੨. ਭੂਤਗਾਮਵਗ੍ਗ, ੫. ਦੁਤਿਯ ਸੇਨਾਸਨ ਸਿਕ੍ਖਾਪੁਚ੍ਛਾ

ਪੁਚ੍ਛਾ – ਸਙ੍ਘਿਕੇ ਆਵੁਸੋ ਵਿਹਾਰੇ ਸੇਯ੍ਯਂ ਸਨ੍ਥਰਿਤ੍ਵਾ ਅਨੁਦ੍ਧਰਿਤ੍ਵਾ ਅਨਾਪੁਚ੍ਛਾ ਪਕ੍ਕਮਨ੍ਤਸ੍ਸ ਪਾਚਿਤ੍ਤਿਯਂ ਕਤ੍ਥ ਪਞ੍ਞਤ੍ਤਂ, ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਸਤ੍ਤਰਸਵਗ੍ਗਿਯੇ ਭਿਕ੍ਖੂ ਆਰਬ੍ਭ ਪਞ੍ਞਤ੍ਤਂ, ਸਤ੍ਤਰਸਵਗ੍ਗਿਯਾ ਭਨ੍ਤੇ ਭਿਕ੍ਖੂ ਸਙ੍ਘਿਕੇ ਵਿਹਾਰੇ ਸੇਯ੍ਯਂ ਸਨ੍ਥਰਿਤ੍ਵਾ ਅਨੁਦ੍ਧਰਿਤ੍ਵਾ ਅਨਾਪੁਚ੍ਛਾ ਪਕ੍ਕਮਿਂਸੁ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤਂ.

ਪੁਚ੍ਛਾ – ਕਸ੍ਸ ਆਵੁਸੋ ਵਚਨਂ.

ਵਿਸ੍ਸਜ੍ਜਨਾ – ਭਗਵਤਾ ਭਨ੍ਤੇ ਵਚਨਂ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ.

ਪੁਚ੍ਛਾ – ਕੇਨਾਵੁਸੋ ਆਭਤਂ.

ਵਿਸ੍ਸਜ੍ਜਨਾ – ਪਰਮ੍ਪਰਾਯ ਭਨ੍ਤੇ ਆਭਤਂ.

ਪੁਚ੍ਛਾ – ਅਤ੍ਥਿ ਨੁਖੋ ਆਵੁਸੋ ਏਤ੍ਥ ਕੋਚਿਪਿ ਵਿਰਦ੍ਧਦੋਸੋ.

ਵਿਸ੍ਸਜ੍ਜਨਾ – ਨਤ੍ਥਿ ਭਨ੍ਤੇ.

ਸਙ੍ਘਸ੍ਸ ਞਾਪਨਂ

ਸੁਣਾਤੁ ਮੇ ਭਨ੍ਤੇ ਸਙ੍ਘੋ, ਅਹਂ ਭਨ੍ਤੇ ਆਯਸ੍ਮਨ੍ਤਂ ਵਿਚਿਤ੍ਤਸਾਰਾਭਿਵਂਸਂ ਇਮੇਸਂ ਪਨ੍ਨਰਸਨ੍ਨਂ ਸਿਕ੍ਖਾਪਦਾਨਂ ਨਿਦਾਨਾਦੀਨਿ ਪੁਚ੍ਛਿਤਬ੍ਬਾਨਿ ਅਨੇਕਾਨਿ ਠਾਨਾਨਿ ਪੁਚ੍ਛਿਂ, ਸੋ ਚ ਪੁਟ੍ਠੋ ਪੁਟ੍ਠੋ ਵਿਸ੍ਸਜ੍ਜੇਤਿ, ਇਤਿ ਹਿਦਂ ਭਨ੍ਤੇ ਨਿਮ੍ਮਲਂ ਸੁਪਰਿਸੁਦ੍ਧਂ ਤਸ੍ਸੇਵ ਭਗਵਤੋ ਵਚਨਂ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ, ਤਸ੍ਮਾ ਯਥਾਪੁਰੇ ਮਹਾਕਸ੍ਸਪਾਦਯੋ ਮਹਾਥੇਰਵਰਾ ਪੋਰਾਣਸਂਗੀਤਿਕਾਰਾ ਬ੍ਰਹ੍ਮਚਰਿਯਸ੍ਸ ਚਿਰਟ੍ਠਿਤਿਯਾ ਬਹੁਜਨਹਿਤਾਯ ਬਹੁਜਨਸੁਖਾਯ ਲੋਨੁਕਮ੍ਪਾਯ ਅਤ੍ਥਾਯ ਹਿਤਾਯ ਸੁਖਾਯ ਦੇਵਮਨੁਸ੍ਸਾਨਂ ਧਮ੍ਮਵਿਨਯਂ ਸਂਗਾਯਿਂਸੁਚੇਵ ਅਨੁਸਂਗਾਯਿਂਸੁਚ, ਏਵਮੇਵ ਮਯਮ੍ਪਿ ਦਾਨਿ ਛਟ੍ਠਸਂਗੀਤਿਮਹਾਧਮ੍ਮਸਭਾ ਪਰਿਯਾਪਨ੍ਨਾ ਯਥਾਨੁਪ੍ਪਟ੍ਠਾਨਤੋ ਪਟ੍ਠਾਯ ਇਮਾਨਿ ਸਿਕ੍ਖਾਪਦਾਨਿ ਏਕਤੋ ਗਣਸਜ੍ਝਾਯਂ ਕਤ੍ਵਾ ਸਂਗਾਯੇਯ੍ਯਾਮ.