਨ੍ਤਿ? ਆਮਨ੍ਤਾ. ਕਾਯਾਯਤਨਂ ਰੂਪਨ੍ਤਿ, ਕਾਯਵਿਞ੍ਞਾਣਂ ਰੂਪਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੫੩੯. ਰੂਪਂ ਕਮ੍ਮਨ੍ਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਚੇਤਨਾਹਂ, ਭਿਕ੍ਖਵੇ, ਕਮ੍ਮਂ ਵਦਾਮਿ; ਚੇਤਯਿਤ੍ਵਾ ਕਮ੍ਮਂ ਕਰੋਤਿ ਕਾਯੇਨ ਵਾਚਾਯ ਮਨਸਾ’’ਤਿ [ਅ. ਨਿ. ੬.੬੩ ਨਿਬ੍ਬੇਧਿਕਸੁਤ੍ਤੇ]! ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਨ ਵਤ੍ਤਬ੍ਬਂ – ‘‘ਰੂਪਂ ਕਮ੍ਮ’’ਨ੍ਤਿ.
ਰੂਪਂ ਕਮ੍ਮਨ੍ਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਕਾਯੇ ਵਾ, ਆਨਨ੍ਦ [ਹਾਨਨ੍ਦ (ਸਂ. ਨਿ. ੨.੨੫)], ਸਤਿ ਕਾਯਸਞ੍ਚੇਤਨਾਹੇਤੁ ਉਪ੍ਪਜ੍ਜਤਿ ਅਜ੍ਝਤ੍ਤਂ ਸੁਖਦੁਕ੍ਖਂ; ਵਾਚਾਯ ਵਾ, ਆਨਨ੍ਦ [ਹਾਨਨ੍ਦ (ਸਂ. ਨਿ. ੨.੨੫)], ਸਤਿ ਵਚੀਸਞ੍ਚੇਤਨਾਹੇਤੁ ਉਪ੍ਪਜ੍ਜਤਿ ਅਜ੍ਝਤ੍ਤਂ ਸੁਖਦੁਕ੍ਖਂ; ਮਨੇ ਵਾ, ਆਨਨ੍ਦ [ਹਾਨਨ੍ਦ (ਸਂ. ਨਿ. ੨.੨੫)], ਸਤਿ ਮਨੋਸਞ੍ਚੇਤਨਾਹੇਤੁ ਉਪ੍ਪਜ੍ਜਤਿ ਅਜ੍ਝਤ੍ਤਂ ਸੁਖਦੁਕ੍ਖ’’ਨ੍ਤਿ [ਸਂ. ਨਿ. ੨.੨੫; ਅ. ਨਿ. ੪.੧੭੧]! ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਨ ਵਤ੍ਤਬ੍ਬਂ – ‘‘ਰੂਪਂ ਕਮ੍ਮ’’ਨ੍ਤਿ.
ਰੂਪਂ ਕਮ੍ਮਨ੍ਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਤਿਵਿਧਾ, ਭਿਕ੍ਖਵੇ, ਕਾਯਸਞ੍ਚੇਤਨਾ ਅਕੁਸਲਂ ਕਾਯਕਮ੍ਮਂ ਦੁਕ੍ਖੁਦ੍ਰਯਂ ਦੁਕ੍ਖਵਿਪਾਕਂ; ਚਤੁਬ੍ਬਿਧਾ, ਭਿਕ੍ਖਵੇ, ਵਚੀਸਞ੍ਚੇਤਨਾ ਅਕੁਸਲਂ ਵਚੀਕਮ੍ਮਂ ਦੁਕ੍ਖੁਦ੍ਰਯਂ ਦੁਕ੍ਖਵਿਪਾਕਂ; ਤਿਵਿਧਾ, ਭਿਕ੍ਖਵੇ, ਮਨੋਸਞ੍ਚੇਤਨਾ ਅਕੁਸਲਂ ਮਨੋਕਮ੍ਮਂ ਦੁਕ੍ਖੁਦ੍ਰਯਂ ਦੁਕ੍ਖਵਿਪਾਕਂ; ਤਿਵਿਧਾ, ਭਿਕ੍ਖਵੇ, ਕਾਯਸਞ੍ਚੇਤਨਾ ਕੁਸਲਂ ਕਾਯਕਮ੍ਮਂ ਸੁਖੁਦ੍ਰਯਂ ਸੁਖਵਿਪਾਕਂ; ਚਤੁਬ੍ਬਿਧਾ, ਭਿਕ੍ਖਵੇ, ਵਚੀਸਞ੍ਚੇਤਨਾ ਕੁਸਲਂ ਵਚੀਕਮ੍ਮਂ ਸੁਖੁਦ੍ਰਯਂ ਸੁਖਵਿਪਾਕਂ; ਤਿਵਿਧਾ, ਭਿਕ੍ਖਵੇ, ਮਨੋਸਞ੍ਚੇਤਨਾ ਕੁਸਲਂ ਮਨੋਕਮ੍ਮਂ ਸੁਖੁਦ੍ਰਯਂ ਸੁਖਵਿਪਾਕ’’ਨ੍ਤਿ [ਅ. ਨਿ. ੧੦.੨੧੭ ਥੋਕਂ ਪਨ ਵਿਸਦਿਸਂ]! ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਨ ਵਤ੍ਤਬ੍ਬਂ – ‘‘ਰੂਪਂ ਕਮ੍ਮ’’ਨ੍ਤਿ.
ਰੂਪਂ ਕਮ੍ਮਨ੍ਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਸਚਾਯਂ, ਆਨਨ੍ਦ, ਸਮਿਦ੍ਧਿ ਮੋਘਪੁਰਿਸੋ ਪਾਟਲਿਪੁਤ੍ਤਸ੍ਸ [ਪੋਤਲਿਪੁਤ੍ਤਸ੍ਸ (ਮ. ਨਿ. ੩.੩੦੦)] ਪਰਿਬ੍ਬਾਜਕਸ੍ਸ ਏਵਂ ਪੁਟ੍ਠੋ ਏਵਂ ਬ੍ਯਾਕਰੇਯ੍ਯ – ‘ਸਞ੍ਚੇਤਨਿਯਂ, ਆਵੁਸੋ ਪਾਟਲਿਪੁਤ੍ਤ, ਕਮ੍ਮਂ ਕਤ੍ਵਾ ਕਾਯੇਨ ਵਾਚਾਯ ਮਨਸਾ ਸੁਖਵੇਦਨਿਯਂ ਸੁਖਂ ਸੋ ਵੇਦਯਤਿ; ਸਞ੍ਚੇਤਨਿਯਂ, ਆਵੁਸੋ ਪਾਟਲਿਪੁਤ੍ਤ, ਕਮ੍ਮਂ ਕਤ੍ਵਾ ਕਾਯੇਨ ਵਾਚਾਯ ਮਨਸਾ ਦੁਕ੍ਖਵੇਦਨਿਯਂ ਦੁਕ੍ਖਂ ਸੋ ਵੇਦਯਤਿ; ਸਞ੍ਚੇਤਨਿਯਂ, ਆਵੁਸੋ ਪਾਟਲਿਪੁਤ੍ਤ, ਕਮ੍ਮਂ ਕਤ੍ਵਾ ਕਾਯੇਨ ਵਾਚਾਯ ਮਨਸਾ ਅਦੁਕ੍ਖਮਸੁਖਵੇਦਨਿਯਂ ਅਦੁਕ੍ਖਮਸੁਖਂ ਸੋ ਵੇਦਯਤੀ’ਤਿ, ਏਵਂ ਬ੍ਯਾਕਰਮਾਨੋ ਖੋ, ਆਨਨ੍ਦ, ਸਮਿਦ੍ਧਿ ਮੋਘਪੁਰਿਸੋ ਪਾਟਲਿਪੁਤ੍ਤਸ੍ਸ ਪਰਿਬ੍ਬਾਜਕਸ੍ਸ ਸਮ੍ਮਾ ਬ੍ਯਾਕਰਮਾਨੋ ਬ੍ਯਾਕਰੇਯ੍ਯਾ’’ਤਿ [ਮ. ਨਿ. ੩.੩੦੦]! ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਨ ਵਤ੍ਤਬ੍ਬਂ – ‘‘ਰੂਪਂ ਕਮ੍ਮ’’ਨ੍ਤਿ.
ਰੂਪਂ ਕਮ੍ਮਨ੍ਤਿਕਥਾ ਨਿਟ੍ਠਿਤਾ.
੮. ਅਟ੍ਠਮਵਗ੍ਗੋ
(੮੨) ੧੦. ਜੀਵਿਤਿਨ੍ਦ੍ਰਿਯਕਥਾ
੫੪੦. ਨਤ੍ਥਿ ਰੂਪਜੀਵਿਤਿਨ੍ਦ੍ਰਿਯਨ੍ਤਿ? ਆਮਨ੍ਤਾ. ਨਤ੍ਥਿ ਰੂਪੀਨਂ ਧਮ੍ਮਾਨਂ ਆਯੁ ਠਿਤਿ ਯਪਨਾ ਯਾਪਨਾ ਇਰਿਯਨਾ ਵਤ੍ਤਨਾ ਪਾਲਨਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤ੍ਥਿ ਰੂਪੀਨਂ ਧਮ੍ਮਾਨਂ ਆਯੁ ਠਿਤਿ ਯਪਨਾ ਯਾਪਨਾ ਇਰਿਯਨਾ ਵਤ੍ਤਨਾ ਪਾਲਨਾਤਿ? ਆਮਨ੍ਤਾ. ਹਞ੍ਚਿ ਅਤ੍ਥਿ ਰੂਪੀਨਂ ਧਮ੍ਮਾਨਂ ਆਯੁ ਠਿਤਿ ਯਪਨਾ ਯਾਪਨਾ ਇਰਿਯਨਾ ਵਤ੍ਤਨਾ ਪਾਲਨਾ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਨਤ੍ਥਿ ਰੂਪਜੀਵਿਤਿਨ੍ਦ੍ਰਿਯ’’ਨ੍ਤਿ.
ਅਤ੍ਥਿ ਅਰੂਪੀਨਂ ਧਮ੍ਮਾਨਂ ਆਯੁ ਠਿਤਿ ਯਪਨਾ ਯਾਪਨਾ ਇਰਿਯਨਾ ਵਤ੍ਤਨਾ ਪਾਲਨਾ, ਅਤ੍ਥਿ ਅਰੂਪਜੀਵਿਤਿਨ੍ਦ੍ਰਿਯਨ੍ਤਿ? ਆਮਨ੍ਤਾ. ਅਤ੍ਥਿ ਰੂਪੀਨਂ ਧਮ੍ਮਾਨਂ ਆਯੁ ਠਿਤਿ ਯਪਨਾ ਯਾਪਨਾ ਇਰਿਯਨਾ ਵਤ੍ਤਨਾ ਪਾਲਨਾ, ਅਤ੍ਥਿ ਰੂਪਜੀਵਿਤਿਨ੍ਦ੍ਰਿਯਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤ੍ਥਿ ਰੂਪੀਨਂ ਧਮ੍ਮਾਨਂ ਆਯੁ ਠਿਤਿ ਯਪਨਾ ਯਾਪਨਾ ਇਰਿਯਨਾ ਵਤ੍ਤਨਾ ਪਾਲਨਾ, ਨਤ੍ਥਿ ਰੂਪਜੀਵਿਤਿਨ੍ਦ੍ਰਿਯਨ੍ਤਿ? ਆਮਨ੍ਤਾ. ਅਤ੍ਥਿ ਅਰੂਪੀਨਂ ਧਮ੍ਮਾਨਂ ਆਯੁ ਠਿਤਿ ਯਪਨਾ ਯਾਪਨਾ ਇਰਿਯਨਾ ਵਤ੍ਤਨਾ ਪਾਲਨਾ, ਨਤ੍ਥਿ ਅਰੂਪਜੀਵਿਤਿਨ੍ਦ੍ਰਿਯਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਅਰੂਪੀਨਂ ਧਮ੍ਮਾਨਂ ਆਯੁ ਅਰੂਪਜੀਵਿਤਿਨ੍ਦ੍ਰਿਯਨ੍ਤਿ? ਆਮਨ੍ਤਾ. ਰੂਪੀਨਂ ਧਮ੍ਮਾਨਂ ਆਯੁ ਰੂਪਜੀਵਿਤਿਨ੍ਦ੍ਰਿਯਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਰੂਪੀਨਂ ਧਮ੍ਮਾਨਂ ਆਯੁ ਨ ਵਤ੍ਤਬ੍ਬਂ – ‘‘ਰੂਪਜੀਵਿਤਿਨ੍ਦ੍ਰਿਯ’’ਨ੍ਤਿ? ਆਮਨ੍ਤਾ. ਅਰੂਪੀਨਂ ਧਮ੍ਮਾਨਂ ਆਯੁ ਨ ਵਤ੍ਤਬ੍ਬਂ – ‘‘ਅਰੂਪਜੀਵਿਤਿਨ੍ਦ੍ਰਿਯ’’ਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੫੪੧. ਰੂਪੀਨਂ ਧਮ੍ਮਾਨਂ ਆਯੁ ਅਰੂਪਜੀਵਿਤਿਨ੍ਦ੍ਰਿਯਨ੍ਤਿ? ਆਮਨ੍ਤਾ. ਅਰੂਪੀਨਂ ਧਮ੍ਮਾਨਂ ਆਯੁ ਰੂਪਜੀਵਿਤਿਨ੍ਦ੍ਰਿਯਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਅਰੂਪੀਨਂ ਧਮ੍ਮਾਨਂ ਆਯੁ ਨ ਵਤ੍ਤਬ੍ਬਂ – ‘‘ਰੂਪਜੀਵਿਤਿਨ੍ਦ੍ਰਿਯ’’ਨ੍ਤਿ? ਆਮਨ੍ਤਾ. ਰੂਪੀਨਂ ਧਮ੍ਮਾਨਂ ਆਯੁ ਨ ਵਤ੍ਤਬ੍ਬਂ – ‘‘ਅਰੂਪਜੀਵਿਤਿਨ੍ਦ੍ਰਿਯ’’ਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਰੂਪੀਨਞ੍ਚ ਅਰੂਪੀਨਞ੍ਚ ਧਮ੍ਮਾਨਂ ਆਯੁ ਅਰੂਪਜੀਵਿਤਿਨ੍ਦ੍ਰਿਯਨ੍ਤਿ? ਆਮਨ੍ਤਾ. ਰੂਪੀਨਞ੍ਚ ਅਰੂਪੀਨਞ੍ਚ ਧਮ੍ਮਾਨਂ ਆਯੁ ਰੂਪਜੀਵਿਤਿਨ੍ਦ੍ਰਿਯਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਰੂਪੀਨਞ੍ਚ ਅਰੂਪੀਨਞ੍ਚ ਧਮ੍ਮਾਨਂ ਆਯੁ ਨ ਵਤ੍ਤਬ੍ਬਂ – ‘‘ਰੂਪਜੀਵਿਤਿਨ੍ਦ੍ਰਿਯ’’ਨ੍ਤਿ? ਆਮਨ੍ਤਾ. ਰੂਪੀਨਞ੍ਚ ਅਰੂਪੀਨਞ੍ਚ ਧਮ੍ਮਾਨਂ ਆਯੁ ਨ ਵਤ੍ਤਬ੍ਬਂ – ‘‘ਅਰੂਪਜੀਵਿਤਿਨ੍ਦ੍ਰਿਯ’’ਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਨਤ੍ਥਿ ਰੂਪਜੀਵਿਤਿਨ੍ਦ੍ਰਿਯਨ੍ਤਿ? ਆਮਨ੍ਤਾ. ਨਿਰੋਧਂ ਸਮਾਪਨ੍ਨਸ੍ਸ ਨਤ੍ਥਿ ਜੀਵਿਤਿਨ੍ਦ੍ਰਿਯਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੫੪੨. ਨਿਰੋਧਂ ਸਮਾਪਨ੍ਨਸ੍ਸ ਅਤ੍ਥਿ ਜੀਵਿਤਿਨ੍ਦ੍ਰਿਯਨ੍ਤਿ? ਆਮਨ੍ਤਾ. ਹਞ੍ਚਿ ਨਿਰੋਧਂ ਸਮਾਪਨ੍ਨਸ੍ਸ ਅਤ੍ਥਿ ਜੀਵਿਤਿਨ੍ਦ੍ਰਿਯਂ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਨਤ੍ਥਿ ਰੂਪਜੀਵਿਤਿਨ੍ਦ੍ਰਿਯ’’ਨ੍ਤਿ.
ਨਿਰੋਧਂ ਸਮਾਪਨ੍ਨਸ੍ਸ ਅਤ੍ਥਿ ਜੀਵਿਤਿਨ੍ਦ੍ਰਿਯਨ੍ਤਿ? ਆਮਨ੍ਤਾ. ਕਤਮਕ੍ਖਨ੍ਧਪਰਿਯਾਪਨ੍ਨਨ੍ਤਿ? ਸਙ੍ਖਾਰਕ੍ਖਨ੍ਧਪਰਿਯਾਪਨ੍ਨਨ੍ਤਿ. ਨਿਰੋਧਂ ਸਮਾਪਨ੍ਨਸ੍ਸ ਅਤ੍ਥਿ ਸਙ੍ਖਾਰਕ੍ਖਨ੍ਧੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਨਿਰੋਧਂ ਸਮਾਪਨ੍ਨਸ੍ਸ ਅਤ੍ਥਿ ਸਙ੍ਖਾਰਕ੍ਖਨ੍ਧੋਤਿ? ਆਮਨ੍ਤਾ. ਨਿਰੋਧਂ ਸਮਾਪਨ੍ਨਸ੍ਸ ਅਤ੍ਥਿ ਵੇਦਨਾਕ੍ਖਨ੍ਧੋ…ਪੇ… ਸਞ੍ਞਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਨਿਰੋਧਂ ਸਮਾਪਨ੍ਨਸ੍ਸ ਅਤ੍ਥਿ ਵੇਦਨਾਕ੍ਖਨ੍ਧੋ…ਪੇ… ਸਞ੍ਞਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋਤਿ? ਆਮਨ੍ਤਾ. ਨ ਨਿਰੋਧਂ ਸਮਾਪਨ੍ਨੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੫੪੩. ਨਤ੍ਥਿ ਰੂਪਜੀਵਿਤਿਨ੍ਦ੍ਰਿਯਨ੍ਤਿ? ਆਮਨ੍ਤਾ. ਅਸਞ੍ਞਸਤ੍ਤਾਨਂ ਨਤ੍ਥਿ ਜੀਵਿਤਿਨ੍ਦ੍ਰਿਯਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਅਸਞ੍ਞਸਤ੍ਤਾਨਂ ਅਤ੍ਥਿ ਜੀਵਿਤਿਨ੍ਦ੍ਰਿਯਨ੍ਤਿ? ਆਮਨ੍ਤਾ. ਹਞ੍ਚਿ ਅਸਞ੍ਞਸਤ੍ਤਾਨਂ ਅਤ੍ਥਿ ਜੀਵਿਤਿਨ੍ਦ੍ਰਿਯਂ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਨਤ੍ਥਿ ਰੂਪਜੀਵਿਤਿਨ੍ਦ੍ਰਿਯ’’ਨ੍ਤਿ. ਅਸਞ੍ਞਸਤ੍ਤਾਨਂ ਅਤ੍ਥਿ ਜੀਵਿਤਿਨ੍ਦ੍ਰਿਯਨ੍ਤਿ? ਆਮਨ੍ਤਾ. ਕਤਮਕ੍ਖਨ੍ਧਪਰਿਯਾਪਨ੍ਨਨ੍ਤਿ? ਸਙ੍ਖਾਰਕ੍ਖਨ੍ਧਪਰਿਯਾਪਨ੍ਨਨ੍ਤਿ. ਅਸਞ੍ਞਸਤ੍ਤਾਨਂ ਅਤ੍ਥਿ ਸਙ੍ਖਾਰਕ੍ਖਨ੍ਧੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਅਸਞ੍ਞਸਤ੍ਤਾਨਂ ਅਤ੍ਥਿ ਸਙ੍ਖਾਰਕ੍ਖਨ੍ਧੋਤਿ? ਆਮਨ੍ਤਾ. ਅਸਞ੍ਞਸਤ੍ਤਾਨਂ ਅਤ੍ਥਿ ਵੇਦਨਾਕ੍ਖਨ੍ਧੋ…ਪੇ… ਸਞ੍ਞਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਅਸਞ੍ਞਸਤ੍ਤਾਨਂ ਅਤ੍ਥਿ ਵੇਦਨਾਕ੍ਖਨ੍ਧੋ…ਪੇ… ਸਞ੍ਞਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋਤਿ? ਆਮਨ੍ਤਾ. ਪਞ੍ਚਵੋਕਾਰਭਵੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੫੪੪. ਉਪਪਤ੍ਤੇਸਿਯੇਨ ਚਿਤ੍ਤੇਨ ਸਮੁਟ੍ਠਿਤਂ ਜੀਵਿਤਿਨ੍ਦ੍ਰਿਯਂ ਉਪਪਤ੍ਤੇਸਿਯੇ ਚਿਤ੍ਤੇ ਭਿਜ੍ਜਮਾਨੇ ਏਕਦੇਸਂ ਭਿਜ੍ਜਤੀਤਿ? ਆਮਨ੍ਤਾ. ਉਪਪਤ੍ਤੇਸਿਯੇਨ ਚਿਤ੍ਤੇਨ ਸਮੁਟ੍ਠਿਤੋ ਫਸ੍ਸੋ ਉਪਪਤ੍ਤੇਸਿਯੇ ਚਿਤ੍ਤੇ ਭਿਜ੍ਜਮਾਨੇ ਏਕਦੇਸੋ ਭਿਜ੍ਜਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਉਪਪਤ੍ਤੇਸਿਯੇਨ ਚਿਤ੍ਤੇਨ ਸਮੁਟ੍ਠਿਤੋ ਫਸ੍ਸੋ ਉਪਪਤ੍ਤੇਸਿਯੇ ਚਿਤ੍ਤੇ ਭਿਜ੍ਜਮਾਨੇ ਅਨਵਸੇਸੋ ਭਿਜ੍ਜਤੀਤਿ? ਆਮਨ੍ਤਾ. ਉਪਪਤ੍ਤੇਸਿਯੇਨ ਚਿਤ੍ਤੇਨ ਸਮੁਟ੍ਠਿਤਂ ਜੀਵਿਤਿਨ੍ਦ੍ਰਿਯਂ ਉਪਪਤ੍ਤੇਸਿਯੇ ਚਿਤ੍ਤੇ ਭਿਜ੍ਜਮਾਨੇ ਅਨਵਸੇਸਂ ਭਿਜ੍ਜਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੫੪੫. ਦ੍ਵੇ ਜੀਵਿਤਿਨ੍ਦ੍ਰਿਯਾਨੀਤਿ? ਆਮਨ੍ਤਾ. ਦ੍ਵੀਹਿ ਜੀਵਿਤੇਹਿ ਜੀਵਤਿ, ਦ੍ਵੀਹਿ ਮਰਣੇਹਿ ਮੀਯਤੀਤਿ? ਆਮਨ੍ਤਾ [ਨ ਹੇਵਂ ਵਤ੍ਤਬ੍ਬੇ (ਸ੍ਯਾ. ਕਂ. ਪੀ.)].
ਜੀਵਿਤਿਨ੍ਦ੍ਰਿਯਕਥਾ ਨਿਟ੍ਠਿਤਾ.