੩. ਤਤਿਯਪਾਟਿਦੇਸਨੀ ਸਿਕ੍ਖਾਪੁਚ੍ਛਾ

ਪੁਚ੍ਛਾ – ਸੇਕ੍ਖਸਮ੍ਮਤੇਸੁ ਆਵੁਸੋ ਕੁਲੇਸੁ ਖਾਦਨੀਯਂ ਵਾ ਭੋਜਨੀਯਂ ਵਾ ਸਹਤ੍ਥਾ ਪਟਿਗ੍ਗਹੇਤ੍ਵਾ ਭੁਞ੍ਜਨ੍ਤਸ੍ਸ ਪਾਟਿਦੇਸਨੀਯਂ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਪਞ੍ਞਤ੍ਤਂ, ਸਮ੍ਬਹੁਲਾ ਭਨ੍ਤੇ ਭਿਕ੍ਖੂ ਨਮਤ੍ਤਂ ਜਾਨਿਤ੍ਵਾ ਪਟਿਗ੍ਗਹੇਸੁਂ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.

ਸੇਖਿਯਕਣ੍ਡ

ਪੁਚ੍ਛਾ – ਅਨਾਦਰਿਯਂ ਆਵੁਸੋ ਪਟਿਚ੍ਚ ਪੁਰਤੋ ਵਾ ਪਚ੍ਛਤੋ ਵਾ ਓਲਮ੍ਬੇਨ੍ਤੇਨ ਨਿਵਾਸੇਨ੍ਤਸ੍ਸਚ ਪਾਰੁਪਨ੍ਤਸ੍ਸਚ ਦੁਕ੍ਕਟਂ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਪਞ੍ਞਤ੍ਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਛਬ੍ਬਗ੍ਗਿਯੇ ਭਿਕ੍ਖੂ ਆਰਬ੍ਭ ਪਞ੍ਞਤ੍ਤਂ, ਛਬ੍ਬਗ੍ਗਿਯਾ ਭਨ੍ਤੇ ਭਿਕ੍ਖੂ ਪੁਰਤੋ ਚ ਪਚ੍ਛਤੋ ਚ ਓਲਮ੍ਬਨ੍ਤਾ ਨਿਵਾਸੇਸੁਂਚੇਵ ਪਾਰੁਪਿਂਸੁਚ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.

ਪੁਚ੍ਛਾ – ਅਨਾਦਰਿਯਂ ਆਵੁਸੋ ਪਟਿਚ੍ਚ ਕਾਯਂ ਵਿਵਰਿਤ੍ਵਾ ਅਨ੍ਤਰਘਰੇ ਗਚ੍ਛਨ੍ਤਸ੍ਸ ਚ ਨਿਸੀਦਨ੍ਤਸ੍ਸ ਚ ਦੁਕ੍ਕਟਂ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਛਬ੍ਬਗ੍ਗੀਯੇ ਭਿਕ੍ਖੂ ਆਰਬ੍ਭ ਪਞ੍ਞਤ੍ਤਂ, ਛਬ੍ਬਗ੍ਗਿਯਾ ਭਨ੍ਤੇ ਭਿਕ੍ਖੂ ਕਾਯਂ ਵਿਵਰਿਤ੍ਵਾ ਅਨ੍ਤਰਘਰੇ ਗਚ੍ਛਿਂਸੁ ਚੇਵ ਨਿਸੀਦਿਂਸੁਚ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.

ਪੁਚ੍ਛਾ – ਅਨਾਦਰਿਯਂ ਆਵੁਸੋ ਪਟਿਚ੍ਚ ਹਤ੍ਥਂ ਵਾ ਪਾਦਂ ਵਾ ਕੀਲ਼ਾਪੇਨ੍ਤੇਨ ਅਨ੍ਤਰਘਰੇ ਗਚ੍ਛਨ੍ਤਸ੍ਸ ਚ ਨਿਸੀਦਨ੍ਤਸ੍ਸ ਚ, ਤਹਂ ਤਹਂ ਓਲੋਕੇਨ੍ਤੇਨ ਅਨ੍ਤਰਘਰੇ ਗਚ੍ਛਨ੍ਤਸ੍ਸ ਚ ਨਿਸੀਦਨ੍ਤਸ੍ਸ ਚ, ਉਕ੍ਖਿਤ੍ਤਕਾਯ ਅਨ੍ਤਰਘਰੇ ਗਚ੍ਛਨ੍ਤਸ੍ਸ ਚ ਨਿਸੀਦਨ੍ਤਸ੍ਸ ਚ ਦੁਕ੍ਕਟਂ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਛਬ੍ਬਗ੍ਗਿਯੇ ਭਿਕ੍ਖੂ ਆਰਬ੍ਭ ਪਞ੍ਞਤ੍ਤਂ, ਛਬ੍ਬਗ੍ਗਿਯਾ ਭਨ੍ਤੇ ਭਿਕ੍ਖੂ ਹਤ੍ਥਮ੍ਪਿ ਪਾਦਮ੍ਪਿ ਕੀਲ਼ਾਪੇਨ੍ਤਾ ਤਹਂ ਤਹਂਪਿ ਓਲੋਕੇਨ੍ਤਾ ਅਨ੍ਤਰਘਰੇ ਗਚ੍ਛਿਂਸੁਚੇਵ ਨਿਸੀਦਿਂਸੁ ਚ, ਤੇਯੇਵ ਭਨ੍ਤੇ ਛਬ੍ਬਗ੍ਗਿਯਾ ਭਿਕ੍ਖੂ ਉਕ੍ਖਿਤ੍ਤਕਾਯ ਅਨ੍ਤਰਘਰੇ ਗਚ੍ਛਿਂਸੁਚੇਵ ਨਿਸੀਦਿਂਸੁਚ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.

ਪੁਚ੍ਛਾ – ਅਨਾਦਰਿਯਂ ਆਵੁਸੋ ਪਟਿਚ੍ਚ ਉਜ੍ਜਗ੍ਘਿਕਾਯ ਵਾ ਉਚ੍ਚਾਸਦ੍ਦਂ ਮਹਾਸਦ੍ਦਂ ਕਰੋਨ੍ਤੇਨ ਵਾ ਅਨ੍ਤਰਘਰੇ ਗਚ੍ਛਨ੍ਤਸ੍ਸਚ ਨਿਸੀਦਨ੍ਤਸ੍ਸਚ ਦੁਕ੍ਕਟਂ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਛਬ੍ਬਗ੍ਗਿਯੇ ਭਿਕ੍ਖੂ ਆਰਬ੍ਭ ਪਞ੍ਞਤ੍ਤਂ, ਛਬ੍ਬਗ੍ਗਿਯਾ ਭਨ੍ਤੇ ਭਿਕ੍ਖੂ ਮਹਾਹਸਿਤਂ ਹਸਨ੍ਤਾ ਚ ਉਚ੍ਚਾਸਦ੍ਦਂ ਮਹਾਸਦ੍ਦਂ ਕਰੋਨ੍ਤਾ ਚ ਅਨ੍ਤਰਘਰੇ ਗਚ੍ਛਿਂਸੁਚੇਵ ਨਿਸੀਦਿਂਸੁਚ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.

ਪੁਚ੍ਛਾ – ਅਨਾਦਰਿਯਂ ਆਵੁਸੋ ਪਟਿਚ੍ਚ ਕਾਯਪ੍ਪਚਾਲਕਂ ਵਾ ਬਾਹੁਪ੍ਪ ਚਾਲਕਂ ਵਾ ਸੀਸਪ੍ਪਚਾਲਕਂ ਵਾ ਖਮ੍ਭਕਤੇਨ ਵਾ ਓਗੁਣ੍ਠਿਤੇਨ ਵਾ ਅਨ੍ਤਰਘਰੇ ਗਚ੍ਛਨ੍ਤਸ੍ਸ ਚ ਨਿਸੀਦਨ੍ਤਸ੍ਸ ਚ ਉਕ੍ਕੁਟਿਕਾਯ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਛਬ੍ਬਗ੍ਗਿਯੇ ਭਿਕ੍ਖੂ ਆਰਬ੍ਭ ਪਞ੍ਞਤ੍ਤਂ, ਛਬ੍ਬਗ੍ਗਿਯਾ ਭਨ੍ਤੇ ਭਿਕ੍ਖੂ ਕਾਯਪ੍ਪਚਾਲਕਂ ਬਾਹੁਪ੍ਪਚਾਲਕਂ ਸੀਸਪ੍ਪਚਾਲਕਂ ਕਰੋਨ੍ਤਾ ਚ ਖਮ੍ਭੀਕਤਾ ਚ ਓਗੁਣ੍ਠਿਤਾ ਚ ਅਨ੍ਤਰਘਰੇ ਗਚ੍ਛਿਂਸੁਚੇਵ ਨਿਸੀਦਿਂਸੁਚ, ਉਕ੍ਕੁਟਿਕਾਯਚ ਅਨ੍ਤਰਘਰੇ ਗਚ੍ਛਿਂਸੁ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.

ਪੁਚ੍ਛਾ – ਅਨਾਦਰਿਯਂ ਆਵੁਸੋ ਪਟਿਚ੍ਚ ਪਲ੍ਲਤ੍ਥਿਕਾਯ ਅਨ੍ਤਰਘਰੇ ਨਿਸਿਨ੍ਨਸ੍ਸ ਦੁਕ੍ਕਟਂ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਛਬ੍ਬਗ੍ਗਿਯੇ ਭਿਕ੍ਖੂ ਆਰਬ੍ਭ ਪਞ੍ਞਤ੍ਤਂ, ਛਬ੍ਬਗ੍ਗਿਯਾ ਭਨ੍ਤੇ ਭਿਕ੍ਖੂ ਪਲ੍ਲਤ੍ਥਿਕਾਯ ਅਨ੍ਤਰਘਰੇ ਨਿਸੀਦਿਂਸੁ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.

ਪੁਚ੍ਛਾ – ਅਨਾਦਰਿਯਂ ਆਵੁਸੋ ਪਟਿਚ੍ਚ ਅਸਕ੍ਕਚ੍ਚਂ ਪਿਣ੍ਡਪਾਤਂ ਪਟਿਗ੍ਗਣ੍ਹਨ੍ਤਸ੍ਸ ਚ ਤਹਂ ਤਹਂ ਓਲੋਕੇਨ੍ਤੇਨ ਪਿਣ੍ਡਪਾਤਂ ਪਟਿਗ੍ਗਣ੍ਹਨ੍ਤਸ੍ਸਚ ਸੂਪਞ੍ਞੇਵ ਬਹੁਂ ਪਟਿਗ੍ਗਣ੍ਹਨ੍ਤਸ੍ਸਚ ਥੂਪੀਕਤਂ ਪਿਣ੍ਡਪਾਤਂ ਪਟਿਗ੍ਗਣ੍ਹਨ੍ਤਸ੍ਸਚ ਦੁਕ੍ਕਟਂ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਛਬ੍ਬਗ੍ਗਿਯੇ ਭਿਕ੍ਖੂ ਆਰਬ੍ਭ ਪਞ੍ਞਤ੍ਤਂ, ਛਬ੍ਬਗ੍ਗਿਯਾ ਭਨ੍ਤੇ ਭਿਕ੍ਖੂ ਅਸਕ੍ਕਚ੍ਚਂ ਪਿਣ੍ਡਪਾਤਂ ਪਟਿਗ੍ਗਹੇਸੁਂ, ਤਹਂ ਤਹਂ ਓਲੋਕੇਨ੍ਤਾ ਪਿਣ੍ਡਪਾਤਂ ਪਟਿਗ੍ਗਹੇਸੁਂ, ਸੂਪਞ੍ਞੇਵ ਬਹੁਂ ਪਟਿਗ੍ਗਹੇਸੁਂ, ਥੂਪੀਕਤਂ ਪਿਣ੍ਡਪਾਤਂ ਪਟਿਗ੍ਗਹੇਸੁਂ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.

ਪੁਚ੍ਛਾ – ਅਨਾਦਰਿਯਂ ਆਵੁਸੋ ਪਟਿਚ੍ਚ ਆਸਕ੍ਕਚ੍ਚਂ ਪਿਣ੍ਡਪਾਤਂ ਭੁਞ੍ਜਨ੍ਤਸ੍ਸਚ ਤਹਂ ਤਹਂ ਓਲੋਕੇਨ੍ਤਨ ਪਿਣ੍ਡਪਾਤਂ ਭੁਞ੍ਜਨ੍ਤਸ੍ਸ ਚ ਤਹਂ ਤਹਂ ਓਮਸਿਤ੍ਵਾ ਪਿਣ੍ਡਪਾਤਂ ਭੁਞ੍ਜਨ੍ਤਸ੍ਸ ਚ ਸੂਪਞ੍ਞੇਵ ਬਹੁਂ ਭੁਞ੍ਜਨ੍ਤਸ੍ਸ ਚ ਥੂਪਕਤੋ ਓਮਦ੍ਦਿਤ੍ਵਾ ਪਿਣ੍ਡਪਾਤਂ ਭੁਞ੍ਜਨ੍ਤਸ੍ਸ ਚ ਸੂਪਂ ਵਾ ਬ੍ਯਞ੍ਜਨਂ ਵਾ ਓਦਨੇਨ ਪਟਿਚ੍ਛਾਦੇਨ੍ਤਸ੍ਸ ਚ ਦੁਕ੍ਕਟਂ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਛਬ੍ਬਗ੍ਗਿਯੇ ਭਿਕ੍ਖੂ ਆਰਬ੍ਭ ਪਞ੍ਞਤ੍ਤਂ, ਛਬ੍ਬਗ੍ਗਿਯਾ ਭਨ੍ਤੇ ਭਿਕ੍ਖੂ ਅਸਕ੍ਕਚ੍ਚਂ ਪਿਣ੍ਡਪਾਤਂ ਭੁਞ੍ਜਿਂਸੁ, ਤਹਂ ਤਹਂ ਓਲੋਕੇਨ੍ਤਾ ਪਿਣ੍ਡਪਾਤਂ ਭੁਞ੍ਜਿਂਸੁ, ਤੇਯੇਵ ਭਨ੍ਤੇ ਛਬ੍ਬਗ੍ਗਿਯਾ ਭਿਕ੍ਖੂ ਤਹਂ ਤਹਂ ਓਮਸਿਤ੍ਵਾ ਪਿਣ੍ਡਪਾਤਂ ਭੁਞ੍ਜਿਂਸੁ, ਤੇਯੇਵ ਭਨ੍ਤੇ ਛਬ੍ਬਗ੍ਗਿਯਾ ਭਿਕ੍ਖੂ ਬਹੁਂ ਸੂਪਂ ਭੁਞ੍ਜਿਂਸੁ, ਤੇਯੇਵ ਭਨ੍ਤੇ ਛਬ੍ਬਗ੍ਗਿਯਾ ਭਿਕ੍ਖੂ ਥੂਪਕਤੋ ਓਮਦ੍ਦਿਤ੍ਵਾ ਪਿਣ੍ਡਪਾਤਂ ਭੁਞ੍ਜਿਂਸੁ, ਤੇਯੇਵ ਭਨ੍ਤੇ ਛਬ੍ਬਗ੍ਗਿਯਾ ਭਿਕ੍ਖੂ ਸੂਪਮ੍ਪਿ ਬ੍ਯਞ੍ਜਨਮ੍ਪਿ ਓਦਨੇਨ ਪਟਿਚ੍ਛਾਦੇਸੁਂ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.

ਪੁਚ੍ਛਾ – ਅਨਾਦਰਿਯਂ ਆਵੁਸੋ ਪਟਿਚ੍ਚ ਸੂਪਂਵਾ ਓਦਨਂਵਾ ਅਗਿਲਾਨੇਨ ਅਤ੍ਤਨੋ ਅਤ੍ਥਾਯ ਵਿਞ੍ਞਾਪੇਤ੍ਵਾ ਭੁਞ੍ਜਨ੍ਤਸ੍ਸ ਦੁਕ੍ਕਟਂ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਛਬ੍ਬਗ੍ਗਿਯੇ ਭਿਕ੍ਖੂ ਆਰਬ੍ਭ ਪਞ੍ਞਤ੍ਤਂ, ਛਬ੍ਬਗ੍ਗਿਯਾ ਭਨ੍ਤੇ ਭਿਕ੍ਖੂ ਸੂਪਮ੍ਪਿ ਓਦਨਮ੍ਪਿ ਅਤ੍ਤਨੋ ਅਤ੍ਥਾਯ ਵਿਞ੍ਞਾਪੇਤ੍ਵਾ ਭੁਞ੍ਜਿਂਸੁ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.

ਪੁਚ੍ਛਾ – ਅਨਾਦਰਿਯਂ ਆਵੁਸੋ ਪਟਿਚ੍ਚ ਉਜ੍ਝਾਨਸਞ੍ਞਿਨਾ ਪਰੇਸਂ ਪਤ੍ਤਂ ਓਲੋਕੇਨ੍ਤਸ੍ਸ ਚ ਅਤਿਮਹਨ੍ਤਂ ਕਬਲ਼ਂ ਕਰੋਨ੍ਤਸ੍ਸ ਚ ਦੀਘਂ ਆਲੋਪਂ ਕਰੋਨ੍ਤਸ੍ਸ ਚ ਦੁਕ੍ਕਟਂ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਛਬ੍ਬਗ੍ਗਿਯੇ ਭਿਕ੍ਖੂ ਆਰਬ੍ਭ ਪਞ੍ਞਤ੍ਤਂ, ਛਬ੍ਬਗ੍ਗਿਯਾ ਭਨ੍ਤੇ ਭਿਕ੍ਖੂ ਉਜ੍ਝਾਨਸਞ੍ਞਿਨੋ ਪਰੇਸਂ ਪਤ੍ਤਂ ਓਲੋਕੇਸੁਂ, ਤੇਯੇਵ ਭਨ੍ਤੇ ਛਬ੍ਬਗ੍ਗਿਯਾ ਭਿਕ੍ਖੂ ਅਤਿਮਹਨ੍ਤਂ ਕਬਲ਼ਂ ਕਰਿਂਸੁ, ਤੇਯੇਵ ਭਨ੍ਤੇ ਛਬ੍ਬਗ੍ਗਿਯਾ ਭਿਕ੍ਖੂ ਦੀਘਂ ਆਲੋਪਂ ਕਰਿਂਸੁ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.

ਪੁਚ੍ਛਾ – ਅਨਾਦਰਿਯਂ ਆਵੁਸੋ ਪਟਿਚ੍ਚ ਅਨਾਹਟੇ ਕਬਲ਼ੇ ਮੁਖਦ੍ਵਾਰਂ ਵਿਵਰਨ੍ਤਸ੍ਸ ਚ ਭੁਞ੍ਜਮਾਨੇ ਸਬ੍ਬਂ ਹਤ੍ਥਂ ਮੁਖੇ ਪਕ੍ਖਿਪਨ੍ਤਸ੍ਸ ਚ ਸਕਬਲ਼ੇਨ ਮੁਖੇਨ ਬ੍ਯਾਹਰਨ੍ਤਸ੍ਸ ਚ ਪਿਣ੍ਡੁਕ੍ਖੇਪਕਂ ਪਿਣ੍ਡਪਾਤਂ ਭੁਞ੍ਜਨ੍ਤਸ੍ਸ ਚ ਕਬਲ਼ਾਵਚ੍ਛੇਦਕਂ ਪਿਣ੍ਡਪਾਤਂ ਭੁਞ੍ਜਨ੍ਤਸ੍ਸ ਚ ਅਵਗਣ੍ਡਕਾਰਕਂ ਪਿਣ੍ਡਪਾਤਂ ਭੁਞ੍ਜਨ੍ਤਸ੍ਸ ਚ ਹਤ੍ਥਨਿਦ੍ਧੁਨਕਂ ਸਿਤ੍ਥਾਵਕਾਰਕਂ ਜਿਵ੍ਹਾਨਿਚ੍ਛਾਰਕਂ ਚਪੁਚਪੁਕਾਰਕਂ ਪਿਣ੍ਡਪਾਤਂ ਭੁਞ੍ਜਨ੍ਤਸ੍ਸ ਚ ਦੁਕ੍ਕਟਂ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਛਬ੍ਬਗ੍ਗਿਯੇ ਭਿਕ੍ਖੂ ਆਰਬ੍ਭ ਪਞ੍ਞਤ੍ਤਂ, ਛਬ੍ਬਗ੍ਗਿਯਾ ਭਨ੍ਤੇ ਭਿਕ੍ਖੂ ਅਨਾਹਟੇ ਕਬਲ਼ੇ ਮੁਖਦ੍ਵਾਰਂ ਵਿਵਰਿਂਸੁ, ਭੁਞ੍ਜਮਾਨਾ ਸਬ੍ਬਂ ਹਤ੍ਥਂ ਮੁਖੇ ਪਕ੍ਖਿਪਿਂਸੁ, ਸਕਬਲ਼ੇਨ ਮੁਖੇਨ ਬ੍ਯਾਹਰਿਂਸੁ, ਪਿਣ੍ਡੁਕ੍ਖੇਪਕਂ ਭੁਞ੍ਜਿਂਸੁ, ਕਬਲ਼ਾਵਚ੍ਛੇਦਕਂ ਭੁਞ੍ਜਿਂਸੁ, ਅਵਗਣ੍ਡਕਾਰਕਂ ਭੁਞ੍ਜਿਂਸੁ, ਹਤ੍ਥਨਿਦ੍ਧੁਨਕਂ ਸਿਤ੍ਥਾਵਕਾਰਕਂ ਜਿਵ੍ਹਾਨਿਚ੍ਛਾਰਕਂ ਚਪੁਚਪੁਕਾਰਕਂ ਭੁਞ੍ਜਿਂਸੁ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.

ਪੁਚ੍ਛਾ – ਅਨਾਦਰਿਯਂ ਆਵੁਸੋ ਪਟਿਚ੍ਚ ਸੁਰੁਸੁਰੁਕਾਰਕਂ ਭੁਞ੍ਜਨ੍ਤਸ੍ਸਚ ਹਤ੍ਥਨਿਲ੍ਲੇਹਕਂਵਾ ਪਤ੍ਤਨਿਲ੍ਲੇਹਕਂ ਵਾ ਓਟ੍ਠਨਿਲ੍ਲੇਹਕਂ ਵਾ ਭੁਞ੍ਜਨ੍ਤਸ੍ਸ ਚ ਸਾਮਿਸੇਨ ਹਤ੍ਥੇਨ ਪਾਨੀਯਥਾਲਕਂ ਪਟਿਗ੍ਗਣ੍ਹਨ੍ਤਸ੍ਸ ਚ ਸਸਿਤ੍ਥਕਂ ਪਤ੍ਤਧੋਵਨਂ ਅਨ੍ਤਰਘਰੇ ਚਡ੍ਡੇਨ੍ਤਸ੍ਸ ਚ ਦੁਕ੍ਕਟਂ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.

ਵਿਸ੍ਸਜ੍ਜਨਾ – ਸੁਰੁ ਸੁਰੁਕਾਰਕਂ ਭਨ੍ਤੇ ਭੁਞ੍ਜਨ੍ਤਸ੍ਸ ਦੁਕ੍ਕਟਂ ਕੋਸਮ੍ਬਿਯਂ ਪਞ੍ਞਤ੍ਤਂ, ਸਮ੍ਬਹੁਲੇ ਭਨ੍ਤੇ ਭਿਕ੍ਖੂ ਆਰਬ੍ਭ ਪਞ੍ਞਤ੍ਤਂ, ਸਮ੍ਬਹੁਲਾ ਭਨ੍ਤੇ ਭਿਕ੍ਖੂ ਸੁਰੁਸੁਰੁਕਾਰਕਂ ਖੀਰਂ ਪਿਵਿਂਸੁ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ. ਹਤ੍ਥਨਿਲ੍ਲੇਹਕਂ ਭੁਞ੍ਜਨ੍ਤਸ੍ਸ ਚ ਪਤ੍ਤਨਿਲ੍ਲੇਹਕਂ ਭੁਞ੍ਜਨ੍ਤਸ੍ਸ ਚ ਓਟ੍ਠਨਿਲ੍ਲੇਹਕਂ ਭੁਞ੍ਜਨ੍ਤਸ੍ਸ ਦੁਕ੍ਕਟਂ ਸਾਵਤ੍ਥਿਯਂ ਪਞ੍ਞਤ੍ਤਂ, ਛਬ੍ਬਗ੍ਗਿਯੇ ਭਨ੍ਤੇ ਭਿਕ੍ਖੂ ਆਰਬ੍ਭ ਪਞ੍ਞਤ੍ਤਂ, ਛਬ੍ਬਗ੍ਗਿਯਾ ਭਨ੍ਤੇ ਭਿਕ੍ਖੂ ਹਤ੍ਥਨਿਲ੍ਲੇਹਕਂ ਭੁਞ੍ਜਿਂਸੁ, ਪਤ੍ਤਨਿਲ੍ਲੇਹਕਂ ਭੁਞ੍ਜਿਂਸੁ, ਓਟ੍ਠਨਿਲ੍ਲੇਹਕਂ ਭੁਞ੍ਜਿਂਸੁ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.

ਸਾਮਿਸੇਨ ਹਤ੍ਥੇਨ ਪਾਨੀਯਥਾਲਕਂ ਪਟਿਗ੍ਗਣ੍ਹਨ੍ਤਸ੍ਸ ਚ ਸਸਿਤ੍ਥਕਂ ਪਤ੍ਤਧੋਵਨਂ ਅਨ੍ਤਰਘਰੇ ਛਡ੍ਡੇਨ੍ਤਸ੍ਸ ਚ ਦੁਕ੍ਕਟਂ ਭਗ੍ਗੇਸੁ ਪਞ੍ਞਤ੍ਤਂ, ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਪਞ੍ਞਤ੍ਤਂ, ਸਮ੍ਬਹੁਲਾ ਭਿਕ੍ਖੂ ਸਾਮਿਸੇਨ ਹਤ੍ਥੇਨ ਪਾਨੀਯਥਾਲਕਂ ਪਟਿਗ੍ਗਹੇਸੁਂ, ਤੇਯੇਵ ਭਨ੍ਤੇ ਸਮ੍ਬਹੁਲਾ ਭਿਕ੍ਖੂ ਸਸਿਤ੍ਥਕਂ ਪਤ੍ਤਧੋਵਨਂ ਅਨ੍ਤਰਘਰੇ ਛਡ੍ਡੇਸੁਂ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.

ਪੁਚ੍ਛਾ – ਅਨਾਦਰਿਯਂ ਆਵੁਸੋ ਪਟਿਚ੍ਚ ਛਤ੍ਤਪਾਣਿਸ੍ਸ ਧਮ੍ਮਂ ਦੇਸੇਨ੍ਤਸ੍ਸ ਚ ਦਣ੍ਡਪਾਣਿਸ੍ਸ ਵਾ ਸਤ੍ਥਪਾਣਿਸ੍ਸ ਵਾ ਆਵੁਧਪਾਣਿਸ੍ਸ ਵਾ ਧਮ੍ਮਂ ਦੇਸੇਨ੍ਤਸ੍ਸ ਚ ਦੁਕ੍ਕਟਂ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਛਬ੍ਬਗ੍ਗਿਯੇ ਭਿਕ੍ਖੂ ਆਰਬ੍ਭ ਪਞ੍ਞਤ੍ਤਂ, ਛਬ੍ਬਗ੍ਗਿਯਾ ਭਨ੍ਤੇ ਭਿਕ੍ਖੂ ਛਤ੍ਤਪਾਣਿਸ੍ਸ ਦਣ੍ਡਪਾਣਿਸ੍ਸ ਸਤ੍ਥਪਾਣਿਸ੍ਸ ਆਵੁਧਪਾਣਿਸ੍ਸ ਧਮ੍ਮਂ ਦੇਸੇਸੁਂ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.

ਪੁਚ੍ਛਾ – ਅਨਾਦਰਿਯਂ ਆਵੁਸੋ ਪਟਿਚ੍ਚ ਪਾਦੁਕਾਰੁਲ਼੍ਹਸ੍ਸ ਚ ਉਪਹਨਾਰੁਲ਼੍ਹਸ੍ਸ ਚ ਯਾਨਗਤਸ੍ਸ ਚ ਸਯਨਗਤਸ੍ਸ ਚ ਧਮ੍ਮਂ ਦੇਸੇਨ੍ਤਸ੍ਸ ਦੁਕ੍ਕਟਂ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਛਬ੍ਬਗ੍ਗਿਯੇ ਭਿਕ੍ਖੂ ਆਰਬ੍ਭ ਪਞ੍ਞਤ੍ਤਂ, ਛਬ੍ਬਗ੍ਗਿਯਾ ਭਨ੍ਤੇ ਭਿਕ੍ਖੂ ਪਾਦੁਕਾਰੁਲ਼੍ਹਸ੍ਸ ਉਪਹਨਾਰੁਲ਼੍ਹਸ੍ਸ ਯਾਨਗਤਸ੍ਸ ਸਯਨਗਤਸ੍ਸ ਧਮ੍ਮਂ ਦੇਸੇਸੁਂ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.

ਪੁਚ੍ਛਾ – ਅਨਾਦਰਿਯਂ ਆਵੁਸੋ ਪਟਿਚ੍ਚ ਪਲ੍ਲਤ੍ਥਿਕਾਯ ਨਿਸਿਨ੍ਨਸ੍ਸ ਚ ਵੇਠਿਤਸੀਸਸ੍ਸ ਚ ਓਗੁਣ੍ਠਿਤਸੀਸਸ੍ਸ ਚ ਛਮਾਯਂ ਨਿਸੀਦਿਤ੍ਵਾ ਆਸਨੇ ਨਿਸਿਨ੍ਨਸ੍ਸ ਚ ਨੀਚੇ ਆਸਨੇ ਨਿਸੀਦਿਤ੍ਵਾ ਉਚ੍ਚੇ ਆਸਨੇ ਨਿਸਿਨ੍ਨਸ੍ਸ ਚ ਠਿਤੇਨ ਨਿਸਿਨ੍ਨਸ੍ਸ ਚ ਪਚ੍ਛਤੋ ਗਚ੍ਛਨ੍ਤੇਨ ਪੁਰਤੋ ਗਚ੍ਛਨ੍ਤਸ੍ਸ ਚ ਉਪ੍ਪਥੇਨ ਗਚ੍ਛਨ੍ਤੇਨ ਪਥੇਨ ਗਚ੍ਛਨ੍ਤਸ੍ਸ ਚ ਧਮ੍ਮਂ ਦੇਸੇਨ੍ਤਸ੍ਸ ਦੁਕ੍ਕਟਂ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਛਬ੍ਬਗ੍ਗਿਯੇਵ ਭਿਕ੍ਖੂ ਆਰਬ੍ਭ ਪਞ੍ਞਤ੍ਤਂ, ਛਬ੍ਬਗ੍ਗਿਯਾ ਭਨ੍ਤੇ ਭਿਕ੍ਖੂ ਪਲ੍ਲਤ੍ਥਿਕਾਯ ਨਿਸਿਨ੍ਨਸ੍ਸ ਚ ਵੇਠਿਤਸੀਸਸ੍ਸ ਚ ਓਗੁਣ੍ਠਿਤਸੀਸਸ੍ਸ ਚ ਛਮਾਯਂ ਨਿਸੀਦਿਤ੍ਵਾ ਆਸਨੇ ਨਿਸਿਨ੍ਨਸ੍ਸ ਚ ਨੀਚੇ ਆਸਨੇ ਨਿਸੀਦਿਤ੍ਵਾ ਉਚ੍ਚੇ ਆਸਨੇ ਨਿਸਿਨ੍ਨਸ੍ਸ ਚ ਠਿਤਾਨਿਸਿਨ੍ਨਸ੍ਸ ਚ ਪਚ੍ਛਤੋ ਗਚ੍ਛਨ੍ਤਾ ਪੁਰਤੋ ਗਚ੍ਛਨ੍ਤਸ੍ਸ ਚ ਉਪ੍ਪਥੇਨ ਗਚ੍ਛਨ੍ਤਾ ਪਥੇਨ ਗਚ੍ਛਨ੍ਤਸ੍ਸ ਚ ਧਮ੍ਮਂ ਦੇਸੇਸੁਂ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.

ਪੁਚ੍ਛਾ – ਅਨਾਦਰਿਯਂ ਆਵੁਸੋ ਪਟਿਚ੍ਚ ਠਿਤੇਨ ਉਚ੍ਚਾਰਂ ਵਾ ਪਸ੍ਸਾਵਂ ਵਾ ਕਰੋਨ੍ਤਸ੍ਸ ਚ ਹਰਿਤੇ ਵਾ ਉਦਕੇ ਵਾ ਉਚ੍ਚਾਰਂ ਵਾ ਪਸ੍ਸਾਵਂ ਵਾ ਖੇਲ਼ਂ ਵਾ ਕਰੋਨ੍ਤਸ੍ਸ ਚ ਦੁਕ੍ਕਟਂ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਛਬ੍ਬਗ੍ਗਿਯੇਵ ਭਿਕ੍ਖੂ ਆਰਬ੍ਭ ਪਞ੍ਞਤ੍ਤਂ, ਛਬ੍ਬਗ੍ਗਿਯਾ ਭਨ੍ਤੇ ਭਿਕ੍ਖੂ ਠਿਤਾ ਉਚ੍ਚਾਰਮ੍ਪਿ ਪਸ੍ਸਾਵਮ੍ਪਿ ਅਕਂਸੁ, ਤੇਯੇਵ ਭਨ੍ਤੇ ਛਬ੍ਬਗ੍ਗਿਯਾ ਭਿਕ੍ਖੂ ਹਰਿਤੇਪਿ ਉਦਕੇਪਿ ਉਚ੍ਚਾਰਮ੍ਪਿ ਪਸ੍ਸਾਵਮ੍ਪਿ ਖੇਲ਼ਮ੍ਪਿ ਅਕਂਸੁ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.