ਵੇਜ੍ਜਾਚਰਿਯ ਕਣ੍ਡ

੨੮੬. ਆਯੁਬੇਦਕਤਾਭ੍ਯਾਸੋ, ਸਬ੍ਬੇਸਂ ਪਿਯਦਸ੍ਸਨੋ;

ਅਰਿਯਸੀਲਗੁਣੋਪੇਤੋ, ਏਸ ਵੇਜ੍ਜੋ ਵਿਧੀਯਤੇ.

੨੮੭. ਨਾਨਾਗਨ੍ਥਜਾਨਨਞ੍ਚ, ਸੁਦਿਟ੍ਠਕਮ੍ਮਸਮ੍ਪਦਾ;

ਦਕ੍ਖਤਾ ਹਤ੍ਥਸੀਘਤਾ, ਪਸਾਦਸੂਰਸਤ੍ਤਿਤਾ.

੨੮੮. ਸਾਭਾਵਿਕਤਙ੍ਖਣਿਕ-ਞਾਣਸੁਭਾਸਿਤਾਪਿ ਚ;

ਉਸ੍ਸਾਹੋ ਦਬ੍ਬੋ ਸਬ੍ਬਤਾ, ਵੇਜ੍ਜਾਚੇਰਸ੍ਸ ਲਕ੍ਖਣਂ;

੨੮੯. ਕਿਲਿਟ੍ਠਵਤ੍ਥਂ ਕੋਧੋ ਚ, ਅਤਿਮਾਨਞ੍ਚ ਗਮ੍ਮਤਾ;

ਅਨਿਮਨ੍ਤਿਤਗਮਨਂ, ਏਤੇ ਪਞ੍ਚ ਵਿਵਜ੍ਜਿਯਾ.

੨੯੦. ਦਿਟ੍ਠਕਮ੍ਮਤਾ ਸੋਚਞ੍ਚ, ਦਕ੍ਖਤਾ ਵਿਦਿਤਾਗਮੋ;

ਚਤ੍ਤਾਰੋ ਸੁਭਿਸਕ੍ਕਸ੍ਸ, ਸੁਗੁਣਾ ਵਿਞ੍ਞੁਨਾ ਮਤਾ.

੨੯੧. ਰੁਜਾਯ ਜਯਲਕ੍ਖਣਂ, ਰਸੋ ਚ ਭੇਸਜ੍ਜਮ੍ਪਿ ਚ;

ਤਿਲਕ੍ਖਣਭੇਦੋ ਚੇਵ, ਵਿਞ੍ਞੇਯ੍ਯੋ ਭਿਸਕ੍ਕੇਨ ਵੇ.