੧. ਅਕ੍ਕੋਸਕਸੁਤ੍ਤਂ

੨੧੧. ‘‘ਯੋ ਸੋ, ਭਿਕ੍ਖਵੇ, ਭਿਕ੍ਖੁ ਅਕ੍ਕੋਸਕਪਰਿਭਾਸਕੋ ਅਰਿਯੂਪਵਾਦੀ ਸਬ੍ਰਹ੍ਮਚਾਰੀਨਂ, ਤਸ੍ਸ ਪਞ੍ਚ ਆਦੀਨਵਾ ਪਾਟਿਕਙ੍ਖਾ. ਕਤਮੇ ਪਞ੍ਚ? ਪਾਰਾਜਿਕੋ ਵਾ ਹੋਤਿ ਛਿਨ੍ਨਪਰਿਪਨ੍ਥੋ [ਛਿਨ੍ਨਪਰਿਬਨ੍ਧੋ (ਕ.)], ਅਞ੍ਞਤਰਂ ਵਾ ਸਂਕਿਲਿਟ੍ਠਂ ਆਪਤ੍ਤਿਂ ਆਪਜ੍ਜਤਿ, ਬਾਲ਼੍ਹਂ ਵਾ ਰੋਗਾਤਙ੍ਕਂ ਫੁਸਤਿ, ਸਮ੍ਮੂਲ਼੍ਹੋ ਕਾਲਂ ਕਰੋਤਿ, ਕਾਯਸ੍ਸ ਭੇਦਾ ਪਰਂ ਮਰਣਾ ਅਪਾਯਂ ਦੁਗ੍ਗਤਿਂ ਵਿਨਿਪਾਤਂ ਨਿਰਯਂ ਉਪਪਜ੍ਜਤਿ. ਯੋ ਸੋ, ਭਿਕ੍ਖਵੇ, ਭਿਕ੍ਖੁ ਅਕ੍ਕੋਸਕਪਰਿਭਾਸਕੋ ਅਰਿਯੂਪਵਾਦੀ ਸਬ੍ਰਹ੍ਮਚਾਰੀਨਂ, ਤਸ੍ਸ ਇਮੇ ਪਞ੍ਚ ਆਦੀਨਵਾ ਪਾਟਿਕਙ੍ਖਾ’’ਤਿ. ਪਠਮਂ.