੨੦. ਸਙ੍ਘਾਨੁਯੋਗੋ

੨੦੬. ਨ ਵਤ੍ਤਬ੍ਬਂ – ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ? ਆਮਨ੍ਤਾ. ਨਨੁ ਚਤ੍ਤਾਰੋ ਪੁਰਿਸਯੁਗਾ ਅਟ੍ਠ ਪੁਰਿਸਪੁਗ੍ਗਲਾ ਅਤ੍ਥੀਤਿ? ਆਮਨ੍ਤਾ. ਹਞ੍ਚਿ ਚਤ੍ਤਾਰੋ ਪੁਰਿਸਯੁਗਾ ਅਟ੍ਠ ਪੁਰਿਸਪੁਗ੍ਗਲਾ ਅਤ੍ਥਿ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ.

੨੦੭. ਚਤ੍ਤਾਰੋ ਪੁਰਿਸਯੁਗਾ ਅਟ੍ਠ ਪੁਰਿਸਪੁਗ੍ਗਲਾ ਅਤ੍ਥੀਤਿ ਕਤ੍ਵਾ ਤੇਨ ਚ ਕਾਰਣੇਨ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਚਤ੍ਤਾਰੋ ਪੁਰਿਸਯੁਗਾ ਅਟ੍ਠ ਪੁਰਿਸਪੁਗ੍ਗਲਾ ਬੁਦ੍ਧਪਾਤੁਭਾਵਾ ਪਾਤੁਭਵਨ੍ਤੀਤਿ? ਆਮਨ੍ਤਾ. ਪੁਗ੍ਗਲੋ ਬੁਦ੍ਧਪਾਤੁਭਾਵਾ ਪਾਤੁਭਵਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਪੁਗ੍ਗਲੋ ਬੁਦ੍ਧਪਾਤੁਭਾਵਾ ਪਾਤੁਭਵਤੀਤਿ? ਆਮਨ੍ਤਾ. ਬੁਦ੍ਧਸ੍ਸ ਭਗਵਤੋ ਪਰਿਨਿਬ੍ਬੁਤੇ ਉਚ੍ਛਿਨ੍ਨੋ ਪੁਗ੍ਗਲੋ, ਨਤ੍ਥਿ ਪੁਗ੍ਗਲੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਙ੍ਘਾਨੁਯੋਗੋ.