ਜਿਨਵਂਸਦੀਪਂ |ਓ੦.੦੦੦੧|

ਨਮੋ ਤਸ੍ਸ ਭਗਵਤੋ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ

੧. ਮਹਾਦਯੋ ਯੋ ਹਦਯੋ’ਦਯੋ’ਦਯੋ

ਹਿਤਾਯ ਦੁਕ੍ਖਾਨੁਭਵੇ ਭਵੇ ਭਵੇ,

ਅਕਾਸਿ ਸਮ੍ਬੋਧਿਪਦਂ ਪਦਂ ਪਦਂ

ਤਮਾਭਿਵਨ੍ਦਾਮਿ ਜਿਨਂ ਜਿਨਂ ਜਿਨਂ; (ਯਮਕਬਨ੍ਧਨਂ)

੨. |ਓ੦.੦੦੦੨|

ਪਹਾਯ ਯਤ੍ਥਾ’ਭਿਰਤਿਂ ਰਤਿਂ ਰਤਿਂ

ਰਮਨ੍ਤਿ ਧਮ੍ਮੇਵ ਮੁਨੀ ਮੁਨੀ ਮੁਨੀ,

ਵਿਮੁਤ੍ਤਿਦਂ ਸਬ੍ਬਭਵਾ ਭਵਾ’ਭਵਾ

ਤਮਾਭਿਵਨ੍ਦੇ ਮਹਿਤਂ ਹਿਤਂ ਹਿਤਂ; (ਯਮਕਬਨ੍ਧਨਂ)

੩. |ਓ੦.੦੦੦੪|

ਨਿਪੀਤਸਦ੍ਧਮ੍ਮਰਸਾ ਰਸਾ’ਰਸਾ

ਸੁਪੁਞ੍ਞਖੇਤ੍ਤੋ’ਰਸਤਂ ਸਤਂ ਸਤਂ,

ਗਤਾ ਵਿਧੂਤਾ ਵਿਨਯੇਨ ਯੇਨ ਯੇ

ਤਮਾਭਿਵਨ੍ਦੇ’ਸਿਗਣਙ੍ਗਣ’ਙ੍ਗਣਂ; (ਯਮਕਬਨ੍ਧਨਂ)

੪. |ਓ੦.੦੦੦੫|

ਜਿਨਾ’ਨਤਮ੍ਭੋਰੁਹ ਹਂਸਰਾਜਿਨੀ

ਜਿਨੋਰਸਾਨਂ ਮੁਖਪਞ੍ਜਰਾ’ਲਿ ਨੀ,

ਸਦਤ੍ਥਸਾਰਂ ਸਰਸਂ ਵਿਸੂਦ ਨੀ

ਉਪੇਤੁ ਮੇ ਮਾਨਸਮੇਵ ਵਾਣਿ ਨੀ;

੫. ਕਮ੍ਮਾਵਸੇਸਾ ਵਿਚਿਤੋ’ਪਜਾਤ੍ਯਾ

ਗਨ੍ਥਾ’ਹਿਸਙ੍ਖਾਰਵਿਬਨ੍ਧਕਾ ਮੇ,

ਪਣਾਮ ਪੁਞ੍ਞਾਤਿਸਯੇਨ’ਨੇਨ

ਮਾ ਪਾਕਦਾਨਾ’ਵਸਰਾ ਭਵਨ੍ਤੁ;

੬. ਸੁਵਣ੍ਣਵਣ੍ਣਸ੍ਸ ਜਿਨਸ੍ਸ ਵਣ੍ਣਂ

ਵਣ੍ਣੇਯ੍ਯ ਕਪ੍ਪਮ੍ਪਿ ਕਜਿਤੋ ਸੁਵਣ੍ਣੋ,

ਕਪ੍ਪਸ੍ਸਿ’ਵੋਸਾਨ ਮਨਤ੍ਤਤਾਯ

ਨ ਪਾਪੁਣੇ ਬੁਦ੍ਧਗੁਣਾਨ ਮਨ੍ਤਂ;

੭. |ਓ੦.੦੦੦੬|

ਨਿਦ੍ਧਨ੍ਤ ਚਾਮੀਕਰ ਚਾਰੁ ਰੂਪਂ

ਸਰਸ੍ਸਤੀ ਭੂਸਣ ਭਾਸਨਂਚ,

ਅਨਞ੍ਞ ਸਾਧਾਰਣ ਞਾਣਮਸ੍ਸ

ਅਵਾਵਿਯਾ’ਚਿਨ੍ਤਿਯ ਮਪਕ੍ਪਮੇਯ੍ਯਂ;

੮. ਕੁਹਿਂ ਅਸਾਧਾਰਣ ਰੂਪ ਲੀਲਾ

ਕੁਹਿਂ ਅਸਾਧਾਰਣ ਵਾਣਿ ਲੀਲਾ,

ਕੁਹਿਂ ਅਸਾਧਾਰਣਞਾਣ ਲੀਲਾ

ਕੁਹਿਂ ਨੁ ਮੇ ਮਨ੍ਦਮਤਿਸ੍ਸ ਲੀਲਾ;

੯. |ਓ੦.੦੦੦੭|

ਵਿਭਾਵਿਮਾਨੀ ਪਰਵਮ੍ਹਿਨੋ ਯੇ

ਇਸ੍ਸਾ’ਭਿਮਾਨੇਨ ਵਿਭਞ੍ਞਮਾਨਾ,

ਗਵੇਸਯਨ੍ਤੀ’ਧ ਪਰਸ੍ਸ ਰਨ੍ਧਂ

ਤੇਸਂ ਪਸਂਸਾਗਰਹਾਹਿ ਕਿਮ੍ਮੇ;

੧੦. ਪਸਤ੍ਥ ਸਤ੍ਥਾਗਮ ਪਾਰਦਸ੍ਸੀ

ਯੇ ਸਾਧਵੋ ਸਾਧੁ ਗੁਣਪ੍ਪਸਨ੍ਤਾ,

ਗਨ੍ਥਸ੍ਸ ਨਿਮ੍ਮਾਣਪਰਿਸ੍ਸਮਂ ਨੋ

ਜਾਨਨ੍ਤਿ ਤੇਯੇਵ ਇਧਪ੍ਪਮਾਣਾ;

੧੧. ਆਦਿਚ੍ਚਵਂਸਪ੍ਪਭਵਸ੍ਸ ਤਸ੍ਸ

ਜਿਨਸ੍ਸ ਸਤ੍ਥਾਗਮਕੋਵਿਦੇਹਿ,

ਵੁਤ੍ਤੋਪਿ ਪੁਬ੍ਬਾਚਰਿਯੇਹਿ ਯੇਸੁ

ਗਨ੍ਥੇਸੁ ਸਙ੍ਖੇਪਵਸੇਨ ਵਂਸੋ;

੧੨. ਨ ਤੇਹਿ ਸਕ੍ਕਾ ਸੁਗਤਸ੍ਸ ਵਂਸਂ

ਕਿਞ੍ਚਾਪਿ ਵਿਞ੍ਞਾਤੁ ਮਸੇਸਯਿਤ੍ਵਾ,

ਸਮ੍ਪੁਣ੍ਣਵਂਸਸ੍ਸ ਵਿਭਾਵਨਾਯ

ਤਸ੍ਮਾ ਸਮੁਸ੍ਸਾਹਿਤ ਮਾਨਸੇਨ;

੧੩. |ਓ੦.੦੦੦੮|

ਅਭਿਪ੍ਪਸਨ੍ਨੋ ਰਤਨਤ੍ਤਯਮ੍ਹਿ

ਪਸਤ੍ਥਵਂਸਪ੍ਪਭਵੋ ਪਭੁਨਂ,

ਵਿਭੁਸਣੋ ਵਿਸ੍ਸੁਤਕਿਤ੍ਤਿਘੋਸੋ

ਯੋ ਭਾਤਿ ਲਙ੍ਕਾਯ ਮੁਲ਼ਾਰਭਾਗ੍ਯੋ;

੧੪. ਅਮਨ੍ਦਚਾਗਾ’ਭਿਰਤਸ੍ਸ

ਪੁਨਨ੍ਦੁ ਨਾਮਸ੍ਸ ਦਯਾਧਨਸ੍ਸ,

ਬੁਦ੍ਧੇ ਪਸਾਦਾਤਿਸਯਸ੍ਸ ਤਸ੍ਸ

ਅਜ੍ਝੇਸਨਞ੍ਚਾਪਿ ਪਟਿਗ੍ਗਹੇਤ੍ਵਾ;

੧੫. ਨਸ੍ਸਾਯ ਪੁਬ੍ਬਾਚਰਿਯੋ’ਪਦੇਸਂ

ਸੋਤੂਨ ਮਤ੍ਥਾਯ ਮਯਾ ਹਿਤਾਯ,

ਨਿਰੁਤ੍ਤਿਯਾ ਮਾਗਧਿਕਾਯ ਸਮ੍ਮਾ

ਵਿਧੀਯਤੇ’ਦਂ ਜਿਨਵਂਸਦੀਪਂ;

੧੬. |ਓ੦.੦੦੦੯|

ਸਦ੍ਧਾਸਿਨੇਹਾਨੁਗਤਾਯ ਪਞ੍ਞਾ-

ਦਸਾਯ ਸੋਤੂਹਿ ਮਨੋਵਿਮਾਨੇ,

ਪਦੀਪਿਤੋ’ਯਂ ਜਿਨਵਂਸਦੀਪ-

ਦੀਪੋਹਰੇਪਾਪਤਮਪ੍ਪਬਨ੍ਧਂ;

੧੭. ਪੁਰਙ੍ਗਪੁਣ੍ਣਾ ਸਿਰਿਜਮ੍ਬੁਦੀਪੇ

ਸਮ੍ਪਤ੍ਤਿਭਾਰੇਨ ਦਿਵਾ’ਵਤਿਣ੍ਣਾ,

ਯਾ ਦੇਵਰਾਜਸ੍ਸ’ਮਰਾਵਤੀ’ਵਾ-

ਮਰਾਵਤੀਨਾਮ ਪੁਰੀ ਪੁਰੇ’ਸੀ;

੧੮. ਵਿਜ੍ਜਾਧਰਾਨਞ੍ਚ ਵਿਹਙ੍ਗਮਾਨਂ

ਵਿਬਨ੍ਧ ਵੇਹਾਸਗਤਿਂ ਬਹਾਸ,

ਯਸ੍ਮਿਂ ਪੁਰਸ੍ਮਿਂ ਜਿਤਵੇਰਿ ਚਕ੍ਕਂ

ਪਾਕਾਰਚਕ੍ਕਂ ਵਿਯ ਚਕ੍ਕਵਾਲ਼ਂ;

੧੯. |ਓ੦.੦੦੧੦|

ਸਞ੍ਚੁਮ੍ਬਿਤਮ੍ਹੋਜ ਰਜੋ ਪਬਨ੍ਧ-

ਸੁਪਿਞ੍ਜਰਾਪਾ ਪਰਿਖਾਹਿਰਾਮਾ,

ਪੁਰਿਤ੍ਥਿ ਪਾਕਾਰ ਨਿਤਮ੍ਬਭਾਗੇ

ਸਮੁਬ੍ਬਹੀ ਕਞ੍ਚਨ ਮੇਖਲਾ’ਭਂ;

੨੦. ਰਤ੍ਤਿਨ੍ਦਿਵਾ ਰਤ੍ਤਮਣਿ’ਨ੍ਦਨੀਲ-

ਮਣਿਪ੍ਪਭਾਰਞ੍ਜਿਤ ਰਾਜਧਾਨਿ,

ਬਬਨ੍ਧ ਯਾ’ਮਨ੍ਦਸੁਰਿਨ੍ਦਚਾਪ-

ਸਮੁਜ੍ਜਲਾਕਾਸਤਲਬ੍ਬਿਲਾਸਂ;

੨੧. ਯਹਿਂਵਧੂਨਂ ਵਦਨਮ੍ਬੁਜੇਹਿ

ਕਤਾਵਮਾਨਂ ਹਰਿਣਙ੍ਕਬਿਮ੍ਬਂ,

ਪਭਾਹਿ ਨੀਲੋਪਲਤੋਰਣਾਤਂ

ਸੋਕਾਭੀਭੂਤਂਚ ਵਿਵਣ੍ਣਮਾਪ;

੨੨. |ਓ੦.੦੦੧੧|

ਸਰੋਰੁਹ’ਨ੍ਤੀ ਮਣਿਮਨ੍ਦਿਰਾਭਾ-

ਸਞ੍ਚੁਮ੍ਬਿਤਂ ਪੁਣ੍ਣਸਸਙ੍ਕਬਿਮ੍ਬਂ;

ਸਙ੍ਕਾਯ ਰਾਮਾਜਨਤਾ’ਭਿਰਾਮਾ

ਕਰੇ ਪਸਾਰੇਸਿ ਪੁਰਮ੍ਹਿ ਯਸ੍ਮਿਂ;

੨੩. ਯਤ੍ਥ’ਙ੍ਗਨਾਨਂ ਪਟਿਬਿਮ੍ਬਿਤਾਨਿ

ਆਦਾਸਭਿਤ੍ਤੀਸੁ ਮੁਖਮ੍ਬੁਜਾਨਿ,

ਆਸੁਂ ਵਿਘਾਤਾਯ ਮਧੁਬ੍ਬਤਾਨਂ

ਵਿਲੋਚਨਾਲੀਨ ਮਨੁਗ੍ਗਹਾਯ;

੨੪. ਸਮ੍ਮਤ੍ਤ ਮਾਤਙ੍ਗ ਧਰਾਧਰੇਹਿ

ਯਸ੍ਮਿਂ ਅਭਿਸ੍ਸਨ੍ਦ ਮਦਸ੍ਸਵਨ੍ਤਿ,

ਤੁਰਙ੍ਗ ਰਙ੍ਗੇਹੀ ਤਰਙ੍ਗ ਮਾਲਾ

ਸਮਾਕੁਲੇਵਾ’ਸਿ ਵਿਧੂਤ ਧੂਲੀ;

੨੫. |ਓ੦.੦੦੧੨|

ਨਿਕ੍ਖਿਤ੍ਤਵੀਣਾ ਮਣਿਨੁਪੁਰਾਨਂ

ਵਿਲਾਸਿਨੀਨਂ ਮੁਦੁਪਾਣਿ ਪਾਦੇ,

ਮਤ੍ਤਾਲਿਮਾਲਾ ਕਲਨਾਦਿਨੀ ਕਿਂ

ਨਾਲਙ੍ਕਰੁਂ ਯਤ੍ਥ ਕਤਾਵਕਾਸਾ;

੨੬. ਧਵਤ੍ਥਿਨੀਨਂ ਕੁਚਸਾਰਸੇਹਿ

ਨੇਤ੍ਤਾਲਿਭਾਰਾ’ਨਨਨੀਰਜੇਹਿ,

ਯਾ ਹਾਸਵੀਚੀਹਿ ਪੁਰੀ ਰਜਨ੍ਯਾ

ਰਰਾਜ ਸਮਫੁਲ੍ਲਸਰੋਜਿਨੀ’ਵ;

੨੭. ਚਨ੍ਦਪ੍ਪਭਾ ਚੁਮ੍ਬਿਤ ਚਨ੍ਦਕਨ੍ਤ

ਪਾਸਾਣਧਾਰਾ ਮਣਿਚਨ੍ਦਿਕਾਸੂ,

ਚਨ੍ਦਾਨਨਾਨਂ ਯਹਿ ਮਙ੍ਗਨਾਹਂ

ਪਰਿਸ੍ਸਮਸ੍ਸੋ’ਪਸਮਾਯ’ਹੇਸੁਂ;

੨੮. |ਓ੦.੦੦੧੩|

ਯਸ੍ਮਿਂ ਪੂਰੇ ਉਦ੍ਧਮਧੋ ਵਿਨਦ੍ਧ-

ਜੁਤਿਪ੍ਪਬਨ੍ਧੋ ਮਣਿਮਨ੍ਦਿਰਾਨਂ,

ਸਮੁਬ੍ਬਹੀ ਗੇਰੁਕ ਪਙ੍ਕ ਦਿਦ੍ਧ-

ਵਿਤਾਨ ਪਚ੍ਚਤ੍ਥਰਣਬ੍ਬਿਲਾਸਂ

੨੯. ਸੁਵਣ੍ਣ ਮੁਤ੍ਤਾ ਮਣਿ ਵਂਸਵਣ੍ਣਾ-

ਪਵਾਲ਼ ਰੂਪੀ ਵਜਿਰੇਹਿਞ੍ਚਾ’ਪਿ,

ਯਾ ਸਤ੍ਤਧਞ੍ਞੇਹਿ ਧਨੇਹਿ ਫੀਤਾ

ਅਹੂ ਪੁਰਿ ਧਞ੍ਞਵਤੀ’ਵ ਨਾਰੀ; (ਸਿਲੇਸਬਨ੍ਧਨਂ)

੩੦. ਪਸਾਰਿਤਾ’ਨੇਕਦਿਸਾਮੁਖੇਸੁ

ਵਿਚਿਤ੍ਤਵਤ੍ਥਾ’ਭਰਣਾਦਿਪੂਰਾ,

ਯਤ੍ਥਾ’ਪਣਾ ਨਿਜ੍ਜਿਤਕਪ੍ਪਰੁਕ੍ਖਾ

ਕਰਿਂਸੁ ਲੋਕਾਭਿਮਤਤ੍ਥਸਿਦ੍ਧਿਂ;

੩੧. |ਓ੦.੦੦੧੪|

ਪਰਾਗਰਤ੍ਤਾ ਮਧੁਪਾਤਿਮਤ੍ਤਾ

ਸਮ੍ਹਿਨ੍ਨਵੇਲਾ ਘਨਨੀਲਵਾਲਾ,

ਹਂਸਾਸਯਾ ਪਞ੍ਚਸਰਾਭਿਰਾਮਾ

ਯਸ੍ਮਿਂ ਤਲ਼ਾਕਾ ਵਿਯ ਕਾਮਭੋਗੀ; (ਸਿਲੇਸਬਨ੍ਧਨਂ)

੩੨. ਪੁਰਨ੍ਤਰਸ੍ਮਿਂ ਰਤਨਗ੍ਘਿਕਾਨਂ

ਰਂਸਿਪ੍ਪਬਨ੍ਧੇਹਿ ਹਤਨ੍ਧਕਾਰੇ,

ਕੁਨ੍ਦਾਰਵਿਨ੍ਦਬ੍ਭੁਦਯੇਨਯਸ੍ਮਿਂ

ਰਤ੍ਤਿਨ੍ਦਿਵਾਭੇਦ ਮਵੇਦਿ ਲੋਕੋ;

੩੩. |ਓ੦.੦੦੧੫|

ਮਾਤਙ੍ਗਜੀਮੂਤਘਟਾਯ ਘਣ੍ਟਾ-

ਟਙ੍ਕਾਰਗਮ੍ਭੀਰਰਵਾਯ ਯਸ੍ਮਿਂ,

ਪਲਮ੍ਭੀਤਾ ਮਤ੍ਤਸਿਖਣ੍ਡਿਮਾਲਾ

ਅਕਾ ਵਿਕਾਲੇਪਿ ਅਖਣ੍ਡਕੀਲ਼ਂ;

੩੪. ਪੁਰਮ੍ਹਿ ਯਸ੍ਮਿਂ ਚਰਣਮ੍ਬੁਜੇਹਿ

ਵਧੂਜਤੋ ਬਨ੍ਧਿਤਨੂਪੁਰੇਹਿ,

ਵਿਕਾਸ ਕੋਕਾਸਨ ਸੀਸ ਬਦ੍ਧ