੩. ਪਞ੍ਞਾਵਿਮੁਤ੍ਤਸੁਤ੍ਤਂ

੪੪. ‘‘‘ਪਞ੍ਞਾਵਿਮੁਤ੍ਤੋ ਪਞ੍ਞਾਵਿਮੁਤ੍ਤੋ’ਤਿ, ਆਵੁਸੋ, ਵੁਚ੍ਚਤਿ. ਕਿਤ੍ਤਾਵਤਾ ਨੁ ਖੋ, ਆਵੁਸੋ, ਪਞ੍ਞਾਵਿਮੁਤ੍ਤੋ ਵੁਤ੍ਤੋ ਭਗਵਤਾ’’ਤਿ?

‘‘ਇਧਾਵੁਸੋ, ਭਿਕ੍ਖੁ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ, ਪਞ੍ਞਾਯ ਚ ਨਂ ਪਜਾਨਾਤਿ. ਏਤ੍ਤਾਵਤਾਪਿ ਖੋ, ਆਵੁਸੋ, ਪਞ੍ਞਾਵਿਮੁਤ੍ਤੋ ਵੁਤ੍ਤੋ ਭਗਵਤਾ ਪਰਿਯਾਯੇਨ…ਪੇ….

‘‘ਪੁਨ ਚਪਰਂ, ਆਵੁਸੋ, ਭਿਕ੍ਖੁ ਸਬ੍ਬਸੋ ਨੇਵਸਞ੍ਞਾਨਾਸਞ੍ਞਾਯਤਨਂ ਸਮਤਿਕ੍ਕਮ੍ਮ ਸਞ੍ਞਾਵੇਦਯਿਤਨਿਰੋਧਂ ਉਪਸਮ੍ਪਜ੍ਜ ਵਿਹਰਤਿ, ਪਞ੍ਞਾਯ ਚਸ੍ਸ ਦਿਸ੍ਵਾ ਆਸਵਾ ਪਰਿਕ੍ਖੀਣਾ ਹੋਨ੍ਤਿ, ਪਞ੍ਞਾਯ ਚ ਨਂ ਪਜਾਨਾਤਿ. ਏਤ੍ਤਾਵਤਾਪਿ ਖੋ, ਆਵੁਸੋ, ਪਞ੍ਞਾਵਿਮੁਤ੍ਤੋ ਵੁਤ੍ਤੋ ਭਗਵਤਾ ਨਿਪ੍ਪਰਿਯਾਯੇਨਾ’’ਤਿ. ਤਤਿਯਂ.