੪. ਚਤੁਤ੍ਥਨਯੋ

੪. ਸਙ੍ਗਹਿਤੇਨਸਙ੍ਗਹਿਤਪਦਨਿਦ੍ਦੇਸੋ

੧੯੧. ਸਮੁਦਯਸਚ੍ਚੇਨ ਯੇ ਧਮ੍ਮਾ… ਮਗ੍ਗਸਚ੍ਚੇਨ ਯੇ ਧਮ੍ਮਾ ਖਨ੍ਧਸਙ੍ਗਹੇਨ ਸਙ੍ਗਹਿਤਾ ਆਯਤਨਸਙ੍ਗਹੇਨ ਸਙ੍ਗਹਿਤਾ ਧਾਤੁਸਙ੍ਗਹੇਨ ਸਙ੍ਗਹਿਤਾ, ਤੇਹਿ ਧਮ੍ਮੇਹਿ ਯੇ ਧਮ੍ਮਾ ਖਨ੍ਧਸਙ੍ਗਹੇਨ ਸਙ੍ਗਹਿਤਾ ਆਯਤਨਸਙ੍ਗਹੇਨ ਸਙ੍ਗਹਿਤਾ ਧਾਤੁਸਙ੍ਗਹੇਨ ਸਙ੍ਗਹਿਤਾ, ਤੇ ਧਮ੍ਮਾ ਕਤਿਹਿ ਖਨ੍ਧੇਹਿ ਕਤਿਹਾਯਤਨੇਹਿ ਕਤਿਹਿ ਧਾਤੂਹਿ ਸਙ੍ਗਹਿਤਾ? ਤੇ ਧਮ੍ਮਾ ਏਕੇਨ ਖਨ੍ਧੇਨ ਏਕੇਨਾਯਤਨੇਨ ਏਕਾਯ ਧਾਤੁਯਾ ਸਙ੍ਗਹਿਤਾ.

੧੯੨. ਇਤ੍ਥਿਨ੍ਦ੍ਰਿਯੇਨ ਯੇ ਧਮ੍ਮਾ… ਪੁਰਿਸਿਨ੍ਦ੍ਰਿਯੇਨ ਯੇ ਧਮ੍ਮਾ… ਸੁਖਿਨ੍ਦ੍ਰਿਯੇਨ ਯੇ ਧਮ੍ਮਾ… ਦੁਕ੍ਖਿਨ੍ਦ੍ਰਿਯੇਨ ਯੇ ਧਮ੍ਮਾ… ਸੋਮਨਸ੍ਸਿਨ੍ਦ੍ਰਿਯੇਨ ਯੇ ਧਮ੍ਮਾ… ਦੋਮਨਸ੍ਸਿਨ੍ਦ੍ਰਿਯੇਨ ਯੇ ਧਮ੍ਮਾ… ਉਪੇਕ੍ਖਿਨ੍ਦ੍ਰਿਯੇਨ ਯੇ ਧਮ੍ਮਾ… ਸਦ੍ਧਿਨ੍ਦ੍ਰਿਯੇਨ ਯੇ ਧਮ੍ਮਾ… ਵੀਰਿਯਿਨ੍ਦ੍ਰਿਯੇਨ ਯੇ ਧਮ੍ਮਾ… ਸਤਿਨ੍ਦ੍ਰਿਯੇਨ ਯੇ ਧਮ੍ਮਾ… ਸਮਾਧਿਨ੍ਦ੍ਰਿਯੇਨ ਯੇ ਧਮ੍ਮਾ… ਪਞ੍ਞਿਨ੍ਦ੍ਰਿਯੇਨ ਯੇ ਧਮ੍ਮਾ… ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯੇਨ ਯੇ ਧਮ੍ਮਾ… ਅਞ੍ਞਿਨ੍ਦ੍ਰਿਯੇਨ ਯੇ ਧਮ੍ਮਾ… ਅਞ੍ਞਾਤਾਵਿਨ੍ਦ੍ਰਿਯੇਨ ਯੇ ਧਮ੍ਮਾ….

ਅਵਿਜ੍ਜਾਯ ਯੇ ਧਮ੍ਮਾ… ਅਵਿਜ੍ਜਾਪਚ੍ਚਯਾ ਸਙ੍ਖਾਰੇਨ ਯੇ ਧਮ੍ਮਾ… ਸਲ਼ਾਯਤਨਪਚ੍ਚਯਾ ਫਸ੍ਸੇਨ ਯੇ ਧਮ੍ਮਾ… ਵੇਦਨਾਪਚ੍ਚਯਾ ਤਣ੍ਹਾਯ ਯੇ ਧਮ੍ਮਾ… ਤਣ੍ਹਾਪਚ੍ਚਯਾ ਉਪਾਦਾਨੇਨ ਯੇ ਧਮ੍ਮਾ… ਕਮ੍ਮਭਵੇਨ ਯੇ ਧਮ੍ਮਾ… ਸੋਕੇਨ ਯੇ ਧਮ੍ਮਾ… ਪਰਿਦੇਵੇਨ ਯੇ ਧਮ੍ਮਾ… ਦੁਕ੍ਖੇਨ ਯੇ ਧਮ੍ਮਾ… ਦੋਮਨਸ੍ਸੇਨ ਯੇ ਧਮ੍ਮਾ… ਉਪਾਯਾਸੇਨ ਯੇ ਧਮ੍ਮਾ….

ਸਤਿਪਟ੍ਠਾਨੇਨ ਯੇ ਧਮ੍ਮਾ… ਸਮ੍ਮਪ੍ਪਧਾਨੇਨ ਯੇ ਧਮ੍ਮਾ… ਅਪ੍ਪਮਞ੍ਞਾਯ ਯੇ ਧਮ੍ਮਾ… ਪਞ੍ਚਹਿ ਇਨ੍ਦ੍ਰਿਯੇਹਿ ਯੇ ਧਮ੍ਮਾ… ਪਞ੍ਚਹਿ ਬਲੇਹਿ ਯੇ ਧਮ੍ਮਾ… ਸਤ੍ਤਹਿ ਬੋਜ੍ਝਙ੍ਗੇਹਿ ਯੇ ਧਮ੍ਮਾ… ਅਰਿਯੇਨ ਅਟ੍ਠਙ੍ਗਿਕੇਨ ਮਗ੍ਗੇਨ ਯੇ ਧਮ੍ਮਾ… ਫਸ੍ਸੇਨ ਯੇ ਧਮ੍ਮਾ… ਚੇਤਨਾਯ ਯੇ ਧਮ੍ਮਾ… ਅਧਿਮੋਕ੍ਖੇਨ ਯੇ ਧਮ੍ਮਾ… ਮਨਸਿਕਾਰੇਨ ਯੇ ਧਮ੍ਮਾ ….

ਹੇਤੂਹਿ ਧਮ੍ਮੇਹਿ ਯੇ ਧਮ੍ਮਾ… ਹੇਤੂਹਿ ਚੇਵ ਸਹੇਤੁਕੇਹਿ ਚ ਧਮ੍ਮੇਹਿ ਯੇ ਧਮ੍ਮਾ… ਹੇਤੂਹਿ ਚੇਵ ਹੇਤੁਸਮ੍ਪਯੁਤ੍ਤੇਹਿ ਚ ਧਮ੍ਮੇਹਿ ਯੇ ਧਮ੍ਮਾ… ਆਸਵੇਹਿ… ਸਂਯੋਜਨੇਹਿ… ਗਨ੍ਥੇਹਿ… ਓਘੇਹਿ… ਯੋਗੇਹਿ… ਨੀਵਰਣੇਹਿ… ਪਰਾਮਾਸੇਹਿ… ਉਪਾਦਾਨੇਹਿ… ਕਿਲੇਸੇਹਿ ਧਮ੍ਮੇਹਿ ਯੇ ਧਮ੍ਮਾ… ਕਿਲੇਸੇਹਿ ਚੇਵ ਸਂਕਿਲੇਸਿਕੇਹਿ ਚ ਧਮ੍ਮੇਹਿ ਯੇ ਧਮ੍ਮਾ… ਕਿਲੇਸੇਹਿ ਚੇਵ ਸਂਕਿਲਿਟ੍ਠੇਹਿ ਚ ਧਮ੍ਮੇਹਿ ਯੇ ਧਮ੍ਮਾ… ਕਿਲੇਸੇਹਿ ਚੇਵ ਕਿਲੇਸਸਮ੍ਪਯੁਤ੍ਤੇਹਿ ਚ ਧਮ੍ਮੇਹਿ ਯੇ ਧਮ੍ਮਾ ਖਨ੍ਧਸਙ੍ਗਹੇਨ ਸਙ੍ਗਹਿਤਾ ਆਯਤਨਸਙ੍ਗਹੇਨ ਸਙ੍ਗਹਿਤਾ ਧਾਤੁਸਙ੍ਗਹੇਨ ਸਙ੍ਗਹਿਤਾ, ਤੇਹਿ ਧਮ੍ਮੇਹਿ ਯੇ ਧਮ੍ਮਾ ਖਨ੍ਧਸਙ੍ਗਹੇਨ ਸਙ੍ਗਹਿਤਾ ਆਯਤਨਸਙ੍ਗਹੇਨ ਸਙ੍ਗਹਿਤਾ ਧਾਤੁਸਙ੍ਗਹੇਨ ਸਙ੍ਗਹਿਤਾ, ਤੇ ਧਮ੍ਮਾ ਕਤਿਹਿ ਖਨ੍ਧੇਹਿ ਕਤਿਹਾਯਤਨੇਹਿ ਕਤਿਹਿ ਧਾਤੂਹਿ ਸਙ੍ਗਹਿਤਾ? ਤੇ ਧਮ੍ਮਾ ਏਕੇਨ ਖਨ੍ਧੇਨ ਏਕੇਨਾਯਤਨੇਨ ਏਕਾਯ ਧਾਤੁਯਾ ਸਙ੍ਗਹਿਤਾ.

ਦ੍ਵੇ ਸਚ੍ਚਾ ਪਨ੍ਨਰਸਿਨ੍ਦ੍ਰਿਯਾ, ਏਕਾਦਸ ਪਟਿਚ੍ਚਪਦਾ;

ਉਦ੍ਧਂ ਪੁਨ ਏਕਾਦਸ, ਗੋਚ੍ਛਕਪਦਮੇਤ੍ਥ ਤਿਂਸਵਿਧਾਤਿ [ਤਿਂਸਵਿਧਨ੍ਤਿ (ਪੀ.)].

ਸਙ੍ਗਹਿਤੇਨਸਙ੍ਗਹਿਤਪਦਨਿਦ੍ਦੇਸੋ ਚਤੁਤ੍ਥੋ.