੧੦. ਭਵਸੁਤ੍ਤਂ

੧੦੫. ‘‘ਤਯੋਮੇ, ਭਿਕ੍ਖਵੇ, ਭਵਾ ਪਹਾਤਬ੍ਬਾ, ਤੀਸੁ ਸਿਕ੍ਖਾਸੁ ਸਿਕ੍ਖਿਤਬ੍ਬਂ. ਕਤਮੇ ਤਯੋ ਭਵਾ ਪਹਾਤਬ੍ਬਾ? ਕਾਮਭਵੋ, ਰੂਪਭਵੋ, ਅਰੂਪਭਵੋ – ਇਮੇ ਤਯੋ ਭਵਾ ਪਹਾਤਬ੍ਬਾ. ਕਤਮਾਸੁ ਤੀਸੁ ਸਿਕ੍ਖਾਸੁ ਸਿਕ੍ਖਿਤਬ੍ਬਂ? ਅਧਿਸੀਲਸਿਕ੍ਖਾਯ, ਅਧਿਚਿਤ੍ਤਸਿਕ੍ਖਾਯ, ਅਧਿਪਞ੍ਞਾਸਿਕ੍ਖਾਯ – ਇਮਾਸੁ ਤੀਸੁ ਸਿਕ੍ਖਾਸੁ ਸਿਕ੍ਖਿਤਬ੍ਬਂ. ਯਤੋ ਖੋ, ਭਿਕ੍ਖਵੇ, ਭਿਕ੍ਖੁਨੋ ਇਮੇ ਤਯੋ ਭਵਾ ਪਹੀਨਾ ਹੋਨ੍ਤਿ, ਇਮਾਸੁ ਚ ਤੀਸੁ ਸਿਕ੍ਖਾਸੁ ਸਿਕ੍ਖਿਤਸਿਕ੍ਖੋ ਹੋਤਿ – ਅਯਂ ਵੁਚ੍ਚਤਿ, ਭਿਕ੍ਖਵੇ, ਭਿਕ੍ਖੁ ਅਚ੍ਛੇਚ੍ਛਿ ਤਣ੍ਹਂ, ਵਿਵਤ੍ਤਯਿ ਸਂਯੋਜਨਂ, ਸਮ੍ਮਾ ਮਾਨਾਭਿਸਮਯਾ ਅਨ੍ਤਮਕਾਸਿ ਦੁਕ੍ਖਸ੍ਸਾ’’ਤਿ. ਦਸਮਂ.