੨੪. ਵਣ੍ਣਪਰੇਨ ਸਵਣ੍ਣੋਪਿ

ਵਣ੍ਣਸਦ੍ਦੋ ਪਰੋ ਯਸ੍ਮਾ, ਤੇਨ ਸਵਣ੍ਣੋਪਿ ਗਯ੍ਹਤਿ ਸਯਞ੍ਚ ਰੂਪਂਤਿ ਈਊਨਮ੍ਪਿ ਏ+ਓ. ਸਬ੍ਬਤ੍ਥ ਰਸ੍ਸਸ੍ਸ ਜਾਤਿਨਿਦ੍ਦੇਸੇ ਦੀਘਸ੍ਸਾਪਿ ਗਹਣਤ੍ਥਂ ਇਦ+ਮਾਰਦ੍ਧਂ. ਤਸ੍ਸੇਦਂ, ਵਾਤੇਰਿਤਂ, ਨੋਪੇਤਿ, ਵਾਮੋਰੁ, ਅਤੇਵਞ੍ਞੇਹਿ, ਵੋਦਕਂ. ਇਦਞ੍ਚ ਪਚ੍ਛਿਮੋਦਾਹਰਣਦ੍ਵਯਂ ‘‘ਅਵਣ੍ਣੇ ਲੁਤ੍ਤੇ ਏਵ ਏ+ਓ ਹੋਨ੍ਤੀ’’ਤਿ ਗਾਹਸ੍ਸ ਨਿਸੇਧਨਤ੍ਥਂ. ਵਾਤ੍ਵੇਵ, ਤਸ੍ਸਿਦਂ. ਕਥਂ ‘‘ਪਚ੍ਚੋਰਸ੍ਮਿ’’ਨ੍ਤਿ, ਯੋਗਵਿਭਾਗਾ. ਪਤਿ ਉਰਸ੍ਮਿਨ੍ਤਿ ਵਿਭਜ੍ਜ ‘‘ਯਵਾ ਸਰੇ’’ਤਿ ਯਕਾਰੇ ‘‘ਤਵਗ੍ਗਵਰਣਾ’’ਦਿਨਾ ਚੋ, ‘‘ਵਗ੍ਗਲਸੇਹਿ ਤੇ’’ਤਿ ਪੁਬ੍ਬਰੂਪਞ੍ਚ, ‘‘ਯੁਵਣ੍ਣਾਨ+ਮੇਓ’’ਤਿ (ਯੋਗਵਿਭਾਗਾ) ਉਸ੍ਸ ਓ ਚ. ਲੁਤ੍ਤਾਤਿ ਕਿਂ, ਦਸ ਇਮੇ ਧਮ੍ਮਾ, ਯਥਾ ਇਦਂ, ਕੁਸਲਸ੍ਸ ਉਪਸਮ੍ਪਦਾ. ਅਤਿਪ੍ਪਸਙ੍ਗਬਾਧਕਸ੍ਸ ਕ੍ਵਚਿਸਦ੍ਦਸ੍ਸਾਨੁਵਤ੍ਤਨਤੋ ਨ ਵਿਕਪ੍ਪਵਿਧਿ ਨਿਯਤਾ, ਤੇਨ ਉਪੇਤੋ, ਅਵੇਚ੍ਚਾਤਿ ਏਵਮਾਦੀਸੁ ਵਿਕਪ੍ਪੋ. ਤਾਰਕਿਤਾ, ਯਸ੍ਸਿਨ੍ਦ੍ਰਿਯਾਨਿ, ਮਹਿਦ੍ਧਿਕੋ, ਸਬ੍ਬੀਤਿਯੋ, ਤੇਨੁਪਸਙ੍ਕਮਿ, ਲੋਕੁਤ੍ਤਰੋਤਿਆਦੀਸੁ ਵਿਧਿ ਚ ਨ ਹੋਤਿ.

ਪਟਿਸਨ੍ਥਾਰਵੁਤ੍ਤਿ ਅਸ੍ਸ, ਸਬ੍ਬਵਿਤ੍ਤਿ ਅਨੁਭੂਯਤੇ, ਵਿ ਅਞ੍ਜਨਂ, ਵਿ ਆਕਤੋ, ਦਾਸੀ ਅਹਂ, ਅਹੁਵਾ ਪੁਰੇ, ਅਨੁ ਅਦ੍ਧਮਾਸਂ, ਅਨੁ ਏਤਿ, ਸੁ ਆਗਤਂ, ਸੁ ਆਕਾਰੋ, ਦੁ ਆਕਾਰੋ, ਚਕ੍ਖੁ ਆਪਾਥਂ, ਬਹੁ ਆਬਾਧੋ, ਪਾਤੁ ਅਕਾਸਿ, ਨ ਤੁ ਏਵ, ਭੂ ਆਪਨਲਾਨਿਲਂ ਇਤੀ+ਧ ‘‘ਯੁਵਣ੍ਣਾਨਂ’’ ‘‘ਵੇ’’ਤਿ ਚ ਵਤ੍ਤਤੇ,