੮. ਬਲਸੁਤ੍ਤਂ

੭੨. ‘‘ਛਹਿ, ਭਿਕ੍ਖਵੇ, ਧਮ੍ਮੇਹਿ ਸਮਨ੍ਨਾਗਤੋ ਭਿਕ੍ਖੁ ਅਭਬ੍ਬੋ ਸਮਾਧਿਸ੍ਮਿਂ [ਸਮਾਧਿਮ੍ਹਿ (ਕ.)] ਬਲਤਂ ਪਾਪੁਣਿਤੁਂ. ਕਤਮੇਹਿ ਛਹਿ? ਇਧ, ਭਿਕ੍ਖਵੇ, ਭਿਕ੍ਖੁ ਨ ਸਮਾਧਿਸ੍ਸ ਸਮਾਪਤ੍ਤਿਕੁਸਲੋ ਹੋਤਿ, ਨ ਸਮਾਧਿਸ੍ਸ ਠਿਤਿਕੁਸਲੋ ਹੋਤਿ, ਨ ਸਮਾਧਿਸ੍ਸ [ਨ ਸਮਾਧਿਮ੍ਹਾ (ਕ.) ਉਪਰਿਸਤ੍ਤਕਨਿਪਾਤੇ ਦੇਵਤਾਵਗ੍ਗੇ ਪਨ ਸਬ੍ਬਤ੍ਥਪਿ ‘‘ਸਮਾਧਿਸ੍ਸ’’ਇਤ੍ਵੇਵ ਦਿਸ੍ਸਤਿ] ਵੁਟ੍ਠਾਨਕੁਸਲੋ ਹੋਤਿ, ਅਸਕ੍ਕਚ੍ਚਕਾਰੀ ਚ ਹੋਤਿ, ਅਸਾਤਚ੍ਚਕਾਰੀ ਚ, ਅਸਪ੍ਪਾਯਕਾਰੀ ਚ. ਇਮੇਹਿ ਖੋ, ਭਿਕ੍ਖਵੇ, ਛਹਿ ਧਮ੍ਮੇਹਿ ਸਮਨ੍ਨਾਗਤੋ ਭਿਕ੍ਖੁ ਅਭਬ੍ਬੋ ਸਮਾਧਿਸ੍ਮਿਂ ਬਲਤਂ ਪਾਪੁਣਿਤੁਂ.

‘‘ਛਹਿ, ਭਿਕ੍ਖਵੇ, ਧਮ੍ਮੇਹਿ ਸਮਨ੍ਨਾਗਤੋ ਭਿਕ੍ਖੁ ਭਬ੍ਬੋ ਸਮਾਧਿਸ੍ਮਿਂ ਬਲਤਂ ਪਾਪੁਣਿਤੁਂ. ਕਤਮੇਹਿ ਛਹਿ? ਇਧ, ਭਿਕ੍ਖਵੇ, ਭਿਕ੍ਖੁ ਸਮਾਧਿਸ੍ਸ ਸਮਾਪਤ੍ਤਿਕੁਸਲੋ ਹੋਤਿ, ਸਮਾਧਿਸ੍ਸ ਠਿਤਿਕੁਸਲੋ ਹੋਤਿ, ਸਮਾਧਿਸ੍ਸ ਵੁਟ੍ਠਾਨਕੁਸਲੋ ਹੋਤਿ, ਸਕ੍ਕਚ੍ਚਕਾਰੀ ਚ ਹੋਤਿ, ਸਾਤਚ੍ਚਕਾਰੀ ਚ, ਸਪ੍ਪਾਯਕਾਰੀ ਚ. ਇਮੇਹਿ ਖੋ, ਭਿਕ੍ਖਵੇ, ਛਹਿ ਧਮ੍ਮੇਹਿ ਸਮਨ੍ਨਾਗਤੋ ਭਿਕ੍ਖੁ ਭਬ੍ਬੋ ਸਮਾਧਿਸ੍ਮਿਂ ਬਲਤਂ ਪਾਪੁਣਿਤੁ’’ਨ੍ਤਿ. ਅਟ੍ਠਮਂ.