੨. ਕੋਸਿਯਵਗ੍ਗ ੪. ਛਬ੍ਬਸ੍ਸ ਸਿਕ੍ਖਾਪੁਚ੍ਛਾ

ਪੁਚ੍ਛਾ – ਯਂ ਤੇਨ ਆਵੁਸੋ ਭਗਵਤਾ…ਪੇ… ਸਮ੍ਮਾਸਮ੍ਬੁਦ੍ਧੇਨ ਅਨੁਵਸ੍ਸਂ ਕਾਰਾਪੇਨ੍ਤਸ੍ਸ ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ ਕਤ੍ਥ ਪਞ੍ਞਤ੍ਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਪਞ੍ਞਤ੍ਤਂ.

ਪੁਚ੍ਛਾ – ਕਂ ਆਵੁਸੋ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.

ਵਿਸ੍ਸਜ੍ਜਨਾ – ਸਮ੍ਬਹੁਲੇ ਭਨ੍ਤੇ ਭਿਕ੍ਖੂ ਆਰਬ੍ਭ ਪਞ੍ਞਤ੍ਤਂ, ਸਮ੍ਬਹੁਲਾ ਭਨ੍ਤੇ ਭਿਕ੍ਖੂ ਅਨੁਵਸ੍ਸਂ ਸਨ੍ਥਤਂ ਕਾਰਾਪੇਸੁਂ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.

ਪੁਚ੍ਛਾ – ਕਸ੍ਸ ਆਵੁਸੋ ਵਚਨਂ.

ਵਿਸ੍ਸਜ੍ਜਨਾ – ਭਗਵਤੋ ਭਨ੍ਤੇ ਵਚਨਂ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ.

ਪੁਚ੍ਛਾ – ਕੇਨਾਵੁਸੋ ਆਭਤਂ.

ਵਿਸ੍ਸਜ੍ਜਨਾ – ਪਰਮ੍ਪਰਾਯ ਭਨ੍ਤੇ ਆਭਤਂ.

ਪੁਚ੍ਛਾ – ਅਤ੍ਥਿ ਨੁਖੋ ਆਵੁਸੋ ਏਤ੍ਥ ਕੋਚਿ ਵਿਰਦ੍ਧਦੋਸੋ.

ਵਿਸ੍ਸਜ੍ਜਨਾ – ਨਤ੍ਥਿ ਭਨ੍ਤੇ.

ਸਂਗਾਯਨਤ੍ਥਾਯ ਸਙ੍ਘਸ੍ਸ ਞਾਪਨਂ

ਸੁਣਾਤੁ ਮੇ ਭਨ੍ਤੇ ਸਙ੍ਘੋ, ਅਹਂ ਆਯਸ੍ਮਨ੍ਤਂ ਵਿਚਿਤ੍ਤਸਾਰਾਭਿਵਂਸਂ ਤਿਪਿਟਕਧਰ ਧਮ੍ਮਭਣ੍ਡਾਗਾਰਿਕਂ ਇਮੇਸਂ ਨਿਸ੍ਸਗ੍ਗਿਯਪਾਚਿਤ੍ਤਿਯਸਿਕ੍ਖਾਪਦਾਨਂ ਯਾਵ ਛਬ੍ਬਸ੍ਸਸਿਕ੍ਖਾਪਦਂ ਨਿਦਾਨਾਦੀਨਿ ਪੁਚ੍ਛਿਤਬ੍ਬਾਨਿ ਅਨੇਕਾਨਿ ਠਾਨਾਨਿ ਪੁਚ੍ਛਿਂ, ਪੁਟ੍ਠੋਪੁਟ੍ਠੋ ਚ ਸੋ ਆਯਸ੍ਮਾ ਵਿਚਿਤ੍ਤਸਾਰਾਭਿਵਂਸੋ ਵਿਸ੍ਸਜ੍ਜੇਸਿ, ਇਤਿਹਿਦਂ ਭਨ੍ਤੇ ਇਮਾਨਿ ਸਿਕ੍ਖਾਪਦਾਨਿ ਨਿਮ੍ਮਲਾਨਿ ਸੁਪਰਿਸੁਦ੍ਧਾਨੀ ਤਸ੍ਸੇਵ ਭਗਵਤੋ ਵਚਨਾਨਿ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ, ਤਸ੍ਮਾ ਯਥਾਪੁਰੇ ਮਹਾਕਸ੍ਸਪਾਦਯੋ ਮਹਾਥੇਰਵਰਾ ਪੋਰਾਣਸਂਗੀਤਿਕਾਰਾ ਬ੍ਰਹ੍ਮਚਰਿਯਸ੍ਸ ਚਿਰਟ੍ਠਿਤਿਯਾ ਬਹੁਜਨਹਿਤਾਯ ਬਹੁਜਨਸੁਖਾਯ ਲੋਕਾਨੁਕਮ੍ਪਾਯ ਅਤ੍ਥਾਯ ਹਿਤਾਯ ਸੁਖਾਯ ਦੇਵਮਨੁਸ੍ਸਾਨਂ ਧਮ੍ਮਵਿਨਯਂ ਸਂਗਾਯਿਂਸੁ ਚੇਵ ਅਨੁਸਂਗਾਯਿਂਸੁ ਚ, ਏਵਮੇਵ ਮਯਮ੍ਪਿ ਦਾਨਿ ਸਬ੍ਬੇਵ ਛਟ੍ਠਸਂਗੀਤਿ ਮਹਾਧਮ੍ਮਸਭਾ ਪਰਿਯਾਪਨ੍ਨਾ ਛਬ੍ਬਸ੍ਸ ਨਿਸ੍ਸਗ੍ਗਿਯ ਸਿਕ੍ਖਾਪਦਤੋ ਪਟ੍ਠਾਯ ਇਮਾਨਿ ਨਿਸ੍ਸਗ੍ਗਿਯਸਿਕ੍ਖਾਪਦਾਨਿ ਏਕਤੋ ਗਣਸਜ੍ਝਾਯਂ ਕਤ੍ਵਾ ਸਂਹਾਯੇਯ੍ਯਾਮ.