੧. ਖਨ੍ਧਾਦਿ

੪੫੬. ਰੂਪਕ੍ਖਨ੍ਧੇਨ ਯੇ ਧਮ੍ਮਾ ਵਿਪ੍ਪਯੁਤ੍ਤਾ, ਤੇ ਧਮ੍ਮਾ ਕਤਿਹਿ ਖਨ੍ਧੇਹਿ ਕਤਿਹਾਯਤਨੇਹਿ ਕਤਿਹਿ ਧਾਤੂਹਿ ਸਙ੍ਗਹਿਤਾ? ਤੇ ਧਮ੍ਮਾ ਚਤੂਹਿ ਖਨ੍ਧੇਹਿ ਦ੍ਵੀਹਾਯਤਨੇਹਿ ਅਟ੍ਠਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਏਕੇਨ ਖਨ੍ਧੇਨ ਦਸਹਾਯਤਨੇਹਿ ਦਸਹਿ ਧਾਤੂਹਿ ਅਸਙ੍ਗਹਿਤਾ.

੪੫੭. ਵੇਦਨਾਕ੍ਖਨ੍ਧੇਨ ਯੇ ਧਮ੍ਮਾ… ਸਞ੍ਞਾਕ੍ਖਨ੍ਧੇਨ ਯੇ ਧਮ੍ਮਾ… ਸਙ੍ਖਾਰਕ੍ਖਨ੍ਧੇਨ ਯੇ ਧਮ੍ਮਾ… ਵਿਞ੍ਞਾਣਕ੍ਖਨ੍ਧੇਨ ਯੇ ਧਮ੍ਮਾ… ਮਨਾਯਤਨੇਨ ਯੇ ਧਮ੍ਮਾ… ਮਨਿਨ੍ਦ੍ਰਿਯੇਨ ਯੇ ਧਮ੍ਮਾ ਵਿਪ੍ਪਯੁਤ੍ਤਾ, ਤੇ ਧਮ੍ਮਾ ਕਤਿਹਿ ਖਨ੍ਧੇਹਿ ਕਤਿਹਾਯਤਨੇਹਿ ਕਤਿਹਿ ਧਾਤੂਹਿ ਸਙ੍ਗਹਿਤਾ? ਤੇ ਧਮ੍ਮਾ ਅਸਙ੍ਖਤਂ ਖਨ੍ਧਤੋ ਠਪੇਤ੍ਵਾ ਏਕੇਨ ਖਨ੍ਧੇਨ ਏਕਾਦਸਹਾਯਤਨੇਹਿ ਏਕਾਦਸਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਚਤੂਹਿ ਖਨ੍ਧੇਹਿ ਏਕੇਨਾਯਤਨੇਨ ਸਤ੍ਤਹਿ ਧਾਤੂਹਿ ਅਸਙ੍ਗਹਿਤਾ.

੪੫੮. ਚਕ੍ਖਾਯਤਨੇਨ ਯੇ ਧਮ੍ਮਾ…ਪੇ… ਫੋਟ੍ਠਬ੍ਬਾਯਤਨੇਨ ਯੇ ਧਮ੍ਮਾ… ਚਕ੍ਖੁਧਾਤੁਯਾ ਯੇ ਧਮ੍ਮਾ…ਪੇ… ਫੋਟ੍ਠਬ੍ਬਧਾਤੁਯਾ ਯੇ ਧਮ੍ਮਾ ਵਿਪ੍ਪਯੁਤ੍ਤਾ…ਪੇ… ਤੇ ਧਮ੍ਮਾ ਚਤੂਹਿ ਖਨ੍ਧੇਹਿ ਦ੍ਵੀਹਾਯਤਨੇਹਿ ਅਟ੍ਠਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਏਕੇਨ ਖਨ੍ਧੇਨ ਦਸਹਾਯਤਨੇਹਿ ਦਸਹਿ ਧਾਤੂਹਿ ਅਸਙ੍ਗਹਿਤਾ.

੪੫੯. ਚਕ੍ਖੁਵਿਞ੍ਞਾਣਧਾਤੁਯਾ ਯੇ ਧਮ੍ਮਾ… ਸੋਤਵਿਞ੍ਞਾਣਧਾਤੁਯਾ ਯੇ ਧਮ੍ਮਾ… ਘਾਨਵਿਞ੍ਞਾਣਧਾਤੁਯਾ ਯੇ ਧਮ੍ਮਾ… ਜਿਵ੍ਹਾਵਿਞ੍ਞਾਣਧਾਤੁਯਾ ਯੇ ਧਮ੍ਮਾ… ਕਾਯਵਿਞ੍ਞਾਣਧਾਤੁਯਾ ਯੇ ਧਮ੍ਮਾ… ਮਨੋਧਾਤੁਯਾ ਯੇ ਧਮ੍ਮਾ… ਮਨੋਵਿਞ੍ਞਾਣਧਾਤੁਯਾ ਯੇ ਧਮ੍ਮਾ ਵਿਪ੍ਪਯੁਤ੍ਤਾ… ਤੇ ਧਮ੍ਮਾ ਅਸਙ੍ਖਤਂ ਖਨ੍ਧਤੋ ਠਪੇਤ੍ਵਾ ਪਞ੍ਚਹਿ ਖਨ੍ਧੇਹਿ ਦ੍ਵਾਦਸਹਾਯਤਨੇਹਿ ਸਤ੍ਤਰਸਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਨ ਕੇਹਿਚਿ ਖਨ੍ਧੇਹਿ ਨ ਕੇਹਿਚਿ ਆਯਤਨੇਹਿ, ਏਕਾਯ ਧਾਤੁਯਾ ਅਸਙ੍ਗਹਿਤਾ.