੨. ਸਚ੍ਚਾਦਿ

੪੬੦. ਦੁਕ੍ਖਸਚ੍ਚੇਨ ਯੇ ਧਮ੍ਮਾ ਵਿਪ੍ਪਯੁਤ੍ਤਾ… ਤੇ ਧਮ੍ਮਾ ਚਤੂਹਿ ਖਨ੍ਧੇਹਿ ਦ੍ਵੀਹਾਯਤਨੇਹਿ ਦ੍ਵੀਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਏਕੇਨ ਖਨ੍ਧੇਨ ਦਸਹਾਯਤਨੇਹਿ ਸੋਲ਼ਸਹਿ ਧਾਤੂਹਿ ਅਸਙ੍ਗਹਿਤਾ.

੪੬੧. ਸਮੁਦਯਸਚ੍ਚੇਨ ਯੇ ਧਮ੍ਮਾ… ਮਗ੍ਗਸਚ੍ਚੇਨ ਯੇ ਧਮ੍ਮਾ ਵਿਪ੍ਪਯੁਤ੍ਤਾ… ਤੇ ਧਮ੍ਮਾ ਅਸਙ੍ਖਤਂ ਖਨ੍ਧਤੋ ਠਪੇਤ੍ਵਾ ਪਞ੍ਚਹਿ ਖਨ੍ਧੇਹਿ ਦ੍ਵਾਦਸਹਾਯਤਨੇਹਿ ਅਟ੍ਠਾਰਸਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਨ ਕੇਹਿਚਿ ਖਨ੍ਧੇਹਿ ਨ ਕੇਹਿਚਿ ਆਯਤਨੇਹਿ ਨ ਕਾਹਿਚਿ ਧਾਤੂਹਿ ਅਸਙ੍ਗਹਿਤਾ.

੪੬੨. ਨਿਰੋਧਸਚ੍ਚੇਨ ਯੇ ਧਮ੍ਮਾ… ਚਕ੍ਖੁਨ੍ਦ੍ਰਿਯੇਨ ਯੇ ਧਮ੍ਮਾ … ਕਾਯਿਨ੍ਦ੍ਰਿਯੇਨ ਯੇ ਧਮ੍ਮਾ… ਇਤ੍ਥਿਨ੍ਦ੍ਰਿਯੇਨ ਯੇ ਧਮ੍ਮਾ… ਪੁਰਿਸਿਨ੍ਦ੍ਰਿਯੇਨ ਯੇ ਧਮ੍ਮਾ ਵਿਪ੍ਪਯੁਤ੍ਤਾ… ਤੇ ਧਮ੍ਮਾ ਚਤੂਹਿ ਖਨ੍ਧੇਹਿ ਦ੍ਵੀਹਾਯਤਨੇਹਿ ਅਟ੍ਠਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਏਕੇਨ ਖਨ੍ਧੇਨ ਦਸਹਾਯਤਨੇਹਿ ਦਸਹਿ ਧਾਤੂਹਿ ਅਸਙ੍ਗਹਿਤਾ.

੪੬੩. ਸੁਖਿਨ੍ਦ੍ਰਿਯੇਨ ਯੇ ਧਮ੍ਮਾ… ਦੁਕ੍ਖਿਨ੍ਦ੍ਰਿਯੇਨ ਯੇ ਧਮ੍ਮਾ… ਸੋਮਨਸ੍ਸਿਨ੍ਦ੍ਰਿਯੇਨ ਯੇ ਧਮ੍ਮਾ… ਦੋਮਨਸ੍ਸਿਨ੍ਦ੍ਰਿਯੇਨ ਯੇ ਧਮ੍ਮਾ ਵਿਪ੍ਪਯੁਤ੍ਤਾ… ਤੇ ਧਮ੍ਮਾ ਅਸਙ੍ਖਤਂ ਖਨ੍ਧਤੋ ਠਪੇਤ੍ਵਾ ਪਞ੍ਚਹਿ ਖਨ੍ਧੇਹਿ ਦ੍ਵਾਦਸਹਾਯਤਨੇਹਿ ਅਟ੍ਠਾਰਸਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਨ ਕੇਹਿਚਿ ਖਨ੍ਧੇਹਿ ਨ ਕੇਹਿਚਿ ਆਯਤਨੇਹਿ ਨ ਕਾਹਿਚਿ ਧਾਤੂਹਿ ਅਸਙ੍ਗਹਿਤਾ.

੪੬੪. ਉਪੇਕ੍ਖਿਨ੍ਦ੍ਰਿਯੇਨ ਯੇ ਧਮ੍ਮਾ ਵਿਪ੍ਪਯੁਤ੍ਤਾ… ਤੇ ਧਮ੍ਮਾ ਅਸਙ੍ਖਤਂ ਖਨ੍ਧਤੋ ਠਪੇਤ੍ਵਾ ਪਞ੍ਚਹਿ ਖਨ੍ਧੇਹਿ ਦ੍ਵਾਦਸਹਾਯਤਨੇਹਿ ਤੇਰਸਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਨ ਕੇਹਿਚਿ ਖਨ੍ਧੇਹਿ ਨ ਕੇਹਿਚਿ ਆਯਤਨੇਹਿ ਪਞ੍ਚਹਿ ਧਾਤੂਹਿ ਅਸਙ੍ਗਹਿਤਾ.

੪੬੫. ਸਦ੍ਧਿਨ੍ਦ੍ਰਿਯੇਨ ਯੇ ਧਮ੍ਮਾ… ਵੀਰਿਯਿਨ੍ਦ੍ਰਿਯੇਨ ਯੇ ਧਮ੍ਮਾ… ਸਤਿਨ੍ਦ੍ਰਿਯੇਨ ਯੇ ਧਮ੍ਮਾ… ਸਮਾਧਿਨ੍ਦ੍ਰਿਯੇਨ ਯੇ ਧਮ੍ਮਾ… ਪਞ੍ਞਿਨ੍ਦ੍ਰਿਯੇਨ ਯੇ ਧਮ੍ਮਾ… ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯੇਨ ਯੇ ਧਮ੍ਮਾ… ਅਞ੍ਞਿਨ੍ਦ੍ਰਿਯੇਨ ਯੇ ਧਮ੍ਮਾ… ਅਞ੍ਞਾਤਾਵਿਨ੍ਦ੍ਰਿਯੇਨ ਯੇ ਧਮ੍ਮਾ… ਅਵਿਜ੍ਜਾਯ ਯੇ ਧਮ੍ਮਾ… ਅਵਿਜ੍ਜਾਪਚ੍ਚਯਾ ਸਙ੍ਖਾਰੇਹਿ ਯੇ ਧਮ੍ਮਾ ਵਿਪ੍ਪਯੁਤ੍ਤਾ… ਤੇ ਧਮ੍ਮਾ ਅਸਙ੍ਖਤਂ ਖਨ੍ਧਤੋ ਠਪੇਤ੍ਵਾ ਪਞ੍ਚਹਿ ਖਨ੍ਧੇਹਿ ਦ੍ਵਾਦਸਹਾਯਤਨੇਹਿ ਅਟ੍ਠਾਰਸਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਨ ਕੇਹਿਚਿ ਖਨ੍ਧੇਹਿ ਨ ਕੇਹਿਚਿ ਆਯਤਨੇਹਿ ਨ ਕਾਹਿਚਿ ਧਾਤੂਹਿ ਅਸਙ੍ਗਹਿਤਾ.

੪੬੬. ਸਙ੍ਖਾਰਪਚ੍ਚਯਾ ਵਿਞ੍ਞਾਣੇਨ ਯੇ ਧਮ੍ਮਾ… ਸਲ਼ਾਯਤਨਪਚ੍ਚਯਾ ਫਸ੍ਸੇਨ ਯੇ ਧਮ੍ਮਾ… ਫਸ੍ਸਪਚ੍ਚਯਾ ਵੇਦਨਾਯ ਯੇ ਧਮ੍ਮਾ ਵਿਪ੍ਪਯੁਤ੍ਤਾ… ਤੇ ਧਮ੍ਮਾ ਅਸਙ੍ਖਤਂ ਖਨ੍ਧਤੋ ਠਪੇਤ੍ਵਾ ਏਕੇਨ ਖਨ੍ਧੇਨ ਏਕਾਦਸਹਾਯਤਨੇਹਿ ਏਕਾਦਸਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਚਤੂਹਿ ਖਨ੍ਧੇਹਿ ਏਕੇਨਾਯਤਨੇਨ ਸਤ੍ਤਹਿ ਧਾਤੂਹਿ ਅਸਙ੍ਗਹਿਤਾ.

੪੬੭. ਵੇਦਨਾਪਚ੍ਚਯਾ ਤਣ੍ਹਾਯ ਯੇ ਧਮ੍ਮਾ… ਤਣ੍ਹਾਪਚ੍ਚਯਾ ਉਪਾਦਾਨੇਨ ਯੇ ਧਮ੍ਮਾ… ਕਮ੍ਮਭਵੇਨ ਯੇ ਧਮ੍ਮਾ ਵਿਪ੍ਪਯੁਤ੍ਤਾ… ਤੇ ਧਮ੍ਮਾ ਅਸਙ੍ਖਤਂ ਖਨ੍ਧਤੋ ਠਪੇਤ੍ਵਾ ਪਞ੍ਚਹਿ ਖਨ੍ਧੇਹਿ ਦ੍ਵਾਦਸਹਾਯਤਨੇਹਿ ਅਟ੍ਠਾਰਸਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਨ ਕੇਹਿਚਿ ਖਨ੍ਧੇਹਿ ਨ ਕੇਹਿਚਿ ਆਯਤਨੇਹਿ ਨ ਕਾਹਿਚਿ ਧਾਤੂਹਿ ਅਸਙ੍ਗਹਿਤਾ.

੪੬੮. ਉਪਪਤ੍ਤਿਭਵੇਨ ਯੇ ਧਮ੍ਮਾ… ਸਞ੍ਞਾਭਵੇਨ ਯੇ ਧਮ੍ਮਾ… ਪਞ੍ਚਵੋਕਾਰਭਵੇਨ ਯੇ ਧਮ੍ਮਾ ਵਿਪ੍ਪਯੁਤ੍ਤਾ… ਤੇ ਧਮ੍ਮਾ ਚਤੂਹਿ ਖਨ੍ਧੇਹਿ ਦ੍ਵੀਹਾਯਤਨੇਹਿ ਤੀਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਏਕੇਨ ਖਨ੍ਧੇਨ ਦਸਹਾਯਤਨੇਹਿ ਪਨ੍ਨਰਸਹਿ ਧਾਤੂਹਿ ਅਸਙ੍ਗਹਿਤਾ.

੪੬੯. ਕਾਮਭਵੇਨ ਯੇ ਧਮ੍ਮਾ ਵਿਪ੍ਪਯੁਤ੍ਤਾ… ਤੇ ਧਮ੍ਮਾ ਚਤੂਹਿ ਖਨ੍ਧੇਹਿ ਦ੍ਵੀਹਾਯਤਨੇਹਿ ਪਞ੍ਚਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਏਕੇਨ ਖਨ੍ਧੇਨ ਦਸਹਾਯਤਨੇਹਿ ਤੇਰਸਹਿ ਧਾਤੂਹਿ ਅਸਙ੍ਗਹਿਤਾ.

੪੭੦. ਰੂਪਭਵੇਨ ਯੇ ਧਮ੍ਮਾ… ਅਸਞ੍ਞਾਭਵੇਨ ਯੇ ਧਮ੍ਮਾ… ਏਕਵੋਕਾਰਭਵੇਨ ਯੇ ਧਮ੍ਮਾ… ਪਰਿਦੇਵੇਨ ਯੇ ਧਮ੍ਮਾ ਵਿਪ੍ਪਯੁਤ੍ਤਾ… ਤੇ ਧਮ੍ਮਾ ਚਤੂਹਿ ਖਨ੍ਧੇਹਿ ਦ੍ਵੀਹਾਯਤਨੇਹਿ ਅਟ੍ਠਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਏਕੇਨ ਖਨ੍ਧੇਨ ਦਸਹਾਯਤਨੇਹਿ ਦਸਹਿ ਧਾਤੂਹਿ ਅਸਙ੍ਗਹਿਤਾ.

੪੭੧. ਅਰੂਪਭਵੇਨ ਯੇ ਧਮ੍ਮਾ… ਨੇਵਸਞ੍ਞਾਨਾਸਞ੍ਞਾਭਵੇਨ ਯੇ ਧਮ੍ਮਾ… ਚਤੁਵੋਕਾਰਭਵੇਨ ਯੇ ਧਮ੍ਮਾ… ਸੋਕੇਨ ਯੇ ਧਮ੍ਮਾ… ਦੁਕ੍ਖੇਨ ਯੇ ਧਮ੍ਮਾ… ਦੋਮਨਸ੍ਸੇਨ ਯੇ ਧਮ੍ਮਾ… ਉਪਾਯਾਸੇਨ ਯੇ ਧਮ੍ਮਾ… ਸਤਿਪਟ੍ਠਾਨੇਨ ਯੇ ਧਮ੍ਮਾ… ਸਮ੍ਮਪ੍ਪਧਾਨੇਨ ਯੇ ਧਮ੍ਮਾ… ਇਦ੍ਧਿਪਾਦੇਨ ਯੇ ਧਮ੍ਮਾ… ਝਾਨੇਨ ਯੇ ਧਮ੍ਮਾ… ਅਪ੍ਪਮਞ੍ਞਾਯ ਯੇ ਧਮ੍ਮਾ… ਪਞ੍ਚਹਿ ਇਨ੍ਦ੍ਰਿਯੇਹਿ ਯੇ ਧਮ੍ਮਾ… ਪਞ੍ਚਹਿ ਬਲੇਹਿ ਯੇ ਧਮ੍ਮਾ … ਸਤ੍ਤਹਿ ਬੋਜ੍ਝਙ੍ਗੇਹਿ ਯੇ ਧਮ੍ਮਾ… ਅਰਿਯੇਨ ਅਟ੍ਠਙ੍ਗਿਕੇਨ ਮਗ੍ਗੇਨ ਯੇ ਧਮ੍ਮਾ ਵਿਪ੍ਪਯੁਤ੍ਤਾ… ਤੇ ਧਮ੍ਮਾ ਅਸਙ੍ਖਤਂ ਖਨ੍ਧਤੋ ਠਪੇਤ੍ਵਾ ਪਞ੍ਚਹਿ ਖਨ੍ਧੇਹਿ ਦ੍ਵਾਦਸਹਾਯਤਨੇਹਿ ਅਟ੍ਠਾਰਸਹਿ ਧਾਤੂਹਿ ਸਙ੍ਗਹਿਤਾ. ਕਤਿਹਿ ਅਸਙ੍ਗਹਿਤਾ? ਨ ਕੇਹਿਚਿ ਖਨ੍ਧੇਹਿ ਨ ਕੇਹਿਚਿ ਆਯਤਨੇਹਿ ਨ ਕਾਹਿਚਿ ਧਾਤੂਹਿ ਅਸਙ੍ਗਹਿਤਾ.