ਪੁਤ੍ਤਕਣ੍ਡ

੨੮੧. ਅਭਿਜਾਤਂ ਅਨੁਜਾਤਂ, ਪੁਤ੍ਤਮਿਚ੍ਛਨ੍ਤਿ ਪਣ੍ਡਿਤਾ;

ਅਵਜਾਤਂ ਨ ਇਚ੍ਛਨ੍ਤਿ, ਯੋ ਹੋਤਿ ਕੁਲਗਨ੍ਧਨੋ.

੨੮੨. ਪਞ੍ਚਟ੍ਠਾਨਾਨਿ ਸਮ੍ਪਸ੍ਸਂ, ਪੁਤ੍ਤਮਿਚ੍ਛਨ੍ਤਿ ਪਣ੍ਡਿਤਾ;

ਭਤੋ ਵਾ ਨੋ ਭਰਿਸ੍ਸਤਿ, ਕਿਚ੍ਚਂ ਵਾ ਨੋ ਕਰਿਸ੍ਸਤਿ.

੨੮੩. ਕੁਲਵਂਸੋ ਚਿਰਂ ਤਿਟ੍ਠੇ, ਦਾਯਜ੍ਜਂ ਪਟਿਪਜ੍ਜਤਿ;

ਅਥ ਵਾ ਪਨ ਪੇਤਾਨਂ, ਦਕ੍ਖਿਨਂ ਅਨੁਪਦਸ੍ਸਤਿ.

੨੮੪. ਬਹੁਪੁਤ੍ਤੇ ਪਿਤਾ ਏਕੋ, ਅਵਸ੍ਸਂ ਪੋਸੇਤਿ ਸਦਾ;

ਬਹੁਪੁਤ੍ਤਾ ਨ ਸਕ੍ਕੋਨ੍ਤਿ, ਪੋਸੇਤੁਂ ਪਿਤਰੇਕਕਂ.

੨੮੫. ਪੁਤ੍ਤਂ ਵਾ ਭਾਤਰਂ ਦੁਟ੍ਠੁ, ਅਨੁਸਾਸੇਯ੍ਯ ਨੋ ਜਹੇ;

ਕਿਨ੍ਨੁ ਛੇਜ੍ਜਂ ਕਰਂ ਪਾਦਂ, ਲਿਤ੍ਤਂ ਅਸੁਚਿਨਾ ਸਿਯਾ.