ਨਾਯਕ ਕਣ੍ਡ

੨੭੬. ਅਨਾਯਕਾ ਵਿਨਸ੍ਸਨ੍ਤਿ, ਨਸ੍ਸਨ੍ਤਿ ਬਹੁਨਾਯਕਾ;

ਥੀਨਾਯਕਾ ਵਿਨਸ੍ਸਨ੍ਤਿ, ਨਸ੍ਸਨ੍ਤਿ ਸੁਸੁਨਾਯਕਾ.

੨੭੭. ਗਵਂ ਚੇ ਤਰਮਾਨਾਨਂ, ਉਜੁਂ ਗਚ੍ਛਤਿ ਪੁਙ੍ਗਵੋ;

ਸਬ੍ਬਾ ਗਾਵੀ ਉਜੁਂ ਯਨ੍ਤਿ, ਨੇਤ੍ਤੇ ਉਜੁਂ ਗਤੇ ਸਤਿ.

੨੭੮. ਏਵਮੇਵ ਮਨੁਸ੍ਸੇਸੁ, ਯੋ ਹੋਤਿ ਸੇਟ੍ਠਸਮ੍ਮਤੋ;

ਸੋ ਸਚੇ ਧਮ੍ਮਂ ਚਰਤਿ, ਪਗੇਵ ਇਤਰਾ ਪਜਾ.

ਗਵਂ ਚੇ ਤਰਮਾਨਾਨਂ, ਉਜੁਂ ਗਚ੍ਛਤਿ ਪੁਙ੍ਗਵੋ;

ਸਬ੍ਬਾ ਗਾਵੀ ਉਜੁਂਯਨ੍ਤਿ, ਨੇਤ੍ਤੇ ਉਜੁਂ ਗਤੇ ਸਤਿ.

ਏਵਮੇਵ ਮਨੁਸ੍ਸੇਸੁ, ਯੋ ਹੋਤਿ ਸੇਟ੍ਠਸਮ੍ਮਤੋ;

ਸੋ ਸਚੇ ਧਮ੍ਮਂ ਚਰਤਿ, ਪਗੇਵ ਇਤਰਾ ਪਜਾ;

ਸਬ੍ਬਂ ਰਟ੍ਠਂ ਸੁਖਂ ਸੇਤਿ, ਰਾਜਾ ਚੇ ਹੋਤਿ ਧਮ੍ਮਿਕੋ.

੨੭੯. ਨੋਦਯਾਹ ਵਿਨਾਸਾਯ, ਬਹੁਨਾਯਕਤਾ ਭੁਸਂ;

ਮਿਲਾਯਨ੍ਤਿ ਵਿਨਸ੍ਸਨ੍ਤਿ, ਪਦ੍ਮਾਨ੍ਯਕ੍ਕੇਹਿ ਸਤ੍ਤਹਿ.

੨੮੦. ਸੁਤਾਰਕ੍ਖੋ ਅਭਿਯੋਗੋ, ਕੁਲਾਰਕ੍ਖੋ ਵਤ੍ਤਂ ਭਵੇ;

ਵਿਜ੍ਜਾ ਹਿ ਕੁਲਪੁਤ੍ਤਸ੍ਸ, ਨਾਯਕਸ੍ਸਾਪਮਾਦਕੋ.