੩. ਤਤਿਯਨਯੋ

੩. ਅਸਙ੍ਗਹਿਤੇਨਸਙ੍ਗਹਿਤਪਦਨਿਦ੍ਦੇਸੋ

੧੭੯. ਵੇਦਨਾਕ੍ਖਨ੍ਧੇਨ ਯੇ ਧਮ੍ਮਾ… ਸਞ੍ਞਾਕ੍ਖਨ੍ਧੇਨ ਯੇ ਧਮ੍ਮਾ… ਸਙ੍ਖਾਰਕ੍ਖਨ੍ਧੇਨ ਯੇ ਧਮ੍ਮਾ… ਸਮੁਦਯਸਚ੍ਚੇਨ ਯੇ ਧਮ੍ਮਾ… ਮਗ੍ਗਸਚ੍ਚੇਨ ਯੇ ਧਮ੍ਮਾ ਖਨ੍ਧਸਙ੍ਗਹੇਨ ਅਸਙ੍ਗਹਿਤਾ ਆਯਤਨਸਙ੍ਗਹੇਨ ਸਙ੍ਗਹਿਤਾ ਧਾਤੁਸਙ੍ਗਹੇਨ ਸਙ੍ਗਹਿਤਾ, ਤੇ ਧਮ੍ਮਾ ਕਤਿਹਿ ਖਨ੍ਧੇਹਿ ਕਤਿਹਾਯਤਨੇਹਿ ਕਤਿਹਿ ਧਾਤੂਹਿ ਸਙ੍ਗਹਿਤਾ? ਤੇ ਧਮ੍ਮਾ ਅਸਙ੍ਖਤਂ ਖਨ੍ਧਤੋ ਠਪੇਤ੍ਵਾ ਤੀਹਿ ਖਨ੍ਧੇਹਿ ਏਕੇਨਾਯਤਨੇਨ ਏਕਾਯ ਧਾਤੁਯਾ ਸਙ੍ਗਹਿਤਾ.

੧੮੦. ਨਿਰੋਧਸਚ੍ਚੇਨ ਯੇ ਧਮ੍ਮਾ ਖਨ੍ਧਸਙ੍ਗਹੇਨ ਅਸਙ੍ਗਹਿਤਾ ਆਯਤਨਸਙ੍ਗਹੇਨ ਸਙ੍ਗਹਿਤਾ ਧਾਤੁਸਙ੍ਗਹੇਨ ਸਙ੍ਗਹਿਤਾ…ਪੇ… ਤੇ ਧਮ੍ਮਾ ਚਤੂਹਿ ਖਨ੍ਧੇਹਿ ਏਕੇਨਾਯਤਨੇਨ ਏਕਾਯ ਧਾਤੁਯਾ ਸਙ੍ਗਹਿਤਾ.

੧੮੧. ਜੀਵਿਤਿਨ੍ਦ੍ਰਿਯੇਨ ਯੇ ਧਮ੍ਮਾ ਖਨ੍ਧਸਙ੍ਗਹੇਨ ਅਸਙ੍ਗਹਿਤਾ ਆਯਤਨਸਙ੍ਗਹੇਨ ਸਙ੍ਗਹਿਤਾ ਧਾਤੁਸਙ੍ਗਹੇਨ ਸਙ੍ਗਹਿਤਾ…ਪੇ… ਤੇ ਧਮ੍ਮਾ ਅਸਙ੍ਖਤਂ ਖਨ੍ਧਤੋ ਠਪੇਤ੍ਵਾ ਦ੍ਵੀਹਿ ਖਨ੍ਧੇਹਿ ਏਕੇਨਾਯਤਨੇਨ ਏਕਾਯ ਧਾਤੁਯਾ ਸਙ੍ਗਹਿਤਾ.

੧੮੨. ਇਤ੍ਥਿਨ੍ਦ੍ਰਿਯੇਨ ਯੇ ਧਮ੍ਮਾ… ਪੁਰਿਸਿਨ੍ਦ੍ਰਿਯੇਨ ਯੇ ਧਮ੍ਮਾ… ਸੁਖਿਨ੍ਦ੍ਰਿਯੇਨ ਯੇ ਧਮ੍ਮਾ… ਦੁਕ੍ਖਿਨ੍ਦ੍ਰਿਯੇਨ ਯੇ ਧਮ੍ਮਾ… ਸੋਮਨਸ੍ਸਿਨ੍ਦ੍ਰਿਯੇਨ ਯੇ ਧਮ੍ਮਾ… ਦੋਮਨਸ੍ਸਿਨ੍ਦ੍ਰਿਯੇਨ ਯੇ ਧਮ੍ਮਾ… ਉਪੇਕ੍ਖਿਨ੍ਦ੍ਰਿਯੇਨ ਯੇ ਧਮ੍ਮਾ… ਸਦ੍ਧਿਨ੍ਦ੍ਰਿਯੇਨ ਯੇ ਧਮ੍ਮਾ… ਵੀਰਿਯਿਨ੍ਦ੍ਰਿਯੇਨ ਯੇ ਧਮ੍ਮਾ… ਸਤਿਨ੍ਦ੍ਰਿਯੇਨ ਯੇ ਧਮ੍ਮਾ… ਸਮਾਧਿਨ੍ਦ੍ਰਿਯੇਨ ਯੇ ਧਮ੍ਮਾ… ਪਞ੍ਞਿਨ੍ਦ੍ਰਿਯੇਨ ਯੇ ਧਮ੍ਮਾ… ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯੇਨ ਯੇ ਧਮ੍ਮਾ… ਅਞ੍ਞਿਨ੍ਦ੍ਰਿਯੇਨ ਯੇ ਧਮ੍ਮਾ… ਅਞ੍ਞਾਤਾਵਿਨ੍ਦ੍ਰਿਯੇਨ ਯੇ ਧਮ੍ਮਾ… ਅਵਿਜ੍ਜਾਯ ਯੇ ਧਮ੍ਮਾ… ਅਵਿਜ੍ਜਾਪਚ੍ਚਯਾ ਸਙ੍ਖਾਰੇਨ ਯੇ ਧਮ੍ਮਾ… ਸਲ਼ਾਯਤਨਪਚ੍ਚਯਾ ਫਸ੍ਸੇਨ ਯੇ ਧਮ੍ਮਾ… ਫਸ੍ਸਪਚ੍ਚਯਾ ਵੇਦਨਾਯ ਯੇ ਧਮ੍ਮਾ… ਵੇਦਨਾਪਚ੍ਚਯਾ ਤਣ੍ਹਾਯ ਯੇ ਧਮ੍ਮਾ… ਤਣ੍ਹਾਪਚ੍ਚਯਾ ਉਪਾਦਾਨੇਨ ਯੇ ਧਮ੍ਮਾ… ਕਮ੍ਮਭਵੇਨ [ਉਪਾਦਾਨਪਚ੍ਚਯਾ ਕਮ੍ਮਭਵੇਨ (ਸ੍ਯਾ.)] ਯੇ ਧਮ੍ਮਾ ਖਨ੍ਧਸਙ੍ਗਹੇਨ ਅਸਙ੍ਗਹਿਤਾ ਆਯਤਨਸਙ੍ਗਹੇਨ ਸਙ੍ਗਹਿਤਾ ਧਾਤੁਸਙ੍ਗਹੇਨ ਸਙ੍ਗਹਿਤਾ…ਪੇ… ਤੇ ਧਮ੍ਮਾ ਅਸਙ੍ਖਤਂ ਖਨ੍ਧਤੋ ਠਪੇਤ੍ਵਾ ਤੀਹਿ ਖਨ੍ਧੇਹਿ ਏਕੇਨਾਯਤਨੇਨ ਏਕਾਯ ਧਾਤੁਯਾ ਸਙ੍ਗਹਿਤਾ.

੧੮੩. ਜਾਤਿਯਾ ਯੇ ਧਮ੍ਮਾ… ਜਰਾਯ ਯੇ ਧਮ੍ਮਾ… ਮਰਣੇਨ ਯੇ ਧਮ੍ਮਾ… ਝਾਨੇਨ ਯੇ ਧਮ੍ਮਾ ਖਨ੍ਧਸਙ੍ਗਹੇਨ ਅਸਙ੍ਗਹਿਤਾ ਆਯਤਨਸਙ੍ਗਹੇਨ ਸਙ੍ਗਹਿਤਾ ਧਾਤੁਸਙ੍ਗਹੇਨ ਸਙ੍ਗਹਿਤਾ…ਪੇ… ਤੇ ਧਮ੍ਮਾ ਅਸਙ੍ਖਤਂ ਖਨ੍ਧਤੋ ਠਪੇਤ੍ਵਾ ਦ੍ਵੀਹਿ ਖਨ੍ਧੇਹਿ ਏਕੇਨਾਯਤਨੇਨ ਏਕਾਯ ਧਾਤੁਯਾ ਸਙ੍ਗਹਿਤਾ.

੧੮੪. ਸੋਕੇਨ ਯੇ ਧਮ੍ਮਾ… ਦੁਕ੍ਖੇਨ ਯੇ ਧਮ੍ਮਾ… ਦੋਮਨਸ੍ਸੇਨ ਯੇ ਧਮ੍ਮਾ… ਉਪਾਯਾਸੇਨ ਯੇ ਧਮ੍ਮਾ… ਸਤਿਪਟ੍ਠਾਨੇਨ ਯੇ ਧਮ੍ਮਾ… ਸਮ੍ਮਪ੍ਪਧਾਨੇਨ ਯੇ ਧਮ੍ਮਾ… ਅਪ੍ਪਮਞ੍ਞਾਯ ਯੇ ਧਮ੍ਮਾ… ਪਞ੍ਚਹਿ ਇਨ੍ਦ੍ਰਿਯੇਹਿ ਯੇ ਧਮ੍ਮਾ… ਪਞ੍ਚਹਿ ਬਲੇਹਿ ਯੇ ਧਮ੍ਮਾ… ਸਤ੍ਤਹਿ ਬੋਜ੍ਝਙ੍ਗੇਹਿ ਯੇ ਧਮ੍ਮਾ… ਅਰਿਯੇਨ ਅਟ੍ਠਙ੍ਗਿਕੇਨ ਮਗ੍ਗੇਨ ਯੇ ਧਮ੍ਮਾ… ਫਸ੍ਸੇਨ ਯੇ ਧਮ੍ਮਾ… ਵੇਦਨਾਯ ਯੇ ਧਮ੍ਮਾ… ਸਞ੍ਞਾਯ ਯੇ ਧਮ੍ਮਾ… ਚੇਤਨਾਯ ਯੇ ਧਮ੍ਮਾ… ਅਧਿਮੋਕ੍ਖੇਨ ਯੇ ਧਮ੍ਮਾ… ਮਨਸਿਕਾਰੇਨ ਯੇ ਧਮ੍ਮਾ… ਹੇਤੂਹਿ ਧਮ੍ਮੇਹਿ ਯੇ ਧਮ੍ਮਾ… ਹੇਤੂਹਿ ਚੇਵ ਸਹੇਤੁਕੇਹਿ ਚ ਧਮ੍ਮੇਹਿ ਯੇ ਧਮ੍ਮਾ… ਹੇਤੂਹਿ ਚੇਵ ਹੇਤੁਸਮ੍ਪਯੁਤ੍ਤੇਹਿ ਚ ਧਮ੍ਮੇਹਿ ਯੇ ਧਮ੍ਮਾ ਖਨ੍ਧਸਙ੍ਗਹੇਨ ਅਸਙ੍ਗਹਿਤਾ ਆਯਤਨਸਙ੍ਗਹੇਨ ਸਙ੍ਗਹਿਤਾ ਧਾਤੁਸਙ੍ਗਹੇਨ ਸਙ੍ਗਹਿਤਾ…ਪੇ… ਤੇ ਧਮ੍ਮਾ ਅਸਙ੍ਖਤਂ ਖਨ੍ਧਤੋ ਠਪੇਤ੍ਵਾ ਤੀਹਿ ਖਨ੍ਧੇਹਿ ਏਕੇਨਾਯਤਨੇਨ ਏਕਾਯ ਧਾਤੁਯਾ ਸਙ੍ਗਹਿਤਾ.

੧੮੫. ਅਪ੍ਪਚ੍ਚਯੇਹਿ ਧਮ੍ਮੇਹਿ ਯੇ ਧਮ੍ਮਾ… ਅਸਙ੍ਖਤੇਹਿ ਧਮ੍ਮੇਹਿ ਯੇ ਧਮ੍ਮਾ ਖਨ੍ਧਸਙ੍ਗਹੇਨ ਅਸਙ੍ਗਹਿਤਾ ਆਯਤਨਸਙ੍ਗਹੇਨ ਸਙ੍ਗਹਿਤਾ ਧਾਤੁਸਙ੍ਗਹੇਨ ਸਙ੍ਗਹਿਤਾ…ਪੇ… ਤੇ ਧਮ੍ਮਾ ਚਤੂਹਿ ਖਨ੍ਧੇਹਿ ਏਕੇਨਾਯਤਨੇਨ ਏਕਾਯ ਧਾਤੁਯਾ ਸਙ੍ਗਹਿਤਾ.

੧੮੬. ਆਸਵੇਹਿ ਧਮ੍ਮੇਹਿ ਯੇ ਧਮ੍ਮਾ… ਆਸਵੇਹਿ ਚੇਵ ਸਾਸਵੇਹਿ ਚ ਧਮ੍ਮੇਹਿ ਯੇ ਧਮ੍ਮਾ… ਆਸਵੇਹਿ ਚੇਵ ਆਸਵਸਮ੍ਪਯੁਤ੍ਤੇਹਿ ਚ ਧਮ੍ਮੇਹਿ ਯੇ ਧਮ੍ਮਾ ਖਨ੍ਧਸਙ੍ਗਹੇਨ ਅਸਙ੍ਗਹਿਤਾ ਆਯਤਨਸਙ੍ਗਹੇਨ ਸਙ੍ਗਹਿਤਾ ਧਾਤੁਸਙ੍ਗਹੇਨ ਸਙ੍ਗਹਿਤਾ… ਤੇ ਧਮ੍ਮਾ ਅਸਙ੍ਖਤਂ ਖਨ੍ਧਤੋ ਠਪੇਤ੍ਵਾ ਤੀਹਿ ਖਨ੍ਧੇਹਿ ਏਕੇਨਾਯਤਨੇਨ ਏਕਾਯ ਧਾਤੁਯਾ ਸਙ੍ਗਹਿਤਾ.

੧੮੭. ਸਂਯੋਜਨੇਹਿ … ਗਨ੍ਥੇਹਿ… ਓਘੇਹਿ… ਯੋਗੇਹਿ… ਨੀਵਰਣੇਹਿ… ਪਰਾਮਾਸੇਹਿ ਧਮ੍ਮੇਹਿ ਯੇ ਧਮ੍ਮਾ… ਪਰਾਮਾਸੇਹਿ ਚੇਵ ਪਰਾਮਟ੍ਠੇਹਿ ਚ ਧਮ੍ਮੇਹਿ ਯੇ ਧਮ੍ਮਾ ਖਨ੍ਧਸਙ੍ਗਹੇਨ ਅਸਙ੍ਗਹਿਤਾ ਆਯਤਨਸਙ੍ਗਹੇਨ ਸਙ੍ਗਹਿਤਾ ਧਾਤੁਸਙ੍ਗਹੇਨ ਸਙ੍ਗਹਿਤਾ… ਤੇ ਧਮ੍ਮਾ ਅਸਙ੍ਖਤਂ ਖਨ੍ਧਤੋ ਠਪੇਤ੍ਵਾ ਤੀਹਿ ਖਨ੍ਧੇਹਿ ਏਕੇਨਾਯਤਨੇਨ ਏਕਾਯ ਧਾਤੁਯਾ ਸਙ੍ਗਹਿਤਾ.

੧੮੮. ਚੇਤਸਿਕੇਹਿ ਧਮ੍ਮੇਹਿ ਯੇ ਧਮ੍ਮਾ… ਚਿਤ੍ਤਸਮ੍ਪਯੁਤ੍ਤੇਹਿ ਧਮ੍ਮੇਹਿ ਯੇ ਧਮ੍ਮਾ… ਚਿਤ੍ਤਸਂਸਟ੍ਠੇਹਿ ਧਮ੍ਮੇਹਿ ਯੇ ਧਮ੍ਮਾ… ਚਿਤ੍ਤਸਂਸਟ੍ਠਸਮੁਟ੍ਠਾਨੇਹਿ ਧਮ੍ਮੇਹਿ ਯੇ ਧਮ੍ਮਾ… ਚਿਤ੍ਤਸਂਸਟ੍ਠਸਮੁਟ੍ਠਾਨਸਹਭੂਹਿ ਧਮ੍ਮੇਹਿ ਯੇ ਧਮ੍ਮਾ… ਚਿਤ੍ਤਸਂਸਟ੍ਠਸਮੁਟ੍ਠਾਨਾਨੁਪਰਿਵਤ੍ਤੀਹਿ ਧਮ੍ਮੇਹਿ ਯੇ ਧਮ੍ਮਾ ਖਨ੍ਧਸਙ੍ਗਹੇਨ ਅਸਙ੍ਗਹਿਤਾ ਆਯਤਨਸਙ੍ਗਹੇਨ ਸਙ੍ਗਹਿਤਾ ਧਾਤੁਸਙ੍ਗਹੇਨ ਸਙ੍ਗਹਿਤਾ…ਪੇ… ਤੇ ਧਮ੍ਮਾ ਅਸਙ੍ਖਤਂ ਖਨ੍ਧਤੋ ਠਪੇਤ੍ਵਾ ਏਕੇਨ ਖਨ੍ਧੇਨ ਏਕੇਨਾਯਤਨੇਨ ਏਕਾਯ ਧਾਤੁਯਾ ਸਙ੍ਗਹਿਤਾ.

੧੮੯. ਚਿਤ੍ਤਸਹਭੂਮਿ ਧਮ੍ਮੇਹਿ ਯੇ ਧਮ੍ਮਾ… ਚਿਤ੍ਤਾਨੁਪਰਿਵਤ੍ਤੀਹਿ ਧਮ੍ਮੇਹਿ ਯੇ ਧਮ੍ਮਾ ਖਨ੍ਧਸਙ੍ਗਹੇਨ ਅਸਙ੍ਗਹਿਤਾ ਆਯਤਨਸਙ੍ਗਹੇਨ ਸਙ੍ਗਹਿਤਾ ਧਾਤੁਸਙ੍ਗਹੇਨ ਸਙ੍ਗਹਿਤਾ…ਪੇ… ਤੇ ਧਮ੍ਮਾ ਨ ਕੇਹਿਚਿ ਖਨ੍ਧੇਹਿ ਏਕੇਨਾਯਤਨੇਨ ਏਕਾਯ ਧਾਤੁਯਾ ਸਙ੍ਗਹਿਤਾ.

੧੯੦. ਉਪਾਦਾਨੇਹਿ ਧਮ੍ਮੇਹਿ ਯੇ ਧਮ੍ਮਾ… ਕਿਲੇਸੇਹਿ ਧਮ੍ਮੇਹਿ ਯੇ ਧਮ੍ਮਾ… ਕਿਲੇਸੇਹਿ ਚੇਵ ਸਂਕਿਲੇਸਿਕੇਹਿ ਚ ਧਮ੍ਮੇਹਿ ਯੇ ਧਮ੍ਮਾ… ਕਿਲੇਸੇਹਿ ਚੇਵ ਸਂਕਿਲਿਟ੍ਠੇਹਿ ਚ ਧਮ੍ਮੇਹਿ ਯੇ ਧਮ੍ਮਾ… ਕਿਲੇਸੇਹਿ ਚੇਵ ਕਿਲੇਸਸਮ੍ਪਯੁਤ੍ਤੇਹਿ ਚ ਧਮ੍ਮੇਹਿ ਯੇ ਧਮ੍ਮਾ ਖਨ੍ਧਸਙ੍ਗਹੇਨ ਅਸਙ੍ਗਹਿਤਾ ਆਯਤਨਸਙ੍ਗਹੇਨ ਸਙ੍ਗਹਿਤਾ ਧਾਤੁਸਙ੍ਗਹੇਨ ਸਙ੍ਗਹਿਤਾ, ਤੇ ਧਮ੍ਮਾ ਕਤਿਹਿ ਖਨ੍ਧੇਹਿ ਕਤਿਹਾਯਤਨੇਹਿ ਕਤਿਹਿ ਧਾਤੂਹਿ ਸਙ੍ਗਹਿਤਾ? ਤੇ ਧਮ੍ਮਾ ਅਸਙ੍ਖਤਂ ਖਨ੍ਧਤੋ ਠਪੇਤ੍ਵਾ ਤੀਹਿ ਖਨ੍ਧੇਹਿ ਏਕੇਨਾਯਤਨੇਨ ਏਕਾਯ ਧਾਤੁਯਾ ਸਙ੍ਗਹਿਤਾ.

ਤਯੋ ਖਨ੍ਧਾ ਤਥਾ ਸਚ੍ਚਾ, ਇਨ੍ਦ੍ਰਿਯਾਨਿ ਚ ਸੋਲ਼ਸ;

ਪਦਾਨਿ ਪਚ੍ਚਯਾਕਾਰੇ, ਚੁਦ੍ਦਸੂਪਰਿ ਚੁਦ੍ਦਸ.

ਸਮਤਿਂਸ ਪਦਾ ਹੋਨ੍ਤਿ, ਗੋਚ੍ਛਕੇਸੁ ਦਸਸ੍ਵਥ;

ਦੁਵੇ ਚੂਲ਼ਨ੍ਤਰਦੁਕਾ [ਚੁਲ੍ਲਨ੍ਤਰਦੁਕਾ (ਸੀ.)], ਅਟ੍ਠ ਹੋਨ੍ਤਿ ਮਹਨ੍ਤਰਾਤਿ.

ਅਸਙ੍ਗਹਿਤੇਨਸਙ੍ਗਹਿਤਪਦਨਿਦ੍ਦੇਸੋ ਤਤਿਯੋ.