ਸਙ੍ਘਾਦਿਸੇਸ ਸਿਕ੍ਖਾਪੁਚ੍ਛਾ
੧. ਸੁਕ੍ਕਵਿਸ੍ਸਟ੍ਠਿਸਙ੍ਘਾਦਿਸੇਸ ਸਿਕ੍ਖਾਪੁਚ੍ਛਾ
ਪੁਚ੍ਛਾ – ਯਂ ਤੇਨ ਆਵੁਸੋ ਭਗਵਤਾ ਜਾਨਤਾ ਪਸ੍ਸਤਾ ਅਰਹਤਾ ਸਮ੍ਮਾਸਮ੍ਬੁਦ੍ਧੇਨ ਉਪਕ੍ਕਮਿਤ੍ਵਾ ਅਸੁਚਿਂ ਮੋਚੇਨ੍ਤਸ੍ਸ ਸਙ੍ਘਾਦਿਸੇਸੋ ਕਤ੍ਥ ਪਞ੍ਞਤ੍ਤੋ.
ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਪਞ੍ਞਤ੍ਤੋ.
ਪੁਚ੍ਛਾ – ਕਂ ਆਵੁਸੋ ਆਰਬ੍ਭ ਪਞ੍ਞਤ੍ਤੋ.
ਵਿਸ੍ਸਜ੍ਜਨਾ – ਆਯਸ੍ਮਨ੍ਤਂ ਭਨ੍ਤੇ ਸੇਯ੍ਯਸਕਂ ਆਰਬ੍ਭ ਪਞ੍ਞਤ੍ਤੋ.
ਪੁਚ੍ਛਾ – ਕਿਸ੍ਮਿਂ ਆਵੁਸੋ ਵਤ੍ਥੁਸ੍ਮਿਂ ਪਞ੍ਞਤ੍ਤੋ.
ਵਿਸ੍ਸਜ੍ਜਨਾ – ਆਯਸ੍ਮਾ ਭਨ੍ਤੇ ਸੇਯ੍ਯਸਕੋ ਹਤ੍ਥੇਨ ਉਪਕ੍ਕਮਿਤ੍ਵਾ ਅਸੁਚਿਂ ਮੋਚੇਸਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤੋ.
ਪੁਚ੍ਛਾ – ਅਤ੍ਥਿ ਆਵੁਸੋ ਤਤ੍ਥ ਪਞ੍ਞਤ੍ਤਿ ਅਨੁਪਞ੍ਞਤ੍ਤਿ ਅਨੁਪ੍ਪਨ੍ਨਪਞ੍ਞਤ੍ਤਿ.
ਵਿਸ੍ਸਜ੍ਜਨਾ – ਏਕਾ ਭਨ੍ਤੇ ਪਞ੍ਞਤ੍ਤਿ, ਏਕਾ ਅਨੁਪਞ੍ਞਤ੍ਤਿ, ਅਨੁਪ੍ਪਨ੍ਨਪਞ੍ਞਤ੍ਤਿ ਤਸ੍ਮਿਂ ਨਤ੍ਥਿ.
ਪੁਚ੍ਛਾ – ਕਤਮਾ ਆਵੁਸੋ ਤਤ੍ਥ ਮੂਲਪਞ੍ਞਤ੍ਤਿ.
ਵਿਸ੍ਸਜ੍ਜਨਾ – ਸਞ੍ਚੇਤਨਿਕਾ ਸੁਕ੍ਕਵਿਸ੍ਸਟ੍ਠਿ ਸਙ੍ਘਾਦਿਸੇਸੋਤਿ ਅਯਂ ਭਨ੍ਤੇ ਤਤ੍ਥ ਮੂਲਪਞ੍ਞਤ੍ਤਿ.
ਪੁਚ੍ਛਾ – ਕਤਮਾ ਪਨਾਵੁਸੋ ਤਤ੍ਥ ਅਨੁਪਞ੍ਞਤ੍ਤਿ.
ਵਿਸ੍ਸਜ੍ਜਨਾ – ਅਞ੍ਞਤ੍ਰ ਸੁਪਿਨਨ੍ਤਾਤਿ ਅਯਂ ਭਨ੍ਤੇ ਤਤ੍ਥ ਅਨੁਪਞ੍ਞਤ੍ਤਿ.
ਪੁਚ੍ਛਾ – ਕਤਮਾ ਪਨਾਵੁਸੋ ਤਤ੍ਥ ਪਰਿਪੁਣ੍ਣਪਞ੍ਞਤ੍ਤਿ.
ਵਿਸ੍ਸਜ੍ਜਨਾ – ਸਞ੍ਚੇਤਨਿਕਾ ਸੁਕ੍ਕਵਿਸ੍ਸਟ੍ਠਿ ਅਞ੍ਞਤ੍ਰਸੁਪਿਨਨ੍ਤਾ ਸਙ੍ਘਾਦਿਸੋਤਿ ਅਯਂ ਭਨ੍ਤੇ ਤਤ੍ਥ ਪਰਿਪੁਣ੍ਣਪਞ੍ਞਤ੍ਤਿ.
ਪੁਚ੍ਛਾ – ਸਾਧਾਰਣ ਪਞ੍ਞਤ੍ਤਿਨੁਖੋ ਆਵੁਸੋ ਅਸਾਧਾਰਣ ਪਞ੍ਞਤ੍ਤਿਨੁਖੋ.
ਵਿਸ੍ਸਜ੍ਜਨਾ – ਅਸਾਧਾਰਣਪਞ੍ਞਤ੍ਤਿ ਭਨ੍ਤੇ.
ਪੁਚ੍ਛਾ – ਤਤ੍ਥ ਆਵੁਸੋ ਉਪਕ੍ਕਮਿਤ੍ਵਾ ਅਸੁਚਿਂ ਮੋਚੇਨ੍ਤੋ ਕਤਿ ਆਪਤ੍ਤਿਯੋ ਆਪਜ੍ਜਤਿ.
ਵਿਸ੍ਸਜ੍ਜਨਾ – ਉਪਕ੍ਕਮਿਤ੍ਵਾ ਭਨ੍ਤੇ ਅਸੁਚਿਂ ਮੋਚੇਨ੍ਤੋ ਤਿਸ੍ਸੋ ਆਪਤ੍ਤਿਯੋ ਆਪਜ੍ਜਤਿ, ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ ਆਪਤ੍ਤਿ
ਸਙ੍ਘਾਦਿਸੇਸਸ੍ਸ, ਚੇਤੇਤਿ ਉਪਕ੍ਕਮਤਿ ਨ ਮੁਚ੍ਚਤਿ ਆਪਤ੍ਤਿ ਥੁਲ੍ਲਚ੍ਚਯਸ੍ਸ, ਪਯੋਗੇ ਦੁਕ੍ਕਟਂ.
ਪੁਚ੍ਛਾ – ਕੇਸਂ ਆਵੁਸੋ ਅਨਾਪਤ੍ਤਿ.
ਵਿਸ੍ਸਜ੍ਜਨਾ – ਛਨ੍ਨਂ ਭਨ੍ਤੇ ਅਨਾਪਤ੍ਤਿ ਸੁਪਿਨਨ੍ਤੇਨ ਮੋਚੇਨ੍ਤਸ੍ਸ ਨ ਮੋਚਨਾਧਿਪ੍ਪਾਯਸ੍ਸ ਉਮ੍ਮਤ੍ਤਕਸ੍ਸ ਖਿਤ੍ਤਚਿਤ੍ਤਸ੍ਸ ਵੇਦਨਾਟ੍ਟਸ੍ਸ ਆਦਿਕਮ੍ਮਿਕਸ੍ਸ ਇਮੇਸਂ ਖੋ ਭਨ੍ਤੇ ਛਨ੍ਨਂ ਅਨਾਪਤ੍ਤਿ.
ਪੁਚ੍ਛਾ – ਪਞ੍ਚਨ੍ਨਂ ਆਵੁਸੋ ਪਾਤਿਮੋਕ੍ਖੁਦ੍ਦੇਸਾਨਂ ਕਤਮੇਨ ਉਦ੍ਦੇਸੇਨ ਉਦ੍ਦੇਸਂ ਆਗਚ੍ਛਤਿ.
ਵਿਸ੍ਸਜ੍ਜਨਾ – ਪਞ੍ਚਨ੍ਨਂ ਭਨ੍ਤੇ ਪਾਤਿਮੋਕ੍ਖੁਦ੍ਦੇਸਾਨਂ ਤਤਿਯੇਨ ਉਦ੍ਦੇਸੇਨ ਉਦ੍ਦੇਸਂ ਆਗਚ੍ਛਤਿ.
ਪੁਚ੍ਛਾ – ਚਤੁਨ੍ਨਂ ਆਵੁਸੋ ਵਿਪਤ੍ਤੀਨਂ ਕਤਮਾ ਵਿਪਤ੍ਤਿ.
ਵਿਸ੍ਸਜ੍ਜਨਾ – ਚਤੁਨ੍ਨਂ ਭਨ੍ਤੇ ਵਿਪਤ੍ਤੀਨਂ ਸੀਲਵਿਪਤ੍ਤਿ.
ਪੁਚ੍ਛਾ – ਕਾ ਆਵੁਸੋ ਵਿਪਤ੍ਤਿ.
ਵਿਸ੍ਸਜ੍ਜਨਾ – ਅਸਂਵਰੋ ਭਨ੍ਤੇ ਵਿਪਤ੍ਤਿ.
ਪੁਚ੍ਛਾ – ਕਾ ਆਵੁਸੋ ਸਮ੍ਪਤ੍ਤਿ.
ਵਿਸ੍ਸਜ੍ਜਨਾ – ਸਂਵਰੋ ਭਨ੍ਤੇ ਸਮ੍ਪਤ੍ਤਿ.
ਪੁਚ੍ਛਾ – ਕਾ ਆਵੁਸੋ ਪਟਿਪਤ੍ਤਿ.
ਵਿਸ੍ਸਜ੍ਜਨਾ – ਨ ਏਵ ਰੂਪਂ ਕਰਿਸ੍ਸਾਮੀਤਿ ਯਾਵਜੀਵਂ ਆਪਾਣਕੋਟਿਕਂ ਸਮਾਦਾਯ ਸਿਕ੍ਖਤਿ ਸਿਕ੍ਖਾਪਦੇਸੁ ਅਯਂ ਭਨ੍ਤੇ ਪਟਿਪਤ੍ਤਿ.
ਪੁਚ੍ਛਾ – ਕਤਿ ਆਵੁਸੋ ਅਤ੍ਥਵਸੇ ਪਟਿਚ੍ਚ ਭਗਵਤਾ ਉਪਕ੍ਕਮਿਤ੍ਵਾ ਅਸੁਚਿਂ ਮੋਚੇਨ੍ਤਸ੍ਸ ਸਙ੍ਘਾਦਿਸੇਸੋ ਪਞ੍ਞਤ੍ਤੋ.
ਵਿਸ੍ਸਜ੍ਜਨਾ – ਦਸ ਭਨ੍ਤੇ ਅਤ੍ਥਵਸੇ ਪਟਿਚ੍ਚ ਭਗਵਤਾ ਉਪਕ੍ਕਮਿਤ੍ਵਾ ਅਸੁਚਿਂ ਮੋਚੇਨ੍ਤਸ੍ਸ ਸਙ੍ਘਾਦਿਸੇਸੋ ਪਞ੍ਞਤ੍ਤੋ ਸਙ੍ਘਸੁਟ੍ਠੁਤਾਯ…ਪੇ… ਵਿਨਯਾਨੁਗ੍ਗਹਾਯ.
ਪੁਚ੍ਛਾ – ਕਤ੍ਥ ਆਵੁਸੋ ਠਿਤਂ.
ਵਿਸ੍ਸਜ੍ਜਨਾ – ਸਿਕ੍ਖਾਕਾਮੇਸੁ ਭਨ੍ਤੇ ਠਿਤਂ.
ਪੁਚ੍ਛਾ – ਕੇ ਆਵੁਸੋ ਧਾਰੇਨ੍ਤਿ.
ਵਿਸ੍ਸਜ੍ਜਨਾ – ਯੇਸਂ ਭਨ੍ਤੇ ਵਤ੍ਤਤਿ ਤੇ ਧਾਰੇਨ੍ਤਿ.
ਪੁਚ੍ਛਾ – ਕਸ੍ਸ ਆਵੁਸੋ ਵਚਨਂ.
ਵਿਸ੍ਸਜ੍ਜਨਾ – ਭਗਵਤੋ ਭਨ੍ਤੇ ਵਚਨਂ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ.
ਪੁਚ੍ਛਾ – ਕੇਨਾਵੁਸੋ ਆਭਤਂ.
ਵਿਸ੍ਸਜ੍ਜਨਾ – ਪਰਮ੍ਪਰਾਯ ਭਨ੍ਤੇ ਆਭਤਂ.
ਪੁਚ੍ਛਾ – ਅਤ੍ਥਿ ਨੁਖੋ ਆਵੁਸੋ ਤਤ੍ਥ ਸਨਿਦਾਨੇ ਸਪਦਭਾਜਨੀਯੇ ਸਵਿਨੀਤਵਤ੍ਥੁਕੇ ਉਪਨੇਤਬ੍ਬਂ ਵਾ ਅਪਨੇਤਬ੍ਬਂ ਵਾ ਅਕ੍ਖਰਪਦਪਚ੍ਚਾਭਟ੍ਠਂ ਵਾ ਵਿਰਦ੍ਧਪਦਬ੍ਯਞ੍ਜਨਂ ਵਾ.
ਸਂਗਾਯਨਤ੍ਥਾਯ ਸਙ੍ਘਸ੍ਸ ਞਾਪਨਂ
ਸੁਣਾਤੁ ਮੇ ਭਨ੍ਤੇ ਸਙ੍ਘੋ ਆਯਸ੍ਮਨ੍ਤਂ ਵਿਚਿਤ੍ਤਸਾਰਾਭਿਵਂਸਂ ਤਿਪਿਟਕਧਰ ਧਮ੍ਮਭਣ੍ਡਾਗਾਰਿਕਂ ਪਠਮਸ੍ਸ ਸਙ੍ਘਾਦਿਸੇਸ ਸਿਕ੍ਖਾਪਦਸ੍ਸ ਨਿਦਾਨਮ੍ਪਿ ਪੁਚ੍ਛਿਂ, ਪੁਗ੍ਗਲਮ੍ਪਿ ਪੁਚ੍ਛਿਂ, ਵਤ੍ਥੁਮ੍ਪਿ ਪੁਚ੍ਛਿਂ, ਪਞ੍ਞਤ੍ਤਿਮ੍ਪਿ ਪੁਚ੍ਛਿਂ, ਅਨੁਪਞ੍ਞਤ੍ਤਿਮ੍ਪਿ ਪੁਚ੍ਛਿ, ਆਪਤ੍ਤਿਮ੍ਪਿ ਪੁਚ੍ਛਿਂ, ਅਨਾਪਤ੍ਤਿਮ੍ਪਿ ਪੁਚ੍ਛਿਂ, ਅਞ੍ਞਾਨਿਪਿ ਏਵਰੂਪਾਨਿ ਅਨੇਕਾਨਿ ਪੁਚ੍ਛਿਤਬ੍ਬਟ੍ਠਾਨਾਨਿ ਪੁਚ੍ਛਿਂ, ਪੁਟ੍ਠੋ ਪੁਟ੍ਠੋ ਚ ਸੋ ਆਯਸ੍ਮਾ ਵਿਚਿਤ੍ਤਸਾਰਾਭਿਵਂਸੋ ਵਿਸ੍ਸਜ੍ਜੇਸਿ, ਇਤਿਹਿਦਂ ਭਨ੍ਤੇ ਪਠਮ ਸਙ੍ਘਾਦਿਸੇਸ ਸਿਕ੍ਖਾਪਦਂ ਸਪਰਿਵਾਰਂ ਨਿਮ੍ਮਲਂ ਸੁਪਰਿਸੁਦ੍ਧਂ ਤਸ੍ਸੇਵ ਭਗਵਤੋ ਵਚਨਂ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ. ਤਸ੍ਮਾ ਯਥਾਪੁਰੇ ਮਹਾਕਸ੍ਸਪਾਦਯੋ ਮਹਾਥੇਰਵਰਾ ਪੋਰਾਣਸਂਗੀਤਿਕਾਰਾ ਬ੍ਰਹ੍ਮਚਰਿਯਸ੍ਸ ਚਿਰਟ੍ਠਿਤਿਯਾ ਬਹੁਜਨਹਿਤਾਯ ਬਹੁਜਨਸੁਖਾਯ ਲੋਕਾਨੁਕਮ੍ਪਾਯ ਅਤ੍ਥਾਯ ਹਿਤਾਯ ਸੁਖਾਯ ਦੇਵਮਨੁਸ੍ਸਾਨਂ ਧਮ੍ਮਵਿਨਯਂ ਸਂਗਾਯਿਂਸੁਚੇਵ ਅਨੁਸਂਗਾਯਿਂਸੁਚ, ਏਵਮੇਵ ਮਯਮ੍ਪਿ ਸਬ੍ਬੇਵ ਛਟ੍ਠਸਂਗੀਤਿਮਹਾਧਮ੍ਮਸਭਾ ਪਰਿਯਾਪਨ੍ਨਾ ਇਦਂ ਪਠਮਂ ਸਙ੍ਘਾਦਿਸੇਸ ਸਿਕ੍ਖਾਪਦਂ ਨਿਦਾਨਤੋ ਪਟ੍ਠਾਯ ਏਕਚ੍ਚਾਨਂ ਵਚਸਾ ਸਜ੍ਝਾਯਵਸੇਨ ਏਕਚ੍ਚਾਨਂ ਮਨਸਾ ਮਨਸਿਕਰਣਵਸੇਨਚ ਏਕਤੋ ਗਣਸਜ੍ਝਾਯਂ ਕਤ੍ਵਾ ਸਂਗਾਯੇਯ੍ਯਾਮ.
ਪੁਚ੍ਛਾ – ਯਂ ਤੇਨ ਆਵੁਸੋ ਭਗਵਤਾ…ਪੇ… ਸਮ੍ਮਾਸਮ੍ਬੁਦ੍ਧੇਨ ਮਾਤੁਕਾਮੇਨ ਸਦ੍ਧਿਂ ਕਾਯਸਂਸਗ੍ਗਂ ਸਮਾਪਜ੍ਜਨ੍ਤਸ੍ਸ ਚ, ਮਾਤੁਗਾਮਂ ਦੁਟ੍ਠੁਲ੍ਲਾਹਿ ਵਾਚਾਹਿ ਓਭਾਸਨ੍ਤਸ੍ਸ ਚ, ਮਾਤੁਗਾਮਸ੍ਸ ਸਨ੍ਤਿਕੇ ਅਤ੍ਤਕਾਮ ਪਾਰਿਚਰਿਯਾਯ ਵਣ੍ਣਂ ਭਾਸਨ੍ਤਸ੍ਸ ਚ, ਸਞ੍ਚਰਿਤ੍ਤਂ ਸਮਾਪਜ੍ਜਨ੍ਤਸ੍ਸ ਚ ਸਙ੍ਘਾਦਿਸੇਸੋ ਕਤ੍ਥ ਪਞ੍ਞਤ੍ਤੋ.
ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਪਞ੍ਞਤ੍ਤੋ.
ਪੁਚ੍ਛਾ – ਕਂ ਆਵੁਸੋ ਆਰਬ੍ਭ ਪਞ੍ਞਤ੍ਤੋ.
ਵਿਸ੍ਸਜ੍ਜਨਾ – ਆਯਸ੍ਮਨ੍ਤਂ ਭਨ੍ਤੇ ਉਦਾਯਿਤ੍ਥੇਰਂ ਆਰਬ੍ਭ ਪਞ੍ਞਤ੍ਤੋ.
ਪੁਚ੍ਛਾ – ਕਿਸ੍ਮਿਂ ਆਵੁਸੋ ਵਤ੍ਥੁਸ੍ਮਿਂ ਪਞ੍ਞਤ੍ਤੋ.
ਵਿਸ੍ਸਜ੍ਜਨਾ – ਆਯਸ੍ਮਾ ਭਨ੍ਤੇ ਉਦਾਯਿਤ੍ਥੇਰੋ ਮਾਤੁਗਾਮੇਨ ਸਦ੍ਧਿਂ ਕਾਯਸਂਸਗ੍ਗਂ ਸਮਾਪਜ੍ਜਿ, ਆਯਸ੍ਮਾਯੇਵ ਭਨ੍ਤੇ ਉਦਾਯਿਤ੍ਥੇਰੋ ਮਾਤੁਗਾਮਂ ਦੁਟ੍ਠੁਲ੍ਲਾਹਿ ਵਾਚਾਹਿ ਓਭਾਸਿ, ਆਯਸ੍ਮਾਯੇਵ ਭਨ੍ਤੇ ਉਦਾਯਿਤ੍ਥੇਰੋ ਮਾਤੁਗਾਮਸ੍ਸ ਸਨ੍ਤਿਕੇ ਅਤ੍ਤਕਾਮ ਪਾਰਿਚਰਿਯਾਯ ਵਣ੍ਣਂ ਅਭਾਸਿ, ਆਯਸ੍ਮਾਯੇਵ ਭਨ੍ਤੇ ਉਦਾਯਿਤ੍ਥੇਰੋ ਸਞ੍ਚਰਿਤ੍ਤਂ ਸਮਾਪਜ੍ਜਿਂ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤੋ.
੬. ਕੁਟਿਕਾਰ ਸਙ੍ਘਾਦਿਸੇਸ ਸਿਕ੍ਖਾਪੁਚ੍ਛਾ
ਪੁਚ੍ਛਾ – ਯਂ ਤੇਨ ਆਵੁਸੋ…ਪੇ… ਸਮ੍ਮਾਸਮ੍ਬੁਦ੍ਧੇਨ ਸਞ੍ਞਾਚਿਕਾਯ ਕੁਟਿਂ ਕਾਰਾਪੇਨ੍ਤਸ੍ਸ ਸਙ੍ਘਾਦਿਸੇਸੋ ਕਤ੍ਥ ਪਞ੍ਞਤ੍ਤੋ.
ਵਿਸ੍ਸਜ੍ਜਨਾ – ਆਲ਼ਵਿਯਂ ਭਨ੍ਤੇ ਪਞ੍ਞਤ੍ਥੋ.
ਪੁਚ੍ਛਾ – ਕਂ ਆਵੁਸੋ ਆਰਬ੍ਭ ਪਞ੍ਞਤ੍ਤੋ.
ਵਿਸ੍ਸਜ੍ਜਨਾ – ਆਲ਼ਵਿਕੇ ਭਨ੍ਤੇ ਭਿਕ੍ਖੂ ਆਰਬ੍ਭ ਪਞ੍ਞਤ੍ਤੋ.
ਪੁਚ੍ਛਾ – ਕਿਸ੍ਮਿਂ ਆਵੁਸੋ ਵਤ੍ਥੁਸ੍ਮਿਂ ਪਞ੍ਞਤ੍ਤੋ.
ਵਿਸ੍ਸਜ੍ਜਨਾ – ਆਲ਼ਵਿਕਾ ਭਨ੍ਤੇ ਭਿਕ੍ਖੂ ਸਞ੍ਞਾਚਿਕਾਯੋ ਕੁਟਿਯੋ ਕਾਰਾਪੇਸੁਂ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤੋ.
੭. ਵਿਹਾਰਕਾਰ ਸਙ੍ਘਾਦਿਸੇਸ ਸਿਕ੍ਖਾਪੁਚ੍ਛਾ
ਪੁਚ੍ਛਾ – ਯਂ ਤੇਨ ਆਵੁਸੋ…ਪੇ… ਸਮ੍ਮਾਸਮ੍ਬੁਦ੍ਧੇਨ ਮਹਲ੍ਲਕਂ ਵਿਹਾਰਂ ਕਾਰਾਪੇਨ੍ਤਸ੍ਸ ਸਙ੍ਘਾਦਿਸੇਸੋ ਕਤ੍ਥ ਪਞ੍ਞਤ੍ਤੋ.
ਵਿਸ੍ਸਜ੍ਜਨਾ – ਕੋਸਮ੍ਬਿਯਂ ਭਨ੍ਤੇ.
ਪੁਚ੍ਛਾ – ਕਂ ਆਵੁਸੋ ਆਰਬ੍ਭ ਪਞ੍ਞਤ੍ਤੋ.
ਵਿਸ੍ਸਜ੍ਜਨਾ – ਆਯਸ੍ਮਨ੍ਤਂ ਭਨ੍ਤੇ ਛਨ੍ਨਤ੍ਥੇਰਂ ਆਰਬ੍ਭ ਪਞ੍ਞਤ੍ਤੋ.
ਪੁਚ੍ਛਾ – ਕਿਸ੍ਮਿਂ ਆਵੁਸੋ ਵਤ੍ਥੁਸ੍ਮਿਂ ਪਞ੍ਞਤ੍ਤੋ.
ਵਿਸ੍ਸਜ੍ਜਨਾ – ਆਯਸ੍ਮਾ ਭਨ੍ਤੇ ਛਨ੍ਨੋ ਵਿਹਾਰਵਤ੍ਥੁਂ ਸੋਧੇਨ੍ਤੋ ਅਞ੍ਞਤਰਂ ਚੇਤਿਯਰੁਕ੍ਖਂ ਛੇਦਾਪੇਸਿ ਗਾਮਪੂਜਿਤਂ ਨਿਗਮਪੂਜਿਤਂ ਨਗਰ ਪੂਜਿਤਂ ਜਨਪਦਪੂਜਿਤਂ ਰਟ੍ਠਪੂਜਿਤਂ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤੋ.
੮-੯. ਦੁਟ੍ਠਦੋਸ ਸਙ੍ਘਾਦਿਸੇਸ ਸਿਕ੍ਖਾਪੁਚ੍ਛਾ
ਪੁਚ੍ਛਾ – ਯਂ ਤੇਨ ਆਵੁਸੋ ਭਗਵਤਾ…ਪੇ… ਸਮ੍ਮਾਸਮ੍ਬੁਦ੍ਧੇਨ ਭਿਕ੍ਖੁਂ ਅਮੂਲਕੇਨ ਪਾਰਾਜਿਕੇਨ ਧਮ੍ਮੇਨ ਅਨੁਦ੍ਧਂਸੇਨ੍ਤਸ੍ਸ ਚ, ਭਿਕ੍ਖੁਂ ਅਞ੍ਞਭਾਗਿਯਸ੍ਸ ਅਧਿਕਰਣਸ੍ਸ ਕਿਞ੍ਚਿਦੇਸਂ ਲੇਸਮਤ੍ਤਂ ਉਪਾਦਾਯ ਪਾਰਾਜਿਕੇਨ ਧਮ੍ਮੇਨ ਅਨੁਦ੍ਧਂਸੇਨ੍ਤਸ੍ਸ ਚ ਸਙ੍ਘਾਦਿਸੇਸੋ ਕਤ੍ਥ ਪਞ੍ਞਤ੍ਤੋ.
ਵਿਸ੍ਸਜ੍ਜਨਾ – ਰਾਜਗਹੇ ਭਨ੍ਤੇ ਪਞ੍ਞਤ੍ਤੋ.
ਪੁਚ੍ਛਾ – ਕਂ ਆਵੁਸੋ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤੋ.
ਵਿਸ੍ਸਜ੍ਜਨਾ – ਮੇਤ੍ਤਿਯਭੂਮਜਕਾ ਭਨ੍ਤੇ ਭਿਕ੍ਖੂ ਆਰਬ੍ਭ ਪਞ੍ਞਤ੍ਤੋ, ਮੇਤ੍ਤਿਯਭੂਮਜਕਾ ਭਨ੍ਤੇ ਭਿਕ੍ਖੂ ਆਯਸ੍ਮਨ੍ਤਂ ਦਬ੍ਬਂ ਮਲ੍ਲਪੁਤ੍ਤਂ ਅਮੂਲਕੇਨ ਪਾਰਾਜਿਕੇਨ ਧਮ੍ਮੇਨ ਅਨੁਦ੍ਧਂਸੇਸੁਂ, ਤੇਯੇਵ ਭਨ੍ਤੇ ਮੇਤ੍ਤਿਯਭੂਮਜਕਾ ਭਿਕ੍ਖੂ ਆਯਸ੍ਮਨ੍ਤਂ ਦਬ੍ਬਂ ਮਲ੍ਲਪੁਤ੍ਤਂ ਅਞ੍ਞਭਾਗਿਯਸ੍ਸ ਅਧਿਕਰਣਸ੍ਸ ਕਿਞ੍ਚਿਦੇਸਂ ਲੇਸਮਤ੍ਤਂ ਉਪਾਦਾਯ ਪਾਰਾਜਿਕੇਨ ਧਮ੍ਮੇਨ ਅਨੁਦ੍ਧਂਸੇਸੁਂ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ, ਪਞ੍ਞਤ੍ਤੋ.
੧੦. ਸਙ੍ਘਭੇਦਕ ਸਙ੍ਘਾਦਿਸੇਸ ਸਿਕ੍ਖਾਪੁਚ੍ਛਾ
ਪੁਚ੍ਛਾ – ਯਂ ਤੇਨ ਆਵੁਸੋ ਭਗਵਤਾ…ਪੇ… ਸਮ੍ਮਾਸਮ੍ਬੁਦ੍ਧੇਨ ਸਙ੍ਘਭੇਦਕਸ੍ਸ ਭਿਕ੍ਖੁਨੋ ਯਾਵਤਤਿਯਂ ਸਮਨੁਭਾਸਨਾਯ ਅਪ੍ਪਟਿਨਿਸ੍ਸਜ੍ਜਨ੍ਤਸ੍ਸ ਸਙ੍ਘਾਦਿਸੇਸੋ ਕਤ੍ਥ ਪਞ੍ਞਤ੍ਤੋ.
ਵਿਸ੍ਸਜ੍ਜਨਾ – ਰਾਜਗਹੇ ਭਨ੍ਤੇ ਪਞ੍ਞਤ੍ਤੋ.
ਪੁਚ੍ਛਾ – ਕਂ ਆਵੁਸੋ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਥੋ.
ਵਿਸ੍ਸਜ੍ਜਨਾ – ਦੇਵਦਤ੍ਤਂ ਭਨ੍ਤੇ ਆਰਬ੍ਭ ਪਞ੍ਞਤ੍ਤੋ.
ਦੇਵਦਤ੍ਤੋ ਭਨ੍ਤੇ ਸਮਗ੍ਗਸ੍ਸ ਸਙ੍ਘਸ੍ਸ ਭੇਦਾਯ ਪਰਕ੍ਕਮਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤੋ.
੧੧. ਭੇਦਾਨੁਵਤ੍ਤਕ ਸਿਕ੍ਖਾਪੁਚ੍ਛਾ
ਪੁਚ੍ਛਾ – ਯਂ ਤੇਨ ਆਵੁਸੋ ਭਗਵਤਾ…ਪੇ… ਸਮ੍ਮਾਸਮ੍ਬੁਦ੍ਧੇਨ ਭੇਦਾਨੁਵਤ੍ਤਕਾਨਂ ਭਿਕ੍ਖੂਨਂ ਯਾਵਤਤਿਯਂ ਸਮਨੁਭਾਸਨਾਯ ਅਪ੍ਪਟਿਨਿਸ੍ਸਜ੍ਜਨ੍ਤਾਨਂ ਸਙ੍ਘਾਦਿਸੇਸੋ ਕਤ੍ਥ ਪਞ੍ਞਤ੍ਤੋ.
ਵਿਸ੍ਸਜ੍ਜਨਾ – ਰਾਜਗਹੇ ਭਨ੍ਤੇ ਪਞ੍ਞਤ੍ਤੋ.
ਪੁਚ੍ਛਾ – ਕਂ ਆਵੁਸੋ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤੋ.
ਵਿਸ੍ਸਜ੍ਜਨਾ – ਸਮ੍ਬਹੁਲੇ ਭਨ੍ਤੇ ਭਿਕ੍ਖੂ ਆਰਬ੍ਭ ਪਞ੍ਞਤ੍ਤੋ, ਸਮ੍ਬਹੁਲਾ ਭਨ੍ਤੇ ਭਿਕ੍ਖੂ ਦੇਵਦਤ੍ਤਸ੍ਸ ਸਙ੍ਘਾਭੇਦਾਯ ਪਰਕ੍ਕਮਨ੍ਤਸ੍ਸ ਅਨੁਵਤ੍ਤਕਾ ਅਹੇਸੁਂ ਵਗ੍ਗਵਾਦਕਾ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤੋ.
੧੨. ਦੁਬ੍ਬਚ, ਸਙ੍ਘਾਦਿਸੇਸ ਸਿਕ੍ਖਾਪੁਚ੍ਛਾ
ਪੁਚ੍ਛਾ – ਯਂ ਤੇਨ ਆਵੁਸੋ ਭਗਵਤਾ…ਪੇ… ਸਮ੍ਮਾਸਮ੍ਬੁਦ੍ਧੇਨ ਦੁਬ੍ਬਚਸ੍ਸ ਭਿਕ੍ਖੁਨੋ ਯਾਵਤਤਿਯਂ ਸਮਨੁਭਾਸਨਾਯ ਅਪ੍ਪਟਿਨਿਸ੍ਸਜ੍ਜਨ੍ਤਸ੍ਸ ਸਙ੍ਘਾਦਿਸੇਸੋ ਕਤ੍ਥ ਪਞ੍ਞਤ੍ਤੋ.
ਵਿਸ੍ਸਜ੍ਜਨਾ – ਕੋਸਮ੍ਬਿਯਂ ਭਨ੍ਤੇ ਪਞ੍ਞਤ੍ਤੋ.
ਪੁਚ੍ਛਾ – ਕਂ ਆਵੁਸੋ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤੋ.
ਵਿਸ੍ਸਜ੍ਜਨਾ – ਆਯਸ੍ਮਨ੍ਤਂ ਭਨ੍ਤੇ ਛਨ੍ਨਂ ਆਰਬ੍ਭ ਪਞ੍ਞਤ੍ਤੋ, ਆਯਸ੍ਮਾ ਭਨ੍ਤੇ ਛਨ੍ਨੋ ਭਿਕ੍ਖੂਹਿ ਸਹਧਮ੍ਮਿਕਂ ਵੁਚ੍ਚਮਾਨੋ ਅਤ੍ਤਾਨਂ ਅਵਚਨੀਯਂ ਅਕਾਸਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤੋ.
੧੩. ਕੁਲਦੂਸਕ ਸਙ੍ਘਾਦਿਸੇਸ ਸਿਕ੍ਖਾਪੁਚ੍ਛਾ
ਪੁਚ੍ਛਾ – ਯਂ ਤੇਨ ਆਵੁਸੋ ਭਗਵਤਾ…ਪੇ… ਸਮ੍ਮਾਸਮ੍ਬੁਦ੍ਧੇਨ ਕੁਲਦੂਸਕਸ੍ਸ ਭਿਕ੍ਖੁਨੋ ਯਾਵਤਤਿਯਂ ਸਮਨੁਭਾਸਨਾਯ ਅਪ੍ਪਟਿਨਿਸ੍ਸਜ੍ਜਨ੍ਤਸ੍ਸ ਸਙ੍ਘਾਦਿਸੇਸੋ ਕਤ੍ਥ ਪਞ੍ਞਤ੍ਤੋ.
ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਪਞ੍ਞਤ੍ਤੋ.
ਪੁਚ੍ਛਾ – ਕਂ ਆਰਬ੍ਭ ਆਵੁਸੋ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤੋ.
ਵਿਸ੍ਸਜ੍ਜਨਾ – ਅਸ੍ਸਜਿ ਪੁਨਬ੍ਬਸੁਕੇ ਭਨ੍ਤੇ ਭਿਕ੍ਖੂ ਆਰਬ੍ਭ ਪਞ੍ਞਤ੍ਤੋ, ਅਸ੍ਸਜਿਪੁਨਬ੍ਬਸੁਕਾ ਭਨ੍ਤੇ ਭਿਕ੍ਖੂ ਸਙ੍ਘੇਨ ਪਬ੍ਬਾਜਨੀਯਕਮ੍ਮਕਤਾ ਛਨ੍ਦਗਾਮਿਤਾ ਦੋਸਗਾਮਿਤਾ ਮੋਹਗਾਮਿਤਾ ਭਯਗਾਮਿਤਾ ਪਾਪੇਸੁਂ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤੋ.
ਅਨਿਯਤ ਸਿਕ੍ਖਾਪੁਚ੍ਛਾ
ਪੁਚ੍ਛਾ – ਯਂ ਤੇਨ ਆਵੁਸੋ ਭਗਵਤਾ…ਪੇ… ਸਮ੍ਮਾਸਮ੍ਬੁਦ੍ਧੇਨ ਪਠਮੋ ਚ ਅਨਿਯਤੋ ਦੁਤਿਯੋ ਚ ਅਨਿਯਤੋ ਕਤ੍ਥ ਪਞ੍ਞਤ੍ਤੋ.
ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਪਞ੍ਞਤ੍ਤੋ.
ਪੁਚ੍ਛਾ – ਕਂ ਆਵੁਸੋ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤੋ.
ਵਿਸ੍ਸਜ੍ਜਨਾ – ਆਯਸ੍ਮਨ੍ਤਂ ਭਨ੍ਤੇ ਉਦਾਯਿਂ ਆਰਬ੍ਭ ਪਞ੍ਞਤ੍ਤੋ, ਆਯਸ੍ਮਾ ਭਨ੍ਤੇ ਉਦਾਯੀ ਮਾਤੁਗਾਮੇਨ ਸਦ੍ਧਿਂ ਏਕੋਏਕਾਯ ਰਹੋ ਪਟਿਚ੍ਛਨ੍ਨੇ ਆਸਨੇ ਅਲਂਕਮ੍ਮਨਿਯੇ ਨਿਸਜ੍ਜਂ ਕਪ੍ਪੇਸਿ, ਤਸ੍ਮਿਞ੍ਚ ਵਤ੍ਥੁਸ੍ਮਿਂ, ਆਯਸ੍ਮਾਯੇਵ ਭਨ੍ਤੇ ਉਦਾਯੀ ਮਾਤੁਗਾਮੇਨ ਸਦ੍ਧਿਂ ਰਹੋ ਨਿਸਜ੍ਜਂ ਅਕਾਸਿ, ਤਸ੍ਮਿਞ੍ਚ ਭਨ੍ਤੇ ਵਤ੍ਥੁਸ੍ਮਿਂ ਪਞ੍ਞਤ੍ਤੋ.
ਪੁਚ੍ਛਾ – ਕਸ੍ਸ ਆਵੁਸੋ ਵਚਨਂ.
ਵਿਸ੍ਸਜ੍ਜਨਾ – ਭਗਵਤੋ ਭਨ੍ਤੇ ਵਚਨਂ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ.
ਪੁਚ੍ਛਾ – ਕੇਨਾਵੁਸੋ ਆਭਤਂ.
ਵਿਸ੍ਸਜ੍ਜਨਾ – ਪਰਮ੍ਪਰਾਯ ਭਨ੍ਤੇ ਆਭਤਂ.
ਪੁਚ੍ਛਾ – ਅਤ੍ਥਿ ਨੁਖੋ ਆਵੁਸੋ ਏਤ੍ਥ ਕੋਚਿਪਿ ਵਿਰਦ੍ਧਦੋਸੋ.
ਵਿਸ੍ਸਜ੍ਜਨਾ – ਨਤ੍ਥਿ ਭਨ੍ਤੇ.
ਸਂਗਾਯਨਤ੍ਥਾਯ ਸਙ੍ਘਸ੍ਸਞਾਪਨਂ
ਸੁਣਾਤੁ ਮੇ ਭਨ੍ਤੇ ਸਙ੍ਘੋ, ਅਹਂ ਭਨ੍ਤੇ ਆਯਸ੍ਮਨ੍ਤਂ ਵਿਚਿਤ੍ਤਸਾਰਾਭਿਵਂਸਂ ਤਿਪਿਟਕਧਰ ਧਮ੍ਮਭਣ੍ਡਾਗਾਰਿਕਂ ਪਠਮ ਦੁਟ੍ਠਦੋਸ ਸਿਕ੍ਖਾਪਦਤੋ ਪਟ੍ਠਾਯ ਪੁਚ੍ਛਿਤਬ੍ਬਾਨਿ ਅਨੇਕਾਨਿ ਠਾਨਾਨਿ ਪੁਚ੍ਛਿਂ, ਸੋ ਚ ਆਯਸ੍ਮਾ ਪੁਟ੍ਠੋ ਪੁਟ੍ਠੋ ਵਿਸ੍ਸਜ੍ਜੇਤਿ, ਇਤਿਹਿਦਂ ਭਨ੍ਤੇ ਸਬ੍ਬਂ ਸਿਕ੍ਖਾਪਦਂ ਨਿਮ੍ਮਲਂ ਸੁਪਰਿਸੁਦ੍ਧਂ ਤਸ੍ਸੇਵ ਭਗਵਤੋ ਵਚਨਂ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ, ਤਸ੍ਮਾ ਯਥਾਪੁਰੇ ਮਹਾਕਸ੍ਸਪਾਦਯੋ ਮਹਾਥੇਰਵਰਾ ਪੋਰਾਣਸਂਗੀਤਿਕਾਰਾ ਬ੍ਰਹ੍ਮਚਰਿਯਸ੍ਸ ਚਿਰਟ੍ਠਿਤਿਯਾ ਬਹੁਜਨਹਿਤਾਯ ਬਹੁਜਨਸੁਖਾਯ ਲੋਕਾਨੁਕਮ੍ਪਾਯ ਅਤ੍ਥਾਯ ਹਿਤਾਯ ਸੁਖਾਯ ਦੇਵਮਨੁਸ੍ਸਾਨਂ ਸਂਗਾਯਿਂਸੁਚੇਵ ਅਨੁਸਂਗਾਯਿਂਸੁਚ, ਏਵਮੇਵ ਮਯਮ੍ਪਿ ਦਾਨਿ ਸਬ੍ਬੇਵ ਛਟ੍ਠਸਂਗੀਤਿ ਮਹਾਧਮ੍ਮਸਭਾਪਰਿਯਾਪਨ੍ਨਾ ਇਮਾਨਿ ਸਿਕ੍ਖਾਪਦਾਨਿ ਏਕਤੋ ਗਣਸਜ੍ਝਾਯਂ ਕਤ੍ਵਾ ਸਂਗਾਯੇਯ੍ਯਾਮ.