੪. ਚਤੁਤ੍ਥਵਗ੍ਗੋ
(੩੩) ੧. ਗਿਹਿਸ੍ਸ ਅਰਹਾਤਿਕਥਾ
੩੮੭. ਗਿਹਿਸ੍ਸ ਅਰਹਾਤਿ? ਆਮਨ੍ਤਾ. ਅਤ੍ਥਿ ਅਰਹਤੋ ਗਿਹਿਸਂਯੋਜਨਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਨਤ੍ਥਿ ਅਰਹਤੋ ਗਿਹਿਸਂਯੋਜਨਨ੍ਤਿ? ਆਮਨ੍ਤਾ. ਹਞ੍ਚਿ ਨਤ੍ਥਿ ਅਰਹਤੋ ਗਿਹਿਸਂਯੋਜਨਂ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਗਿਹਿਸ੍ਸ ਅਰਹਾ’’ਤਿ.
ਗਿਹਿਸ੍ਸ ਅਰਹਾਤਿ? ਆਮਨ੍ਤਾ. ਨਨੁ ਅਰਹਤੋ ਗਿਹਿਸਂਯੋਜਨਂ ਪਹੀਨਂ ਉਚ੍ਛਿਨ੍ਨਮੂਲਂ ਤਾਲਾਵਤ੍ਥੁਕਤਂ ਅਨਭਾਵਙ੍ਕਤਂ ਆਯਤਿਂ ਅਨੁਪ੍ਪਾਦਧਮ੍ਮਨ੍ਤਿ? ਆਮਨ੍ਤਾ. ਹਞ੍ਚਿ ਅਰਹਤੋ ਗਿਹਿਸਂਯੋਜਨਂ ਪਹੀਨਂ ਉਚ੍ਛਿਨ੍ਨਮੂਲਂ ਤਾਲਾਵਤ੍ਥੁਕਤਂ ਅਨਭਾਵਙ੍ਕਤਂ ਆਯਤਿਂ ਅਨੁਪ੍ਪਾਦਧਮ੍ਮਂ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਗਿਹਿਸ੍ਸ ਅਰਹਾ’’ਤਿ.
ਗਿਹਿਸ੍ਸ ਅਰਹਾਤਿ? ਆਮਨ੍ਤਾ. ਅਤ੍ਥਿ ਕੋਚਿ ਗਿਹੀ ਗਿਹਿਸਂਯੋਜਨਂ ਅਪ੍ਪਹਾਯ ਦਿਟ੍ਠੇਵ ਧਮ੍ਮੇ ਦੁਕ੍ਖਸ੍ਸਨ੍ਤਕਰੋਤਿ [ਮ. ਨਿ. ੨.੧੮੬]? ਨਤ੍ਥਿ. ਹਞ੍ਚਿ ਨਤ੍ਥਿ ਕੋਚਿ ਗਿਹੀ ਗਿਹਿਸਂਯੋਜਨਂ ਅਪ੍ਪਹਾਯ ਦਿਟ੍ਠੇਵ ਧਮ੍ਮੇ ਦੁਕ੍ਖਸ੍ਸਨ੍ਤਕਰੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਗਿਹਿਸ੍ਸ ਅਰਹਾ’’ਤਿ.
ਗਿਹਿਸ੍ਸ ਅਰਹਾਤਿ? ਆਮਨ੍ਤਾ. ਨਨੁ ਵਚ੍ਛਗੋਤ੍ਤੋ ਪਰਿਬ੍ਬਾਜਕੋ ਭਗਵਨ੍ਤਂ ਏਤਦਵੋਚ – ‘‘ਅਤ੍ਥਿ ਨੁ ਖੋ, ਭੋ ਗੋਤਮ, ਕੋਚਿ ਗਿਹੀ ਗਿਹਿਸਂਯੋਜਨਂ ਅਪ੍ਪਹਾਯ ਕਾਯਸ੍ਸ ਭੇਦਾ ਦੁਕ੍ਖਸ੍ਸਨ੍ਤਕਰੋ’’ਤਿ? ‘‘ਨਤ੍ਥਿ ਖੋ, ਵਚ੍ਛ, ਕੋਚਿ ਗਿਹੀ ਗਿਹਿਸਂਯੋਜਨਂ ਅਪ੍ਪਹਾਯ ਕਾਯਸ੍ਸ ਭੇਦਾ ਦੁਕ੍ਖਸ੍ਸਨ੍ਤਕਰੋ’’ਤਿ. ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਨ ਵਤ੍ਤਬ੍ਬਂ – ‘‘ਗਿਹਿਸ੍ਸ ਅਰਹਾ’’ਤਿ.
ਗਿਹਿਸ੍ਸ ਅਰਹਾਤਿ? ਆਮਨ੍ਤਾ. ਅਰਹਾ ਮੇਥੁਨਂ ਧਮ੍ਮਂ ਪਟਿਸੇਵੇਯ੍ਯ, ਮੇਥੁਨਂ ਉਪ੍ਪਾਦੇਯ੍ਯ, ਪੁਤ੍ਤਸਮ੍ਬਾਧਸਯਨਂ ਅਜ੍ਝਾਵਸੇਯ੍ਯ, ਕਾਸਿਕਚਨ੍ਦਨਂ ਪਚ੍ਚਨੁਭਵੇਯ੍ਯ, ਮਾਲਾਗਨ੍ਧਵਿਲੇਪਨਂ ਧਾਰੇਯ੍ਯ, ਜਾਤਰੂਪਰਜਤਂ ਸਾਦਿਯੇਯ੍ਯ, ਅਜੇਲ਼ਕਂ ਪਟਿਗ੍ਗਣ੍ਹੇਯ੍ਯ, ਕੁਕ੍ਕੁਟਸੂਕਰਂ ਪਟਿਗ੍ਗਣ੍ਹੇਯ੍ਯ, ਹਤ੍ਥਿਗਵਸ੍ਸਵਲ਼ਵਂ ਪਟਿਗ੍ਗਣ੍ਹੇਯ੍ਯ, ਤਿਤ੍ਤਿਰਵਟ੍ਟਕਮੋਰਕਪਿਞ੍ਜਰਂ [… ਕਪਿਞ੍ਜਲਂ (ਸ੍ਯਾ. ਕਂ. ਪੀ.)] ਪਟਿਗ੍ਗਣ੍ਹੇਯ੍ਯ, ਚਿਤ੍ਤਵਣ੍ਡਵਾਲਮੋਲ਼ਿਂ [ਪੀਤਵਣ੍ਟਵਾਲਮੋਲ਼ਿਕਂ (ਸ੍ਯਾ. ਕਂ. ਪੀ.)] ਧਾਰੇਯ੍ਯ, ਓਦਾਤਾਨਿ ਵਤ੍ਥਾਨਿ ਦੀਘਦਸਾਨਿ ਧਾਰੇਯ੍ਯ, ਯਾਵਜੀਵਂ ਅਗਾਰਿਯਭੂਤੋ ਅਸ੍ਸਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਨ ਵਤ੍ਤਬ੍ਬਂ – ‘‘ਗਿਹਿਸ੍ਸ ਅਰਹਾ’’ਤਿ? ਆਮਨ੍ਤਾ. ਨਨੁ ਯਸੋ ਕੁਲਪੁਤ੍ਤੋ, ਉਤ੍ਤਿਯੋ ਗਹਪਤਿ, ਸੇਤੁ ਮਾਣਵੋ, ਗਿਹਿਬ੍ਯਞ੍ਜਨੇਨ ਅਰਹਤ੍ਤਂ ਪਤ੍ਤੋਤਿ? ਆਮਨ੍ਤਾ. ਹਞ੍ਚਿ ਯਸੋ ਕੁਲਪੁਤ੍ਤੋ, ਉਤ੍ਤਿਯੋ ਗਹਪਤਿ, ਸੇਤੁ ਮਾਣਵੋ, ਗਿਹਿਬ੍ਯਞ੍ਜਨੇਨ ਅਰਹਤ੍ਤਂ ਪਤ੍ਤੋ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਗਿਹਿਸ੍ਸ ਅਰਹਾ’’ਤਿ.
ਗਿਹਿਸ੍ਸ ਅਰਹਾਤਿਕਥਾ ਨਿਟ੍ਠਿਤਾ.
੪. ਚਤੁਤ੍ਥਵਗ੍ਗੋ
(੩੪) ੨. ਉਪਪਤ੍ਤਿਕਥਾ
੩੮੮. ਸਹ ਉਪਪਤ੍ਤਿਯਾ ਅਰਹਾਤਿ? ਆਮਨ੍ਤਾ. ਸਹ ਉਪਪਤ੍ਤਿਯਾ ਸੋਤਾਪਨ੍ਨੋ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਸਹ ਉਪਪਤ੍ਤਿਯਾ ਅਰਹਾਤਿ? ਆਮਨ੍ਤਾ. ਸਹ ਉਪਪਤ੍ਤਿਯਾ ਸਕਦਾਗਾਮੀ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਸਹ ਉਪਪਤ੍ਤਿਯਾ ਅਰਹਾਤਿ? ਆਮਨ੍ਤਾ. ਸਹ ਉਪਪਤ੍ਤਿਯਾ ਅਨਾਗਾਮੀ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਸਹ ਉਪਪਤ੍ਤਿਯਾ ਸੋਤਾਪਨ੍ਨੋ ਨ ਹੋਤੀਤਿ? ਆਮਨ੍ਤਾ. ਹਞ੍ਚਿ ਸਹ ਉਪਪਤ੍ਤਿਯਾ ਸੋਤਾਪਨ੍ਨੋ ਨ ਹੋਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਸਹ ਉਪਪਤ੍ਤਿਯਾ ਅਰਹਾ’’ਤਿ.
ਸਹ ਉਪਪਤ੍ਤਿਯਾ ਸਕਦਾਗਾਮੀ ਨ ਹੋਤੀਤਿ? ਆਮਨ੍ਤਾ. ਹਞ੍ਚਿ ਸਹ ਉਪਪਤ੍ਤਿਯਾ ਸਕਦਾਗਾਮੀ ਨ ਹੋਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਸਹ ਉਪਪਤ੍ਤਿਯਾ ਅਰਹਾ’’ਤਿ.
ਸਹ ਉਪਪਤ੍ਤਿਯਾ ਅਨਾਗਾਮੀ ਨ ਹੋਤੀਤਿ? ਆਮਨ੍ਤਾ. ਹਞ੍ਚਿ ਸਹ ਉਪਪਤ੍ਤਿਯਾ ਅਨਾਗਾਮੀ ਨ ਹੋਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਸਹ ਉਪਪਤ੍ਤਿਯਾ ਅਰਹਾ’’ਤਿ.
੩੮੯. ਸਹ ਉਪਪਤ੍ਤਿਯਾ ਅਰਹਾਤਿ? ਆਮਨ੍ਤਾ. ਸਾਰਿਪੁਤ੍ਤੋ ਥੇਰੋ ਸਹ ਉਪਪਤ੍ਤਿਯਾ ਅਰਹਾਤਿ? ਨ ਹੇਵਂ ਵਤ੍ਤਬ੍ਬੇ. ਮਹਾਮੋਗ੍ਗਲ੍ਲਾਨੋ ਥੇਰੋ …ਪੇ… ਮਹਾਕਸ੍ਸਪੋ ਥੇਰੋ…ਪੇ… ਮਹਾਕਚ੍ਚਾਨੋ ਥੇਰੋ…ਪੇ… ਮਹਾਕੋਟ੍ਠਿਕੋ ਥੇਰੋ…ਪੇ… ਮਹਾਪਨ੍ਥਕੋ ਥੇਰੋ ਸਹ ਉਪਪਤ੍ਤਿਯਾ ਅਰਹਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਸਾਰਿਪੁਤ੍ਤੋ ਥੇਰੋ ਨ ਸਹ ਉਪਪਤ੍ਤਿਯਾ ਅਰਹਾਤਿ? ਆਮਨ੍ਤਾ. ਹਞ੍ਚਿ ਸਾਰਿਪੁਤ੍ਤੋ ਥੇਰੋ ਨ ਸਹ ਉਪਪਤ੍ਤਿਯਾ ਅਰਹਾ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਸਹ ਉਪਪਤ੍ਤਿਯਾ ਅਰਹਾ’’ਤਿ.
ਮਹਾਮੋਗ੍ਗਲ੍ਲਾਨੋ ਥੇਰੋ…ਪੇ… ਮਹਾਕਸ੍ਸਪੋ ਥੇਰੋ…ਪੇ… ਮਹਾਕਚ੍ਚਾਨੋ ਥੇਰੋ…ਪੇ… ਮਹਾਕੋਟ੍ਠਿਕੋ ਥੇਰੋ…ਪੇ… ਮਹਾਪਨ੍ਥਕੋ ਥੇਰੋ ਨ ਸਹ ਉਪਪਤ੍ਤਿਯਾ ਅਰਹਾਤਿ? ਆਮਨ੍ਤਾ. ਹਞ੍ਚਿ ਮਹਾਪਨ੍ਥਕੋ ਥੇਰੋ ਨ ਸਹ ਉਪਪਤ੍ਤਿਯਾ ਅਰਹਾ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਸਹ ਉਪਪਤ੍ਤਿਯਾ ਅਰਹਾ’’ਤਿ.
੩੯੦. ਸਹ ਉਪਪਤ੍ਤਿਯਾ ਅਰਹਾਤਿ? ਆਮਨ੍ਤਾ. ਉਪਪਤ੍ਤੇਸਿਯੇਨ ਚਿਤ੍ਤੇਨ ਅਰਹਤ੍ਤਂ ਸਚ੍ਛਿਕਰੋਤਿ ਲੋਕਿਯੇਨ ਸਾਸਵੇਨ…ਪੇ… ਸਂਕਿਲੇਸਿਯੇਨਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਸਹ ਉਪਪਤ੍ਤਿਯਾ ਅਰਹਾਤਿ? ਆਮਨ੍ਤਾ. ਉਪਪਤ੍ਤੇਸਿਯਂ ਚਿਤ੍ਤਂ ਨਿਯ੍ਯਾਨਿਕਂ ਖਯਗਾਮੀ ਬੋਧਗਾਮੀ ਅਪਚਯਗਾਮੀ ਅਨਾਸਵਂ…ਪੇ… ਅਸਂਕਿਲੇਸਿਯਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਨਨੁ ਉਪਪਤ੍ਤੇਸਿਯਂ ਚਿਤ੍ਤਂ ਅਨਿਯ੍ਯਾਨਿਕਂ ਨ ਖਯਗਾਮਿ ਨ ਬੋਧਗਾਮਿ ਨ ਅਪਚਯਗਾਮਿ ਸਾਸਵਂ…ਪੇ… ਸਂਕਿਲੇਸਿਯਨ੍ਤਿ? ਆਮਨ੍ਤਾ. ਹਞ੍ਚਿ ਉਪਪਤ੍ਤੇਸਿਯਂ ਚਿਤ੍ਤਂ ਅਨਿਯ੍ਯਾਨਿਕਂ ਨ ਖਯਗਾਮਿ ਨ ਬੋਧਗਾਮਿ ਨ ਅਪਚਯਗਾਮਿ ਸਾਸਵਂ…ਪੇ… ਸਂਕਿਲੇਸਿਯਂ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਸਹ ਉਪਪਤ੍ਤਿਯਾ ਅਰਹਾ’’ਤਿ.
ਸਹ ਉਪਪਤ੍ਤਿਯਾ ਅਰਹਾਤਿ? ਆਮਨ੍ਤਾ. ਉਪਪਤ੍ਤੇਸਿਯੇਨ ਚਿਤ੍ਤੇਨ ਰਾਗਂ ਪਜਹਤਿ, ਦੋਸਂ ਪਜਹਤਿ, ਮੋਹਂ ਪਜਹਤਿ, ਅਨੋਤ੍ਤਪ੍ਪਂ ਪਜਹਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਸਹ ਉਪਪਤ੍ਤਿਯਾ ਅਰਹਾਤਿ? ਆਮਨ੍ਤਾ. ਉਪਪਤ੍ਤੇਸਿਯਂ ਚਿਤ੍ਤਂ ਮਗ੍ਗੋ… ਸਤਿਪਟ੍ਠਾਨਂ…ਪੇ… ਸਮ੍ਮਪ੍ਪਧਾਨਂ… ਇਦ੍ਧਿਪਾਦੋ… ਇਨ੍ਦ੍ਰਿਯਂ… ਬਲਂ… ਬੋਜ੍ਝਙ੍ਗੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਸਹ ਉਪਪਤ੍ਤਿਯਾ ਅਰਹਾਤਿ? ਆਮਨ੍ਤਾ. ਉਪਪਤ੍ਤੇਸਿਯੇਨ ਚਿਤ੍ਤੇਨ ਦੁਕ੍ਖਂ ਪਰਿਜਾਨਾਤਿ, ਸਮੁਦਯਂ ਪਜਹਤਿ, ਨਿਰੋਧਂ ਸਚ੍ਛਿਕਰੋਤਿ, ਮਗ੍ਗਂ ਭਾਵੇਤੀਤਿ? ਨ ਹੇਵਂ ਵਤ੍ਤਬ੍ਬੇ …ਪੇ… ਸਹ ਉਪਪਤ੍ਤਿਯਾ ਅਰਹਾਤਿ? ਆਮਨ੍ਤਾ. ਚੁਤਿਚਿਤ੍ਤਂ ਮਗ੍ਗਚਿਤ੍ਤਂ ਉਪਪਤ੍ਤੇਸਿਯਂ ਚਿਤ੍ਤਂ ਫਲਚਿਤ੍ਤਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਉਪਪਤ੍ਤਿਕਥਾ ਨਿਟ੍ਠਿਤਾ.
੪. ਚਤੁਤ੍ਥਵਗ੍ਗੋ
(੩੫) ੩. ਅਨਾਸਵਕਥਾ
੩੯੧. ਅਰਹਤੋ ਸਬ੍ਬੇ ਧਮ੍ਮਾ ਅਨਾਸਵਾਤਿ? ਆਮਨ੍ਤਾ. ਮਗ੍ਗੋ ਫਲਂ ਨਿਬ੍ਬਾਨਂ, ਸੋਤਾਪਤ੍ਤਿਮਗ੍ਗੋ ਸੋਤਾਪਤ੍ਤਿਫਲਂ, ਸਕਦਾਗਾਮਿਮਗ੍ਗੋ ਸਕਦਾਗਾਮਿਫਲਂ, ਅਨਾਗਾਮਿਮਗ੍ਗੋ ਅਨਾਗਾਮਿਫਲਂ, ਅਰਹਤ੍ਤਮਗ੍ਗੋ ਅਰਹਤ੍ਤਫਲਂ, ਸਤਿਪਟ੍ਠਾਨਂ ਸਮ੍ਮਪ੍ਪਧਾਨਂ ਇਦ੍ਧਿਪਾਦੋ ਇਨ੍ਦ੍ਰਿਯਂ ਬਲਂ ਬੋਜ੍ਝਙ੍ਗੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਅਰਹਤੋ ਸਬ੍ਬੇ ਧਮ੍ਮਾ ਅਨਾਸਵਾਤਿ? ਆਮਨ੍ਤਾ. ਅਰਹਤੋ ਚਕ੍ਖੁਂ ਅਨਾਸਵਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ…. ਅਰਹਤੋ ਚਕ੍ਖੁਂ ਅਨਾਸਵਨ੍ਤਿ? ਆਮਨ੍ਤਾ. ਮਗ੍ਗੋ ਫਲਂ ਨਿਬ੍ਬਾਨਂ, ਸੋਤਾਪਤ੍ਤਿਮਗ੍ਗੋ ਸੋਤਾਪਤ੍ਤਿਫਲਂ…ਪੇ… ਬੋਜ੍ਝਙ੍ਗੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਅਰਹਤੋ ਸੋਤਂ…ਪੇ… ਅਰਹਤੋ ਘਾਨਂ… ਅਰਹਤੋ ਜਿਵ੍ਹਾ… ਅਰਹਤੋ ਕਾਯੋ ਅਨਾਸਵੋਤਿ? ਨ ਹੇਵਂ ਵਤ੍ਤਬ੍ਬੇ …ਪੇ… ਅਰਹਤੋ ਕਾਯੋ ਅਨਾਸਵੋਤਿ? ਆਮਨ੍ਤਾ. ਮਗ੍ਗੋ ਫਲਂ ਨਿਬ੍ਬਾਨਂ, ਸੋਤਾਪਤ੍ਤਿਮਗ੍ਗੋ ਸੋਤਾਪਤ੍ਤਿਫਲਂ…ਪੇ… ਬੋਜ੍ਝਙ੍ਗੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਅਰਹਤੋ ਕਾਯੋ ਅਨਾਸਵੋਤਿ? ਆਮਨ੍ਤਾ. ਅਰਹਤੋ ਕਾਯੋ ਪਗ੍ਗਹਨਿਗ੍ਗਹੁਪਗੋ ਛੇਦਨਭੇਦਨੁਪਗੋ ਕਾਕੇਹਿ ਗਿਜ੍ਝੇਹਿ ਕੁਲਲੇਹਿ ਸਾਧਾਰਣੋਤਿ? ਆਮਨ੍ਤਾ. ਅਨਾਸਵੋ ਧਮ੍ਮੋ ਪਗ੍ਗਹਨਿਗ੍ਗਹੁਪਗੋ ਛੇਦਨਭੇਦਨੁਪਗੋ ਕਾਕੇਹਿ ਗਿਜ੍ਝੇਹਿ ਕੁਲਲੇਹਿ ਸਾਧਾਰਣੋਤਿ? ਨ ਹੇਵਂ ਵਤ੍ਤਬ੍ਬੇ …ਪੇ….
ਅਰਹਤੋ ਕਾਯੇ ਵਿਸਂ ਕਮੇਯ੍ਯ, ਸਤ੍ਥਂ ਕਮੇਯ੍ਯ, ਅਗ੍ਗਿ ਕਮੇਯ੍ਯਾਤਿ? ਆਮਨ੍ਤਾ. ਅਨਾਸਵੇ ਧਮ੍ਮੇ ਵਿਸਂ ਕਮੇਯ੍ਯ, ਸਤ੍ਥਂ ਕਮੇਯ੍ਯ, ਅਗ੍ਗਿ ਕਮੇਯ੍ਯਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਲਬ੍ਭਾ ਅਰਹਤੋ ਕਾਯੋ ਅਦ੍ਦੁਬਨ੍ਧਨੇਨ ਬਨ੍ਧਿਤੁਂ, ਰਜ੍ਜੁਬਨ੍ਧਨੇਨ ਬਨ੍ਧਿਤੁਂ, ਸਙ੍ਖਲਿਕਬਨ੍ਧਨੇਨ ਬਨ੍ਧਿਤੁਂ, ਗਾਮਬਨ੍ਧਨੇਨ ਬਨ੍ਧਿਤੁਂ, ਨਿਗਮਬਨ੍ਧਨੇਨ ਬਨ੍ਧਿਤੁਂ, ਨਗਰਬਨ੍ਧਨੇਨ ਬਨ੍ਧਿਤੁਂ, ਜਨਪਦਬਨ੍ਧਨੇਨ ਬਨ੍ਧਿਤੁਂ, ਕਣ੍ਠਪਞ੍ਚਮੇਹਿ ਬਨ੍ਧਨੇਹਿ ਬਨ੍ਧਿਤੁਨ੍ਤਿ? ਆਮਨ੍ਤਾ. ਲਬ੍ਭਾ ਅਨਾਸਵੋ ਧਮ੍ਮੋ ਅਦ੍ਦੁਬਨ੍ਧਨੇਨ ਬਨ੍ਧਿਤੁਂ, ਰਜ੍ਜੁਬਨ੍ਧਨੇਨ ਬਨ੍ਧਿਤੁਂ, ਸਙ੍ਖਲਿਕਬਨ੍ਧਨੇਨ ਬਨ੍ਧਿਤੁਂ, ਗਾਮਨਿਗਮਨਗਰਜਨਪਦਬਨ੍ਧਨੇਨ ਬਨ੍ਧਿਤੁਂ, ਕਣ੍ਠਪਞ੍ਚਮੇਹਿ ਬਨ੍ਧਨੇਹਿ ਬਨ੍ਧਿਤੁਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੩੯੨. ਯਦਿ ਅਰਹਾ ਪੁਥੁਜ੍ਜਨਸ੍ਸ ਚੀਵਰਂ ਦੇਤਿ, ਅਨਾਸਵਂ ਹੁਤ੍ਵਾ ਸਾਸਵਂ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਨਾਸਵਂ ਹੁਤ੍ਵਾ ਸਾਸਵਂ ਹੋਤੀਤਿ? ਆਮਨ੍ਤਾ. ਤਞ੍ਞੇਵ ਅਨਾਸਵਂ ਤਂ ਸਾਸਵਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਤਞ੍ਞੇਵ ਅਨਾਸਵਂ ਤਂ ਸਾਸਵਨ੍ਤਿ? ਆਮਨ੍ਤਾ. ਮਗ੍ਗੋ ਅਨਾਸਵੋ ਹੁਤ੍ਵਾ ਸਾਸਵੋ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਫਲਂ… ਸਤਿਪਟ੍ਠਾਨਂ… ਸਮ੍ਮਪ੍ਪਧਾਨਂ… ਇਦ੍ਧਿਪਾਦੋ… ਇਨ੍ਦ੍ਰਿਯਂ… ਬਲਂ… ਬੋਜ੍ਝਙ੍ਗੋ ਅਨਾਸਵੋ ਹੁਤ੍ਵਾ ਸਾਸਵੋ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਯਦਿ ਅਰਹਾ ਪੁਥੁਜ੍ਜਨਸ੍ਸ ਪਿਣ੍ਡਪਾਤਂ ਦੇਤਿ, ਸੇਨਾਸਨਂ ਦੇਤਿ, ਗਿਲਾਨਪਚ੍ਚਯਭੇਸਜ੍ਜਪਰਿਕ੍ਖਾਰਂ ਦੇਤਿ, ਅਨਾਸਵੋ ਹੁਤ੍ਵਾ ਸਾਸਵੋ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਨਾਸਵੋ ਹੁਤ੍ਵਾ ਸਾਸਵੋ ਹੋਤੀਤਿ? ਆਮਨ੍ਤਾ. ਤਞ੍ਞੇਵ ਅਨਾਸਵਂ ਤਂ ਸਾਸਵਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਤਞ੍ਞੇਵ ਅਨਾਸਵਂ ਤਂ ਸਾਸਵਨ੍ਤਿ? ਆਮਨ੍ਤਾ. ਮਗ੍ਗੋ ਅਨਾਸਵੋ ਹੁਤ੍ਵਾ ਸਾਸਵੋ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਫਲਂ… ਸਤਿਪਟ੍ਠਾਨਂ… ਸਮ੍ਮਪ੍ਪਧਾਨਂ… ਇਦ੍ਧਿਪਾਦੋ… ਇਨ੍ਦ੍ਰਿਯਂ… ਬਲਂ… ਬੋਜ੍ਝਙ੍ਗੋ ਅਨਾਸਵੋ ਹੁਤ੍ਵਾ ਸਾਸਵੋ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਯਦਿ ਪੁਥੁਜ੍ਜਨੋ ਅਰਹਤੋ ਚੀਵਰਂ ਦੇਤਿ, ਸਾਸਵਂ ਹੁਤ੍ਵਾ ਅਨਾਸਵਂ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸਾਸਵਂ ਹੁਤ੍ਵਾ ਅਨਾਸਵਂ ਹੋਤੀਤਿ? ਆਮਨ੍ਤਾ. ਤਞ੍ਞੇਵ ਸਾਸਵਂ ਤਂ ਅਨਾਸਵਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਤਞ੍ਞੇਵ ਸਾਸਵਂ ਤਂ ਅਨਾਸਵਨ੍ਤਿ? ਆਮਨ੍ਤਾ. ਰਾਗੋ ਸਾਸਵੋ ਹੁਤ੍ਵਾ ਅਨਾਸਵੋ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਦੋਸੋ…ਪੇ… ਮੋਹੋ…ਪੇ… ਅਨੋਤ੍ਤਪ੍ਪਂ ਸਾਸਵਂ ਹੁਤ੍ਵਾ ਅਨਾਸਵਂ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਯਦਿ ਪੁਥੁਜ੍ਜਨੋ ਅਰਹਤੋ ਪਿਣ੍ਡਪਾਤਂ ਦੇਤਿ, ਸੇਨਾਸਨਂ ਦੇਤਿ, ਗਿਲਾਨਪਚ੍ਚਯਭੇਸਜ੍ਜਪਰਿਕ੍ਖਾਰਂ ਦੇਤਿ, ਸਾਸਵੋ ਹੁਤ੍ਵਾ ਅਨਾਸਵੋ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸਾਸਵੋ ਹੁਤ੍ਵਾ ਅਨਾਸਵੋ ਹੋਤੀਤਿ? ਆਮਨ੍ਤਾ. ਤਞ੍ਞੇਵ ਸਾਸਵਂ ਤਂ ਅਨਾਸਵਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਤਞ੍ਞੇਵ ਸਾਸਵਂ ਤਂ ਅਨਾਸਵਨ੍ਤਿ? ਆਮਨ੍ਤਾ. ਰਾਗੋ ਸਾਸਵੋ ਹੁਤ੍ਵਾ ਅਨਾਸਵੋ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਦੋਸੋ…ਪੇ… ਮੋਹੋ…ਪੇ… ਅਨੋਤ੍ਤਪ੍ਪਂ ਸਾਸਵਂ ਹੁਤ੍ਵਾ ਅਨਾਸਵਂ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਨ ਵਤ੍ਤਬ੍ਬਂ – ‘‘ਅਰਹਤੋ ਸਬ੍ਬੇ ਧਮ੍ਮਾ ਅਨਾਸਵਾ’’ਤਿ? ਆਮਨ੍ਤਾ. ਨਨੁ ਅਰਹਾ ਅਨਾਸਵੋਤਿ? ਆਮਨ੍ਤਾ. ਹਞ੍ਚਿ ਅਰਹਾ ਅਨਾਸਵੋ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਅਰਹਤੋ ਸਬ੍ਬੇ ਧਮ੍ਮਾ ਅਨਾਸਵਾ’’ਤਿ.
ਅਨਾਸਵਕਥਾ ਨਿਟ੍ਠਿਤਾ.
੪. ਚਤੁਤ੍ਥਵਗ੍ਗੋ
(੩੬) ੪. ਸਮਨ੍ਨਾਗਤਕਥਾ
੩੯੩. ਅਰਹਾ ਚਤੂਹਿ ਫਲੇਹਿ ਸਮਨ੍ਨਾਗਤੋਤਿ? ਆਮਨ੍ਤਾ. ਅਰਹਾ ਚਤੂਹਿ ਫਸ੍ਸੇਹਿ ਚਤੂਹਿ ਵੇਦਨਾਹਿ ਚਤੂਹਿ ਸਞ੍ਞਾਹਿ ਚਤੂਹਿ ਚੇਤਨਾਹਿ ਚਤੂਹਿ ਚਿਤ੍ਤੇਹਿ ਚਤੂਹਿ ਸਦ੍ਧਾਹਿ ਚਤੂਹਿ ਵੀਰਿਯੇਹਿ ਚਤੂਹਿ ਸਤੀਹਿ ਚਤੂਹਿ ਸਮਾਧੀਹਿ ਚਤੂਹਿ ਪਞ੍ਞਾਹਿ ਸਮਨ੍ਨਾਗਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਅਨਾਗਾਮੀ ਤੀਹਿ ਫਲੇਹਿ ਸਮਨ੍ਨਾਗਤੋਤਿ? ਆਮਨ੍ਤਾ. ਅਨਾਗਾਮੀ ਤੀਹਿ ਫਸ੍ਸੇਹਿ…ਪੇ… ਤੀਹਿ ਪਞ੍ਞਾਹਿ ਸਮਨ੍ਨਾਗਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਸਕਦਾਗਾਮੀ ਦ੍ਵੀਹਿ ਫਲੇਹਿ ਸਮਨ੍ਨਾਗਤੋਤਿ? ਆਮਨ੍ਤਾ. ਸਕਦਾਗਾਮੀ ਦ੍ਵੀਹਿ ਫਸ੍ਸੇਹਿ…ਪੇ… ਦ੍ਵੀਹਿ ਪਞ੍ਞਾਹਿ ਸਮਨ੍ਨਾਗਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਅਰਹਾ ਸੋਤਾਪਤ੍ਤਿਫਲੇਨ ਸਮਨ੍ਨਾਗਤੋਤਿ? ਆਮਨ੍ਤਾ. ਅਰਹਾ ਸੋਤਾਪਨ੍ਨੋ ਸਤ੍ਤਕ੍ਖਤ੍ਤੁਪਰਮੋ, ਕੋਲਙ੍ਕੋਲੋ, ਏਕਬੀਜੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਰਹਾ ਸਕਦਾਗਾਮਿਫਲੇਨ ਸਮਨ੍ਨਾਗਤੋਤਿ? ਆਮਨ੍ਤਾ. ਅਰਹਾ ਸਕਦਾਗਾਮੀਤਿ? ਨ ਹੇਵਂ ਵਤ੍ਤਬ੍ਬੇ …ਪੇ… ਅਰਹਾ ਅਨਾਗਾਮਿਫਲੇਨ ਸਮਨ੍ਨਾਗਤੋਤਿ? ਆਮਨ੍ਤਾ. ਅਰਹਾ ਅਨਾਗਾਮੀ, ਅਨ੍ਤਰਾਪਰਿਨਿਬ੍ਬਾਯੀ, ਉਪਹਚ੍ਚਪਰਿਨਿਬ੍ਬਾਯੀ, ਅਸਙ੍ਖਾਰਪਰਿਨਿਬ੍ਬਾਯੀ, ਸਸਙ੍ਖਾਰਪਰਿਨਿਬ੍ਬਾਯੀ, ਉਦ੍ਧਂਸੋਤੋ ਅਕਨਿਟ੍ਠਗਾਮੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਅਨਾਗਾਮੀ ਸੋਤਾਪਤ੍ਤਿਫਲੇਨ ਸਮਨ੍ਨਾਗਤੋਤਿ? ਆਮਨ੍ਤਾ. ਅਨਾਗਾਮੀ ਸੋਤਾਪਨ੍ਨੋ ਸਤ੍ਤਕ੍ਖਤ੍ਤੁਪਰਮੋ, ਕੋਲਙ੍ਕੋਲੋ, ਏਕਬੀਜੀਤਿ? ਨ ਹੇਵਂ ਵਤ੍ਤਬ੍ਬੇ …ਪੇ… ਅਨਾਗਾਮੀ ਸਕਦਾਗਾਮਿਫਲੇਨ ਸਮਨ੍ਨਾਗਤੋਤਿ? ਆਮਨ੍ਤਾ. ਅਨਾਗਾਮੀ ਸਕਦਾਗਾਮੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਸਕਦਾਗਾਮੀ ਸੋਤਾਪਤ੍ਤਿਫਲੇਨ ਸਮਨ੍ਨਾਗਤੋਤਿ? ਆਮਨ੍ਤਾ. ਸਕਦਾਗਾਮੀ ਸੋਤਾਪਨ੍ਨੋ ਸਤ੍ਤਕ੍ਖਤ੍ਤੁਪਰਮੋ, ਕੋਲਙ੍ਕੋਲੋ, ਏਕਬੀਜੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੩੯੪. ਸੋਤਾਪਤ੍ਤਿਫਲੇਨ ਸਮਨ੍ਨਾਗਤੋ ‘‘ਸੋਤਾਪਨ੍ਨੋ’’ਤਿ ਵਤ੍ਤਬ੍ਬੋਤਿ? ਆਮਨ੍ਤਾ. ਅਰਹਾ ਸੋਤਾਪਤ੍ਤਿਫਲੇਨ ਸਮਨ੍ਨਾਗਤੋਤਿ? ਆਮਨ੍ਤਾ. ਸ੍ਵੇਵ ਅਰਹਾ, ਸੋ ਸੋਤਾਪਨ੍ਨੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਸਕਦਾਗਾਮਿਫਲੇਨ ਸਮਨ੍ਨਾਗਤੋ ‘‘ਸਕਦਾਗਾਮੀ’’ਤਿ ਵਤ੍ਤਬ੍ਬੋਤਿ? ਆਮਨ੍ਤਾ. ਅਰਹਾ ਸਕਦਾਗਾਮਿਫਲੇਨ ਸਮਨ੍ਨਾਗਤੋਤਿ? ਆਮਨ੍ਤਾ. ਸ੍ਵੇਵ ਅਰਹਾ, ਸੋ ਸਕਦਾਗਾਮੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਅਨਾਗਾਮਿਫਲੇਨ ਸਮਨ੍ਨਾਗਤੋ ‘‘ਅਨਾਗਾਮੀ’’ਤਿ ਵਤ੍ਤਬ੍ਬੋਤਿ? ਆਮਨ੍ਤਾ. ਅਰਹਾ ਅਨਾਗਾਮਿਫਲੇਨ ਸਮਨ੍ਨਾਗਤੋਤਿ? ਆਮਨ੍ਤਾ. ਸ੍ਵੇਵ ਅਰਹਾ, ਸੋ ਅਨਾਗਾਮੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਸੋਤਾਪਤ੍ਤਿਫਲੇਨ ਸਮਨ੍ਨਾਗਤੋ ‘‘ਸੋਤਾਪਨ੍ਨੋ’’ਤਿ ਵਤ੍ਤਬ੍ਬੋਤਿ? ਆਮਨ੍ਤਾ. ਅਨਾਗਾਮੀ ਸੋਤਾਪਤ੍ਤਿਫਲੇਨ ਸਮਨ੍ਨਾਗਤੋਤਿ? ਆਮਨ੍ਤਾ. ਸ੍ਵੇਵ ਅਨਾਗਾਮੀ, ਸੋ ਸੋਤਾਪਨ੍ਨੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਸਕਦਾਗਾਮਿਫਲੇਨ ਸਮਨ੍ਨਾਗਤੋ ‘‘ਸਕਦਾਗਾਮੀ’’ਤਿ ਵਤ੍ਤਬ੍ਬੋਤਿ? ਆਮਨ੍ਤਾ. ਅਨਾਗਾਮੀ ਸਕਦਾਗਾਮਿਫਲੇਨ ਸਮਨ੍ਨਾਗਤੋਤਿ? ਆਮਨ੍ਤਾ. ਸ੍ਵੇਵ ਅਨਾਗਾਮੀ, ਸੋ ਸਕਦਾਗਾਮੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਸੋਤਾਪਤ੍ਤਿਫਲੇਨ ਸਮਨ੍ਨਾਗਤੋ ‘‘ਸੋਤਾਪਨ੍ਨੋ’’ਤਿ ਵਤ੍ਤਬ੍ਬੋਤਿ? ਆਮਨ੍ਤਾ. ਸਕਦਾਗਾਮੀ ਸੋਤਾਪਤ੍ਤਿਫਲੇਨ ਸਮਨ੍ਨਾਗਤੋਤਿ? ਆਮਨ੍ਤਾ. ਸ੍ਵੇਵ ਸਕਦਾਗਾਮੀ, ਸੋ ਸੋਤਾਪਨ੍ਨੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੩੯੫. ਅਰਹਾ ਸੋਤਾਪਤ੍ਤਿਫਲੇਨ ਸਮਨ੍ਨਾਗਤੋਤਿ? ਆਮਨ੍ਤਾ. ਨਨੁ ਅਰਹਾ ਸੋਤਾਪਤ੍ਤਿਫਲਂ ਵੀਤਿਵਤ੍ਤੋਤਿ? ਆਮਨ੍ਤਾ. ਹਞ੍ਚਿ ਅਰਹਾ ਸੋਤਾਪਤ੍ਤਿਫਲਂ ਵੀਤਿਵਤ੍ਤੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਰਹਾ ਸੋਤਾਪਤ੍ਤਿਫਲੇਨ ਸਮਨ੍ਨਾਗਤੋ’’ਤਿ.
ਅਰਹਾ ਸੋਤਾਪਤ੍ਤਿਫਲਂ ਵੀਤਿਵਤ੍ਤੋ ਤੇਨ ਸਮਨ੍ਨਾਗਤੋਤਿ? ਆਮਨ੍ਤਾ. ਅਰਹਾ ਸੋਤਾਪਤ੍ਤਿਮਗ੍ਗਂ ਵੀਤਿਵਤ੍ਤੋ, ਸਕ੍ਕਾਯਦਿਟ੍ਠਿਂ ਵਿਚਿਕਿਚ੍ਛਂ ਸੀਲਬ੍ਬਤਪਰਾਮਾਸਂ, ਅਪਾਯਗਮਨੀਯਂ ਰਾਗਂ, ਅਪਾਯਗਮਨੀਯਂ ਦੋਸਂ, ਅਪਾਯਗਮਨੀਯਂ ਮੋਹਂ ਵੀਤਿਵਤ੍ਤੋ ਤੇਨ ਸਮਨ੍ਨਾਗਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਅਰਹਾ ਸਕਦਾਗਾਮਿਫਲੇਨ ਸਮਨ੍ਨਾਗਤੋਤਿ? ਆਮਨ੍ਤਾ. ਨਨੁ ਅਰਹਾ ਸਕਦਾਗਾਮਿਫਲਂ ਵੀਤਿਵਤ੍ਤੋਤਿ? ਆਮਨ੍ਤਾ. ਹਞ੍ਚਿ ਅਰਹਾ ਸਕਦਾਗਾਮਿਫਲਂ ਵੀਤਿਵਤ੍ਤੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਰਹਾ ਸਕਦਾਗਾਮਿਫਲੇਨ ਸਮਨ੍ਨਾਗਤੋ’’ਤਿ.
ਅਰਹਾ ਸਕਦਾਗਾਮਿਫਲਂ ਵੀਤਿਵਤ੍ਤੋ ਤੇਨ ਸਮਨ੍ਨਾਗਤੋਤਿ? ਆਮਨ੍ਤਾ. ਅਰਹਾ ਸਕਦਾਗਾਮਿਮਗ੍ਗਂ ਵੀਤਿਵਤ੍ਤੋ, ਓਲ਼ਾਰਿਕਂ ਕਾਮਰਾਗਂ, ਓਲ਼ਾਰਿਕਂ ਬ੍ਯਾਪਾਦਂ ਵੀਤਿਵਤ੍ਤੋ ਤੇਨ ਸਮਨ੍ਨਾਗਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਅਰਹਾ ਅਨਾਗਾਮਿਫਲੇਨ ਸਮਨ੍ਨਾਗਤੋਤਿ? ਆਮਨ੍ਤਾ. ਨਨੁ ਅਰਹਾ ਅਨਾਗਾਮਿਫਲਂ ਵੀਤਿਵਤ੍ਤੋਤਿ? ਆਮਨ੍ਤਾ. ਹਞ੍ਚਿ ਅਰਹਾ ਅਨਾਗਾਮਿਫਲਂ ਵੀਤਿਵਤ੍ਤੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਰਹਾ ਅਨਾਗਾਮਿਫਲੇਨ ਸਮਨ੍ਨਾਗਤੋ’’ਤਿ.
ਅਰਹਾ ਅਨਾਗਾਮਿਫਲਂ ਵੀਤਿਵਤ੍ਤੋ ਤੇਨ ਸਮਨ੍ਨਾਗਤੋਤਿ? ਆਮਨ੍ਤਾ. ਅਰਹਾ ਅਨਾਗਾਮਿਮਗ੍ਗਂ ਵੀਤਿਵਤ੍ਤੋ, ਅਣੁਸਹਗਤਂ ਕਾਮਰਾਗਂ, ਅਣੁਸਹਗਤਂ ਬ੍ਯਾਪਾਦਂ ਵੀਤਿਵਤ੍ਤੋ ਤੇਨ ਸਮਨ੍ਨਾਗਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਅਨਾਗਾਮੀ ਸੋਤਾਪਤ੍ਤਿਫਲੇਨ ਸਮਨ੍ਨਾਗਤੋਤਿ? ਆਮਨ੍ਤਾ. ਨਨੁ ਅਨਾਗਾਮੀ ਸੋਤਾਪਤ੍ਤਿਫਲਂ ਵੀਤਿਵਤ੍ਤੋਤਿ? ਆਮਨ੍ਤਾ. ਹਞ੍ਚਿ ਅਨਾਗਾਮੀ ਸੋਤਾਪਤ੍ਤਿਫਲਂ ਵੀਤਿਵਤ੍ਤੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਨਾਗਾਮੀ ਸੋਤਾਪਤ੍ਤਿਫਲੇਨ ਸਮਨ੍ਨਾਗਤੋ’’ਤਿ.
ਅਨਾਗਾਮੀ ਸੋਤਾਪਤ੍ਤਿਫਲਂ ਵੀਤਿਵਤ੍ਤੋ ਤੇਨ ਸਮਨ੍ਨਾਗਤੋਤਿ? ਆਮਨ੍ਤਾ. ਅਨਾਗਾਮੀ ਸੋਤਾਪਤ੍ਤਿਮਗ੍ਗਂ ਵੀਤਿਵਤ੍ਤੋ, ਸਕ੍ਕਾਯਦਿਟ੍ਠਿਂ…ਪੇ… ਅਪਾਯਗਮਨੀਯਂ ਮੋਹਂ ਵੀਤਿਵਤ੍ਤੋ ਤੇਨ ਸਮਨ੍ਨਾਗਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਅਨਾਗਾਮੀ ਸਕਦਾਗਾਮਿਫਲੇਨ ਸਮਨ੍ਨਾਗਤੋਤਿ? ਆਮਨ੍ਤਾ. ਨਨੁ ਅਨਾਗਾਮੀ ਸਕਦਾਗਾਮਿਫਲਂ ਵੀਤਿਵਤ੍ਤੋਤਿ? ਆਮਨ੍ਤਾ. ਹਞ੍ਚਿ ਅਨਾਗਾਮੀ ਸਕਦਾਗਾਮਿਫਲਂ ਵੀਤਿਵਤ੍ਤੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਨਾਗਾਮੀ ਸਕਦਾਗਾਮਿਫਲੇਨ ਸਮਨ੍ਨਾਗਤੋ’’ਤਿ.
ਅਨਾਗਾਮੀ ਸਕਦਾਗਾਮਿਫਲਂ ਵੀਤਿਵਤ੍ਤੋ ਤੇਨ ਸਮਨ੍ਨਾਗਤੋਤਿ? ਆਮਨ੍ਤਾ. ਅਨਾਗਾਮੀ ਸਕਦਾਗਾਮਿਮਗ੍ਗਂ ਵੀਤਿਵਤ੍ਤੋ, ਓਲ਼ਾਰਿਕਂ ਕਾਮਰਾਗਂ, ਓਲ਼ਾਰਿਕਂ ਬ੍ਯਾਪਾਦਂ ਵੀਤਿਵਤ੍ਤੋ ਤੇਨ ਸਮਨ੍ਨਾਗਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਸਕਦਾਗਾਮੀ ਸੋਤਾਪਤ੍ਤਿਫਲੇਨ ਸਮਨ੍ਨਾਗਤੋਤਿ? ਆਮਨ੍ਤਾ. ਨਨੁ ਸਕਦਾਗਾਮੀ ਸੋਤਾਪਤ੍ਤਿਫਲਂ ਵੀਤਿਵਤ੍ਤੋਤਿ? ਆਮਨ੍ਤਾ. ਹਞ੍ਚਿ ਸਕਦਾਗਾਮੀ ਸੋਤਾਪਤ੍ਤਿਫਲਂ ਵੀਤਿਵਤ੍ਤੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਸਕਦਾਗਾਮੀ ਸੋਤਾਪਤ੍ਤਿਫਲੇਨ ਸਮਨ੍ਨਾਗਤੋ’’ਤਿ.
ਸਕਦਾਗਾਮੀ ਸੋਤਾਪਤ੍ਤਿਫਲਂ ਵੀਤਿਵਤ੍ਤੋ ਤੇਨ ਸਮਨ੍ਨਾਗਤੋਤਿ? ਆਮਨ੍ਤਾ. ਸਕਦਾਗਾਮੀ ਸੋਤਾਪਤ੍ਤਿਮਗ੍ਗਂ ਵੀਤਿਵਤ੍ਤੋ, ਸਕ੍ਕਾਯਦਿਟ੍ਠਿਂ…ਪੇ… ਅਪਾਯਗਮਨੀਯਂ ਮੋਹਂ ਵੀਤਿਵਤ੍ਤੋ ਤੇਨ ਸਮਨ੍ਨਾਗਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੩੯੬. ਨ ਵਤ੍ਤਬ੍ਬਂ – ‘‘ਅਰਹਾ ਚਤੂਹਿ ਫਲੇਹਿ ਸਮਨ੍ਨਾਗਤੋ’’ਤਿ? ਆਮਨ੍ਤਾ. ਨਨੁ ਅਰਹਤਾ ਚਤ੍ਤਾਰਿ ਫਲਾਨਿ ਪਟਿਲਦ੍ਧਾਨਿ, ਤੇਹਿ ਚ ਅਪਰਿਹੀਨੋਤਿ? ਆਮਨ੍ਤਾ. ਹਞ੍ਚਿ ਅਰਹਤਾ ਚਤ੍ਤਾਰਿ ਫਲਾਨਿ ਪਟਿਲਦ੍ਧਾਨਿ ਤੇਹਿ ਚ ਅਪਰਿਹੀਨੋ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਅਰਹਾ ਚਤੂਹਿ ਫਲੇਹਿ ਸਮਨ੍ਨਾਗਤੋ’’ਤਿ.
ਨ ਵਤ੍ਤਬ੍ਬਂ – ‘‘ਅਨਾਗਾਮੀ ਤੀਹਿ ਫਲੇਹਿ ਸਮਨ੍ਨਾਗਤੋ’’ਤਿ? ਆਮਨ੍ਤਾ. ਨਨੁ ਅਨਾਗਾਮਿਨਾ ਤੀਣਿ ਫਲਾਨਿ ਪਟਿਲਦ੍ਧਾਨਿ, ਤੇਹਿ ਚ ਅਪਰਿਹੀਨੋਤਿ? ਆਮਨ੍ਤਾ. ਹਞ੍ਚਿ ਅਨਾਗਾਮਿਨਾ ਤੀਣਿ ਫਲਾਨਿ ਪਟਿਲਦ੍ਧਾਨਿ ਤੇਹਿ ਚ ਅਪਰਿਹੀਨੋ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਅਨਾਗਾਮੀ ਤੀਹਿ ਫਲੇਹਿ ਸਮਨ੍ਨਾਗਤੋ’’ਤਿ.
ਨ ਵਤ੍ਤਬ੍ਬਂ – ‘‘ਸਕਦਾਗਾਮੀ ਦ੍ਵੀਹਿ ਫਲੇਹਿ ਸਮਨ੍ਨਾਗਤੋ’’ਤਿ? ਆਮਨ੍ਤਾ. ਨਨੁ ਸਕਦਾਗਾਮਿਨਾ ਦ੍ਵੇ ਫਲਾਨਿ ਪਟਿਲਦ੍ਧਾਨਿ, ਤੇਹਿ ਚ ਅਪਰਿਹੀਨੋਤਿ? ਆਮਨ੍ਤਾ. ਹਞ੍ਚਿ ਸਕਦਾਗਾਮਿਨਾ ਦ੍ਵੇ ਫਲਾਨਿ ਪਟਿਲਦ੍ਧਾਨਿ ਤੇਹਿ ਚ ਅਪਰਿਹੀਨੋ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਸਕਦਾਗਾਮੀ ਦ੍ਵੀਹਿ ਫਲੇਹਿ ਸਮਨ੍ਨਾਗਤੋ’’ਤਿ.
ਅਰਹਤਾ ਚਤ੍ਤਾਰਿ ਫਲਾਨਿ ਪਟਿਲਦ੍ਧਾਨਿ ਤੇਹਿ ਚ ਅਪਰਿਹੀਨੋਤਿ, ਅਰਹਾ ਚਤੂਹਿ ਫਲੇਹਿ ਸਮਨ੍ਨਾਗਤੋਤਿ? ਆਮਨ੍ਤਾ. ਅਰਹਤਾ ਚਤ੍ਤਾਰੋ ਮਗ੍ਗਾ ਪਟਿਲਦ੍ਧਾ ਤੇਹਿ ਚ ਅਪਰਿਹੀਨੋਤਿ, ਅਰਹਾ ਚਤੂਹਿ ਮਗ੍ਗੇਹਿ ਸਮਨ੍ਨਾਗਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਅਨਾਗਾਮਿਨਾ ਤੀਣਿ ਫਲਾਨਿ ਪਟਿਲਦ੍ਧਾਨਿ ਤੇਹਿ ਚ ਅਪਰਿਹੀਨੋਤਿ, ਅਨਾਗਾਮੀ ਤੀਹਿ ਫਲੇਹਿ ਸਮਨ੍ਨਾਗਤੋਤਿ? ਆਮਨ੍ਤਾ. ਅਨਾਗਾਮਿਨਾ ਤਯੋ ਮਗ੍ਗਾ ਪਟਿਲਦ੍ਧਾ ਤੇਹਿ ਚ ਅਪਰਿਹੀਨੋਤਿ, ਅਨਾਗਾਮੀ ਤੀਹਿ ਮਗ੍ਗੇਹਿ ਸਮਨ੍ਨਾਗਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਸਕਦਾਗਾਮਿਨਾ ਦ੍ਵੇ ਫਲਾਨਿ ਪਟਿਲਦ੍ਧਾਨਿ ਤੇਹਿ ਚ ਅਪਰਿਹੀਨੋਤਿ, ਸਕਦਾਗਾਮੀ ਦ੍ਵੀਹਿ ਫਲੇਹਿ ਸਮਨ੍ਨਾਗਤੋਤਿ? ਆਮਨ੍ਤਾ. ਸਕਦਾਗਾਮਿਨਾ ਦ੍ਵੇ ਮਗ੍ਗਾ ਪਟਿਲਦ੍ਧਾ, ਤੇਹਿ ਚ ਅਪਰਿਹੀਨੋਤਿ, ਸਕਦਾਗਾਮੀ ਦ੍ਵੀਹਿ ਮਗ੍ਗੇਹਿ ਸਮਨ੍ਨਾਗਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਸਮਨ੍ਨਾਗਤਕਥਾ ਨਿਟ੍ਠਿਤਾ.
੪. ਚਤੁਤ੍ਥਵਗ੍ਗੋ
(੩੭) ੫. ਉਪੇਕ੍ਖਾਸਮਨ੍ਨਾਗਤਕਥਾ
੩੯੭. ਅਰਹਾ ਛਹਿ ਉਪੇਕ੍ਖਾਹਿ ਸਮਨ੍ਨਾਗਤੋਤਿ? ਆਮਨ੍ਤਾ. ਅਰਹਾ ਛਹਿ ਫਸ੍ਸੇਹਿ, ਛਹਿ ਵੇਦਨਾਹਿ, ਛਹਿ ਸਞ੍ਞਾਹਿ…ਪੇ… ਛਹਿ ਪਞ੍ਞਾਹਿ ਸਮਨ੍ਨਾਗਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਅਰਹਾ ਛਹਿ ਉਪੇਕ੍ਖਾਹਿ ਸਮਨ੍ਨਾਗਤੋਤਿ? ਆਮਨ੍ਤਾ. ਅਰਹਾ ਚਕ੍ਖੁਨਾ ਰੂਪਂ ਪਸ੍ਸਨ੍ਤੋ ਸੋਤੇਨ ਸਦ੍ਦਂ ਸੁਣਾਤਿ, ਘਾਨੇਨ ਗਨ੍ਧਂ ਘਾਯਤਿ, ਜਿਵ੍ਹਾਯ ਰਸਂ ਸਾਯਤਿ, ਕਾਯੇਨ ਫੋਟ੍ਠਬ੍ਬਂ ਫੁਸਤਿ, ਮਨਸਾ ਧਮ੍ਮਂ ਵਿਜਾਨਾਤਿ…ਪੇ… ਮਨਸਾ ਧਮ੍ਮਂ ਵਿਜਾਨਨ੍ਤੋ ਚਕ੍ਖੁਨਾ ਰੂਪਂ ਪਸ੍ਸਤਿ, ਸੋਤੇਨ ਸਦ੍ਦਂ ਸੁਣਾਤਿ, ਘਾਨੇਨ ਗਨ੍ਧਂ ਘਾਯਤਿ, ਜਿਵ੍ਹਾਯ ਰਸਂ ਸਾਯਤਿ, ਕਾਯੇਨ ਫੋਟ੍ਠਬ੍ਬਂ ਫੁਸਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਅਰਹਾ ਛਹਿ ਉਪੇਕ੍ਖਾਹਿ ਸਮਨ੍ਨਾਗਤੋਤਿ? ਆਮਨ੍ਤਾ. ਸਤਤਂ ਸਮਿਤਂ ਅਬ੍ਬੋਕਿਣ੍ਣਂ ਛਹਿ ਉਪੇਕ੍ਖਾਹਿ ਸਮਨ੍ਨਾਗਤੋ ਸਮੋਹਿਤੋ [ਸਮਾਹਿਤੋ (ਸ੍ਯਾ.)], ਛ ਉਪੇਕ੍ਖਾਯੋ ਪਚ੍ਚੁਪਟ੍ਠਿਤਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਨ ਵਤ੍ਤਬ੍ਬਂ – ‘‘ਅਰਹਾ ਛਹਿ ਉਪੇਕ੍ਖਾਹਿ ਸਮਨ੍ਨਾਗਤੋ’’ਤਿ? ਆਮਨ੍ਤਾ. ਨਨੁ ਅਰਹਾ ਛਲ਼ਙ੍ਗੁਪੇਕ੍ਖੋਤਿ? ਆਮਨ੍ਤਾ. ਹਞ੍ਚਿ ਅਰਹਾ ਛਲ਼ਙ੍ਗੁਪੇਕ੍ਖੋ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਅਰਹਾ ਛਹਿ ਉਪੇਕ੍ਖਾਹਿ ਸਮਨ੍ਨਾਗਤੋ’’ਤਿ…ਪੇ….
ਉਪੇਕ੍ਖਾਸਮਨ੍ਨਾਗਤਕਥਾ ਨਿਟ੍ਠਿਤਾ.
੪. ਚਤੁਤ੍ਥਵਗ੍ਗੋ
(੩੮) ੬. ਬੋਧਿਯਾ ਬੁਦ੍ਧੋਤਿਕਥਾ
੩੯੮. ਬੋਧਿਯਾ ਬੁਦ੍ਧੋਤਿ? ਆਮਨ੍ਤਾ. ਬੋਧਿਯਾ ਨਿਰੁਦ੍ਧਾਯ ਵਿਗਤਾਯ ਪਟਿਪਸ੍ਸਦ੍ਧਾਯ ਅਬੁਦ੍ਧੋ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਬੋਧਿਯਾ ਬੁਦ੍ਧੋਤਿ? ਆਮਨ੍ਤਾ. ਅਤੀਤਾਯ ਬੋਧਿਯਾ ਬੁਦ੍ਧੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤੀਤਾਯ ਬੋਧਿਯਾ ਬੁਦ੍ਧੋਤਿ? ਆਮਨ੍ਤਾ. ਤਾਯ ਬੋਧਿਯਾ ਬੋਧਿਕਰਣੀਯਂ ਕਰੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਤਾਯ ਬੋਧਿਯਾ ਬੋਧਿਕਰਣੀਯਂ ਕਰੋਤੀਤਿ? ਆਮਨ੍ਤਾ. ਤਾਯ ਬੋਧਿਯਾ ਦੁਕ੍ਖਂ ਪਰਿਜਾਨਾਤਿ, ਸਮੁਦਯਂ ਪਜਹਤਿ, ਨਿਰੋਧਂ ਸਚ੍ਛਿਕਰੋਤਿ, ਮਗ੍ਗਂ ਭਾਵੇਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਬੋਧਿਯਾ ਬੁਦ੍ਧੋਤਿ? ਆਮਨ੍ਤਾ. ਅਨਾਗਤਾਯ ਬੋਧਿਯਾ ਬੁਦ੍ਧੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਅਨਾਗਤਾਯ ਬੋਧਿਯਾ ਬੁਦ੍ਧੋਤਿ? ਆਮਨ੍ਤਾ. ਤਾਯ ਬੋਧਿਯਾ ਬੋਧਿਕਰਣੀਯਂ ਕਰੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਤਾਯ ਬੋਧਿਯਾ ਬੋਧਿਕਰਣੀਯਂ ਕਰੋਤੀਤਿ? ਆਮਨ੍ਤਾ. ਤਾਯ ਬੋਧਿਯਾ ਦੁਕ੍ਖਂ ਪਰਿਜਾਨਾਤਿ…ਪੇ… ਮਗ੍ਗਂ ਭਾਵੇਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਪਚ੍ਚੁਪ੍ਪਨ੍ਨਾਯ ਬੋਧਿਯਾ ਬੁਦ੍ਧੋ, ਤਾਯ ਬੋਧਿਯਾ ਬੋਧਿਕਰਣੀਯਂ ਕਰੋਤੀਤਿ? ਆਮਨ੍ਤਾ. ਅਤੀਤਾਯ ਬੋਧਿਯਾ ਬੁਦ੍ਧੋ, ਤਾਯ ਬੋਧਿਯਾ ਬੋਧਿਕਰਣੀਯਂ ਕਰੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਪਚ੍ਚੁਪ੍ਪਨ੍ਨਾਯ ਬੋਧਿਯਾ ਬੁਦ੍ਧੋ, ਤਾਯ ਬੋਧਿਯਾ ਦੁਕ੍ਖਂ ਪਰਿਜਾਨਾਤਿ, ਸਮੁਦਯਂ ਪਜਹਤਿ, ਨਿਰੋਧਂ ਸਚ੍ਛਿਕਰੋਤਿ, ਮਗ੍ਗਂ ਭਾਵੇਤੀਤਿ? ਆਮਨ੍ਤਾ. ਅਤੀਤਾਯ ਬੋਧਿਯਾ ਬੁਦ੍ਧੋ, ਤਾਯ ਬੋਧਿਯਾ ਦੁਕ੍ਖਂ ਪਰਿਜਾਨਾਤਿ…ਪੇ… ਮਗ੍ਗਂ ਭਾਵੇਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਪਚ੍ਚੁਪ੍ਪਨ੍ਨਾਯ ਬੋਧਿਯਾ ਬੁਦ੍ਧੋ, ਤਾਯ ਬੋਧਿਯਾ ਬੋਧਿਕਰਣੀਯਂ ਕਰੋਤੀਤਿ? ਆਮਨ੍ਤਾ. ਅਨਾਗਤਾਯ ਬੋਧਿਯਾ ਬੁਦ੍ਧੋ, ਤਾਯ ਬੋਧਿਯਾ ਬੋਧਿਕਰਣੀਯਂ ਕਰੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਪਚ੍ਚੁਪ੍ਪਨ੍ਨਾਯ ਬੋਧਿਯਾ ਬੁਦ੍ਧੋ, ਤਾਯ ਬੋਧਿਯਾ ਦੁਕ੍ਖਂ ਪਰਿਜਾਨਾਤਿ…ਪੇ… ਮਗ੍ਗਂ ਭਾਵੇਤੀਤਿ? ਆਮਨ੍ਤਾ. ਅਨਾਗਤਾਯ ਬੋਧਿਯਾ ਬੁਦ੍ਧੋ, ਤਾਯ ਬੋਧਿਯਾ ਦੁਕ੍ਖਂ ਪਰਿਜਾਨਾਤਿ…ਪੇ… ਮਗ੍ਗਂ ਭਾਵੇਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਅਤੀਤਾਯ ਬੋਧਿਯਾ ਬੁਦ੍ਧੋ, ਨ ਚ ਤਾਯ ਬੋਧਿਯਾ ਬੋਧਿਕਰਣੀਯਂ ਕਰੋਤੀਤਿ? ਆਮਨ੍ਤਾ. ਪਚ੍ਚੁਪ੍ਪਨ੍ਨਾਯ ਬੋਧਿਯਾ ਬੁਦ੍ਧੋ, ਨ ਚ ਤਾਯ ਬੋਧਿਯਾ ਬੋਧਿਕਰਣੀਯਂ ਕਰੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਅਤੀਤਾਯ ਬੋਧਿਯਾ ਬੁਦ੍ਧੋ, ਨ ਚ ਤਾਯ ਬੋਧਿਯਾ ਦੁਕ੍ਖਂ ਪਰਿਜਾਨਾਤਿ…ਪੇ… ਮਗ੍ਗਂ ਭਾਵੇਤੀਤਿ? ਆਮਨ੍ਤਾ. ਪਚ੍ਚੁਪ੍ਪਨ੍ਨਾਯ ਬੋਧਿਯਾ ਬੁਦ੍ਧੋ, ਨ ਚ ਤਾਯ ਬੋਧਿਯਾ ਦੁਕ੍ਖਂ ਪਰਿਜਾਨਾਤਿ…ਪੇ… ਮਗ੍ਗਂ ਭਾਵੇਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਅਨਾਗਤਾਯ ਬੋਧਿਯਾ ਬੁਦ੍ਧੋ, ਨ ਚ ਤਾਯ ਬੋਧਿਯਾ ਬੋਧਿਕਰਣੀਯਂ ਕਰੋਤੀਤਿ? ਆਮਨ੍ਤਾ. ਪਚ੍ਚੁਪ੍ਪਨ੍ਨਾਯ ਬੋਧਿਯਾ ਬੁਦ੍ਧੋ, ਨ ਚ ਤਾਯ ਬੋਧਿਯਾ ਬੋਧਿਕਰਣੀਯਂ ਕਰੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਅਨਾਗਤਾਯ ਬੋਧਿਯਾ ਬੁਦ੍ਧੋ, ਨ ਚ ਤਾਯ ਬੋਧਿਯਾ ਦੁਕ੍ਖਂ ਪਰਿਜਾਨਾਤਿ…ਪੇ… ਮਗ੍ਗਂ ਭਾਵੇਤੀਤਿ? ਆਮਨ੍ਤਾ. ਪਚ੍ਚੁਪ੍ਪਨ੍ਨਾਯ ਬੋਧਿਯਾ ਬੁਦ੍ਧੋ, ਨ ਚ ਤਾਯ ਬੋਧਿਯਾ ਦੁਕ੍ਖਂ ਪਰਿਜਾਨਾਤਿ…ਪੇ… ਮਗ੍ਗਂ ਭਾਵੇਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੩੯੯. ਅਤੀਤਾਯ ਬੋਧਿਯਾ ਬੁਦ੍ਧੋ, ਅਨਾਗਤਾਯ ਬੋਧਿਯਾ ਬੁਦ੍ਧੋ, ਪਚ੍ਚੁਪ੍ਪਨ੍ਨਾਯ ਬੋਧਿਯਾ ਬੁਦ੍ਧੋਤਿ? ਆਮਨ੍ਤਾ. ਤੀਹਿ ਬੋਧੀਹਿ ਬੁਦ੍ਧੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਤੀਹਿ ਬੋਧੀਹਿ ਬੁਦ੍ਧੋਤਿ? ਆਮਨ੍ਤਾ. ਸਤਤਂ ਸਮਿਤਂ ਅਬ੍ਬੋਕਿਣ੍ਣਂ ਤੀਹਿ ਬੋਧੀਹਿ ਸਮਨ੍ਨਾਗਤੋ ਸਮੋਹਿਤੋ, ਤਿਸ੍ਸੋ ਬੋਧਿਯੋ ਪਚ੍ਚੁਪਟ੍ਠਿਤਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਨ ਵਤ੍ਤਬ੍ਬਂ – ‘‘ਬੋਧਿਯਾ ਬੁਦ੍ਧੋ’’ਤਿ? ਆਮਨ੍ਤਾ. ਨਨੁ ਬੋਧਿਪਟਿਲਾਭਾ ਬੁਦ੍ਧੋਤਿ? ਆਮਨ੍ਤਾ. ਹਞ੍ਚਿ ਬੋਧਿਪਟਿਲਾਭਾ ਬੁਦ੍ਧੋ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਬੋਧਿਯਾ ਬੁਦ੍ਧੋ’’ਤਿ.
ਬੋਧਿਪਟਿਲਾਭਾ ਬੁਦ੍ਧੋਤਿ, ਬੋਧਿਯਾ ਬੁਦ੍ਧੋਤਿ? ਆਮਨ੍ਤਾ. ਬੋਧਿਪਟਿਲਾਭਾ ਬੋਧੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਬੋਧਿਯਾ ਬੁਦ੍ਧੋਤਿਕਥਾ ਨਿਟ੍ਠਿਤਾ.
੪. ਚਤੁਤ੍ਥਵਗ੍ਗੋ
(੩੯) ੭. ਲਕ੍ਖਣਕਥਾ
੪੦੦. ਲਕ੍ਖਣਸਮਨ੍ਨਾਗਤੋ ਬੋਧਿਸਤ੍ਤੋਤਿ? ਆਮਨ੍ਤਾ. ਪਦੇਸਲਕ੍ਖਣੇਹਿ ਸਮਨ੍ਨਾਗਤੋ ਪਦੇਸਬੋਧਿਸਤ੍ਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਲਕ੍ਖਣਸਮਨ੍ਨਾਗਤੋ ਬੋਧਿਸਤ੍ਤੋਤਿ? ਆਮਨ੍ਤਾ. ਤਿਭਾਗਲਕ੍ਖਣੇਹਿ ਸਮਨ੍ਨਾਗਤੋ ਤਿਭਾਗਬੋਧਿਸਤ੍ਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਲਕ੍ਖਣਸਮਨ੍ਨਾਗਤੋ ਬੋਧਿਸਤ੍ਤੋਤਿ? ਆਮਨ੍ਤਾ. ਉਪਡ੍ਢਲਕ੍ਖਣੇਹਿ ਸਮਨ੍ਨਾਗਤੋ ਉਪਡ੍ਢਬੋਧਿਸਤ੍ਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਲਕ੍ਖਣਸਮਨ੍ਨਾਗਤੋ ਬੋਧਿਸਤ੍ਤੋਤਿ? ਆਮਨ੍ਤਾ. ਚਕ੍ਕਵਤ੍ਤਿਸਤ੍ਤੋ ਲਕ੍ਖਣਸਮਨ੍ਨਾਗਤੋ, ਚਕ੍ਕਵਤ੍ਤਿਸਤ੍ਤੋ ਬੋਧਿਸਤ੍ਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਚਕ੍ਕਵਤ੍ਤਿਸਤ੍ਤੋ ਲਕ੍ਖਣਸਮਨ੍ਨਾਗਤੋ, ਚਕ੍ਕਵਤ੍ਤਿਸਤ੍ਤੋ ਬੋਧਿਸਤ੍ਤੋਤਿ? ਆਮਨ੍ਤਾ. ਯਾਦਿਸੋ ਬੋਧਿਸਤ੍ਤਸ੍ਸ ਪੁਬ੍ਬਯੋਗੋ ਪੁਬ੍ਬਚਰਿਯਾ ਧਮ੍ਮਕ੍ਖਾਨਂ ਧਮ੍ਮਦੇਸਨਾ, ਤਾਦਿਸੋ ਚਕ੍ਕਵਤ੍ਤਿਸਤ੍ਤਸ੍ਸ ਪੁਬ੍ਬਯੋਗੋ ਪੁਬ੍ਬਚਰਿਯਾ ਧਮ੍ਮਕ੍ਖਾਨਂ ਧਮ੍ਮਦੇਸਨਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੪੦੧. ਯਥਾ ਬੋਧਿਸਤ੍ਤਸ੍ਸ ਜਾਯਮਾਨਸ੍ਸ ਦੇਵਾ ਪਠਮਂ ਪਟਿਗ੍ਗਣ੍ਹਨ੍ਤਿ ਪਚ੍ਛਾ ਮਨੁਸ੍ਸਾ [ਦੀ. ਨਿ. ੨.੨੭; ਮ. ਨਿ. ੩.੨੦੫ ਵੁਤ੍ਤਂ ਦਿਸ੍ਸਾਯ ਪੁਚ੍ਛਤਿ], ਏਵਮੇਵਂ ਚਕ੍ਕਵਤ੍ਤਿਸਤ੍ਤਸ੍ਸ ਜਾਯਮਾਨਸ੍ਸ ਦੇਵਾ ਪਠਮਂ ਪਟਿਗ੍ਗਣ੍ਹਨ੍ਤਿ ਪਚ੍ਛਾ ਮਨੁਸ੍ਸਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਯਥਾ ਬੋਧਿਸਤ੍ਤਸ੍ਸ ਜਾਯਮਾਨਸ੍ਸ ਚਤ੍ਤਾਰੋ ਨਂ ਦੇਵਪੁਤ੍ਤਾ ਪਟਿਗ੍ਗਹੇਤ੍ਵਾ ਮਾਤੁ ਪੁਰਤੋ ਠਪੇਨ੍ਤਿ – ‘‘ਅਤ੍ਤਮਨਾ, ਦੇਵਿ, ਹੋਹਿ! ਮਹੇਸਕ੍ਖੋ ਤੇ ਪੁਤ੍ਤੋ ਉਪ੍ਪਨ੍ਨੋ’’ਤਿ, ਏਵਮੇਵਂ ਚਕ੍ਕਵਤ੍ਤਿਸਤ੍ਤਸ੍ਸ ਜਾਯਮਾਨਸ੍ਸ ਚਤ੍ਤਾਰੋ ਨਂ ਦੇਵਪੁਤ੍ਤਾ ਪਟਿਗ੍ਗਹੇਤ੍ਵਾ ਮਾਤੁ ਪੁਰਤੋ ਠਪੇਨ੍ਤਿ – ‘‘ਅਤ੍ਤਮਨਾ, ਦੇਵਿ, ਹੋਹਿ! ਮਹੇਸਕ੍ਖੋ ਤੇ ਪੁਤ੍ਤੋ ਉਪ੍ਪਨ੍ਨੋ’’ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਯਥਾ ਬੋਧਿਸਤ੍ਤਸ੍ਸ ਜਾਯਮਾਨਸ੍ਸ ਦ੍ਵੇ ਉਦਕਸ੍ਸ ਧਾਰਾ ਅਨ੍ਤਲਿਕ੍ਖਾ ਪਾਤੁਭਵਨ੍ਤਿ – ਏਕਾ ਸੀਤਸ੍ਸ, ਏਕਾ ਉਣ੍ਹਸ੍ਸ – ਯੇਨ ਬੋਧਿਸਤ੍ਤਸ੍ਸ ਉਦਕਕਿਚ੍ਚਂ ਕਰੋਨ੍ਤਿ ਮਾਤੁ ਚ, ਏਵਮੇਵਂ ਚਕ੍ਕਵਤ੍ਤਿਸਤ੍ਤਸ੍ਸ ਜਾਯਮਾਨਸ੍ਸ ਦ੍ਵੇ ਉਦਕਸ੍ਸ ਧਾਰਾ ਅਨ੍ਤਲਿਕ੍ਖਾ ਪਾਤੁਭਵਨ੍ਤਿ – ਏਕਾ ਸੀਤਸ੍ਸ, ਏਕਾ ਉਣ੍ਹਸ੍ਸ – ਯੇਨ ਚਕ੍ਕਵਤ੍ਤਿਸਤ੍ਤਸ੍ਸ ਉਦਕਕਿਚ੍ਚਂ ਕਰੋਨ੍ਤਿ ਮਾਤੁ ਚਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਯਥਾ ਸਮ੍ਪਤਿਜਾਤੋ ਬੋਧਿਸਤ੍ਤੋ ਸਮੇਹਿ ਪਾਦੇਹਿ ਪਤਿਟ੍ਠਹਿਤ੍ਵਾ ਉਤ੍ਤਰੇਨ ਅਭਿਮੁਖੋ ਸਤ੍ਤਪਦਵੀਤਿਹਾਰੇਨ ਗਚ੍ਛਤਿ ਸੇਤਮ੍ਹਿ ਛਤ੍ਤੇ ਅਨੁਧਾਰਿਯਮਾਨੇ, ਸਬ੍ਬਾ ਚ ਦਿਸਾ ਵਿਲੋਕੇਤਿ, ਆਸਭਿਞ੍ਚ ਵਾਚਂ ਭਾਸਤਿ – ‘‘ਅਗ੍ਗੋਹਮਸ੍ਮਿ ਲੋਕਸ੍ਸ, ਜੇਟ੍ਠੋਹਮਸ੍ਮਿ ਲੋਕਸ੍ਸ, ਸੇਟ੍ਠੋਹਮਸ੍ਮਿ ਲੋਕਸ੍ਸ, ਅਯਮਨ੍ਤਿਮਾ ਜਾਤਿ, ਨਤ੍ਥਿ ਦਾਨਿ ਪੁਨਬ੍ਭਵੋ’’ਤਿ, ਏਵਮੇਵਂ ਸਮ੍ਪਤਿਜਾਤੋ ਚਕ੍ਕਵਤ੍ਤਿਸਤ੍ਤੋ ਸਮੇਹਿ ਪਾਦੇਹਿ ਪਤਿਟ੍ਠਹਿਤ੍ਵਾ ਉਤ੍ਤਰੇਨ ਅਭਿਮੁਖੋ ਸਤ੍ਤਪਦਵੀਤਿਹਾਰੇਨ ਗਚ੍ਛਤਿ ਸੇਤਮ੍ਹਿ ਛਤ੍ਤੇ ਅਨੁਧਾਰਿਯਮਾਨੇ, ਸਬ੍ਬਾ ਚ ਦਿਸਾ ਵਿਲੋਕੇਤਿ, ਆਸਭਿਞ੍ਚ ਵਾਚਂ ਭਾਸਤਿ – ‘‘ਅਗ੍ਗੋਹਮਸ੍ਮਿ ਲੋਕਸ੍ਸ, ਜੇਟ੍ਠੋਹਮਸ੍ਮਿ ਲੋਕਸ੍ਸ, ਸੇਟ੍ਠੋਹਮਸ੍ਮਿ ਲੋਕਸ੍ਸ, ਅਯਮਨ੍ਤਿਮਾ ਜਾਤਿ, ਨਤ੍ਥਿ ਦਾਨਿ ਪੁਨਬ੍ਭਵੋ’’ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਯਥਾ ਬੋਧਿਸਤ੍ਤਸ੍ਸ ਜਾਯਮਾਨਸ੍ਸ ਮਹਤੋ ਆਲੋਕਸ੍ਸ ਮਹਤੋ ਓਭਾਸਸ੍ਸ ਮਹਤੋ ਭੂਮਿਚਾਲਸ੍ਸ ਪਾਤੁਭਾਵੋ ਹੋਤਿ, ਏਵਮੇਵਂ ਚਕ੍ਕਵਤ੍ਤਿਸਤ੍ਤਸ੍ਸ ਜਾਯਮਾਨਸ੍ਸ ਮਹਤੋ ਆਲੋਕਸ੍ਸ ਮਹਤੋ ਓਭਾਸਸ੍ਸ ਮਹਤੋ ਭੂਮਿਚਾਲਸ੍ਸ ਪਾਤੁਭਾਵੋ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਯਥਾ ਬੋਧਿਸਤ੍ਤਸ੍ਸ ਪਕਤਿਕਾਯੋ ਸਮਨ੍ਤਾ ਬ੍ਯਾਮਂ ਓਭਾਸਤਿ, ਏਵਮੇਵਂ ਚਕ੍ਕਵਤ੍ਤਿਸਤ੍ਤਸ੍ਸ ਪਕਤਿਕਾਯੋ ਸਮਨ੍ਤਾ ਬ੍ਯਾਮਂ ਓਭਾਸਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਯਥਾ ਬੋਧਿਸਤ੍ਤੋ ਮਹਾਸੁਪਿਨਂ ਪਸ੍ਸਤਿ, ਏਵਮੇਵਂ ਚਕ੍ਕਵਤ੍ਤਿਸਤ੍ਤੋ ਮਹਾਸੁਪਿਨਂ ਪਸ੍ਸਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੪੦੨. ਨ ਵਤ੍ਤਬ੍ਬਂ – ‘‘ਲਕ੍ਖਣਸਮਨ੍ਨਾਗਤੋ ਬੋਧਿਸਤ੍ਤੋ’’ਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਦ੍ਵਤ੍ਤਿਂਸਿਮਾਨਿ, ਭਿਕ੍ਖਵੇ, ਮਹਾਪੁਰਿਸਸ੍ਸ ਮਹਾਪੁਰਿਸਲਕ੍ਖਣਾਨਿ, ਯੇਹਿ ਸਮਨ੍ਨਾਗਤਸ੍ਸ ਮਹਾਪੁਰਿਸਸ੍ਸ ਦ੍ਵੇਵ ਗਤਿਯੋ ਭਵਨ੍ਤਿ ਅਨਞ੍ਞਾ [ਨ ਅਞ੍ਞਾ (ਕ.)]! ਸਚੇ ਅਗਾਰਂ ਅਜ੍ਝਾਵਸਤਿ, ਰਾਜਾ ਹੋਤਿ ਚਕ੍ਕਵਤ੍ਤੀ ਧਮ੍ਮਿਕੋ ਧਮ੍ਮਰਾਜਾ ਚਾਤੁਰਨ੍ਤੋ ਵਿਜਿਤਾਵੀ ਜਨਪਦਤ੍ਥਾਵਰਿਯਪ੍ਪਤ੍ਤੋ ਸਤ੍ਤਰਤਨਸਮਨ੍ਨਾਗਤੋ. ਤਸ੍ਸਿਮਾਨਿ ਸਤ੍ਤ ਰਤਨਾਨਿ ਭਵਨ੍ਤਿ, ਸੇਯ੍ਯਥਿਦਂ – ਚਕ੍ਕਰਤਨਂ, ਹਤ੍ਥਿਰਤਨਂ, ਅਸ੍ਸਰਤਨਂ, ਮਣਿਰਤਨਂ, ਇਤ੍ਥਿਰਤਨਂ, ਗਹਪਤਿਰਤਨਂ, ਪਰਿਣਾਯਕਰਤਨਮੇਵ ਸਤ੍ਤਮਂ. ਪਰੋਸਹਸ੍ਸਂ ਖੋ ਪਨਸ੍ਸ ਪੁਤ੍ਤਾ ਭਵਨ੍ਤਿ ਸੂਰਾ ਵੀਰਙ੍ਗਰੂਪਾ ਪਰਸੇਨਪ੍ਪਮਦ੍ਦਨਾ. ਸੋ ਇਮਂ ਪਥਵਿਂ ਸਾਗਰਪਰਿਯਨ੍ਤਂ ਅਦਣ੍ਡੇਨ ਅਸਤ੍ਥੇਨ ਧਮ੍ਮੇਨ ਅਭਿਵਿਜਿਯ ਅਜ੍ਝਾਵਸਤਿ. ਸਚੇ ਖੋ ਪਨ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜਤਿ, ਅਰਹਂ ਹੋਤਿ ਸਮ੍ਮਾਸਮ੍ਬੁਦ੍ਧੋ ਲੋਕੇ ਵਿਵਟ੍ਟਚ੍ਛਦੋ’’ਤਿ [ਦੀ. ਨਿ. ੩.੨੦੦]. ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਲਕ੍ਖਣਸਮਨ੍ਨਾਗਤੋ ਬੋਧਿਸਤ੍ਤੋਤਿ.
ਲਕ੍ਖਣਕਥਾ ਨਿਟ੍ਠਿਤਾ.
੪. ਚਤੁਤ੍ਥਵਗ੍ਗੋ
(੪੦) ੮. ਨਿਯਾਮੋਕ੍ਕਨ੍ਤਿਕਥਾ
੪੦੩. ਬੋਧਿਸਤ੍ਤੋ ਕਸ੍ਸਪਸ੍ਸ ਭਗਵਤੋ ਪਾਵਚਨੇ ਓਕ੍ਕਨ੍ਤਨਿਯਾਮੋ ਚਰਿਤਬ੍ਰਹ੍ਮਚਰਿਯੋਤਿ [ਮ. ਨਿ. ੨.੨੮੨ ਘਟਿਕਾਰਸੁਤ੍ਤਂ ਨਿਸ੍ਸਾਯ ਪੁਚ੍ਛਤਿ]? ਆਮਨ੍ਤਾ. ਬੋਧਿਸਤ੍ਤੋ ਕਸ੍ਸਪਸ੍ਸ ਭਗਵਤੋ ਸਾਵਕੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਬੋਧਿਸਤ੍ਤੋ ਕਸ੍ਸਪਸ੍ਸ ਭਗਵਤੋ ਸਾਵਕੋਤਿ? ਆਮਨ੍ਤਾ. ਸਾਵਕੋ ਹੁਤ੍ਵਾ ਬੁਦ੍ਧੋ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਸਾਵਕੋ ਹੁਤ੍ਵਾ ਬੁਦ੍ਧੋ ਹੋਤੀਤਿ? ਆਮਨ੍ਤਾ. ਅਨੁਸ੍ਸਵਿਯੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਅਨੁਸ੍ਸਵਿਯੋਤਿ? ਆਮਨ੍ਤਾ. ਨਨੁ ਭਗਵਾ ਸਯਮ੍ਭੂਤਿ? ਆਮਨ੍ਤਾ. ਹਞ੍ਚਿ ਭਗਵਾ ਸਯਮ੍ਭੂ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਨੁਸ੍ਸਵਿਯੋ’’ਤਿ.
ਬੋਧਿਸਤ੍ਤੋ ਕਸ੍ਸਪਸ੍ਸ ਭਗਵਤੋ ਪਾਵਚਨੇ ਓਕ੍ਕਨ੍ਤਨਿਯਾਮੋ ਚਰਿਤਬ੍ਰਹ੍ਮਚਰਿਯੋਤਿ? ਆਮਨ੍ਤਾ. ਭਗਵਤਾ ਬੋਧਿਯਾ ਮੂਲੇ ਤੀਣੇਵ ਸਾਮਞ੍ਞਫਲਾਨਿ ਅਭਿਸਮ੍ਬੁਦ੍ਧਾਨੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਨਨੁ ਭਗਵਤਾ ਬੋਧਿਯਾ ਮੂਲੇ ਚਤ੍ਤਾਰਿ ਸਾਮਞ੍ਞਫਲਾਨਿ ਅਭਿਸਮ੍ਬੁਦ੍ਧਾਨੀਤਿ? ਆਮਨ੍ਤਾ. ਹਞ੍ਚਿ ਭਗਵਤਾ ਬੋਧਿਯਾ ਮੂਲੇ ਚਤ੍ਤਾਰਿ ਸਾਮਞ੍ਞਫਲਾਨਿ ਅਭਿਸਮ੍ਬੁਦ੍ਧਾਨਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਬੋਧਿਸਤ੍ਤੋ ਕਸ੍ਸਪਸ੍ਸ ਭਗਵਤੋ ਪਾਵਚਨੇ ਓਕ੍ਕਨ੍ਤਨਿਯਾਮੋ ਚਰਿਤਬ੍ਰਹ੍ਮਚਰਿਯੋ’’ਤਿ.
੪੦੪. ਬੋਧਿਸਤ੍ਤੋ ਕਸ੍ਸਪਸ੍ਸ ਭਗਵਤੋ ਪਾਵਚਨੇ ਓਕ੍ਕਨ੍ਤਨਿਯਾਮੋ ਚਰਿਤਬ੍ਰਹ੍ਮਚਰਿਯੋਤਿ? ਆਮਨ੍ਤਾ. ਬੋਧਿਸਤ੍ਤੋ ਦੁਕ੍ਕਰਕਾਰਿਯਂ ਅਕਾਸੀਤਿ? ਆਮਨ੍ਤਾ. ਦਸ੍ਸਨਸਮ੍ਪਨ੍ਨੋ ਪੁਗ੍ਗਲੋ ਦੁਕ੍ਕਰਕਾਰਿਯਂ ਕਰੇਯ੍ਯਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਬੋਧਿਸਤ੍ਤੋ ਅਪਰਨ੍ਤਪਂ [ਅਮਰਂ ਤਪਂ (ਸਂ. ਨਿ. ੧.੧੩੭)] ਅਕਾਸਿ, ਅਞ੍ਞਂ ਸਤ੍ਥਾਰਂ ਉਦ੍ਦਿਸੀਤਿ? ਆਮਨ੍ਤਾ. ਦਸ੍ਸਨਸਮ੍ਪਨ੍ਨੋ ਪੁਗ੍ਗਲੋ ਅਞ੍ਞਂ ਸਤ੍ਥਾਰਂ ਉਦ੍ਦਿਸੇਯ੍ਯਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਆਯਸ੍ਮਾ ਆਨਨ੍ਦੋ ਭਗਵਤੋ ਪਾਵਚਨੇ ਓਕ੍ਕਨ੍ਤਨਿਯਾਮੋ ਚਰਿਤਬ੍ਰਹ੍ਮਚਰਿਯੋ, ਆਯਸ੍ਮਾ ਆਨਨ੍ਦੋ ਭਗਵਤੋ ਸਾਵਕੋਤਿ? ਆਮਨ੍ਤਾ. ਬੋਧਿਸਤ੍ਤੋ ਕਸ੍ਸਪਸ੍ਸ ਭਗਵਤੋ ਪਾਵਚਨੇ ਓਕ੍ਕਨ੍ਤਨਿਯਾਮੋ ਚਰਿਤਬ੍ਰਹ੍ਮਚਰਿਯੋ, ਬੋਧਿਸਤ੍ਤੋ ਕਸ੍ਸਪਸ੍ਸ ਭਗਵਤੋ ਸਾਵਕੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਚਿਤ੍ਤੋ ਗਹਪਤਿ ਹਤ੍ਥਕੋ ਆਲ਼ਵਕੋ ਭਗਵਤੋ ਪਾਵਚਨੇ ਓਕ੍ਕਨ੍ਤਨਿਯਾਮੋ ਚਰਿਤਬ੍ਰਹ੍ਮਚਰਿਯੋ, ਚਿਤ੍ਤੋ ਗਹਪਤਿ ਹਤ੍ਥਕੋ ਆਲ਼ਵਕੋ ਭਗਵਤੋ ਸਾਵਕੋਤਿ? ਆਮਨ੍ਤਾ. ਬੋਧਿਸਤ੍ਤੋ ਕਸ੍ਸਪਸ੍ਸ ਭਗਵਤੋ ਪਾਵਚਨੇ ਓਕ੍ਕਨ੍ਤਨਿਯਾਮੋ ਚਰਿਤਬ੍ਰਹ੍ਮਚਰਿਯੋ, ਬੋਧਿਸਤ੍ਤੋ ਕਸ੍ਸਪਸ੍ਸ ਭਗਵਤੋ ਸਾਵਕੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਬੋਧਿਸਤ੍ਤੋ ਕਸ੍ਸਪਸ੍ਸ ਭਗਵਤੋ ਪਾਵਚਨੇ ਓਕ੍ਕਨ੍ਤਨਿਯਾਮੋ ਚਰਿਤਬ੍ਰਹ੍ਮਚਰਿਯੋ, ਨ ਚ ਕਸ੍ਸਪਸ੍ਸ ਭਗਵਤੋ ਸਾਵਕੋਤਿ? ਆਮਨ੍ਤਾ. ਆਯਸ੍ਮਾ ਆਨਨ੍ਦੋ ਭਗਵਤੋ ਪਾਵਚਨੇ ਓਕ੍ਕਨ੍ਤਨਿਯਾਮੋ ਚਰਿਤਬ੍ਰਹ੍ਮਚਰਿਯੋ, ਨ ਚ ਭਗਵਤੋ ਸਾਵਕੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਬੋਧਿਸਤ੍ਤੋ ਕਸ੍ਸਪਸ੍ਸ ਭਗਵਤੋ ਪਾਵਚਨੇ ਓਕ੍ਕਨ੍ਤਨਿਯਾਮੋ ਚਰਿਤਬ੍ਰਹ੍ਮਚਰਿਯੋ, ਨ ਚ ਕਸ੍ਸਪਸ੍ਸ ਭਗਵਤੋ ਸਾਵਕੋਤਿ? ਆਮਨ੍ਤਾ. ਚਿਤ੍ਤੋ ਗਹਪਤਿ ਹਤ੍ਥਕੋ ਆਲ਼ਵਕੋ ਭਗਵਤੋ ਪਾਵਚਨੇ ਓਕ੍ਕਨ੍ਤਨਿਯਾਮੋ ਚਰਿਤਬ੍ਰਹ੍ਮਚਰਿਯੋ, ਨ ਚ ਭਗਵਤੋ ਸਾਵਕੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
ਬੋਧਿਸਤ੍ਤੋ ਕਸ੍ਸਪਸ੍ਸ ਭਗਵਤੋ ਪਾਵਚਨੇ ਓਕ੍ਕਨ੍ਤਨਿਯਾਮੋ ਚਰਿਤਬ੍ਰਹ੍ਮਚਰਿਯੋ, ਨ ਚ ਕਸ੍ਸਪਸ੍ਸ ਭਗਵਤੋ ਸਾਵਕੋਤਿ? ਆਮਨ੍ਤਾ. ਸਾਵਕੋ ਜਾਤਿਂ ਵੀਤਿਵਤ੍ਤੋ ਅਸਾਵਕੋ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….
੪੦੫. ਨ ਵਤ੍ਤਬ੍ਬਂ – ‘‘ਬੋਧਿਸਤ੍ਤੋ ਕਸ੍ਸਪਸ੍ਸ ਭਗਵਤੋ ਪਾਵਚਨੇ ਓਕ੍ਕਨ੍ਤਨਿਯਾਮੋ ਚਰਿਤਬ੍ਰਹ੍ਮਚਰਿਯੋ’’ਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਕਸ੍ਸਪੇ ਅਹਂ, ਆਨਨ੍ਦ, ਭਗਵਤਿ ਬ੍ਰਹ੍ਮਚਰਿਯਂ ਅਚਰਿਂ ਆਯਤਿਂ ਸਮ੍ਬੋਧਾਯਾ’’ਤਿ! ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਨ ਵਤ੍ਤਬ੍ਬਂ – ‘‘ਬੋਧਿਸਤ੍ਤੋ ਕਸ੍ਸਪਸ੍ਸ ਭਗਵਤੋ ਪਾਵਚਨੇ ਓਕ੍ਕਨ੍ਤਨਿਯਾਮੋ ਚਰਿਤਬ੍ਰਹ੍ਮਚਰਿਯੋ’’ਤਿ.
ਬੋਧਿਸਤ੍ਤੋ ਕਸ੍ਸਪਸ੍ਸ ਭਗਵਤੋ ਪਾਵਚਨੇ ਓਕ੍ਕਨ੍ਤਨਿਯਾਮੋ ਚਰਿਤਬ੍ਰਹ੍ਮਚਰਿਯੋਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ –
‘‘ਸਬ੍ਬਾਭਿਭੂ ਸਬ੍ਬਵਿਦੂਹਮਸ੍ਮਿ,
ਸਬ੍ਬੇਸੁ ਧਮ੍ਮੇਸੁ ਅਨੁਪਲਿਤ੍ਤੋ;
ਸਬ੍ਬਞ੍ਜਹੋ ਤਣ੍ਹਕ੍ਖਯੇ ਵਿਮੁਤ੍ਤੋ,
ਸਯਂ ਅਭਿਞ੍ਞਾਯ ਕਮੁਦ੍ਦਿਸੇਯ੍ਯਂ.
‘‘ਨ ਮੇ ਆਚਰਿਯੋ ਅਤ੍ਥਿ, ਸਦਿਸੋ ਮੇ ਨ ਵਿਜ੍ਜਤਿ;
ਸਦੇਵਕਸ੍ਮਿਂ ਲੋਕਸ੍ਮਿਂ, ਨਤ੍ਥਿ ਮੇ ਪਟਿਪੁਗ੍ਗਲੋ.
‘‘ਅਹਞ੍ਹਿ ਅਰਹਾ ਲੋਕੇ, ਅਹਂ ਸਤ੍ਥਾ ਅਨੁਤ੍ਤਰੋ;
ਏਕੋਮ੍ਹਿ ਸਮ੍ਮਾਸਮ੍ਬੁਦ੍ਧੋ, ਸੀਤਿਭੂਤੋਸ੍ਮਿ ਨਿਬ੍ਬੁਤੋ.
‘‘ਧਮ੍ਮਚਕ੍ਕਂ ਪਵਤ੍ਤੇਤੁਂ, ਗਚ੍ਛਾਮਿ ਕਾਸਿਨਂ ਪੁਰਂ;
ਅਨ੍ਧੀਭੂਤਸ੍ਮਿਂ [ਅਨ੍ਧਭੂਤਸ੍ਮਿਂ (ਸੀ. ਸ੍ਯਾ. ਕਂ. ਪੀ.)] ਲੋਕਸ੍ਮਿਂ, ਆਹਞ੍ਛਂ [ਆਹਞ੍ਞਿਂ (ਕ.)] ਅਮਤਦੁਨ੍ਦੁਭਿ’’ਨ੍ਤਿ [ਦੁਦ੍ਰਭਿਨ੍ਤਿ (ਕ.)].
‘‘ਯਥਾ ਖੋ ਤ੍ਵਂ, ਆਵੁਸੋ, ਪਟਿਜਾਨਾਸਿ, ਅਰਹਸਿ ਅਨਨ੍ਤਜਿਨੋ’’ਤਿ?
‘‘ਮਾਦਿਸਾ ਵੇ ਜਿਨਾ ਹੋਨ੍ਤਿ, ਯੇ ਪਤ੍ਤਾ ਆਸਵਕ੍ਖਯਂ;
ਜਿਤਾ ਮੇ ਪਾਪਕਾ ਧਮ੍ਮਾ, ਤਸ੍ਮਾਹਂ ਉਪਕ ਜਿਨੋ’’ਤਿ [ਮਹਾਵ. ੧੧; ਮ. ਨਿ. ੧.੨੮੫; ੨.੩੪੧].
ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਨ ਵਤ੍ਤਬ੍ਬਂ – ‘‘ਬੋਧਿਸਤ੍ਤੋ ਕਸ੍ਸਪਸ੍ਸ ਭਗਵਤੋ ਪਾਵਚਨੇ ਓਕ੍ਕਨ੍ਤਨਿਯਾਮੋ ਚਰਿਤਬ੍ਰਹ੍ਮਚਰਿਯੋ’’ਤਿ.
ਬੋਧਿਸਤ੍ਤੋ ਕਸ੍ਸਪਸ੍ਸ ਭਗਵਤੋ ਪਾਵਚਨੇ ਓਕ੍ਕਨ੍ਤਨਿਯਾਮੋ ਚਰਿਤਬ੍ਰਹ੍ਮਚਰਿਯੋਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘‘ਇਦਂ ਦੁਕ੍ਖਂ ਅਰਿਯਸਚ੍ਚ’ਨ੍ਤਿ ਮੇ, ਭਿਕ੍ਖਵੇ, ਪੁਬ੍ਬੇ ਅਨਨੁਸ੍ਸੁਤੇਸੁ ਧਮ੍ਮੇਸੁ ਚਕ੍ਖੁਂ ਉਦਪਾਦਿ, ਞਾਣਂ ਉਦਪਾਦਿ, ਪਞ੍ਞਾ ਉਦਪਾਦਿ, ਵਿਜ੍ਜਾ ਉਦਪਾਦਿ, ਆਲੋਕੋ ਉਦਪਾਦਿ. ‘ਤਂ ਖੋ ਪਨਿਦਂ ਦੁਕ੍ਖਂ ਅਰਿਯਸਚ੍ਚਂ ਪਰਿਞ੍ਞੇਯ੍ਯ’ਨ੍ਤਿ ਮੇ, ਭਿਕ੍ਖਵੇ…ਪੇ… ਪਰਿਞ੍ਞਾਤਨ੍ਤਿ ਮੇ, ਭਿਕ੍ਖਵੇ, ਪੁਬ੍ਬੇ ਅਨਨੁਸ੍ਸੁਤੇਸੁ ਧਮ੍ਮੇਸੁ ਚਕ੍ਖੁਂ ਉਦਪਾਦਿ…ਪੇ… ਆਲੋਕੋ ਉਦਪਾਦਿ. ‘ਇਦਂ ਦੁਕ੍ਖਸਮੁਦਯਂ ਅਰਿਯਸਚ੍ਚ’ਨ੍ਤਿ ਮੇ, ਭਿਕ੍ਖਵੇ…ਪੇ… ‘ਤਂ ਖੋ ਪਨਿਦਂ ਦੁਕ੍ਖਸਮੁਦਯਂ [ਦੁਕ੍ਖਸਮੁਦਯੋ (ਸ੍ਯਾ. ਕਂ.)] ਅਰਿਯਸਚ੍ਚਂ ਪਹਾਤਬ੍ਬ’ਨ੍ਤਿ ਮੇ, ਭਿਕ੍ਖਵੇ…ਪੇ… ਪਹੀਨਨ੍ਤਿ ਮੇ, ਭਿਕ੍ਖਵੇ…ਪੇ… ‘ਇਦਂ ਦੁਕ੍ਖਨਿਰੋਧਂ [ਦੁਕ੍ਖਨਿਰੋਧੋ (ਸ੍ਯਾ. ਕਂ.)] ਅਰਿਯਸਚ੍ਚ’ਨ੍ਤਿ ਮੇ, ਭਿਕ੍ਖਵੇ…ਪੇ… ‘ਤਂ ਖੋ ਪਨਿਦਂ ਦੁਕ੍ਖਨਿਰੋਧਂ ਅਰਿਯਸਚ੍ਚਂ ਸਚ੍ਛਿਕਾਤਬ੍ਬ’ਨ੍ਤਿ ਮੇ, ਭਿਕ੍ਖਵੇ…ਪੇ… ਸਚ੍ਛਿਕਤਨ੍ਤਿ ਮੇ, ਭਿਕ੍ਖਵੇ…ਪੇ… ‘ਇਦਂ ਦੁਕ੍ਖਨਿਰੋਧਗਾਮਿਨੀ ਪਟਿਪਦਾ ਅਰਿਯਸਚ੍ਚ’ਨ੍ਤਿ ਮੇ, ਭਿਕ੍ਖਵੇ…ਪੇ… ‘ਤਂ ਖੋ ਪਨਿਦਂ ਦੁਕ੍ਖਨਿਰੋਧਗਾਮਿਨੀ ਪਟਿਪਦਾ ਅਰਿਯਸਚ੍ਚਂ ਭਾਵੇਤਬ੍ਬ’ਨ੍ਤਿ ਮੇ, ਭਿਕ੍ਖਵੇ…ਪੇ… ਭਾਵਿਤਨ੍ਤਿ ਮੇ, ਭਿਕ੍ਖਵੇ, ਪੁਬ੍ਬੇ ਅਨਨੁਸ੍ਸੁਤੇਸੁ ਧਮ੍ਮੇਸੁ ਚਕ੍ਖੁਂ ਉਦਪਾਦਿ, ਞਾਣਂ ਉਦਪਾਦਿ, ਪਞ੍ਞਾ ਉਦਪਾਦਿ, ਵਿਜ੍ਜਾ ਉਦਪਾਦਿ, ਆਲੋਕੋ ਉਦਪਾਦੀ’’ਤਿ [ਮਹਾਵ. ੧੫; ਸਂ. ਨਿ. ੫.੧੦੮੧; ਪਟਿ. ਮ. ੨.੩੦]. ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਨ ਵਤ੍ਤਬ੍ਬਂ – ‘‘ਬੋਧਿਸਤ੍ਤੋ ਕਸ੍ਸਪਸ੍ਸ ਭਗਵਤੋ ਪਾਵਚਨੇ ਓਕ੍ਕਨ੍ਤਨਿਯਾਮੋ ਚਰਿਤਬ੍ਰਹ੍ਮਚਰਿਯੋ’’ਤਿ.